|
|
 عضو جديد لنج
|
السلام عليكم ورحمة الله وبركاته
أولاً أحب ان أتقدم بالشكر الجزيل للأخ بكري ابوبكر لقبوله واحد مثل شخصي كعضو في هذا الموقع العامر والذي اعجبني كثيرا وكما اود ان أحي من خلال هذا الموقع كل سوداني خارج او داخل البلاد فالكل قابض على الجمر اعاننا الله. أخوتي واخواتي تحيتي لكم والله من كل قلبي, فرحتي ترجع للفائدة التي سوف اجنيها من كتاباتكم لذا الشكر لكم مقدما.
خالد علي محجوب المنسي
|
|
 
|
|
|
|
|
|
|
|
Re: عضو جديد لنج (Re: عمار بيلي)
|
من اسمك دى الظاهر عليك جعلي
عندنا منكم كتير ياللة بلا لمة
ازيك يا خالد يا شيخ الجعليين
سلامي لابنك احمد
فيصل محمد خليل
| |
|
|
|
|
|
|
|
|
|
Re: عضو جديد لنج (Re: عمار بيلي)
|
الاخ الفاضل البيلي شكرا لك على ردك الجميل الحلو وانتم دائما هكذا ادب جم آل البيلي, اكيد انت قريب زميلي مالك البيلي لك الشكر مني
خالد
| |
|
|
|
|
|
|
|
|
|
Re: عضو جديد لنج (Re: bayan)
|
الفاضلة بيان ,,, إذا كنت نطقت الاسم بطريقة غير صحيحة لك المعذرة ,,, السلام عليك ورحمة الله وبركاته,,,, قرأت ترحيبك من قبل ورديت عليه من ضمن رد شمل عدد من الاخوة والاخوات الكرام لكن اليوم وانا ماري مرور سريع في الصفحة قرأت كلمة دقداق في ردك قرأته مرة اخرى اعبتني الفكرة جد وحلوة جدا وتعبير دقيق فعلا لازم نعمل حسابنا من الدقداق الشكر موصول لك والتحايا والتقدير
خالد
| |
|
|
|
|
|
|
|
|
|
Re: عضو جديد لنج (Re: ALGARADABI)
|
القردابي كلامك التاني شنو فاكرني ود عمك ولا شنو ,,, برضو اخواني احمد ومحجوب واولاد عمي محجوب وعادل وهمر وفتاح وعماد ابو الروس وعصام وبكري وابوعبيده ةاسامة
خالد
| |
|
|
|
|
|
|
|
|
 Re: عضو جديد لنج (Re: المعتمد)
|
الأخ / خالد ...
تحية الصباح الجميل ...
دعني أقول لك مع بقية أخوتي هنا - رغم إني ما أقدم منك بكثير- ألف مرحباً .. عن نفسي وجدت الكثير من الفائدة والمتعة والبهاء في هذا المنبر ... وأتمنى لك أخي خالد أكثر من ذلك ...
يقولون يا خالد أن لكل من اسمه نصيب ... يلا شمّر عن الساعد يارجل وورينا بعض من إبداعات الطيب صالح في آخر رواياته المنسى ...
أهلاً بكم ومرحبا ... مع خالص التحايا والود ...
| |
|
|
|
|
|
|
|
|
|
Re: عضو جديد لنج (Re: خالد علي محجوب المنسي)
|
الأخ خالد المنسى
أهلا وسهلا بك فى منتدى سودانيزاون لاين ونأمل ان تكون اضافة ثرة وان نرى لك مشاركات طيبة وآمل ان لا تكون منسى بل تكون ملء السمع والبصر دوما..
حبابك عشرة بلا كشرة والدار دارك يا سيدى ...
| |
|
|
|
|
|
|
|
|
|
Re: عضو جديد لنج (Re: زرياب كنيش)
|
مرحب أخونا / خالد علي محجوب المنسي .. إقامة سعيدة أتمناها لك هنا , وصيتي لك أبعد من الجماعة المشاترين في المنبر
معاذ الدخري .
| |
|
|
|
|
|
|
|
|
|
Re: عضو جديد لنج (Re: Muna Khugali)
|
الأخزة والأخوات الأفاضل عادل عبد الرحمن, بيان, بكري اسماعيل, المعتمد, أدريس محمد ابراهيم, احمد داؤود , قرشو, عبد الرحمنالحلاوي, زرياب, معاذ الدخري, ومنى خوجلي,,,, سلام كتير وتشكر بالكوم وكوماً كبير كبر وطنا العامر, لكم مني الشكر والتقدير بالترحيب الذي اثلج صدري لكن برجع واقول دا طبعكم يا سودانيين الترحيب والكرم ,,, ولك يا الدخري وبرضو إهداء للكل هذه الابيات
الدخري يا ود اختي عز الدين
باكر تزور بيتنا........
وتقول لي ... حبوبه ديك صورة منو الملصوقه في الحيطه؟
اقول ليك دي صورة خالك يا وليدي حليل خالك
حليل خالك كان زولاً بشد الحيل
كلامو لذيذ يونسنا وعديل بالحيل
كتير الناس تقول مجنون وما مجنون
بس في شيتن في قليبو ... يزاول لي وحامي النوم
يبرم في سبيب راسو ويساهر لي هوايد الليل
يقوم من نومو ضرب الديك ... يفوت بريقو زي الضيف
يفارق الحلة مستعجل .. مع هبة نسليم الصيف
حفيان ساهي يباري القيف
يخت محجانو في كتفو ... ويطب مخلايتو في اباطو.. ويضرب الغابة اتوكر
يحت السعفة والعليف... يهز شدرن فروعو حديد
ولما العين تكون شافت قريب وبعيد ... وبهايم الحلة تتوحه عشان ما تأكل المحتوت
خالك يعاين ليها وتبسم... وما بحميها وامشي يفوت
ولما تغيب يجيك شايل نبقاً تقول ياقوت... مغسل بدموع الحور ومعلق في رقيبة السمحة في البنوت
وزولك مريوق... بدل مايقول بدور آكل... بقول بس نادو عز الدين
حليل خالك كان زولاً بحب الجوطه والحفلات... محل ما يسمع النقره
يخت طاقيتو في رأسو ... ويشيل طمبورو في يدو ,, ويقج حفيان بلا نعلات
دلاليك العرس داقات... وريحة المحلب المخلوط مع الصندل ... وحنة مخلوطه في طاسات
وضريرة ماليا خشم الحق,,, وام العروس مشغولة بالدخلة والمرقة
وبنات عم العريس واقفات... يسالمن ديل... يعزمن ديك... ويجاملن ديك
شايلات جرتق ما غش... خرز منضوم باللولي ,,, وهلالاً زي هلال شوال
وعريس بالفرحة داير إنشق ... محصن نفسو بياسين.. وجايبين ليهو عضم الحوت .. ومالي ضرعاتو بالحجبات
حجاب قلاد احمر ... حجاب جلاد ودفراج
وهاك يا زيطة وجوطه... وناس داخلين ... وناس مارقين ,,, وضيف جاء وضيف فات
وخالك منسي في طرف الصريف لا زولاً اقول ليهو امشي لا زولاً اقول ليهو تعال
خالد
| |
|
|
|
|
|
|
|
|
|
Re: عضو جديد لنج (Re: خالد العبيد)
|
خالد علي محجوب.... حبابك ألِف،
| Quote: وخالك منسي في طرف الصريف لا زولاً اقول ليهو امشي لا زولاً اقول ليهو تعال |
لعلك تقصد: وخالد منسي في طرف الصريف لا زولاً اقول ليهو امشي لا زولاً اقول ليهو تعال
حبابك تاني ولك الود،
ع ع
| |
|
|
|
|
|
|
|
|
|
Re: عضو جديد لنج (Re: Adil Ali)
|
الأخ العزيز عادل علي, فعلا كان هذا البيت ينطبق علي قبل يوم امس لكن بيكم يا الحبيب لقيت نفسي مذكور ومطري حفظكم الله ورده غربتكم عامرين غانمين بإذنه تعالى, لك الشكر والتقدير
خالد
| |
|
|
|
|
|
|
|
|
|
Re: عضو جديد لنج (Re: ود محجوب)
|
السلام عليكم ورحمة الله وبركاته أخي الفاضل ود محجوب وكمان من شندي والله ما معقول لانو انا برضي من شندي ,,, شندي فوق مربع ثمانية, اخي والله النفس تواقة لمعرفتك
خالد محجوب
| |
|
|
|
|
|
|
|
|
|
Re: عضو جديد لنج (Re: Waly Eldin Elfakey)
|
الأخو الحبيب لو عاوز تكون معانا كده وال لو عاوز ... لانو والله من قعدتك دي عاوز تشاكل وتضارب وكل المنى ان يخيب ما ظننته بك, لك مني اخي كل الشكر والتقدير والمحبة بالترحيب الذي حفخفته بكم قنبلة كدي تخوف من الموقع لك الشكر والتقدير مرة اخرى
خالد
| |
|
|
|
|
|
|
|
|
|
Re: عضو جديد لنج (Re: عبدالغفار محمد سعيد)
|
الأخ عبد الغفار محمد سعيد لك موفور الشكر والتتقدير مع انك لنج زي والله من ريحتك دي كأنك عبد القفار بتاع امتداد الدرجة الثالثة مربع 4 الرديستار صديق ابوالروس والفاضل والعربي عصام مش صاح بالله انا نقار ولا لا لك الشكر حتى تعترف
خالد
| |
|
|
|
|
|
|
|
|
|
Re: عضو جديد لنج (Re: عبدالغفار محمد سعيد)
|
الأخ عبد الغفار محمد سعيد لك موفور الشكر والتتقدير مع انك لنج زي والله من ريحتك دي كأنك عبد القفار بتاع امتداد الدرجة الثالثة مربع 4 الرديستار صديق ابوالروس والفاضل والعربي عصام مش صاح بالله انا نقار ولا لا لك الشكر حتى تعترف
خالد
| |
|
|
|
|
|
|
|
|
|
Re: عضو جديد لنج (Re: انعام عبد الحفيظ)
|
أهلين وسهلين بناس الحصاحيصا حتى ولو بالميلاد شكرا كتير على الترحيب والامنيات بالاقامة الطيبة هذا نابع من حسن طبعك لانك راضعة من النيل الحبيب وهو محتضن مدينة الحصاحيصا, لك الشكر والتقدير اختي الفاضلة انعام ونعم الاسم
خالد
| |
|
|
|
|
|
|
|
|
|
Re: عضو جديد لنج (Re: خالد علي محجوب المنسي)
|
Quote: الملف الشخصي ل خالد علي محجوب المنسي
اللقب: خالد علي محجوب المنسي
الحالة: .
عدد البوستات: 20
تاريخ التسجيل: 10-04-2006
محل الاقامة: كوسوفا
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: خالد علي محجوب المنسي
التعليم:
التلفون:
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Male
الهوايات المفضلة:
الوظيفة:
تاريخ الميلاد:
شاعرك المفضل:
عدد الاطفال:
معلومات اضافية:
مكان العمل:
مكان الميلاد فى السودان:
صورتى:
|
العزيز حالد(النورس الرحال)
مفاجأة
و للذين لا يعرفون خالد فهو أبن عمى(شقيق الوالد الوحيد)
و أنا كلما أستمعت لأغنية النورس الرحال(أغنية خليجية)تذكرت أبن العم العزيز خالد الذى لايطيب
له المقام فى مكان الا ويشد الرحال لمكان أخر...
القاهرة..جوبا...أبها السعودية...تركيا ...المجر... البوسنة...كوسوفا
و خالد رجل لطيف المعشر ..لا تمل مجالسته ..يقطع مصارينك بالضحك اذا قلد لك أحدا .. ويشنف آذنيك
بعذب الشعر و النثر....
