Quote: رعع (لسان العرب) ابن الأَعرابي: الرَّعُّ السكون. والرَّعاعُ الأَحداثُ. ورَعاعُ الناس: سُقّاطُهم وسَفِلَتُهم. وفي حديث عمر، رضي الله عنه: أَن المَوسم يَجمع رَعاع الناس أَي غَوْغاءهم وسُقّاطَهم وأَخلاطَهم، الواحد رَعاعة؛ ومنه حديث عثمان، رضي الله عنه، حين تَنَكَّرَ له الناس: إِن هؤلاء النفر رَعاع غَثَرةٌ. وفي حديث علي، رضي الله عنه: وسائر الناسِ هَمَجٌ رَعاعٌ؛ قال أَبو منصور: قرأْت بخط شمر والرُّعاعُ كالزجاج من الناس، وهم الرُّذال الضُّعفاء، وهم الذين إِذا فَزِعوا طاروا؛ قال أَبو العَمَيْثَل: ويقال للنعامة رَعاعة لأَنها أَبداً كأَنها مَنْخوبة فَزعةٌ. وتَرَعْرعت سِنُّه وتَزَعْزعت إِذا تحركت. والرَّعْرعة: اضطرابُ الماء الصافي الرقيق على وجه الأَرض، ومنه قيل: غلام رَعْرعٌ، وربما قيل: تَرَعْرع السَّراب على التشبيه بالماء. والرَّعْرعةُ: حسن شَبابِ الغُلام وتحرُّكه. وشابٌّ رُعْرُعٌ ورُعْرعة؛ عن كراع، ورَعْرَعٌ ورَعْراعٌ؛ الأَخيرة عن ابن جني: مُراهِق حسَن الاعْتِدال، وقيل مُحْتَلِم، وقيل قد تحرّك وكَبِرَ، والجمع الرَّعارِعُ؛ قال لبيد وقال ابن بري، وقيل هو للبَعِيث: تُبَكِّي على إِثْرِ الشَّبابِ الذي مَضَى، أَلا إِنّ أَخْدانَ الشَّبابِ الرَّعارِعُ (* قوله «تبكي» كذا ضبط في بعض نسخ الجوهري، وفي الاساس: وتبكي بالواو.) وقد تَرَعْرَعَ الصبيُّ أَي تحرّك ونشأَ. وغلامٌ مُتَرَعْرِعٌ أَي مُتَحَرِّك. ورَعْرَعَه الله أَي أَنبته. قال أَبو منصور: سمعت العرب تقول للقَصَب إِذا طالَ في مَنْبِته وهو رَطْب: قَصَب رَعْراعٌ، ومنه يقال للغُلام إِذا شَبَّ واسْتَوَت قامَتُه: رَعْراعٌ ورَعْرَعٌ، والجمع الرَّعارِعُ. وفي حديث وهب: لو يَمُرّ على القَصَب الرَّعْراعِ لم يسمع صوته؛ قال ابن الأَثير: هو الطّوِيل من ترَعْرَع الصبيُّ إِذا نشأَ وكَبِر؛ وقال لبيد:أَلا إِنّ أَخْدان الشَّبابِ الرعارعُ ويقال: رَعْرَعَ الفارسُ دابته إِذا لم يكن رَيِّضاً فركبه ليَرُوضَه؛ قال أَبو وجْزةَ السَّعْدِي: تَرِعاً يُرَعْرِعُه الغُلامُ، كأَنّه صَدَعٌ يُنازِعُ هِزّةً ومِراحا
منقول بس ما من لسان العرب
07-24-2011, 08:13 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
ود الخليفة سلامات من ديك وعيك الكلام المقتبس دا ناقلو من الوليد؟ معليش ماعندي وكت أقعد أقرا وأعرف البيشتم فينا هناك منو لكن شايفاهو في مداخلة الوليد لو طلع من الوليد ذات نفسه ماتهتم الوليد دا عوير ولو طلع من زول والوليد إتولى أمره برضو ماتهتم.. الوليد دا طبال كبير وبرضو عوير
07-24-2011, 08:52 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
عندما يشير المثقف المستنير الي قلمه بزهو وينتهر الماره - انا لا اكتب لكم ايها الشعب- فيصفق الرعاع وهم في نشوة محترفين بجريمة جهلهم - يالك من عالم كيف عرفتنا-
سلامات ود الخليفه لم نجب علي السؤال بعد لماذا فشل مشروع التنوير في عالمنا
07-24-2011, 09:02 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
حسي شرير .. شرير ونص وخمسه .. تنهرا ليه يعني .. هي تقيق في نص الباب و تقفل الباب للصباح .. إنتا مالك ؟؟ المضطر يدخل بالشباك .. إنتا زاتك أدخل بالشباك وللا بالسبلوقه .. وللا شوف ليك دورق أدخل فيهو.. شرير بس ..
ود الخليفه .. تحياتي يا أستاذ..
07-24-2011, 11:08 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
ههههه اكتر شئ عجبني في الموضوع شتيمتك القلدوك ليها وباسطاك لحد يوم الليلة ... قادر اتخيل المنظر انا ... واقف في الباب صاري وشك (كأي صارم قسمات من عموم شعبنا) ، وكوع يدك اليسار على الجانب اليمين من حلق الباب. وقفة شرير ما في ذلك شك....
كما اعجبني تفسير عاصم للغوغاء الحمدلله الذي كرم وجهي ، اذ انني لم اصطف يوما بانتظار مرور موكب الامير عليك الله بعد تخلص شوف لينا معاك حكاية..
رجرجة ودهماء
07-26-2011, 01:17 PM
حسام عبد الرحيم حسام عبد الرحيم
تاريخ التسجيل: 06-24-2011
مجموع المشاركات: 721
سال معاوية رضي الله عنه صعصعة بن صوحان : صف لي الناس
فقال: خلق الناس أخيافاً: فطائفة للعبادة، وطائفة للتجارة؛ وطائفة خطباء؛ وطائفة للبأس والنجدة؛ ورجرجة فيما بين ذلك، يكدورن الماء، ويغلون السعر، ويضيقون الطريق.
غايتو الناس البغلوا الاسعار ديل ذكروني بعض الاعضاء اللذين ارهقونا وارهقوا سيرفر بكري حتى حدد عدد المشركات للعضويه بعداد اشبه بعدادات الدفع المقدم رغم انا نكتب مجانا بالمنبر
07-26-2011, 05:23 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
ود الخليفة يا حبيبنا ، سلام ياخي أنا في حاجه رايحه لي في بوستك ده : بالواضح كده : الكلام ده قالو منو و في ياتو بوست عشان نتابع و كده . أخوك طبعا غير إنو مفكر ، ناشط في حقوق الرعاع الهنا ديل !!
07-26-2011, 06:32 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
كون أن الرعاع هم رعاع فذلك لأنه الذي سماهم رعاعاً يعتقد أنهم رعاع، وعلى الرعاع أن يتساءلوا ماذا نسمي الذي أسمانا رعاعاً. هي ورطتهم لأنه أدخلهم في تلك الشرنقة فشغلهم عن كتاباته، بل وتكرم لهم فمدّ لهم حبلاً أوله الإجتهاد وآخره كذلك. فلماذا لا يجتهد الرعاع؟.
ورطة الرعاع الكونية هي "العادي"، والذي طالما توّفر اطمأنت أنفسهم وحافظوا على رعاعتهم، اذاً دواء الرعاعية هو "العادية"، فمقام العادية هو أعلى تجليات الرعاع، فإن تجاوزوه تخلصوا من رعاعيتهم.
ولكن وجودهم أيضاً ضروروة، حتى تتم تسميتهم، إذ لو إنقرضوا، أو لو ارتقوا في مسالك الرعاية وفلتوا من العادية لا يصبح لإسمهم معنى، لذا وجب وجودهم.
على الرعاع أن يصبحوا ويمسوا رعاعاً ليتيحوا للمُسَمّي متعة استخدامهم مقياساً لإنتاجه، فهم غن لم يفهموه حقّ لهم الإسم، وإن فهموه كلهم لم يصبحو رعاعاً في مقام التسمية، بل هو الذي سينزل مقام الرعاية ولن يجد من يسميه وهم رعاعاً.
الشرير ود الخليفه ده ارعرع و اغوغ و أدهم ما كتب عن الأمر و شوف العلامه المفكر الدكتور جاى يسألك عما يدور؟ الرجل مما بدا يكتب في جرائد الرعاع للغوغاء صار يشبههم حالآ, انج بنفسك يا مفكر تشكر على الضحكه يا ود الخليفه ...
07-26-2011, 08:14 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
جعل العرب العنقاء ثاني المستحيلات وذكروا الغول والعنقاء والخل الوفي
باعتبارها كائن خرافي يقوم ويبعث من الرماد
العَنْقَاء أو العَنْقَاء المُغْرِبُ أو عَنْقَاءُ مُغْرِبِ[1] (أو الفينيق (الفينكس) في الترجمات الحرفية الحديثة)، هي طائر خيالي ورد ذكرها في قصص مغامرات السندباد وقصص ألف ليلة وليلة، وكذلك في الأساطير العربية القديمة.
يمتاز هذا الطائر بالجمال والقوة، وفي معظم القصص أنه عندما يموت يحترق ويصبح رمادا ويخرج من الرماد طائر عنقاء جديد.
Quote: ورد في لسان العرب: والعَنْقاء: طائر ضخم ليس بالعُقاب... وقيل: سمِّيت عَنْقاء لأَنه كان في عُنُقها بياض كالطوق، وقال كراع: العَنْقاء فيما يزعمون طائر يكون عند مغرب الشمس، وقال الزجّاج: العَنْقاءُ المُغْرِبُ طائر لم يره أَحد... (قال) أَبو عبيد: من أَمثال العرب طارت بهم العَنْقاءُ المُغْرِبُ، ولم يفسره. قال ابن ال######ي: كان لأهل الرّس نبيٌّ يقال له حنظلة بن صَفْوان، وكان بأَرضهم جبل يقال له دَمْخ، مصعده في السماء مِيلٌ، فكان يَنْتابُهُ طائرة كأَعظم ما يكون، لها عنق طويل من أَحسن الطير، فيها من كل لون، وكانت تقع مُنْقَضَّةً فكانت تنقضُّ على الطير فتأْكلها، فجاعت وانْقَضَّت على صبيِّ فذهبت به، فسميت عَنْقاءَ مُغْرباً، لأَنها تَغْرُب بكل ما أَخذته، ثم انْقَضَّت على جارية تَرعْرَعَت وضمتها إلى جناحين لها صغيرين سوى جناحيها الكبيرين، ثم طارت بها، فشكوا ذلك إلى نبيهم، فدعا عليها فسلط الله عليها آفةً فهلكت، فضربتها العرب مثلاً في أَشْعارها، ويقال: أَلْوَتْ به العَنْقاءُ المُغْرِبُ (أي طارت به)، وطارت به العَنْقاءُ.[
وعلاقتي بالعنقاء واسمها اللاتيني قديمه جدا وكحال اي طفل في سني قبل سنين عددا كانت امنيتي رضاء الله ورضاء الوالدين وامتلاك عجله فونيكس
وكان صديقي عبد المجيد يستعرض علينا بان اسمها بهونيكس وليس فونيكس كما في الحروف اللاتينيه المكتوبه في دائرة بدال العجله
هذه مساهمتي المتواضعه في شرح الكلمة الاولى من العنوان والباقي يمكن ان اتابعه كلمه كلمه شارحا لها
ولكن اخشى ان يكون حالي كما كان فصلنا بالمدرسه المتوسطة عندما سالنا استاذ الانجليزي عن معنى look after
فوقف كل الفصل ذاهبا الى ان المعنى ( ينظر بعد )
07-26-2011, 07:25 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ود الخليفة يا حبيبنا ، سلام ياخي أنا في حاجه رايحه لي في بوستك ده : بالواضح كده : الكلام ده قالو منو و في ياتو بوست عشان نتابع و كده . أخوك طبعا غير إنو مفكر ، ناشط في حقوق الرعاع الهنا ديل !!
Quote: الشرير ود الخليفه ده ارعرع و اغوغ و أدهم ما كتب عن الأمر و شوف العلامه المفكر الدكتور جاى يسألك عما يدور؟ الرجل مما بدا يكتب في جرائد الرعاع للغوغاء صار يشبههم حالآ, انج بنفسك يا مفكر تشكر على الضحكه يا ود الخليفه ...
الاخ عصام
لا يخفى عليك تواضع بروف امين فهو يسال سؤال المتعلم رغما عن علمه نفعنا الله به
هسه كان ما تواضعو دا يكتب معانا هنا وفي التيار
اقل مكان يكتب فيه الاوبزيرفر ولا واشنطون بوست ولا بالعدم وكالة انترتاكس الروسية
07-26-2011, 08:28 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
Quote: مشكلتي للتوضيح مع كتاب التشكيل ديل انهم يقفلوا على نفسهم الباب ويشكلوا زي ما دايرين
بس ما يتلحونا بالنبذ والاساءات والجهل المطلق
اكان في زول سالهم بتعملوا في شنو يكون غلطان واثبت انو رعاع
مع خالص تحياتي للصادق واتمنى انو تكون رسالتي وصلت
يا زول دي ذات ما قمة الرعاعية (واخد بال حضرتك)
هؤلاء الكتاب يجب أن يجدوا رعاعاً فإن لم يجدوا رعاعاً خلقوا الرعاع.
طيب لمن هم يكتبوا واي زول يفهم كتابتم ويستسيغها ويستلذ بها، حتكون كتابة عادية جداً وما فيها أي ابداع، لكن الادب الجيد يحتاج لرعاع ليكون ادباً جيدة وكتابة جيدة.
وقع ليك حتمية (الرعاعوية) (يخي بصراحة كدا المصطلح دا عجبني ولازم تدونا حقنا فيهو). المهم يا زول كما قلنا أن الرعاعوية هي المقياس (بل وقيل المعيار (حدي يصحي حبشتك) في عضمو، لتتويج كتاباتهم في منصة الجودة والأدب الرفيع.
ما أريد أن أقوله (شرح خاص للرعاع).
يعني بالعربي كدا يا رعاع إنتو لازم تكونو موجودين ولازم يجي زول يقول ليكم يا رعاع لو هو داير يكتب، لانو المفروض إنتو ما تفهموا البيكتبوا عشان كدى كتابتو بتكون جيدة جداً، يعنى إنتو (المقاس بتاع زيت الكتابة).
ود الخليفة ياخي إنت من كتابي المفضلين (وقاعد افهم كتاباتاك) شايف كيف.
أحتفظ لينا بي حقنا في مصطلح (الرعاعوية) لانو شايف بروف امين لافي في بوستك داز
07-26-2011, 08:57 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
بس سؤال امس الباب كان فاتح لالي زول ولا الاسماء المكتوبه بالاسود دي حكر على المهكرين بس ؟
ما عندي فكرة والله .. لكن عشان تفكيرك ما يمشي لي بعيد أنا إتعلمت ( الإقتباس ) قبل أيام من بوست البشاري .. إحتمال الهكر نسى الماسورة فاتحة لمن الموية جات ...
---------------- والله ياود الخليفة تشككو الزول في نفسو ...
07-27-2011, 09:11 AM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
Quote: ما عندي فكرة والله .. لكن عشان تفكيرك ما يمشي لي بعيد أنا إتعلمت ( الإقتباس ) قبل أيام من بوست البشاري .. إحتمال الهكر نسى الماسورة فاتحة لمن الموية جات
عزيزي منتصر
السؤال دا كنت داير اسالو لي ود المعيلق الفوق دا باعتبار انو زول جا لمن لقى الباب فاتح
وما اظن كنت القى منو رد مع الجوطه الحصلت امس
وسؤالي دا سؤال استفهامي ولسي سؤال تجريمي
باعتبارك ولدنا وبي باسويردك استغربت دخولك باسم اسود كالهاكر
لو دايريني اكتب معاهم يقدموا طلب مشفوع بمكتبه دا اقل شي ممكن يتعمل
يا حليلك الناس بي هناك همهم التسجيل بس وانت همك مكتبه
يا ود الخليفة لكن اصلو ما ممكن ياخ! براكم ما بتفرزوا .. و تمنعوا المجسرين!؟
يا زول علي بالحلال نجسر ليكم .. المافي شنو!؟
المسغفين الزينا - الما رعاع دفع رباعي - بتميزوا بواحدة من اتنين او كلتهما :
- مكتبة في سودانيز فور وييل درايف اون لاين ضوط مطعم الباشا - عضوية - سليقة ابو من غير مكتبة - في سودان الجميع - ( الرعاع و محسن خالد وكسر الله و خدوري امبسبول و آخرين .. عييييييك ) + تيسير عووضة ( دا قروب الحالات الخاصة طبعاً )
بالله تاني ما ترهقوني بالتجسير الصعب الزي دا .. ياخ انا اسي طالع من فحص " رعوعية " .. انا - فضلة خيركم - افحص دمي كاملاً بدمي كاملاً و الحمد لله النتيجة طلعت Negative
النصيحة ليك يا الله اصلاً انا لا اتداخل مع من يبذل جهداً أقل
07-27-2011, 09:26 AM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
تعرف البيغيظ في الموضوع ده إني شخصيا بفضل تتلمذي زمان على يد محسن خالد في الأدب (و قرايتي لهيجل كمان ) كنت فاهم كلام مازن ده بيسر تقريبا .. و مع ذلك ما شايف فيه أي عمق و لا عجبني زاتو زمان في الجامعة محسن كان بيكتب بطريقة ما إعتيادية برضو .. لكن على الأقل كمية الحكمة و التحفيز الفكري الفيها كانت ممتعة بحق .. يعني الكتابة دي لا بتحفزك تمشي تبحت عن مفاهيم و معاني جديدة و لا بتوصل ليك حكمة إنسانية بعبارات إستثنائية .. و لا بتستفز ذائقتك الجمالية !! غايتو بس ذكرتني التمارين بتاعة معدل الذكاء ديك .. بتجبرك على إنك توسع من مدى إنتباهك لتلتقط المعنى من غير ما تقدم ليك جديد !! إذن .. هل أنا مثلا رعاع بلس و لا شنو ؟؟
Quote: عزيزي الهاكر ود المعيلق
ياخي كتر خيرك وشكرا ليك كتير ان جمعتني مع ود القرشي
بل أنا من جمعت معك .. و لي الفخر بذلك أقدميه ساي لازم تكون قدامي يا عمو
كن بخير
*كسرة في لاب بتاع كومبيوتر كنت بدرسه .. واحد من التلاميذ إعتذر عن غيابه بإنه كان عامل عملية زايدة قمت قلت ليه كويس وريني لسانك و الجمبه إتبرع و أداه معلومة إني دكتور قام طوالي كب الجرسه و قعد يعتذر عن الكضبه و بيكون في سره بيلعن في فلس الدكاتره البيشغلهم مساعدين تدريس كومبيوتر
07-27-2011, 10:10 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: زمان في الجامعة محسن كان بيكتب بطريقة ما إعتيادية برضو .. لكن على الأقل كمية الحكمة و التحفيز الفكري الفيها كانت ممتعة بحق .. يعني الكتابة دي لا بتحفزك تمشي تبحت عن مفاهيم و معاني جديدة و لا بتوصل ليك حكمة إنسانية بعبارات إستثنائية .. و لا بتستفز ذائقتك الجمالية !! غايتو بس ذكرتني التمارين بتاعة معدل الذكاء ديك .. بتجبرك على إنك توسع من مدى إنتباهك لتلتقط المعنى من غير ما تقدم ليك جديد !! إذن .. هل أنا مثلا رعاع بلس و لا شنو ؟؟
بالله اتصلح معانا يا عمك انت و ود الخليفة دا .. ياخ الهكر احتار فيكم انتو!!
فاا شنو
واحد يقول هو رعاع! .. و التاني يقول هو رعاع بلس !!
