|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
قصة مثل
عادة حليمة لعادتها القديمة حليمة هي زوجة حاتم الطائي الذي اشتهر بالكرم كما اشتهرت هي بالبخل.
كانت اذا ارادت ان تضع سمناً في الطبخ واخذت الملعقة ترتجف في يدها . فاراد حاتم ان يعلمها الكرم فقال لها:
ان الاقدمين كانوا يقولون ان المراة كلما وضعت ملعقة من السمن في طنجرة الطبخ؛
زاد الله بعمرها يوماً. فأخذت حليمة تزيد ملاعق السمن في الطبخ حتى صار طعامها طيباً وتعودت يدها على السخاء.
وشاء الله ان يفجعها بابنها الوحيد الذي كانت تحبه اكثر من نفسها. فجزعت حتى تمنت الموت. واخذت لذلك تقلل من وضع السمن في الطبخ حتى ينقص عمرها وتموت. فقال الناس: عادت حليمة الى عادتها القديمة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
مبروك عليكم هذه الصفحة الخاصة
وقد تكون صفحة سعيدة لمن يفوز حزبه
وقد تكون غير ذلك لمن لم يحالفهم الحظ
ولكن اقول نحن الشعبياب سعداء في ما بيننا
لاننا بكافة احزابنا المختلفة نعيش في بوتقة
واحدة يحفها الالفة والتآلف والاخاء لا يهمنا كثيرا
من فاز ولكن يهمنا ان تكون الشعبية فوق والمودة والاخاء
ديدنناوهكذا عهدناكم يا شعبياب
تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
يا عمـــدة ســلام وســلام
ياخـى الزول دى بيصــدق الكلام دى وعييييييييييييييييك
اصــلو القصــة ومـــا فيها انو الود عـزام دى ورث ليهو
اســم الاسم دى كان (( حســن فرح )) عـم عندو صـلد وجـلد
وراس ناشـــف فــى قول الكلام الهيــلو ..
الــود عــزام دى قــام طــوالــى زى الخواجات بيــقوم
يكتــب اسمو كــدى ( ع . حسن فرح ) الجماعــة قايلنــو
زولــهم القــديــم وعيييييييييييييييييييييييييييييك بيــن اســم وسجـلات زولــى دى اصبـــح متـــردد عـــلى
( الشرقيــات و الغربيــات ) وكمــان موقــف شــــــنـدى
دى القصــة كلهــا ..
Quote: عزام رجل والرجال قليل |
تــرمـــة :
عــــزام ات يا زول مــو قلــت عفيــت للزول داك مــالك تانــى ( متور الورده )..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
كتب الاخ بدرالدين اسحاق
Quote: يا عمـــدة ســلام وســلام
ياخـى الزول دى بيصــدق الكلام دى وعييييييييييييييييك
اصــلو القصــة ومـــا فيها انو الود عـزام دى ورث ليهو
اســم الاسم دى كان (( حســن فرح )) عـم عندو صـلد وجـلد
وراس ناشـــف فــى قول الكلام الهيــلو ..
الــود عــزام دى قــام طــوالــى زى الخواجات بيــقوم
يكتــب اسمو كــدى ( ع . حسن فرح ) الجماعــة قايلنــو
زولــهم القــديــم وعيييييييييييييييييييييييييييييك
بيــن اســم وسجـلات زولــى دى اصبـــح متـــردد عـــلى
( الشرقيــات و الغربيــات ) وكمــان موقــف شــــــنـدى
دى القصــة كلهــا ..
|
يا بدر عزام كوووووم براهو والاسم الورثو كوووم تاني
يعني كومين لما يتلموا مع بعض يبقى عزام تربيع أو حسن فرح تربيع
يا اخي عزام دا اسطورة قطر تعال انزل في مطار الدوحة
وقول عايز عزام ( بدون حسن فرح ) اول واحد بيمسكك من
يدك وطوالي على الشحانية حيث يسكن الصنديد عزام وزولك
بيكون خايف بعد ما يقيل ويشرب جبنة بت ابراهيم ربنا يديها العافية
ويتعشى عزام يحلف حرام عليه بالمبيت يا زول ما تلعب بالنار
دا صنديد ابن صتديد وانت عارفو كويس
تخريمة
انت مرابط وين في الشعبية ولا شمبات
والامن مستتب ولا الحكاية بايظة
تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
يا عمــدة يا راجل يا طيــب ..
مــا عشــان جنــس كلامــك دى الزول الاسمــو عزام دى صــدق
انــو سيــد الاســم وقام ليــك طــوالــى تقمــص الــدور
وبيــه كــدى ضيــع العيــال واختنــا ام الشباب مغترب ليهو
عشــرين سنة وكمان عايز يواصــل اغتراب عشرين سنـــة تانيــات
وكمـــان النجيضـــة بمرقهــا فى الهواء ( ابن صــنديــد دى ما عندى فوقهــا كلام )
عــلا صــنديــد دى فى القلـب منهــا كثير من حتــى ...
الزول دى بـكــون انــا (( كـاردو ليــك زى خمسيــن مــرة ))
ومــا بيفكــو منــى الا استعانتــه بصــديــق ( الســربنــدى ) نادر منصور ..ود الناعــة ..
Quote: يا اخي عزام دا اسطورة قطر تعال انزل في مطار الدوحة
وقول عايز عزام ( بدون حسن فرح ) اول واحد بيمسكك من
يدك وطوالي على الشحانية حيث يسكن الصنديد عزام وزولك
بيكون خايف بعد ما يقيل ويشرب جبنة بت ابراهيم ربنا يديها العافية
ويتعشى عزام يحلف حرام عليه بالمبيت يا زول ما تلعب بالنار
دا صنديد ابن صتديد وانت عارفو كويس
|
تســامعــت ان عــزام قــد تقمــص شخصيـتة الصنديــد بعــد مـا عقلنــا
وبقينــا ناس تــلاوة ســاكــت ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: بدر الدين اسحاق احمد)
|
الحبيــب امير قناوى
ليــك الســلام والدعوات
كــدى انــا بسـأل اسئلــة ونشــوف هــل نقــدر نجاوب عليها ... والاجابات ممكن تكون مفيدة
لتصحيح مسيرتنــا وكتابة سيرتنــا ولا لا ..
