|
|
 بنات ... الداون تاوُن....
|
فوضي منتصف المدينة تحاصرني في نهمِ ما بعد العاشرة مساءاً
ذلك النوع من التَوق الآلي الذي لا تشبعهُ طاولات المقاهي
المرصوصة بإهمالِ مدينةٍ تعشق الفوضي !
بنفسِ القدرِ من العبثية الشديدة الدّقة التي تمثلها
بوصلة حائرة تستجدي النجوم في بلاهةٍ لتعرف الطريق إليها!!
( تنظير عبطي يخالهُ أشباه المتثاقفون شوية ثقافة) !
ما علينا ...
حمّي المنتصف تزدادُ إشتعالاً
كلما تصاعدت أنفاس ( الشيشة) التي ( أتجابد) معها أطراف الكيف !
وفيما يبدو أنني لن أصل إلي سُدّة الحكم في دماغي
حينما يصِرُّ ( شريف) نادل المقهي أن يسمعني الموشّح المعروف
عندما يمرُّ بي !
يا شريف لو سمحت هات ولعة بسرعة!
عينيىىىىىى يا باشا!!!
|
|
  
|
|
|
|
|
|
|
 Re: بنات ... الداون تاوُن.... (Re: حبيب نورة)
|
في الحقيقة لا أدري من أين تحصلتُ علي هذه ( الباشوية) !!
التي لا تكلِّفك أكثر من نصف جنيه فضة بقشيش في القاهرة
و إن أردنا الدِّقة .. الدرجة التشريفية الوحيدة التي لم أحصل عليها في القاهرة
هي ( صلي الله عليه وسلم)
!!
عدا ذلك عُلِّقت علي جدار هذا الجنيه المائل كل الشهادات التقديرية التي يتشرّف بها كل كل سائح أو عابر ترانزيت يعبر تلك الأجواء المصرية ( المستجدية) ! .
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
أووووه ماي قود ! حبيب نورة آي ميس يو!!
Shet!!
آي ميس يو ياختي !
يا للبؤس !! فقد ظهرت الأنثي التي ستتمكن من إستغلالِ مخزوني الإستراتيجي من اللغة الإنجليزية ، و أنا لا زلت أذكر لقاءنا الأخير الذي عندما أتمت عملية تفتيشي لغوياُ
لدرجة إنها ذهبت ولم تترك لي في جيبي مبلغ نصف جنيه إنجليزي !
وهو مبلغ كان كافياً لأن يجعلني نصف باشا علي الأقل !
ولكني قررتُ أن أهدِر معها بعض الوقت
فلعلها تأتيني بقبسٍ أو أجدُ في الفِرارِ هدي !!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
قهوة (شريف) في منطقة وسط البلد أوما يعرف ب ( البورصة)
تحوّلت بقدرة قادر إلي قنصلية سودانية عندما بدأت الوجوه المألوفة في أحتلالِ المكان..
مجموعة من البشوات والأميرات تفرقوا في طاولاتِ المقهي
وفي الحقيقةِ لم يكُن ينقصنا سِوي خديوي واحد ونعلن عودة الإمبراطورية العثمانية من جديد!
فوضي منتصف المدينة تحاصرني في نهمِ ما بعدِ العاشرة !
و أنا أعلم ان القاهرة مدينةً لا تهِزُّ إلا وسطها !
أما مؤخرتها فتفتقِرّ إلي الحس الموسيقي
القاهرة مدينةٌ بألفِ مئذنة ومئذنة ومع ذلك تغادرها الملائكة مساءاً
أو نتخيّلُ ذلك ..
يا شريف لو سمحت واحد سحلب والنبي !!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
عينيىىىىى يا مستر ياسين !!
وهكذا بقدرة قادر (إتمسترت) !
أظنّ أنني كنت أحتاج إلي (فَرشة) تعينني علي ويلاتِ القادمِ من الساعات ...
واحد سحلب مع ساندويتش طعمية من مطعم قزاز الواقع في شارع صبري أبو علم ، كان كافياً بإتمامِ المهمة !
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
كنتُ أخشي من إتساعِ دائرة فوضي (قاسي الأنصاري) الذهنية
أو الحيرقان الوجداني الذي سيحدثهُ داخلي إذا بدا يحكي لي عن معاناتهُ الرهيبة في عوالم الداون تاون !
أعتقدُ أنني لا تعنيني الغيبوبة التي يصطنعها من أجلِ الظفرِ بشبحِ أنثي إفتراضية تقاسمهُ الأرق ...
وطقطقة الكيبورد الذي يعتلي صهوتهُ!
الأنثي حسب مقاسات (ترزيّة)العواطف الذين يفصِّلون لصديقي (قاسي) جلاليبهُ الغرامية ..
تتسلّلُ خِلسةً بين ما قد كان وما سيكون !
هل تُراهُ قد ضاق ذرعاً بالجلابية الأنصارية التي ترتديهُ ؟؟؟؟؟
بينما يصِرُّ شريف (بسُفرجيةٍ) معتادة علي تلويثِ أفكاري !
حدِّ عايز حاجة يا أستاذ ياسين ؟؟
أيوا هات ولعة وكمان معاك شاي فتلة خالي من الكوليسترول للأستاذ أنصاري !
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
......
أحاول التملُّص من هذه الأستاذية التشريفية سريعاً ، في الوقت الذي كنت أبحث في جيبي عن نصفِ جنيهٍ أعطيه لتلك السائلة الملحاحة ، التي تتحايلُ علي قوانينِ منعِ التسوّلِ المصرية ، بتصنُّعِ بيعِ المناديلِ الورقية !
لتقع تحت طائلةِ قانونِ الباعةِ المتجولين !
وبعد قليل يستأذن صديقي (قاسي الأنصاري) في الإنصراف!
علي وين يا عمّك ؟؟
مشوار قريب يا حبيب ! لحدي المعبد البوذي !!
ولا أشكُ أبداً في رهبانيتهِ ‘ ويذهب غير مأسوفٌ علي فوضتهِ الخلاقة ..
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
ومن ثم تبدأُ حلقات المسلسل اليومي
الأستغماية التي يمارسها الجميع تهُّرباً من لا شئ !
كلٌّ يذهب علي حِده
ومن ثم يتقابلون في نهايةِ الحلقة في ذاتِ المعبد البوذي
نفس التفاصيل
الفوضي ....
الطاولات والكراسي
وبنات الداون تاون
والغيبوبة بنت الحلال التي لا نصل إليها إلا بتوفيقٍ من عندِ الله !
أو ربما بفضلِ دعواتٍ مباركاتٍ من (ميلاد) راهب المعبد الثمج!
البعضُ يُفضّلُ مذهب الشيخة (حكيم )
وفي ذلك ( مطرٌ لو تعلمون عظيم)
حكيم سِت البتاعات!!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
الغريبة
والأدهي والأمَر كلا الفريقانِ يصلانِ إلي نفسِ النتيجة
سواء أن كان الإمتحان في المعبد البوذي أو عند حكيم!
