الاحبة عماد و خالد درق سلامات و الله صاحي و مفنجل عيوني..لا رز باللبن و لا رز حاف. يا اخوانا انتو صدقتوا!! و الله انا شخصياً بتفأل لم يقلب الصفحة واحد منكم. غايتو نقلبه مجاملة سااااااااي
07-29-2010, 02:16 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
تعازينا الحارة للأخ الدكتور أمير عبد الله نصر قناوي لوفاة خاله ( صلاح عباس ) .. إنا لله وإنا إليه راجعون .. تغمد الله الفقيد بواسع رحمته وجعل مستقره الجنة وغيض لكم جزائل الصبر والمواساة من هول الفاجعة الأليمة
ولا حول ولا قوة إلا بالله
..
07-29-2010, 02:22 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
عبدون .. يا إنت بتاع مشاكل ساي .. كيف تلغم لينا البوست كدا ؟؟ هاك ليها بالباب .. نوع الألام دي بتكتل بكري كربوج يا أخي الراجل يادوب دخلناه عالم النت تقوم تهجموا
..
07-29-2010, 05:56 AM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
لك عاطر التحايا ، والاشواق ، علي روحك الطيبة النبيلة ،،،
Quote:
Quote: الاخوة الافاضل
حياكم الله
سوف احتجب باذن الله تعالي ، عن المنبر ، والبوست ، لبضعة ايام ، وذلك لسفري الي المملكة العربية السعودية ، في مهمة عمل ، ( رحلة عمل ) ، والله ولي التوفيق ، مع عاطر التحايا ،،،،
الاخ / عزالدين عباس الفحل ... تحياتى ربنا يكتب السلامة ورحلة عمل موفقة ان شاءالله وترجع لاولادك بالسلامة يارب
مودتى ...
عزالدين عباس الفحل ابوظبي
07-29-2010, 06:24 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9025
حياك يا دكتور ، الرجل الطيب ، اسم علي مسمي ، رجل في قمة الادب ، والخلق النبيل ،، مع عاطر التحايا ،،،
Quote:
عماد الدين عبدالله
Quote: سوف احتجب باذن الله تعالي ، عن المنبر ، والبوست ، لبضعة ايام ، وذلك لسفري الي المملكة العربية السعودية ، في مهمة عمل ، ( رحلة عمل ) ، والله ولي التوفيق ، مع عاطر التحايا ،،،،
الاخ العزيز عزالدين عباس راقتك السلامة في حلك وترحالك تجدنا في شوق دائم لك ولقلمك ما تنسى تتاوق للبوست من السعودية واتحفنا مما تجود به قريحتك تحياتي واحترامي
عزالدين عباس الفحل ابوظبي
07-29-2010, 06:20 AM
صلاح شكوكو صلاح شكوكو
تاريخ التسجيل: 11-19-2005
مجموع المشاركات: 4484
أمشي لصفحة اليوتيوب .. كلك داخل الفيديو بيمين المماوس تظهر ليك عدة خيارات إختر خيار copy embed html أول ما تختار سيعلق بالماوس مباشرة دون أن تعمل ( كوبي ) أذهب لصفحة الرد في سودانيز أون لاين والصق المحتوى وسيظهر الفيديو مباشرة
مش بسيطة ؟؟ حاجة أسهل من شربة الموية ما يغشوك الجماعة شوف الصورة المرفقة
07-29-2010, 06:30 AM
صلاح شكوكو صلاح شكوكو
تاريخ التسجيل: 11-19-2005
مجموع المشاركات: 4484
Quote: الاحبة عماد و خالد درق سلامات و الله صاحي و مفنجل عيوني..لا رز باللبن و لا رز حاف. يا اخوانا انتو صدقتوا!! و الله انا شخصياً بتفأل لم يقلب الصفحة واحد منكم. غايتو نقلبه مجاملة سااااااااي
مجدي يا هندسة كوووووم تحايا ماهي فنجلة العيون دي البتجيب الابداع وانت بعد دا بنضمك لوردية الليل ناس ولي ودرق وانا اها بعد دا بديت الصفحة تبقى قاعد وتتحفنا بروائعك تحياتي واحترامي
07-29-2010, 01:06 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
Quote: النفس امارة بالسوء حاولت اقدر لكن مجدي يستاهل هذا الشرف
تحياتي يا وليد تغدر كيف يا وليد هو نحنا بنكب ليه في موية السكر عشان نجيبه ليكم في وردية الليل عايز تتطفشه مرة واحدة لكن انا عارفك ما بتغدر بود نقد المسكون بالابداع تحياتي واحترامي
07-29-2010, 01:17 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: تحياتي يا وليد تغدر كيف يا وليد هو نحنا بنكب ليه في موية السكر عشان نجيبه ليكم في وردية الليل عايز تتطفشه مرة واحدة لكن انا عارفك ما بتغدر بود نقد المسكون بالابداع تحياتي واحترامي
يادكتور عماد تخيل هذا اللاعب اتعبني جدا لكي نسجله هنا لاني اعرف امكانياته جيدا بس مرات مقل وبخيل في الكتابة ..
حسب اخبار السودان وصلنا ان الان يقضي المستشار حسن طه اجازته بين الاهل والاصدقاء مع تمنياتنا له باقامة طيبة
07-29-2010, 01:23 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
يا عبدون المبدع ياسر تمتام ولا المعاهو عينك للفيل تطعن في ضلو ولا الخواف ربى عيالو لكن يا عبدون نقيت لينا حاجة تمام بس واصل على كدا ولا نامت اعين الجبناء كووووووم تحايا
07-29-2010, 01:29 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
Quote: يادكتور عماد تخيل هذا اللاعب اتعبني جدا لكي نسجله هنا لاني اعرف امكانياته جيدا بس مرات مقل وبخيل في الكتابة ..
ولي يا حبيب يا اخي دا لاعب جوكر في كل الخانات عبدون في زمانه الفات ولا لسع يا عبدون هو بخيل في كتاباته دي فعلا بس نكثر ليه من مويه السكر المشكلة يكمل سكرنا وما نلم فيه تاني تحياتي
07-29-2010, 02:48 PM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
Quote: يا عبدون المبدع ياسر تمتام ولا المعاهو عينك للفيل تطعن في ضلو ولا الخواف ربى عيالو لكن يا عبدون نقيت لينا حاجة تمام بس واصل على كدا ولا نامت اعين الجبناء كووووووم تحايا
يازول انا بخاف؟ طيب شوف الكلام التحت دا كان لى منير عمل نايم قال الزول دا حيجيب لى الهوا..
درق مساء الخيرات ود نقد ما ظهر بالنهار قلنا يكون نائم استعدادا لوردية الليل والليل مشى وزولنا ما ظهر اظن قلب الصفحة عمل ليه فلايت وما قادر يعزف على الكيبورد ود نقد شنو ما تخزلنا من اول يوم تحياتي واحترامي
07-29-2010, 10:59 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
Quote: حسب اخبار السودان وصلنا ان الان يقضي المستشار حسن طه اجازته بين الاهل والاصدقاء مع تمنياتنا له باقامة طيبة
الاخ المستشار حسن طه نتمنى لك اجازة ممتعة في ربوع السودان والشعبية وكثر من الصور التوثيقية ورصد لكل المشاكل في الشعبية لنتدارس في الحلول الممكنة تحياتي واحترامي
07-29-2010, 11:09 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
الحياة بدون اليأس جميلة ورائعة ,,,, فاليأس يغلق الافاق الوليدة للامل ويعصف بكل معاني العطاء والحب ويطيح بالايمان لانه اعوذ بالله من المكروهات,,,,,,,,,,,,,,,,,,,,,,,,,,, فهل تعلم عزيزي أن اليأس يعد من الذنوب الكبيرة وهو محرم ، ففي قولة تعالى .. {وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ
أما الحل فيكمن فيك أنت و هذا المقال البسيط يخبرك بذلك .. طلّق اليأس باسم من ذكره عطر ، باسم من قدر القطر ، باسمه أبدأ وبه أستعين... أحاكي نبض قلبك .. وإحساس نظر عينك ...وصادق عميق نفسك ..ومن القلب أهديك.. دعوة إلى الصحوة..!! انظر هنــــــــــا..؟ انظر هنــــــــــاك..؟؟ استجمع كل ما.. جنته يداك..؟ وضعه أمام عينيك.. هل مقتنع بما لديك..؟! هل أنت كما تريد..؟ هل عزيمتك من حديد..؟ هل حققت نجاحا.. وأرضيت غرورا.. لثقتك يستعيد..؟ كلها أسئلة جاوب عليها وحدك ستري من انت وما هو الامل وما هو اليأس؟؟ تذكر دائما الله وثق به وفي ايمانك انه هو الخالق والرازق والعاطي والرحمن والرحيم وتأمل كل شئ حولك من مخلوقات تعبد الله بكيفية عجيبة ابدعها الخالق وصورها لكل مخلوق حسب تكيفه لحياته اسعد ان الحياة لا تحتاج الي اليأس بقدر ما تنظر الي ايجابيات من حولك ولا تنظر الي السلبيات فهي من صنع الانسان وعجزه وعدم ادراكة لحكمة الخالق عز وجل يا رب ابعد عنا اليأس واليائسين واجعل لنا في الدنيا حسنة وفي الاخرة حسنة وقنا عذاب النار امين امين ,,,
مودتى ,,,,
07-29-2010, 11:14 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
يا رَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي
يا رَبْ لا تدعني أصَاب بِالغرور إذا نَجَحْت وَلا باليأس إذا فْشلت بَل ذكّرني دائِـماً أن الفَشَل هَو التجَارب التي تسْـبِق النّجَاح.
