جوكس أتصل علي شركه زين ردت الموظفه :اهلا وسهلا اي خدمه ؟قال ليها لو سمحتي عندي استفسار بسيط عندي اخوي صغير بلع شريحه فيها رصيد بي 20جنيه لو اتكلم بنتهي ؟!
صاحبنا مشى زرع في ام خيرين... الخريف كان كعب.. وكويس في أم أرضة.... السنة البعدها مشى زرع في أم أرضة.. الخريف كان كعب. كويس في المزموم.. السنة البعدها مشى زرع في المزموم.. الخريف طلع كعب وكويس في أم أرضة..
السنة البعديها مشى زرع في أم خيرين, أم أرضة والمزموم والقدمبلية كمان ومع الرشاش بس قاعد يعاين للسماء..
السحابة شالت سوداء والرعد يهدر.. صاحبنا يتبسم ساااي.... عاين لي فوق وقال: أها الليلة وين يا عيني.. والله إلا كان تصبي لي فوق!!!!!!!!!
04-18-2011, 10:51 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
جماعة دخان البنقو بتاعهم ضارب فوق, ناس الشرطة اقتحموا البيت.. واحد قال للضابط: مالكم يا جنابو كمان بقيتو تطفرو علينا من غير اذن؟ الضابط: قاعدين تدخنوا بنقو .. قال: يا جنابو بنقو شنو كمان؟ نحن مافينا زول بيعمل حاجة زي دي... الضابط: طيب ريحة البنقو دي من وين؟ قال: والله يا جنابو البيت ده نحن مؤجرنه بي ريحتو دي!!!
04-18-2011, 04:11 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: عبدوجوكس إشتري ليهو دكان دايرإعملو صالون لقي في اليمين مطعم مكتوب فيه(كلوا من طيبات مارزقناكم)وعلي شمالو محل عصاير مكتوب عليو(وسقاهم ربهم ماءآ طهورا)فات جاب لي خطاط قال لي اكتب(نحن نقص عليك احسن القصص)
اوسسسسسسسسسكرين وليس اوسكر وحدا يا ود ارباب وشرفت الكراكير في حضرة الكراكريين خلي وعبدالعزيز والعقد الفريد
عمك ود قنيرة قضي عمرو كلو بطشم عرقي تقيل لدرجة جعلته مشلولا بصورة جزئية وما بقدر يمشي كويس لمن عجز ولكن رغم الشلل والكبر الا انه لم يتوقف من الطشم وكل ما يلقي كاس مطرف بخش فيهوو لفت.. يوم في قيفة البحر مجموعة من شباب الحلة جايبين ليهم (باقة) وبكبكبو بمزاج والدنيا ليل عمك مسكتو كاروشة وقام (متكركر) من بيتو الجنب البحر حتي القيفة.. الشباب الطشمنجية حسو بزول زاحف وقعدو يكوركو شيطان شيطان قال ليهم انا ما شيطان انا عمكم ود قنيرة ادوني معاكم كاس
واحد بلدياتنا خوافا الجماعة مشوا القنيص يصيدوا اسد هم منتظرين الاسد ولابدين ليهو باتجاه قام جاهم من الناحية التانية صاحبك من الاسد زأروقع خل الجماعة شالوا جنازة وقاموا جارين بلديتنا بعد ما فاق من الغمرة قال ليهوم منو الكان شايلين من الكتف الشمال قالوا ليهو : ده فلان قال :(ده خوافا شايلين وهو بيرجف)
________________________________________________________- يا كيكي وخلي بالطريقة دي ما حنمشي الشغل
يا كيكي وخلي وعصام دهب هاكم دي من اب قبة فحل الديوم كن في حكم درجة اولى وبياع بتاع عدة قهوة في سوق اب جهل المباراة سخنة جدا واحد من اللاعبين عمل فاوول قوي ناداه داير يديهو كرت اصفر انذار بيسا ل فيهو اسمك منو الكابتن عارف انو الحكم عارف اسمه رد وهو يبتسم :(شرقرق ) الحكم طوالي بدل الاصفر اداهو كرت احمر
هلا يا مبارك والاشواق يا خ واحنا الشكلنا كده مش حنمشي الشغل بعد ما حكاوي ابو قبة فحل الديوم دخلت الملاعب مرة اخري في حضورك وماعارف عصام دهب ده طفش وووين من البوست ده
وتحياتي
04-19-2011, 09:47 AM
عصام دهب
عصام دهب
تاريخ التسجيل: 06-18-2004
مجموع المشاركات: 10401
الباشمهندس / وليد زكرياعلى الطاهر ود جيرانا و صاحبنا و فردة و رفيق الإبتدائي و الصغر .. أما الباشمهندس / ميرغني حسن علي كرار فهو صديق و رفيق المتوسطة و جزء من الثانوي .. و كلاهما حبوب رائع و مدهش .. مدهش.. فسلامي و معزاتي لهما أينما حلا و كيفما طلا .. ..
04-19-2011, 12:00 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: الباشمهندس / وليد زكرياعلى الطاهر ود جيرانا و صاحبنا و فردة و رفيق الإبتدائي و الصغر .. أما الباشمهندس / ميرغني حسن علي كرار فهو صديق و رفيق المتوسطة و جزء من الثانوي .. و كلاهما حبوب رائع و مدهش .. مدهش.. فسلامي و معزاتي لهما أينما حلا و كيفما طلا .. ..