* لماذا كــان الاول مجبوب لــدى الاساتذة مكروهـ مغضوب عليه لــدى التلاميـذ ؟
* لماذا كنــا نقول ونردد ( الطيــش عند الله بيعيــش ؟
* ومنــو الغــرس فينــا حكاية انو الناس لازم يرصوهــم صــف مــن الاول حتــى الاخير ؟
* ولماذا لــم تكــن للاســر دور فــى تحقيق التوازن النفســـى للتلاميــذ بين واجباتهم
المدرسيــة والتزامهــم الاخلاقــى والقيمــى ؟
* ممكــن اســأل ( 100 ) ســـؤال فــى موضـــوع التربيــة ومثلهــا فى موضوع التوجيــه
Quote: أولاً شايف حكاية منو كان الأول ومنو كان الطيش دي مافي داعي ليها. وسبق الكلام عن الأساليب التربوية في ذلك الزمان وما صاحبها من سلبيات. |
موضــوع الاخ عارف ... شاركــت بفضــل الله فـى كثيــر مــن المساعــى لعلاج القضيــة
لكن طــالــت المــدة ..
واظـــن انــه الان فــى ليبيـا ( غير متاكـد )
Quote:
أشار أخي بدرالدين للشكلات المشهورة و( قصة الزول الدفر الزول من بص ابو رجيلة قام مات).
فتدخل عارف ... |
لان الدنيــا هــكــذا .. والا سيكون مــثل التاريــخ لاى سلطنــة من السلطنات
استلم الملك الحكم سنـة كــذا ...
وقمــع بعض القلاقـل سنة كــذا ..
واستتب لــه الامــر سنــة كــذا ...
التأريــخ ليــس فــى عظمــة الاهــرامــات ولا فــى مــن امــر ببنائهــا
التأريــخ فــى مــن كانو هــم وقــود لبناء ذلـك الصــرح المادى الكبير .
وبعــد حمــد الــرب على نعمائــه ...
كنــا يمكن ان نكون من مدمنــى المخدرات / شاربى الخمور / ....
مــا هــو العاصــم لنــا ( هــل هــى الاســر ؟ الاصدقاء ؟ الاخوان الكبار ؟
Quote:
أوافق بدرالدين في تناول النواحي السلبية في مجتمع الشعبية (الآن) ، وقد تعرض البعض لإنحراف الشباب والوضع السيئ لسوق الشعبية وغيره. والنقد ووضع اليد في الجرح هو أول خطوة للعلاج. |
اخــى اميــر ...
عــزام لا يحتاج الــى مواســـاة فهــو مــن بحــث عنهــا لمــن ظلمــه فهــو الاقــوى
والاكثـر تماســكا ...
كــم كــان سيسجــن نفســـه فــى شخــوص / مؤسســات لــن تغيــر لــه مــن حقيقـــة
حياتــه ابـدا ..Quote: أحترم في عزام حديثه بهذه البساطة عن تجاربه ومحنته في السودان وقد حورب في معاشه وأمتهنت كرامته وبقي قلبه صافياً... |
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
كتب الاخ دكتور امير قتاوى
Quote: والنقد ووضع اليد في الجرح هو أول خطوة للعلاج.
|
فعلان اخى دكتور امير لازم نقف على السلبيات فى الشعبية ونحاول ولو حل البسيط منها حتى نعلاج هذه السلبيات ونصل الى رفع شباب الشعبية من ذلك الوحل القادم الى مجتمع الشعبية الحبيبة , فهى ياشباب نمد ايدينا الى بعض لخدمة الشعبية الحى الجميل ...
ولكم كل احترام ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
كتب الاخ بدرالدين اسحاق
Quote: يا عمــدة يا راجل يا طيــب ..
مــا عشــان جنــس كلامــك دى الزول الاسمــو عزام دى صــدق
انــو سيــد الاســم وقام ليــك طــوالــى تقمــص الــدور
وبيــه كــدى ضيــع العيــال واختنــا ام الشباب مغترب ليهو
عشــرين سنة وكمان عايز يواصــل اغتراب عشرين سنـــة تانيــات
وكمـــان النجيضـــة بمرقهــا فى الهواء ( ابن صــنديــد دى ما عندى فوقهــا كلام )
عــلا صــنديــد دى فى القلـب منهــا كثير من حتــى ... |
يا بدر عزام ما اتغمس الدور عزام هو النجيضة والاكيدة
وعيال ابوهم عزام تب ما بضيعوا دا الركيزة دا عزام الرجل الهمام
وام الشباب المسنودة في عزام مسنودة في الوتد الصنديد الما بهزو ريح
يا بدر عزام رجل وما في كلام
تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: صلاح عباس فقير)
|
أبناء الحي الّذين يتابعون البوست من الداخل! نيابة عن أخينا الحاج حمد الحاج راعي بوست الشعبية، أهيب بمن يودون المشاركة في البوست: أن يكتبوا إلينا معبرين عن رغبتهم في ذلك، حيث إن هناك وعداً من راعي منبر سودانيز أون لاين، المهندس بكري أبو بكر، بقبول عضوية عددٍ غير محدود من أبناء الحي في منبر الشعبية! ويمكن للراغبين في ذلك أن يرسلوا طلباتهم عبر الاتصال المباشر بالأخ الحاج حمد الحاج! ملحوظة: عنوان الاخ الحاج موجود في دليل الشعبية، بمنبر الشعبية!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: صلاح عباس فقير)
|
بدرالدين
Quote: مــا عشــان جنــس كلامــك دى الزول الاسمــو عزام دى صــدق انــو سيــد الاســم وقام ليــك طــوالــى تقمــص الــدور |
بتذكر رشاد بابتود -يا حليلو ياخ- أكان عِندو بِطاقات تعريفِية والوكِت داك أكان أبوهو سفيرنا في الكويت ... البِطاقة أكان مكتوب فيها:
رشاد محمد عبدالفتاح بابتود نجل السفير السوداني بدولة الكويت صفاة - الكويت ص.ب هاتف :
وأكان بِوزِع ليك البِطاقات دي على الجِكس المُنعم الإستُقراطي ، الغرقان في الدمقس وفي الحرير ... أنا كُنت باخُد ليك كمين بِطاقة مِن بِطاقاتو دي وبقوم بِإجراء بعض التعديل لِتُناسِب جِتَتي المُتحرِك في البِيوتات العتيقة ... شكل الكرت التعريفي بعد التعديل بِكون كِده :
(صديق) رشاد محمد عبدالفتاح بابتود نجل السفير السوداني بدولة الكويت صفاة - الكويت ص.ب هاتف :
وأوزِع ليك الكروت البِقتْ هيلي شِمال ويمين ، وحاتك ما بفرِز ولا بعاف واحده فيهِن عِندي بنات عالم رشاد كُلهِن مِن اللآتي إن نظرت إلَيْهِن تسمع روحك تقول < ما شاءالله ، صدق وعده ... >
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزام حسن فرح)
|
مبروك يا دكتور عماد الصفحة ال20 و الشعبية فوووق
صلاح عباس أبناء الحي الّذين يتابعون البوست من الداخل! نيابة عن أخينا الحاج حمد الحاج راعي بوست الشعبية، أهيب بمن يودون المشاركة في البوست: أن يكتبوا إلينا معبرين عن رغبتهم في ذلك، حيث إن هناك وعداً من راعي منبر سودانيز أون لاين، المهندس بكري أبو بكر، بقبول عضوية عددٍ غير محدود من أبناء الحي في منبر الشعبية! ويمكن للراغبين في ذلك أن يرسلوا طلباتهم عبر الاتصال المباشر بالأخ الحاج حمد الحاج! ملحوظة: عنوان الاخ الحاج موجود في دليل الشعبية، بمنبر الشعبية!
شكرا يا صلاح و يا ريت مشاركات من الاخوة بالداخل لأنو نحن اغلبنا عايشين بره و بنحكي عن ذكريات و لكن في كتاباتهم حيوية أكثر و معايشة للأحداث الحالية..مرحبا بكل المشاركات عبر بريدي الالكتروني او البريد الالكتروني لأي من يملك عضوية في المنبر.. عنواني [email protected]
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
Quote: رســـالة خـــاصــــة جدا
**** الاخ المحترم وليد عبداللطيف
( جـــدة ، المملكة العربية السعودية )،
**** الاخ صــلاح عباس فقير
( المدينة المنورة ، المملكة العربية السعودية ) ،
رجــــاءا ارسال ارقام الهواتف النقالة ( الموبايل ) ،
و علي وجه الســـــرعـــة ، |
يازول ان شاء الله خير ويارب تكون في عتبة بيتنا واق اها ده تلفوني 0557456728 ودا تليفون اخونا صلاح عباس 0568117816
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
صباح الخير لكل الاحباب .. سلام وتحية للاخ منير ويامنير والله بالنسبة للوادى الاخضر انطباعى عنها كويس جدا وانت عارف زول عاش فى الشعبية من الصعب يعيش فى محل تانى اذا ماكان المحل دا فعلا تمام والمنطقة دى يامنير مبشرة وسمحة والناس كلها قاعدة تشترى هناك ويمكن ناس السودان يقولوا ليك - كالعادة - انو المحل دا بعيد وماعارف شنو لكن المنطقة جميلة ومبشرة جدا واذا درت تصلها من الشعبية دور عربيتك وبارى خور شمبات دا مرورا بالصافية والشركات وخلال عشرين دقيقة تكون فى المنطقة وطبعا يامنير انا كنت يوميا هناك فى اجازتى والشىء الجميل احساسك بأنو دى منطقة جديدة وطبعا الجديد شديد وليهو سحره والهواء بالمغربية فى المنطقة شىء يرد الروح .. أها وكمان لو عندك حبة قريشات طايرات فى بيوت استثمارية مكونة من غرفتين وصالة وصالون مع سطوح وامكانية اضافة شىء فى السطوح قاعدين ببنوا فيها فى نفس المنطقة يعنى بالضبط جمب مدينة الصحفيين ودى قاعدين يبيعوها بأسعار 68 مليون جنيه تدفع واحد وعشرين مليون جنيه مقدم والباقى على اقساط مريحة لمدة خمسة سنوات ودا انا انصحك بيهو بشدة لانو بعد فترة لاتتعدى السنة بيكون فعلا استثمار حقيقى من ناحية تأجيره كعقار يدر دخل شهرى بدون اى مشاكل وبسعر معقول جدا .. كذلك بنصح كل شباب الشعبية و(( عجايزهم ) زى صاحبى داك ابو عيون كحيلة يشتروا فى المنطقة دى وبرضو فى بيوت جاهزة نظام غرفة ومطبخ وحوش ودى بى سعر فى حدود 26 مليون جنيه تدفع جزء والباقى على اقساط مريحة وبرضو تنفع للسكن او للاستثمار ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عابدون محمد عابدون)
|
والله يا ناس الشعبِية أنا زول بريدكم وما تزعلو مِن رأي بقولو هِنا ده ... بِكون مُجرد رأي ما أكتر ولا أقل ... وفي الغالِب بِكون مشاتِر وما راكِب عدَلو ... عِلا أكان ما قلتو صندوق صدري بِزِمْ ... ودي حاجة في عُمري ده ما كَوَيسة ... ثُم أما بعد إلَيكُم الرأي :
حِكاية ترفعو العمود (البوست) بِصباح الخير ... ومساء الخير ... وكيف أصبحتو ... وكيف أمسيتو ... دي حاجة مُزْعِجة خالِص ... ياخ كتره السلام زاتا بِتْقِل المعرِفة ... ما شرط تجي كُل يوم كُل يوم ... يوماتي على الله وتكتِب هِنا ... ما شرط ... لو عِندك حاجة مِن الحاجات البِوثِق ليها دكتور أمير قِناوي في الكِتاب الحُلُم يبقى كتر خيرك ... عِندك جديد بِخِلاف نقل الإنترنِت كلو بِالقطع واللصق ، يبقى كتر خيرك ... الزول يِشوف العمود (البوست) مرفوع يجي جاري نفسو مقطوع يلقى < صباح الخير > ده شنو ده؟ إنتو شغالين في مكتب إسْتقبال ولا شنو؟ صباح الخير مساء الخير ... المواضيع كتيره لو عِندك مُروة أكْتِبا ما عِندك أصبُر كمين يوم وبتجيك أفكار ورؤى ...
الله يلعن شيطاني ياخ ... هسِع ما كان أخيرلي أنطَمْ ... لا لا ... ديل ناسي ما بِزعلو مِني ... عارفيني بريدُم ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزام حسن فرح)
|
ديل ناسي ما بِزعلو مِني
نزعل منك كيف يا حبيبنا عزام
أهو أنا لى كم يوم قرفان وزهجان وفلسان ومدبرس
أصلو ما قربت من الكمبيوتر . وبعد دا لما فتحتو
لقيت البت الإسمها سهام موسى مالية المنتدى بهترشات
فارغة فى تأييد الحكومة ومعاها علاء وميادة فقلت
أحسن نقفلو وفعلا قفلتو وتابعت الأخبار من الحرة
والبى بى سى والعربية وشفت العجب من التزوير
والجوطة الحاصلة (على قول الوزير المستقيل محمد توفيق)
يديك العافية.وبرضو صباح الخير
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: شمس الدين ساتى)
|
صباح الخير ياعزام ياقطيم .. مامشكلة عارفك قاعد تجى تفضفض عندنا هنا نحن برضو اخوانك فضفض ياخويا قالوا راسك بقى زى شوال البرتكان من مفاريك بت ابراهيم .. شوال البرتكان دا بيعبر عن صورة ذهنية لشكل الرأس من كترة الخبط عليهو والتورم والكلام دا بقولو لى صاحبى داك لأنو عدمان الخيال يعنى خيال بح ولازم نشرح ليهو واذا واحد قال نكتة عايزة خيال او تفكير برضو بح ولازم تعمل شرح مخصص موجه للمواطن شمشى عشان اذا ماشرحتها ماحيفهم والنكتة حتروح شمار فى مرقة ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزام حسن فرح)
|
الزو ليكون ( معصــور ) و ( مـدروش ) و ( مزرزر) فى البيت و الشغل وفى الجيــب وفى الغربــة
يجــئ يقول ليــك ( امــا بعــد ) خطبــة الجمعــة دى قولهــا اهـــا ....
الله بيسـألنــى ( امــى الله يرحمهــا ) كــل يوم ( الدقــش ) وهــى بتلملم فى القشقــش عشان تولع
النار ليــه شــاى الصباح بتسلــم وبتصبــح كل يوم اصــلاهــا مــا فــترت مـن الســلام لحــدى مــا
سيــد الوديعــة شــال وديعتــو ...على الحيطان الثــلاثــة من الغرب (خالتى فاطمــة ) ومـن الشرق
( خالتى تومـــة ) ومـن الجنوب ( خالتـى بلالــة ) الله يمتعـك حبائــب امـى وخالاتــى ديــل الصحــة
والعافيــة ..
Quote: والله يا ناس الشعبِية أنا زول بريدكم وما تزعلو مِن رأي بقولو هِنا ده ... بِكون مُجرد رأي ما أكتر ولا أقل ... وفي الغالِب بِكون مشاتِر وما راكِب عدَلو ... عِلا أكان ما قلتو صندوق صدري بِزِمْ ... ودي حاجة في عُمري ده ما كَوَيسة ... ثُم أما بعد إلَيكُم الرأي : |
ات يا زول نعــل مــا ( اتسخطــت ) التصبــح على الخلــق زهجــت منــو ...
عــلا الســبب الغربــة الله يرجعــك ليــه ناس السلام والحنيــة ناسك وهيلك ...
عزام قوم لــف قومــت نفســـى من الصباح
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: بدر الدين اسحاق احمد)
|
صباااااااااااااااااااااااااااااااااااااح الخيررررررررررررررررر
Quote:
والله يا ناس الشعبِية أنا زول بريدكم |
معروفة
Quote: بِكون مُجرد رأي ما أكتر ولا أقل ... وفي الغالِب بِكون مشاتِر وما راكِب عدَلو |
متعود
Quote: ثُم أما بعد إلَيكُم الرأي :
حِكاية ترفعو العمود (البوست) بِصباح الخير ... ومساء الخير ... وكيف أصبحتو ... وكيف أمسيتو ... دي حاجة مُزْعِجة خالِص ... ياخ كتره السلام زاتا بِتْقِل المعرِفة |
رجعنا تاني لنفس النقطة (مكرر في صفحات سابقة (ص 0 ) كما قال عزام رضى الله عنه )
Quote: عِلا أكان ما قلتو صندوق صدري بِزِمْ
|
انت فاكرو الصندوق الاسود ولا شنو
Quote: ديل ناسي ما بِزعلو مِني ... |
منو القال ليك
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزالدين عباس الفحل)
|
صباح الخير ياشعبيتنا ..
اسامة سعد صباح الخير .. اخوك الايام دى مزنوق لكن حاولت اوصل الجهاز مع اللابتوب وتلفون المكتب ولم انجح لأن تلفون المكتب فيهو وصلة مختلفة مابتركب فى الجهاز .. اتوقعنى يوم الجمعة ..
عزام لما تشرب قهوتك قوم امشى اشرب شيشتك برة البيت ..
كامل تضامنى مع اخونا المهذب عادل عثمان للهجمة التى يتعرض لها فى بوست مجاور ونعلم تماما انو راجل مهذب وخلوق وياناس الشعبية خلوا زيتنا جوة بيتنا هنا يكون أحسن ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزام حسن فرح)
|
Quote: ياخ كتره السلام زاتا بِتْقِل المعرِفة |
أعزائي
بمناسبة كلام صديقي الصدوق عزام أعلاه
قصة حقيقية حصلت
كنت ومعي الاخ عبد الماجد شيخ ادريس والفنان عبد الرحمن بلاص ( عندما كان ساكنا في الشعبية ).
كنا ثلاثتنا واقفين تحت العمود بالقرب من منزلنا ونحن في ونسة كاربة.
وفي هذا الشارع المؤدي لشارع البكاسي
الناس مارة
وكل ما يجي واحد يقول : السلام عليكم
ونرد نحن : وعليكم السلام ورحمة الله وبركاته
ثم نواصل الونسة ثم ياتي آخر وبعده آخر وهكذا ويسلم ونحن نقطع الونسة ونرد السلام
بلاص زهج من حكاية السلام الكتير
عندما اتي آخرهم وسلم ناداه بلاص:
بتعرف الزول دا مشيرا لعبد الماجد ؟ قال : لا طيب بتعرف الزول دا مشيرا لشخصي؟؟ قال : لا
طيب بتعرفني انا ؟؟ قال : لا
هنا قال له بلاص بغضب : طيب بتسلم مالك ؟؟
اخوتي الأعزاء أعذروني ولكني مواصل معكم بالاستمتاع بما تكتبونه
والله يديكم العافية
وشعبيتنا فوق
دمتم،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: حسن طه محمد)
|
Quote: طيب بتعرفني انا ؟؟ قال : لا هنا قال له بلاص بغضب : طيب بتسلم مالك ؟؟ |
الأستاذ حسن طه السلام عليكم ومرحباً بك بعد الغياب! تعرف الفنانين ديل عندهم مزاجات غريبة! والواحد ما كان يتوقع من واحد فنان زي بلاص هذه الخشونة الشديدة! وما عارف لماذا تذكرني هذه الحادثة فناناً آخر: الشاعر إدريس جماع، وما حكاه عنه سيد خليفة أنهم كانوا في دعوة غداء بالقاهرة، وكان ضمن الأكل ملوخية، وجاء أحد الضيوف أثناء الغداء، فسلم عليهم، فقام إدريس جماع بحركة عفوية وضع يده في صدره، على سبيل التبجيل والاحترام للزول ده، وطبعاً يده كان فيها ملوخية، وامتلأ صدره بالملوخية! طبعاً الموقفين متناقضين! لكن لا يصدران إلا عن فنان، أو زول مزاجو غريب! وهذا أيضاً يذكرني في العراق جمعتني الظروف في أحد الفنادق بسوداني قرفان ليهو سنين من البلد، عرفته بنفسي، وبصعوبة عرفني بنفسه، بعد شوية قلت ليه السؤال التقليدي: الأخ من وين في السودان؟ فانتفض غاضباً وهو يقول: شنو يعني من وين؟ يعني حتستفيد شنو لما تعرف إنو أنا من وين؟ وكلام زي ده. المهم في النهاية عرفني بنفسه، وطلع عمه وأولاد عمه من الشعبية!
سنة الإسلام السلام!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: صلاح عباس فقير)
|
Quote: سنة الإسلام السلام! |
السلالالالالالالالالالالالالالالالالالالالالام عليكم دي عشان عزام السلام عليكم ... ودي عشان خاطركم وفيها الشوف والحنية لرؤياكم لناس الداخل والخارج ياسعادة المستشار حسن طه وصلتني رسالتك وبارك الله فيك وفي اولادك وحفظك لهم من كل شر بس ياريت تشيل عكاز وتمشي تفتش صاحبي عزام فرح وتديهو واحده في نص الراس وتقول ليهو وليد بيسلم عليك .. احيطك علما بأن الفنا عبد الرحمن بلاص الان ساكن ديوم بحري واكثر من مره كنا في زيارة في بيته العامر وطبعا ابنته مهيره كان تدرس معنا في نفس الجامعة ( قانون) واحرزت المركز الاول على مستوى الجامعة الاخ حسن وصلاح عباس اضحكتني مداخلاتكم
سنة الاسلام السلام
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
من المواقف المضحكة :-
اذكر انني كنت في الصف الثالث الابتدائي ، تقريبا ، وبعد ما جيت من مدرسة المساكن الشعبية الابتدائية جنوب ، مباشرة ، ناس البيت رسلوني الي الدكان ، الدكان الموجود حاليا جوار دكان طلب ، في سوق المرغنية بالشعبية جنوب ، المهم وصلت الدكان ، ولحظي ، وجدت احد الممثلين ، البيظهروا في التلفزيون انذاك ، مش نجوم الغد . وجدته في الدكان ، وبعدين انا نسيت جاي اشتري شنو ؟ بس بقيت اعاين ليك للزول الممثل شديد ، اعاين ليه في وشو ، شديد ، وباعجاب شديد انني امام نجم . وانا سارح ، هل ده نفس الزول البيجي في التلفزيون ؟ واسئلة محيرة كثيرة ، وانا اعاين للزول ؟؟؟؟ وفجاءة الراجل صرخ في وشي ، حتي خفت . وقدام الناس صـــرخ ؟؟ قائلا لي :- ( بت عاين لي مالك ؟ اول مرة تشوف الخلقة دي ؟ ) . الراجل احرجني قدام الناس . وما ادي اي اعتبار لبراءة طفل صغير . وصحي الناس ديل ليهم دنيا ثانية ؟ دنيا غــــريــبة ،،،،
عزالدين عباس الفحل ابوظبي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزالدين عباس الفحل)
|
وليد
Quote: بس ياريت تشيل عكاز وتمشي تفتش صاحبي عزام فرح وتديهو واحده في نص الراس وتقول ليهو وليد بيسلم عليك .. |
دي ذكرتني بِصبي شاكل سيد الدُكان : - يا عم علي إنعلن أبوك - ومتعب نفسك ليه يا إبني كفاية < إنعلن أبوك >
ــــــــ أنا والله ما قصدي إبخِس < السلامات > أنا بقول تكون مصحوبة بِحاجة نسْتفيد منها ... نضحك فيها ... إلخ خلاص يا وليد والزعلانين ، أوسحوها لي في وشي الطويل ده ... قولو معليش (مرضتونا مرض بِسلامكم الكتير ده) ياخ أنا بخرمِج ساي ... يا ناس أقوليكُم قوله ما تآخْذوني ياخ
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزام حسن فرح)
|
ياجماعة فيصل عبد الله دا ما عايز يجي يسلم على الناس ولا شنو ياعابدون صاحبك وصل من السودان وللان منتظرين حضورة لكي يحكي لنا عن السودان
فيصل الف حمد الله على السلامة يظهر الناس ديل هنا ماعرفين حضورك للسعودية مره اخرى
Quote: دي ذكرتني بِصبي شاكل سيد الدُكان : - يا عم علي إنعلن أبوك - ومتعب نفسك ليه يا إبني كفاية < إنعلن أبوك > |
هههههههههههههه يا (ود البوب ) ياخي عزام دا فوق لحجاته دي كلها يفترض كان يكون ممثل ياخي تتكلم معه في التلفون تضحك احدي ما يقطع الرصيد يكون قطع مصارينك عزام تحياتي للوالده
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
Quote: الله يلعن شيطاني ياخ ... هسِع ما كان أخيرلي أنطَمْ ... لا لا ... ديل ناسي ما بِزعلو مِني ... عارفيني بريدُم ... |
تحياتي اخي عزام
يا عزام شيطانك دا ما ياهو الابداع ذاتو اكان انت انطميت زي ما بتقول
ما الرماد كال حماد لو في زول بيزعل من التاني في الحوش دا كان
زمان الحوش انفضا وكل قرد طلع شجرتو يا اخي انداح وفضفض واي حاجة
منك معروفة نابعة من دواخل نقية وربنا ما يجيب الزعل في الحوش دا
تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
Quote: ( بت عاين لي مالك ؟ |
الأعزاء صلاح وعزالدين ووليد والمجنن وليد عزام وبلا شك الجميع أطيب التحايا المقرونة بالود والمحبة
قصة أخري مشابهة.
كنت وانا ما زلت طفلا يافعا( منذ أيام حلة الدناقلة جنوب قبل الرحيل الي الشعبية ).
ذاهبا مع الوالد ( يطول عمره ) الي سوق الخضار بحري.
وفي الطريق شاهدت سيد الاسم " مصطفي الكضمي
وكان آنذاك ملئ السمع والبصر
فطفقت أعاين لهذه الشخصية المشهورة علي مستوي بحري وانا اسائل نفسي :
هذا الشخص النحيف جدا .... كيف يكون مخبفا للناس؟؟
فاتاني الكضمي وسالني بحدة : بتعاين لي مالك ؟؟
لم أرد
التفت الوالد ووجده يقف معي قفل راجعا وسالني الوالد : مالكم ؟
قلت له : بيقول لي بتعاين لي مالك.
هنا صوب حديثه للكضمي:وبغضب شديد : مالو لو عاين ليك ... ما يعاين ليك ....اصلك بت ؟؟؟ وعلي طول انسحب الكضمي
السؤال : في تلك اللحظة هل انتابته خوفة ؟
أعتقد ذلك .
ما رأيكم؟ ذكريات صادقة ونبيلة!!
عزام : وين انت ياخي؟؟
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
Quote: هنا صوب حديثه للكضمي:وبغضب شديد : مالو لو عاين ليك ... ما يعاين ليك ....اصلك بت ؟؟؟ وعلي طول انسحب الكضمي
السؤال : في تلك اللحظة هل انتابته خوفة ؟
أعتقد ذلك .
|
صباح الخير للجميع ياجماعة انا غايتو سمعت كلام كتير عن الكضمى دا لكن اللى سمعتو ويمكن ناس كتير يتفقوا معاى انو فى الحياه العادية مع الناس زول كان فى غاية اللطف وكان يعيش حياة طبيعية وسط الناس والحى لكن حكاية المشاكل دى اظنها كان اسلوب حياة بين اوساط معينة بين الناس وكان بيجارى مثل هذه الاساليب لكن فى اماكنها الخاصة .. انا بذكر انو انا عملت مشاجرة قوية جدا مرة وانا صغير فى سينما وطنية بحرى وكان فيها ضرب شديد وفى النهاية الناس جو وحجزونا وفيما بعد قالوا لى انو الود الشاكلك دا فى عصابة الكضمى وعلى كدة انا ايضا بقول انو الناس اللى كانوا حول الكضمى كان ليهم اثر كبير فى عكس صورة سلبية عنه .. بخصوص الموضوع دا انا بحيى الاخ عماد اللى مسجل غياب طويل ونطلب منه يعمل لينا شغل عن مصطفى الكضمى دا سواء كان زمان او هسة بعد الكبر اذا كان فى الامكان ودى حتكون فرصة جميلة لتسليط الضوء على شخص كان شبه اسطورة فى زمانه ..
ياوليد انا اتصلت كتير على فيصل لكن تلفونه مغلق وماعارف ليه ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عابدون محمد عابدون)
|
ما أعرفه عن مصطفي الكضمي وهو يسير :
مصطفي الكضمي شخص ذو جسم نحيل متوسط الطول
لونه قمحاوي علي حسب وصف اللون عند اهلنا السودانيين
لم اشهده مطلقا بجلابية بل بالنطلون والقميص علي طول ( وفي معظم الاحيان بنطلون بني وقميص ابيض ).
ما عرف عنه انه كان رئيس عصابة رغم ان حجمه لا ينم عن ذلك مثله تماما كالواثق صباح الخير ( الله يرخمه ).
مصطفي الكضمي حسبما سمعنا كان من مرتادي السجون أثناء تلك الفترة.
كان تخصصه تخويف التلاميذ واخذ مصاريفهم في مدرسة العزبة 2 بالقرب من سينما حلفاية
ثم والحمد لله هداه الله وترك كل ما كان معروفا عنه من الاجرام.
بعد ذلك أصبح كاتبا
وكانت لديه كتيبات يحكي ويصف فيها الافلام والمثلين وكذلك الأغاني والفنانين
كانت كتيباته كثيرة التوزيع .
وكنت ممن يواظبون علي اقتنائها
له التحية اين ما كان.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: Emad Ahmed)
|
Quote: بخصوص الموضوع دا انا بحيى الاخ عماد اللى مسجل غياب طويل ونطلب منه يعمل لينا شغل عن مصطفى الكضمى دا سواء كان زمان او هسة بعد الكبر اذا كان فى الامكان ودى حتكون فرصة جميلة لتسليط الضوء على شخص كان شبه اسطورة فى زمانه .. |
يديك العافية أخي عابدون وحمد لله على السلامة ولو انها متأخرة شوية
بالنسبة لمصطفى الكضمي ماعندي حاليا حاجة عنه ,, وعلى ما اعتقد انه حاليا
شغال مرشد مع المباحث ورحل من بحري ومستقبلا توقع تفاصيل موسعة عن تلك
الشخصية الأسطورية..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
اهلى الحنان ناس الشعبية سلام وبعد غيبة طويلة سلام لكل من سأل عني سلام خاص للاخ وليد الذي دائما ما يسأل عني له ولاسرته الكريمة وبنتيه الحلوين يسال منكم الخير جميعا بدون فرز وتبدأ قصتي وبعد غياب دام ثلاثة وعشرون عاما ذهبت للسودان لزيارة الاهل والاقارب ولكن قد هالني ما وجدت من عمران حتي واني لم اجد اثر للشعبية التي لم اتخيل فى يوم من الايام بان تكون بهذا الجمال حيث اختفى البلوك وظهرت العمائر وقد وجدت قله من الاهل والاحباب البعض رحل والبعض قد توفاه الله حقيقه انني زهلت ولكني بكل اسف لم اتمكن من قضاء الوقت الكافى بالشعبية بل تمكنت من مقابلة الابن ماجد محمود ابن الخالة ( شفوقة) رحمها الله واعطيته كرت لاعطاءه للاخ سلامه الصادق وكذلك الدكتورة ستنا ووعد خيرا ولكن للاسف لم يتصل بى احد وحيث ان الاجازة كانت ضيقة جدا ولدي كمية من الاهل متفرقين لم اتمكن حتي من قضاء اي شىء يخصنى وانشاء الله لى عودة لانه السودان صار من احلى ما يكون لذا فمعذرة لجميع الاخوان ولا تنسوا اننا ايضا فى دوامة العمل التى لا تنتهي باي حال من الاحوال وتقبلوا سلامي الى كل الاخوان بالبوست واسف لعدم المواصلة ولنا لقاء باذن الله
احوكم / فيصل عبد الله محمود
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
Quote: ياعابدون الصلح بهناك تم بين عبد الوهاب وخالد العبيد
ونأمل أن يتم الصلح بين أبناء الشعبية عبد الوهاب ( وهبة )
وعادل عثمان ,, هذا مالزم التنويه له ..
|
ياعمدة وهبة صرح بأنو عادل عثمان يعتبر كبيرهم ولابد من الحصل ينعدل ودا تصريح من جانب وهبة انا اعتبرته خلاص صافى يالبن وباقى اخونا عادل عثمان يجى ويوقع التوقيع النهائى عشان يستلم الفانيلة نمرة عشرة ولا ما كدة ياوليد وطبعا بالنسبة لى عادل الموضوع منتهى وتكون بس المشغوليات لانه بعرف انو رجل مشغول جدا ..
حمد الله على السلامة يافيصل وانشاء الله تكون رشحت الشجرة؟ كنت دائم الاتصال على تلفونك فى اليومين الفاتو لكن تلفونك كان مغلق وانشاء الله الشعبية عجبتك .. انا كنت بحاول اتصل عليك لانو قابلت الاخ بلة وطلب منى ابلغك السلام والتحية ..
