نجاة سيد احمد ازيك...مطرودين دي شنو...مافي اي زول يقدر يطردنا من هنا ما شفتي أخونا دينق بقول شنو ؟ الحوش دا امريكي وسيد الحوش من عندنا...مش كويس خليناكم تسرحوا وتمرحوا انت وعائلتك ...كمان تجي تطردنا؟ابو حسين اقعد في علبك ...اووووبسسس...انت أصلك قاعد...المهم ..لمن تقوم بالسلامه...تقعد تاني.....وفي علبك...أوكي؟
04-14-2011, 02:11 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
ابوحسين ازيك..الزول ده ما زولك...زول ساميه حامد...وساميه حامد زولتك...وتيييييب...لو سمحتو يا شباب زول ينزل لينا اغنية(الزول ده ما زولي)ونهديها للأخ المطرطش وابنة اخته ENAVE .
04-14-2011, 02:43 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
شكراً علي الاغنيه الجميله .... لكن دي ما الاغنيه إلانا طلبتها....... ولا ده برنامج جديد اسمه ما يفرضه مقدم البرنامج......ابوحسين رقدتك طولت ونحن خلاااااص ...ده شغل شنو البدو الزول اجازه علي كيفو...يا اااااااحليلنا نحن ....كان داير تموت احازتك اسبوعين بس...
04-14-2011, 05:17 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: و الدكتورة توزع في حنة التاج يمين و شمال و سيد البوست دا شال ساكت ما جابتو ليه
إتلومت الدكتورة...
كيف الكلام ده يا أبوحسين، حقك علي ياخي، أها جبت ليك كولونيا تاج ليمون رجالي عشان ما تزعل، وكمان للحبيبة سامية خُمرة تاج بخاخ وعطر دخان تاج، عشان قالت في الرياض ما موجودة لازم ندي الخرطوم إشارة سريعة عشان يوفروها. أها والحنة في شكلها الجديد للحبيبة منال عشان طلبتا ومحلبية تاج محل جاية في السكة. أها قصرتَ معاكم؟ أما المطرطش والله قصر بعد ما وعد يظهر ليوم الليلة، ما تزعلوا منوا أكيد عندو ظروف وبيرجع ليكم بالسلامة إن شاء الله.
04-15-2011, 09:57 AM
Souad Taj-Elsir Souad Taj-Elsir
تاريخ التسجيل: 05-30-2007
مجموع المشاركات: 3100
يا سلام عليك.. لي فترة ما شفت الظرف الجميل ده.. (قريب سنة) ربنا يتغمد الوالد برحمته.. فهو باقي بيننا بوجودكم واعماله الخيّرة..
سلام يا دكتور عبدالعزيز عيسى أبو الوليد، شكراً ليك على رائع الكلام، للوالد الكريم ألف رحمة ونور. وهو باقٍ فينا أبد الدهر ما حيينا. وعشان خاطرك والمدام الحبيبة الحنة وكل المنتجات في الصور أعلاه مهداة أيضاً ليكم بمناسبة المولود السعيد. لكن كيف يا عزيز ما شفت الظرف قريب سنة، ده كلام ده؟ قطع شك لازم تصلكم وإيه رأيك تكون الموزّع في ماليزيا وجه باسم !! الله يديكم جميعاً العافية، وربنا يجمع المطرطش بالسلامة سبب البوست ده ولسة ما ظهر.
04-15-2011, 12:24 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: سلام يا دكتور عبدالعزيز عيسى أبو الوليد، شكراً ليك على رائع الكلام، للوالد الكريم ألف رحمة ونور. وهو باقٍ فينا أبد الدهر ما حيينا. وعشان خاطرك والمدام الحبيبة الحنة وكل المنتجات في الصور أعلاه مهداة أيضاً ليكم بمناسبة المولود السعيد. لكن كيف يا عزيز ما شفت الظرف قريب سنة، ده كلام ده؟ قطع شك لازم تصلكم وإيه رأيك تكون الموزّع في ماليزيا وجه باسم !! الله يديكم جميعاً العافية، وربنا يجمع المطرطش بالسلامة سبب البوست ده ولسة ما ظهر.
العزيزة د. سعاد تاج السر
حياك الله
لك من الشكر أجزله وممنون لهداياك المتميزة هذه.. حنة التاج عشناها عمر.. من الختان للعرس وآلالاف المجاملات في الافراح المختلفة.. فهي ماركة أفراح مميزة للملايين.. ومن يكون سببا أو جزءا من فرح الناس فقد عمل عملا جليلا.. فهي صدقات جارية ينعم بها الوالد في الرفيق الاعلى..
لي شهور من كوالالمبور.. ولكن التواصل في عالم صار صغير شئ سهل..
وربنا يجمع بالمطرطش..
تحياتي
04-15-2011, 06:58 PM
Souad Taj-Elsir Souad Taj-Elsir
تاريخ التسجيل: 05-30-2007
مجموع المشاركات: 3100
Quote: العزيزة د. سعاد تاج السر حياك الله لك من الشكر أجزله وممنون لهداياك المتميزة هذه.. حنة التاج عشناها عمر.. من الختان للعرس وآلالاف المجاملات في الافراح المختلفة.. فهي ماركة أفراح مميزة للملايين.. ومن يكون سببا أو جزءا من فرح الناس فقد عمل عملا جليلا.. فهي صدقات جارية ينعم بها الوالد في الرفيق الاعلى.. لي شهور من كوالالمبور.. ولكن التواصل في عالم صار صغير شئ سهل..
شكراً عبدالعزيز أخوي يعطيك ألف عافية، لا شكر على واجب. كل أعماله صدقة جارية والحمدُ لله رب العالمين، ربنا يجمعكم بالأهل في السودان في القريب العاجل يا رب، تندثر هذه الدكتاتورية البغيضة وينعم الجميع بوطن حُر ديمقراطي بعيداً عن الطغيان والظلم.
Quote: وربنا يجمع بالمطرطش..
آمين يا رب العالمين، حيجمع إن شاء الله ما تزعلوا منه يمكن عندو ظروف. ________________________________________________
كسرة: عاد يا أبو حسين ما بسألك أتجاهلت الهدية حالتك طلبتها، أها مسحوبة منك الكولونيا الرجالي، لكن هدايا الحبيبة سامية قائمة لأنها ماشاء الله عليها بت ذوق وبتعرف الاصول تماما يعطيها ألف عافية. وجه باسم.
04-15-2011, 07:27 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: كسرة: عاد يا أبو حسين ما بسألك أتجاهلت الهدية حالتك طلبتها، أها مسحوبة منك الكولونيا الرجالي، لكن هدايا الحبيبة سامية قائمة لأنها ماشاء الله عليها بت ذوق وبتعرف الاصول تماما يعطيها ألف عافية. وجه باسم.
يا دكتورة هي أنا طلبتها كيف تكون هدية....؟؟؟ و بعدين طنشتيني لم قمت ذكرتك...... يعني لو ما إشتغلناك كنتي أديتينا هدية..؟؟؟؟؟؟؟
إديك العافية كريمة بت كرماء
أها يا دكتورة عندك كلام معاي بعد الكلام و المناظر ديل...؟؟؟؟؟
تحياتي
.
04-15-2011, 10:33 PM
Nagat Sid Ahmed Elshiekh Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
( أهلاً دي بي مساخة زي حقت نميري) جعفر نميري كان الإعلاميين زاروه أيام كان ناس هيئة الإذاعة البريطانية شغالين ليه شغل شديد الجماعة بسلمو عليه كل واحد بعرفو بي إسمو و مكان عملو جاو أيوب صديق الناس كلهم ببتسم ليهم و بسلم عليهم بي حرارة شديده قام مر عليه أيوب صديق قال ليه أيوب صديق هيئة الإذاعة البريطانية صر ليه وشو و قال ليه أهلا(بي مساخة شديدة) أها أهلا الفوق دي زيها
04-16-2011, 07:27 AM
Nagat Sid Ahmed Elshiekh Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: يا سلام عليك يا دكتورة سعاد العاقله الراسيه جابت لينا النجيضه.....ولا غرابة في ذلك فهذا الشبل من ذاك الاسد....اللهم ارحم العم تاج السر علي الشيخ واجعل الجنه مثواه...ويا سلام علي الظرف انشالله يكون ملان بس......وطبعاً لازم معاه المحلبيه والسرتيه .....هديتك مقبوله يا الغاليه....دمتي دكتوره سعاد ودامت ثورة النساء.
شكراً منال يا غالية يا ذوق يا أصيلة على كلماتك الجميلة، للوالد الحبيب الرحمة وألف نور يغشى قبره الطاهر آمين. ثورة النساء تبادلك رائع القول وتحييك تحية النضال والديمقراطية. يعطيك ألف عافية.
أما فيما يخص الحنة، فلا شكر على واجب وطبعاً الظرف مليان ومال إيه، وكنت رسلت ليك صندوق التصدير يعني ما شفتيهو مع حاجات الغالية سامية، وطالما سألتي عن المحلبية والسرتية، غالي والطلب رخيص، لكِ محلبية تاج محل سودانية مية المية فخر الوطن الغالي رغم أنف مستوردي الإقتصاد الأجنبي سيقى إقتصادنا الوطني هو الأصل، يلا هاك محلبية وسرتية تاج السألتي عنها، يسأل منك الخير. والشكر للمطرطش سبب البوست ولأبي حسين سيد البوست ولسامية حرم سيد البوست على إتاحة هذه الفرصة الجميلة :)
شكراً يا أبوحسين يا ابن الكرماء على رائعة الأستاذ أحمد المصطفى (أنـا أُمُـدرمان)، أُم الكُل ونوارة السـوادن لي حدو، مقبولة الهدية ما قصرت. وين غاليتنا سامية لعل المانع خير؟ ولكم جميعاً وللمطرطش المودة والعود الحميد، وهذه هي محلبية وسرتية غاليتنا منال الطاهر.
Quote: Quote: هوووووووي يا ابو حسين ...انت قدر الكلام ده......الله يستر علي عامود النور الجنبكم...
الكوت دا مفروض تكون معاه عدة وشوش ضاحكة.. و طبعاً لسه ما وصلتي الدرس بتاع الوشوش دا هاك ديل شيليهم و أصرفي منهم و لم إكملو كلميني علشان أرسل ليك دفعة جديدة
04-16-2011, 04:59 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: شكراً يا أبوحسين يا ابن الكرماء على رائعة الأستاذ أحمد المصطفى (أنـا أُمُـدرمان)، أُم الكُل ونوارة السـوادن لي حدو، مقبولة الهدية ما قصرت.
عارفة يا دكتورة ناس أم درمان ديل سيرة أم درمان دي بتكتل حيلهم شديييييييد صاحبنا طلع من أم درمان زهجااااااااااااان سافر هجرة داخلية علشان إلعب في فريق كورة وصل بالليل قام طوالي مشى على قهوة قال إقعد إشرب ليه شاي و إرتاح شوية و بعدين إشوف ليه فندق إنزل فيه..... أها بشرب في الشاي و القهوة فيها الراديو الكبيييير داك سمع أغنية من أم در يا ربوع سودانا الراجل قعد إبكي تاني يوم من الصباح ركب و جا راجع أم درمان.
Quote: الكوت دا مفروض تكون معاه عدة وشوش ضاحكة.. و طبعاً لسه ما وصلتي الدرس بتاع الوشوش دا هاك ديل شيليهم و أصرفي منهم و لم إكملو كلميني علشان أرسل ليك دفعة جديدة
والله يا أبو جبص كلامك دا صاح انا لسة ما عارفة الوشوش دى بجيبوها كيف،
ههههههه والله ضحكتيني يا نجاة ....دايره تختي القرود الحمر في البروفايل بتاعك؟ياخي حرام عليك...دي صورة العائله .....الاطفال عددهم اربعه وآلام والاب الله سختهم قرود..... وحمر كمان......كدي يا نجاة شوفي لي الكراعه مجبسه ألبي اليمين ولا الشمال.
04-19-2011, 01:23 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: ههههههه والله ضحكتيني يا نجاة ....دايره تختي القرود الحمر في البروفايل بتاعك؟ياخي حرام عليك...دي صورة العائله .....الاطفال عددهم اربعه وآلام والاب الله سختهم قرود..... وحمر كمان......كدي يا نجاة شوفي لي الكراعه مجبسه ألبي اليمين ولا الشمال.
وين يا منال ولى عظيم الشرف ان اخت القرود الحمر ديل فى برفايلى عشان أبو جبص مفكوك دا يبطل المطاعنة ،
Quote: والله قرودك الحمر ديل عاجبنى شديد بالحيل وعاوزة اختهم فى البروفايل بتاعى،
و ردت عليها الملقوفة:-
Quote: ههههههه والله ضحكتيني يا نجاة ....دايره تختي القرود الحمر في البروفايل بتاعك؟ياخي حرام عليك...دي صورة العائله .....الاطفال عددهم اربعه وآلام والاب الله سختهم قرود..... وحمر كمان......كدي يا نجاة شوفي لي الكراعه مجبسه ألبي اليمين ولا الشمال.
الونسة على فروع الشجر
04-20-2011, 09:44 PM
Nagat Sid Ahmed Elshiekh Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: المطرطش دا طفش أول ما إنتي ظهرتي في البورد دا علشان كدا ياختي أدينا فرصة أسبوع واحد بس الزول إرجع و نتونس معاه و نطمئن عليه و بعدين إنتي أرجعي تاني
ما تفهميني غلط بالله
يازول عنو ما رجع كان دا سببو،
ماتفهمنى غلط بالله
05-20-2011, 06:23 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ABUHUSSEIN
Nagat Sid Ahmed Elshiekh
Souad Taj-Elsir
معاوية المدير
Abdlaziz Eisa
omer osman
محمد عبد الماجد الصايم
doma
فيس بوك
تويتر
انستقرام
يوتيوب
بنتيريست