للنقاش: قلّة و انحسار مشاركة النساء فى الكتابة فى المنبر العام

Quote: تحياتي ندي ملاحظتي في الفترة الأخيرة ان مقدرة النساء علي الكتابة والحوار وادارة الصراع (فيما يخص قضاياها أولاً ) تتجه من جيد الي افضل ... برغم الانحسار الكمي لالا ان ان نوعية الكتابة فير رأيي الي الافضل ... تحياتي وودي

Quote: أتمنى أن لا يكون ذلك بسبب الحذر .

Quote: التحية لك وانت تواصلين رغم ما تعرضتي له من محاولات إغتيال معنوية وسياسية

Quote: ولو إدعي البعض أن لأخيرتين اسماء وهمية وذلك في حد ذاته نوع من القمع .

(عدل بواسطة Abdel Aati on 06-13-2011, 07:18 PM)

Quote: * هل المنبر طارد للنساء؟

Quote: [سلوك بعض اعضاء المنبر ومطاردة الزميلات .فى الصغيرة والكبيرة ...تحول لمرض عضال ..

Quote: رودا ، سارة عيسي ، ولو إدعي البعض أن لأخيرتين اسماء وهمية وذلك في حد ذاته نوع من القمع

Quote: أتفق معك في قلة المشاركات النسائية والموضوع معقد في رأي أحد أسبابه ثقافتنا السودانية في الجابن العربي منها والتي تسهل جداً قمع المرأة لأنه يمكن أن تتخلص من إزعاج كاتبة مزعجة لك بكلمة واحدة في شرفها السياسي أو الأخلاقي وكم من عضوة تعرضت لإنتهاك إيميلها وقتل شخصيتها فقط لإسكات قلمها علي سبيل المثال تماضر ، عزاز شامي ، رجاء ، رودا ، سارة عيسي ، ولو إدعي البعض أن لأخيرتين اسماء وهمية وذلك في حد ذاته نوع من القمع . السبب الثاني مرتبط بالفرص المتاحة للمرأة في كل مكان ومنها في المنبر ففرصة المرأة للكتابة مرتبط بمدي تفرغها للكتابة إذ بمجرد زواجها سيحدث لها ما يحدث للاعب كرة القدم بعد الزواج إضافة لمسئوليات مضاعفة والعجب لو كانت شغالة أو أن زوجها يري في المشاركات المنبرية نوع من الفراغ الذي لا طائل منه أكثر من تحاورها مع ناس قد ينافسونه فيها. برضو القمع الذي تتعرض له المرأة لو كتبت في موضوعات ممنوع الإقتراب واللمس ومن أخواتها الظلاميات في المنابر قبل إخوتها الذين قد يدافع عنها بعضهم ضد بعضهن . هي مجموعة من الحواجز لا بد وأن تزال مع بعضها قبل أن نري كثيرات يشاركن في أي عمل عام خاصة الثقافي منه]

Quote: سؤالىّ: لماذا قلة المشاركة النسائية فى المنبر العام الان؟ *هل ذلك بسبب قلة عدد العضوات؟ (يكون مفيدا اذا كان لدى الأخ بكرى احصائية بعدد الأعضاء حسب النوع). لماذا قلة أو انحسار المشاركات النسائية؟

Quote: هل كثرة البوستات والمداخلات امرا موجبا؟؟ بخصوص مشاركة النساء بها نوع من التوازن حتى إن صح قلتها والكثير من عميق جدا لدرجة ان بعض مداخلات النساء تتفوق على محتوى وقيمة بوستات يصل عدد صفحاتها اكثر من 4: 1- لاحظوا مداخلات وليس بوستات الاستاذة عشة موسى تحديدا فى بوست الشقلينى عن الطيب صالح وبوست اخير حول فاطمة طالب.. 2- لاحظوا بوست د.سعاد تاج السر حول شعر المديح النبوى .. 3- لاحظوا مداخلات حليمة محمد عبدالرحمن وعفراء سند وشيراز عبدالحى وعضوة ظهرت ثم أختفت بسرعة (مثل الأرض التى انشقت لسيدنا موسى حين ضرب البحر بعصاه) أعنى زينب محمد كذلك من المداخلات الملفته بجمالها ورصانة لغتها وسلامتها مداخلات عضوة إسمها منى (من بورداب الخرطوم) ظهرت فى المنبر العام أثناء أزمة مركز الخاتم عدلان تمتاز بقوة فى التعبير ووضوح فى الفكر ة وشجاعة فى الطرح .... كذلك مداخلات قليلة للعضوة باوربا اسمها فاطمه عيسى تقريبا (من الابيض) ... كذلك مداخلات وليس بوستات العضوة اميرة الشيخ (الدوحة) قلة المشاركات تتيح للفرد تجويد مايقول به خلافا لكثرتها التى تؤدى للثرثرة وضياع الوقت خصوصا حين يكون صاحب/ة البوست غير ملما جيدا بمحتوى البوست لكنه يريد فقط كتابة البوست باى ثمن من الملفت كذلك مداخلات اسماء عبدالحليم رغم قلتها لماتمتاز به من معرفة دقيقة للموضوع خصوصا حين يكون فى الادب لاحظوا مداخلاتها فى بوست مصطفى مدثر عن ترجماته لقصص قصيرة لجيمس جويس

Quote: إنت ماملاحظة انو لاحدي الآن ما جات واحدة من الاخوات لتقول رأيها. الرجال استلموا البوست ,, هو ياخ نحن مدينهن فرصة ? الواحد من الرجال كان اتونس مع اصحابو في الحلة يجي ينزل بوست بالونسة ـ وكمان يكتب ليك عاااااجل ـ والله كان عاجل ماعارف. ولا كان واحد عجبتو مداخلة عملها في بوست ,, جري علي المنبر العام. كدي الـ ننتظر نشوف راي الأخوات ليه مقلات .. مانقعد ننظر نيابة عنهن. قالوا سمح القول في خشيم سيدوا ,, ولا موهيك?

Quote: قرأت مساهمة لرودا اليوم فى احد بوستات سارة منصور. أنا ايضا معجبة جداً بكتاباتها تشرفت كثيراً بمقابلة والدها العم مردا فى لندن قبل فترة بسيطة، ، و هو فخور بها جداً وهى أهل لذلك. لها التحية و لابداعها و تميزها. ندى

Quote: و بالنسبة لى، فقد نصب نفسه عالما بشخصيتى و حاك الأكاذيب رغم اننى لم ألتقيه فى حياتى، (و كان يكتب لاشخاص يعرفوننى لسنوات و بعضهم مقيم بالمدينة التى اقيم فيها انهم لا يعرفوننى مثلما يعرفنى) --

Quote: ندى مصطفي شايفك متجدعة خالص الايام دي خلاص بطلتي الكضب واتهام الناس بالباطل وحشد زوجك ونسيبك واصدقائك للدفاع عن سؤواتك ؟ ممكن تورينا اخبار عم مردا شنو ؟؟ (وجه ضاحك )

Quote: بكرى ابوبكر وطريقته في ادارة الموقع نفر الكثير من النساء المستنيرات المتجاوزات للذهنية الذكورية قررن ترك المكان والتحاور فيه تسامى وليس ضعف وانكسار

Quote: ياخى نحنا عندنا حاجة اسمها قاضى شرعى ودا متخصص فى قضايا الحيض والنفاس والجماع وهى بالمقابل تعاليم دينية محشو بها عقل الرجل المسلم لذا حين تأتى امراة هنا وتناقش وتجادل بوعى وفهم طوالى تجد نفسها امام عنجهية ذكورية مدعومة بالشرع

(عدل بواسطة د.نجاة محمود on 06-10-2011, 10:17 AM)

Quote: و للتأكيد البوست دا ما فيه إلا ندى

Quote: التقول ما عارفه انه بنات الجلابه عاملات اضراب..في الفيس بوك وتضامنن معاهن المتجولبات من بنات الهامش...كدي كوسيهن ولما تلقينهن قولي ليهن تراجي قالت لكن العندها قضيه ما بتغيب و الحصل في جبال النوبه ده لو كان عندكم احساس بسودانيتهم ما بتظلوا غائبات!!

Quote: سلام د. ندي تحية عطبراوية أصيلة أولا أحب أن أشير إلي التدني الواضح في مستوي النقاش والتداخل في البوستات عموما...فقبلا وفي عهود المنبر الاولي كنا نري طرقا حضارية للتداخل...وصاحب البوست أولا يقود النقاش بكل أريحية وترحاب بالمتداخلين بنفس ترتيب التداخل..حيث أن من دخل الي بوستك كمن دخل دارك...أما الان فإنك تستقطع من وقتك الغالي لتكتب مداخلة لاحد الاشخاص...ولكنك تندم فيما بعد علي الوقت الذي أضعته حينما تجد الردود.... طريقة التعامل من قبل الاعضاء أعتقد أنها السبب الرئيسي ليس فقط من جانب الجنس الناعم وإنما من كل من لا يريد إضاعة الوقت في المهاترات. شكرا جزيلا

Quote: تراجي ازيك ياخ Quote: التقول ما عارفه انه بنات الجلابه عاملات اضراب..في الفيس بوك وتضامنن معاهن المتجولبات من بنات الهامش...كدي كوسيهن ولما تلقينهن قولي ليهن تراجي قالت لكن العندها قضيه ما بتغيب و الحصل في جبال النوبه ده لو كان عندكم احساس بسودانيتهم ما بتظلوا غائبات!! مع اني ما عارف معيار الفرز جلابي/هامش دا بما اني على مقياس بشاشا جلابي سامي روحو قيقراوي ساااي لكن كلامك اعلاه ما بقلل من اصالة من اسميتهن [ متجولبات من بنات الهامش ] ؟ ليه ما يكنن هن الاصيلات و الجلبيات البيضاء المكوية ديل اتضامنن معاهن!؟ يا ستي انا ذاتي مضرب معاهن .. و القضية دي ما حقت زول و التاني اتضامن معاهو ... دا ابتذال ليها في وجهة نظري الالجلابي الضعيف القضية قضية ( حقوق ) و تقنين علاقة الاعضاء بالموقع و قانون ضابط يساوي بين الجميع ... بس ( بفتح الباء ) كلام د. بيان مظبوط و لحد ما الامير ... بكري فاشل في ادارة البورد دا ..وهو سبب كبير في انحسار المشاركة فيهو من الرجال و النساء سم سانين ما كل الناس واحد يا تراجي ياخ! .. انت زولة صلبة في مواقفك و دا حقك الا لمن بعينه رمد تتوقعي كل الناس يكونوا زيك؟ اسي انا فوق قلت ليك انا معاهن و مقاطع ... لكن بطريقيتي انا ما بقدر افرض رأيي دا على زول .. و لا قدرت اقنع بيهو زول منهم/ن سم سانين - دبل - يعني لو ما كتبت رأي حول الحاصل في السودان يبقى طوالي معناها اني ما عندي، لمجرد اني ما كتبت في سودانيز الجن دي!؟ دا منطق وين في الاهل؟ خلاس النيا كلها بقت سودانيز بس! طيب بنفس الفهم دا .. ليه راضين انو يحمكها فرد تصرف المالك في ملكيته .. يهب الباسوورد لمن يشاء و ويحؤم من يشاء .. و يحف من يشاء و بوستات من يشاء و يغض الطرف عمن يشاء هي العبودية دي كيف؟ ما ياهو يا اما انو البورد دا ملكية خاصة، و في الحالة دي ما تطالبونا انو لو ما قلنا راي هنا يبقى ما عندنا رأي! يا كمان البورد دا عام و يبقى السكات على طريقة ادارة بكري يتحسب ( دفن دقن ) بس!! سلام و احترام للجميع

Quote: ندى على سلامات ... طبعا دا انعكاس لعدم مشاركتهن فى العمل العام ككل .. انعكاس لسياسات كتيرة متشابكة تحد من وجودهن فى العمل العام من اصلو .. ناس حسين ديل وووووو الخ ما شغالين بنظرية الازاحة قايله شنو ؟؟ كمان فى عنف لفظى ..

Quote: لن تبدع المرأة وتكون فاعلة الا في مجتمع معافى محترم..

Quote: تحية لك أستاذة ندى طبعاً الملاحظة الأولى هي أن هذا المنبر مملوك لفرد، والتسجيل وممارسة التعبير فيه تعتمد على التقدير أو المزاج الشخصي لمالكه. ثانياً: عدم مشاركة النساء، كما تلاحظين أن أغلب المشاركات النسائية هي لنساء سودانيات يعشن في خارج القطر. وفي اعتقادي أن السبب الأساسي في ضعف المشاركة النسائية هي أن المرأة، وفي السودان خصوصاً تعاني من التهميش ومن ضغوط اجتماعية هائلة، يمنعها بشدة من ممارسة الحقوق الأساسية كما الرجل. مثلا: ( تعزر خروجها في المساء، صعوبة السفر، الحديث، الحرية ، النقاش، الفقر ...الخ ) وهذا شيء ملاحظ بكل وضوح، وبالطبع عدم وجود ثقافة نافعة يؤثر على الجنسين. ( كنت أهتم بكتابات الغائبتان: ميسون نجومي ورودا مردا) ناجي محجوب – الخرطوم (من غير الأعضاء)

Quote: تعرفي يا ندى مصطفي؛ مرات بحن عليك .. عوارة سودانية ساي كدا وزي عوارة الناس المتحلقين حول زهور لبلابك دي وما قادرين يسالوك عن عم مردا ولا يقولوا ليك اعتذري عن تلك السقطة

يا د. ندى المارستوهو هناك دا استهبال رسمي ي ي ي و استخفاف بقيم و عقول الناس الهنا - وكتها - و يلزمك اعتذار لا مرية فيه.

و في نظري دي واحدة من اخطر اسباب انحسار المشاركات النسائية و قيل الرجالية ذاااتا في الاسافير دي .. فجديتك في الطرح هنا، و انطلاقاً لأي طرح لي قدم سياسي و لّ اجتماعي بتوقفك على جديتك في الوقوف مع نفسك و اخدها بالشدة اللازمة .. و ما صعب بالمناسبة لزول عندو عزمك. و قدر حقق كل نجاحاتك الما بنكرا الا مكابر او في عينه رمد .. او في قلبه مرض او غرض.

Quote: ندى مصطفي شايفك متجدعة خالص الايام دي