|
|
|
 Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: مجدي عبدالرحيم فضل)
|
Quote: أخونا خالد المحرب بألف خير.
أنا على إتصال به هاتفياً.
مجرد مشغوليات نتعرض لها في هذه الغربة و تنتهي لتعود تطل برأسها من جديد.و هلم مشغوليات.
شكرا للسؤال .. |
حكيم ( حكمةً ) المنبر ودليلنا
أبوجهينة
متعك الله بالصحة والعافية وأنت تنثر بينا حكما تنير طريق دروبنا الظلماء
مافقدناك يا أخي.
وشكراً كتير طمئنت قلوبنا ربي يطمئن قلبك العامر يا جميل
أرجوك من هنا.. أن أتبلغ نفيس أشواقنا وتحياتنا للحبيب خالد المحرب وأسرته وتنقل له لهفتنا لسماع صوت قلمه الجميل الذي عودنا به دوما يحمل لنا طيب الكلم.
ولك مني أجمل تحياتي
| |
 
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: ismeil abbas)
|
Quote: إنتوا الرجال أصحاب كرم وشجاعة..
إنتوا أصحاب أصل والجود حقكم من زمن الرضاعة..
المنسى الوفى ذكرنا ليك ياخالد
والزول السمح من زمن للصعاب بجالد.
يا المحرب يا أصيل إن شاء الله تعيش فى سلام.. |
الأخ الحبيب / إسماعيل محمد أحمد عباس
نعم الأسماء جمعتها ياالغالي والمبروك
لك مني أجمل التحايا الطيبة سلااام
ما أجمل ما قلت في الأخ الحبيب المحرب
ولك منا المودة والسلااام يا جميل
| |
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: خالد علي محجوب المنسي)
|
الساعة الآن 12:02 ظهرا
مكالمة هاتفية مع أبو شنب خالد أبوحريرة الأرباب
آلو .. إزيك يا أبو شنب
خالد :أهلااااااان أبو جهينة
وين إنت؟ البرد داسيك البرد ولا عندك فهماً تاني؟
خالد :لا و الله .. شوية مشغوليات + مشكلة في خطوط الهاتف
إنت وين حسع ؟
خالد :أنا في إستراحة بقوم بالتحضيرات ليوم أبناء البطانة بالرياض و كل البورداب حتجيهم دعوة.
و بقول بهذه المناسبة :
فرقنا الزمن دهْورنا يا خلان
المنبر نارو قايدة لكن الكتير زعلان
بنعود ليكم إن شاء الله يا أخوان
و أنتو رفاقة لليلة و كل الأزمان
طيب أظهر و بان عليك الأمان
خالد : ضاحكا ( و بالتأكيد شنباتو ال متل ربطة البرسيم تتأرجح ) :
بجيكم و الله .. تحياتي لكل زول سعل مني هني .. و لكل زولة ...
***
أها يا أخوانا إطمْنتو ؟
| |
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: الطيب شيقوق)
|
Quote: شفت زولك والله اكان شكر ليك الموت ذاتو تقولي انشاء الله افطس هسسسسسسسسسسسسسسع
ود المنسي
يا هو الكلام البكوي ذاتو انا خايف العربي يجي ناطي هسع واتلحنى .
الزول فعلا فرقتو ما بملاها رطاني |
يا زول غايتو كلامو فصيح أت ساااااكت شابطنا رطاني رطاني
إسلوب جميل ومرتب
وماسك بنواصي اللغة جهبوز
لك التحية
ما آنَّ لك يا ود المحرب العودة بنديك فرقة لامن تخلص من ملتقى البطانة
بعدها تعال لينا يا جميل
| |
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: خالد علي محجوب المنسي)
|
| Quote: وماسك بنواصي اللغة جهبوز |
يا ودالمنسي .. ولالله حيرتني ب "جهبوز " دي؟؟ هس العرريب جدو ودشيقوق يفتكرها حاجة بتاعة "حت" وتلتلب يجي ناطي في نص الحلقة ؟؟ عشان ما تاخد في مقلب انا والله والله ما بعرف حروف االابجدية العربية بالترتيب وقبل شوية قلت اشوف "شيقوق" في موسوعة الانساب بتاعة عون الشريف .. خمسة اجزاء .. اها قعدت افتش الخمسة كتب لامن لقيتا .. اصلو ودشيقوق دة متعب ...وتقولي "جهبوز"
| |
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: خالد علي محجوب المنسي)
|
يا أبوأحمد ود المنسي الله يطراك بالخير
كراعي كبرت من الفرح نص في الأرض ونص في النعال
وكت لقيت سؤالك مني .. واسماء الاعزاء المتداخلين
جيت احضر الكورة السودان وزامبيا مع أحد الأخوان
ولقيت سودانيزونلاين مفتوح .. ولاقاني بوستك فــي
وشي وقريتو كلمة كلمة ووالله فرحت شديد
وإن قلت شكرا ما بتفي
وقولا يعبر ماهو في
واليومين ديل ما أظن اقدر اتواصل معاكم في
المنبر .. لكين معزتكن في القلب وصوركم في
الذاكرة .. سلامي واشواقي ليكم واحد واحد
يا احباب.
| |
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: خالد المحرب)
|
Quote: يا أبوأحمد ود المنسي الله يطراك بالخير
كراعي كبرت من الفرح نص في الأرض ونص في النعال
وكت لقيت سؤالك مني .. واسماء الاعزاء المتداخلين
جيت احضر الكورة السودان وزامبيا مع أحد الأخوان
ولقيت سودانيزونلاين مفتوح .. ولاقاني بوستك فــي
وشي وقريتو كلمة كلمة ووالله فرحت شديد
وإن قلت شكرا ما بتفي
وقولا يعبر ماهو في
واليومين ديل ما أظن اقدر اتواصل معاكم في
المنبر .. لكين معزتكن في القلب وصوركم في
الذاكرة .. سلامي واشواقي ليكم واحد واحد
يا احباب. |
وووووووووووووووووووووووووووووووب وووووووووووووووووووووووووووب النار ولعت هسع دى حلمة ولا صاح وروني يا ناس
تتواصل يتواصل .............. اهلك
| |
|
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: خالد علي محجوب المنسي)
|
Quote: يا أبوأحمد ود المنسي الله يطراك بالخير
كراعي كبرت من الفرح نص في الأرض ونص في النعال
وكت لقيت سؤالك مني .. واسماء الاعزاء المتداخلين
جيت احضر الكورة السودان وزامبيا مع أحد الأخوان
ولقيت سودانيزونلاين مفتوح .. ولاقاني بوستك فــي
وشي وقريتو كلمة كلمة ووالله فرحت شديد
وإن قلت شكرا ما بتفي
وقولا يعبر ماهو في
واليومين ديل ما أظن اقدر اتواصل معاكم في
المنبر .. لكين معزتكن في القلب وصوركم في
الذاكرة .. سلامي واشواقي ليكم واحد واحد
يا احباب. |
طارت بنا الفرحة طربا محلقين
ويناتبنا شعورا سما بنا ولا يلامس لنا للأرض قدما
يوم السعد كان يوم طلت تلك العُمامة تزين ذاك الوجه الصبوح فرحا كما طفل برئ يحمل في دواخله كل الأمل والحب للآخرين ..
سعدنا بالعودة المشروطة كل السعادة وننمني النفس بالعودة للمنبر ( عودة القلم والمداد ) أنت وزوجك المصون بت ابوحريرا
حمدالله على سلامة العودة يا خالد
دا الواجب يا ود شيوخ البطانة ولا نرجى منه شكرا
عرفناك فكنت نعم الأخ سند وركيزة
ندعو لك بالصحة والعافية وللأسرة الكريمة وتعود لينا قريب يا رب
لك مودتي الصادقة يسبقها الشوق لك
وتحياتي
| |
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: الطيب شيقوق)
|
Quote: ود المنسي
النقاط دى اتوطاها ساااااااااى ما تحرن عندها الحرنة بتكشف للرطاني
ات عارف غيبة خالد اخوى بردت المنبر كلوووووو - اها بعد ده شوف ليك قيامة |
تعرف يا ودشيقوق ذكرتني زمان كان عندنا حبوبتنا مرات تجلس مع الوالدة وأخواتي الكِبار فتمسك مثلاً سيرة شخص تحكي عنه ( كانت تخاف من أختي الصغيرة وتقول البت خشمها زي الشهفوفة بتوصل سريع ) ..أها بتكون تحكي تقوم أختي الصغيرة تسألها دا منو يا حبوبتي ( يعني الزول الذي تتكلمي عنه ) تقول ليها راجل ضيف مو سببك .
خلاس من يوم الله تاني بنمشي في النقاط حوفا ساااااكت ونخلي زولنا نايم علي إضني
وحمد الله السلامة على عودة ود المحرب ابــ نخوة
| |
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: هشام هباني)
|
| Quote: اها ياود المنسي ات والعرريب عميتو تب وبقيتو في كتابة بريل والتلغرافات ؟؟؟ ما عندكم طريقة حتي ولو تكتبوها في الهوا وانتو طالعين نخلة وفي يوم الهبوب فيهو شديد والكتاحة مالية الجو... برضو بحصلكم ... |
ههها ههها
الباشمهندس أبوبكر
أمسحها لينا في وشنا
لكن المرة الجايا بنكتبها بي موية البصل
وهسي في شان خاتر الرجل الضكر ود شيوخ البطانة أعفينا وتب مابنكررها تاني
صافية لبن
الله شكيت ودشيقوق علي الله كان داير إسويني في لوم معاك يا باشمهندس الزول دا زي ما بقولوا الألبان
( فتنجي ) اي بتاع فتن
| |
|
|
|
|
|
|
|
|
|
Re: طولتَّ الغيبة شديد .. ود شيوخ البطانة .. خالد المحرب .. أشواقنا بحور (Re: خالد علي محجوب المنسي)
|
| Quote: اها ياود المنسي ات والعرريب عميتو تب وبقيتو في كتابة بريل والتلغرافات ؟؟؟ ما عندكم طريقة حتي ولو تكتبوها في الهوا وانتو طالعين نخلة وفي يوم الهبوب فيهو شديد والكتاحة مالية الجو... برضو بحصلكم ... |
والله انت عندك اجهزة انذار مبكر تفهمها طايرة لكن اديها صبرة ات حاجة بجيب خبرك الا كلام ناس البطانة لانك بتابعو ساااااااااااى وما ناقش الحبة .
ود المنسي عشان ما ينقش
السائب جفّلو من الصقيع ده زولك دوماتو سايلة وبمشى القيد حرن كية على المابينا
هييييييييييع نادي بت طلحة خليها تفك الشفرات دى
| |
|
|
|
|
|
|
|
| |
خالد علي محجوب المنسي
مجدي عبدالرحيم فضل
ابو جهينة
أبو الحسين
هاشم أحمد خلف الله
الطيب شيقوق
ismeil abbas
أحمد الشايقي
abubakr
munswor almophtah
ود محجوب
خالد المحرب
ناذر محمد الخليفة
انعام عبد الحفيظ
Salah Waspa
هشام هباني
فيس بوك
تويتر
انستقرام
يوتيوب
بنتيريست