الشعبية نجمة تزين سماء مدينة الخرطوم بحري (الجزء الثاني)

Quote: اخوي ود امي وابوي دكتور عماد الدين عبد الله مشكور اخوي ما قصرتا اردو ليك في جديد امير وايات ماشاء الله حركه نشطه كالعادة في البوست مواضيع جميله ومفيدة لكن يا ابو امير تخت لينا صورة تكلبشنا فيها وتتورعلينا المواجع صورة الست الشعرها طويل انا فكرتا قلتا لو دي كانت اتربت معانا في الشعبيه الا كنا نجيب ليها كوريك نكوي بيهو الشعر بتاعا زمان البنات نكوي قوصتنا بالملعقة كنا الست دي اكتر واحده تقدر تقول المثل بتاع شعرا ما عندك ليهو رقبه ما تسعاهو سلام لي ست بيتك نورات الناس الراقيه ام امير ولي اولادك

(عدل بواسطة عماد الدين عبدالله on 01-02-2010, 09:43 PM)

Quote: وتعال هنا انتا شفتا بري لسه انا جايه خفيفه كل شي زياد شالوهو لي برا علا قول محمد قال لي انتي تعالي اهلي لما مشو وخطبوكي ما قالو لي عندك اوبشن بتاع هوايه العمليات حسا قال انا لو استمريت على كدا باختفي فضل اللوز والزائده واكون مريت على كل اقسام الطب يعني ما خليت لي دكتور يعتب علي ما اتلومتا كلو كلو معا الدكاترة

Quote: دكتور عماد ما عدمناك مشكور على الاتصال

Quote: والله عندي شغل كثير لازم انجزه اليوم

Quote: سلام يا جيران خيلاني

Quote: شكرا يا خالد على التحية وكل سنة وانت بالف خير خيلاني القاصدهم هم عائلة ابو دية في الشعبية كل الود

Quote: شكرا يا خالد على التحية وكل سنة وانت بالف خير خيلاني القاصدهم هم عائلة ابو دية في الشعبية كل الود

Quote: احبائي بالنجمة اسعد الله اوقاتكم بكل خير وكل عام وانتم بخير وربنا يجعل هذا العام عام خير وبركة ونتمنى من الله الكريم بان يجمع احباء الشعبية فى ساعة خير وأن يجعل ايامكم كلها افراح صرنا من مدمني هذا البوست وصرنا نسبح فى اعماق هذا البوست الجميل حيث المداخلات الجميلة الرائعة والصور ايضا والتوثيق الجميل من العمدة الكبير الاستاذ/ عماد احمد وكذلك الدعوات الجميلة التي يتحفنا بها الدكتور عماد عبد الله والقفشات الحلوة للدكتورة ستنا خضر ومداخلات الاخ خالد درق اخواني لا اريد ان اعدد مداخلات كل فردوقد استرسلت لاشكر كل فر د ولكن المجال لا يسع وكما لا يفوتني وللمرة الثانية ان اتحمد السلامة للدكتورة /روما بنت الشعبية الاصيلة التى اضاءت هذا البوست بقدومها واقول لها الف حمد لله على السلامة من عمك الديناصور القديم بالشعبية وانشاء الله اجر وعافية يا دكتورة روما الاخ عماد موثق سودانيز اون لاين هناك شخص كان من الاشخاص الذين لا بد من التوثيق لهم حيث انه من انسباء الشعبية وهو زوج اخت الاستاذ ( حسن السنجك ) واظن ان حسن السنجك الله يرحمه من ابناء الشعبية المعروفين اما زوج اخته الا وهو الاساذ الكبير ( محمد الشفيع ) وهو اول سوداني يتقلد مدير عام شركة شل بالسودان وهذا المنصب لا يتقلده الا خواجة ولكن الاستاذ محمد الشفيع اثبت بقدرته وكفائته ان يتقلد هذا المنصب وهو من سكان بحري ومنزله بكوبر ويمكن للاخ عماد بخبرته التعرف عليه والتوثيق له وبذا نكون قد اوفينا هذا الرجل حقه ولك الشكر اخي عماد الرجل الباحث والموثق القدير متمنيا لك التوفيق والسداد وبالاخص لما تقوم به الان فى كل الاتجهات تنثر الدرر وتوثق لكل رجالات الشعبية وغيرهم وفقك الله وإلى الامام اخي (آبدون) وينك صرت تختفى وتظهر ولا الملايين عملت ليك زحمه الله يوفقك واتمنى لك عاما سعيد وكل عام وانت بخير وين صحبك شمس الشموس وكما يحلو للاخ ابو محمد فؤاد ( الشرير ) مختفي وسط الاسمنت ولا شنو ولا ذي ما قالت الدكتوره ستنا حلاوه نت دي ما بالساهل انشاء الله تتسهل ونسمع عنه كل خير والله مشتاقين شديد للاخ شمس الدين ساتى نعود حبه لشلة الشعبية طبعا ذي ما قال اخونا الحاج حمد سيد الحوش كان هناك شلليات من ضمنهم شلة السينما وبالأخص سينما الصافية لانها قريبة من الشعبية ومرات الدور الثاني يا بحري الوطنية يا الحلفايا وعلى ما اذكر كان من شلتنا بحلة الصديق بعد ما نضرب فول عمك بشار وسلامة الصادق نلتما فى دكان فضل المولى وهم عزالدين محمد عثمان احمد سكس وسلامة الصادق وحمد النيل سليمان واسماعيل سليمان وقرشي والطيب نور الدين وسعيد ابشعر اخو عمر ابحلق الفنان اي ثنائي المزاد وكرتكيلا ومحمد محمود الله يرحمه ومحمد برسي وطبعا بعض الاسماء لانه الزمن طال معليش الذاكرة خربانه علما بان الاخ وليد تعرف على بعض من هولاء الاشخاص وطبعا شباب والذاكرة حديد ماشاء الله عيني باردة والله يا جماعه اعذورني اي بعض الاخوان الذين تعرفوا على ولكن بقدر ما عصرت هذه الذاكرة الخربة لم اتمكن من معرفتهم علما بانهم يحكو عن الاشخاص الذين عاصرناهم اخواني لكم مني كل التحايا والتبريكات بالعام الجديد والسلام ختام ولنا لقاء اخوكم فيصل عبد الله / الرياض

Quote: يامريم يومين كدة وجايينى تركين طازة من السودان رسلى عنوانك عشان نرسل ليك منه شوية بس كلمى ناس الجمارك يعملوا حسابهم .. يعنى يلبسوا الكمامات والحاجات دى يعنى .. وانتى لو سألوك دا شنو تقولى ليهم دا سماد عضوى Quote: عبدون تحياتي الدكتورة روما عايزة نصيبها في المليون انت عايز ترسل ليها اسلحة بيولوجية عايز توديها في ستين داهية صاحبك اخباره مقطوعة خالص وصل الطابق الكم تحياتي واحترامي (عدل بواسطة عماد الدين عبدالله on 01-03-2010, 09:33 PM)