بكل المقاييس هو اضافة حقيقية للمنبر
بس طولو بالكم و استعدو للبرى
| |
|
|
|
|
|
|
|
|
|
Re: عضو جديد لنج (Re: ود الباوقة)
|
مرحب شيخ العرب مرحب خريفنا الزارنا مرحبتين حبابو البيهو واتشرفنبو ديارنا
مرحتين حبابو البيهو كل مدارنا بتزحلقو في الجليد مالنا ماتت نارنا
الشكر والتقدير لك ود الباوقة اللذيذ تفاحة الدار دارك ونحن ضيوفك وكرمك علينا واجب لكن من لا يشكر الناس لا يشكر الله لذا وجب علينا شكرك والله لا جاب يوم شكرك
لك مني التحايا والسلام
خالد
| |
|
|
|
|
|
|
|
|
|
Re: عضو جديد لنج (Re: ALGARADABI)
|
ابن العم القردابي كيف حالك وحال وليداتك ان عافية درت, عليك الله في المرة الاولى ما عرفتني, في ترحال النورس نسيت ان تذكر سوريا وبولندا كنت فيها سنة ونص,,, تعرف انا دخلت الموقع دا مخصوص عشان اقراء كتاباتك الحلوة بالمناسبة اليوم تحدثت عن طريق النت مع منى وسماح, قودرين شد الرحال للقاهرة حا يشتغل بواب في قاردن ستي
| |
|
|
|
|
|
|
|
|
|
Re: عضو جديد لنج (Re: خالد علي محجوب المنسي)
|
العزيز خالد.... سلام
| Quote: ... لانو والله من قعدتك دي عاوز تشاكل وتضارب وكل المنى ان يخيب ما ظننته بك |
اغير الصورة و الله شنو....
اصلو المنبر ده فيه ناس شكالين
و ناس بتاعين بلنجات
و ناس تانيين يقص ليك الدرب محل ما تقبل
و في ناس تجي حجاز يفلقوك
اها انا من الحجازين الما بتفلقو
.................... تحياتي
| |
|
|
|
|
|
|
|
|
|
Re: عضو جديد لنج (Re: Waly Eldin Elfakey)
|
الأخ الفاضل والي الدين سلام عليك والله ما كان قصدي أنا اسف لحدي ما سافي التراب على ما قلت لك منى الإعتذار حتى ترضى عزيزي كل الحصل يا سيدي كان رد على كلامك ( خليك حلو عشان ما تقع في مشاكل ) المهم يا سيدي دي فاتحة خير لعلنا نصير اصدقاء ودائما الخوة الجد بتكون بعد شكلة حتى ولو صغيرة المهم لك التحايا والود والاشواق عزيزي الفاضل
خالد
| |
|
|
|
|
|
|
|
|
|
Re: عضو جديد لنج (Re: عبدالرحمن عزّاز)
|
مرحبا بخالد
حللت اهلا ونزلت سهلا
وقد اعجبتني جملة ترحيب اطلقتها بيان
ساكررها لك
| Quote: نتمنى لك اقامة سعيدة خالية من الدقداق |
وازيد عليها
والمطبات الهوائية والاسفيرية
كن بخير
| |
|
|
|
|
|
|
|
|
|
Re: عضو جديد لنج (Re: محمد خالد ابونورة)
|
الأخ ابو نورة السلام عليك ورحمة الله وبركاته تعرف المطبات بنعمل حسابنا منها لانو نحن ما متطلعين شديد يعني مش عاوزين نطير لكن دقداق بيان دا هو الواحد الخايف منو لانو لا مفر منه وألا تتكسر وتقعد في البيت يعني,,, اخي لك التشكرات والتقديرات
خالد
| |
|
|
|
|
|
|
|
|
|
Re: عضو جديد لنج (Re: عبدالرحمن عزّاز)
|
الأخ عبد الرحمن عزاز السلام لك من عين شمش لحد فلسطين ,,, السلام يغريك انت يا الزين,,, والسلام للفي الأوضه معاك قاعدين ,,, السلام يغري الطرابيش والقلاشين,,,, شكرا كتيـــــــــــــــــــر كتيـــــــــر يا عزيز على الكمات الحلوة دي والترحيب الجميل الذي استشف جماله من روحك الطيبة لك الشكر والتقدير
خالد
| |
|
|
|
|
|
|
| |
خالد علي محجوب المنسي
Tragie Mustafa
فيصل محمد خليل
bayan
adil rahman
ALGARADABI
المعتمد
إدريس محمد إبراهيم
Ahmed Daoud
قرشـــو
عبدالرحمن الحلاوي
معاذ الدخري
Muna Khugali
خالد العبيد
Adil Ali
ود محجوب
Waly Eldin Elfakey
انعام عبد الحفيظ
kamalabas
عبدالرحمن عزّاز
فيس بوك
تويتر
انستقرام
يوتيوب
بنتيريست