|
|
 Re: اهداء الى الصديقين العزيزين (الشيخ ومرتضى) يجدهما بخير (Re: محمد المرتضى حامد)
|
العزيز محمد المرتضى
تحياتي
Quote: المصادفات الغريبة حقا أنني وأخي د.أحمد القرشي ، وبمعيتنا عدد من الأصدقاء،
سهرنا بالأمس مع تسجيل لحفل YANNI الخرافي في (تاج محل) والذي قدم فيه مع
الفرقة المصاحبة عملا ربما لايتكرر في القريب ، ومررنا في تلك اللحظات الجميلة
على صورك أثناء زيارة مسقط الأخيرة ضمن عدد من الصور، الغرابة المدهشة تتأتى في أن
أمر على المنبر بعد سويعات من تلك اللحظات لأجدك وقد انتخبت YANNI في إهدائك،
|
شفت كيفن القلوب شواهد ما بنتذكركم الا مع الحاجات البتنعش الروح وتسمو بيها....وكمان معاك ود القرشي الطبيب الشفيف مجنون (الحقيبة) السودانية وتحياتي ليهو.....غايتو (يني) الاسطورة ده زول لاول مره اعرفو قريب جدا من خلال صديق عزيز لدى نبهني اليه في اثناء زيارة له وهو يعتقد انى من عشاق الموسيقى وعندها كانت ضيافتي اي فاكهتى وحلوتي هذا ال(يني) ومن ديك وعييك عملت اليوتيوب ساساقة وبحاول لاول مرة ادعى انى بعرف موسيقى والان احاول
ان اسلك (الاضنين) للاستمتاع بالموسيقى العالمية لاول مرة بعد ما اصابنا التلوث السمعى من خلال هذه المهنة العجيبة حيث اذناي غارقتان دوما في ضجيج التاكسي المجنون في غمرة ضجيج المدن الافيال وكواريك الزبائن وما بينهما صوت مذياع التاكسي الذي غالبا ما يكون حسب مزاج الزبون والذي تحاول ارضاءه بكل الوسائل حتى لا تحرم من (البكشيش)!
سلم لي على ناس المكتب عندك وناس يوسف ابكر وابو شنقرة وبقية الشباب السمحين وكمان ناس احمد وفاتن والعيال قول ليهم حاولت الاتصال بيكم عدة مرات والتلفون ده ادوهو راحة يا نااااس دايما مشغول ومرات بدق ومافي زول برد....غير كده قول لي احمد هاشم دق جيبك واخسر ليك عشرة ريالات مكالمة لصاحبك ياجــــلدة!
|
|
  
|
|
|
|
|
| |
هشام هباني
فيس بوك
تويتر
انستقرام
يوتيوب
بنتيريست