هلا يا عصام وياخي الناس ديل صحباني موت وحياهم الغمام ونحيهم معاك ووين ماهم قاعدين وليد زكريا في سلطنة عمان وميرغني كرار في نواحي امريكا.. اصدقاء بنكهة عجيبة وليالي وايام ممتعة في نواحي الجامعة وبرفقة اروع الناس..
04-19-2011, 12:26 PM
عصام دهب
عصام دهب
تاريخ التسجيل: 06-18-2004
مجموع المشاركات: 10401
جعفر صاحبنا جا العمرة لأول مرة .. و هو ذاتو في الدين ما بالحيل كدة .. جبنا ليهو الإحرام .. شالو و دخل الحمام .. أحرم و جاء متخارج .. مشينا العمرة جينا راجعين آخر الليل .. لما بدأ يملص الإحرام قدامنا قربنا نشتت .. لكن لقيناهو لابس تحتو سروال طويل بس مكفكفو .. هوي .. يا هوي .. دة شنو دة !! قال ( شنو ؟؟ يعني عايزني امشي أم فكو ) ؟؟
جعفر نفسو .. و في داخل الحرم ( المكي ) كان قد سألني ( أنتا قبر الرسول ( ص ) بي وين ) ؟؟
04-19-2011, 02:17 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
العميل رقم واحد كيكي انت فاكرني انا ماشايف البوست دا قلت دا امشي اقعد بيهو جنب الحاجة لانه مابكون عندي موضوع غير اني قاعد قدامها وعارفكم انتو لم تتلمو الجوز انت وصابحك المهندس خليلوف
اها اول مادخلت قريت كلام خليل في احدى الماخلات ضحكت زين والمشكلة خلاص بديت البوست يعني لازم اقرا البوست من الاول
Quote: كنا شغالين في كبانية ابو حجار
بعدين في حلة ورا الظلط مباشرة
قمت سالت واحد اسمو والي الدين من ابناء ابو حجار
قلت ليهو الحلة ديك شنو
قال لي
دي كرنقو مكان الذين ظلمو انفسهم
مبالغة ياهندسة مره عند اهلنا الدناقلة في منطقة دنقلا المدرس في الامتحان سال عن صفات الرسول الطالب اتلفت ماعرف يقول حاجة قال : الرسول ماكان بمشي البان جديد الاستاذ اعتبرها اجابة صحيحة
يا عصام دهب والله ضحكت وكنت قاعد براي حتى سالت ادمعي شكيت على الله يا جعفر هههههههههههههههههههههههههههههههههه والاطرش قد الاسبوتنج بتاع الدكتور
حكى لي دي دكتور فيصل احمد سعد (فرقة الاصدقاء) قال لي مرة جاني وجع اضان جامد مشيت مستشفى الابيض وكان في اضراب دكاترة لقيت واحد ممرض خريج جديد من مدرسة التمريض وحكيت ليهو الحكاية قام صاحبك طوالي اتناول الضرمبة البنضفوا بيه الاذنين ديك وبدأيسحب من اذني اذني وجعتني قمت كورتا اخخخخخخخخخخخخخخخخخخخ صاحبك نضا بعيد مني وقال لي :(بصراحة كدة الاضان دي لسة ما ادونا ليها)
أستاذ إنجليزي مصري في السعودية بحفظ في الأولاد أسماء أيام الأسبوع .. قال ليهم : بصووو خلونا نبدأ من يوم السبت .. لأنو ربنا أمر بالستر .. يبقى ستر دي .. عرفتو نجي ليوم الأحد .. عندكم لعبة ورق اسمها بلوت .. واحد يقول حكم .. التاني يقول صن .. صن دي يوم الاثنين .. أحلى أكلة في السعودية اسمها المندي .. من داااااااااااااااااي والمندي يتعمل من إيييييه .. من التيووووس ... تيوس دااااي والأربعاء بعده الخميس والجمعة إجازة طبعاً .. يبقى الأربعاء للونسة ... ونس دااااااي والخميس والجمعة إجازة طبعاً ما يلزموناشي
قاليك الحاجة سافرت لى ولدها المقيم فى المدينة المنورة فى رمضان.. قبل المغرب قالوا ليها يلا يا حاجة أجهزى عشان الفطور فى الحرم.. وقد كان.. إبتدأت الحاجة بصلاة المغرب.. وشويتين كدة قالوا ليها يلا يا حاجة العشاء.. وبعد داك بدأت التراويح.. المهم بإختصار على أنصاص الليالى رجعوها البيت.. ما ختت راسها كويس.. جاء ولدها لكزها..يلا يا حاجة الصبح فردت عليه بعفوية.. هى نان السوينا قبيل دة كلو ما فيهو الصبح..
04-20-2011, 10:51 AM
khaleel
khaleel
تاريخ التسجيل: 02-16-2002
مجموع المشاركات: 30134
كراكيراب احبكم والله.. عصام دهب ومبارك جادين وون تو من نواحي ابو قبة يولع جمر الحي.. والاطرش ده حقو الواحد يمشي الابيض يكوسو زنقة زنقة ويديهو الاوسكار حقو في يدووو... فهو مبااااالغة
-------- كابتن ولي يا تيوة يا معلم وحياك الغمام.. وخلي زول مسخوت وعرفة زي كم وعشرين سنة منذ ان كان نحيفا وشفيفا اتيا من نواحي حنتوب.. واحسن زول في العالم ممكن تتنونس معاه.. وعندك وااحد اوسكار علي الطائر (اربعة لساتك) فوووق... وياريت تخش لينا في حكاوي ناس الكورة عندي حكاوي عبر الكابتن الطيب الدويم عن المرحوم فاروق دينق المدلك الشهير (بس اروق واحلي)
------- سنجاوي يا اوسكر الاوسكر ------
هلا يا ابو الزهور
Quote: فردت عليه بعفوية.. هى نان السوينا قبيل دة كلو ما فيهو الصبح..
لوووووووووول يا تورو نفس الحاجة المسكينة دي ساااكت يا زول ناس نواحي جدة ومكة ديل صلايين صلاة رهيبة يااخي
---------------- ويا سسسلام يا قزازة عرقي كاجمة وعبد القيوم دي.. بتكون قزازة محضورة يا خليل ياااخ
وسنتابع
04-20-2011, 11:30 AM
khaleel
khaleel
تاريخ التسجيل: 02-16-2002
مجموع المشاركات: 30134
Quote: ابوي كان قروشو كتيرة والله لو كان عايز خالي موسي دا
كان عرسوهو ليهو
واحدة من بنات اهلنا الجنوبيات ديل مكجنة ليها زول مسخوت كده يوم شغالها في حفلة وقال ليها ووين يا عيون يا نعسانة قالت ليهو مالك ومالو انشاء الله ينوم زاااتو
بعد اقامة صلاة الظهر الامام شبك ليك الناس استقيموا واعتدلو وساووا بين الصفوف .. اها في عمك واقف في الصف القدام ... واقف مكلوج ... اها الامام شافو وشبكو ليك قدام شويه وعمك يزحف بكرعينو قدام.. تاني الامام يأشر ليهو بيدينو ورا شويه ..الحكايه استمرت زي دقيقه كده... عمك غضب غضب شديد قال للامام انت شابكني ارجع ورا تعال قدام اتا ده داير تصلي بينا ولا تشوووت فاول!!
04-20-2011, 12:32 PM
Elsanosi Badr
Elsanosi Badr
تاريخ التسجيل: 03-29-2008
مجموع المشاركات: 4166
Quote: لكن لقيناهو لابس تحتو سروال طويل بس مكفكفو .. هوي .. يا هوي .. دة شنو دة !! قال ( شنو ؟؟ يعني عايزني امشي أم فكو ) ؟؟
والله يا عصام ضحكتني لامن الشفع جو جارين
عام الفين وخمسه جينا عمره ومعاي صاحبي ليبي مولود في بريطانيا ...اها اثناء الطواف شفنا لينا منظر كده من الله ما خلقني ماشفتو .. واحد من ناس اسيا ديل افغاني ولا باكستاني ماعارفو ... الزول ده لابس ليهو عراقي تخين كده ..اها الزول قام رفع عراقيهو من ورا ومشي علي الكعبه وقام دعك ليك ضهرو ومؤخرتو في الكعبه بصوره مذهله... صاحبي الليبي امتعض وكرب وشو وقال لي بكلنه مكسره كده :الزول ده بيعمل في شنو؟؟ ... قلتو ليهو والله ما عارف لكن يمكن يكون عيان ... قال وكت عيان ما يمشي يبلع ليهو حبوب ولا يشوف ليهو مسحه... ياخي زح من هنا الزول ممكن يعادينا
04-20-2011, 12:35 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وياريت تخش لينا في حكاوي ناس الكورة عندي حكاوي عبر الكابتن الطيب الدويم عن المرحوم فاروق دينق المدلك الشهير (بس اروق واحلي)
ياباشمهندس كيكي الطيب الواحد ده بتاع المورده كان هو قوليهو متذكر وليد الخبتو روسية في استاد الخرطوم عشان خاطر كيكي بعرفك الان سامحك وغفر ليك
. . في مره المدرب صلاح ليبيا المدرب المعروف وامكن خليل يعلم به جيدا يازول مره فترانين ومساهر مع لعيبة الموردة للصباح وتاني يوم عندنا تمرين في الصباح مع سلاح المظلات ومعظم اللاعبين من فريق الموردة يازول قعدنا بره الملعب وقلنا فترانين ورفضنا التمرين وقعدنا نحكي قصة الحفلة ونضحك المدرب صلاح ادهو الشمار جوة الملعب اننا كنا مساهرين امس يازول جانا ليك بره وشبكنا ليك ادخلو حتى بالبناطلين اتمرنو ويقول انتو فاكرين شيبي دا كيمياء وللا فيزيا ماكله دي دقت ودي مرقت
04-20-2011, 03:36 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: جعفر نفسو .. و في داخل الحرم ( المكي ) كان قد سألني ( أنتا قبر الرسول ( ص ) بي وين ) ؟؟
حسبنا الله ونعم الوكيل يا جماعة عصام بجنن ليهو زول
في حلة زول مشهور بأنو خواف خلاس قاموا كلموا ليه صاحبو الشجاع (يا أخي ما تخلي صاحبك ده يجمد شوية شنو الفضايح دي؟)
قال ليهم شيلو صبر....
عصيراً بهين ساق صاحبو الخواف وعنى الغابة يقص ليه في القصص والحكاوي الطويلة لحد ما الضلام نزل ولقو نفسهم في قلب الغابة. الخواف انتبه وقال ليه يا زول نرجع الحيوانات المفترسة زمانها سدت الشارع!
صاحبو قال ليه صدقت، نولع لينا نار تطرد الوحوش و شوية لحد ما ترجع أوكارها ونقومو نرجعو الحلة. جابو الشجر الواقع وولعوا النار وحضنوها
بعد شوية صاحبو اتغطى بتوبو وبدأ يشخر آرررررررررررر خخررر
الخواف جاتو عدوى النوم ونام جنب التقابة
يقوم صاحبو يخت عود في مكانو ويغطيه بالتوب ويرجع الحلة!
الخواف يصحى خايف ويتلفت يمين يسار يشوف الأسد مقابلو من الجهة الأخرى من التقابة قاعد راجيه وبعاين ليهو
يجن جنونو يحاول يصحي صاحبو ينكشف التوب عن ضقل ساكت.
يركبو الخوف يجن فجأة يلقى نفسو في ضهر الأسد وماسك الأضنين! الأسد من الذعر والخوف يخيّط بيه الغابة الليل كلو، شجرالغابة كلو رقد واطا! الساعة لمن بقت في نص النهار ، دخل الأسد بالخواف ساحة الحلة وبرك ومات! جابو موية حارة حتى فكو بيها أيدين الخواف
لكــــــــــــــــــــــــن:
الحلة كلها كسرت تقول: ورّونا أشجع من الزول الجاب الأسد وقتلو في نص الحلة منو؟؟؟
النسوان جابن وليداتهن الصغار يشيلن من (إسهال) البطل الراقد هبطرش في ضهر الأسد ويجيرن جبهات وليداتهن!
عشمانات أولادهن يبقو فرسان! القصة دي كان ما أخاف الكضب لمن عملو منها برنامج في الإذاعة سموه (فرسان في الميدان)!
04-21-2011, 09:11 AM
Elsanosi Badr
Elsanosi Badr
تاريخ التسجيل: 03-29-2008
مجموع المشاركات: 4166
في موسم العمره ... في سوداني لابس ليهو عمه وجلابيه بيضاء وقاعد في الساحه او صحن الكعبه ومتجه علي الكعبه وبيدعو ... اها جات مجموعه من المعتمرين من كزخستان وطجكستان و اول مره في حياتهم يشوفو ليهم زول اسود .. اها اتلمو فيهو وشبكوهو ليك يا بلال ... يا سيدنا بلال
04-21-2011, 10:24 AM
khaleel
khaleel
تاريخ التسجيل: 02-16-2002
مجموع المشاركات: 30134
ههههههههه خليلوف ياخي ابراهومة كان مجرم لكن بريش طرائفة كثيرة في كرة القدم مره واحد مدافع مسك العارضة ووقف رفض يطلع مع المدافعين سالوه مالك قال ليهم : عشان بريش لما ينفرد انا اكون حارسو هنا
ودي هدية لكيكي محمد حسن نقد الكوتش قريبي ونستو ونقتو كلها كورة اصحابو زهجو منو واتفقوا يدخلو بيهو السينما عشان مايتكلم في الكورة يازول اثناء الفلم شغال شاف البطل قال ليهم : البطل دا بيشبهة المدرب استاروستا
مره كمان نقد الكوتش عامل كشيف لعيبة وبجيبهم البيت والادارة بتجي تقابل الاعب في بيتهم ويتم الاتفاق يازول الجماعة جوهو ليك المره التانية وبيسالو عن لاعبهم واثناء ماهو داخل البيت شاف ليك ابوهو لابس سروال وفنيلة الجماعة دخلو معاهو سالوه وين اللاعب اشّر على والدة وقال ليهم اهو دا الجماعة ماتو من الضحك
بالجد ياكيكي كل اسرة المدرب محمد حسن نقد ناس بتاعين طرفة وضحك حتى والدته متعها الله بالصحة والعافية في مره يازول دخل ليهم حرامي في البيت والحرام قعد ليها في السرير شبكتو ليك رطانه وهي خايفة الحرامي ترك اي شيء في البيت وطلع بيضحك بيضحك
04-21-2011, 12:18 PM
khaleel
khaleel
تاريخ التسجيل: 02-16-2002
مجموع المشاركات: 30134
كراكيراب وجخانيناب مولعين فيها جمر الحي وليعة السنين وحاصدين الاوسكارات بشراشة وكثافة كراكيرية مدهشة.. ود بدر
Quote: في موسم العمره ... في سوداني لابس ليهو عمه وجلابيه بيضاء وقاعد في الساحه او صحن الكعبه ومتجه علي الكعبه وبيدعو ... اها جات مجموعه من المعتمرين من كزخستان وطجكستان و اول مره في حياتهم يشوفو ليهم زول اسود .. اها اتلمو فيهو وشبكوهو ليك يا بلال ... يا سيدنا بلال
وجمال
Quote: النيل الابيض طويل ومليان مراكب وسمك وصيادين وفيهو كمان سد جبل اولياء
اما النيل الازرق فيهو رشا الرشيد وتسابيح
اوسكار يا هلال اوسكار والهادي صيام
Quote: عشمانات أولادهن يبقو فرسان! القصة دي كان ما أخاف الكضب لمن عملو منها برنامج في الإذاعة سموه (فرسان في الميدان)!
واعتقد ايضا بان جمال حسن سعيد في مسرحه الجميل عندو ايضا تمثيلية مستوحاة من هذه القصة فقد كان متعة والزول الخواف كان جمال حسن سعيد زااتو تموت من الضحك
ثم الكراكيري المقيم خليل حاصد الاوسكارتات من نواحي ناس كاجومة واخريين منهم فريق تمبك
ماشي علي البيت مصلح وضاربو الهوا لقي الشباب قدام البيت فقال ليهم ممكن اسألكم سؤال .. الشباب قالو ليهو جدا... .انتو الطعمية عندها كرعين ؟؟ قالو ليهو: كرعين شنو يا زول !! مافي طعمية عندها كرعين .. فقال : كان كدا انا قطع شك اكلت لي قعونجة ههههههههههههه
مهندس من اخوانا في الجنوب ( زميل كيكي وخليل) دخل معاينة بتاعت شغل ومشحون بفكرة انو المعاينات في عهد الانقاذ ما ليها اي علاقة بالتخصص والاكاديميات وحسب القصص البسمعا الاسئلة كلها في الدين .. المهم دخل المعاينة واول سؤال كان .. ورينا ما هي الكهرباء؟ قال: علي ما اظن الكهرباء هي المدينة المنورة هههههههههههههه
04-23-2011, 02:36 PM
khaleel
khaleel
تاريخ التسجيل: 02-16-2002
مجموع المشاركات: 30134
looooooooooooooooooooooooooooooooooooooooooooooooooooooool تسلم يا ابو خليل ههههههههههههههههههههههههههههههههههههههههههههههههههههه
دي ما زي حقت عمك الجا من الحج والناس كسرت عليه .. حجا مبرورا وسعيا مشكورا .. والحاج مطول وعندو احتياجات والوقت اتاخر وداير الناس دي تتخارج .. المهم فضل معاهو واحد من النوع العكليت وقدر ما الحاج حاول اتخارج منو ما قدر... في النهاية زولك قال للحاج: الوقت اتاخر يا حاج احسن نخليك تنوم فالحاج داير يقول ليهو : ااي يا ولدي النوم سمح قال ليهو : ااي يا ولدي (...........) سمح هههههههههههه
Quote: في النهاية زولك قال للحاج: الوقت اتاخر يا حاج احسن نخليك تنوم فالحاج داير يقول ليهو : ااي يا ولدي النوم سمح قال ليهو : ااي يا ولدي (...........) سمح هههههههههههه
مرعييييييييييييييين يا خلي والدبيب واوسكار الاوسكار زااااااااتو --------- مشيت بوست حبيب نورة لقيت المسخوت احمد ناصر بحكي في نكتة بت لذينة خلوني ابركم بيها..
وقالوا عمك كبير جدا من النوع البموت في الشجر الكبار الفيهو الصمغ قام مشي الحجاز واها اتخلبت مع البشرية دي وفجاة كده لمو فيهو ناس التلفزيون السوداني وقالوا يعملو معاه لقاء.. واها يا حاج الحج كيف... قال ليهم والله كلو تمام التمام ونحن بالف خير وحسسع نحن في المدينة ومتوجهين (وقبل ما يتم متوجهين دي جات نيجرية من النوع ذات الحجم العائلي البموت فيه عمك وكحلها)... اها طوالي قال للمذيع ايووه ياولدي نحن في المدينة ومتوجهين الي (_جقة)
اعمامي زمانك في الابيض كلهم لعيبة كورة في النادي الاهلي وبعد المباراة يجوا تعبانيين بينوم بالشورتات بس هم نص التيم اويزيد شوية اتنين حرامية واحد عامل للتاني شنكل الفوق بعد ما تاوق شاف التيم النايم ده قال لزميله نزلني يا اخي ده فرن
04-23-2011, 06:47 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
زمان يا كريمو وخلو ... في وفد من اهل الصحراء فوق جو للسلطان عشان يساعدوه في الحرب ضد الفرنسيين ... اها السلطان قام سال الناس الحمر ديل شنو ؟؟ واحد من الوفد قال ليهو: نحنا قوم بنحب القتال و اللبن والرز والنكاح ... السلطان قام قال ليهو: قتال ده نينا نعرفو ولبن ورز كمان لكن نكاح ده شنو كمان؟؟ .. قام مساعدو وسوس ليهو في اضانو: اها عمك السلطان ضحك حتي ظهرت نواجذه وقال : هاي وليد كــلب عوين ده كلنا نريدو
04-23-2011, 10:27 PM
omar arbab
omar arbab
تاريخ التسجيل: 09-11-2008
مجموع المشاركات: 1848
Quote: : في النهاية زولك قال للحاج: الوقت اتاخر يا حاج احسن نخليك تنوم فالحاج داير يقول ليهو : ااي يا ولدي النوم سمح قال ليهو : ااي يا ولدي (...........) سمح ههههههههههه
مسطول لقا ليه بت حلوه شديييد وبتمص ليها في اسكريم قال ليها: عاوذ اقول ليك اديني مصه لكن خايف تفهميني غلط. قالت ليه لا لا افضل ومدت ليه الاسكريم
دي حكاها مولانا خالد جادين قال هنود حمر الزعيم بتاعهم جاه اسهال شديد في الحلة بتاعتهم في واحد انجليزو دراب رسلوه للدكتور عشان يكلمه قام قال ليهو BIG CHIEF IS BIG CHEET الدكتورفهم انو الزعيم عندو اسهال جاء عالجه بعد فترة الزعيم مات رسلو نفس الشخص قال للدكتور BIG CHEET NO CHIEF الدكتور عرف انه الزعيم مات
انحنا على مستوى الاسرة لو عندك اسهال طوالي تقول عندي BIG CHIEF فيفهم ويفاد(الله يكرم السامعين)
04-24-2011, 06:14 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
وكل التحايا والتقدير للاخ القاري عمر مصطفي علي هذه الاكرامية الكراكيرية الي حتما ستزين صدر هذا البوست..
Quote: بالإشارة إلى البوست اللذيذ مرفق لكم هذه الأشياء علها تعجبكم .
واحد بتاع مكتبة معلق صور للمسيح مصلوب والمسيحين يجو يشوفوا الصور دي ويبكوا ويدفعوا في الصورة 1000 جنيه وبتاع المكتبة متكيف / جنبو واحد مسطول عائز يشتري صورة لعمر البشير سال بتاع المكتبة صورة البشير دي بكم قاليهو بخمسمائة المسطول دق جرس ليه واصلوا شنو بتاع المكتبة قاليهو ياخ شوف المسيحين ديل يشتروا صورة المسيح مصلوب بالف المسطول قاليهو جيب لي صورة للبشير مصلوب وبديك ألفين .
عندنا واحد مسكين كده بتاع طشمة بس العشاء يأذن مرات بصلي في الكمبو برنامج يومي مرة قال ياخ الليلة كتشينة بس في النادي مادايرين أي سكر جاء النادي وفي عز الحريق ناس الإلزامية تلبوا جوا النادي ومسكوا ليك الشباب كلهم بمافيهم صاحبنا وتاني يوم طوالي جوبا . وكلو واحد بيحكي في قصتو صاحبنا قاليهم والله أنا كنت ماش اسكر في الكمبو خفت من الله جيت النادي وقعت في الاقوى منو .
loooooooooooooooooooooooooooooooool تعرف يا كيكي دي حصلت بالجد جد وبالرغم من انها مفارقة مضحكة لكنها محزنة لانها بتوري كمية الظلم البتتعرض ليهو المراة ومن اقرب الاقربين .. كانت زميلتو في الشغل .. كبيرة شوية في العمر والحجم (بابور) .. ساق اصحابو ومشي يخطبها من ابوها .. بعد الحاجة الباردة والشاي وحق الله بق الله .. ابو البت نظام داير يكرم العريس وما عارف انو بيرتكب في جريمة قال ليهو : ياخي انا عندي بتين تانيات لسه طالبات وصغار لو داير ممكن نديك واحدة منهم (تخيل)... صاحبنا في اللحظة دي قال ليهو: يا زول شكرا جزيلا لكن انا داير الجقة دي ههههههههههه وقد كان رائعا
بالطريقة دي انتو حتورطونا في قضايا مبدئية يا هندسه وهندسة ... قضايا التمييز العنصري علي اساس الجقجقة (:
تحية خاصة للاخ العزيز مبارك جادين اضحك الله سنك وعاش من شافك ياخي ...
وبمناسبة الحرامية دي مسطول ضرب للبوليس وقال : الحقيقة انا طلعت من البيت هسا وركبتا عربيتي ولقيت المسجل مافي والحقيقة الطبلون كلو مافي وكذلك الدريكسون ياخي ديل حتي الفرامل ما خلوها .. البوليس قال ليهو خليك مكانك لقايت ما نجي نشوف الحاصل شنو .. شويتين كدا زولك ضرب للبوليس تاني وقال ليهم : سوري سوري يا شباب انا كنت راكب في المقعد الورا هههههههههه خالص الود
04-25-2011, 05:14 AM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
(مصري بالمصري) واحد راح يبات هوا والمدام فى الهيلتون ليلة .. تانى يوم الصبح بيطلب من موظف الاستقبال الحساب و دار بينهم هذا الحوار : الرجل : الحساب كام من فضلك ؟ الموظف : 1000 جنيه بس يافندم
الرجل : ألف جنيه ليه يا أستاذ ... كتير قوى مبلغ ألف جنيه فى ليلة دى كانت ليلة واحدة يا محترم
الموظف : أجرة المبيت فى الليلة بـ 400 جنيه الرجل : طب و الـ 600 جنيه الباقيين ليه بقى إن شاء الله ؟؟
الموظف : عندك 100 جنيه أجرة الموظفين اللى بيشيلوا الشنط سيادتك لما نزلت من التاكسى مش كان فيه شيالين بيشيلوا الشنط منتظرينك ؟
الرجل : أما غريبة و الله ... بس أنا شيلت الشنطة بنفسى و ماحدش شالهالى الموظف : ماهو كانوا موجودين قدام سعادتك ... ما ناديتش عليهم يشيلولك الشنطة ليه ؟؟
الموظف مستطرداً... هاكمل لحضرتك باقى المبلغ عندك 50 جنيه إستعمال سجاجيد! السجادة اللى من غرفة حضرتك للمطعم
الرجل : أنا ما مشيتش على سجاجيد أنا كنت بامشى على الحتة الفاضية اللى مش مغطياها السجادة الموظف : ماهى السجادة كانت عند سعادتك .. ما مشيتش عليها ليه ؟؟
الموظف : و عندك 200 جنيه إستخدام حمام السباحة الرجل : بس احن ا ما نزلناش عومنا فى الحمام خالص .. هوا احنا وش عوم و مايوهات
الموظف : حضرتك حمام السباحة كان قدام سعادتك ما نزلتوش عومتوا ليه ؟؟ الموظف : و عندك 100 جنيه إستعمال التليفزيون و قنوات الدش و الريسيفر فى الأوضة
الرجل : دش أيه اللي أنت جاى تقول عليه ! إحنا ما شغلناش امبارح غير القناة الأولى و الثانية .. هوا كان فيه دش !!
الموظف : قنوات الدش كلها كانت عند سعادتك ما اتفرجتش عليها ليه ؟ الموظف : و عندك 150 جنيه إستعمال سخان الميه اللى بالكهربا فى الأوضة الرجل : الدنيا كانت حر أصلاًُ و ما أستعملناش السخان فى حاجة
الموظف : مالناش دعوة .. السخان كان عند سعادتك ما إستعملتوش ليه ؟؟ الرجل : أما شيىء سخيف أوى
انتظر الرجل لـلحظات ثم أخرج له 400 جنيه فقط الموظف : دول 400 جنيه بس
الرجل : الـ 600 جنيه الباقية حق معاكسة المدام بتاعتى الموظف : ايه الكلام الفارغ ده ... حضرتك عاوز تجيبلى مصيبة
هوا أنا عاكست المدام بتاعتك خالص و لا جيت جنبها !! الرجل : ما كانت قدامك امبارح ما عاكستهاش ليه ؟؟
04-25-2011, 09:21 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
قالو القراية في اسبانيا صعبة جدا .. يازول عبدو عشرة سنوات يعافر في الجامعة ماقِدِر يخلصا فقام رجع السودان ... فوالدو زعلان شديد طبعا وشبكو ليك : ياخسارة تربيتنا فيك ..عشرة سنين ضاعت .. وكل شهر كل شهر كنا بنرسل ليك 200 دولار يا خسارة قروشنا الضاعت .. هنا عبدو قال ليهو : يازول ما تكتر انا برسل ليك كل شهر 400 دولار أمش تِمها هههههههههههههههههههههه
عشة بت الزين جاها عريس من الخرطوم .. محل الطيارة بتقوم و الرئيس بينوم .. اها جنيات الحلة أعلنو حالة الطوارئ .. والبنيات نفس الشي باقي سيرة الخرطوم بتجيب الجكسي الشرابو الببسي البناطلين اتكوت والدقون اتحلقت .. وكذلك البنيات اتجيهن لا خلن احمر ولا أصفر العوض اتشنط واتحزم وجا لقى الحفلة تقول يا ليل ما ضيع زمنو .. نشن على واحدة من البتلامعن من بعيد وجاها يقرب شوية شوية وهو يتفنن في الرقيص كأنو ما قاصدها وكل شوية يكحلها بي طرف عينو ويتعجب في بهرجة بنات الخرطوم لما قرب ليها شديييييد فجأة اتسمر وصرخ : بتول أختي ... والله الليلة إلا اكتلك
04-30-2011, 09:05 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا جيمي ولوووووووول ولووووووولية يا عوض وحبابك يا سهام وينجدنا ويفزعنا سيدي الحسن راجل كسلا وفجاة كده تنجدينا وتفزعينا انتي دي زااااتك اليوماتي رحيل (باقة) في بلد ومولعة فينا جمر الحي احنا المساكين ديل
05-07-2011, 08:44 AM
Siham Elmugammar
Siham Elmugammar
تاريخ التسجيل: 06-18-2004
مجموع المشاركات: 3488
Quote: وحبابك يا سهام وينجدنا ويفزعنا سيدي الحسن راجل كسلا وفجاة كده تنجدينا وتفزعينا انتي دي زااااتك اليوماتي رحيل (باقة) في بلد ومولعة فينا جمر الحي احنا المساكين ديل
هيييييع يا كيكى المتابعة والرصد بتاعك لرحلاتنا فى الكراكير يجب الا تتوقف فالقادم احلى انا الان فى الخرطوم استعدادا لرحلة قادمة تعرفها لو ربنا كتب لينا العمر فى صوره
يالله يا كيكى الجزيرة ---- الدمازين --- دنقلا ---- كسلا
والاتى احلا
هييييع
____________________________ بلدنا سمحه بالحيل وناسها بسيطين و طيبين يا كيكى و لكنها وهم ثير ون كثير من الحزن و الاحساس بالعجز و تأنيب الضمير
05-07-2011, 08:55 AM
khaleel
khaleel
تاريخ التسجيل: 02-16-2002
مجموع المشاركات: 30134
Quote: انا الان فى الخرطوم استعدادا لرحلة قادمة تعرفها لو ربنا كتب لينا العمر فى صوره
يالله يا كيكى الجزيرة ---- الدمازين --- دنقلا ---- كسلا
والاتى احلا
هييييع
يا سسسلام يا بييييييير ويعلم الله ايامك الجاية باذن الله شكلها كده حتكون مدهشة والسفر جووه السودان والمناطق دي بالذات ليها طعم خاص ودعاش كده عجيب.. وبالله ساعدينا بالصور وبالاخص وانت في طريقك للدمازين وفي الطريق الواصل ما بين سنجة عبدالله والدمازين في جبل كده اسمو جبل (عبل) في نواحي ابونعامة (الرسول كان ترشي لي الجبل ده فلاشششششش وتجيبي لينا هنا ده) ومحظوظة يا سهام واحنا لينا الله وعيشة السوق مع الصحاري والرمال العجيبة دي ياااخ
وسنتابع رحلتك دي زنقة زنقة مدينة مدينة
05-07-2011, 12:30 PM
نورالدين بابكر بدري
نورالدين بابكر بدري
تاريخ التسجيل: 11-27-2007
مجموع المشاركات: 993
قال ليك مولانا قاضي - ساكن عزابي في بيت كبيييير وكل يوم يرجع المساء من الشغل برفقة يستأنس بها
بعدين موضوع أولاد الحلة البقيفوا في العامود مزعجو شديد يا -- مولانا -- كيف يا مولانا--- براكم يا مولاانا؟؟؟؟
بعدين قام مولانا حكى لي صاحبو يشوف ليهو حل في الموضوع دا قام صاحبو قال ليهو بسيطة ياخي أول ما تدخل الشارع قول ليها نومي الكنبة الورا لمن تدخل العربية جوة تنزل عادي
مولاانا جا شارط ليك الشارع رضوا الشباب -- ويييين يا مولنانا ؟
قال ليها : صحيح انا ما غني .. ولا عندي عربية ولا عندي بيت ولا مزرعة ولا شركه ولا مقرش زي منعم صاحبي لكن بحبك وياني اكتر زول بريدك .. و ياني صفوة عاشقيك فدمعت عيناها وضمته اليها وقالت : لو كنت بتحبني بالجد ...عرفني على منعم صاحبك واااااااااااااااااااااااااع ههههههههههههههه
سالناهو بعد داك استفدت شنو من التجربة دي قال: حبال الكضب قصيرة لكن جميلة والصدق لو ما نجاك بغتس حجرك هههههههه
the ultimate blues legend Sonny Boy Williamson II الجخانين العلا اصولا دعوة للاستماع سلام
05-07-2011, 04:31 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
في واحد متهم في قضيه سرقة فلنكه بتاع السكه حديد ...اها صاحبنا واقف في صف المتهميين
المتهم واقف ومشنق الطاقيه لحدت ما مغطي حواجبو بيها ...قام القاضي شافو ليك من بعيد وقام نهرو وقال ليهو هوووي اتا ياالواقف هناك : رجع طاقيتك دي لورا.. المتهم طنشو ... بعد مده من الزمن القاضي قام نبهو تاني ... برضو المتهم طنشو ... بعد دقيقتين القاضي صرخ ليك فيهو : اتا يا حيوان ما قلنا ليك رجع الطاقيه دي لورا ... عمك قام قال ليهو اها رجعناها انشاءالله الفلنكه تتلقي تحتها
05-11-2011, 06:53 AM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
ناس الدفاع الشعبي جاريين في بهدلتهم ديك جنب السوق .. كان في واحدة كاربة ماشة في طرف الشارع.. الجماعة غيروا النغمة: الجقة دي لله.. الجقة دي لله.. عاينت ليهم وقالت: بس.. لو يسف التراب ما بديهو مجاني...!!!
05-14-2011, 06:46 AM
khaleel
khaleel
تاريخ التسجيل: 02-16-2002
مجموع المشاركات: 30134
دفع الله رجل في الخمسينات من عمره تعرض لنوبة قلبية ودخل المستشفى وعملوا ليهو عملية قلب وقسطرة ...الخ وام دفع الله واقفة معاهو وقفة تمام وتبكى وتصلى وتتدعا لى الله بعد شهر بقا كويس و بدأ يتحرش بأم دفع الله فرفضت بشدة وقالت ليهو انت عيان ودة ممكن يأثر على قلبك ابودفع الله قال ليها ما تخافي .. عادي .. الدكتور قال لى انت تمام وممكن تمارس حياتك بشكل طبيعي قالت ليهو جيب لي منو ورقة راح ابو دفع الله للدكتور وحكى ليهو القصة فرد عليهو الدكتور وقال ليهو انت طبيعي وانا مستعد اكتب ليك الشهادة وشال ورقة وكتب عليها إلى أم دفع الله .. بعد التحية أشهد أن ابو دفع الله سليم ويستطيع أن يمارس حياته مثل أي شاب في العشرينات من عمرهفقاطعه ابو دفع الله وقاليهو صحي يادكتور ؟؟ قام الدكتورقال ليهو أكيد صحيح بوستيف %100 ابو دفع الله عاين للدكتور بانبساطة وقال ليهو طيب لو سمحت يا دكتور ممكن تشطب عبارة الى أم دفع الله وتكتب بدالها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة