كتب الكاتب الفاتح جبرا المتوفرة بمعرض الدوحة
|
Re: يا ناس هوى رأفت ميلاد بقى جد . (Re: خالد المحرب)
|
بالغت يافيصل عثمان ماعندك خوة تب!!
يااخي الزول بيتضاري بي غادي وداسي الحكاية !!
وناسي انه في سماية ممكن تجيب خبرو!!!
العجيبة مرته القصيرة ديك !!اصلو ماراضية بالحكاية !!!
بعدما مابقت امام الامر الواقع ..قالت ايه ..هو انا الولدت واللا سلمي انا دخلي شنو ؟؟
وبعدين ايه ...الولد حلو حلا ..بالله !!! دي علينا..
شكراً ليك .. جدو زمانو فات وغنايو مات .. غايتو أنت ما من الشماته
انا شمت زااااااااتو ..واقول خلي ده مالو غاتس !!!هاتيروهو قاعدلو فوق رأي !!
بعد كده تحجينا عشان ننوم بدري عشان انت زاتك ياجدو تنوم بدري ..ماالجته بقت ماتستحمل السهر
هوي يازول كتر الخرفان ولازم يكون في عمبلوق محشي ... وبالله قصة الخروف يعلقوه لي بكرة
عشان يشم الهواء.. دي مامعانا..حار حار ..عشان الكبدة الرطبه والكرشة النية ..
امفتفت ياحبوبة وبالدكوة بالله ...وكتري الليمون والشطة...
والله يافيصل زولك حكا لي حكاية قالوا شلت عكازك ومرقت تتمشي !!!
علك مشيت القحوة !! طبعا هو زعلان من البوست غايتو انا وعدتو البوست ده بعتلوا ليك لحدي ما سلمي
تجيب التاني انشاءالله ..انا ظهري حديد ماتخاف علي ..
قلت لي بقي انتحازي يكون بقي مع الجماعة اياهم ...كبر المسكين يعمل شنو؟؟
اه ياسلمي ياظلمة ....
| |
|
|
|
|
|
|
Re: يا ناس هوى رأفت ميلاد بقى جد . (Re: Elawad)
|
Quote: طبعا هو زعلان من البوست غايتو انا وعدتو البوست ده بعتلوا ليك لحدي ما سلمي تجيب التاني انشاءالله ..انا ظهري حديد ماتخاف علي |
يا عمدة خليك من زعل جدو , انت أمشى أحفظ لينا أغنية جدو واعمل ليها بروفة وأنا بقوم أدرب الاولاد وأمهم على الدبكة اللبنانية , موعدنا الاحد .
| |
|
|
|
|
|
|
Re: يا ناس هوى رأفت ميلاد بقى جد . (Re: فيصل عثمان الحسن)
|
يا فيصل واللة أجمل خبر
و ألف مبروك يا حبوبة فاتن و يا جدو رأفت
قلت لى يا فيصل الكيتا يوم الاحد. يعنى الواحد يجى كــارى تييسو ولا كيف
من اليوم و رايح يا رأفت أنت (grane pere
و اللة يا فيصل و يا رأفت من الفرحة عملت المداخلة فى نص البوست
| |
|
|
|
|
|
|
Re: يا ناس هوى رأفت ميلاد بقى جد . (Re: عماد شمت)
|
Quote: ادم يااخوي صحبك ده مابدور الكلام ده وخاصة حبوبة دي ...
غايتو من كريم ده جاء اصحابك ديل مامرقوا الشارع ..
تعال بتيسك بس يكون قرنو ماكن ... |
عماد أخبارك و الاولاد اللة طيبين.
غايتو صـاحبك دا قول لى سيك سيك معلق فيك
لكن الحبوبة دى ألا تقول دى ود الجيران
| |
|
|
|
|
|
|
Re: يا ناس هوى رأفت ميلاد بقى جد . (Re: Adam Omer)
|
Quote: قلت لى يا فيصل الكيتا يوم الاحد. يعنى الواحد يجى كــارى تييسو ولا كيف |
أوووو أخونا دكماس , يا زول كيتة شنو , قلنا دبكة لبنانية , خلى خالد اميرى يدربك أو انتو الاثنين أمشو جنيف شوفو أسعد أبو لبن يدربكم , بعدين تعال يا أبو الديم انت دحين ما بقيت جدو , يا زول انت ورأفت ده فى سرج واحد .
| |
|
|
|
|
|
|
Re: يا ناس هوى رأفت ميلاد بقى جد . (Re: خالد المحرب)
|
Quote: الف مبرووك ويتربى فى عزكم والف حمدالله على سلامة امو ربنا يخليها ليكم واهلا بيك فى نادى الجدات والاجداد نحن السابقون وانتم اللاحقون وين كنت يا جدو |
ود المحرب سلامات كتيرة ياخ
وينك ياخ .. أوع تكون قنعت من خيراً فينى ..
تحياتى الكتيرة لحبوبة بت أهلنا ناس أبو حريرة
| |
|
|
|
|
|
|
Re: يا ناس هوى رأفت ميلاد بقى جد . (Re: عادل سمير)
|
Quote: الف مليون مبروووووووووووك رأفت الحبيب..
بالمناسبة ، من ناحية قانونية ، إنت راجل حبوبة ما جد ..!!
شوفت ناس القانون ديل ترزية كيف..؟؟!! |
سلامات يا مولانا وشوق شديد ياخ
غايتو حليتنى قانوناً .. لكن البحلك أنت من الحجة شنو هههههه
تلفوناتك العندى كلها ما شغالة
| |
|
|
|
|
|
|
Re: يا ناس هوى رأفت ميلاد بقى جد . (Re: فيصل عثمان الحسن)
|
سلام اخي فيصل شكرا للخبر الجميل الف مبروك للعم رافت ما تزعل في العم دي لاننا كنا سوي يوم حفلة العيد الفي زيورخ وناديتك بالعم واديتني الاشاره اقول يا عم لو انا كذاب نضرب لي محمد الكامل وعم عبدالرحم طه دايرين لينا طربيزه تاني في عيد الاضحي بس ودالكامل وعبدالحمن ومرتضي ما معنا بسرقو ناس ابشوك ديل مساكين مليون مبروك هذا الفارس الهمام فان له جدا همام وشهم ايضا تحياتي للاسره
| |
|
|
|
|
|
|
Re: يا ناس هوى رأفت ميلاد بقى جد . (Re: فيصل عثمان الحسن)
|
Quote: أنجبت الحبيبة سلمى رأفت ميلاد مولودا ذكرا جميلا كحبوبته فاتن , والحمد لله الطلع على حبوبته , جارية المشاورات لاختيار الاسم , الكرامة يوم الاحد الموافق 31 /10 / 2010 السمع يكلم الما سمع
|
أخـي فيصل سلامات
ألف مبروك ويتربّـى في عزّ سلمـى وأُسرتـها ويا زول ما فاتن براها رأفت دا وجيه وجاهة السّنيـن وإن شاء الله الولد يشبه جدّه خلقة وأخلاق
تـحاياي
| |
|
|
|
|
|
|
Re: يا ناس هوى رأفت ميلاد بقى جد . (Re: لؤى)
|
Quote: ويا زول ما فاتن براها رأفت دا وجيه وجاهة السّنيـن وإن شاء الله الولد يشبه جدّه خلقة وأخلاق
|
حبيبنا المبدع لؤى , وجاهة رأفت وأخلاقه ما عندنا فيها كلام , بس لسانو طويل , تعرف يا لؤى بيت رأفت ميلاد وستنا فاتن من البيوت التى تدخلها وكانك فى منزلك ووسط اهلك واحبابك , ربى يعمر بيتهم بالاحفاد المشاغبين .
| |
|
|
|
|
|
|
Re: يا ناس هوى رأفت ميلاد بقى جد . (Re: فيصل عثمان الحسن)
|
عمك شنو ياالرشيد يقولوا ليك جد تقول عم امانة مالقيت فيهم فرصة
اول مرة اسمع بي حبوبها اسمها تهاني ...خلينا نرفع ليها معنوياتها شوية اصلو معنوياتها في الواطة
اليومين ديل ..انا مني منكم اقول دي بت الجيران ...
ابوالديم قلت لي ركبت في سرج الجماعة والله انا لاميني معاكم شنو ماعارف !!
بعد كده نشوف لينا ناس تانيين ديل خلاص خرجوا من الملة ...قال داير يعلق الخروف عشان يشم الهواء
لا ياخوي ما تخمنا نحن خروفك الميت مادايرنو..نحن ناس عمبلوق سااااااي
يالؤي ياخي انا عارف الراجل صحبك اداك صورو القديمة قاليك بالله نزلها ...
الصورة دي من ثورة اكتوبر ...
الرشيد العيد يوم 21/11/2010 يوم الاحد في زيورخ حننزل الاعلان في سودانيزاونلاين بالعنوان
ممنوع استطحاب العجايز...
جاي ياجدو..
| |
|
|
|
|
|
|
Re: يا ناس هوى رأفت ميلاد بقى جد . (Re: عبد الحكيم نصر)
|
Quote: ننزل الصور وعندنا كلام كتير بس والله عماد وفيصل شايلين حس الزول ده غايتو ده بيكو اصغر جد يسمي رافت وممكن يخش موسوعة غنيس كاول جد اسمه رافت وايضا السيدة الفاضلة فاتن ربما سبقتها فاتن حمامة في نيل هذا الشرف... |
انت يا حكيم العضة عجبتك عشان كده عايز تتحيز لرافت , شكرا للعزيزة فاتن وبناتنا السمحات القامن بالطبخ وتجهيز العضة النضيفة , ربى يعمر بيتكم ويسعد ايامكم , وعقبال تفرحوا بمنال وأيمن وميلاد.
| |
|
|
|
|
|
|
Re: يا ناس هوى رأفت ميلاد بقى جد . (Re: عبد الحكيم نصر)
|
Quote: انت يا حكيم العضة عجبتك عشان كده عايز تتحيز لرافت , شكرا للعزيزة فاتن وبناتنا السمحات القامن بالطبخ وتجهيز العضة النضيفة , ربى يعمر بيتكم ويسعد ايامكم , وعقبال تفرحوا بمنال وأيمن وميلاد. |
ليس هذا فقط يا صديقي بل هنالك صنف من البشر تتمني ان تتعرف به منذ سنوات او في ظروف اجمل من هذه..اناس تحس بهم يحملون الوطن في حناياهم..يحلمون بالوطن الذي يسع الجميع.. وطن اساسه المواطنة لا يفرق بيننا دين ولا لون ذلك الوطن الجميل الذي نحلم به ونفتقده بشكله الذي يشبه القلب..رغم انه لفظ ابناؤه وشتت شلمهم في المهاجر ..بقدر ما كنت سعيدا بلقاء اليوم بقدر ما تملكتني مشاعر الحزن علي وطن يتسلل من بينا ايدينا اخشي ان يكون القادم اسوأ.. لن تسعنا المنافي واخشي من مطارات الوداع.. شئ يدمي القلب يا صديقي ــــــــــــــــــــ شكرا لرأفت واسرته السعيدة لانهم طبقوا قرار وزير المالية ووفروا الكسرة اليوم في المثلث الحدودي بين سويسرا وفرنسا والمانيا..
| |
|
|
|
|
|
|
Re: يا ناس هوى رأفت ميلاد بقى جد . (Re: عبد الحكيم نصر)
|
مبروك الحفيد يا أخ رافت وان شا الله يتربى فى عزّكم والتهانى موصولة لكل أفراد الأسرة
يا فيصل الزول العجوز الفى الفديو ده صاحبك عنتر جاب ليه عروسات فى دفتر الاحوال..من سنة دو خليهو بجى يختار ليه واحدة منهن ويسيب البنات الصغار ديل فى حالهم..
| |
|
|
|
|
|
|
Re: يا ناس هوى رأفت ميلاد بقى جد . (Re: فيصل عثمان الحسن)
|
العم الحبيب / رافــــت
الف مبروك الحفيد ويتربي فى عزكم...
فهو حفيــد الأكــارم، ورجال قل ما يجودبهم الزمن ...
سيعلم حين يكبر لما الأرض تهتز إحتراماً ، ولما الأكف تلتقى تصفيقاً حين يذكر أجداده...
سيعلم أن الرجال مواقف، وأن سليمان ميلاد خط أعظم المواقف التأريخيه النبيله ...
حدثنى أبى عن شجاعته ونبله وطيب خاطره الأبيض...
حدثنى عن بسالته النادره وإبتساماته النقيه ...
حدثنى أبى وحدثونى الكثيرين ....
ولمست وجودك أنت كأب لى حين كنت صغيراً ...
وحين إلتقينا مؤخــراً بعد سنوات الغــربه اللئيمه...
وجدت حقاً أن بيتك هو بيتنا...
وعلمت بذاتى أنك أبى وتلمست ذلك حميماً وفخـراً وهذا التاج على راسي ...
مبروك لنـا فأنت أب وحلم لى ...
كــن بخير ودم بوافــر الصحه حميم ومجيد أب صادق كما أنت بهذه الطيبه ...
تحياتى للأســـره جميعاً وميلاد صديقى الصغير وأيمن أخى وأنا...
تقديري
| |
|
|
|
|
|
|
Re: يا ناس هوى رأفت ميلاد بقى جد . (Re: عبدالرحيم أبراهيم العبيد)
|
ياحبايب سامعين الاغنية ام هناك مشكلة ؟؟؟
اهدي اغنية الاطفال للفنان الراحل محمد سيداحمد لكل اطفال العالم
ولكل اسرة وادعو لهم من كل قلبي كما في الاغنية ربي ماتحرم بيت من الاطفال ...
تعرف ياابو التاء انا طبعا لما جيت تامزيين جابت لي صحن كبير مليان لحمة وصحنين كبار
مليانات مشهيات أه الناس قالوا اشمعنا عماد ده صحنه مليان كده وكله لحم ...
قلت ليهم الناس ديل بتكبكبو كده عشان يقفلوا لي خشمي لكن كل اللحم ده ما نفع ...
بالله قول لي تامزين اليوم كان حلو والاكل كان حلو والوليد حلو ..علا مابغير في النتيجة!!!
والله كان يوم جميل وانشاء الله دائما متلميين في الافراح وربنا يزيدك شعر ابيض يارأفت
علا ماقلت لي الخروف ده علقتوه يشم الهواء واللا لا ؟؟؟
بعدين الكسرة دي رجعتوا ليها طوالي !! بتسمع الكلام ياجدو ..حقو الواحديكلم وزير المالية
يقول ليهو بالله قول الشعب ارجعوا للتركيين (الملوحة)...
سلامين ومحبة لكل من مر بي هنا
| |
|
|
|
|
|
|
Re: يا ناس هوى رأفت ميلاد بقى جد . (Re: فيصل عثمان الحسن)
|
الأخ الـحـبيـب الـحـبـوب، رأفـت مـيـلاد والعائلة الكريـمة، ***- أجـمل امنياتي الطيبة،
وألف ألف مبـروك علي القادم الجـديد وجعل الله قـدومه قدوم الخيـر والافراح والسعادة، وألف حـمدالله علي سلامة ابنتنا العزيزة سلـمي ونزجي لها التهاني وفرحنا والله بالخبـر وادام الله افراحكم اجـمعيـن.
***- والله يارأفت ماشفت "البوسـت" ده الا حسه يوم السبت 13 اكتوبر الساعة 3 صباحآ فاعذروني علي التاخيـر وماعاوز اقول "العتب علي النظر"،
***- وشكرآ وألف شـكر للأخ فيصل عثمان الحسن علي ايراده الخبـر الحلو،
***- جـماهير (المنبر العام) رجالآ ونساءآ كتابآ وفنانينآ.... يطالبو ن الجـد رأفـت بصـورة الحـفيـد....الا اذا كنتم خايفيين عليه من العيـن!!
***- اكرر مودتي للجـميع.
| |
|
|
|
|
|
|
Re: يا ناس هوى رأفت ميلاد بقى جد . (Re: بكري الصايغ)
|
الاخوة الافاضل , سعادتو عبدالحفيظ , العزيز عبدالرحيم ابراهيم العبيد , عيد سعيد وكل امامنيكم محققة باذن الله , مشكورين على المرور الكريم والتهانى الطيبة لجدو رأفت ميلاد وأسرته بقدوم الفارس كريم , جعله الله من الصالحين , تهانيكم موصولة للعزيز رافت وأسرته .
| |
|
|
|
|
|
|
Re: يا ناس هوى رأفت ميلاد بقى جد . (Re: بكري الصايغ)
|
الحبيب دكتور بكرى الصائغ , تحياتى ومحبتى , تشكر يا اصيل على المرور الانيق والتهنئة الكريمة للحبيب رأفت واسرته بمناسبة تشريف الفارس كريم , عيدك سعيد وامانيك بسودان واحد ديمقراطى محققة باذن واحد أحد , اللوم حاصل يا دكتور بكرى فى عدم التواصل عشمى كبير فى صفحك . اكيد تقديرى
| |
|
|
|
|
|
|
Re: يا ناس هوى رأفت ميلاد بقى جد . (Re: بكري الصايغ)
|
لكل الافاضل والفضليات الذين مروا من هنا , تهانى الحارة بمناسبة عيد الأضحى المبارك اعاده الله عليكم وعلينا بكل الخير واليمن والبركات وانتم وأسركم الكريمة ترفلون فى هناء وسعادة , ووطننا موحد وديمقراطى يعم السلام ربوعه , مع جزيل الشكر وعالى التقدير على تهانيكم الكريمة للأخ رأفت وأسرته.
| |
|
|
|
|
|
|
Re: يا ناس هوى رأفت ميلاد بقى جد . (Re: فيصل عثمان الحسن)
|
الأخ الـحـبيـب الـحـبـوب، فيصل عثمان الحسن، تحياتي ومـودتي، ***- وبمناسبة قدوم عيد الأضـحي الكريـم، اتقدم لك ولاسرتك الموقرة وللجميع باحر ايآت التمنيات الطيبة راجيآ من الله عز وجل ان يجعله عيدآ مليئآ بالتوفيق والصحـة التامة والعافية الكاملة لكم وللجميع وان تكون كل دقائقه مليئة بالبهـجة والمسرات. مرة اخري لك كل امنياتي القلبية وكل عام وانتم بخيـر.
***- يا ناس هوى رأفت ميلاد بقى جد ....والسـمع يكلم الـما سـمع
| |
|
|
|
|
|
|
|