|
|
 بعد مقاطعة اللحم ... الرجاء مقاطهة شركات الإتصالات .....!
|
مباشره
المقاطعه باللجوء الى التعامل بالمس كولات
والا الكلام قدر الموضوع بس ...
بكره شركات الغتصال بتلجأ للعروض والتخفيضات ....
الإتصالات من اكبر البنود في ميزانية كل أسره وفرد ...
مع غنو الناس ديل بيصروفوا على الإتصالات أول التأسيس الباقي بكون كلو ارباح فايته الحد ...
والا رايكم شنو ؟
|
|
 
|
|
|
|
|
|
|
|
Re: بعد مقاطعة اللحم ... الرجاء مقاطهة شركات الإتصالات .....! (Re: Hisham Ibrahim)
|
| Quote: قلنا ليكم عندنا لستة طويييييلة ..... والمسألة أولويات. |
يا أبو الريش
ياخ اللحمه دي ما في السوق أول حاجه الواحد بيمشي عليها
وبعد داكـ بيمشي للرميتهم لينا هنا ( بصل- زيت - سكر - عيش - عيشة ) ..
فلمن يتأدبوا الجزارين بالتأكيد الباقين بي ( حاجات الدكوه ) ، حا يخافوا ويرخوا شويه
أها شركات الإتـصالات دي تلملم وتورد للفطاحله الظالمين ويمكن بي التخفيض في الكلام
والمس كولات يتأثروا ويحسوا شويه ..
الكبار ديل النقّاطه كان قّلت بجقلبوا ... أسألني أنا
وحكاية الهدا الما حا يشيلوا السعوديين ديل الضحكـ شرط المنتجين لأنو الواحد يكون بهايمو
دي شاريها بالدين من الناس والا البنوكـ، ومرحلها بالدين، يعني يكون قافل عليها وش وضهر ،، والعجب البيصدرها بره ،،
يكون لحدي ما وصلها لجده كلفتوا الشيء الفلاني .. والبنوكـ بي فلسها دا ما بتجامل تاجر ..
مره واحد مصدر ماشيه لمن يونس رمى دُرابو داكـ ، السعودية رجّعت ليهو باخرتين !! مِرض ومات بس ( رحمة الله عليه ) ..
دحين يا اخوي بالحاله دي الريال بيصل 2000 جنيه ( سوووووووووون )
مع شكري الجزيل
| |
|
|
|
|
|
|
|
|
|
Re: بعد مقاطعة اللحم ... الرجاء مقاطهة شركات الإتصالات .....! (Re: عثمان عبدالقادر)
|
Quote: بس في حاجة مهمة ما تنساها يا هشام أخوي ، اللحم بيبيعوه الغلابة الضعفاء لذلك يسهل إقامة الحد عليهم أما الآتصالات بيبيعوها الشرفاء الأقوياء ويصعب إقامة الحد عليهم والا انت رايك شنو ...!!!!؟
أبو حمــــــــــــــد |
يا أبو احمد ما دا الكلام ذاتو الخلانا نمشي للإتصالات الأسعارها فايته الحد دي ..
كلامكـ سليم ميه ميه وخليكـ قريب ...
| |
|
|
|
|
|
|
|
|
|
Re: بعد مقاطعة اللحم ... الرجاء مقاطهة شركات الإتصالات .....! (Re: Hisham Ibrahim)
|
تحياتي وسلامات هشام| Quote: بعد مقاطعة اللحم ... الرجاء مقاطـــعـــــة شركات الإتصالات .....! |
بالجد صعبتها عليهم
صعبتها عليهم شديد
أهلنا ديل ممكن يقاطعوا اللحمة
ممكن يقاطعوا الزيت ، الطماطم ، السكر .........
أى حاجة
إلا
الموبايلات والكلام فيها
دي غير خاضعة للمقاطعة
ياخي أى واحد مهما كان وضعه الإقتصادي تلقى الموبايل بتاعو الماركة الفلانية بالخصائص الفلانية
كثير ممن إلتقيت في السودان لا يصدقون أن يكون الموبايل ( الذي أراه مناسباً لإحتياجاتي ) لايصدقون أن يكون هذا هو موبايلي الرئيسي الذي أستخدمه في ديار الغربة وتذهب بهم الظنون - مشكورين على حسن ظنهم - أنني أملك أفضل وأحدث منه وأنني قد أحضرته مخصوصاً معي فداء لذلك الموجود خارجاً إذ من المحتمل أخذه بواسطة أحد المعارف أو الأصدقاء .
| |
|
|
|
|
|
|
|
|
Re: بعد مقاطعة اللحم ... الرجاء مقاطهة شركات الإتصالات .....! (Re: عاطف عمر)
|
Quote: ياخي أى واحد مهما كان وضعه الإقتصادي تلقى الموبايل بتاعو الماركة الفلانية بالخصائص الفلانية
كثير ممن إلتقيت في السودان لا يصدقون أن يكون الموبايل ( الذي أراه مناسباً لإحتياجاتي ) لايصدقون أن
يكون هذا هو موبايلي الرئيسي الذي أستخدمه في ديار الغربة وتذهب بهم الظنون - مشكورين على حسن ظنهم - أنني
أملك أفضل وأحدث منه وأنني قد أحضرته مخصوصاً معي فداء لذلك الموجود خارجاً إذ من المحتمل أخذه بواسطة
أحد المعارف أو الأصدقاء . |
يا عاطف ياخ ما تحرجنا نحنا كدا مستورين
أشكال موبايلات المغتربين هـــــــــــــــــناكـ شايلنها ناس ....
نحنا عاوزين المقاطعه عشان اولاد الهرمه ديل ينعدلوا شوية ويخفضوا الاسعار عشان زاتو هم يتصلوا علينا ،،
أوع تقول لي خليها كدا ،، كدا بالمسكول بجننوكـ ...
وشركات الإتصالات دي غير هواء بتبيع شنو ..؟؟
مودتي
| |
|
|
|
|
|
|
|
|
|
Re: بعد مقاطعة اللحم ... الرجاء مقاطهة شركات الإتصالات .....! (Re: Hisham Ibrahim)
|
Quote: لان مصلحة المواطن فعلاً وراء مقاطعة شركات الاتصالات .........
مرة اخري اثمن هذه الفكرة |
دا الكلام العاوزين زيو كدا يا النعيمه يا أخوي
ياخ الزبير محمد الحسن الكان وزير مالية ورئيس مجلس إدارة سوداتل
عندو أسهم متلتله فيها ، وهي الخلتو رئيس مجلس الإدارة ...د
يعني الناس تسوي رصيد وعلى جيب الزبير ..
غايتو نحنا من الزبير ولي عمر ينجدنا الله داكــــــــــــــــــــــــــــــ !!!
| |
|
|
|
|
|
|
| |
Hisham Ibrahim
ذواليد سليمان مصطفى
محمد أبوالعزائم أبوالريش
عثمان عبدالقادر
ibrahim alnimma
عاطف عمر
فيس بوك
تويتر
انستقرام
يوتيوب
بنتيريست