|
الشيوعيين ومصفى الزيت ....
|
لقيت عناوين "عاطف مكاوي" الدفاعية كترت ...
قلت اديهو بوست هجومي بعنوان درامي يجهجه ابو اجتماع اللجنة المركزية ظاطو ...
رغم اني ما بعرف علاقة مباشرة وواضحة بين الحزب ومصفى الزيت ...
(ما يطلع زي عنوان الإنقلاب بتاع ناصر يوسف!)
... المهم ....
|
|
|
|
|
|
|
|
Re: الشيوعيين ومصفى الزيت .... (Re: تبارك شيخ الدين جبريل)
|
طيب نبدا بى الديموقراطية ...
الشيوعيين شموليين ... لاكين سامّين روحم "ديموقراطيين" ...
زي مثلاً ناس يعملوا ليهم عصابة لاختطاف واغتصاب القصّر ... ويسمّوها "جمعية عباد الله الصالحين" ..
الاسم ممكن يجيب اعضاء جدد كمية ...
فهل الشيوعيين ديموقراطيين؟
حا ناخدا من حيث المبدأ ومن حيث الممارسة ...
... المهم ....
| |
|
|
|
|
|
|
Re: الشيوعيين ومصفى الزيت .... (Re: حيدر حسن ميرغني)
|
Quote: رغم اني ما بعرف علاقة مباشرة وواضحة بين الحزب ومصفى الزيت ...
|
لو كنت بتمتلك ادوات تحليل كان عرفت العلاقة الجدلية بين المصف و الزيت اول حاجة!
-----
في العلاقة بين الزيت و الشيوعيين راجع فترات وصولم للسلطة .. (للضمان كدا .. نقول "عالمياً")
بكونوا طلّعوا زيت الشعب
| |
|
|
|
|
|
|
Re: الشيوعيين ومصفى الزيت .... (Re: قيقراوي)
|
Quote: لقيت عناوين "عاطف مكاوي" الدفاعية كترت ...
قلت اديهو بوست هجومي بعنوان درامي يجهجه ابو اجتماع اللجنة المركزية ظاطو ...
رغم اني ما بعرف علاقة مباشرة وواضحة بين الحزب ومصفى الزيت ...
(ما يطلع زي عنوان الإنقلاب بتاع ناصر يوسف!) |
يا اللخو ...... الموضوع فيهو (توفيق) والا شئ؟
يعني .. لو في توفيق .. إتوكّل وواصل .. ولو مافي توفيق ... نتوكّل ونتخارج.
_____ في كل الأحوال، أحسن نتخارج قبل ما يلمّوا فيك الرفاق.
| |
|
|
|
|
|
|
Re: الشيوعيين ومصفى الزيت .... (Re: قيقراوي)
|
تبارك سلام مربع وسلام مصفى
العلاقة بين الشوعيين ومصفى الزيت هي كالآتي:
الزيت مادة لزجة وبطبيعتها اللزجة تعمل على تجميع الشوائب التي تنشأ داخل المحرك أثناء التشغيل
وتعمل المصفى على ترسيب تلك الشوائب في الجدر الغشائية لها حتى يعود الزيت صافياً للمحرك فيساعد على إنزلاق الأجزاء المتحركة من عمود كرنك وبساتم وكراسي محاور
وعندما ينتهي العمر الإفتراضي للمصفى لا تستطيع أن تنجز مهمة التنقية هذه فلذلك يجب تغييرها بمصفى جديد وإلا سوف يتعرض المحرك للدمار
ولكن حتى بعمليات تبديل المصفى في الوقت المناسب (حسب البرنامج الخاص بالصيانة الدورية والصيانة العلاجية) يظل هناك عمر إفتراضي للمحرك بعدها ينتهي
عشان كدا بتلقى السيارات الصغيرة عمرها الإفتراضي يتراوح ما بين 4 و 5 سنوا
وتجد بعدا يقوم المحاسبين بقيد سعرها الدفتري بالقيمة (صفر) بعد إنتهاء العمر الإفتراضي حيث يتم القيد سنوياً بخصم 20% إلى 25 من قيمة العربيةحتى تصل قيمته لصفر بعد 4 أو 5 سنوات
وطبعاً في معدات تانية ضخمة شوية عمرها الإفتراضي ممكن يكون 10 - 15 - 25 سنة
لكن خمسين سنة عمر إفتراضي لمحرك ما أظن !!
________________________
كدي يا تبارك رتب المعلومات وأطلع منها بعلاقة مستخدماً الديالكتيك طبعاً
| |
|
|
|
|
|
|
Re: الشيوعيين ومصفى الزيت .... (Re: Asim Fageary)
|
العلاقة البين الشيوعيين ومصفى الزيت هي نفس العلاقة البينو بين الغابة والهبابة والربابة والمنديل ومجرى النيل وضلفة باب وبكية طفلة في الكتّاب تفتش عن قلم رصاص وقع في الباص وحس رصاص هدر في ناحية فيها العيش حكر للجيش بتاكل من زمن مافيش وتشرب من زمن مافيش وكان اضراب
والله يا عاصم الياء الفي اسمك دي اصلو ما لازماك تبارك كيفك باخ؟
| |
|
|
|
|
|
|
Re: الشيوعيين ومصفى الزيت .... (Re: elsawi)
|
Quote: وتجد بعدا يقوم المحاسبين بقيد سعرها الدفتري بالقيمة (صفر) بعد إنتهاء العمر الإفتراضي حيث يتم القيد سنوياً بخصم 20% إلى 25 من قيمة العربيةحتى تصل قيمته لصفر بعد 4 أو 5 سنوات
وطبعاً في معدات تانية ضخمة شوية عمرها الإفتراضي ممكن يكون 10 - 15 - 25 سنة
لكن خمسين سنة عمر إفتراضي لمحرك ما أظن !!
|
كلام غير سليم محاسبياً .. و لا من وجهة نظر (بزنس) خالص
وين قيمة الخردة!؟
و يستحيل تسجيل (أصل) بقيمة (صفر) او لا قيمة!! المعالجة المحاسبية بتكون دائماً ( التكلفة التاريخية - مجمع الاستهلاك (في اقصى حد له = ( التكلفة التاريخية -1) .. بالتالي اقل قيمة ممكنة هي (1)
و (الخردة) عندها قيمة .. اقل من (الجديدة) لكنها بالنسبة لمالك آخر تظل (مكينة) (جديدة) .. و ح (يشتري) بقيمة مساوية لقيمتها عنده .. بالتالي يصبح لها (قيمة) تكلفة .. تستهلك لحد (قيمة الخردة) عنده .. و هكذا دواليبك
العمر الافتراضي (نسبي) يا حبيب .. و لكلٍ حسب حاجته ( الواقعية) و من كلٍ حسب مقدرته (الشرائية)
-----
الراحل الخاتم كان محقاً في طلبه (تخريد) الماركسية .. لكن ما هو فهم (خردة) اساساً .. عند البعرفولو!!
| |
|
|
|
|
|
|
Re: الشيوعيين ومصفى الزيت .... (Re: Asim Fageary)
|
Quote: يا قيقراوي عارفين هنالك دبريشيشن وبعدين في قيمة الخردة
لكن انا بتكلم عن القيمة الدفترية لأنو سعر المعدة وهي خردة دا موضوع تاني
راجع معلوماتك valuation of assets
|
يا زول راجع معلوماتك دي تقولا لزول ما عندو مكتبة باللاي!!
في الحقيقة نحنا القاعدين نالف المعلومات البراجعوها العوام
-------
البركة البقيت (مهندس) و ما محاسب .. و البركة الما مراجعكم انا دا ..
كان قطعت ليك الدفاتر .. وصيت بطردك فوراً!!
قيمة دفترية صفر = اصل غير موجود
يعني اخلال باميز ميزات الاصل و طلعتو من تعريفه العلمي المعياري الدولي " الملكية، و الحيازة" و اخليت باصول المراجعة في " التحقيق - تحقيق قيمة الاصل بالتقارير المالية)
اعد التفكير فيها كرتين يا حبيب!
| |
|
|
|
|
|
|
Re: الشيوعيين ومصفى الزيت .... (Re: Asim Fageary)
|
Quote: ليقاتك عينة- بتجيب باميتها من وين إنت ؟ |
إنت بتسمي دي لياقة ياعاصم !!؟ شكلك مامتابع خايف أبالغ لو قلت ليك أنا أول مرة أفهم فحوي ومضمون مداخلة للأخ قيقراوي .. وللأمانة زمان كنت بعيد القراية مرتين وتلاتة .. لكن في الوقت الحالي بجي ماشي فيها بي مرة مافي زاااتو(بكل أسف ) !
المهم .. لك جزيل الشكر
| |
|
|
|
|
|
|
Re: الشيوعيين ومصفى الزيت .... (Re: السيد المسلمي)
|
Quote: خايف أبالغ لو قلت ليك أنا أول مرة أفهم فحوي ومضمون مداخلة للأخ قيقراوي .. وللأمانة زمان كنت بعيد القراية مرتين وتلاتة .. لكن في الوقت الحالي بجي ماشي فيها بي مرة مافي زاااتو(بكل أسف ) !
|
| |
|
|
|
|
|
|
Re: الشيوعيين ومصفى الزيت .... (Re: السيد المسلمي)
|
سيدنا المسلمي
Quote:
|
و الله النصيحة - ان اليومين ديل مالي توفيقي بقا قليل* - النصيحة مداخلتك الاولى ما فرزهتا اهي :
- مدح .. ام: - قدح .. اي (بل) بلغة عوام البروفات - ام مدح بما يشبه البل!!
فالمت بي رغبة في البكاء ..
زمان وضونا .. ما على الوطن .. ديلاك جدودنا ..
لو سئلت عن الشمس في بلد العناكب ..
قل اني بي ... اللخ اللخ حتى البكاء .. و الظاهرة اعلاه
شفت كيف؟
ما تقول الحمد لله ما بقيت برجوازي صغير قصير النفس زي البروف، مشيت انتحرت طوالي!؟
------
و انت بتستخدم الاسكرول داون .. بالله انتبهت للوردة!
دعوا الاقحوان يتفتح ياخي!
| |
|
|
|
|
|
|
Re: الشيوعيين ومصفى الزيت .... (Re: قيقراوي)
|
ده زيت أولاد قبايل و لا أولاد أم فكو ساااااكت؟ أفرز لينا يا دجانقو ودضحوية
الليله الأحد ... المهم دى نشوف آخرتا
------------------------------------------------------------------- بره الموضوع و جوه القلب تانى البركه فيك و فينا و في الجميع فاجعة ود الزين
| |
|
|
|
|
|
|
Re: الشيوعيين ومصفى الزيت .... (Re: قيقراوي)
|
أولاً ... الدوموغراتية (ونحن نتحدث هنا عن تحوّل الخردة إلى زبالة ... حيث سين تؤول إلى صفر ... تكون نهاية شين!) أصول الدوموغراتية Assets of Democracy بى لغة المحاسبية: 1- تمثيل الشعب على تلاتة مراحل ... تمثيل حكومي (تنفيذي) ... تمثيل نيابي ... تمثيل رأي (يعني تصويت مباشر دون نيابة ... استفتاء تقرير مصير .. اجماع شعبي على تشريع محدد ... مشورة شعبية ... تعديل دستوري ... هلم جرا) نبدا بتمثيل الشعب كأصل قيمتو = 100 وحدة قيمية (نتفق على العملة بعدين .. احتمال تطل "زيت")
2- الرقابة على النظام الحكومي والنيابي على تلاتة مراحل ... مرحلة النواب نفسهم رقابة ومحاسبة لأداء الحكومة (محاسبة جدجد نوع سجن وغرامة وكدا) ... ومرحلة القضاء المستقل (إن استطاع إلى الإستقلال سبيلا) يفصل في الشؤون الدستورية المختلف عليها بين الحكومة والنواب ... ومرّحلة الرقابة التالتة هي المجتمع المدني - ما العلماني - بصحافتو وإعلامو ومنظماتو الإنسانية وكتل وشبكات الأنشطة السياسية والإجتماعية المختلفة ... الرغابة القبلية والبعدية كأصل نقول قيمتها .... 101 وحدة زيتية (دا لو اتفقنا على الزيت من منو)
3- الحرية ... دي بقى تعريفها أعيا الفقهاء - الحرّة، مثلاً، تعرف بالحجاب - والفلاسفة والمفكّرين ... يعني أعيت البيشغّلوا مخهم والفقها ... في الآخر الناس اتفقت على حزمة قانونية محددة من الحقوق والحريات الأساسية حسب التعريف الكوني .. الحرية كأصل بنديها قيمة = 28 (بعدد الحقوق والحريات الواردة في الإعلان العالمي لحقوق الإنسان في 30 مادة)
أها ... حا نبدا ندخل في الغريق ... بعد فحص الأصول الخردة في أيلولتها للصفر ..
... المهم ....
| |
|
|
|
|
|
|
Re: الشيوعيين ومصفى الزيت .... (Re: تبارك شيخ الدين جبريل)
|
Quote: (ما يطلع زي عنوان الإنقلاب بتاع ناصر يوسف!)
|
لووووووووووووول جاتني في صمة خشمي الحياكلو الدود ده
تبارك الي كان .. وينك يا رجل والله قطعنا فيك أنا وأميمه شيخ الدين قلت ليها ماني مشتهي غير أخوي تبارك الشين ده
ومبروك المولود
علا هسي كللامي الفوق ده علاقته شنو بالزيوت والمصافي والشيوعيين ؟؟
| |
|
|
|
|
|
|
Re: الشيوعيين ومصفى الزيت .... (Re: ناصر يوسف)
|
Quote: ده زيت أولاد قبايل و لا أولاد أم فكو ساااااكت؟ أفرز لينا يا دجانقو ودضحوية
الليله الأحد ... المهم دى نشوف آخرتا
------------------------------------------------------------------- بره الموضوع و جوه القلب تانى البركه فيك و فينا و في الجميع فاجعة ود الزين |
البركة فينا وفيك يا عصام جبرالله ... حليلم اخوان البنات العلّموا الجبل الثبات ...
التحايا واصلة يا ناصر ... واشواقي الكتيرة ... وطبعاً البوست ما بسألك فيهو ..
... المهم ....
| |
|
|
|
|
|
|
|