|
|
|
 Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
مقدمة لابد منها فعذرا ولكن حتي أضع القارئ في الصورة تماماً:-
تزوجت من نجلاء سيد أحمد وانا طالب بكلية الاقتصاد والدراسات الاجتماعية
جامعة الخرطوم في عام 1995 ... وليلة القبض هذه كانت في عام 1996 اي
بعد عام من زواجنا ...
كانت الجامعة حينها مشغولة بأمرين الامتحانات ودوري الجامعة .. والحدثين
طبعا يكادا يكونان أهم حدثين خلال السنة الدراسية وقد كنت حينها بالسنة
الاخيرة بالكلية مما استوجب اقامتي بالداخلية عشان التحصيل وأشياء اخري
( لا تصلح للنشر ) ...
فاصل ونواصل
| |
 
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
وفي يوم كأس الدوري جاءت نجلاء سيد أحمد ( زوجتي ) تترأس وفد عالي
المستوي يتكون من : أخي مازن عثمان الامين وصديقنا عمار فضل محمد فضل
بغرض تشجيع فريق كلية الاقتصاد والذي ينافس ان لم تخني الذاكرة فريق
مجمع شمبات علي كأس الدوري ، كنت مهتما جدا بالفريق فكله اصدقائي بدء بالحارس
محمد الامين بشري مرورا ببدر الدين مكناكي وحتي رأس الحربة أدم عمر ..
استقبلنا الشمبات بالهتاف الشهير : الشمباته بهائم السنتر واستقبلت ايضاً
شباكنا هزيمة فادحة وخسرنا الكأس .. احبطت ايما احباط وقررت العودة مع نجلاء
والوفد المرافق للمنزل بالديم ...
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
عندما وصلنا نادي ناصر الثقافي ( تقاطع ش القصر مع البلدية )
انتهر شخص يرتدي زي مدني نجلاء وقال لها : اسمع هووي ارفعي الطرحة دي
في رأسك ... نجلاء ردت عليه : لا
امرنا بالتوقف وطلب مني : اسمع خلي الزولة دي ترفع الطرحة في رأسها ،
قلت له : لا ما بترفعها وموش قالت لك لا ..
صاحبنا طلب من بوليس يحرس مبني ناصر الثقافي ( اظن ان المبني صار يتبع لوزارة المالية )
ان يشوف معانا اللازم .. والبوليس طوالي اخدنا علي نقطة نظام عام موجودة في الجزء الشمالي الغربي
لابو جنزير
ساواصل
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: حاتم كاهن)
|
دخلنا ( الكبسولة) ... ديل مالهم ؟؟؟
رد الشخص بالزي المدني وحكي قصة الطرحة ..
فسأله الشخص المسئول : انت منو ؟
واتضح ان صديقنا ( الواعظ والامر برفع الطرحة )
فرد من جهاز الامن ..
عموما كان قرار المسئول بالكبسولة تحويلنا الي شرطة النظام
العام بالمقرن .. والعسكري الذي اصطحبنا الي هذا المبني كان فرحان جدا
وسريع مشي يجيب بوكسي
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
حدث حدثين مهمين في الفترة التي جري فيها العسكري عشان يجيب البوكسي :
الحدث الاول : فاوضني احد العساكر بأن فقط اعتذر وينتهي الموضوع فرفضت
لاني كنت شاعر بمهانة وذلة ما طبيعية .. وكنت شاعر ب ( جوع ) ما اعتيادي
والجوع ذو علاقة بالحدث الثاني فاثناء التفاوض وصل عدد واحد موتر والعسكري
الجالس خلف قائد الموتر شايل صحن فول مظبط وعيش حار .. اول ما خت صحن الفول
طوالي اتناولت عيشتين وبسرعة حشيت سندوتشين .. اديت نجلاء واحد وبديت اكل في التاني
وقلت لنجلاء اتعشي القصة دي قعد تزيد من حتة لي حتة ما معروف تصل بينا وين ؟؟
جاءني صول وبدء يسألني وبالمناسبة دي اول مرة يوجه لي سؤال ، اسمك منو ؟ ساكن وين ؟
شغال شنو ؟ قلت له طالب .. طالب وين ؟ في جامعة الخرطوم .. وعلاقتك بالزولة دي شنو ؟
زوجتي .. فقال لي : ايوه انت شكلك فيلسوف وعامل فيها رأسك كبير ، الليلة حا تشوف ..
ردت له : معاك حتي الموت والموت مشنوق في ابوجنزير دي .. وبعد داك لو عندك طريقة تلحقني
بتلقاني منتظرك .. ويبدو انني قد ( كفرت ) فهذا الشخص كان مهما جدا لديهم
اواصل
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
رد علي سؤال العوارة ، قال لي انا ما عوير ...
طيب نزل المسدس دا ، معقولة انط اخلي زوجتي ..
قول ما زوجتي انا مجنون اتلب اكسر كراعي من البوكس
نزل المسدس وسألني : انت ما بتخاف الله ؟
قلت له بخافه شديد ، ليه ؟
طيب ربنا قال المرأة تغطي رأسها ، انت تقول لينا لا ما بترفع الطرحة ...
سألته الاية شنو البتأمر انه المرأة تغطي رأسها ؟
اسقط في يده فلم يكن يحفظ الاية ...
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: احمد العربي)
|
ليس غريبا ان ياكل الاستاذ بخاري فول النظام العام ..
فقد تم استدعائي من النادي للتحقيق مع متهم بالقتل وكان امامي صحن فول .. سكبته في بطن الرغيفة وقررت ان التهمه
بالمكتب .. وعندما دخلت المكتب كان المتهم والحرس قد سبقوني اليه .. جلست واخرجت يومية التحري وسالت المتهم عن
اسمه وعمله وسكنه ألخ .. ثم سالته مباشرة " انت قتلت فلان؟ " فأجابني "كده استني دقيقة" .. ومد يده ببساطة شديده الي
ساندوتشي وبدأ في التهامه .. لم يكن بوسعي استرجاع الساندوتش منه رغم زمجرة الحرس .. كذلك منيت نفسي بان يكون
الساندوتش مدخلا لاعتراف كامل بالجريمة ..
بعد ان اكل المتهم .. سألني ببساطة .. "انت قلت الميت منو؟" فاخبرته .. فرد علي بكل اعتداد ان مثل هذه الاشكال لا تعرض
عليه واننا يجب ان نبحث هذه الجناية من زاوية حددها وثبتت صحتها في النهاية ..
المهم .. جاءني هذا الرجل بعد ايام وبيده ساندوتش فول وقدمه لي قائلا .. كده نكون حبايب ....
للعلم .. علي ايامنا لم يكن هناك ما بسمي قانون النظام العام ولا شرطة النظام العام ....
عمر علي حسن
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: عمر علي حسن)
|
بخاري
تحياتي لك ولنجلاء ولكل المتداخلين
عارف يا بخاري
عندي صاحبي محامي ( هسه محامي كبير وموثق عقود )
في فترتكم ديك
بععد ما نجح في المعادلة
ظهرت وظائف مستشارين في ديوانىالنائب العام
اها صاحبي مشى قدم
وفي ليلة المعانية جلس طول الليل يذاكر ونعش ذاكرته كي ينجح
اها زولي ده ما قضى ليهو دقيقتين بس في المعاينة
قال دخل
سالوهو سؤال واحد بس
يا فلان
نعم
اقرا اية الكرسي
ما حافظها
طيب مع الف السلامة
وخرج صديقي مذهولا من السؤال
ومذهولا اكثر لانه خريج جامعي وما حافظ اية الكرسي
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: خالد العبيد)
|
ساكمل القصة وبعدها اعود للرد علي المداخلات ...
وصلنا قسم النظام العام بالمقرن .. في الباب وجدنا عسكري
بدون اي ( شارات ) ثبتنا وسأل الذين يقتادوننا : 152
قال له : ايوه .. بدوري سألت العسكري المعاي 152 يعني شنو ؟
رد لي: بتعرف جوه .. بدأت افكر ياربي نحن عملنا شنو ؟ الطرحة
اسمها 152 ( كم كنت غبياً ) قررت بيني وبين نفسي ان امكث تاني
كل يوم ساعتين في مكتب العون القانوني بكلية القانون ... عموما
دخلنا الي مكتب الضابط المسئول وتصادف دخول آخرين معنا في ذات الوقت
وادي احدهم التحية وكان يرتدي عراقي وسروال ممزقيين وكم اعجبني هذا الرجل
من المباحث المركزية .. سأله الضابط عننا ( انا ونجلاء ) ديل معاهم ؟ رد بلا
وجهنا الضابط ومعنا الامنجي والبوليس حارس مبني نادي ناصر بالخروج من المكتب
والدخول بعد كشة ( البنقو ) ...
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: Elham abdelkhalig)
|
بعد كشة البنقو دخلنا للضابط ( العظيم ) ...
لا اتذكر رتبته بالضبط لكن يا ملازم تاني أو ملازم أول
ذو جسم رياضي ويظهر ان من نوع الشخصيات الحادة ...
سأل الحاصل شنو ؟
تقدم ( الامنجي ) بالرد : طبعا يا سعادتك البلد هسه بتمر بمرحلة
تأصيل اسلامي .. قاطعه الضابط : انا سألتك الحاصل شنو ؟ قول الحاصل
بدون شرح ومقدمات ...
ارتحت جدا لمقاطعة الضابط رغم ( دقنه ) وقلت الزول دا شكله حقاني
وانتهر الضابط الامنجي يلا خلصنا احكي المشكلة شنو ؟
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: Asim Fageary)
|
| Quote: يا بخاري إنت أوراق إثبات الملكية بتاعت المدام ما كنت شايلة معاك |
معقولة يا عاصم اكون شايل قسيمة معاي ؟؟
| Quote: غايتو كان أنا في مكانك كان تعبت معاهم تعب لأني كنت حأدخل في مضاربات وكان كسروني لمن إدشدشت |
الضرب حصل قدام ...
| Quote: القصة رائعة وجديرة بالتوثيق |
اذكرها بمرارة مبالغة الان لقد تعرضنا لصنوف من الاذي
لم يتعرض لها اي بشر ..
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: قلقو)
|
Quote: معليش يابخارى انا ماكنت متابع من اول .
قلت لى انتو بتاعين ياتو واحدة من الأتنين الفوق ديل ؟
مع تحياتى للأسرة الكريمة . |
قلقو انت يا زول ما عندك فكرة انه البنقو محرم
عندنا في الحزب ( دا با عتبار ما كان )
فالحزب الشيوعي يحرم تناول البنقو .. واعتبار
ما كان دي مقصود بها نحن ما الحزب فالبنقو ما يزال
محرما في الحزب الشيوعي السوداني ...
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
سلام يابخاري ..
الآن فقط حضرت ملامحكم الجميلة في ذاكرتي كاملة
انت ونجلاء .. تذكرتكم نعم كنت (متكيف )منكم
كدا ساي بدون سبب .
المكيفني اكتر ريدتكم لبعض البتشبه نقيد
الحمام في بستان القلب .
قبلكم بشوية كانت في احداث عنيفة
في الجامعة بتاعة التزوير
شاهدت بام عيني وانا داخل ارضية البوكس
اثنين يتحرشون بطالبة زميلتي
ويعلق احدهم تعليق لا يزال يرن في اذني
ياخ ماعاوزين معصعصات عاوزين اللبن اللبن .
وثارت ثورتي فقمت مندفعا من البوكس وهو متحرك وضربت قائل هذه المقولة
وارتميت معه وبه علي الارض ولكنهم تكالبو علي .
زيكو ..اقتصاد الدفعة القدامك
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بابكر عثمان مكي)
|
Quote: الآن فقط حضرت ملامحكم الجميلة في ذاكرتي كاملة
انت ونجلاء .. تذكرتكم نعم كنت (متكيف )منكم
كدا ساي بدون سبب . |
يا سنير اخبارك .. وتلك الملامح لعب فيها الزمن ما شاء له ...
Quote: قبلكم بشوية كانت في احداث عنيفة
في الجامعة بتاعة التزوير
شاهدت بام عيني وانا داخل ارضية البوكس
اثنين يتحرشون بطالبة زميلتي
ويعلق احدهم تعليق لا يزال يرن في اذني
ياخ ماعاوزين معصعصات عاوزين اللبن اللبن . |
وسمعنا بذاءات اشد من ذلك ورددنا عليها بكل امكانياتنا
نحن الان نتذكرها ونضحك وهم يتذكرونها ويتمنون ان يرجع الزمن
كي لا يقوموا بها شفت الفرق ... ننام مل جفوننا وتلاحقهم سياط
ما فعلوا بنا فلا يذوقون للنوم ولا الحياة متعة
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: SHIBKA)
|
Quote: انتهر شخص يرتدي زي مدني نجلاء وقال لها : اسمع هووي ارفعي الطرحة دي
في رأسك ... نجلاء ردت عليه : لا
امرنا بالتوقف وطلب مني : اسمع خلي الزولة دي ترفع الطرحة في رأسها ،
قلت له : لا ما بترفعها وموش قالت لك لا .. |
فترة قصيرة قضيتها ضابط بدار الشرطة ببري ....
في احدي ايام مناوبتي في الدار حوالي الساعة 7 م
وفي مروري على ارجاء الدار وصلت البوابة الرئيسية وجدت فرد امن الشرطة الموجود في الباب يستوقف احد الضباط
في شنو ياجماعة
والله ياجنابو الضابط ده معاهو ضيوف بنات حاسرات الرأس ...
يا اخوي حاسرات الرأس دي شنو مالم يعني ....
ما لبسين طرح ياجنابو وانا التعليمات العندي بت ما لابسة طرحة ما تخش النادي
اسمع والله انا تعليماتك دي ما عندي معاها شغلة
وانا الضابط المسئول هنا يعني انا في اللحظة دي مدير عام الشرطة في النادي
اتفضل ياجنابو ومعاك ضيوفك على الرحب والسعة ومعليش للعطلة دي
ولفرد الامن ما عندك مشكلة اكتب في تقريرك انك منعته الجماعة ديل وجنابو عمر امر بدخولم
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: omer osman)
|
نجلاء قاطعته وقالت للضابط الزول دا كذاب !
هاج الضابط وقال له : لمن اطلب منك تتكلمي هسه تسكتي .
وبعدين انا بصدق كلام العسكري بتاعنا بس ..
وبعد الامنجي سأل العسكري : الحصل شنو ؟
عاد العسكري كلام الامنجي بس بزيادة انه الراجل المعاها
قال لينا هسه دا شغل رجال دي ( ت_ع_ر_ص_ة) منكم ساي ..
وكان ماسكة من يدها .. ( انا بعد الكورة كنت زهجان من روحي دي
ثلاثة اهداف ولجت شباك حبيبتنا اقتصاد .. شمبات كان عنده حارس مرمي
اسمه احمد كمال او محمد كمال سميناه بعد الكورة الكديسة لانه كان ذيها
غلبنا نسجل ) .. قاطعت العسكري يدها شنو ياخ حرام عليك .. نلت نصيبي
من القمع والاسكات
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
بعدها سألني الضابط : الحصل شنو ؟
قلت له ببساطة الناس ديل قالوا لنجلاء ارفعي
الطرحة في رأسك وهي قالت لهم ( لا ) ... وطلبوا
مني انا انها ترفع الطرحة في رأسها قلت لهم ( لا )
سألني مرة اخري : شغال شنو ؟
رديت : طالب بجامعة الخرطوم كلية الاقتصاد المستوي الرابع.
علاقتك بنجلاء شنو ؟ زوجتي .. ( عقد حاجبه من الدهشة )
كنا انا ونجلاء ( حلاتنا ) صغار ونحيلي القوام بسبب الجوع وليس
برامج الحمية ..
طلب من قسيمة !!! قلت له ما شايلها معاي لكن تاني حا اختها في جيبي طوالي ..
فطلب احضار القسيمة واذا ما جاءت القسيمة سيتم الكشف علينا في المستشفي ..
سألته يكشفوا لينا شنو ؟ الناس ديل جابونا من الشارع يعني معقولة بس ؟؟ يا سعادتك
دا كلام شنو دا ؟
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
قال لي يازول بس جيب القسيمة( وانا كنت اصلا رسلت مازن اخوي الداخلية
من محطة ابو جنزير يرجع الداخلية الغرفة 7 المناهل في مرجع بتاع علوم سياسية
لبطرس بطرس غالي بتلقي القسيمة في داخله ) ....
الضابط طلب من العسكري احتجازنا خارج المكتب لحدي ما القسيمة تجئ ويبدو ان العسكري
فهم الاحتجاز دي انه يضربني .. مسكني من يدي الشمال ولواها لي والضابط ما كان منتبه
لانه انكب علي اوراق قدامه .. انا رديت علي العنف باعنف منه ولكمت البوليس بونية في وشه
مباشرة وتطاير دم منه .. انتبه الضابط للمعركة التي دارت وسأل العسكري : ليه كده انا قلت
لك الوي يده .. خليهم معاي في المكتب هنا وانت انتظر بره ..
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
بدنا ونسة مختلفة مع الضابط واعجبته شخصيتي
وطلع ( كوز ) وبدينا في نقد قانون النظام العام
واشتكي ان العساكر احيانا يزحمونهم بامور فارغة ساي
وبالمناسبة حضرنا معاه حلقة من المسلسل الشهير حينها ( اوشين )
وعند الساعة الثانية صباحا وقبل وصول القسيمة لانه مازن راح من القسم
( كان صغير ) .. سألني الضابط الحل شنو ؟ قلت له نتصل بوالد نجلاء قال
لي ياخ ما في داعي للازعاج .. ونادي العسكري قال له انا اتاكدت انه الناس
ديل متزوجين وحرك عربية وصلتنا الديم ..
وقال لي في النهاية : انت يا بخاري زول ( ديك ) يعني لو رفعت الطرحة وكسبت
زمنك موش كان أفضل لك ؟ رديت عليه : معركتي ليست الطرحة معركتي اكبر انا
انشد وطن ( علماني ) .. لا تتحكم فيه بتأويلات تخصك للدين وتسلطها علي رقاب
العباد ..
وفي النهاية :-
ما في حاجة ساي
كلو عندو دين
كلو عندو رأي ..
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: omer osman)
|
Quote: والله ياجنابو الضابط ده معاهو ضيوف بنات حاسرات الرأس ...
يا اخوي حاسرات الرأس دي شنو مالم يعني ....
ما لبسين طرح ياجنابو وانا التعليمات العندي بت ما لابسة طرحة ما تخش النادي
اسمع والله انا تعليماتك دي ما عندي معاها شغلة |
شفت يا جنابو عمر دي خطورة المسألة هنا انه القانون دا مطاط جدا
وحاجة عادية جدا غيرك يشوفها ما عادية خالص ... بنات جنابو دا ما لابسين طرح
نجلاء كانت الطرحة في بس واقعة من رأسها ...
وانا اتعطلت زمن طويل وتاني يوم كان عندي امتحان وامتحان في المستوي الرابع شفت
الزول دا عمل فيني شنو ؟ لو كنت وصلت بدري كان جبته نتيجة افضل واحتمال هسه اكون بقيت وزير
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: فايزودالقاضي)
|
| Quote: المحرم علاقته شنو بالطرحة يابخارى ..؟!! انت شكلك لقيت الكوز جاهل قلت نفك ليهو حتة المحرم والطرحة .. |
ود القاضي سلام .. هو ما كوز هو بوليس عادي ...
انت اتخيل الشكل : نجلاء ركبت البوكس وانا عايز اركب معاها
نزلني وقال يركب هو بدلي يعني نجلاء يتوسطها اتنين رجال
غير ( محرمين ) عليها ... وكنت اقصد ان في ذلك منكر اكبر
من عدم ارتداء الطرحة ...
بعدين الزول اقتنع انت الزرزة شنو ؟؟؟
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
Quote: بخارى ..سلامات وتحية ليك ولاختنا الغائبة نجلاء ...
Quote: قلت له انت مشكلتك معانا عدم لبس الطرحة
لمن ادوك القانون دا ما قال لك في حاجة اسمها ( محرم )
المحرم علاقته شنو بالطرحة يابخارى ..؟!! انت شكلك لقيت الكوز جاهل قلت نفك ليهو حتة المحرم والطرحة .. |
يا ود القاضي المحرم علاقته إنه ما الفروض العسكري يركب مع نجلاء بي قدام ويختها في النص بينه وبين السواق وراجلها يركب ورا
يعني المفروض إذا في حد يركب جنبها يكون محرم
إنت يا بخاري
الفحص دا كيف يعني وهل هو إلكتروني ولا مانيوال
مع تحياتي
عاصم فقيري
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
Quote
يعني يا عمر هسه امشي افتشهم ارجع لهم السندوتشات ولا كيف ؟؟؟؟
Unquote
1- ما حتلقاهم
2- لن يكفيهم .. الحكاية دلوقت زادت (شوية)
مازلت اري ان اصدار قانون للنظام العام وشرطة للنظام العام لا يخدمان (النظام) الذي هو حفظ الامن والسلام ..
لو وجدت فرصة ساحدثكم عن قانون مشابه اصدرته مديرية الخرطوم في السبعينات لمحاربة البغاء فافسد الشرطة
ولم يمنع البغاء .. وشكي لي الضباط ان رجالهم انشغلوا بهذا القانون عن واجباتهم الاخري فارتفعت الجريمة .. وقد
اضطررت لمنع الشرطة عن تنفيذه ودخلت في معركة مع مجلس المديرية ساندني فيها بعض القضاة والمحامين
العقلاء فلم يكتب لذلك القانون ان يعيش طويلا ..
هنيئا لكم بما غنمتم ..
عمر علي حسن
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: عمر علي حسن)
|
Quote: لو وجدت فرصة ساحدثكم عن قانون مشابه اصدرته مديرية الخرطوم في السبعينات لمحاربة البغاء فافسد الشرطة
ولم يمنع البغاء .. وشكي لي الضباط ان رجالهم انشغلوا بهذا القانون عن واجباتهم الاخري فارتفعت الجريمة .. وقد
اضطررت لمنع الشرطة عن تنفيذه ودخلت في معركة مع مجلس المديرية ساندني فيها بعض القضاة والمحامين
العقلاء فلم يكتب لذلك القانون ان يعيش طويلا ..
|
يا عمر علي حسن ياخ دا كلام مهم خالص المقارنات بتوصلنا للنتائج سريع
واذا كان الكلام دا في ذهن من وضع قانون النظام العام كان احتمال يشرط
الورق ويقول انسوا القصة برمتها فبالله لازم تكتب عن التجربة دي
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
QUOTE
يا عمر علي حسن ياخ دا كلام مهم خالص المقارنات بتوصلنا للنتائج سريع
واذا كان الكلام دا في ذهن من وضع قانون النظام العام كان احتمال يشرط
الورق ويقول انسوا القصة برمتها فبالله لازم تكتب عن التجربة دي
UNQUOTE
أخي بخاري
لك التقدير
لأمانة الكلمة والرأي ساكتب ما عندي في بوست منفصل في محاولة لاستدراج راي عام لقضية عامة بعيدا عن
التعاطف الشخصي لزملاء واخوة في المنبر يقتضينا حماسا لهما ودفاعا شخصيا عن حق نقر به لهما ان نتاول
الموضوع تناولا قد يخرجه من اطار الحق العام الي نطاق الحق الشخصي لمن نحب ..
فقد لمست حادثتك والاستاذة نجلاء وتر الحب لكما فغرد به الكثيرون ومنهم انا .. رغم ان الحادثة عمرها عشرة
اعوام .. فما بالك باخرين لاصوت لهم بيننا ويتعرضون اليوم وغدا لعسف هذا القانون او التعسف في تطبيقه ..
لذلك استأذنك أن اعيد الي ذاكرة المنبر القوانين التي سبقت هذا القانون ليروا معك ومعي ان لكل زمان علة وان
الناس معا بوسعهم محاصرة هذه العلة ومنعها من الاستشراء ..
لكما تقديري دائما
عمر علي حسن
| |
|
|
|
|
|
|
| |
بخاري عثمان الامين
حاتم كاهن
محمد صباحى
saif massad ali
Al-Shaygi
mayada kamal
Hadeer Alzain
Ashraf el-Halabi
محمد علي شقدي
بشير جبريل علي
ibrahim alnimma
احمد العربي
شول اشوانق دينق
rosemen osman
جمال السنوسي
طارق جبريل
هشام كمال
محمد أبوالعزائم أبوالريش
cantona_1
Salahaldeen Nadir
نصر الدين عثمان
Tragie Mustafa
صديق الموج
الفاتح ميرغني
Asim Fageary
خالد العبيد
SHIBKA
قلقو
omer osman
ود شاموق
Rawia
رغيم عثمان رغيم الحسن
فايزودالقاضي
عفاف الصادق بابكر
زهير الزناتي
فيس بوك
تويتر
انستقرام
يوتيوب
بنتيريست