يا رَبْ إذا جَرَّدتني مِن المال فاتركْ لي الأمل وَإذا جَرّدتني مِنَ النجَّاح فاترك لي قوّة العِنَاد حَتّى أتغلب عَلى الفَشل وَإذا جَرّدتني مَن نعْمة الصَّحة فاترك لي نعمة الإيمان
يا رَبْ إذا أسَأت إلى الناس فأعطني شجَاعَة الاعتذار وإذا أسَاء لي النَّاس فأعطني شجَاعَة العَفْوَ وإذا نَسيْتك يَارَبّ أرجو أن لا تنسَـاني مَنْ عَفوِك وَحْلمك فأنت العَظيْم القَـهّار القَادِرْ عَـلى كُـلّ شيء..
لئن سألتني يا رب عن ذنبي يوم القيامة , لأسألنك عن رحمتك و لئن سألتني يا رب عن تقصيري , لأسألنك عن عفوك و لئن قذفتني في النار لأخبرن أهل النار ** أني أحبك ** فاجْعَلْني عَبْداً إِمَّا طَائِعاً فَأَكْرَمْتَهُ .. وَإِمَّا عَاصِياً فَرَحمِتَهُ
اللهم أمين أمين أمين يا رب العالمين
وصلى الله على سيدنا محمد وأله وصحبه وسلم تسليما كثيراً
من رسالة وصلتني
07-29-2010, 11:35 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
Quote: يادكتور كدى نشوف لحدى الصباح بظهر الباشمهندس ولا نسحب منوا قلب الصفحة
Quote: خالد كيفك زولي دا يظهر عندو مجلس تاديب خلي الاستيكة قريبة الليل دا صعب شديد تحياتي
يا اخوانا ما قلنا لا للارهاب!!يا اخي القلب البلد زاتوا ما بتعملوا معاه كدا!!بعدين ورديت الليل دي عرفوا لينا زمنه ؟ يعني ما تجوا ناطين المغرب تقولوا لينا ليل!!غايتوا بدل ارهابكم دا انا برااااي بمشي اعمل انتر في الصفحة القبلها و انط من الصفحة دي. تحياتي
Quote: يادكتور عماد تخيل هذا اللاعب اتعبني جدا لكي نسجله هنا لاني اعرف امكانياته جيدا بس مرات مقل وبخيل في الكتابة ..
Quote: هو بخيل في كتاباته دي فعلا بس نكثر ليه من مويه السكر المشكلة يكمل سكرنا وما نلم فيه تاني
الاخ منير سلامات شوف الوليد و عماد الدين ديل بتفننوا في الارهاب كيف .. يا اخي دي فن مفروض يدرس في ارقى الجامعات .. بس اثروا على الضحية صعب خلاص عشان كدا يا اخوي متنازل ليك عن الصفحة لله و الرسول.. نزل ايميلك عشان نرسله ليك. تحياتي
الاديب صلاح عباس سلامات نعيد نشر رسالة الدكتور عبد الخالق حسب طلبكم و نأسف على التأخير
Quote: Re: الشعبية نجمة تزين سماء مدينة الخرطوم بحري (الجزء الثاني) (Re: مجدي نقد)
رسالة اخرى من قبل الدكتور عبد الخالق و هي على لسان احد ابناء الشعبية و قد حال دون ذكر اسمه طبيعة عمله الحساسة في الفترة الراهنه الا انه سوف ينضم الى ركب المراسلين باسمه قريباً.اتمنى ان نقف على فحوى هذه الرسالة.
-------------------------------------------------------------------------------- From: [email protected] To: [email protected] Subject: نداء تنبيه Date: Wed, 17 Mar 2010 20:12:21 +0200
نداء تنبيه
wakeup call
جميع اعضاء المنبر يعلمون تماما كيف نشأ حي الشعبية ما هي الفكرة من انشائه, وقد نجح الماسسون من اداء رسالتهم حيث توفر السكن المناسب وبأسعار في متناول يد الشريحه المستهدفة من هذا المشروع وتوافدت علي الشعبية جميع اعراق السودان ومن جميع اتجاهاته وامتزجوا في تلاقح نادر يمثل السودان الكبير حيث الاسرة التي تمثل الشعبية الآن وهي اسره شابه من اباء وامهات وابناء
الفكره كانت توفير سكن مناسب للعمال وصغار الموظفين وذلك لانتشالهم من هوة الضياع والفقر حيث كان من المفترض ان يكون السودان متقدما للامام وليس للخلف كما هو حاصل الآن ,حيث ازداد الفقراء فقرا" وتكمن منهم مع رفيقيه الجهل والمرض
الحاصل الآن اي الشعبية ومن مراقب متطلع علي الاشياء , الشعبية الان كادت ان تسقط في قبضة المخدرات والجريمه ان لم تكن قد سقطت بالفعل , المطلوب تحرك عاجل من جميع الحادبين علي مصلحه الشعبية والسودان لمساعده الذين سقطوا في دائرة المخدرات مع العمل علي توفير بيئة صحية يتمكن فيها النشي الجديد من العيش في اجواء معافاه من هذه الافة التي تدمر شبابنا وتحيطهم دوائر اكثر جحيما مثل الجريمه وغيرها
نأمل ان تكون هذه صيحه لتنبيه الجميع للتفاكر حول هذا الخطر الداهم
Quote: ابراهيم حطابي الرجل الخلوق الان كان في اتصال معي من القصيم ونقول له الف مبروك المولودالجديد ويتربى في عزكم صراحة البوست اصبح مليان افراح وتبريكات وربنا يجعل كل ايامكم بركة وافراح
و الله يا وليد كلك زوق..مبروك للاخ ابراهيم حطابي البنية و تتربى في عزهم إن شاء الله..بس يا وليد شكله عبدون الحريف ما عرف ابراهيم دا!!الزول دا من حلة الصديق .. لكن يعرفوا كيف و عبدون لما جاب قونو الرهيب ابراهيم لسه ما ولدو.. نزل لينا تلفونه عشان نهنيه. تحياتي
Quote: ومن الطرائف يامجدي في يوم من الايام قبل ما انت تسافر الى روسيا نقد قال : ياوليد انا لازم اسفّر مجدي اخوي بره لكي يواصل تعليمة لان هذه الايام ظهرة شلل ضاله في الحله وفعلا ما حصل يعني لو ما نقد عبد الحليم اخوك الان كان تكون ماسك شباك سينما الصافية ههه
انا كنتا حاسي انك وراء المصبية دي..غايتوا ما عافي ليك كمية البرد الضربني .. بعدين زول خايفين عليه من الشلل الضاله تودوا روسيا؟؟ دي بالغتوا فيها.. طيب لو عاوزنه يخرب تودوا وين؟؟ بعدين عيب لي شباك سينما الصافية.. كان داخل اتفرج ولا كاشير.. يا اخي الاتنين غلابه و مهمشين ليييييييه النظرة الدونية دي .. يعني اي زول ما أتعلم يفقد احترامه في الدنيا دي ؟؟ و اي زول اتعلم يسخر من خلق الله بالصورة بتاعتك دي !! لا لا لا يا وليد..مطلوب منك اعتذار لي كل رواد السينما..العاملين و المتفرجين. تحياتي ________ عبدون الحريف لقيتني كيف ؟ عشان تاني ما يمارسوا ارهابهم علي و اصبر لي خالد درق و دكتور عماد
الاعزاء دكتور عماد و خالد درق و الله الليلة سهرتوني سهر..غايتو صلاة الجمعة في خطر..و اخشى ما اخشى ان تدخلوا في زمرة من دعى الى ضلالة فعليه من الاثم مثل اثام من اتبعهم..غايتو الليلة غتاته كدا ما بظبط المنبه و كان فاتتني صلاة الجمعة حقكم راح .. طبعاً هنا بشوتوها بدري..يعني الساعة 12 بكونوا سلموها بي خطبته و اسي الساعة 7 صباحاً . و الله ليهم حق الكيزان يستمتعوا بخيرات البلد..يعني ان اقلب صفحة و تسهروني للصباح !! طيب هم القلبوا البلد يكونوا ساهروا كم يوم ؟؟ تحياتي
07-30-2010, 05:56 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بس يا وليد شكله عبدون الحريف ما عرف ابراهيم دا!!الزول دا من حلة الصديق .. لكن يعرفوا كيف و عبدون لما جاب قونو الرهيب ابراهيم لسه ما ولدو.. نزل لينا تلفونه عشان نهنيه. تحياتي
يازول قول ياواحد كيف مايعرفوا ياخي من يوم ابراهيم حطابي سافر من عبدون يادوب حتين عبدون ظهر في البوست . بمنسابة قون عبدون شفت كيف الاهداف الجميلة تسكن الذاكره غايتو انا هذا الهدف بذكرني هدف عثمان بانقا في احدي تمارين الكتيبة بالشعبية ومن هنا تحياتنا له مع دوام الصحة والعافية وسمعنا بأن الاخ بانقا ماذال محتفظ بالروح الطيبة والمرح .
الإخوة الأعزاء السلام عليكم ورحمة الله وبركاته وجمعة مباركة إن شاء الله!
من رسالة الدكتور عبد الخالق للإخوة بالمنبر:
Quote: الحاصل الآن اي الشعبية ومن مراقب متطلع علي الاشياء , الشعبية الان كادت ان تسقط في قبضة المخدرات والجريمه ان لم تكن قد سقطت بالفعل , المطلوب تحرك عاجل من جميع الحادبين علي مصلحه الشعبية والسودان لمساعده الذين سقطوا في دائرة المخدرات مع العمل علي توفير بيئة صحية يتمكن فيها النشي الجديد من العيش في اجواء معافاه من هذه الافة التي تدمر شبابنا وتحيطهم دوائر اكثر جحيما مثل الجريمه وغيرها نأمل ان تكون هذه صيحه لتنبيه الجميع للتفاكر حول هذا الخطر الداهم
شكراً أخي مجدي لإعادة نشر الرسالة! والكرة الآن كما يقولون في ملعب الجميع! وكما يقول الأخ عبد الخالق، فقد قام الآباء المؤسسون بدورهم في تأسيس هذا الحي الجميل! وجاء دورنا في المحافظة عليه، ودرء الأخطار عنه، بما نستطيع! وليس هناك مستحيل، كل شيء ممكن مع وجود العزم! وكل جهد مهما يكن قليلاً، فسوف يكون له من المردود أضعافا مضاعفة، بفضل الله عز وجل!
أخي عز الدين عباس في أنتظارك مترقبا اتصالك!
07-30-2010, 06:32 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بعدين عيب لي شباك سينما الصافية.. كان داخل اتفرج ولا كاشير.. يا اخي الاتنين غلابه و مهمشين ليييييييه النظرة الدونية دي .. يعني اي زول ما أتعلم يفقد احترامه في الدنيا دي ؟؟ و اي زول اتعلم يسخر من خلق الله بالصورة بتاعتك دي !! لا لا لا يا وليد..مطلوب منك اعتذار لي كل رواد السينما..العاملين و المتفرجين. تحياتي
اعتذار لالالالالالالالالالالالالالالالالالالالالالالا انت يظهر مشيت بعيد ونحن نقصد البعيد وناتي بالقريب هه وللا اقول ليك ارسل لي ايميل قصوده مشغل سينما الصافية لكي اعتذر لكل الناس التي عملت بها .. ياخي كل واحد في الدنيا دي بياخد نصيبه ومايشرفنا كل الابناء في الشعبية معظم ابواتهم كانو من الطبقة العمالية واحسنو تربية ابناءهم واصبح منهم الدكتور والمهندس وهذا مايزيدنا فخرا .. وانت فاكر جلدوكم في الحلة مع اولاد الحلة عشان انتو مشيتو السينما بعينها لالالا عشان انكم لم تخبروهم بذهابكم اليها. ياخي زمان لما الاسره تسمع بفلم جميل يستحق المشاهدة كانو بيعطو الاولاد قروش للذهاب اليها برضو السينما لها ايجابياتها للشباب ماتنسى ذلك .. ودا موضوع كبير ممكن نناقشة مع موضوع لماذا تحولت الشعبية الى ( كولمبيا )
------------------- لقيتني كيف ياعبدون المهندس عايز يستعمل الضرب تحت الحزام وهذا غير مشروع هه
Quote: و الله الليلة سهرتوني سهر..غايتو صلاة الجمعة في خطر..و اخشى ما اخشى ان تدخلوا في زمرة من دعى الى ضلالة فعليه من الاثم مثل اثام من اتبعهم..غايتو الليلة غتاته كدا ما بظبط المنبه و كان فاتتني صلاة الجمعة حقكم راح
هندسة ودنقد ... جمعتك مباركة يارب وكيف الاخبار
كدا تمام لازم تكون فى كم مداخله بعد قلب الصفحة واتصلت فيك تلفون الساعة 25 /11 قبل صلاة الجمعة بدل ما تضبظ المنبه بتاعك وما ردات انت عشان نطلع من زمرة دعى الضلالة كدى بر
Quote: يا اخوانا ما قلنا لا للارهاب!!يا اخي القلب البلد زاتوا ما بتعملوا معاه كدا!!بعدين ورديت الليل دي عرفوا لينا زمنه ؟ يعني ما تجوا ناطين المغرب تقولوا لينا ليل!!غايتوا بدل ارهابكم دا انا برااااي بمشي اعمل انتر في الصفحة القبلها و انط من الصفحة دي. تحياتي
تحياتي يا هندسة دا كلو عشان نضمن استمراريتك في وردية الليل التي تبحث عن شعبياب لاكمال الوردية لكن ما قصرت كفيت ووفيت ما بتجي الا يلكزوك الاستيكة وجدعناها وموية السكر وكبيناها ورئاسة الوردية واديناك ليها بعد دا بس ننوم قفا يا مسكون الابداع تحياتي واحترامي
07-31-2010, 07:26 AM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