ثرثرة... وثقلٌ في اللسان
و أغاني رخيصة في كثيرٍ من الأحيان
أما بنات الداون تاون
فيعرفن من أين تؤكل (المزّة )
يمَزمِزنَ عندنا و يرقصن لسوانا !
يعني عادي جداً الواحدة تركب معاك (المِترو) خط حلون المرج
وتغيِّر المترو في السادات!!!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
لتفيق من وهم ( الحرية) و تجد فتاتك في ضاحية من ضواحي شُبرا ، أو الجيزة !!
بنات للعرضِ فقط تماماً كبنات نعَش !
تشاهدا كثيراً في فاترينات طلعت حرب وقصر النيل للسابلة البؤساء فقط أمثالي .
لا يتركنَ في طاولتك مثقال مزّة !!
ويهربن منك بحرفنة سائق ميكروباس مسطول
لتكتشف أن نديمك لم يكن سوي فراغ!
وعدة زجاجات أكثر فراغاً من غير ترتيب وحِس هندسي
تماماً مثل حفنة مصلّين مؤلفةٌ قلوبهم تركوا ما بينهم فُرجاتاً للشيطان !!
ينتظرون راهب المعبد البوذي الثمج ليحصي عدد الحسنات التي جناها في هذه الليلةِ المباركة !
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
تحاول أن تنهض من كبوة أفكارك
لتكتشف و يا للبؤس !!
أنك أرقت دماء نصف زجاجة إستيلا عبثاً علي الأرض !
فلن يجديك نفعاً ان تقول في حسرة
ليتني كنتُ تراباً
فتجِب عليك سُنّة الزيادةِ وجوباً بائناً
والزيادة في عُرفِ قدامي السكاري المخضرمين لا تقِلُّ أهميةً عن الشرابِ نفسهُ !
لتعود في آخرِ الليل و أنت تلعن في سنسفيل بنات الداون تاون
و أرجلك لا تقوي علي الحِراك نتيجة للشدِّ العضلي الذي يصيب أغلبية مرتادي شوارع الداون تاون!
الشد الضلي الذي أصاب حبيبنا الما بقدر أقول إسمو كثيراً
تعودُ حزينٌ وحيدٌ
لا ترافقك إلا بصيص غيبوبة
وباقي أغنيات رخيصة
وسُباب
وفرفرة أنامل تمارس سخطها علي صهوةِ كيبورد بائس
يتمخّضُ بعدها عن (كيتوب) فكري !!
لا يزولُ مفعولهُ إلا مساء اليوم التالي
مع أول إصطباحيى ليلية
ونصف أنثي
تحمل نفس الجينات العكليتة
بتأريخِ صلاحيةٍ زائف
وتوقيع قديم
بنت من بنات الداون تاون!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
| Quote: عدا ذلك عُلِّقت علي جدار هذا الجنيه المائل كل الشهادات التقديرية التي يتشرّف بها كل كل سائح أو عابر ترانزيت يعبر تلك الأجواء المصرية ( المستجدية) ! . |
لا ييبذلون كثير جهد وهم ينطقون العربية الدارجة بينهم ...
حسب سير المصلحة الخاصة ..
إن انقطعت انقطع العربي المليان مديح .. وظهر آخر أقل إساءاته يا بن الوسخه ..
يتشابهون في كل الدنيا ..
يتساوون في الأمر ذاته كانوا بدرجة الأستاذية أو حرامية شنط ( ستاتيه ..)
_____________
حبيب نوره جنكـ سمح
| |
|
|
|
|
|
|
|
|
|
Re: بنات ... الداون تاوُن.... (Re: عمران حسن صالح)
|
مقاهي منطقة البورصة
تفتح ابوابها بعد الثامنة مساء
الى غبش الدغش ..
بين العمارات ذات السبعة طوابق
تشعر انك في بيتك ساحة خالية
اصوات الباعة وسحرة يطلقون اللهب في فضاء الساحة
وباعة المناديل واطفال يستجدون بمهنية عالية
وعجائز يبيعون اي شئ وشريف يتنطط بين الموائد
وعسكري الأذاعة القديمة يضرب الأرض سعيدا بتغير نوبته
بأخر ينظر في الساحة مندهشا للناس ، سمر وبيض
ويتسأل في نفسه
من اين اتى هولاء؟؟
في هذه القهوة عرفت سفيان نابري وقاسم مهداوي
وحبيب نورةوالتقيت بالفنان التشكيلي علاء الجزولي
ومعتز الأمام واحتفينا بفناننا الكبير العريفي
صحبني لها صديقي السينمائي طلال عفيفي
هناك التقيت باصدقاء جدد وصديقات بهيات
التقيت بصلاح المليح المليح الجميل الدواخل
تحياتي حبيب نورة وسلامي
لي شــريــف وللبنات الجميلات والآولاد الوسيمين الدواخل
| |
|
|
|
|
|
|
|
|
 Re: بنات ... الداون تاوُن.... (Re: محمد سنى دفع الله)
|
Quote: مقاهي منطقة البورصة
تفتح ابوابها بعد الثامنة مساء
الى غبش الدغش ..
بين العمارات ذات السبعة طوابق
تشعر انك في بيتك ساحة خالية
اصوات الباعة وسحرة يطلقون اللهب في فضاء الساحة
وباعة المناديل واطفال يستجدون بمهنية عالية
وعجائز يبيعون اي شئ وشريف يتنطط بين الموائد
وعسكري الأذاعة القديمة يضرب الأرض سعيدا بتغير نوبته
بأخر ينظر في الساحة مندهشا للناس ، سمر وبيض
ويتسأل في نفسه
من اين اتى هولاء؟؟
في هذه القهوة عرفت سفيان نابري وقاسم مهداوي
وحبيب نورةوالتقيت بالفنان التشكيلي علاء الجزولي
ومعتز الأمام واحتفينا بفناننا الكبير العريفي
صحبني لها صديقي السينمائي طلال عفيفي
هناك التقيت باصدقاء جدد وصديقات بهيات
التقيت بصلاح المليح المليح الجميل الدواخل
تحياتي حبيب نورة وسلامي
لي شــريــف وللبنات الجميلات والآولاد الوسيمين الدواخل |
ياااااااااااه!
السني
أيام لها حاجات
بورصة
شارع شريف
مطعم البرينس
مكتبة مدارك
و الرفيق سابقاً سفيان نابري
وزمن سمح
كنا بنقرّض فيه سوا
كسرة الأيام الأكتر سماحة
عبد العظيم حمدنالله ( الحبيب)
مطر قادم
وناس فلانة و فلانة
بنوت الداون تاون
ياااااااااااااااه إنت زول سمح
بين قوسين توجد سماحة
أسكت ساهي يا ود السنّي عندي كلام كتير
بجيك مرة تانية بي رواااااااااااااقة
شكرن كتيرن!
| |
|
|
|
|
|
|
|
|
|
Re: بنات ... الداون تاوُن.... (Re: عمران حسن صالح)
|
Quote: لا ييبذلون كثير جهد وهم ينطقون العربية الدارجة بينهم ...
حسب سير المصلحة الخاصة ..
إن انقطعت انقطع العربي المليان مديح .. وظهر آخر أقل إساءاته يا بن الوسخه ..
يتشابهون في كل الدنيا ..
يتساوون في الأمر ذاته كانوا بدرجة الأستاذية أو حرامية شنط ( ستاتيه ..)
_____________
حبيب نوره جنكـ سمح |
عمران يا جميل
المصريون من أغرب الشعوب
كل حاجة تتخيلا موجودة فيهم
فنون وجنون
من أصغر شافع
لي أكبر كبير فيهم
ناس يحيروك و يخلوك ما فاهم ولا حاجة
لكن برضو عندهم حاجات جميلة جداً ما بنقدر ننكرها
و أنا بتفق مع إستلاب حمور زيادة
إذا صح التعبير
وكان ما صحّ بكرة نصححوا
الناس ديل زي الفُل
غايتو مدرسة بحجم دولة
| |
|
|
|
|
|
|
|
|
|
Re: بنات ... الداون تاوُن.... (Re: willeim andrea)
|
| Quote: حبيب نوره الرائع ...... تعبير لط وفوق الخط :) ... ياخي الواحد داش من الريحه ونقرشت الاستيلا ذاتو |
وليم أندريا يا جميل
كل سنة و إنت طيب
والبركة في أعياد الميلاد الجابتك
ـــــ
يازول لط وعامل خط والمافي شنو؟
كلامك يخلي الواحد يترتّح من شدّة الوعي!!
أكبر إستيلا في صحة صحتك
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
Quote: في هذه القهوة عرفت سفيان نابري وقاسم مهداوي
وحبيب نورةوالتقيت بالفنان التشكيلي علاء الجزولي
ومعتز الأمام واحتفينا بفناننا الكبير العريفي
صحبني لها صديقي السينمائي طلال عفيفي
هناك التقيت باصدقاء جدد وصديقات بهيات
التقيت بصلاح المليح المليح الجميل الدواخل
تحياتي حبيب نورة وسلامي
لي شــريــف وللبنات الجميلات والآولاد الوسيمين الدواخل |
ود السني
عارف انا عملت بي نصيحتك
وقابلت الولد السمح ده ( ياسين)
وحصل لي نفس الحصل ليك في عشرة ايام
حبيب نورة انسان مترد على كل شيئ
واحسب ان نورة قد تركته لأنه تمرد عليها
طيلة فترة علاقتهما
اجمل مافي تمرد ياسين
انه تمرد جميل
سلاحه الحرف
وميدان حروبه السطور
وجيوشه المفردات
واجمل من ذلك ان يوثق حروبه في بوستات للتاريخ
تجعلنا نذهل ونستمتع بالصور الجمالية البليغة التي نفتقدها في الكثير
من الحروب المفتعلة
حبيب نورة
الواحد بيشهد بعد كل قراءة لي بوستاتك
حبيب نورة
لو دي طريقتك يوم بتكتل ليك بورد
| |
|
|
|
|
|
|
|
|
|
Re: بنات ... الداون تاوُن.... (Re: جمال السنوسي)
|
السنوسي الجميل
حقيقة سعدت كتير بي جيتك دي
و شاحد ربي الكريم تتعلّي وما تتدلّي
Quote: انه تمرد جميل
سلاحه الحرف
وميدان حروبه السطور
وجيوشه المفردات
واجمل من ذلك ان يوثق حروبه في بوستات للتاريخ |
يقيني يا جمال
أن الكاتب لا يؤتمن!!!
أول ما يبداً عملية التعرية
المفروض يبدأ بي نفسوا
شكرن كتيرن يا جميل!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
انت قمت لجنك الكلكلى
خستك خستك الله لياليك فى الداون تاون
ياسين خلى المصوراتى ( بهاء) يصورك جنب عمارة يعقوبيان فى ساعات الصباح وانت مغادر الداون تاون ( لقطة عادل امام فى الفيلم)
ياخى كل سنة وانت بخير
| |
|
|
|
|
|
|
|
|
|
Re: بنات ... الداون تاوُن.... (Re: حامد محمد حامد)
|
Quote: انت قمت لجنك الكلكلى
خستك خستك الله لياليك فى الداون تاون
ياسين خلى المصوراتى ( بهاء) يصورك جنب عمارة يعقوبيان فى ساعات الصباح وانت مغادر الداون تاون ( لقطة عادل امام فى الفيلم)
ياخى كل سنة وانت بخير |
حامد يا حمودي
أنا غايتو مفروض كدة علس حب وعدك
أديك كول
أو ميس كول
أو مسينجر ... في باقي اليوم دة!
لكن أقول ليك حاجة يا حامد
قريبك المصوراتي علي اليمين أول ما يطلع من كمين عزرائل
نِكير يتعاور معاه جِنِس عوارة
وما بعيد ياخدوا في الرجلين
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
يس
او جبيب واحدة فى البنات
نورا ... اونورة
واقتباس بعض الاشواق و... ذكربات .. هاجرت و مضت بحضور كثيف
Quote: !كنتُ أخشي من إتساعِ دائرة فوضي (قاسي الأنصاري) الذهنية
أو الحيرقان الوجداني الذي سيحدثهُ داخلي إذا بدا يحكي لي عن معاناتهُ الرهيبة في عوالم الداون تاون !
أعتقدُ أنني لا تعنيني الغيبوبة التي يصطنعها من أجلِ الظفرِ بشبحِ أنثي إفتراضية تقاسمهُ الأرق ...
وطقطقة الكيبورد الذي يعتلي صهوتهُ!
الأنثي حسب مقاسات (ترزيّة)العواطف الذين يفصِّلون لصديقي (قاسي) جلاليبهُ الغرامية ..
تتسلّلُ خِلسةً بين ما قد كان وما سيكون !
هل تُراهُ قد ضاق ذرعاً بالجلابية الأنصارية التي ترتديهُ ؟؟؟؟؟
بينما يصِرُّ شريف (بسُفرجيةٍ) معتادة علي تلويثِ أفكاري !
حدِّ عايز حاجة يا أستاذ ياسين ؟؟
أيوا هات ولعة وكمان معاك شاي فتلة خالي من الكوليسترول للأستاذ أنصاري ! |
ذى شايف جلابيب حاضرة ...
راجع ليك شوية صبر
ممنون بهذا البوست الخرافى
هامش
(مطره عادل عبد العاطى )
قاسم المهداوى
| |
|
|
|
|
|
|
|
|
|
Re: بنات ... الداون تاوُن.... (Re: قاسم المهداوى)
|
Quote: يس
او جبيب واحدة فى البنات
نورا ... اونورة
واقتباس بعض الاشواق و... ذكربات .. هاجرت و مضت بحضور كثيف |
يا حبيب قاسم الفلاني
أو في بعضِ أقوالي أمام الله!
أيضاً قاسم المهداوي!!!!!!!!!!!!
مخافة أذمة ثقة أو أخالها أذمة صِدق!!
هذه بعض أقوالي أمام .... اللللللللللل .. إلخ
كنت أكثر إنسان أحتاجُ إلي إستدراجهِ في هذه القصاصة
ولكني لن أهنأ بصحبة حروفك
إلا إذا حررت نفسك منها!!
لتعودصديقي و حبيبي
ناصر الأنصاري
شكلي كدة ح أرج ليك بعد غيبوبة يا مهداوي!!
يمكن!!!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
بمناسبة " باشا وبك وبيه والذي منه"
مهندس مصري معانا هنا سافر السودان لإعداد دراسة حول إعادة تأهيل بعض الجسور للشركة التي يعمل بها وقابل بعض الوزراء وعاد وهو اكثر دهشة.
قال لي" ده أنتو السودانيين عجيبن جدا!". تصدئ الطيب السواأ بتاع معالي الوزير بينادي الوزير بإسمو؟ قلت ليهو عيب ما يصحش كده يالطيب ده معالي الوزير مش ممكن تندهلو بإسمو حاف كده. آم آلي بلا معالي الوزير بلا إيه كده مش عارف".( طبعا بكون معاها كلمات كده لا نكتب في هذا المنبر) وطبعا إندهش أكتر لمن جابو الغدا والطيب كان معاهم على المائدة.
حاولت اشرح ليهو الفرق بين التراتيبية الإجتماعية السودانية والمصرية لكن لا حياة لمن تنادي.في النهاية قلت ليهو دي " فوضى سودانية خلاًقة"
أحكي يا حبيب نورة وأديني معاك مترين من الطاقة المزركشة ديك.
كل سنة وأنت طيب مع أمنياتي لك بعام جديد سعيد وعمر مديد.
| |
|
|
|
|
|
|
|
|
|
Re: بنات ... الداون تاوُن.... (Re: الفاتح ميرغني)
|
| Quote: قال لي" ده أنتو السودانيين عجيبن جدا!". تصدئ الطيب السواأ بتاع معالي الوزير بينادي الوزير بإسمو؟ قلت ليهو عيب ما يصحش كده يالطيب ده معالي الوزير مش ممكن تندهلو بإسمو حاف كده. آم آلي بلا معالي الوزير بلا إيه كده مش عارف".( طبعا بكون معاها كلمات كده لا نكتب في هذا المنبر) وطبعا إندهش أكتر لمن جابو الغدا والطيب كان معاهم على المائدة. |
توحة يا حبيبو
عليك النبي سيبك من المصريين ديل
علي اليمين دة لوكان سوداني كان قال ليهم
دِين أم الوزير
ودِين كمان الجابو!!!
نحن ما عندنا لولوة
كلامنا دُغري وما عندنا كبير إلا الجمل!
بس الأجيال الإنقاذية دي
كبيرها (مُر القشير)
نعمل ليهم شنو؟؟؟؟
دة جيل أبتدأ حياتو في غيبوبة ذهنية طويلة المدي!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
يا حبيب حبيب نورة الان والان فقط اقول ......اقول ايه؟!!!! اجزم بان رحيلك من مصر قد وجب
امال ....على قول المصريين ..اسيبك تنتقل من الداون تاون الى تلك الاماكن الداخل فيها مفقود والخارج منها ايضا مفقود.
| |
|
|
|
|
|
|
|
|
|
Re: بنات ... الداون تاوُن.... (Re: حامد محمد حامد)
|
| Quote: ياخى قول بعد ان عثت فيها فسادا( فساد الساردين) |
والله يا قريبي أنا لقيتها كدة
خربتوها إنتي و قرايبك من زمن صابر بياع الفُل
و فكهاني المعلم زبالة
وعبدو النتن
و سعد الحرامي
و أنا يادوب جيتها من عصر الماكدونالدز و الهارديز
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
حبيب نورة يا وهم إنت لسع قاعد في مصر؟؟
قالوا ليك مصر أم الدنيا شلت شلاليفك الكبار ديل
ومشيت ترضع ونسيت حليب أمك السودان !!!
عالم ما عندها إنتماء !
والشرة الشريتني ليها حافظة ليك يا عواليق
| |
|
|
|
|
|
|
|
|
|
Re: بنات ... الداون تاوُن.... (Re: Tabaldina)
|
Quote: والله يا حبيب حكاويك عن قاهرة المعز
رائعة .. بتعيش الواحد فى احساس غريب
كأنه فعلا بوسط البلد .. |
تبلدينا الحبيب
والله أنا شبه عملت إتفاقية مع الأخ حمور زيادة
لتبادل الخستكة
ولكن فيما يبدو أخونا حمور أكتفي بألإنشاء لحدي الآن
أها قلت نتجاوز المرحلة الإنشاوية دي
و نشوف اللي بعديها
ولسة عندي فرصة أخيرة
يمكن لي قدام ( توجد صور)
| |
|
|
|
|
|
|
|
|
|
Re: بنات ... الداون تاوُن.... (Re: هاشم أحمد خلف الله)
|
Quote: حبيب نورة يا وهم إنت لسع قاعد في مصر؟؟
قالوا ليك مصر أم الدنيا شلت شلاليفك الكبار ديل
ومشيت ترضع ونسيت حليب أمك السودان !!!
عالم ما عندها إنتماء !
والشرة الشريتني ليها حافظة ليك يا عواليق |
هشومي يا قبيح
يازول سودان بتاع ماذا؟
إنت عايز يجيني ضغط؟
السودان دة نحبوا
لكن من بعيد بعيد
وصراحة كدة ما عندنا قدرة علي القراية أم دق
وكتلوك ولا جوك جوك
وقع ليك؟؟؟
| |
|
|
|
|
|
|
|
|
|
Re: بنات ... الداون تاوُن.... (Re: ناصر احمد الامين)
|
مساءات وسط البلد....... لون.......... ورائحة.......... وطعم
وكذا فعل بنا سوق باب اللوق............ والتنقل بين خدارات الدنيا والعالمين.........
تلاصقه الجامعة الامريكية تدس الجمال وسط الزحام ولكنه يظهر صارخا (خاتف لونين) والله لينا من موز وعنب وفاكهة الجامعة الامريكية.............................
...........
ميريت...........
فنانة تشكلية مصرية .... وجدتنى ......... بصحبة التجاني يوسف بشير شعرا .. اكتب ............
كلها فى الثري دوافع خير .. بنت وهب شقيقة العذراء...........
استوقفتها النشوة (وبصت) فيما انا كاتب ......... فٍسألت.......
ودار الحوار وكانت ازمة الاقباط فى مصر تسيطر علي الساحة.......... فوجدت فراسخ من التسامح الديني فى بيت شعر............ احتفظت به ............. ومدت يدها لتقطف ما تبقى من حكايات لم تسمع بها .......... ولتعيد ترتيب بلد اسمه السودان فى ذاكرتها من جديد... ولتنس ان السودان جغرافيا...... ونيل وحته واحدة.......... ...........
ثم جمعت ما تناثر من شعرها............. استعدادا ........... للبقية..........
الي انا وصلنا الى... بهم لو صدفة لاقيتك........... ودرب حلتنا جابك يوم ........... تشيل ياروحى ترمي اللوم...........
وانا راجع لى بيوت تفح لى من غير ادق او تقول الزول منو............
نفث من لفافتها مااستطاعت من نكيوتن وشاركتها النيكوتين استحلابا عن طريق الفم (سفة كاربة)
أهدتني شعر التجاني يوسف بشير لوحات تشكلية تمثل التسامح عند الرجل وتبعث بها رسائل لاخرين انهكتهم الصراعات الدينية...........
بندوة الاربعاء بجمعية المساعدة القانونية كان النقاش عن الاقباط فى مصر وكنت مكلف بإعداد الندوة
والتجاني حاضرا ببيت شعره وعنوان للندوة .............. صافحني الدكتور ميلاد حنا .......... وسألته عن صحته واحواله . انتو السودانين مافيش احلي من كده.. كعادته فى المودة ..........
...........
2005
ذات مساء بوسط البلد
| |
|
|
|
|
|
|
|
|
 Re: بنات ... الداون تاوُن.... (Re: omar alhag)
|
Quote: مساءات وسط البلد....... لون.......... ورائحة.......... وطعم
وكذا فعل بنا سوق باب اللوق............ والتنقل بين خدارات الدنيا والعالمين.........
تلاصقه الجامعة الامريكية تدس الجمال وسط الزحام ولكنه يظهر صارخا (خاتف لونين) والله لينا من موز وعنب وفاكهة الجامعة الامريكية............................. |
عمر الحاج
بوح إستثنائي بطعم المستكة
والنعناع
وفي الحقيقة
النص يحتمل أكثر من هذا
أظنك أقتصصت منهُ شيئاً لنفسك
لتحرمني من ما خفي بين طيّات السطور
تحتاج للعودة مرة أخري
و أنا معك
كلما نحتاجهُ
مزيدٌ من الوقت
من أجل هذا
Quote: أهدتني شعر التجاني يوسف بشير لوحات تشكلية تمثل التسامح عند الرجل وتبعث بها رسائل لاخرين انهكتهم الصراعات الدينية...........
بندوة الاربعاء بجمعية المساعدة القانونية كان النقاش عن الاقباط فى مصر وكنت مكلف بإعداد الندوة
والتجاني حاضرا ببيت شعره وعنوان للندوة .............. صافحني الدكتور ميلاد حنا .......... وسألته عن صحته واحواله . انتو السودانين مافيش احلي من كده.. كعادته فى المودة .......... |
| |
|
|
|
|
|
|
|
|
 Re: بنات ... الداون تاوُن.... (Re: فاروق أبوحوه)
|
| Quote: أنا راجيك (تحت) الداون تاون |
أبو حوة
طيب ما تحصلني فوق في العلالي
مزاج الزمن طابق البوخة
والمستكة والقرفة والهبهان
مع كباية شاي حمرا
وسجارة من نفس اللون
عاملين عمايل في ثنيات الدماغ
كل سنة وانت أنا
| |
|
|
|
|
|
|
|
|
|
Re: بنات ... الداون تاوُن.... (Re: بكري عباس علي)
|
Quote: شكلي كدة ح أرج ليك بعد غيبوبة يا مهداوي!!
|
كل بنات وانت طيب ياخى
صدقنى جااااااى بس شوية صبر
وبنات الداون تاون ... المزركشات بالقيافة واللطافة
وفيهم حبينا ال........ الباقى تموخيال
قاسم المهداوى
| |
|
|
|
|
|
|
|
|
|
Re: بنات ... الداون تاوُن.... (Re: ناصر المحسى)
|
| Quote: يا مساعد المصوراتى تعال بهناك فى بوست عن نوبى سودانيز اون لاين انت مش بقيت نوبى بالتجنس بدل نادية عثما شايف نادية ما بتخش فى البوستات النوبية |
يا ناصر
المصوراتي دة خليني منو هسة!!
دة حمام ميت ساهي
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
لسعات البرد الساخنة بدأت حملة تأديبية شرسة علي جسدي المنحول
فكانت الكتكتة هي حواري الصامت مع حدة سياطهِ
حاولت أن أدفئ أنفاسي بحرارة إشتعال النظرات إلي تلك الأنثي التي
شغلتني بعيونها الموسمية!
أحس أن هذه لها نظرة أكثر برودة في الصيف
وأنها لا تبكي في الخريف
ولكن الربيع يرتديها في كل الأوقات !
كنت أجلس ساعتها في ذلك المقهي الشهير الذي يقبع خلف ميدان طلعت حرب!
في داون تاون القاهرة
لم يكن البستان في ذلك المساء يرهق مقاعده بأجساد العظماء كما كان
اللهم إلا ثِقّل إنتظار صديقتي البوردابية التي كانت شحيحة الحضور
وضنينةٌ بالموعدِ!
......
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
أنثي الداون تاون بعيونها الموسمية
منتحتني قليلاً من الدفء فقررت أن أتخابث بعض الشئ و أسمح لنفسي برقصة
وهي تتمايل بهدؤٍ مع أنغام أغنيةٍ ما
تنبعث من هاتفها المحمول
فغمرني إحساس أن هذه الأغنية لابد أن تكون نسّم علينا الهوا !!
لا أدري لماذا !!
ولكني لمستُ في وجهها نفس الإرتياح الذي يغمرني عندما أسمع فيروزتي !
كان علي أن أحتمل ثقالة ذلك الضيف القادم
الذي يتفوق علي ميلاد نادل البار الثمج
هذا الضيف الذي لا تحتمله اللحظة
وفعلاً ما أن أغتصب مني خلوتي مع عيون الفتاة الموسمية
حتي بدأ فواصل الثرثرة
كان يجب أن أذكره بقاعدة مهمة من قواعد إستيلا!!
فتوجد قاعدة تناسبه تماماً
* لو ح تِرغي ع الشباب ح تدفع الحساب *
والمعلوم أن لإستيلا قواعد كثيرة و طريفة للغاية
سأفرد لها حيزاً قي وقتٍ آخر
و أذكر أيضاً أن صديقي الذي كنا نتشارك مع بعض السكني
كان يسألني كل ليلة السؤال التقليدي المعروف !
أها يا عمك الحلّة واللا إستيلا؟؟
فأبدأ فوراً في تقطيع البصل
وهذه هي المحطة الأولي من محطات القطر قام!!
إختراع العزابة وقدام السكاري الأكثر شهرةً علي الإطلاق !
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
الضيف الثقيل قرأ في وجهي سعيي الدؤوب لحوارٍ ما مع تلك العيون الموسمية
ولم يفجأني كثيراً عندما قال
يا صاحبي المُزة دي ما نخش فيها !!
ولم يتردد ونهض من مقعدهِ المجاور لشيشتي التفاح
و أتجه صوب الفتاة
كنت واثقاً أنه سيستعمل معها كل انواع الثقالة المعروفة وغير المعروفة
فلم تمضي سوي لحظات حتي عاد بصحبة الفتاة وعيونها الموسمية
صافحتني بحرارةٍ منخفضة
وعرفتني بنفسها ثم عادت لتسمع ما تبقي من أغنيتها في لا إهتمام
وعندها أيقنت تماماً أن هذه الأغنية لا بد ان تكون نسّم علينا الهوا
خاصة بعد ظهور هذا البريق الفيروزي علي وجهها
بدأت أحس بالضيق من هذه اللاجئة التي مزقت جواز سفرها علي مطاري
ولم تدعني أطلب منها حق اللجؤ الوجداني
وهي لا تعلم بأنني مشردٌ عاطفياً
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
كانت الساعة تشير إلي تمام العاشرة
حسب التوقيت المحلي للماستر ماكس !
والماستر ماكس للذين لا يعرفونها هي بيرة الله والرسول المعروفة!!
فأقترحت عليهما الذهاب إلي الحرية
ذلك البار العتيق الذي يقع في ميدان الفلكي بوسط البلد
يا جماعة نحاسب القهوة دي ونمشي في زهجة شديدة
وبيني و بينكم أنا كان جايي البلد دي للقهاوي كان سافرت كسلا و أرتحت !!
أنا علي البتاعات و أنت يا فردة عليك الترمس !
والمعلوم أن الترمس يقدم مجاناً مع البتاعات !!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
لا أعرف كيف رافقتنا فتاة الداون تاون المؤلّف قلبها
ولكننا ذهبنا
ووجدنا الحرية كما هي
قمة الفوضي و الضجيج
والصراخ
وكأنها بؤرة للسكاري ! وما هم بسكارا
*هي إنتوا جايبني محل سَكَر * ؟؟
يا بت الحلال سكر شنو ؟
دي بيرة الله والرسول لكن إنتي أقعدي معانا وما تشربي حاجة !
أوجنا لثلاثتنا كراسي ثمل شاغروها بعد جهدٍ جهيد
وبدأنا نقزقز بالترمس و نحن ندردش في مواضيعٍ شتّي
و أظن أن سعينا أيضاً لشتّي !!
هسة دي بتعمل ليكم شنو؟
دي والله يا بت الحبّة دي ما بتسويها ما كدي نجيب ليكي آي دي !!
لالالالا برررري آي دي شنو كمان إنت ؟
يابت الناس ما نجيبها ليكي تجربيخا والله بي نكهة بطيخ الله والرسول دة !!
يا ميلااااااااااد واحد آي دي لو سمحت !
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
والمعلوم أن للسكارا كرم حاتمي في بعض الأحيان
خصوصاً تجاه المبتدئين!
علي اليمين يقطعوا من جلودهم عشان يسكروهم
و أول ما يمسكوا الدرب يفكوهم عكس الهوا !
هاكي يا بت أشربي يا حبيبتي الدنيا حلوة
علي فكرة قبل شوية كانت يا أستاذة !!!
أخذت بت الداون تاون تتفحص زجاجة الآي دي في حذر ثم بدأت تشرب
و أنا أشجع فيها للمزيد
أعدم باسووردي التشجيع الشجعتوها ليها كان يودي هلال الضعين كاس العالم للأندية!
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
أكتمل سباق الفورملا واحد للبيرة بخيرهِ وشره
و أفترقنا لا نلوي علي شئ
كلٌ يغني علي يلاه
وبعد ثلاثة أيام أتصلت علي الفتاة نفسها
إنت وين يا نورة ؟؟
أنا قاعد في القهوة يا منقة !
قهوة شنو عليك الله تعال لي أنا قاعدة في الحرية !!!!!!!
سجمي الحرية ؟؟؟؟
لا كان كدي جاييكي هوا
ولم تمضي سوي دقائق حتي أصبحت من سكان الحرية
وفتاة الداون تاون بعيونها الموسمية
تستمع لاغنية من هاتفها المحمول
فأخذت منها سماعة الهيدفون ممنياً نفسي بوجبة دسمة من الفيروز
نسّم علينا الهوا من مفرق الوادي
!!!!
وضعت السماعة في أذني و بدأت أسمع
!!!!
الشريعة جات
قفلوا البارات
السمك سكر
والجداد زِقِر
ورا ورا ورا وراااااااااا ورا وورا وورا وووراااا
يا شيخة دي أغنية شنو؟
مالك علي البارات فيها شنو غير البهجة ؟؟
وبيرة الله والرسول دي !
النبي غيري الغنية دي
المشكلة يا حبيب ما عندي غيرا!!
وطبعاً أنصدمت فيها
وفي فيروز
ونسّم علينا الهوا!!
هوا ؟؟؟؟
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
ياحبيب نوره
عاطر التحايا
تعرف البيرة دي في ذاكرة السودانيين ايام زمان لها وقع
لدرجة اغنية يقول مطلعها
البيرة ام جمل
الشراب اسكوب
نهلنا كتييييييييييير من شراب الحب
وكب ياولد في كبابي الشب
وكادت هذه الاغنية ان تزول من الذاكرة الجماعية لولا بعض قدامي السكاري
المخضرمين فهم بصدد نقل تلك الايام لهذا الجيل في واحدة من عمليات التسليم والتسلم
التاريخية. هذا من ناحية ومن ناحية اخري
وسط البلد حكاية وقبل عامين قرأت كتاب يتحدث عن مقاهي القاهرة وتاريخها واعجب اسم
مقهي كان اسمه مقهي بعرة تخيل!!!!!
قلل من جياتك للداون تاون وفي هذا البرد والزيفه والشبورة وانت ترتدي قميص كم قصير
انت قايل نفسك شمسون الجبار والله تجيك ام بريدانه تنسيك فيروز والبيره ونوره ذاتها
| |
|
|
|
|
|
|
|
|
|
Re: بنات ... الداون تاوُن.... (Re: مطر قادم)
|
وسط البلد مساحة تحشر فيها همومك مع الاخرين ..وتنعل (الزحمة) وتنشغل بما يفوق تصورك كل ذلك ممزوجا باهات وقهقهات وقرقعة الدمينو وصياح المشاريب وإستجابة بعضهم لشوية فحم (وحقر تاني والنبي) وابنية غاطسة في التاريخ موغلة في الفن المعماري في ازمان بعيدة وسنح مختلفة من بقايا فراعنة وهكسوس واسبان وطليان واخرين لاتعلهم لكن التاريخ يفعل.......... في طقس الزحمة هذا نفثت امينه عجمي دخان سيجارتها مضافا الي ملاين الانفاس والانفس التي تجوب الشوارع
داهمتني سمرتها
وجذبتها سمرتي ايضا
اسواني ولا صعيدى
ولا من الاقصر
طيب ماهو السمار نص الجمال
دفعت بهذا النص (حتة واحدة)
خرجت سودانيتي عزيزة مكرمة قابلتها تلك السمراء بإبتسامة (هاف مون)
وترقرق الحوار بينا.........
بتشغلي ايه
فــــــــــي بار بشارع 26 يوليو
بتعرف الشارع
ايوه
في محل ملاهي ليلة وكباريهات
اهو انا بشتغل هناك
وفي الصبح بشتغل في منظمة بنحاول نساعد الستات
ازى يعني بتساعدو الستات
بتدفعو فلوس
لالا خالص مافيش فلوس ولاالكلام ده كلو
بنأدم لهم توعية وبس..........
تعرف ياعمر انا عندي بنتين وولد
مش ممكن
هو ايه اللي مش ممكن
رن هاتفي الجوال
دي حبيبتك ولا مين
ياخلبوص...........
حكايتي لم تكتمل
ولكن لميلاد وسعد وماسح الاحذية والحرية الف قصة
ساحكي لك عن إحداها
| |
|
|
|
|
|
|
|
|
|
Re: بنات ... الداون تاوُن.... (Re: omar alhag)
|
المشاريب علي قلتها وعلب السجاير والثقاب كانت كفيلة بان تحتل مساحة مقدرة من الطاولة الحديت المتدوال بالقرب منا بعضه هامس (اوي) واخر مجلجل
افلت من خلبصتي
لاقع في قضبة الاسئلة النهمة والشرهه
بتشغل ايه
ساكن فين
عندك إخوات بنات
مصر حلوة
بتعرف مزز
ولا السودانين بس
بتشرب حشيش
هتفت لا
لابس يعني عادى
اهو سؤال والسلام
حتنزل السودان إمتي
انت مبسوط من الاعدة هنا ولا نروح حتة تانية
الحته هنا خنقه
طيب ياسيدى احكيلي عن نفسك شوية
اشعلت سجارتها(مع إنحناء للرقبة) اعادتها بصبحة ضفائر طائشة في إستعرض بهي كما إعلانات الشامبو
علي فكرة انا كنت محقبة في الجامعة التحجيبة حلوة بس انا خلاص خت علي كده ..... يلالالالالالالا
بعد شوية عاوزه اروح اشتري حاجات للعيال
طيب اوكي بوسلي العيال معاك
العيال بس
وامهم ياستي
علي فكرة انا بحب السمر اوي
مر شاب يتلفح بشال فلسطيني
ندهت عليه
يامودي خد يالا
اتي مودي وعناق حار ومرور سريع علي خدود الطرفين بطرف الشفاه
ده عمر صديق من السودان
اتعرفت من إيمة كم يوم كده
واهو اسمر زي
ازيك ياعمر عامل وازي السودان عاملا ايه
انا ح استذن اصلو عندي بروفة
انسحب مودي ومعه نفس طويل من سجيارة امينة
الولد ده بعلب مزيكا انما ايه
| |
|
|
|
|
|
|
|
|
|
Re: بنات ... الداون تاوُن.... (Re: omar alhag)
|
عمر الحاج
ياحبيب نوره من اجمل اصدقائي
لو ترك العنان لموهبته لعبر دهاليز كثيرة وهو وانت عارف الدهاليز المعنية
عمر حكواتي وحكائي بدرجة ممتعة ولنا معه بالقاهرة ايام زاهيات في عابدين الحارة
وفي وسط البلد عمر اوعمار كان فاكهة مجالسنا وتفاحتنا الاثيرة وفي الخرطوم كنا نلتقي يوميا
ونذهب للضواحي وطرف المدائن السوق القديم والسلمة وشارع اللواء بسوبا الاراضي وعند حضورك ياحبيب نوره استاذن اهلك في السروراب لغيبة وليست غيبوبة وتعال اعرفك علي بورداب الخرطوم ونأخذك الي هناك
لعوالم الحكي في حضرة عمر الحاج الجميل والذي يشبهك في كثير من الاشياء ستعلمها لاحقا
الان انت في الاسكندرية وياخوفي انك هناك بقميص كم قصير
شيل شيلتك
| |
|
|
|
|
|
|
|
|
|
Re: بنات ... الداون تاوُن.... (Re: طلال عفيفي)
|
Quote: كلام زي الورد يا حبيب نورا..
سعدت بقراءة الحكاوي دي جخانين القاهرة،
المدينة التي أبدعت في معاملتنا ومراقبتنا. |
الجميل الشفيف الوريف اللطيف عفيفي
سعدت جداً بمرورك
وانا لسة جواي الكتير عن جخانين الداون تاون
ح أرجع أدردش معاك
شكرن كتيرن يا نجاض
| |
|
|
|
|
|
|
|
|
|
Re: بنات ... الداون تاوُن.... (Re: omar alhag)
|
Quote: بهذا النص (حتة واحدة)
خرجت سودانيتي عزيزة مكرمة قابلتها تلك السمراء بإبتسامة (هاف مون)
وترقرق الحوار بينا.........
بتشغلي ايه
فــــــــــي بار بشارع 26 يوليو
بتعرف الشارع
ايوه
في محل ملاهي ليلة وكباريهات
اهو انا بشتغل هناك
وفي الصبح بشتغل في منظمة بنحاول نساعد الستات
ازى يعني بتساعدو الستات
بتدفعو فلوس
لالا خالص مافيش فلوس ولاالكلام ده كلو
بنأدم لهم توعية وبس.......... |
عمر الحاج
ياخي والله ولا كلمة
برجع ليك بي روااااقة
صراحة كدة أديت البوست بُعد أعمق
| |
|
|
|
|
|
|
|
|
|
Re: بنات ... الداون تاوُن.... (Re: مطر قادم)
|
Quote: البيرة ام جمل
الشراب اسكوب
نهلنا كتييييييييييير من شراب الحب
وكب ياولد في كبابي الشب |
تسلم يا أبو الأمطار
غنية جميلة شديد
ما بعرف سرها إلا قدام السكاري المخضرمين
ياخي أنا هسة في إسكندرية
والزمن غيبوبة بتنده ليك
ومع ذلك تاورتني حمي الداون تاون
و شموس الليل
ومشاوير تانية حامياني
عندي هترشات كتيرة
بفضي و أديها نفضة و بجيك صاد
| |
|
|
|
|
|
|
|
|
|
Re: بنات ... الداون تاوُن.... (Re: حبيب نورة)
|
بذاكرة خربة وتفاصيل مهزروة احاول جاهدا ان أظبت قناة وسط البلبد علي محطة امينة عجمي........
الي تلك الذاكرة ياحبيب نورة نعبر سويا
شفت البنوتة الحلوة اللي هناك دي
ايوة
دي سمر
صحبتك
لا
يعني من بعيد كده
اقوزجت عرفي من واحد بشتغل صحفي
وما مشيتش معاهم وسابو بعض
ومن يوميها دماغها إتلخبط
وعلي فكرة زرتنا في المنظمة
عشان التوعية
لا عشان حاقات كتير
مش في بنات ليل زى مابقولو
ايوه
برضك بنشتغل عليهم
ازي
يعني تمشي بطال بس صح
مافهتمش ... هو ايه البطال وايه الصح
يعني لو مصرة علي شغلانتة الرجالة دي و كلام الليل والهلس
ممكن نتقدم لهم توعية جنسية وشوية حاجات كده
لحظتها طفح الكيل بغريزتي ورجولتي وتجهجت في (القبل الاربعة)
اهي فرصة في مقهي (البرصة) بضم الباء (تمتمت في سري)
بكرة الجمعة يوم ملخبط خالص
انت بتروح فين يوم الجمعة
بروح المطعم السوداني افطر
بتفطر ايه
كسرة بملاح شرموط
ياأقليل الادب ... هو انتو بتسموه كده ..
طفرت مني اسم وجبة سودانية لإسمها دلالة ما ظهرت علي تفاصيل وجهها بإستغراب اطلقت ضحكة ثم إبتسامة مسسترة بين التمنع والرضا لإسم الوجبة السودانية(تلك الوجبة الشتمية .. والطاعمة في ان واحد)
لالا بنقول عليه (تقلية)
اه بتاعت زي بتاعت الكشرى كده
لالا دي حاجة ودي حاجة
فجاة مر سرب من المزز بجوار الطاولة لاحقتها عيون شباب وسط البلد مدهونة بعبارات مضغوطة ومعبرة وعابرة لمعاني كثر وحمَالة اوجه (يالهوي) ....... ايه ده كلو
طيب وايه الكسره دي
عجينة بتاعت درة
زي الصعيد يعني
ياست زيها صعيد صعيد
تاورتني نفسى الامارة بالكيف بان اضع سفة كاربة لاسترسل في هذه الونسة (الطاعمة) ولكني استدركت
كثرة السؤال عن هذا الفاشري وقررت إذا سألتني ساذكر لها انه (نمر واحد من وادي شقرة) واللي يحصل يحصل................
| |
|
|
|
|
|
|
|
|
|
Re: بنات ... الداون تاوُن.... (Re: قاسم المهداوى)
|
| Quote: أعدم باسووردي التشجيع الشجعتوها ليها كان يودي هلال الضعين كاس العالم للأندية! |
دايما يا حبيب نوره بحب التشجيع البجيب قون!!
كاتبتك جميله لدرجة تجعلك تشترى بيره وتطلق العنان لمؤخرتها!!
واصل ....وبار ما يوقفك!
ـــــــــــــــ
التحايا النواضر
| |
|
|
|
|
|
|
|
|
|
Re: بنات ... الداون تاوُن.... (Re: bob)
|
| Quote: واصل ....وبار ما يوقفك! |
ولابيرة تعتر ليك!!!
| Quote: أعدم باسووردي التشجيع الشجعتوها ليها كان يودي هلال الضعين كاس العالم للأندية |
!
كأس العالم ولاكأس بيرة
حبيب نوره
كأس المودة يدور بالبهجة والايناس
| |
|
|
|
|
|
|
|
|
|
Re: بنات ... الداون تاوُن.... (Re: مطر قادم)
|
عال العال
حبيب نورة ومطر قادم وانضم اليهم عمر الحاج ويبدوا ان لديه من مخزون ذكريات داون تاون ما يستدعى البقاء فى هذا البوست
واماانت يا حبيب نورة فنهارك طين وليلك اطين لو انت فى الاسكندرية ومعاك المصوراتى ...ياخى امشوا عند محمد احمد اصله فوله وحشنى اوى واكلوا لى شوية رز بلبن من صابر وفى بحرى فى محل سمك اسمه مملكة البحار او ما شابه ذلك هناك الفسفور بيشتغل ويدخل النفاشيش ويخليك تتسطل وتزداد غيبوبة فوق غيبوبتك.
وعشان تكملوا الناقصة لازم تاكلوا فى بلبع ( داون تاون) الاسكندرية ....هكذا
| |
|
|
|
|
|
|
|
|
|
Re: بنات ... الداون تاوُن.... (Re: حامد محمد حامد)
|
Quote: واماانت يا حبيب نورة فنهارك طين وليلك اطين لو انت فى الاسكندرية ومعاك المصوراتى ...ياخى امشوا عند محمد احمد اصله فوله وحشنى اوى واكلوا لى شوية رز بلبن من صابر وفى بحرى فى محل سمك اسمه مملكة البحار او ما شابه ذلك هناك الفسفور بيشتغل ويدخل النفاشيش ويخليك تتسطل وتزداد غيبوبة فوق غيبوبتك.
وعشان تكملوا الناقصة لازم تاكلوا فى بلبع ( داون تاون) الاسكندرية ....هكذا
|
يا حامد
علي اليمين قريبك المصوراتي بي عيننا ما شفناه
ياخوي دة قاعد في الفايف إستار
شوفتي ليه في فوضة الداون تاون
وبإختصار كدة دة طرفي منو
وبعدين البلد مجنونة
والجو كان قيامة بس
أنا غايتو وقريبك ناصر المحسي ما قصرنا
لا خلينا بحري لا قبلي
وكان علي أنا مرقتها في زنقة الستات أديتها مشوار مشوارين
أيوووووووه علي البحر و أسكندرية
| |
|
|
|
|
|
|
|
|
|
Re: بنات ... الداون تاوُن.... (Re: bob)
|
Quote: كاتبتك جميله لدرجة تجعلك تشترى بيره وتطلق العنان لمؤخرتها!!
واصل ....وبار ما يوقفك! |
بوب يا جميل
الأشياء تتوقف هنا
ولكن لا بد من مواصلة المسير ترنُّحاً في كل الطرقات
التي تؤدي إلي فوضوية الحرية
وما جاورها من غيبوبة نستند عليها علي وعيٍ جائر
بواصل و قيامة ما بتوقفني
| |
|
|
|
|
|
|
| |
حبيب نورة
عمران حسن صالح
محمد سنى دفع الله
willeim andrea
جمال السنوسي
حامد محمد حامد
قاسم المهداوى
ناصر المحسى
الفاتح ميرغني
هاشم أحمد خلف الله
الصادق خليفة
ناصر احمد الامين
omar alhag
فاروق أبوحوه
بكري عباس علي
عمار عبدالله عبدالرحمن
baha eassa
مطر قادم
طلال عفيفي
bob
فيس بوك
تويتر
انستقرام
يوتيوب
بنتيريست