Post: #1
Title: بعد مقاطعة اللحم ... الرجاء مقاطهة شركات الإتصالات .....!
Author: Hisham Ibrahim
Date: 09-14-2011, 12:51 PM
مباشره
المقاطعه باللجوء الى التعامل بالمس كولات
والا الكلام قدر الموضوع بس ...
بكره شركات الغتصال بتلجأ للعروض والتخفيضات ....
الإتصالات من اكبر البنود في ميزانية كل أسره وفرد ...
مع غنو الناس ديل بيصروفوا على الإتصالات أول التأسيس الباقي بكون كلو ارباح فايته الحد ...
والا رايكم شنو ؟
|
Post: #2
Title: Re: بعد مقاطعة اللحم ... الرجاء مقاطهة شركات الإتصالات .....!
Author: Hisham Ibrahim
Date: 09-14-2011, 01:52 PM
Parent: #1
| Quote: بعد مقاطعة اللحم ... الرجاء مقاطهة شركات الإتصالات .....! |
الواحد من الصربعه والمنبر الجاري زي كورة التنس دا لخبتنا كلو كلو ..
العنوان الصحيح ...
بعد مقاطعة اللحم ... الرجاء مقاطـــعـــــة شركات الإتصالات .....!
|
Post: #3
Title: Re: بعد مقاطعة اللحم ... الرجاء مقاطهة شركات الإتصالات .....!
Author: ذواليد سليمان مصطفى
Date: 09-14-2011, 02:47 PM
Parent: #2
كلام سليم
ومقاطعة الانترنت ايضاً
|
Post: #4
Title: Re: بعد مقاطعة اللحم ... الرجاء مقاطهة شركات الإتصالات .....!
Author: Hisham Ibrahim
Date: 09-19-2011, 01:23 PM
Parent: #3
| Quote: ومقاطعة الانترنت ايضاً |
شكلنا كدا انا وإنت بس الحا نقاطع ...
مودتي الما خافيا عليكـ .
|
Post: #5
Title: Re: بعد مقاطعة اللحم ... الرجاء مقاطهة شركات الإتصالات .....!
Author: محمد أبوالعزائم أبوالريش
Date: 09-19-2011, 01:41 PM
Parent: #4
يا هشام ياخ إتّصالات شنو؟
قلنا ليكم عندنا لستة طويييييلة ..... والمسألة أولويات.
خد عندك (مثلاً): الطماطم والزيت والبنزين والسكّر والكهرباء والموية والرغيف و ......... العيشة (life).
يعني من الأسهل ذكر السلع التي لا يتوجّب مقاطعتها.
مودتي
|
Post: #6
Title: Re: بعد مقاطعة اللحم ... الرجاء مقاطهة شركات الإتصالات .....!
Author: عبدالله احيمر
Date: 09-19-2011, 07:24 PM
Parent: #5
شـركات الاتصالات دي شــغالة نهــب عديل كـدا
و لا توجد جهة تحدد ضوابط عملها و تسعيرتها
من اجل المسـتهلك , جمعينا ( حماية المستهلك )
لا ترى في الأمر ضرر
( لو سـرق الكبار ) , لكن الجزارين ما كبار
|
Post: #8
Title: Re: بعد مقاطعة اللحم ... الرجاء مقاطهة شركات الإتصالات .....!
Author: Hisham Ibrahim
Date: 09-20-2011, 08:51 AM
Parent: #6
Quote: شـركات الاتصالات دي شــغالة نهــب عديل كـدا
|
ما عشان كدا قلنا بعد اللحـم طوااااالي
مودتي
|
Post: #9
Title: Re: بعد مقاطعة اللحم ... الرجاء مقاطهة شركات الإتصالات .....!
Author: Hisham Ibrahim
Date: 09-20-2011, 09:04 AM
Parent: #8
| Quote: قلنا ليكم عندنا لستة طويييييلة ..... والمسألة أولويات. |
يا أبو الريش
ياخ اللحمه دي ما في السوق أول حاجه الواحد بيمشي عليها
وبعد داكـ بيمشي للرميتهم لينا هنا ( بصل- زيت - سكر - عيش - عيشة ) ..
فلمن يتأدبوا الجزارين بالتأكيد الباقين بي ( حاجات الدكوه ) ، حا يخافوا ويرخوا شويه
أها شركات الإتـصالات دي تلملم وتورد للفطاحله الظالمين ويمكن بي التخفيض في الكلام
والمس كولات يتأثروا ويحسوا شويه ..
الكبار ديل النقّاطه كان قّلت بجقلبوا ... أسألني أنا
وحكاية الهدا الما حا يشيلوا السعوديين ديل الضحكـ شرط المنتجين لأنو الواحد يكون بهايمو
دي شاريها بالدين من الناس والا البنوكـ، ومرحلها بالدين، يعني يكون قافل عليها وش وضهر ،، والعجب البيصدرها بره ،،
يكون لحدي ما وصلها لجده كلفتوا الشيء الفلاني .. والبنوكـ بي فلسها دا ما بتجامل تاجر ..
مره واحد مصدر ماشيه لمن يونس رمى دُرابو داكـ ، السعودية رجّعت ليهو باخرتين !! مِرض ومات بس ( رحمة الله عليه ) ..
دحين يا اخوي بالحاله دي الريال بيصل 2000 جنيه ( سوووووووووون )
مع شكري الجزيل
|
Post: #10
Title: Re: بعد مقاطعة اللحم ... الرجاء مقاطهة شركات الإتصالات .....!
Author: ود الباوقة
Date: 09-20-2011, 09:14 AM
Parent: #9
الْهَدْيِ
ربنا يهدينا ويهديك
|
Post: #11
Title: Re: بعد مقاطعة اللحم ... الرجاء مقاطهة شركات الإتصالات .....!
Author: عثمان عبدالقادر
Date: 09-20-2011, 10:00 AM
Parent: #10
بس في حاجة مهمة ما تنساها يا هشام أخوي ، اللحم بيبيعوه الغلابة الضعفاء لذلك يسهل إقامة الحد عليهم أما الآتصالات بيبيعوها الشرفاء الأقوياء ويصعب إقامة الحد عليهم والا انت رايك شنو ...!!!!؟
أبو حمــــــــــــــد
|
Post: #12
Title: Re: بعد مقاطعة اللحم ... الرجاء مقاطهة شركات الإتصالات .....!
Author: ibrahim alnimma
Date: 09-20-2011, 10:32 AM
Parent: #11
هشام سلام:
شخصياً اثمن من هذه الفكرة ، لان وراء شركات الاتصالات ناس متنفذين وحكام ،من يمتلك شركة سوداني ، وماهي فائدة الحكومة من شركة زين؟
لان مصلحة المواطن فعلاً وراء مقاطعة شركات الاتصالات .........مرة اخري اثمن هذه الفكرة
|
Post: #14
Title: Re: بعد مقاطعة اللحم ... الرجاء مقاطهة شركات الإتصالات .....!
Author: Hisham Ibrahim
Date: 09-20-2011, 10:46 AM
Parent: #11
Quote: بس في حاجة مهمة ما تنساها يا هشام أخوي ، اللحم بيبيعوه الغلابة الضعفاء لذلك يسهل إقامة الحد عليهم أما الآتصالات بيبيعوها الشرفاء الأقوياء ويصعب إقامة الحد عليهم والا انت رايك شنو ...!!!!؟
أبو حمــــــــــــــد |
يا أبو احمد ما دا الكلام ذاتو الخلانا نمشي للإتصالات الأسعارها فايته الحد دي ..
كلامكـ سليم ميه ميه وخليكـ قريب ...
|
Post: #13
Title: Re: بعد مقاطعة اللحم ... الرجاء مقاطهة شركات الإتصالات .....!
Author: عاطف عمر
Date: 09-20-2011, 10:39 AM
Parent: #1
تحياتي وسلامات هشام| Quote: بعد مقاطعة اللحم ... الرجاء مقاطـــعـــــة شركات الإتصالات .....! |
بالجد صعبتها عليهم
صعبتها عليهم شديد
أهلنا ديل ممكن يقاطعوا اللحمة
ممكن يقاطعوا الزيت ، الطماطم ، السكر .........
أى حاجة
إلا
الموبايلات والكلام فيها
دي غير خاضعة للمقاطعة
ياخي أى واحد مهما كان وضعه الإقتصادي تلقى الموبايل بتاعو الماركة الفلانية بالخصائص الفلانية
كثير ممن إلتقيت في السودان لا يصدقون أن يكون الموبايل ( الذي أراه مناسباً لإحتياجاتي ) لايصدقون أن يكون هذا هو موبايلي الرئيسي الذي أستخدمه في ديار الغربة وتذهب بهم الظنون - مشكورين على حسن ظنهم - أنني أملك أفضل وأحدث منه وأنني قد أحضرته مخصوصاً معي فداء لذلك الموجود خارجاً إذ من المحتمل أخذه بواسطة أحد المعارف أو الأصدقاء .
|
Post: #15
Title: Re: بعد مقاطعة اللحم ... الرجاء مقاطهة شركات الإتصالات .....!
Author: Hisham Ibrahim
Date: 09-20-2011, 12:00 PM
Parent: #13
Quote: ياخي أى واحد مهما كان وضعه الإقتصادي تلقى الموبايل بتاعو الماركة الفلانية بالخصائص الفلانية
كثير ممن إلتقيت في السودان لا يصدقون أن يكون الموبايل ( الذي أراه مناسباً لإحتياجاتي ) لايصدقون أن
يكون هذا هو موبايلي الرئيسي الذي أستخدمه في ديار الغربة وتذهب بهم الظنون - مشكورين على حسن ظنهم - أنني
أملك أفضل وأحدث منه وأنني قد أحضرته مخصوصاً معي فداء لذلك الموجود خارجاً إذ من المحتمل أخذه بواسطة
أحد المعارف أو الأصدقاء . |
يا عاطف ياخ ما تحرجنا نحنا كدا مستورين
أشكال موبايلات المغتربين هـــــــــــــــــناكـ شايلنها ناس ....
نحنا عاوزين المقاطعه عشان اولاد الهرمه ديل ينعدلوا شوية ويخفضوا الاسعار عشان زاتو هم يتصلوا علينا ،،
أوع تقول لي خليها كدا ،، كدا بالمسكول بجننوكـ ...
وشركات الإتصالات دي غير هواء بتبيع شنو ..؟؟
مودتي
|
Post: #16
Title: Re: بعد مقاطعة اللحم ... الرجاء مقاطهة شركات الإتصالات .....!
Author: Hisham Ibrahim
Date: 09-20-2011, 12:10 PM
Parent: #15
Quote: لان مصلحة المواطن فعلاً وراء مقاطعة شركات الاتصالات .........
مرة اخري اثمن هذه الفكرة |
دا الكلام العاوزين زيو كدا يا النعيمه يا أخوي
ياخ الزبير محمد الحسن الكان وزير مالية ورئيس مجلس إدارة سوداتل
عندو أسهم متلتله فيها ، وهي الخلتو رئيس مجلس الإدارة ...د
يعني الناس تسوي رصيد وعلى جيب الزبير ..
غايتو نحنا من الزبير ولي عمر ينجدنا الله داكــــــــــــــــــــــــــــــ !!!
|
|