Quote: يا جماعة البكون عارف فيكم اي خبر او بيقدر يوصل سلامي لي ناس حكمه وسلافه سماح ورماح مصباح بنات خالتي عايدة وعمنا مصباح الكانوا ساكنبين في البيت المقابل لي ناس ربيع شريف كانوا عندهم قرايبهم ناس خالتنا المرحومه عشه كاملين ام ناس عادل بوضيا وناس حاتم ديل قرايب خالتنا عايدة وعمنا مصباح كان مغترب وبيمشي وبيجي وين ما يكونوا ربنا يطراهم بالخير
روما
الأخت مريم.. ناس خالتي عايدة رحلوا من عشرة سنوات من الشعبية.. وحالياً ساكنين في السامراب.. مصباح ما زال في السعودية.. وسلافة(نونا) تزوجت من شقيقي في يوم 13/11/2008 في نادي النخيل بأمدرمان.. وسماح تم عقد قرانها قبل فترة على أحد زملائها والزواج قريب إن شاء الله.. وحكمة تعمل في شركة الآن في الخرطوم.. ورماح خلصت من جامعة التقانة السنة الماضية.. وهم جميعاً بخير وعافية..
11-15-2009, 09:47 PM
Adil Osman
Adil Osman
تاريخ التسجيل: 07-27-2002
مجموع المشاركات: 10208
Quote: والله انا بنوم في اليوم حوالي ثلاثة او اربعة
ساعات فقط بالليل وبالنهار ما بنوم خالص
وبكون عادي جدا ام امير قالت لي انت ما طبيعي
لازم تمشي الدكتور تشوف عدم النوم دا من شنو
وطبعا ما اشتغلت بكلامها واهو الحال ماشي
وسهر في سهر
عمدة صباح الخيرات .. ظاهرة عادية فى دول الخليج بالذات انو الناس متعودة تساهر لغاية الصبح وبالذات الاطفال وانا ماعارف سبب هذه الظاهرة وزى ماقالت دكتورة مريم انو الساعة البيلوجية بتاعة الزول بيحصل فيها اختلال وبعض الناس بيساهروا بالليل ويقوم بمشى الصباح للشغل لكن لما يرجع بيقوم ينوم لغاية المساء ويقوم يساهر تانى وهكذا والنوع دا بيكون حصل ليهو زى ماتقلو انقلاب ..
اقتراحى ليك بسيط وهو انو تحاول تغير نظام الروتين اليومى اللى انت شغال بيهو وبرضو بقترح عليك بعد صلاة المغرب كدة حاول ادخل برنامج رياضى فى حياتك اليومية وممكن تبدأ الرياضة بصورة خفيفة يعنى مثلا ممكن تتمشى مشية رياضية بس تكون سريعة كدة على الكورنيش مثلا لمدة ساعة وبعدين شوية شوية تدخل على المشية دى شوية جرى حسب تدرج حالة اللياقة وبعدها ترجع البيت وتاخد دش والمهم بعد الدش تعمل اضراب عن التلفزيون وتدى تعليمات صارمة للأولاد يمشوا على غرفهم وتطفى ليهم الانوار لأنو الشفع اذا ماطفيت منهم الانوار عمرهم ماحينوموا ليك ثم بعد ذلك تمتنع عن مشاهدة التلفزيون وعن الجلوس على الكمبيوتر - طبعا دا حيحرمنا منك - لكن لمدة كام يوم كدة بس على سبيل التجربة وتقعد مع ام العيال فى الفترة دى وتتفرغ ليها يعنى تبراها لمن تآمن وبعد داك تتناول عشا خفيف وبرضو حاول ادخال تغيير جذرى فى نوعية التغذية بتاعتك وامتنع برضو عن القهوة والشاى او اذا كان صعب تمتنع عنها حاول من المغربية مباشرة تانى مافى شاى ولا قهوة ..
جرب الوصفة دى لمدة اسبوعين اذا قدرت لكن لازم تبدأ بالرياضة ضرورى ثم تغيير عادات الاكل وبطل تاكل اللحمة والمشاوى بالليل ..
11-16-2009, 04:49 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: لو ما بتعاني من اي شي يعني شي شاغلك او اي اعراض جانبيه من السهر تبقى يا دكتور انت سوقود
ياعمدة انا لما كتبت كلامى ماكنت قريت كلام الدكتورة مريم ولقيت نفسى ماجبت شىء جديد وطبعا الدكتورة متخصصة لكن الشىء اللى ممكن اضيفه لى كلام الدكتورة انو اعتبر كلامى من منطلق الكوت بتاع مريم الفوق دا يعنى ماعندك اى حاجة بس تكون سوقود زى ماقالت مريم عشان كدة تقوم تتريض وانفض الجسم دا نفضة قوية بالرياضة وبعد كدة حتبقى زينا تضرب الرز باللبن من الساعة عشرة وتنوم ..
صباح الخير يادكتورة .. ضحكتينى بى سوقود دى وانا كنت بفتش ليها ..
11-16-2009, 05:47 AM
شمس الدين ساتى
شمس الدين ساتى
تاريخ التسجيل: 12-14-2008
مجموع المشاركات: 2642
Quote: عارف الواحد ما عارف كيف يشكرك لانك من تاني خليتنا بي ناس شعبيتنا
الله يديك الفي مرادك وبكل فرحه دخلتها على قلب اي واحد في الشعبيه
لما بيعرف باخبار الناس او لما في الغربه اخيرا لقينا لينا نافذه على الشعبيه
يارب بكل فرحة ربنا يرفع من درجاتك ويعليك
روما
الشكر لكم جميعا و لكل من ساهم فهو بلا شك مجهود جماعي..
عادل محمدعثمان
Quote: بتذكر كان فى يونانى وزوجته عندهم محل فى شارع الجمهورية فى التسعينات بعملوا فيهو سندوتشات الكفتة والكباب بالسيخ. كانت لذيذة جدآ
خلال اجازتي هذا العام مرتين فطرت في هذا المحل و مرة كان معاي سمير جورج كنا راجعين بعد شراء الاذاعات المدرسية قلت لي جورج هنا في يونانيين عندهم سندوتشات رهيبة و فعلا دخلت المحل لقيت الراجل و زوجته اليونانية و ما شاء الله رغم مرور الزمن محتفظين بحيوية و يتحركوا في المحل بسرعة و الطلبات تجيك سريع و سخنة..المحل معروف من زمن طويل و أيام كنا في الخرطوم بنتردد عليهو كتير..
11-16-2009, 06:40 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
صبـــاح الخيـــر ، بالله كيف اخبار الوالد ( عشــه ) ، ان شاء الله تكون بلغت الصحة والعافية ، انا قدر ما حاولت اضع صورة الامورة ( اسيــل )، والامـورة ( عــلا ) بالعرض ما قدرت ، يعني جوار بعض . وربنا يديهم الصحة والعافية .
عزالدين عباس الفحل ابـوظبــي
11-16-2009, 06:51 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
ما عدمناك ياراقي بالله ماتحرمنا بأتصالتك الجميله دي لكن ياعماد ماشاء الله تعرف الان فتحت الجهاز لقيت ليك الصفحة 93 الناس راشنها ليك رش تقيل ياخي روما بتنا دي عسل تجيب ليك كلام توقف فيه يوم كامل وذكريات عجيبه والله حاجات تبكي الانسان واشياء تضحك وخفة الدم هذه من هي صغيرة وربنا يحفظها ويسلمها من كل شر يارب
هذا المقال قراته بالامس من بعض الصحف الامريكية ، وكان الوقت متاخرا وانا في المكتب قبيل خيوط الفجر ، فحفظته في اللابتوب وقلت ارسله في الصباح الي الاخ وليد وكل الاخوة الكرام .
خالد الجندي يكشف كلمة السر التي أدت إلى فوز المنتخب المصري الأحد, 15 نوفمبر 2009
كشف الداعية المصري الشيخ خالد الجندي أنه اتفق مع المنتخب المصري على كلمة سر في المباراة مكنتهم من الفوز على المنتخب الجزائري أمس السبت.
وقال الجندي إن فوز "الفراعنة بهدفين نظيفين على الخضر جاء استجابة لدعوات 89 مليون مصرى " وأضاف انه "خطب الجمعة للمنتخب الوطني واجتمع بهم مع الكابتن حسن شحاته، المدير الفني للمنتخب، وانهم تابوا جميعا إلى الله توبة نصوح".
وأوضح أن من " أجمل الألقاب التي أطلقت على الفريق القومي المصري أنه فريق الساجدين نظرا لانهم ملتزمون أخلاقيا ودينيا".
وأضاف الجندي أنه اتفق مع المنتخب المصري على ترديد كلمة السر فى المباراة وهي "ياحي ياقيوم".
وكان الجندي أقام ندوة دينية قبل المباراة حضرها جميع اللاعبين والجهاز الفني والتي كان عنوانها "الهدوء النفسي قبل المباراة والتركيز المطلوب فى مواجهة الصعاب لتحقيق الأمل والهدف المنشود".
من جانبه، قال الكابتن حسن شحاته المدير الفني لمنتخب مصر "اننا نحتاج إلى دعوات كل المصريين لنفوز في السودان".
ومن جهته، قال جمال مبارك أمين السياسات بالحزب الوطني الحاكم في مصر، إن المباراة الفاصلة بين المنتخب الوطني لكرة القدم ونظيره الجزائري، التي ستقام بالخرطوم يوم الأربعاء القادم، لها حسابات مختلفة عن المباراة التى أقيمت مساء السبت لأن "الفرص متساوية للمنتخبين ونتمنى ان تكلل الجهود بالفوز مرة أخرى لنحتفل جميعا بالفوز والتأهل الى جنوب إفريقيا 2010".
وأكد مبارك أن "هناك العديد من الدروس المستفادة من مباراة السبت، من بينها اننا سنواصل الاهتمام بالرياضة لتخريج أبطال تحقق الانتصارات لمصر في كل المجالات وأتمنى ان نرى الفرحة التي رأيناها والتي جسدت الانتماء للدولة"، مشيرا إلى انه رغم التوتر في الدقائق الأخيرة من المباراة الا إننا لم نفقد الأمل وأخيرا تحقق النصر".
وأضاف "ان أهم نصيحة للنجوم والجهاز الفني هى الاستعداد القوى للمباراة المقبلة خاصة اننا سنواجه فريقا لديه نفس الطموح".
وتابع "بعد زيارة الرئيس مبارك للمنتخب ودعمه للفريق حرصت انا وشقيقي علاء مبارك على التأكيد للجهاز الفني وكل النجوم على استمرار التأييد والدعم للفريق لإسعاد شعبنا".
وشدد على ان "الفريق نجح فى إسعاد الجماهير التى خرجت تعبر عن فرحتها فى كل الشوارع، كما ان الجماهير شجعت في المدرجات بمنتهى الالتزام وبشكل حضاري لنثبت قدرة مصر على التنظيم والاستضافة ونتمنى ان تتكرر الفرحة على أرض الأشقاء فى السودان بعد أن عبرنا مرحلة غاية في الأهمية ولكن لابد من مواصلة الجهد لنصل الى جنوب إفريقيا 2010".
عزالدين عباس الفحل ابـوظبــي
11-16-2009, 07:04 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9027
Quote: صبـــاح الخيـــر ، بالله كيف اخبار الوالد ( عشــه ) ، ان شاء الله تكون بلغت الصحة والعافية ،
الحمد لله الان تمام التمام ياود الفحل طبعا عندها كليه اتوقفت تماما والتانية في مصر قالوا لها لازم تحافظ عليها لان الاولى كان ممكن تؤثر على الاخرى المهم لايمكن استبدال او نقل اي كلى من الخارج وربنا يحفظها ومشكور على سؤالك عنها
11-16-2009, 07:15 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
شكرآ جزيلآ على هذه المساهمات الرائعة. انتظر مزيد من المساهمات التى تثرى الوجدان وتطرب الروح وتعلمنا كل معنى جديد.
اهديكم النور الجيلانى والمندولين اليونانى فى تجلياته السودانية
اخي عادل ود الدكتور سبحان الله كنت عايز اقول ليك شوف لينا خواطر فيل رجعت للصفحة السابقة وجدت عماد عبد الله ماقصر وسبق انت تكلمة عن الماندولين وفعلا اول من ادخله هو النور الجيلاني وبعد الفنان ابراهيم خوجلي (فنان توتي )
11-16-2009, 07:19 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
ياعماد عثمان الشيخ سيد احمد لم يوضح لنا اي شي لماذا توقف عن الكتابة وكل ما اعرفه بقول جاتو رساله من بكري ابوبكر ولم نعرف مضمونها وياريت لو واحد يمتلك رقم تلفونه يسجله لنا لان بصراحة لانحب ان نخسر اي عضو من الاعضاء
11-16-2009, 07:30 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
زي ماقال اخونا اابدون وكلامه صاح مليون الميه رياضه تهد الحيل كدى بالمناسبه في مشروب رياضي اسمو ( الايسوو ستار ) ودا مصرح بيه في عالم الرايضه
ولما يتناوله الرياضين ما بعتبر من المواد المنشطه يعني ممكن في اي لحظه لما يعملوا ليهو اختتبار الاندي دوبنق كونترول يكون جسمه خالى من اي منشطات يعني مسموح به
عندكم منو في الخليج وهو للرياضين وما فيه اي بروتينات مضرة او منشطات بيحتوي على فيتامينات واملاح معدنيه
هو زي التانك كويس معاك العلبه فيها 500 جرام بتشربها في 10 يوم يعني تجيب ليك زمزميه او باقه مويه فيها نص لتر وتقيس بي غطاء
العلبه فيه مازورا قياس اخد ليك 50 جرام قبل ما تمشي اخد العصير دا معاك وما تضيف ليه اي سكر يا دكتور عماد وانت ماشي اديها كل مرة جقمه
لانها بتعوض ليك الاملاح المعدنيه البتطلع مع العرق المصاحب للنشاط الجسماني بالذات الرياضي او من الحرارة العاليه
اها تسعى ليك حذاء رياضي مناسب للمشي لما تمشي المحل تشتريه قول للبيبيع انك عايزة للمشي و جيبه والبسه ولو في بيتك في اسانسير ما تستخدمه ابقى على السلم بس قبل ما تبدا المشي
اعمل تمارين احماء تتذكر قبل الكورة كيف كنتو بتشدوا رجليكم لي وراء يعني تثنوا الركبه ) الكويس المسلمين عشان بنصلي الحمد لله على النعمه بنكون بنستحمل الاحماء )
ويا حبذا لو قمتا سقتا معاك ام امير نورتك في المشي معاك وابداها كل مرة بمسافه بسيطه وكل يوم زيد فيها واهم شي تغشى مع العزيزة ام امير اقرب محل دهب
كم هديه كدة بتستاهل الغاليه ست الناس ( شريكك يا ام امير ما تنسيني )
اها مرة في مرة ويوم في يوم بتلقا نفسك محتاج للنوم ولو اشتركتا في نادي رياضي برضو كويس وابدا شيل اثقال بسيطه ابدا من ناس كيلو وبعد فترة تصلح لقياتك تبدا تذيد
ولو المشي في الكورنيش ما بتقدر عليه في النادي الرياضي بيكون في ممشي امشي عليه وابدا من 3 كليومتر في الساعة وكل مرة ابدا زيد في السرعه وبرضو الاحماء قبل ما تمشي
تبدا البرنامج الرياضي وبعد ما تنتهي لانك بتكون لما عملتا نشاط رياضي او حركي عموما بوتيرة معينه في مادة بتكون اتجمعت في العضلات اسمها الغلووقونيسي
يلا دي هي البتجيب لينا الكسير البنشعر بيهو بعد يوم او يومين من بدايه الرياضه وبتخلينا نكسل ونتجب الراياضة دي لما تخلص من التمارين وقبل ما تطلع من النادي الرياضي تعمل
تمارين التمدد يعني مثلا في اليد تقيف مستقيم وتجيب يدك بقوف راسك وبي يد التنيه برتفعها وتبدا تشد بيها التانيه بس برفق وهكذا
او اقرب حيطه في المركز الرياضي تقيف على مسافه منها كويس معاك بحيث ان يدك تكون بتقد تلامس الحيطه وتديها ضغط يعني تضغط بي يدك على الحيطه
وبعد التمارين دي لو معاك تفاحه تشيلها معاك تاكلها
عارف بالنسبه للوزن المنخفض كدي اعمل فحوصات للدم كويس فحوصات عامه ولي وظائف الكبد والدهون الثلاتيه وناس حديد ... الخ
كويس ونعمل برنامج عذائي بالحاجات الانتا بتحب تاكلها عشان تدخل لو عندك وقت ورغبه تعمل ليك برنامج لي البودي فيتنس لانو البودي بلندق
خلاص اصبح حضارىة سادت ثم بادت وبكدة ح تبين انك بقيت انصح او امتن طبعا اذا انت حابي
ونصيحه مهمه في اي مركز لما تمشي ماتاخد اي منتجات ما تكون معروفه المصدر لانه في بروتينات من البيبعوها بتحتوي على منشطات رياضيه مضرة جدا
او بتكون على شكل مشروبات او شوكولاتات او يقنعوك بي حقن او كريمات او حبوب تبلعها على اساس انها بتذيد من مقدرتك الرياضيه دي ضررها كبير
لانها مكن تخلى الواحد عصبي جدا وسريع الغضب وممكن تميل الى العدانيه او تخليهو يدمن عليها ودا بيعصبو اكتر وبتاثر على الكبد وممكن تؤدي الى الاوارم و السرطانات حماكم الله
برضو بتاثر على صحتك العامه وبتعمل تشوهات في الجنين في حاله حدو حمل سواء الكان بيتناولها الزوج او الزوجه برضو بتصيب الرجال بالضعف وممكن تؤدي الى اورام الثدي عند الرجال
وبالنسبه للسيدات تبدا اعراض ظهور شهر في الدقن او اعلى الشفه وخشونه في الصوت للمراة
يعني شيل اسيو ستار القلتو ليك وامشي بالمناسبه هو متوفر بي نكهات الليمون والبرتقال والتفاح الاخضر واليوسف افندي
ح ارسل ليك التمارين الممكن تساعدك في عمل برنامج بودي فيت نيس وتكسبك كتله عضليه
لكن الهندي قله خيرك يا حليلو عايزك تكون زي الدبابه ولا شنو خلاص لامن تمشي دكانه المرة الجايه ردف كم حاجه وامشي ليهو
معليش على الاطاله
روما
11-16-2009, 07:36 AM
شمس الدين ساتى
شمس الدين ساتى
تاريخ التسجيل: 12-14-2008
مجموع المشاركات: 2642
Quote: ورئاسة النقل النهرى ببحرى . وبعد المعاش ألحقه الخال
شريف طاهر بسفرة شمبات التى أمضى بها بضع سنوات حى نزل
المعاش الثانى وهو الآن بمنزله بالشعبية لكن لكبر سنه
لا يستطيع التعرف على الناس لضعف البصر والسمع. متعه
الله بالصحة والعافية..
ياشمس والدك متعه الله بالصحه والعافية امتلك حب كل ناس الحي وبيني وبينه حب من نوع خاص ويالها من ايام عندما كان يعمل بشمبات يازول بعد المذاكره يدعونا لسفرة الجامعة ونحن طبعا فراعه وعينا قوية نشيل الصحن وكمان نقول بالله كتر من الكبد والسمك (عز .. عز ) بالله تحيات خاصة عندما تصل السودان لوالدك كما لم ننسى والدتكم الطيبة رحمه الله عليها . بالله ياشمس عند حضورك لازم صور من الوالد والاطفال
11-16-2009, 08:09 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
انتى قاصدة رجاء عبد النعيم يامريم وانا بقول ليها التومة لأنه ناس البيت كلهم بيقولوا ليها التومة وهم طبعا معانا هيتة بالهيتة والتومة بالذات معانا زى بت البيت لأنه كانت صاحبة أمانى أختى واقول ليكى الحكاية دى والكلام دا كان فى زواج اختنا أمال وانا جيت فى العرس وكنت جايب قطعة قماشة فستان عشان اديها هدية للتومة وامانى كانت عندها هديتها برضو ويظهر القطعة اللى جبتها للتومة كانت فى الزمن داك موضة وانا ماعارف لأنها كانت قطعة لماعة كدة قالوا اسمها البرادعى وماعارف ليه سموها كدة المهم أمانى شافت القطعة حقت التومة وقعدت تبكى ودعكت ايدها فى الواطة وقالت مابعرف انا دايرة القطعة دى وانا احاول اقنعها اقول ليها ياخى دى صاحبتك والكلام دا ماصاح تقول لى مابعرف صاحبتى ولا ماصاحبتى انا دايراها المهم فى اللحظة ديك طبعا امانى بالبكا والجرسة شالت القطعة بعد ماباعت صاحبتها ونست الصداقة ..
روما استوب قبل ماتهجمى انا برة الشبكة .. على عبد النعيم اخو رجاء عبد النعيم ورجاء عمة ناس امل ديل ايواااا تلك والكلام دا كلو لأنو أمل دى كانت صغيرة ومابعرفها ..
Quote: الرواسى للشاعر حاتم حسن الدابى والفنان جعفر السقيد
دي اغنية من اغاني الطمبور المؤثرة .. ومرد هذا التاثير يأتي من كونها تجسد صورة واقعية و حقيقية لحقبة حكم الانقاذ في السودان بكل تقلاباتة و تحولاتة .. و من مساؤي هذه الحقبة بشكل واضح و سافر باستثار القلة بالسلطة و الجاه و المال .. تفشت المحسوبية و المحاباة للطبقة الحاكمة ، تعددت محاولات الاستيلاء علي خيرات البلد بكل السبل و الطرق المشروعة و غير المشروعة ..و بدت محاربة الناس في ارزاقها بكل الزرائع.. و هي سياسة مقننة و منظمة من التجويع و التشريد ..حتي اصبح السواد الاعظم من عامة اهل هذا البلد من الفقراء ؛ ان لم يكونوا من المعدمين و المعوزين !!! .. مرة الصالح العام و تشريد الاسر و العائللات .. حتي اصبحت من دون عائل .. هجر الناس البلد .. و من هم فيه في سجن كبير .. انعدمت الحريات .. و تفشت البطالة .. و كثير من مظاهر الطغيان التي لا يضيق الصدر بها و يتسع المجال لسردها... قصة من دون نهاية !!؟؟ لذلك لمست هذه القصيدة شئ في اعماق النفس لم تبح به ؛ و انما اسرت به و لسان حالها كحال يوسف عليه و علي رسولنا محمد افضل الصلاة و السلام في قوله تعالي (فأسرها يوسف في نفسه ولم يبدها لهم قال أنتم شر مكانا والله أعلم بما تصفون) .. لكن قريحة هذا الشاعر الملهم تفجرت بسيل من الكلمات و المعاني و التي تاتي من قبيل السهل الممتنع !؟؟ .. وهو كعادة اهلنا الشايقية : وصافين و اغانيهم حنينة و معبرة .. و ذاد من حلاوة القصيدة صوت الطمبور و جعفر السقيد ... اخوانا ما اطول عليكم بمقدمات ما ليها عوزة ..ولكن دي القصيدة الكاملة .. و برضو في الاغنية بصوت السقيد .. تحياتي للكل بدون فرز !!!
بدر مدر يا رواسي نحن بعاد لحقنا القيفة انت مدبج ونحن نقاسى فى برد امشير والموج والزيفة مركبك الماليها مطارق تمشي تقيف تسرح بى كيفه مرة مغارب ومرة مشارق وانت تخاف الريح وحفيفه ساوها زينة وفوقها بيارق وانت مدبج توب وقطيفة فيها المات والضاربه الفالق والسلمين فى حالة مخيفة كل الناس ترزح في كفة وانت وناسك فوق الدفة الدايشين والراسهم لفة والشاخصين فى المدى للضفة صوف افضالك فوقهم جوة فوق الموية وريقهم جفة من العطش النص اتوفى وباقى النص الفضل جيفة .... ضاقوا المر والحال استعصى الشغال واللاحق الحصة الواصال للرحم اتقصة والهداي مو لاقى الفرصة الرساي سافر ما وصى خلى محمد واحمد وحفصة الاطفال العرفو القصة سدت جوة حلوقهم غصة من الجوع الدم اتمصة واصبح كل الحلم رغيفة ..... كل الراكب شاف احلامه دون احساس ماتت قدامه فنُ كتابه وكسر اقلامه لا الوالدين لا جار ما لامه ناس الحلة القعدوا وقاموا اصر والح يمشى كلامه هزموهو اخوانه البى الجوع نامو وكم خريج ما لاقى وظيفة ....... يا الفكيتها وقلت لها سيرى وعارف انه الدنيا دميرى لا فى ضفاف لا شفنا جزيرى لا فى الحيرى ولا في الطيرى كسرت جناحها وقلت لها طيرى اتملكت الكانت ميرى يا السودت الناصع وجيرى ايد الحق صابونى وليفة ...... قبلك كم متعلم وقاري عكس الريح فكولو الصارى مشدوهين متعشى وحارى ريسها شلته والبحارى كم سنوات علام البارى واقفى وهم شايفنها جارى بقينا هلاك والقيف متضارى لا حجار لا دوحة وريفة ..... حسك عينك ما تتمادى وتنسى الراكب عنده ارادة الاهوال الشافها وخاضها كان فى مدرسة والا عيادة شفنا الايد الكان اجوادة يا مبتورة يا شحادة وياما رقاب كانت سدادة علمت الله من التعريفة ...... يا ريسنا قدر مديرك فك الدفة وادها غيرك احفظ نفسك ترضى ضميرك وقف اوع تواصل سيرك كان طاوعتنى شن بيضيرك عرض اكتافك وفك البيرك لا هنى شكرا وكتر خيرك وكل انسان في الارض خليفة
جزيل الشكر للأخ مزمل قناوي على هذه المشاركة
الدسمة ونتمنى منك دوام المواصلة ..
11-16-2009, 11:15 AM
عبدالرحمن إبراهيم محمد
عبدالرحمن إبراهيم محمد
تاريخ التسجيل: 10-02-2009
مجموع المشاركات: 2591
Quote: اخي عادل ود الدكتور سبحان الله كنت عايز اقول ليك شوف لينا خواطر فيل رجعت للصفحة السابقة وجدت عماد عبد الله ماقصر وسبق انت تكلمة عن الماندولين وفعلا اول من ادخله هو النور الجيلاني وبعد الفنان ابراهيم خوجلي (فنان توتي )
عادل عثمان
وليد عبد اللطيف
التحية لكما ولعازف المندلين الشهير سليمان زين العابدين
وهو ملحن الأغنية الرائعة خواطر فيل ويشارك للأن بالعزف
مع النور الجيلاني على آلة المندلين وكان يشارك سابقا
الراحل خضر بشير بالعزف على العود .
11-16-2009, 12:01 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
أخوتي وأخواتي السلام عليكم الشكر لكم لأرائكم حول ما إقترحته بخصوص تبويب الكتيب. وأنا لم أرد إلا تقديم تصور لكيفية تحقيق الفكرة. وأعتقد أن باب تقديم الأفكار ومناقشتها مازال مفتوحاً للجميع. بخصوص ما ذكره الأخ عماد أحمد بخصوص التنقيح فهو أمر لابد منه ، فكثير من المداخلات التي تصلح للبوست الإسفيري قد لاتصلح لكتيب يفترض أن يقرأه الجميع في كل مكان. وبخصوص إقتراح وليد فرأيي أن نحاول إصدار أول عدد من الكتيب ، ثم لنرى النتيجة. وأعتقد أن إنشاء بوست مستقل للكتيب قد يضعف هذا البوست الذي جمعنا . هذه أراء مفتوحة للنقاش ، ولتكن الغلبة للأغلبية.
أخي عزالدين السلام عليكم بادرت تربت على كتفي بيد حانيه وقلب صافي الأخوة ، ولكأنك قد قرأت ما في نفسي من أسي. ولقد أزاحت كلماتك من قلبي جل ما إعتمل فيه من حزن. نعم الأخ أخي عزالدين. ولتبقى أخوتنا في هذا المنبر حصننا الحصين حين تتلبد الغيوم في سماء أرواحنا.
أخوكم أمير قناوي
11-16-2009, 01:57 PM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: وبخصوص إقتراح وليد فرأيي أن نحاول إصدار أول عدد من الكتيب ، ثم لنرى النتيجة. وأعتقد أن إنشاء بوست مستقل للكتيب قد يضعف هذا البوست الذي جمعنا . هذه أراء مفتوحة للنقاش ، ولتكن الغلبة للأغلبية.
اخي امير قناوي كلامك جميل وكذلك عماد عثمان المستقل لتجميع التلخيص فقط ولم نعمل به مداخلات جديده وانا تابعت تلخيصك فكرتك جميله ولكن بتضيع وسط زحمة البوست وخاصة هذه الايام البوست بيمشي بسرعة البرق طيب يا امير انا عندي واحد مفتوح ممكن نرفعة مره اخري ونلخص تلخيص اول به وبعد ذلك كما قال عماد الناس تعمل له تنقيح وهذا تفاديا لاضعاف البوست الام
11-16-2009, 01:52 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
لقطات ثابتة من مسلسل ( وتوالت الاحداث عاصفة) المشهور ويظهر فيها البرادعى - الصورة التانية من الشمال - ببذلته التى ترقش ، ومنها جاءت تسمية قماش فساتين البنات فى الشعبية كما تفضلت روما وعابدون بالشرح من تجاربهم الشخصية.
11-16-2009, 02:29 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
مشكور اخي ود البوب وعماد ومايدهشني من زمان وانا بعرف محمد الهارت هو لاعب شمبات والتحرير ولماذا كان يقال لسليمان زين العابدين الهارت ما عارف وانا بجيب ليكم الخبر الاكيد من اولاد شمبات وقلت عادي ممكن الناس تلقبك على واحد من ناس الحله وزمان كان في الجلسات يعزف لخضر بشير الاستاذ عوض بابكر والناس دي كان بتجتمع في الشعبية في بيت ناس معاز ابو ناس ماو ونهرو وتيتو وتينا وفالنتينا وبعد ذلك اصبح يعزف له سليمان زين العابدين اضافة الى نور الجيلاني ومحمود الحلبي ياحسن عندي امتع شريط مسجل في عام 1990 وعماد عثمان شاهده من قبل خضر بشير ومحمد بشير عتيق وعوض بابكر وسليمان زين العابدين على العود (ومحمود وفخري ) على الايقاع جلسه مامنظور مثيله ..
------------------------- ود البوب إن شاء الله محمد ولدك بتاع كوره بالله شفت كيف سحرة الكره البرازيلية
11-16-2009, 02:25 PM
هشام درماس
هشام درماس
تاريخ التسجيل: 11-08-2009
مجموع المشاركات: 229
الاخ عماد صحيح اسم (الهارت) هولقب للاعب الشهير محمد عثمان الطاهر وهو عازف على الة الكمان من زمان وكان يعزف الكمان والعودمع الفنان الراحل المخضرم خضربشير وكان مدير قسم الموسيقى فى التلفزيون فى فترة التسعينات والان هوبالمعاش والتحيه له فقد وقف معى وساعدنى كثيرفى مسيرتى الفنيه وربنا يجعل البركه فى ابنه فواز محمدعثمان الهارت وهو عازف كمان ماهر وقد عزف معى من زمن وحتى الان وهو السنير فى الاوركسترا له كل الود
11-16-2009, 02:32 PM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
اختفاء الأغنام من شوارع الشعبية يدفع لعمل حدائق جميلة أمام المنازل: أدى اختفاء الأغنام من شوارع الشعبية الى تشجيع بعض السكان على زراعة حدائق جميلة امام المنازل و في الصور يبدو منزل الزعيم المرحوم محمد نور الدين و قد زينته حديقة جميلة تعكس ذوق راقي..
11-16-2009, 02:49 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
روما اشكرك على هذه الهدية اللطيفة. على ذا الكلام الجميل والمعانى الراقية. فعلآ نحن مدينين للشعبية التى زرعت فينا قيم الصدق والحب والوفاء والتضامن والايثار التى حاولت الانظمة ان تغيرها وتشوهها. الحب هو الذى يحرك العالم. هو الطاقة الخيرة والنبيلة. الحب فى كافة معانيه وتجلياته. وانا شخصيآ مدين لحلة حمد. تلك البقعة المباركة النقية والمسالمة حيث قضيت سنوات تكوينى الروحى والعاطفى والعرفانى الاساسية بين اهل وجيران كانت المحبة تميمتهم والمحنة تعويذتهم والطيبة فى الهواء الذى يتنفسونه والماء الذى يشربون، تحفهم روح الشيخ حمد ود ام مريوم، وكافة الاتقياء فى تلك البقعة الظليلة القريبة من النيل، البعيدة عن الشر والخبث والخبائث.
شوفى حلة حمد. انا نشأت فى بيت قريب من مكان السهم الاصفر. مقابلنا كانت جنينة البلدية (فندق قصر الصداقة حاليآ). وشارع اللبخ - شارع البلدية - حيث درست الخلوة لمدة قليلة، ثم درست الروضة فى نادى البحرية التابع للنقل النهرى القريب من هذا المكان. سأعود لأحكى اكثر عن هذا المكان الجميل.
11-16-2009, 05:06 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
روما انا عشت مع اسرتى فى حلة حمد من 1961 او 1962 الى 1966 او 1967 حين انتقلنا منها الى الشعبية. من جيرانا واصحاب خيلانى بتذكر بكرى الهادى وحسن الريح وهاشم الريح ومحمد محجوب كرار ووالدته الحاجة الحرم. ود. جعفر ميرغنى ووالدتهم الحاجة بخيتة وهم انتقلوا من حلة حمد الى الهجرة بعدها. وبتذكر كمان من جيرانا مرتين تومات واحدة اسمها التومة الحمرا والتانية التومة الزرقا. ومن الجيران ايضآ اسرة مصرية اولادهم احمد وعفاف كنا بنلعب معاهم.
11-16-2009, 06:22 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
طيب نفتح الدكان تانى لأنو خالد درق وصل بموضوع حار على النار ..
Quote: الاخ / عابدون تحياتى
الاخوان بالبوست سلام ومبروك ال 93
الاخ / عماد عبدالله تحياتى والله انا عندى نفس المشكله عدم النوم اى فى اليوم بنوم ثلاثة ساعات لكن الحين وبعد ما اقرات ما كتبها الاخ / عابدون والدكتورة مريم الله يديهم العافية الواحد سوف يمشي يجراب هذه النصائح لمدة اسبوعين وبعدين نشوف الحاصل شنوا مع السهر ده
وان شاءالله من اليوم ببداء فى الرجواع الى التمارين حتى الواحد يستفيد والله المعين لان بجد الواحد فى الغربة بيصبح مبرمج على شى واحد هو من الصباح وحتى المساء فى الشغل والوقت البسيط المتبقى من اليوم بكون فى البيت مع الاولاد ودى ضريبت الغربة الابتعاد من الرياضة والاجتمعيات و عدم الاهتمام بالصحة والله يدى العافية والصحة الى جميع الاخوان بالبوست ومشكورين مره اخرى الدكتورة روما والاخ عابدون على النصائح ولكم الود
اخوكم خالد درق ... دبى
11-16-2009, 06:56 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
Quote: من جيرانا واصحاب خيلانى بتذكر بكرى الهادى وحسن الريح وهاشم الريح ومحمد محجوب كرار ووالدته الحاجة الحرم.
اذا كنت تقصد العقيد مهندس حسن الريح شقيق علي الريح فهو دفعة شقيقي الأكبر كمال حمد و الرشيد ساتي و علي الخليفة شقيق عبد الواحد تورو بمدرسة بحري الحكومية و بعد المعاش من الجيش( تقاعد برتبة عقيد) عمل مدير لأحد مصانع باحدى شركات القطاع الخاص حيث كنت وقتها رئيس حسابات بتلك الشركة و حسن الريح شخص على خلق عالي و نهذب جدا و كانت تجمعه علاقات طيبة مع زملائه في العمل.
11-16-2009, 10:09 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: ياعمدة انا لما كتبت كلامى ماكنت قريت كلام الدكتورة مريم ولقيت نفسى ماجبت شىء جديد وطبعا الدكتورة متخصصة لكن الشىء اللى ممكن اضيفه لى كلام الدكتورة انو اعتبر كلامى من منطلق الكوت بتاع مريم الفوق دا يعنى ماعندك اى حاجة بس تكون سوقود زى ماقالت مريم عشان كدة تقوم تتريض وانفض الجسم دا نفضة قوية بالرياضة وبعد كدة حتبقى زينا تضرب الرز باللبن من الساعة عشرة وتنوم ..
مساء الخيرات
يا جماعة رياضة شنو البنقدر عليها
والله الواحد يتكسر تاني لا جبص لا ترمس ما يجيبو
خلونا ماشين جنب الحيط ونبقى على السهر وانا تراني ما براى
معاي اخوى حالد درق بس ما تتورط في الرياضة ام دهب بتاعت
روما
11-16-2009, 10:17 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
روما اخيرآ ظهرتى. انتى البرادعى ولا شنو؟ ههههههه لا شكر على واجب. بعد ده الواحد ممكن يشوف الزول وهو بربرب. فعلآ معرفتك بالناس وذاكرتك زى ما قال محمد كأنك شيخة حلة. انا عايز شهادة مواطنة فى حلة حمد. كيف معاك؟
الحاج حمد كتبت
Quote: اذا كنت تقصد العقيد مهندس حسن الريح شقيق علي الريح فهو دفعة شقيقي الأكبر كمال حمد و الرشيد ساتي و علي الخليفة شقيق عبد الواحد تورو بمدرسة بحري الحكومية و بعد المعاش من الجيش( تقاعد برتبة عقيد) عمل مدير لأحد مصانع باحدى شركات القطاع الخاص حيث كنت وقتها رئيس حسابات بتلك الشركة و حسن الريح شخص على خلق عالي و نهذب جدا و كانت تجمعه علاقات طيبة مع زملائه في العمل.
هو حسن الريح شقيق على الريح والمرحوم هاشم الريح. كانت القوات المسلحة بعثتهم الى الاتحاد السوفييتى لتعلم قيادة الطائرات الحربية ولكن قطعت العلاقات بعد حركة 19 يوليو 1971 (انقلاب هاشم العطا) وعاد الطلبة الحربيون المبعوثون الى الاتحاد السوفييتى وتم استيعابهم فى افرع القوات المسلحة . واظنه اشتغل فى سلاح الاشارة. ثم احيل الى المعاش بعد انقلاب عمر البشير فى 1989.
بالمناسبة نما الى علمى ان الرئيس عمر البشير كان يزور خالى فى حلة حمد عندما كان البشير طالبآ فى الخرطوم الثانوية. خالى من قدامى الاخوان المسلمين فى مصر والسودان. ويبدو ان عمر البشير انخرط فى جماعة الاخوان من زمن بعيد.
11-16-2009, 10:57 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة