|
|
 Re: هيا بنا الي الكراكير والجخانين يا خليل...!!!!!! (Re: محمد أبوالعزائم أبوالريش)
|
| Quote: لا حولاااااااا .... لافينها قدر ده بتكملوها متين؟ |
ها ها ها ها ها ها ها ها ها ها ها .. لا دي اقوي يا ابو الريش
لكن انا سمعتها بفرشن مختلف .. وعموما الابالسة ديل ما مضمونين بقولو اي حاجة ..
الله يكرمك ياخي وشكرا علي الضحكة وربنا يجمعنا دائما والابتسامة سيدة الموقف
خالص الود
مسطول والقميص مكرفس والزراير مافي محلها والشنب مثقل ببقايا اطعمة ومصايب ومحاولة مستميتة انو ينستر امام بتاع الدكان فقال : اسمع عندك معلبات .. صاحب البقالة قال ليهو : ايوا موجودة .. فقال: علبة كبريت لو سمحت هههههههههههه
قلت ليك الناس دي ما مضمونة يا ابو الريش ما صدقتني
| |
 
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: dabeep)
|
كيكي وخليل أو في رواية اخرى (سماعات الإستريو)
ود زيادة زول مسخوت خلاس ومابيخاف من الشيطان الأحمر وباستمرار عيونو حمر
يوم واقف لمبة لاقاهو ليك الفكي عبد الله إمام جامعنا
الفكي عبد الله إمام الجامع قال ليهو يا ود زيادة انا بديك عشرة جنيه تعال صلي معانا واقرا ليك سورتين شوف القران دا كيف حلو
ود زيادة قال ليهو ياسيدنا انا بديك مية جنيه تعال اخد نديك معاي جغمة شوف التمر الخاربنو دا كيف حلو
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
بت ود السميح فراش المدرسة ودوها الخرطوم يكشفوا ليها..
قالوا عندها دبس في رأسها...وفي الخرطوم اثبت الكشف
وجود موية في الرأس ...ودايرا ليها عملية بي كم مليون..
(الكلام دا في الزمن المعاصر دا) اها رجعوها الكراكير..
وناظر المدرسة...شال كراسو وبدأ يلف بالكراكير...
والقروش كتيرة ما بتنجمع...
الهيد بت اللسد...قالت آآآ ناس البت دي ما تخلوها..
امكن الموية دي تحسي براها...ما تدوروا قروش الناس ساي
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
حبوبة (الله يرحمها ويجعلها من أصحاب اليمين)
بعد تصلي العشاء وتتعشى ما عايزة لمبة مولعة
أنا وعادل أخوي الأكبر كنا بنوم معاها في غرفتها
عادل كان ممتحن الثانوي وعايز يقرأ شوية
كل مرة تقول ليهو أكتل (النور)
عادل يقول ليها حبوبة خليني أقرا شوية
تأني أكتل
يقول ليها شوية
تاني أكتل
يقول ليها شوية
المرة الأخيرة قالتها بإصرار
أكتل
عادل شاف ما في طريقة خت الكتاب تحت المخدة وقال ليها
خلاس يا حبوبة أكتليهو الأسد دا
| |
|
|
|
|
|
|
|
|
 Re: هيا بنا الي الكراكير والجخانين يا خليل...!!!!!! (Re: مازن فيصل هلال)
|
هلا برواد الكراكير
وحلقتو بينا كركور كركور
جخنون جخنون وولعتو فينا جمر الحي والله...
الاوسكرات تتطاقش
وشكرا..
محمد السني وحكاوي كفار قريش وديل بكونو قرايب معتز قريش
حمد عبدالغفار(حفلة ولا تطعيم) لوووووووول
عبدالعزيز عيسي(والعرقي الزادو موووية) ودي خيانة وطنية عليا
عبد العزيز عيسي (مريسة رقيّييييييييق وكاس صغيّيييييير قال بي ريال.. والله قمر يخنق ولا يخنق.. قمر ده يقع ليكم في أرض ده عديييييييييييييل... ) بيني وبينك دي حاجة مش القمر بل تغطس حجر الشمس زااتها
زمرواي(فقال له له الرجل يا (الحلو) بالله غسل لأعمامك يدينهم) وكلنا في انتظار عودة الحلو يا صديقي)
امين يحي(حينما إلتقى الجمع في منتصف الطريق بادر حمّاد الجميع بالمصافحة ، وجاء الدور على حاج بلول فما كان منه إلا أن زفر زفرة حاااااارة وقال لحمّاد أهلاً أهلاً يا ... (أبو النسب) ،،،)
لوووووووووول يا امين واوسكر
عصام دهب وكمية تجارية من الاوسكارات و وحكاية ميدان الكورة بتاع الممشركين ملهمة ياااخ وممكن الزول يسوقها في كم اتجاه كده ويعمل دوري (قريش) في الزمن داااك
ابرهيم عوض (ومطررررررة رشششششششش تقيل) يا النبي نوووح من هييك سكرجية
حسبو (حمانا الله وشيخي شكر الله من النشلات الزي دي ) لوووول
ابو العزائم يا خبير نكات ذوي الخيال الواسع
الدبيب (عاشت المعلبات وعاش الصنف الممتاز ) وده بكون بنقو الصعيد اصلو قيل في الاثر بانه ابن لذينة
عمي عثمان عووضة(الجمال اتطاقشت)لوووول ويا البني نوووح واللهم اعدنا الي العهود الاولي
نزار حسين (عملت لي ازمة في الاوسكارات وخرتني خرت جد)
محمد عبدالرحمن (بيني وبينك وتحت تحت كده كلام صااااح)
حمد عبد الغفار(عادل مبالغة وممتع يااااخ) هههههههه
مازن فيصل (اضحك الله سنونك...ما اضحك الله سنوننا بحضور الجماعة الكراكيرين الفووق ديل...
| |
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
في امتحان الشهادة
الطيب ومحسن قاعدين جنب بعض
الطيب شوية شاطر ومحسن (بلدية)
كان امتحان عربي وكان السوال
اكتب نبذة عن الشاعر التجاني يوسف بشير
الطيب يكتب ومحسن ينقل
الطيب يكتب ومحسن ينقل
الموضوع مشي صفحتين
محسن قلق وقال للطيب ياخي الكلام دا كتير
قام الطيب قال ليهو
انت قايل دا كلام الكتاب
التجاني مو قريبي
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
يا ممراح
اب تنيحة ابوهو اداهو قروش
عشان يوديها لاختو في الداخلية ايام
الثانوي كان داخليات
ساق معاهو صاحبو ومشي
هناك اختو جابت الجكس وقالت ليهم تعالن سلمن علي اخوي
الراجل عجبو الجكس والونسة
لحدي ما الواطة مغربت
صاحبو قال ليهو يا خوي ما نتخارج ما بنلقي مواصلات بعد كدة
اب تنيحة قال ليهو
ارجع براك انا داير ابيت
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
في لفة الكلاكلة مرة لقيت لي واحد سكران (فارش) صواميل قديمة ومصدية كده وخاتيها كيمان كيمان
وبقول كل كوم بمية
كل كوم بمية
وبعد مدة لمن مافي زول جاء اشتري او هببو ليهو
بقي يقول كل زفت بمية
كل ميتين بمية
كل دين بمية
وانا لمن فرتقت منو كان بقول كلام كعب خلاص
كل ####### بمية
كل ####### بمية
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
في واحد كل يوم يجي داخل البنك ومعاهو شنطه مليانه قروش ... يسلمها للصراف وينصرف ... الحكاية دي اتكررت زي عدة مرات ... عمك العسكري البيحرس البنك لاحظ للحكاية دي ... قام يوم سال الرجل قال ليهو : معليش ياخ انا ملاحظ انو انت بتجي بتور د بس وما حصل سحبت قروش , ياخي ممكن اعرف انت بتشتغل شنو؟
الرجل قال ليهو انا شغال بتاع رهان
العسكري قال ليهو ما تجي تراهني انا ده ..
الرجل قال ليهو طيب .. ايه رايك انو يوم الاربعاء الجايه حيقوم ليك (بهق ) في اسفل ضهرك .. واذا ما حصل انا حا ادفع ليك خمسمايه
والعسكري وافق علي الرهان لانو اصلا ما عندو بهق ...
كل يوم العسكري يتحسس ضهرو وما يلقي اي شئ ويبتسم ...
يوم الاربعاء صاحبك كالعاده جاء داخل ومعاهو الشنطه مليانه ومعاهو واحد تاني لابس بدله وكرفته وعندو صلعه ... وتجاهل ليك العسكري
العسكري نادي الرجل ... شنو يا عمك انت نسيت انك مراهني برضو ...
اه اه
طيب تعال جوه ... املص البدله .. املص البنطلون .. انحني شويه ... فوت شويه ... مافي بهق ..البس هدومك ... هاك الخمسمايه
ابتسم العسكري وقال ليهو عامل فيها حريف !!.. انا بوليس ياخ !!
الرجل قال للعسكري : انا مراهن اب صلعه ده بتلاتاشر الف عشان يشوفك عريا ن
_____________________________________
تحياتي يا كيكي وخلو
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
كيكي وخليل
متابعين معاكم هذا البوست الظريف
أحد ظرفاء مدني واسمه زراع مرة كان ماشى مع صاحبه بيت عزاء وصاحبه عنده كشك فول ... زراع قال ليه ياخى اخرتنا صاحبه قال ليه دقيقة بس ارمى الطعمية دى ... زراع قال ليه قال ياخى الجمرات وكلوا ليها أنت ماعاوز توكل ليك زول يرمى ليك الطعمية دى
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: معاوية محمد الحسن)
|
ود حمدا فوت بيه البنقو وبقي حايم وهايم علي وجهه بالاسواق..
بدخل المطعم ويشوف ليك الزول الطالب كبده ...وكف يختفا...
وناس المطاعم كلهم عارفنو..بقومو يهدو الزول الختفو صحنو
ويدوه بدلو....يوم حايم في سوق الخضار...عاين لي عمك ضابط
لابس رسمي وشايل اكياس خضارو في اكياس شفافة وفيها موز
اصفااااار...جاء كف ختف كيس الموز وقام جاري...ويفسخ ويأكل
والضابط...قال لي عسكري موجود في السوق الحق الزول دا جيبو
والعسكري عارف ودحمدا...لكن استجاب للتعليمات ومشي لحق ود
حمدا وجابو للضابط....
الضابط قال ليه...تختف من ضابط...أأأأه...حا اوريك الختف
دا كيف؟؟؟ وقال لي العسكري...جيبو النقطة...والضابط بي
اكياسو مشي قدامن علي النقطة...منفوش الاوداج...وعينو حمرة
وشرارة...اول ما وصل النقطة...ادي ود حمدا كف...وقال ليه
خاتف الموز مالك مجنون...ود حمدا ضحك وقال ليه...ياخي
عدّني غنماية...هسي الغنماية ان ختفت منك موز بتديها كف
مسوي دبابيرك الناصلات ديل...الضابط عرف حالتو واعتذر ليه
واداه قروش..وقال لي العسكري رجعو محل ما جبتو.
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
البت قالت لابوها: يابا في شاب ابن ناس ومافيهو ولا عيب عايز يجي يخطبني
طبعآ وافق الاب
جاء الشاب وقعد مع الاب
وكان في خشمه لبانة
قال الاب: انت عجبتني وما فيك ولا عيب
بس دى مناسبه تمضغ فيها لبانه؟
قال الخطيب: بس ياعمي ضرورية بعد السيجارة
الاب: هو أنت بتدخن؟
قال: على خفيف بعد أشرب
الاب: وبتشرب كمان
قال: احيانآ لما بلعب قمار
الاب: فين بتلعب القمار؟
قال: فى النادي
قال الاب: ومن متين ؟
قال: من وقت ما طلعت من السجن
الاب: وليه دخلت السجن؟
الخطيب: ضربت واحد بالسكين ومات
الاب: وليه قتلته؟
الخطيب: عشان طلبت يد بنته وما وافق
الاب:- على بركة ألله يلا نقرا الفاتحة
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
واحد سمع بالنظاره اليلبسها يشوف الناس عريانة.. باع كل املاكه وسافر يشتريها ورجع بلده
لابس النظاره شايف الناس كلها عريانة وصل البيت وفتح الباب
لقى مرته واقفه مع واحد
والاتنين عريانين قلع النظاره برضو عريانين لبس وقلع برضو عريانين
زوجته طلعت تجرى عليه وبتقولو سامحنى ابوس ايدك
راح ضربها كفين وقاليها غورى من وشى .. انتي في شنو وانا فى النظاره ال علقت دى!!!
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
كتب رجل بخيل رساله إلى زوجته:
الحبيبة الغالية
زوجتي الحبيبة!
لا أستطيع إرسال راتبي هذا الشهر،
لـذا مرسـلٌ لكِ 100 قـبلـة
زوجـك المـخـلــص
بعد أسبوع أرسلت الزوجة
خطاب رد إلى زوجها
زوجي الغالي:
شكراً لقبلاتك الـ 100، وإليك تفاصيل صرفها للنفقات:
أنفقت مع بائع الحليب قبلتين،
أنفقت على البقال
7 قُبَلات،
صاحب المنزل يأتي كل يوم ويأخذ قبلة أو قبلتين،
الجزار وصاحب الخضار ما كانوا راضين بالقبلات بس، لذا أعـطيتهم مـواد أُخــرى،
ناس آخرون كالبواب والسباك أخذوا ما يقارب 40 قبلة،
رجـاءً لا تقلق علي، لا زال عندي 35 قبلة،
وأتمنى أن تكفيني لهذا الشهر،
وسوف أتبع هذه الطريقة في الأشهر المقبلة، لأنها
حلت لي الكثير من المشاكل.
زوجـتك المـخـلــصة
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
واحد بلدياتنا شغال غسال عربات فى الموقف
يخلص غسيل وطوالى على بيوت الشربة..
قبضت عليه الشرطة فى إحدى المرات وفى معيته جركانة من النوع النضيف..
فى المحكمة الشعبية والجركانة معروضات فى التربيزة....
سأله القاضى إنت يا ال......... بتسكر ليه؟؟
فأشار بلدياتنا إلى الجركانة ورد قائلاً:
والله يا سعادتك موية فى ... القعونج بكورك
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
Quote: والله غير
قزازة العرقي البشربا يوم الخميس
والقمار البلعبو يوم الجمعة
وداخلية البنات البصرف عليها
تاني ما بعرف ليهو حاجة |
مبالغة يا باشمهندس هههههههههههههههههه
سلام لصناع الحياة اليوماتي ..ملوك الارض وسادتها.. سلاطين الجخننة والكركرة
مامون ود الداية طلع في كتيبة مكونة من 400 جندي للرد علي العدو الصهيوني في التعدي السافر علي سيادة الوطن ومقدراته التي اهدرت في ظل حكومة مجرمة ومتواطاة ..المهم مامون قلع بعد يومين رافع علامة النصر فوق .. فخرجت بورسودان عن بكرة ابيها تهلل .. انتصرنا انتصرنا يامامون لمن وصلم قال ليهم : فضلنا اتنين بس ههههههههه
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: dabeep)
|
سلام يا كيكي وبقية المتداخلين -- بالمناسبة اكتشفت انك قريبي من جهة الام وذلك من خلال بوست الخال عبدالله عبدالكريم --- قال ليك في واحد من النوع البسموهو فنان حيرة ومافي زول شغال بيهو اها يوم في جماعة عندهم عرس وبعد تعب اقنعوا العروس علشان يجيبوا الفنان دا -- قاموا الجماعة مشوا ليهو عشان الحفلة وكدا -- الكلام دا في السبعينات -- زولك قال ليهم والله انا اصلوا ما بغني ليكم لما سالوهو ليه قال ليهم انتو ما سمعتوا انو زميلنا عبد الحليم حافظ اتوفي امبارح
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: mona altom)
|
صديقنا
لاعب كورة درجة اولى في الثمانينات
واحترف في بورتسودان زمن خطف اللاعبين
المهم صاحبنا له رواية مع محبوبته في ذلك الزمان
وكل مرة نلاقيهو فيها
نقول ليهو قول لينا قلت ليها شنو
قال :
كنت ماشي معاها يوم في الشارع وقت المسلسل وعايز اقول ليها كلام رومانسي وبعد تفكير عميق سألتها ( شعوري عن شعورك بتوصفي كيف)
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عاطف ابراهيم)
|
| Quote: سلام يا كيكي وبقية المتداخلين -- بالمناسبة اكتشفت انك قريبي من جهة الام وذلك من خلال بوست الخال عبدالله عبدالكريم --- قال ليك في واحد من النوع البسموهو فنان حيرة ومافي زول شغال بيهو اها يوم في جماعة عندهم عرس وبعد تعب اقنعوا العروس علشان يجيبوا الفنان دا -- قاموا الجماعة مشوا ليهو عشان الحفلة وكدا -- الكلام دا في السبعينات -- زولك قال ليهم والله انا اصلوا ما بغني ليكم لما سالوهو ليه قال ليهم انتو ما سمعتوا انو زميلنا عبد الحليم حافظ اتوفي امبارح |
هلا يا عاطف
وتحياتي وتقديري ومرحب بيك اولا
وسعيد والله كون الاسافير تجمعنا كقرايب بعدما تفرقت بنا السبل في زمانات الغربة والمنافي
وياريت ياخ تجيني في كراكير الاسافير دي عشان نتعرف اكثر([email protected])
ده الايميل بتاعي وخلينا نتواصل... مع تحياتي ليك ولكل الاسرة الكريمة...
وشنو يا قريبي جاي وخاطف مننا اوسكار طواالي كده
ما تديها صنة شووووووووية ياااخ...
وقلت لي الراجل عمل فيها مهم ورفع عنهم الاقزاز طوالي لوووووووول..
وفي انتظارك بالتاكيد
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
| Quote: كنت ماشي معاها يوم في الشارع وقت المسلسل وعايز اقول ليها كلام رومانسي وبعد تفكير عميق سألتها ( شعوري عن شعورك بتوصفي كيف) |
هلا يا جيمي وحبابك يا كورة وهلال يمشي علي قدمين..
قالو سانتو لمن جابو من مدني يا دوبك لعيبة النص بتاعين المريخ قصدو قصدة شديد
وبلعبو ليهو الباص مرة يدق في الضهر ومرة بدقو في الراس ومرة باص 0(مقصر) وجهجهو ليك جهجهة جد..
اها يوم لعبو ليهو كورة عشان تدق في ضهرو (قام سانتو بحركة رهيبة كده جابها بكراعو لقدام و نزلها بكل فن وادب)..
وما كان من لاعب وسط المريخ المتامر الا وان قال لزميله
يا زول هوووووووووي القرقور ده ثببببببببببت تببببببببببب
وتحياتي يا ابو جمال
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
هلا بيكم يا عبد الكريم
والله البوست ده انا بقراهو طوالي
وكل يوم بعمل اب ديت
المهم
جارنا الحلفاوي ساق صاحبو في السبعينات
ومشوا زيارة لحلفا الجديد
عم الحلفاوي شايف ليك الشباب الاتنين
نايمين ماكلين شاربين وفسحة والكورة بالعصر اخر تمام
وهوبس يتفرج فيهم
ما قال ليهم اي حاجة
اها يوم مع شاي الصباح
وكان يوم الاحد
صاحبنا ده قال : يا عمي نحن مسافرين يوم التلاتا الجاي راجعين الخرطوم
العم : وليه يوم الثلاثا يعني
صاحبنا : عشان قطر الثلاثاء
العم : الليلة في قطر
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: جمال السنوسي)
|
خلي وجيمي
كراكيراب ب يا دهشة
وهلالاب يا ادهش...
قالو في واحد خشي كورة هلال ومريخ..
شبك الزول الجنبو انت داااااااك منو... الزول الجنبو بقول ليهو داااك كندورة
وطيب دااااك جناح لفت ده منو بقولو ليهو داااك قلة..
وطيب حارس مرمي دااااك منوووو بقولو ليهو ده بريمة..
عاينهم لييييييهم كده وقال ليهم (وه كورة ده انا دخلتو قبل كده)
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
صاحباً لي دخل السينما
ولي التعترو قعد جنبو جنوبي جاي لنج من البلد
وشبكو ليك أسئلة وصاحبنا يجاوب
أها الفلم صاني كدا والبطل لابد وسط الأشجار نظام كمين وكدا
في أعلى الشجرة حصلت حركة لفتت نظر البطل
حون طوالي سأل .. أسمع البتحرك فوق الشجرة دا شنو
صاحبنا بي ضيق قال ليهو : أرنب ياخي
جون رد عليهو : أرنب بتيييير يا بلييييد
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: singawi)
|
je suis la
((أنا))
سلامات وجمعة مباركة
بمناسبة دخول ودالسنوسي الكركور...
في السبعينات ومباراة الهلال والمحلة بامدرمان الافريقية..
باك الهلال (...) عمل فاول خطير.. الحكم ناداه بزعل: Come here... تعال هنا..
غايتو مع اشارة اليد الباك فهم وجاء للحكم قريب..
الحكم قال ليهو: last chance for u, the next i will send u off.. آخر فرصة ليك, المرة الجاية بطردك..
الباك طبعا مسطح قال للحكم: ياخي أنا شايت كدا
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
سعيد ود البشير راجل كتّامي...وناس الحلة ما عارفنو شايت وين؟
حيث الرجال هناك فريقين...فريق بخاف من مرتو وفريق بجدع ليها
الكمونية في منديل قماش بي فوق لي الحيطة...وبكون عارف لا في
ملح ولا بصل...ولا نار زاتو...وكان مرة ما ترجيه الغداء!!!!
اها اتغالطو فيه ...ومشوا ليه سألوه...يا سعيد...كان شديت
سرجك وركبت حمارتك دي متدلي البحر...ووصلت نهاية الزقاق
المنو والبيارة...وبتك كوركتلك : قالت لك امي تعال
بترجع؟؟؟ قالهم حرّم ما اتلفت زاتو؟...
طيب ورينا الشي البرجعك البيت؟
قال لهم...تقوم فيه نار لهبتا تصل قنقون الشدرة..ديك
واجي من جملة الطفائين...خاتي كدي شيتا بجيبني راجع مافي
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: nazar hussien)
|
(عمر شَرابْ) مِعذب صاحبه صالح عذاب شديد ودايما عامل ليهو فيها اعلم منو واعرف منو.. مرة سألو ليك:
اسم دولة أوروبية لو ختيت على أخر حرف فيها نقطة تصبح اسم حيوان أليف
صالح قال ليهو: والله ما عرفتها
عمر قال ليهو: الدولة هي قطر ولما تخت نقطة حتبقي (ق ط ز) يا وهم
قام صالح قال ليهو: لكن (ق ط ز) دي اسم حيوان يا فارة؟؟؟؟؟
فرد عليه عمر: يعني هي قطر كانت دولة أوروبية يا مُتأخر؟؟؟؟
قوم قوم خلينا نلحق بتاع الصعوط دا قبل ما يقفل ..... (:
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: dabeep)
|
يا عبد العزيز ... سلامات
في واحد خواجه لافي في سوق (سرف عمره) وما بعرف عربي وتعب تعب شديد وما لقي اي حاجه يقعد فيها ... ربك رب الخير شاف ليهو (كوريه)
البيوزنو بيها الدقيق ديك ... وقام قعد فيها ... الحاجه صاحبة الكوريه خافت خوف شديد وقالت ليهو قوم والخواجه يبحلق في عيونو ...
اها الجماعه اتلموا فيهو وقلوا نادوا الجغير ...لانو الوحيد العامل فيها بتكلم انجليزي
الجغير قال للخواجه : دو يو اسبيك انقاش
الخواجه بفرح قال ليهو: يس
الجغير قال ليهو وكت يس ما تقوم للمره من كوريتها
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
نفس الدكتور ده يا خلو .. جابو ليهو شافع قارصاهو عقرب وغلبو اليعملو قام مسك ليك الشافع من شلاضيمو وعنفو قائلا: اتا الوداك تلعب جنب شوالات الفحم شنو !!
_________________________________________
ده اخير من الجابو ليهو واحد مفلوق وقال ليهم احلبو ليهو ليمونه
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Elsanosi Badr)
|
Quote: الزبون جاء داخل المطعم وسأل الجرسون عندكم شنو؟ والجرسون يمسح بالفوطه بتاعة غرفة نومو
الجرسون رص ليهو اي حاجه عندهم ... الزبون قال ليهو جيب الفوطه دي وشماها يمين وشمال وقلبها وشماها تاني وسال الجرسون
اتا يا زول راجل فاطنه مش |
لووووووووووووووول @ اوسسسسسسسكار كبير يا السنوسي ياااخ
وده زول يا النبي نوووح منوووو شمشاااام ومسسسسسسخوت شديد ياااخ
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
بمناسبة المطاعم دي قال ليك واحد مشي لي بتاع مطعم قال ليهو اديني ساندوتش بيض بالجبنة صاحبك لقي ليك الساندوتش فيهو بيض ساي من غير جبنة - دقوا الكوراك صاحب المطعم مصر انو دا بيض بالجبنة مع انو الساندوتش مافيهو اي جبنة وانو ياهو الطلب كده وماناقص - في النهاية صاحب المطعم المستهبل قال للزبون هسي لو مشيت اي محل تاني وطلبت ساندوتش بتاع بيض بالطوة اها بختوا ليك الطوة جوة الساندوتش -- وتيب
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عاطف ابراهيم)
|
مقدم سايق اللوري الشهير
مشي الصعيد جاب طلح من النوع ابو طيرة
واحدة من النسوان مشت ليهو وقالت ليهو
اديني طلح بي تلاتة جنيه بعد ما استلمت الطلح
قالت ليهو الرسول يا مقدم
طلحك دا مالو شوية كدي
مقدم قال ليها
يا مرة ما تمشي والله تتدخني بي دا كلو
................
كيكي تم باقي النكتة انا فتران ياخ
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
Quote:
بمناسبة دخول ودالسنوسي الكركور...
|
اها يا ود عيسى
حموري لاعب المريخ السابق
تنسب له الكثير من المواقف
لقوهو في موقف مدني شايل الهاند باك وكان ماشي الخرطوم
مسافر مع الفريق القومي
للصين
الجماعة سالوهو
يا حموري علي وين
قال ليهم
ميد ان جاينا
made in china
يعني ماشي الصين
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: جمال السنوسي)
|
هلا يا عاطف
وحبابك يا جيمي
وياخلي لو تمنياها سيرفر بكري بشخبتها ياااخ
-------
قالو حموري لاحظ انو ادارة الفريق بتاعهم قبل كل مرة بتدي (الفكي) قروش كثيرة خلااص
وحموري يشيل وجيب في الاقوان وخيله تجقلب والشكر والقروش ماشة للفكي
فقرر ان يحسم هذه الفوضي.. وفي مباراة كده حاور الدفاع كلو الاستوبر والثيرباك وحاور القواني
وخت الكورة في خط القووون وجرررررري علي الكنبة الفيها ناس تيمهم
قال ليهم خلو فكيكم ده يجي يدخلها
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
Quote: صاحباً لي دخل السينما
ولي التعترو قعد جنبو جنوبي جاي لنج من البلد
وشبكو ليك أسئلة وصاحبنا يجاوب
أها الفلم صاني كدا والبطل لابد وسط الأشجار نظام كمين وكدا
في أعلى الشجرة حصلت حركة لفتت نظر البطل
حون طوالي سأل .. أسمع البتحرك فوق الشجرة دا شنو
صاحبنا بي ضيق قال ليهو : أرنب ياخي
جون رد عليهو : أرنب بتيييير يا بلييييد |
هلا يا سنجاوي واوسكار علي التايييييييير
وتحياتي
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
وفي رواية اخري يا كيكي انو ناس نادي النيل مدني اعادو تسجيل حموري بمبلغ خمسمية جنيه وكان مبلغا كبيرا في حينها استلم من ادارة النادي مية جنيه وبقوا يماطلوهو في باقي المبلغ لمن كره حياتو -- اها بقي يمسك الكورة ويحاور فريق الخصم كلو ويصل خط المرمي ويشوت الكورة في الاوت ويتلفت لمجلس الادارة في المقصورة ويكورك ليهم - نحن لعب المية بنعرفو ولعب الخمسمية بنعرفو --
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
طيب يا ودالسنوسي ارضاءا ليك بنقولها في ناسنا:
حموري لما نميري حلّ الاندية وقال رياضة جماهيرية حزم شنطه وسافر زي كل اللعيبة. جاء راجع في اجازة ونميري رجّع الكورة..
ناسنا ما صدقوا لمّوا فيه حرّم ما ترجع الخليج.. وزفوه على الاعناق بلقبه المحبب: الكشة الكشة.. حموري الكشة.. عايزين الكشة..
قال اسكتوا لحظة والجماهير صنّت وحموري بدأ الهتاف: الكاش الكاش.. حمووووري عايز الكاش!!
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
بالله البتاع دا من امبارح افتش فيهو ...اوسكارات تطاقش وضحك بالجملة.. اسعد الله اوقاتكم ..وفرق عليكم كما فرقتم علينا ..
قال نحن الزارعون قال هههههههههههههههههههههههههه
فنانو المفضل .. قال الا يجيبو في عرسو لتكتمل الفرحة والبهجة.. اصحابو كانوا رافضين للقرار دا ومسكوهو حذروهو انو يجيب الفنان دا لانو بِسكر شديد وحيبوظ ليك العرس واحتمال كبير غنية واحدة ما يتمها ليك .. المهم صاحبنا ما اقتنع بالكلام دا وفعلا جابوا في العرس والحفلة بدت .. الغنية الاولي .. الغنية التانية والبشتنة حصلت وصاحبك ضرب الواطة .. العريس زعل زعل شديد جدا وطلع ليهو في المسرح وبقي ينبذ فيهو:
حزروني منك ما صدقتهم ..احترمتك واحترمت فنك لكن انتا ما بتستاهل ..
يا رِمة .. يا مامسئول.. يا حثالة الحثالة ..
في اللحظة دي صاحبك رفع راسو وقال للعريس : اسمع إنتا حثالة الحثالة دي زي سلاح الاسلحة ..ههع
ههههههههههههههه
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: dabeep)
|
جدي الضو
بقاري لمّاح جداً
يوم ابوي مشغل الرادي و بسمع فيهو
و جدي راااااامي أضانو
_ وقد خاطب السيد الرئيس كل من نقابات العمال ، و المزارعين و الاطباء و الطلاب ... الخ
و وفد رفيع من بعض المثقفين الوطنيين ، و قد دار النقاش حول العديد من القاضايا .......
جدي خلا المذيع يتم كلامو للنهاية ، و مع اول بقة شاي شووووووووت
_ انت يا البولاد ، حالتا الرادي دة الناس ديل كووووولهم طراهم ، العمال ، المزارعين
الطلبة ، و ياتهم و ياتهم ، إلا نحن ديل ما طرانا
نحن ديل المثقفين الوطنيين ؟!!!
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
لا يا عبدالعزيز يا ممتع واضحك الله سنونك كلهن ياااخ
وحبابك يا الدبيب يا اوسكر يا دائم
وخلو في الاوسكرة
السنوسي ودهشة الدهشة زاااتها
سلم تاور وحكاوي بطعم الكراكير الكردفانية ووهج التبلدي...
| Quote: يا كريمو : في واحد شد حيلو انقطع وفي واحد حلق اختو لبستو |
ويا سنوسي
واحد معلم نقلو (فولتا العليا) قال ليهم بنين وبنات
ميكانيكي اشتري سرير رقد تحتو
واحد سطلجي مرتو (وقفت) وداها الساعاتي
وسنتابع
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
(( يومي جاء؟))
سلام احبتي في الكراكير..
الحاجة دي أنا خايف لو ترجمتها بتجيب الهوي بتودينا الخور مع البوست..
My Time's UP?
A 54 year old woman had a heart attack and was taken to the hospital. While on the operating table she had a near death experience.
Seeing God she asked "Is my time up?"
God said, "No, you have another 43 years, 2 months and 8 days to live ."
Upon recovery, the woman decided to stay in the hospital and have a face-lift, liposuction and a tummy tuck.
She even had someone come in and change her hair colour and brighten her teeth!
Since she had so much more time to live, she figured she might as well make the most of it.
After her last operation, she was released from the hospital.
While crossing the street on her way home, she was killed by an ambulance.
Arriving in front of God, she demanded,
"I thought you said I had another 43 years.
Why didn't you pull me from out of the path of the ambulance?"
(You'll love this)
God replied:
"I didn't recognize you!"
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
شيخنا شيخ قبيلة جد جد متلفح بالتوب وركوته حداه
قاموا الناس في الضراء جابو سيرة الطاعون، من ضمن مواصفاتو: إسهال مفاجي وتلاتة يوم وعلى المقابر عدل!
شويتين الشيخ بطنو كركبت، وكلو مرة تطقطق
ختف ركوتو وعِنَى الخلاء
قعد فاكر نفسوا من الضيقة مشى بعيد من الناس
لما سمع الكمبرسونات اشتغلت.......
قال: أمانة ما مات راجــــــــــــــــــــل!
الناس سجلوا كل المكالمة وحولوها إلى الإرشيف
كيكي تحياتي
لكن زولك خليل ده كان شفت ليه دكتور (أسحن)!
يا أخي أسامي الناس ده بنحتها من وين؟
| |
|
|
|
|
|
|
| |
عثمان عووضة
عبدالكريم الامين احمد
nazar hussien
محمد عبدالرحمن
khaleel
حمد عبد الغفار عمر
mona altom
محمد جمال الدين
Elsanosi Badr
Abdlaziz Eisa
معاوية محمد الحسن
جمال السنوسي
سلمى تاور
آدم صيام
omar arbab
فيس بوك
تويتر
انستقرام
يوتيوب
بنتيريست