اها ناس البروف ديل يكونوا شنو!؟
الصادق اسماعيل الحقنا ياخ .. الجوز ديل طيعونا كلو كلو ياخ! اخير مازن خلق لينا مساحة رعوية نترعرع فيها بمزااااج .. رعي جائر عديييل كدا .. طاقية تتدرعا وكت عاوز .. و تسغف نفسك براااك
المافي شنو هو!؟
07-27-2011, 11:42 AM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
كان اخونا بكري الازهري -الله يطراو بالخير- في بداية عهده بالكوزنة قد سمع بالحديث القائل ان في السلام عليكم عشرة حسنات وفي السلام عليكم ورحمة الله عشرين حسنة وفي السلام عليكم ورحمة الله وبركاتو تلاتين ... فاقتني الة حاسبة وبقي حايم في الشوارع يقري السلام لمن يعرف ولمن لا يعرف والكلكوليتر شغال والعداد رامي ... وكان في طريقه لمسجد الامين عبد الرحمن يلقي بالسلام علي ود فرحات 8 مرات في اليوم عند كل صلاة مجيئة وذهابا- عدا صلاة الصبح طبعا اتقاءا للحرامية ولعقور الكلاب - وزهج عمك من ذلك السلام الذي كان يقطع عليه تركيزه في الاستماع لاذاعة بوركينا فاسو .. فاستشاط غضبا في صاحبنا ود الازهري ( انت يازول داير تدخل الجنة علي حسابنا ؟ )
Quote: وارادوا من جمع هذا الملف اقناع الجمهور ان هؤلاء الكتاب يستخدمون مصطلحات ومفاهيم علميه بصوره خاطئه تماما وخارجة عن السياق ودون اي تبرير
ودون ادنى اعتبار للمعنى الذي يريدونه مما يجعل كتاباتهم بلا معنى او تحمل مفاهيم خاطئه
والف الان سوكال مع جان بريكمونت كتابا اسموه المتظاهرون بالثقافة
وينبه المؤلفان انهما ليسا ضد استخدام مصطلحات احد العلوم في ميدان علم اخر ولكنهما ضد الاستقراء غير المنهجي لهذه المصطلحات
يعرض الكاتبان في عنوان فرعي سؤ استخدام العلم
1- الاعتماد بشكل مطول على النظريات العلمية التي لا يعرف الكاتب عنها شيئا او في احسن الاحوال يفهمها بصورة ضبابية
2- استخدام مفاهيم من العلوم الطبيعية وتطبيقها على العلوم الانسانية دون اعطاء اي مبرر لذلك
مثلا يرى بعضهم ان اللغة الشعرية يمكن ان ينظر لها بمصطلحات نظرية الكم
او ان الحرب الحديثة تدور في فضاء غير اقليدي !
وبنية موضوع العصاب هي نفسها بنية النتؤ المستدير
3 - عرض معارف سطحية بتغليفها بمصطلحات فنيه في السياق ( السياااق واخد بال حضرتك )
4 - استخدام جمل وعبارات في حقيقتها بلا معنى
حبيت أديك مثال تطبيقي لأمثلتك دي من الرواية العملتنا رعاع دي ..
Quote: حيث يُحْكَى، كما يَرِدُ في الصحائف، ضمن قصة العفريت وابنة الخيَّاط، أنَّ بينها سجن الحياكة الأشهر، حيث يواصل العفريت تعلُّم الحياكة من ابنة الخيَّاط طيلة الدهر، آمِلاً في حياكة بَيْدَق كلّها بعضاً ببعض، في نسيجٍ يرتكز على الجبال الثلاثة، شاملاً كلَّ أفانين تلك العناصر المخيفة المتعدِّدة، عناصر بَيْدَق؛ عناصر الضجيج المُحْكَم من ضرباتِ نَرْدٍ صفيحيٍّ عملاقٍ على طبول الخلائط.
- تِلْكَ حياكةٌ لا تكون . كذا قالت ابنة الخيَّاط لخاطِفِها الطَّمُوح، الذي لم يكن ليعبأ، بنظرته الراغبة وجسده الجوع، بأيِّ تبرير: - أمامنا اللانهاية نفسها لترويض اللانهاية، لنبدأ الآن .
توسَّلَت بالطبع، بَكَتْ له كثيراً، وجَثَتْ أمامه هلعةً، لديها أصدقاء بَرَرَة، لديها أقارب وُدَعَاء، لديها ما تغزله من قُطن التفاهة للتسلية، وهي تَقْنَع بذلك. لم يستجب العفريت المصْمَت إلا مِن فِعْلِ الجِبال فيه. وخشيةً من جفلتها، بَنَى سجن الحياكة، بَنَاهُ بلحم ملايين الإبَر ببعضها، ملايين لانهائية يستلُّ منها إبرةً في كلِّ درس، وأَخْبَرَها: - حين ينتهي زادُنا من الإبَر نتحرَّر، أنا وأنتِ، من ربقةِ سجني وننجو .
وتَحْكِي الصحائفُ أنَّ الإبَرَ تتوالَدُ خلسةً في الظلام، مما يُفْزِع الحائكةَ كلّ صباح، بل وأصبح مفزعاً للعفريت نفسه منذ ما يقارب خمسين قرناً، لم ينجح خلالها سوى في انتمائه للعهد؛ عهد قِصَاصِه من الاستعصاء.
اللانهاية ليست عددا ليقال (ملايين لانهائية) .. كما أن الإبر ليست بحوجة للتوالد ما دامت لانهائية .. الأهم هو أنه يمكن أن تقضي وقتا لا نهائيا في دراسة شيء ما مادمت تملك زمنا لا نهائيا !! و هذا يثبت أن إستبصار الجملة الأولى الملونة بالأحمر مذكور بقصد الفذلكة الشاعرية كمبالغة .. إذ نقضته الجمل اللاحقة تماما .. دون أن يدرك الكاتب أنه أمر صحيح تماما و لا يدعو لدهشة ما !!
طبعا ده فهم زول رعاع ساي .. فما في زول يمشي ينق بيه للكاتب الخطير .. طوالي حيلصق ليه المراقة بتاعة الكتاب : "ده فهم الشخصية الروائية و سردها .. ما فهمي أنا ككاتب خطير مدرك لكل حاجة"
ملاحيظ (بلغة العساكر)
Quote:
بما انك دكتور وقطع شك بتكونوا درستوا لمن كنتوا برالمه كلاسيفيكيشن
فبما اوتيت من علم صنف لي الجنس الادبي دا
ده إسمو إستفراغ لغوي .. لما الزول ياكل كتب فخمة حد التخمة !! أكيد لازم يطرشها ليكم كده .. يعني زي بيض السمك الغالي داك أو كرعين القعونجات
Quote: ممكن الزايدة دي تظهر في الدم؟؟؟؟؟؟؟؟؟؟؟
الزايدة طبعا ما كنت حأعرفها من اللسان .. لكني كنت متأكد إنو الطالب المسكين داك ما حيعرف المعلومة دي
أما الدم فبما إنه بيغذي مصاصين الدماء بتاعين الأفلام إذن أكيد بيتظهر فيه حتى الفهومات العميقة للأجناس الأدبية ثقافة رعاع و كده ..
07-29-2011, 10:15 PM
محمد قرشي عباس محمد قرشي عباس
تاريخ التسجيل: 03-19-2010
مجموع المشاركات: 3195
Quote: ود القرشي يا حبيب ازيك ياخ .. و الامتحانات كيف؟
إزيك يا قيقا يا صاحب لا ينقصنا سوى رؤيتكم الغالية (يا عملات جوابات الرعاع القديمة) بالنسبة للإمتحانات .. لا تسألوا عن أشياء إن تبد لكم ... الله يجازيك إنت و محسن و شهاب !!!
ود الخليفه سلامات لولا زنقه أكاديميه لرابطت معك هنا في البوست و قد تتسع الورطه و أضطر لاضافتك للقائمة السريه لكتابي و كاتباتى المفضلين خاصه بعد "يا عمال العالم" و نحنا جينا جاريين قلنا ود الخليفه جنا و إنضم لينا و لا شنو. وهذا لا يعنى أن كتابتك تعجبنى, لسه ما للدرجه دى, لكن سواقتك تكيف عديل. في كم حاجه اتهبشت بي هنا و بي هناك عاوزات "حفريات" أعمق, ربك يهون بس التصبيره جزء من نص لكاتب سودانى ليك و للجمع المشارك
Quote: الدروب المفضية إلى اللامتوقع كلها ساحرة؛ الأسرار، المؤامرات الكونية الغامضة، المجهول الذي لن تعرفه إلى موتك: أنا. طفولتي كانت تحمل تصوراً خاصاً عن الأرض، مازلت، في مكان ما لم يعبأ كثيراً بالخرائط، أكلله بالصواب: الأرض مبنى من طوابق لانهائية تترادف فوق بعضها البعض، وكل هذه الحياة البشرية طابق واحد، سقفه السماء وأرضه الماء واليابسة. في مكان ما تختبيء السلالم، حيث يمكن لمحظوظ مثلي أن يصعد أو يهبط. كنت، من موقعي الدائم قرب الشباك في عربة أبي، أتطلع ملهوفاً باحثاً عن سلم الأكوان الأخرى. لم أكن أشك للحظة أنه موجود هناك، في الطريق من بيتنا في إمتداد الدرجة التالتة وبيت جدتي بالصافية. كانوا يعطلون مهامي بصرامة:
-"يا ولد دخل راسك من الشباك"
الصورة لا تغادرني، الكريسيدا البيضاء موديل تسعة وسبعين، أمي بشعرها المنفوش والشامة التي على الأنف والوجه المستدير وملابسها التي مازلت أراها غريبة الألوان، وعمك أبوى يخرق عادات الأسبوع كله ويرتدي الجلابية ويسأل منذ بداية يوم الجمعة:
-"العمة بتاعتي مشت وين؟" في السيارة تغادره صرامة الصباح اليومي، ويغني أغنيات لم أكن أسمعها إلا لديه: "آبني عُشك، يا قمااري، قااااشة قاااشة؛ وعلميييناااا يا قمااااري..." حين تفرغ أمي من ترتيب الحاجات التي خمتها على عجل في شنطتها، يتفرغان لونسة لا تعنيني، وتدور غالباً حول الشغل، مشاوير السبت وفلان نقلوهو وأمي يوم الاتنين ما ناوية تمشي وحتوصي جعفر الباشكاتب من بكره على شنو كده ما عارف؛ ثم: -"يا ولد ، دخل راسك دا من الشباك" وعلى العكس من إتساع تصوري للعوالم، كنت أتصور حدود هذا العالم بسيطة جداً؛ بخيالي كانت الدول الأخرى كلها في مكان ما بعد بحري؛ تمشي قدام في شارع المعونة بتلاقيك الحلفايا، وتمشي منها مسافة كده بتوصل الدول الأخرى، ويمكنك بمعونة المراكب أن تعبر البحر الأبيض المتوسط لأوربا. أوربا بها حرب، هذا ما كنت أعلمه يقيناً، لحدي ما كلمتني حبوبتي حرم السني، وكانت مصدر مهم من مصادري، إنو الحرب العالمية إنتهت بدري، وأن الإنجليز لم يستعمروا أرضاً أوربية إلا قبل قرون، وأن كبري بحري في حقيقة الأمر مجلوب من الهند: فتنتني هذه الفكرة!. كنت أعلم عن كوريا، فقد كنت صديقاً لولد كوري كان معانا في المدرسة، صادقنا حتى إختلطت لغته الإنجليزية بعامية جيدة النطق، ولم نتعلم حرفاً كورياً. الناظر، فاظر غرامينو، كان إيطالياً، وكنت أكرهه وأعرف أنني يوما ما سأعلن الحرب على إيطاليا؛ كلهم كانوا إيطاليين، جرامينو وبعدو بيبينو وبعداك جينو؛ بيبينو كنا مسمينوا الأهبل، لما كنا غير متعودين على فكرة أن يبتسم الناظر للطلاب. بلدكم النصيحة ما قابلني منها غير مارادونا، وكاس العالم، والغباء الذي تعرف.
07-30-2011, 07:48 AM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ود الخليفه
معاوية المدير
محمد البشرى الخضر
Rawia
محمد علي شقدي
توما
محمد قسم الله محمد
Ahmed Yousif Abu Harira
حسام عبد الرحيم
طارق جبريل
أمين محمد سليمان
الصادق اسماعيل
قيقراوي
Gaafar Ismail
khaleel
محمد عبد الماجد الصايم
منتصرمحمد زكى
tmbis
محمد قرشي عباس
فيس بوك
تويتر
انستقرام
يوتيوب
بنتيريست