تحياتي للجميع .. هنالك يا أخوتي جانب جميل كان بالنسبة لي زهرة وزينة أيامي وشبابي في الشعبية وتلك كانت نضرة حياتي التي ذبلت وانقطعت سقياها بإبتعادي من تلك البقعة المبروكة .. وأقصد ذاك النور المنبثق من مسجد الختمية .. في ذلك المكان والزمان حيث لا تنظر إلي الأخوان في صورهم وأثوابهم وأجسادهم، بل لقلوبهم التي في الصدور .. في تلك البقعة وذاك الزمن حيث تنعبق الليالي بالأذكار والأمداح النبوية والقرآن والركوع والسجود والخشوع وتمتلي الحياة بالمحبة وصفاء الروح .. ولشد ما انجذبت وانشجنت بمدحة ثنائي الصحوة أعلاه التي تحث علي قيام الليل وتذكرت ليليات الخليفة كانكيج رحمه الله في معية الإخوان .. عبدالحفيظ ، مبارك، أولاد المتعارض، أحمد عطرون، أحمد الزبير، عصام الزبير، إمام، عادل، طارق، عبدالعظيم، هاشم، الغوث، عبدالصادق، المرحومان أحمد وجمال الماحي ، ، وتعانق تلك الليالي نجوم السَحَر عندما يسمو بها حضور شيخنا العارف بالله ودعدلان عليه رحمة الله ورضوانه .. ولطالما أختلطت في أسماعي أصوات الغناء والطرب في حفلة زواج قريبة وأصوات إنشاد الإخوة فتعطيني مزيج عجيب يخلط الدنيا والآخرة .. ويوم يسألكم الله .. يا الناسين حسابه .. و..و..و
07-31-2010, 01:46 PM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
Quote: ولطالما أختلطت في أسماعي أصوات الغناء والطرب في حفلة زواج قريبة وأصوات إنشاد الإخوة فتعطيني مزيج عجيب يخلط الدنيا والآخرة .. ويوم يسألكم الله .. يا الناسين حسابه .. و..و..و
الأخ منير العبارة الآخيرة دي ذكرتني طرفة للأخ الجقدلي سبق ذكرتها في بداية البوست ، قال فيها: أمبارح مشينا لينا بارتي لكن الحيرني الجماعة كل واحد ماسك ليهو بت يرقص معاها و يغنوا يوم يسألكم الله يا الناسين حسابو!! قال قلت ليهم يعني انتو المتذكرنو؟
07-31-2010, 05:03 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
تحياتي خالد درق خلاص طلع القرار من البنت آيات السفر الى الامارات وقام شخصنا الضعيف بشراء التذاكر بطيران العربية ( مطار الشارقة ) موعد السفر يوم 18 / 8 / 2010 م من الدوحة الى الشارقة تحياتي واحترامي
الحاج حمد الوجيه و الله عرفتها و عملته ليك مداخلة قبل المباراة عشان تلبد بي راحتك .. لكن عليك الله دا فريق يدسوا ليه..فريق كله مرض حتى المدرب ..دا حالتي بطلته اتابع..حليل وليد و عبدون نايمين في الخليج و خالننا نتفرج في الرعاع ديل. الله في ...
Quote: خلاص طلع القرار من البنت آيات السفر الى الامارات وقام شخصنا الضعيف بشراء التذاكر بطيران العربية ( مطار الشارقة ) موعد السفر يوم 18 / 8 / 2010 م من الدوحة الى الشارقة
بتنا دي عندها ميول ماركسية و لا شنو يا الفانتوم ؟ ابت السعودية عديل كدا ! لكن ليها حق .. نحنا كان ما العمرة و الحج كنا طفشنا زمان .. غايتو مبروك لخالد درق و اجازة سعيدة لكل الاسرة الكريمة . تحياتي
07-31-2010, 08:35 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
Quote: بتنا دي عندها ميول ماركسية و لا شنو يا الفانتوم ؟ ابت السعودية عديل كدا ! لكن ليها حق .. نحنا كان ما العمرة و الحج كنا طفشنا زمان .. غايتو مبروك لخالد درق و اجازة سعيدة لكل الاسرة الكريمة . تحياتي
شكرا يا هندسة طبعا عمرة رمصان 20 ساعة في الحرم عشان كدا الشباب ديل بيقولوا الاجازة ما شفنا فيها حاجة عايزين يحوموا ويلفوا ونحنا مشينا العمرة في اواخر شهر مايو وبقينا مغلوبين على امرنا تحياتي واحترامي
07-31-2010, 08:51 PM
خالد درق خالد درق
تاريخ التسجيل: 12-08-2009
مجموع المشاركات: 4351
Quote: تحياتي خالد درق خلاص طلع القرار من البنت آيات السفر الى الامارات وقام شخصنا الضعيف بشراء التذاكر بطيران العربية ( مطار الشارقة ) موعد السفر يوم 18 / 8 / 2010 م من الدوحة الى الشارقة تحياتي واحترامي
دكتور عماد .. تحياتى
تصلوا بسلامة وان شاء الله تجدونا فى الانتظار تنور الامارات يادكتور واجازة سعيدة يارب
مودتى ...
07-31-2010, 08:57 PM
خالد درق خالد درق
تاريخ التسجيل: 12-08-2009
مجموع المشاركات: 4351
الحاج كيف أخبارك؟؟ وكيف ماليزيا معاك وانطباعاتك عن الشرق الأخضر الجميل .. سنة ٨٩ سافرت لتايلاند فكانت بالنسبة لي صدمة جمالية أعادت ترتيب افكاري .. خضرة ومطر وطبيعة جميلة ونسيم عليل ووجوه باسمة ودنيا نظيفة وألوان زاهية و..و.. مغاني الشعب طيباً في المغاني بمنزلة الربيع من الزمن - وكان الشعباوي الأغبش حايم فيها غريب الوجه واليد واللسان ..
وياجماعة برضو صديقنا وزميلنا دفعتنا معاوية محمدالحسن قطع الطلة .. أما وهبة وبدرالدين فإنهم بقوا ما شغالين بالشعبية زاتو .. أصلو شعبية في الحلة وكمان في الإسفير ؟؟ بعذرهم .. صلاح عباس برضو جيّاته خفت .. إن شاء يا صلاح تكون جمعت في عمل مُرضي ياخ ..
يافنتوم .. إجازة سعيدة يادفعة ..
صلاح كراكة اليومين ديل كِسِل واللا الشغل زانق؟؟ ..
08-02-2010, 08:49 AM
Munir Munir
تاريخ التسجيل: 02-11-2002
مجموع المشاركات: 10496
الأعزاء ناس الشعبية الشكر لكل من واساني في وفاة خالنا صلاح عباس رحمه الله وتغمده بواسع رحمته. وأسأل الله ألا يريكم مكروهاً في عزيز..آمين. والشكر لمن إفتقدني في غيابي، والذي كان لظروف إمتحان التخصص. والشكر لأخي الحبيب مجدي نقد، الذي هاتفني سائلاً عن أحوالي، فأفرحني إتصاله وزاد حبه في قلبي حباً. وأعتذر لكل من إنقطعت عن مواصلته ولكل من خاطبني ولم أرد خطابه. أهنئ أخي صلاح بالنجاح الباهر لإبنتنا منار ، أقر الله بها وبإخوتها أعين والديهم وبزواج أخينا الصادق، وإن شاء الله بيت مال وعيال. ولكم جميعاً خالص الود وأطيبه.
08-02-2010, 11:01 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
انظر الى الوجه الصبوح البشوش وعندما تغوص بداخلة تجده يحمل مايحمل من صفات جميلة وحميدة ومن الجميل اصادفة واقابله اكثر من مره نحكي عن ذكريات وشخصيات فرقنا عنها الزمن ولكن تفضل الملامح في الذاكره ومعها اطيب مابهم من خصال .. للاسف يادكتور قابلني شقيقك التوم وعرفني بنفسة ولم استطيع ان احمل لك صوره منه وهذه الصورة للاخ الاستاذ المحامي (محمد قناوي ) وكانت بمناسبة حنة الحبيب عادل شكوكو ..
إنها دورة الحياة .. فاليوم إجتمع أبناء العم عثمان أحمد بحي الشعبية جنوب مترعين بالفرح لتأهيل إبنهم الخلوق وأخينا الوديع (( الصادق )) حيث كان التحلق جميلا ورائعا .. وفاضت في المشاعر معانقة عنان السماء لترسم اللحظات لوحة بديعة من الإخاء الطيب وصورة بديعة للصفاء الأخوي الصادق .. الذي إرتسم فيها الفرح الدامع .. الدمع له الف لون .. فمن الفرح ما يحرك كوامن النفس فلا تجد إلا الدموع كخير ذكرى لإستحضار منارات ساقها الزمن في رحلة الخلود .. وبين ثنايا هذه الذكري يستحضر المرء صدق المشاعر وصفوات الود والعرفان .. التحية للأخوة الأكارم (( صلاح - خالد الصادق - الصديق حماده )) والتحية للوالدة الطيبة التي يسع قلبها كل الناس الحاجة (( فاطمة )) المفطومة على حب الناس بصدق الإحساس .. والتحية للأخوات الكريمات .. والتحية لكل الأنقياء من أبناء حيينا الجميل التهنئة بيضاء نسوقها للعريس الجميل الصادق متمنين له حياة وجية سعيدة تستحيل فيها الأمنيات الى اقع معاش وتتلون فيها الحياة بألوان البهجة والجمال مع دوام الإخضرار مع الود
..
08-03-2010, 12:40 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
كل التهانئ القلبية والأمنيات الطيبة مزجاة لأخينا الصادق عثمان، بمناسبة زواجه الميمون، والتهاني مزجاة للأخ صلاح عثمان، ولجميع أفراد الأسرة الكريمة!
وخالص التعازي للأخ العزيز أمير، ولجميع أفراد ا لأسرة الكريمة، في وفاة الخال العزيز! سائلا الله عز وجل أن يسكنه فسيح جناته، ويلهم آله وذويه الصبر الجميل!
والتحايا لجميع الإخوة الأعزاء، وللأ خ منير، في الحقيقة يا منير هذه الأيام أتابع المنبر من خلال المقاهي من حين لآخر!
08-03-2010, 05:48 PM
عماد الدين عبدالله عماد الدين عبدالله
تاريخ التسجيل: 09-10-2009
مجموع المشاركات: 3678
Quote: رزق الاخ عزام بمولود ذكر اسماه يوسف الف مبروك و يتربى فى عزكم ، و حمد لله على سلامة المدام . غايتو الوليد وصل يوم 25 يوليو وما سمعنا بخبر السمايه و لا فى زول نزل الموضوع فى حينه ، ألامر تم نشره اليوم بصفحة السودان (الراية القطرية) معليش غايتو جنس لوم يا بورداب الدوحة .
الف مبروك اخي عزام ويتربى في عزكم
08-03-2010, 07:07 PM
خالد درق خالد درق
تاريخ التسجيل: 12-08-2009
مجموع المشاركات: 4351
الصادق الجميل ياخي والله فرحت ليكـ وكان في طريقة كان رسلت ليكـ الزغرودة للأسف الشديد خالد سافر من غير ما يديني خبر ولولا بوست شباب الشعبية ده ما كان عرفت ربنا يوفقكـ ويجعلكـ دائماً سعيد ويررزقكـ دائماً حسب نيتكـ الجميلة
08-05-2010, 04:40 PM
صلاح عثمان صلاح عثمان
تاريخ التسجيل: 04-24-2010
مجموع المشاركات: 954
الاخوان الاعزاء صلاح شكوكو - منير - الحاج حمد - وليد عبداللطيف الدكتور امير قناوي - الدكتور عماد عبد الله الطيب - صلاح عباس حالد درق - عماد عثمان احمد - مجدي نقد - عمران حسن صالح
ولو أنني أوتيت كل بلاغة ***** وأفنيت بحر النطق في النظم والنثر لما كنت بعد القول إلا مقصرا ***** ومعـترفا بالـعجز عن واجـب الشكـر
يسرناأن نتقدم لكم بخالص الشكر ووافر الامتنان على ما سطرتوه من كلمات طيبه ومعبره للتهنئه بزواج شقيقنا الصادق سائلين المولى عز وجل أن يجعل ايامنا وايامكم مليئه بالافراح
ثلاثة ايام بالسودان (اطرش في الزفه) بالرغم من محاولتي ان اكون متفاعلا مع الآخرين بالسلام الحار على من اعرف ولا اعرف الصغير والكبير ومشاركتي في النقاش رياضه/سياسه/اقتصاد لكن شعرت بانني غريب ينقصني الكثير لفهم التغيرات التي طرأت وكيفية التعايش معها مع خالص ودي وشكري للجميع
08-05-2010, 04:55 PM
صلاح عثمان صلاح عثمان
تاريخ التسجيل: 04-24-2010
مجموع المشاركات: 954
الدكتور امير قناوي نشاطركم الاحزان في وفاة خالكم سائلين المولى عز وجل ان يتغمده يواسع رحمته ويجعل الفردوس الاعلى دار مقامه والتعازي موصوله للاخ عصام وبقية الاخوان
نتمنى لك التوفيق والنجاح في نيل تخصصك
08-05-2010, 10:14 PM
خالد درق خالد درق
تاريخ التسجيل: 12-08-2009
مجموع المشاركات: 4351
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد عبد اللطيف
Munir
صلاح شكوكو
عابدون محمد عابدون
عزالدين عباس الفحل
عماد الدين عبدالله
الحاج حمد الحاج
أمير قناوي
Emad Ahmed
عمران حسن صالح
صلاح عثمان
فيس بوك
تويتر
انستقرام
يوتيوب
بنتيريست