|
Re: عندما دخلت محكمة النظام العام (Re: حمد فتح الرحمن)
|
حمد وين يا صديق انت !! ولا العيد يجيبكـ ولا حتي رسالة بس جاي للشماته مش كده صاحبكـ الوغد ضرب لي تلفون قلت ليو في السودان شال الرقم و منتظرو يتصل ليوم الليلة لكن برضو فيو الخير اتذكرنا مع الهيلمانت بتاعتو
-- أثناء قرائتي للجريدة و المحكمة شغالة دخل ولد مراهق و معاه واحده في نهاية الاربعينات ان لم تكن في الخمسينات .. و دخل الشاكي ( عسكري شرطة النظام العام ) و بداء الاسئلة الروتينية للشاكي الاسم ... العمر .. العنوان ... المهنة ... الديانة .. الحالة الاجتماعية .. البلاغ .. البلاغ: أثناء تواجدنا بالمقر في المنطقة ....... ضبطنا المتهم يضع يديه علي فخذي المتهمة في مكان عام ( حديقة .... ) و عليه تم إحضارهما لمخالفتهم للمادة ... ( فعل فاحش في مكان عام )
نفس الاسئلة للمتهم الاسم ... العمر .. 19 سنة العنوان ... المهنة ... طالب الديانة .. الحالة الاجتماعية .. عازب اين كنت في يوم ... الساعة .... مع من ؟ - في حديقة .... مع المتهمة ... هل كنت تضع يديكـ علي فخذيها كما اشار الشاكي ؟ - نعم
نفس الاسئلة للمتهمة الاسم ... العمر .. 25 سنة ( طبعا انا قربت اقول ليها تعالي ارضعي ) العنوان ... المهنة ... لا يوجد الديانة .. الحالة الاجتماعية .. بعد تفكير .... مطلقة اين كنت في يوم ... الساعة .... مع من ؟ - في حديقة .... مع المتهم ... هل كان يضع يديه علي فخذيكـ كما اشار الشاكي ؟ - نعم
سؤال للولد: في زول معاكـ من أهلك هنا ؟؟ الولد : ايوه "عمي"
الحكم: الجلد 40 جلدة و الغرامة 100 جنيه ( الجديد ) ؛ في حالة العدم السجن شهرين لكل منهما .
الولية سكلبت و قالت ما عندها قروش .. قال للعسكري وديها الحراسة بعد ما تنجلد.
بعد كده نادي العسكري و قال ليو نادي عم الولد من بره.. و قال ليو بصورة شخصية .. الرجاء انكم تنتبهو للولد و تحاولو تصلحو الغلط عشان ما يمشي لحتات اكبر من كده.
الجدير بالذكر ( شديده دي عجبتني ) انه الوليه انجلدت داخل حرم المحكمة دون حضور اي شخص عدا القاضي و الجلاد و انجلدت وهي جالسة. الولد انجلد بره قدام الناس ... و دفع الغرامة و شتت.. بعد المحكمة انتهت القاضي سال الحاجب .. الولية دفعت الغرامة فاجابه بنعم و اشار لانها اتصلت و حضر شخص و دفع ليها الغرامة .
|
|
|
|
|
|
|
العنوان |
الكاتب |
Date |
عندما دخلت محكمة النظام العام | فيصل نوبي | 10-23-07, 06:35 AM |
Re: عندما دخلت محكمة النظام العام | قرشـــو | 10-23-07, 07:23 AM |
Re: عندما دخلت محكمة النظام العام | Elawad Eltayeb | 10-23-07, 07:53 AM |
Re: عندما دخلت محكمة النظام العام | فيصل نوبي | 10-23-07, 09:25 AM |
Re: عندما دخلت محكمة النظام العام | فيصل نوبي | 10-23-07, 09:15 AM |
Re: عندما دخلت محكمة النظام العام | محمد زكريا | 08-04-10, 11:58 PM |
Re: عندما دخلت محكمة النظام العام | حمد فتح الرحمن | 10-23-07, 09:34 AM |
Re: عندما دخلت محكمة النظام العام | فيصل نوبي | 10-23-07, 10:13 AM |
Re: عندما دخلت محكمة النظام العام | تماضر الخنساء حمزه | 10-23-07, 09:38 AM |
Re: عندما دخلت محكمة النظام العام | Ashraf El Bagir | 10-23-07, 10:05 AM |
Re: عندما دخلت محكمة النظام العام | بكرى ابوبكر | 08-04-10, 04:44 PM |
Re: عندما دخلت محكمة النظام العام | خالد عبد الله محمود | 08-04-10, 05:06 PM |
Re: عندما دخلت محكمة النظام العام | دينا خالد | 08-04-10, 06:31 PM |
Re: عندما دخلت محكمة النظام العام | طارق ميرغني | 08-04-10, 11:40 PM |
Re: عندما دخلت محكمة النظام العام | اشرف السر | 08-04-10, 11:53 PM |
|
|
|