ياعمدة حننتظر حلقاتك بتاعة الكضمى وعايزنها بالصور ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
حيا الله أهل الشعبية الإسفيرية الحاضرين والمطلين عبر الحائط وجمعة مباركة! ومرحباً بعمدة التوثيق، وينك يا عمدة؟ اتصلت بك على ما أظن اكثر من مرة، جوالك مغلق! بالنسبة لموضوع الكضمي، الشخصية المشهورة في طفولتنا وصبانا، لكن ما شفناه، كان عندنا في الشعبية ما يغنينا عنه! حسب علمي هناك كلام كثير كتب عن الكضمي، إما في بوست بحري طراوة، أو في بوست: مدرسة الخرطوم بحري الثانوية الحكومية، وعلى ما أظن من ذلك البوست تلقيت معلومة أنه وجد مقتولاً في مكان ما! والله أعلم! وحمد الله على السلامة يا فيصل، ظهورك بعد الغياب!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: صلاح عباس فقير)
|
سلامات يا شباب .. وإن شاء الله طيبين ..
الحاج حمد ..كيفك .. والله الواحد ماعارف نمرة السامراب الواحد يتصرف معاها كيف .. لكين عندي فكرة أقول لناس السامراب إنو نسميها السامرية بدل السامراب - عشان يبقي حي بتاع ألاجات .. ساكن وين؟ والله ساكن السامرية :) .. الحلفايا طبعاَ تمام بس كدي نحن زاتو في الأول نشوف راسنا من كرعينا .. زمان الحلفايا دي كنا بنعتبرها من الأقاليم .. يوم كنت بشاغل في واحد زميلنا في الشغل من الحلفايا .. قلت ليهو ياخ حلفايتكم دي من شدة ما بعيدة نحن زمان لمن نكون راكبين قطر كريمة ماشين البلد ، ولمن القطر يصل الحلفايا نكون already نمنا وصحينا .. فقام غضب شديد وقال طيب لمن تصلوا زومتكم ديك تكونوا متوا وحييتوا ؟؟ ههه ..
طبعاَ يا أخواننا نحن بعد كده مفروض نغير نمط السكن بتاعنا والواحد يحاول يبعد من جوطة وسط المدينة الصاخب ويشوف ليهو بيت في ضواحي المدن .. أصلو زمان الناس بتكابس أواسط المدن عشان تكون قريبة من المتاجر والأسواق و..و .. لكين في الزمن العلينا ده يخيل لي تضرب الهمبريب في الضواحي وتحاول نمط التسوق ده تغيره وتتسوق من أسبوع لإسبوع أو كل اسبوعين - ولو الواحد سعي ليهو عربية حتختصر ليهو الكثير من صخب المدن المتزايد (ياخ قول لي إنت زاتك عايش لا متين؟؟).. غايتو الواحد شاف إنو الخواجات كلما تبهرجت المدينة نزحوا قليلاَ إلي أطرافها وخلوا أواسط المدن للأجانب والضهب الفرحانين بالتسكع بين المتاجر والسيوبرماركتات .. كانت معانا واحدة زميلة بلجيكية قالت في حياتها كلها مشت بروكسل مرتين بس - ولا مبالغة - مع إنها ساكنة قريب من بروكسل ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: Munir)
|
تحياتي يا عبدون .. ياخ أنا والله عاجبني إسم الوادي الأخضر ده وداير أعرف بالظبط النمرة بتاعتي دي قاعدة وين وموقعها وين من النيل .. طبعاً قبل كده كان في بوست عن الإسكان الشعبي في الوادي الأخضر وشايف البلد عمرت شديد ذكرتني الحاج يوسف في بداياتها .. لكين أنا غالباَ أميل للسكن شمالاً عشان الواحد يكون قريب من الشمالية وكده ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: مجدي كنة)
|
قائِمة أسماء المُطالبين عادِل عُثمان وعبدالوهاب بِجبر خواطِرُم :
(1) عزام فرح (2 ) عماد أحمد ( 3 ) بدر الدين اسحاق احمد ( 4 ) عبدون محمد عبدون ( 5 ) عماد عبدالله الطيب (6 ) خالد درق (7) شمس الدين ساتي - كما طلب بضمه (8) الحاج حمد الحاج
الأخ عزام عذرا لحضوري المتأخر و يرجع ذلك لمشكلة في الدخول حلت صباح اليوم..تشكر لهذا المجهود ليتصافى الأخوان أولاد الشعبية.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: Emad Ahmed)
|
Quote: بحمدالله عادة اولادى من الاراضى المقدسة بعد اداء مناسك العمرة ربنا يقبل امين يارب
|
تحياتي اخي خالد
الف الف الف حمدا لله على سلامة الاولاد
وعمرة مقبولة باذن الله
Quote: الاخوان بالبوست تحياتى
الحاصل شنو فى كم مداخله حزفت ان شاءالله المانع خير
دكتور عماد وينك طمنا عليك
مودنى لكم ....
|
كل الامور تمام بس شوية زنقة في الشغل بتنتهي الاسبوع القادم
لكن برضو كل ما نلقى فرصة بندي البوست طلة
حذفنا بعض المداخلات حسب طلب الاخوان وليد وعزام
تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
Quote: يا كبير .. ليك وحشــه ..
تكــلــه كــدهـ مــن ( جنينــة فنــوس )
يا عمـــك ( النيل دهـ محجوز مــن زمن مملكة علوة والمغــرة )
سمعت بيــه ابو دليــق .. باقــى ليــه الوادى دهـ بيجــى مارى بيهــا
Quote: وداير أعرف بالظبط النمرة بتاعتي دي قاعدة وين وموقعها وين من النيل ..
|
يامنير بدر الدين دا دايرك تلعب فى الفريق بتاعه ونحن عايزنك وخانتك فاضية .. ياخوى عشرين دقيقة من الشعبية للوادى الاخضر بى عربيتك .. وبعدين يابدر الدين ناس ابودليق والعيلفون والاسامى الكانت فى سقط لقط دى هسة بقت خطوتين مع الشوارع الجديدة وبعدين ياخى الزول قال ليك داير يطلع من العاصمة وزحمتها وترابها ودخاخين هكراتها لى مدن بعيدة تنوم وتصحى .. على مخدات الطرب
| |
|
|
|
|
|
|
|