لنا حتى الاًن بأى تيرمنال ستصل سفريتكم حيث أن هناك
5 تيرمنال: 1،2،3،4،5 ، أو ماهو خط الطيران ؟)
مرحب وليد, معليش كنت جارى . الوصول ان شاء الله بالجمعة 17/9 الساعة 10 مساء هيثرو الراوت كالاتى بالبريتيش: رقم السفرية BA769 الوصول الساعة 22.10 تيرمنال 5
تحياتى
09-17-2010, 07:33 AM
Azhari Nurelhuda
Azhari Nurelhuda
تاريخ التسجيل: 03-01-2007
مجموع المشاركات: 1958
كلنا أمل في مشاركة جميع اللندنيين رجالا ونساء وأطفال شيبا وشبابا أحزاب ومنظمات وتجمعات إقليمية وعرقية ومن كل مدن المملكة المتحدة والذين يمثلون أطياف الشعب السوداني الجميل والذين يطمحون ويطمعون في تكريم الموسيقي السوداني....
نحن ننتظركم مساء اليوم السبت 18 سبتمبر لنرى ونحن أحياء مدى حبكم لنا وتكريمكم للموسيقي والموسيقى السودانية في شخص الحبيب الزميل الإنسان الفنان:
عبدالهادي عثمان
09-18-2010, 11:29 AM
Azhari Nurelhuda
Azhari Nurelhuda
تاريخ التسجيل: 03-01-2007
مجموع المشاركات: 1958
أتى المطرب عماد عويس من سويسرا و عازف الكمان الفنان
بكرى أحمد المصطفى من النرويج ليحتفوا بك اَملين ومتضرعين
لشفائك العاجل بإذن الله
الصورة الاولى:
الفنان القادم من سويسرا عماد عويس(عضو البورد عماد شمت) من الشمال الى اليمين جلوسا: نادر رمزى على الاكوستيك جيتار بكرى احمد مصطفى (سمندلاوى) عضو البورد.. كمان مالك على جعفر... كمان عفيفى فتح الله ... كمان ازهرى عبدالقادر نورالهدى(عضو البورد).. اكورديون جلال عبدالله... ايقاع
الحمد لله الذى وفقنا فى هذا العمل الخيرى الكبير, وبحسن النوايا ونقائها, نجح الحفل نجاحا فاق الخيال وسوف لن تنقطع دعواتنا إلى الحليم اللطيف, أن يشف اخانا وزميلنا وحبيبنا وحبيب الكل الفنان الجميل عبدالهادى متمنين من الله عز وجل ان يرفعه ويقويه ليعد الينا نجما ساطعا يزين سماوات فنه ليشاركنا فرحة شفائه ويواصل عطائه.
الصورة اعلاه, كانت كلمة الشفيف الفنان والموسيقى اخينا وقدوتنا ابى ملاذ ومريم, ازهرى ود نور الهدى فكانت نغما هادئا معبرا جاذبا ومؤثرا فى تعريف الحفل بعبد الهادى كفنان موهوب وكثرة عطائه والتزامه خاتما كلمته بالدعاء له بعاجل الشفاء .
........
09-20-2010, 11:45 PM
سمندلاوى
سمندلاوى
تاريخ التسجيل: 08-20-2002
مجموع المشاركات: 3260
نحنا فى السودان ... نهوى اوطانا وان رحلنا بعيد ... نطرا حبانا ************ كلمة الشفيف الفنان والموسيقى اخينا وقدوتنا ابى ملاذ ومريم, ازهرى ود نور الهدى فكانت نغما هادئا معبرا جاذبا ومؤثرا فى تعريف الحفل بعبد الهادى كفنان موهوب وكثرة عطائه والتزامه خاتما كلمته بالدعاء له بعاجل الشفاء .
........
Quote: التقيت بك اخ بكري احمد المصطفي وكان شرفا عظيما علي ان نلتقي دوما وربنا يديم المحبة والترابط والمودة
بيننا جميعا
اوووووو ياعمدة يافنان , لقائى بك وباقى الفرد, كان حدثا مشرقا تمتعت به وفرحت ورقصت طربا الى اخمص قدمى فلك التحية والتجلة راجيا من الله ان يجمعنا فى اوقات اوسع وارحب ولك خالص الود.....
تحياتى بلاحدود
09-25-2010, 05:46 PM
سمندلاوى
سمندلاوى
تاريخ التسجيل: 08-20-2002
مجموع المشاركات: 3260
Quote: يا سلااااااااااام ياخي ليت ظروفنا مكّنتنا من الـمشاركة في هذا العمل العظيم
ابواللوول, عيدك سعيد آآزول.. ياريت لو كان الظروف خلتك وجيت كملت العقد الفريد اصلو كان ناقص حباية كيبورد زى ماشايف.. لكن الجايات كتار بس كربها المرة الجاية ... تسلم يابلد
09-27-2010, 09:12 PM
Azhari Nurelhuda
Azhari Nurelhuda
تاريخ التسجيل: 03-01-2007
مجموع المشاركات: 1958
والله الشغلت وصلن طب آزول... ومعهن وريقتك الظريفة.....
الأحد الفينا ده نحن عندنا لمة مع الشباب في اللندرة والله بوصل أمانتك للجميع يا سيد الناس وسيد أبوك وسيدي أنا ذاتي ده....
وطبعا دي واحدة من كرامات عبدالهادي علينا أن نعود ويلتئم الشمل ونقرر أن نقدم الموسيقى السودانية بشكل جاد في بلاد الإنجليز يا شاب بس ربك يوفق ويبعد عننا العين....وشر حاسد إذا حسد... والنفاثات في العقد....والشياطين وإن يأتون... آميين آ السمندلاوي الرفاعي بكري...
10-02-2010, 11:39 AM
سمندلاوى
سمندلاوى
تاريخ التسجيل: 08-20-2002
مجموع المشاركات: 3260
Quote: وطبعا دي واحدة من كرامات عبدالهادي علينا أن نعود ويلتئم الشمل ونقرر أن نقدم الموسيقى السودانية بشكل جاد في بلاد الإنجليز يا شاب بس ربك يوفق ويبعد عننا العين....وشر حاسد إذا حسد... والنفاثات في العقد....والشياطين وإن يأتون... آميين
بسس دا الكلام آآزول آآسمح آآزين ابقو عشرة وانا معاكم لغاية ما ارتب امورى واختر بى حداكم طبب واتهنى بى جواركم واجررالنم ..... اشوفكم بخير وربنا يشف حبيبنا هدهد آمين
10-04-2010, 12:14 PM
سمندلاوى
سمندلاوى
تاريخ التسجيل: 08-20-2002
مجموع المشاركات: 3260
يا أخوانا هسي الزول كان داير يتنبر كدي ويغني ويشعر ويشكر أخوانه وأخواته... فيها حاجة القصة دي؟؟؟
لأنه والله واليوم جمعة... أخواني وأخواتي أهل حارة وواجب وسمحين وزينين ربنا يديهم العافية جميعا درز بلا فرز... والله وقفتهم كانت وقفة قدموا وقدمن فيها بكل سخاء من الزمن والجهد والعرق والمال الكثير... تداعوا وتعانوا بكل أريحية وطيبة خاطر... تركوا الزوج والولد وحضروا لبروفات إستمرت لزمن ليس بالقصير... تحملوا وعثاء وعناء السفر ووصلوا إلينا تلبية للنداء تداعوا لنداء الحب والوفاء والعطاء ولم يقصروا ماقصرن أيامهم... وزوجات إخواني (هن أخواتي) كن قد طبخن لنا ما لذ وطاب وتبارن في تقديم إفطارات شهية طيلة شهر رمضان الكريم... وتلك التي كانت تملأ لنا (سرامس) القهوة طيلة رمضان حتي تكسرن على أبواب حجرة البروفات....
اليوم جمعة جامعة والدعوة سامعة.... أنا بقيف على طولي... بشكركم كلكن وكلكم... شكرا يمد في أيامكن وأيامكم ويجعل البركة في جناكم... شكرا تلقوا قدام... يزيل عنكم الالام... يحفظ غربتكم... ويزيل كربتكم... ويأمن روعتكم... ويديم نعمتكم.... تلقوهوا صحة وعافية.... ونلقى كلنا في عبدالهادي وأقف يغني عديل... يعزف في الفلوت الجميل... للوطن والنيل.... ياليل...... بإذن الله الواحد القهار....
برحمتك يا أرحم الراحمين.. وصلي الله على النبي الكريم.. آميين.....
10-08-2010, 05:19 PM
سمندلاوى
سمندلاوى
تاريخ التسجيل: 08-20-2002
مجموع المشاركات: 3260
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة