كتب الكاتب الفاتح جبرا المتوفرة بمعرض الدوحة
|
Re: رحم الله أختنا العزيزة دكتورة رحاب (Re: عماد الدين عبدالله)
|
Quote: صديقى العزيز ود المزاد حضرة المستشار أبو محمد فؤاد صديق الصبا متعك الله بالصحة والعافية والقابلة كرشك الكبيرة تكون نزلت وصرت زى زمان من غير أبو كرش ونضارة وعقبال لصاحبى برضو عيد سعيد للكل.. |
** صديقى الشرير (ودساتى) ** مساءك خير .. ** تعرف من فوائد الكرش أنو فى الصلاه لمن تخت يديك فى الكرش البارده بتشيل ليك سخانة الكلوسترول وبتشعر بأنك مُتميز لانك عامل زوائد ... ها ها ها ها.. (تحليل غير منطقى وغير طبى) (ودام الود بيننا)
| |
|
|
|
|
|
|
Re: رحم الله أختنا العزيزة دكتورة رحاب (Re: عماد الدين عبدالله)
|
Quote: وفجأة أفقت أنظر أمامي مباني جامدة ووجوه بيضاء شاحبة خالية من التعبير وأوراق وشاشة مزحومة بالعمل المكدس الذي ينتظر السهر الطويل .. وفرت نشوة العيد السعيد .. . . والبركة في غسيل الروح وابتلال العيون .. |
تخيل حتى الواحد اصبح لما يمشي السودان كمان كلامك اضاف المزيد للاحساس تجد اللاعبين في ميدان الصداقة وكانهم اصنام متحجره والمتفرجين الضحكه جامده والتحية الطيبه محبوسه حتى العربات في الطريق مابية الحركة الهواء النظيف ساكن احساس غريب يملوه الحزن مره والحنيه مره ونستسلم لواقع بلدنا الذي قام بتهجير وتسفير كل الشباب الحبيناهم ونرجع نتقوقع في البيت محبوسين اربعة جدران ونرجع الغربة وشايلين الم الفراق مره تانية يالله يامنير السودان حلو ومر وياريت الغسيل يفيد الروح من الترسبات وياريت ابتلال العيون بالدموع تطفي نار الشوق ______________ لو لا دموعي من ناري كنت حرقت ولو لاناري من دوعي كنت غرقت
| |
|
|
|
|
|
|
Re: رحم الله أختنا العزيزة دكتورة رحاب (Re: وليد عبد اللطيف)
|
وليد عبد اللطيف
كل سنة وانت وكل الأهل والأسرة الصغيرة بالف خير يارب
عبد الكريم أحمد عساك من عوادو
تذكرت فجأة من غير سبب أستاذ نصر بتاع الجغرافيا
تعرف الأستاذ دا فصلنا كان موريهو الويل وطبعا هو كان
لسانو ينطق بالنوبية لغتنا( أكثر من العربية) وكان
بفصلنا طبعا صديقى عبد المنعم قمبور وهو كما تذكر
كان ضخما ويتميز بالحس الفكاهى .. كان لايتردد فى
القرقرة كلما نطق أستاذنا بكلمة محرفا لها .. وكان
بالفصل أيضا إبن خالته صديق عزيز لى إسمه عادل الطاهر
(كان زميلى بالأولية بالدناقلة شمال)(أوعك تقرق لأنك
أيضا قريت أولية والسلم التعليمى لحقكم فى رابعة وقريتوا خامسة) نرجع لى عادل ..كان يعنف قريبه قمبور على تصرفه
مع أستاذ نصر .. ومرت السنة وبعدها سنة وأتت دفعتكم ..
وفيها كنا نرى من الشباك أستاذ نصر ينهال عليكم ضربا بالمسطرة وسوط
النيم فعلق قمبور ( خلاص لقا ليهو بعيوات يتفشا فيهم) ههههههههه
هل تذكرونه
كان قد هاجر إلى السعودية. أتى إلى البنك التجارى السودانى
وكان لدينا حساب يخص إتحاد المعلمين(كثيرا ما أتى إلينا أستاذ شريف
بتاع الأحياء والمرحوم محمد الفاتح لتوريد الشيكات وكنت أخدمهم)
أتى استاذ نصر يحمل شيكا وأظنه مكافأة فنظر إلى وأنا أعمل
ثم ضرب الكاونتر لينبهنى لأنه كان يعرفنى لمشاغباتى الكثيرة
فقال سبحان الله إنتا حقو كان يودوك السجن موش البنك فسألته
عن أحواله فقال خلاص خلينا ليكم السودان أعملوا فيهو الدايرنو
متعه الله بالصحة والعافية أينما كان
| |
|
|
|
|
|
|
Re: رحم الله أختنا العزيزة دكتورة رحاب (Re: شمس الدين ساتى)
|
Quote: يا أخوانا قلنا ليكم الصفحة دى مفروض
تكون لأخونا الحردان أبدون ..
أها طفش ومسختو عليهو العيد كمان
تانى كان جاكم بى جاى أحلق صلعة وأنزل صورتى
هنا ..وبدون نضارة كمان |
تحياتي اخي شمس الدين هو عابدون نحن لامين فيه الزول معتكف لحدي هسع ولا شنو الحكاية والله البوست فاقدو لكن ما دام فيها صلعة وصورة حديثة ليك بعدين بتلقاه معاك وطبعا حيكون شرطه الاساسي تنفيذ هذه الوعود من طرفكم والجميع متنازلين ليه من الصفحة 66 لانو رقم مميز وهو المالك الوحيد لكن ممكن يعرضو للبيع حسب الدفع اها يا جماعة همتكم لانو شايف ناس الزقازيق كاسحين كسح شديد ويا سيد الحوش عايزين نفير لانو الشعبية لازم تكون فوق والاولى في كل شئ لكم تحياتي واحترامي
| |
|
|
|
|
|
|
Re: الى اهلى واحبتى (Re: وليد عبد اللطيف)
|
الى اهلى واصدقائى من الشعبيه كل عام وانتم بخير والتحيه موصوله للاخ عبدالكريم ابو محمد فؤاد وكل الكوكبه الرائعه واتمنى انو نعمل لينا منتدى صغير نخدم من خلاله المحتاجين من المنطقه مع تقديرى.
| |
|
|
|
|
|
|
Re: الى اهلى واحبتى (Re: وليد عبد اللطيف)
|
الى اهلى واصدقائى من الشعبيه كل عام وانتم بخير والتحيه موصوله للاخ عبدالكريم ابو محمد فؤاد وكل الكوكبه الرائعه واتمنى انو نعمل لينا منتدى صغير نخدم من خلاله المحتاجين من المنطقه مع تقديرى.
| |
|
|
|
|
|
|
Re: الى اهلى واحبتى (Re: د.محمد بابكر)
|
كل عام وانتم بخير لكل اعضاء البوست وغيرهم
من المشاركيين،وعيديه خاصة لوليد عبداللطيف الحريف القلم والقدم،علي نشاطه الحيوي بالبوست. وللمنضميين حديثا عماد وعماد. قطعنا عنكم مشغوليات وظروف قاهره،وحتي يعود العراب للحديث بقيه. دمتم
| |
|
|
|
|
|
|
Re: الى اهلى واحبتى (Re: الفاضل يسن عثمان)
|
Quote: ياعمده يسمهم بس اخونا عابدون يطلع من الاعتكاف |
حبيبنا وليد من ناحية يسمهم يسمهم ويسمهم ويسمهم ويا عابدون كفاية تعال شغلت البال وشمس الدين مقدم ليك عروض كويسة في انتظارك يا حبيبي مع كل الود والاحترام
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: سلام يا ناس عبركم ارسل تحاياي الى خيلاني في الشعبية عائلة ابو دية |
الاخ العزيز طارق جبريل كل عام وانتم بخير ناس المغرب ديل زي ما قلت بقوكم فلاته عديل مررت على البوست بتاعك وربنا يحفظ الاولاد من العين وما شاء الله عليهم ونحنا راجنوا يبقي لينا محمد السابع نعم الخيلان رواد التعليم في بحري والتحية موصولة للمربي الفاضل عبدالمنعم وللاخوان صلاح وخالد مع احترامي وتقديري
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: كل عام وانتم بخير لكل اعضاء البوست وغيرهم
من المشاركيين،وعيديه خاصة لوليد عبداللطيف الحريف القلم والقدم،علي نشاطه الحيوي بالبوست. وللمنضميين حديثا عماد وعماد. |
الاخ العزيز الفاضل كل عام وانتم بخير ولك كل الشكر وفي انتظارك مع احترامي
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: الاخ العزيز طارق جبريل كل عام وانتم بخير ناس المغرب ديل زي ما قلت بقوكم فلاته عديل مررت على البوست بتاعك وربنا يحفظ الاولاد من العين وما شاء الله عليهم ونحنا راجنوا يبقي لينا محمد السابع نعم الخيلان رواد التعليم في بحري والتحية موصولة للمربي الفاضل عبدالمنعم وللاخوان صلاح وخالد مع احترامي وتقديري |
عماد كيفنك يا سيدي شكرا ليك طبعا اكثر خيلاني شهرة في التدريس هو علي ابو دية وفي الغناء ابراهيم ابو دية رحمة الله عليه وكنت حكيت لي خالي علي عن بوستكم دة وحملني امانة اسلم علي كل الطلاب الدرسوا عنده
| |
|
|
|
|
|
|
Re: الى اهلى واحبتى (Re: طارق جبريل)
|
Quote: عماد كيفنك يا سيدي شكرا ليك طبعا اكثر خيلاني شهرة في التدريس هو علي ابو دية وفي الغناء ابراهيم ابو دية رحمة الله عليه وكنت حكيت لي خالي علي عن بوستكم دة وحملني امانة اسلم علي كل الطلاب الدرسوا عنده |
سلام طارق المربي الفاضل علي ابو دية كان مديرنا في مدرسة الشعبية الابتدائية جنوب وكان نعم الوالد والمربي المرحوم ابراهيم ابو دية تعرفه بحري باخلاقه العالية وروحه الطيبة الف رحمة عليه وقول لاستاذنا الفاضل علي وصلت امانتك وقول ليهو طلابك ما شاء الله نالوا اعلى الدرجات العلمية وهذا بفضل الله وفضلكم يا طارق والله عندي استاذ عزيز على شديد وعايز اعرف اخباره ولو امكن تلفونه درسني في الابتدائي وهو كان مقيم مع الاستاذ علي ابو دية في البيت الاستاذ العزيز سعد محمد عمر تميم لك كل الود والاحترام
| |
|
|
|
|
|
|
Re: الى اهلى واحبتى (Re: صلاح عباس فقير)
|
كتب عماد الدين:
Quote: ازف التهاني القلبية الحارة لابنة اختي أريج الطيب عبدالسخي بمناسبة النجاح والانتقال الي السنة الخامسة بكلية الطب جامعة نهر النيل والتهاني ايضالاخيها احمد الطيب عبدالسخي بمناسبة النجاح والانتقال الي السنة الثانية مختبرات طبية بكلية الخرطوم للعلوم الطبية |
خالص التهنئة يا عمدة، والتحايا موصولة للرجل المحترم الطيب عبد السخي! وكتب شمس الدين:
Quote: وأيضا إبنتى أمل إجتازت إمتحان السنة الأولى بنجاح
فى هندسة كمبوتر جامعة مامون البرير لعلوم التقانة
وعبرت للسنة الثانية |
مبارك لك يا أخ شمس الدين، مع أمنياتنا بدوام التوفيق والنجاح، في الدنيا والآخرة! وكل عام وأنتم بخير!
| |
|
|
|
|
|
|
Re: الى اهلى واحبتى (Re: صلاح عباس فقير)
|
Quote: صادق التعازي والمؤاساة لابناء العم المرحوم عبد الحميد الأخوان طارق ووليد وياسر وخوجلي ومحمد الفاتح بالشعبية جنوب في وفاة والدتهم التي انتقلت للرفيق الأعلى هذا اليوم . . لاحول ولاقوة الا بالله وانا لله وانا اليه راجعون . . اللهم اغفرلها وارحمها وعافها واعفو عنها واكرم نزلها ووسع مدخلها واغسلها بالماء والثلج والبرد يارب نقها من الخطايا كما ينقى الثوب الابيض من الدنس يارب ابدلها دارا خيرا من دارها واهلا خيرا من اهلها وزوجا خيرا من زوجها وادخلها الجنة واعذها من عذاب القبر ومن عذاب النار يارب جازها عن الإحسان احسانا وعن الاساءة عفوا وغفرانا يارب عاملها بما انت أهله ولا تعاملها بما هى اهله فإنك اهل التقوى واهل المغفرة يارب لا تحرمنا اجرها ولا تفتنا بعدها واغفر لنا ولها ولسائر المسلمين .. ! |
آمين يا رب العالمين! والتعازي موصولة للإخوة الأعزاء طارق ووليد وياسر وأشقائهم!
| |
|
|
|
|
|
|
Re: الى اهلى واحبتى (Re: صلاح عباس فقير)
|
وكتب عمدة:
Quote: المربي الفاضل علي ابو دية كان مديرنا في مدرسة الشعبية الابتدائية جنوب وكان نعم الوالد والمربي |
نعم والله، ولا زالت سيرته تعطّر ذكرياتنا الجميلة عن تلك الأيام! له التحية وفائق الاحترام والإجلال! وله ولآل أبودية جميعاً أزف التهنئة بالعيد، فكل عام وأنتم بخير!
| |
|
|
|
|
|
|
Re: الى اهلى واحبتى (Re: صلاح عباس فقير)
|
كتب عمدة:
Quote: الاستاذ العزيز سعد محمد عمر تميم |
نعم أستاذ سعد رغم أنه قضى في المدرسة فترة قصيرة، لكنه ترك أثراً كبيراً في نفوس طلابه! التحية له ولجميع أساتذتنا الأفاضل في مدرسة الشعبية جنوب الابتدائية! ورحمة الله تغشى من توفأه الله منهم، وبهذه المناسبة أدعو عماد ومنير وأمير وعز الدين عباس وعموم خريجي مدرسة الشعبية جنوب إلى وقفات نستذكر فيها ذلك العهد الجميل، ونذكر فيها أساتذتنا الكرام وأخبارهم وأحوالهم! وحقيقة أنا كنت من قبل كتبت موضوعا تحت عنوان: "حدث في مدرسة الشعبية جنوب الابتدائية" وتطرقت فيه إلى الجانب السلبي! والذي لا زلت أصر على أنه سلبي وخطير، ولكنه طبعا لا ولم ولا يمكن أن يؤثر على الجانب الإيجابي المشرق الجميل! =============================================================================================================== أستاذ حسن "حسن محمد عثمان" كان مع أستاذ فضل "الفضل أحمد الفضل" رحمةالله عليه، يقومان بجهد كبير في حثّ الطلاب على المذاكرة، بمختلف الطرق، ومن ذلك إعدادهما المادة الدراسية بصيغة السؤال والجواب! أستاذ حسن الآن مقيم في الرياض، التقيته صدفة في أحد المساجد قبل حوالى سبع أو ثمان سنوات، وما شاء الله قمة الصحة والعافية والشباب! طبعاً ترك التدريس من زمن بعيد! =============================================================================================================== إذن، هذا نداء للإخوة خريجي مدرسة الشعبية جنوب الابتدائية، ليتذاكروا ذلك العهد الجميل، أو أكثر من ذلك!
| |
|
|
|
|
|
|
Re: الى اهلى واحبتى (Re: وليد عبد اللطيف)
|
Quote: عبد الكريم أحمد عساك من عواده تذكرت فجأة من غير سبب أستاذ نصر بتاع الجغرافيا تعرف الأستاذ دا فصلنا كان موريهو الويل وطبعا هو كان لسانو ينطق بالنوبية لغتنا( أكثر من العربية) وكان بفصلنا طبعا صديقى عبد المنعم قمبور وهو كما تذكر كان ضخما ويتميز بالحس الفكاهى .. كان لايتردد فى القرقرة كلما نطق أستاذنا بكلمة محرفا لها .. وكان بالفصل أيضا إبن خالته صديق عزيز لى إسمه عادل الطاهر |
** صديقى ود ساتى "الشرير" ** صباحك خير.. ** بهذه الذكرى وهؤلاء المُعلمين الشوامخ أعدتنا وعقارب الزمن الى السبيعنات ,, وأذكر انو كان عندى كراس جغرافيا مُجنن ليك الخرائط بالالوان ويجلس جنبى جنابو الشيخ الكدرو وهو كان كقنبور فى فصلكم وكثير الضحك عى لكنة استاذ نصر .. ** فما كان من أستاذ نصر إلآ أن طلب منه كراس الجغرافيا فوجد الخرط بقلم الرصاص ولاتوجد إى بيانات عليها وكان كراسى فى يده فقال له :- بالله ياجماعه دا طالب ودى طالب ... فكان رد الشيخ اهو بتلوينك دا جبت لينا المطره... ** التحيه والتجله لكل معلمى بحرى الحكوميه فى السبيعنات والرحمه والمغفره لمن غادر منهم هذه الدنيا الفانيه..
## عادل الطاهر (ود عمك الطاهر الطهار) :- أين هذا الاسم الآن آخر معلومه عنه أنه تخرج من كلية التربيه جامعة الخرطوم فى نهاية السبيعنات "قسم اللغه الفرنسيه" على مأأذكر .. (ودام الود بيننا) (ابو محمد فؤاد)
| |
|
|
|
|
|
|
Re: الى اهلى واحبتى (Re: وليد عبد اللطيف)
|
سألت عليكم العافية ياعمدة وتحياتى وكل عام والجميع بخير .. مشكور على الاتصال يا ابو محمد فؤاد ووليد على السؤال .. وهبة عيدنا عليك لى وراء ولغاية هسة عيديتنا فى الهواء أها النقول ليك انا خلاص غيرت رايى وما حأجى فى عيد الضحية وعفيتك من الخروف بس تعال بى جاى .. شمس الدين انا ماحأنزل ليك اى صورة هنا وانت موت من الشمار .. ابو محمد فؤاد لسة شباب وقيافة قايلة بقى مكرمش زيك ولا عشان ماقاعد يرد عليك ياحاقد عايز تتسلبط وتعمل فيها قدره ..
صلاح عباس منور " الفجة " والله بطلعاتك الرشيقة .. ياحليل ناس وليد بالطلعات الرشيقة دى .. يامنير كنا متابعين البرنامج بتاع الجالية فى بروكسل وقلنا نلقاك حايم .. كل سنة وانت والاولاد بألف خير ..
| |
|
|
|
|
|
|
Re: الى اهلى واحبتى (Re: د.محمد بابكر)
|
Quote: الى اهلى واصدقائى من الشعبيه كل عام وانتم بخير والتحيه موصوله للاخ عبدالكريم ابو محمد فؤاد وكل الكوكبه الرائعه واتمنى انو نعمل لينا منتدى صغير نخدم من خلاله المحتاجين من المنطقه مع تقديرى. |
** ود بابكر عبدالله. ** كل سنه أنت والاسرتين الكبيره والصغيره بصحه وعافيه..
| |
|
|
|
|
|
|
Re: الى اهلى واحبتى (Re: عبدالكريم أحمد الامين)
|
Quote: حسب الدفع اها يا جماعة همتكم لانو شايف ناس الزقازيق كاسحين كسح شديد ويا سيد الحوش عايزين نفير لانو الشعبية لازم تكون فوق والاولى في كل شئ |
** ناس الشعبيه وبحرى:-
** الكلام الفوق دا ماتتجاهلوه فعلاً وماشاء الله وعينى بارده الجماعه ديل مركبين تورينات المانيه صفحتهم بتعمل ود القلباوى فى 8 ساعت بس من اول رمضان البوست عدادو قالب 24 صفحه ,, همتكم حتى يكون بوست الشعبيه هو الرقم المُميز (1)... (ودام الود بيننا) (ابو محمد فؤاد)
| |
|
|
|
|
|
|
Re: الى اهلى واحبتى (Re: شمس الدين ساتى)
|
Quote: وهبة عيدنا عليك لى وراء ولغاية هسة عيديتنا فى الهواء أها النقول ليك انا خلاص غيرت رايى وما حأجى فى عيد الضحية وعفيتك من الخروف بس تعال بى جاى .. شمس الدين انا ماحأنزل ليك اى صورة هنا وانت موت من الشمار .. |
العزيز عابدون كل سنة وانت طيب يا اخوي بشوف القلب وحبابك في عيد الضحية رغم انو الخرفان غالية لكن احتمال نضبح ليك انت زول ساهل ياخ
_____ صلاح عباس تقبل الله الصيام والقيام وعيدك مبارك
____ ابو محمد فؤاد كل سنة وانت طيب
____ ياجماعة الحاج حمد معيد في السودان ؟ عشان نشوتو ليكم بواحد زيارة لمن يتكيف
| |
|
|
|
|
|
|
Re: الى اهلى واحبتى (Re: عبدالوهاب علي الحاج)
|
العزيز عابدون كل سنة وانت طيب يا اخوي بشوف القلب وحبابك في عيد الضحية رغم انو الخرفان غالية لكن احتمال نضبح ليك انت زول ساهل ياخ
ياوهبة
الزول دا كان جاك بى هناك ضحى بيهو وبإذن الله أضحية مقبولة
الفتوى دى صححة مية المية من المستشار عبد الكريم
| |
|
|
|
|
|
|
Re: الى اهلى واحبتى (Re: شمس الدين ساتى)
|
Quote: حسب الدفع اها يا جماعة همتكم لانو شايف ناس الزقازيق كاسحين كسح شديد ويا سيد الحوش عايزين نفير لانو الشعبية لازم تكون فوق والاولى في كل شئ
** ناس الشعبيه وبحرى:-
** الكلام الفوق دا ماتتجاهلوه فعلاً وماشاء الله وعينى بارده الجماعه ديل مركبين تورينات المانيه صفحتهم بتعمل ود القلباوى فى 8 ساعت بس من اول رمضان البوست عدادو قالب 24 صفحه ,, همتكم حتى يكون بوست الشعبيه هو الرقم المُميز (1)... (ودام الود بيننا) (ابو محمد فؤاد)
الجماعة ديل جارين جرى على الصفحة 62
زى ما قال الزول داك جارى ..جارين بى ورا
يلا همتكم ما يحصلوكم أبدا
| |
|
|
|
|
|
|
Re: الى اهلى واحبتى (Re: شمس الدين ساتى)
|
Quote: أهو صاحبك ظهر يا عبد الكريم |
** ود ساتى (الشرير) ** صاحبى ماصلوا ظاهر وباين .. (من أقوال ترباس)
Quote: ياوهبة الزول دا كان جاك بى هناك ضحى بيهو وبإذن الله أضحية مقبولة الفتوى دى صححة (ماصحيحه) مية المية من المستشار عبد الكريم.. |
** من أين حصلت على هذه الفتوى ؟؟ ** حول حق الفتوى والاستشاره بنديك الفتوى مُعلبه ومعاها CD هديه وساعه وفى روايه أُخرى فريم نضاره .. *** أها قصرنا معاك..
### عابدون *** صاحبك طالما الموضوع جاب ليهو عبدالدافع حيضحى بنفسو ... (ودام الود بيننا)
| |
|
|
|
|
|
|
Re: الى اهلى واحبتى (Re: شمس الدين ساتى)
|
Quote: الزول دا كان جاك بى هناك ضحى بيهو وبإذن الله أضحية مقبولة |
ياشمس كدي خليك من الفتوى بتاعة عبدالكريم انا اضحي بعجوز (سديس) والله الزي عابدون دا تشدو من اول يوم لرابع يوم ما ينجض الزي عابدون دا ما بتاكل الا فرم
| |
|
|
|
|
|
|
Re: الى اهلى واحبتى (Re: عابدون محمد عابدون)
|
Quote: انت عبد الكريم دا قدرك؟ ماتبطل السلبطة .. انت قدر الزول الفنان الكبير الخاتيهو بدل صورتك واظنكم كنتوا بتلعبوا سوا .. |
** عابدون.. ** مساءك خير.. ** المعلومات المتوفره عندى أنو "الشرير" وعد أُسرة دفعتو المعلق صورتو "الله يرحمو" بأن يبنى ليهم سبيل حديث (نظام ثلاجات مياه + جنريتر + فلاتر لتنقية المياه الطينيه).. ### قال الجماعه بيتصلو عليهو والرد :- صاحب هذا الرقم لايمكن الوصول إليه حالياً ولا مُستقبلاً.. (ودام الود بيننا)
| |
|
|
|
|
|
|
Re: الى اهلى واحبتى (Re: عبدالوهاب علي الحاج)
|
Quote: ابو محمد فؤاد كل سنة وانت طيب |
** ود على الحاج ** كل سنه أنت والشعبيه والاولاد وسيد الديوان اللامى ناس الشعبيه بخير وصحه وعافيه.. ** ومعاً حتى تكون النجمه التى تتوسط ست الهوى والطراوه رقماً لايمكن الوصول إليه ,, كحال سيد البلد. (***) والنقاط دى للجماعه عشان مايزعلو من كلمة سيد البلد وسيد أبوها كمان.. (ودام الود بيننا) 0ابو محمد فؤاد)
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: وبهذه المناسبة أدعو عماد ومنير وأمير وعز الدين عباس وعموم خريجي مدرسة الشعبية جنوب إلى وقفات نستذكر فيها ذلك العهد الجميل، ونذكر فيها أساتذتنا الكرام وأخبارهم وأحوالهم! |
شكرا اخي صلاح على هذه الدعوة لقد بدات انت بالتوثيق ونحن على دربك سايرون انها فعلا تستحق التوثيق بدا من مدرائها واساتذتها وطلابها وعم صديق وحتى مبانيها ولا تنسوا مدرسة الشعبية الابتدائية بنات وعم الشيخ وزي ما بسموها مدرسة عشمانة نسبة الى مديرتها الاستاذة عشمانة والحيطة المفتوحة بين المدرستين لزوم التوأمة يا له من زمن شكرا اخي صلاح وسوف نرجع للتوثيق
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: وفعلا العمادين ضربت معلم واضافة للشعبية. |
تحياتي اخي وليد اولا نشكر الاخ بكري ابوبكر وبنقول ليه كل سنة وانت طيب ومباركة خاصة ليهو من ناس الشعبية وبحري ست الهوى لقد بدات الاضافات الحقيقية بك وبالاخ صلاح عباس وبعدها انا وعماد عثمان ونطمع من الاخ العزيز بكري ان يكملها لنا بالاخوين عزالدين عباس وخالد درق ولكم تحياتي
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: ## عادل الطاهر (ود عمك الطاهر الطهار) |
الاخ العزيز المحترم ابو محمد فؤاد لك كل الود من منا لا يذكر الطاهر الطهار من منا لم يرقد تحت رحمة مقصه وادواته الجراحية لعملية الختان وايضا عمنا خضر علي الحسن لم يبخل ايضا بمقصه وادواته في ختان معظم ابناء الشعبية فلهم كل التجلة والتقدير والاحترام ايضا كان له من الابناء كمال الطاهر ومنزلهم كان فاتح على سهلة الجو قبل بناء مستشفى احمد قاسم اين هم يا ترى الآن مع تحياتي
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: سألت عليكم العافية ياعمدة وتحياتى وكل عام والجميع بخير .. |
الاخ العزيز عابدون لك كل الود وكل عام وانتم بخير سعيدين جدا بظهورك في الساحة يعني في ميدان الرابطة اها همتك معانا والـ 66 خالينها ليك وطبعا شفت عروض ود ساتي مع تحياتي
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: عابدون.. ** مساءك خير.. ** المعلومات المتوفره عندى أنو "الشرير" وعد أُسرة دفعتو المعلق صورتو "الله يرحمو" بأن يبنى ليهم سبيل حديث (نظام ثلاجات مياه + جنريتر + فلاتر لتنقية المياه الطينيه).. ### قال الجماعه بيتصلو عليهو والرد :- صاحب هذا الرقم لايمكن الوصول إليه حالياً ولا مُستقبلاً..
|
---------- طبعا والله ياعبد الكريم المساكين ديل " قلة " مايلقوها طالما المحكاية فيها عبد الدافع ..
| |
|
|
|
|
|
|
Re: الى اهلى واحبتى (Re: عابدون محمد عابدون)
|
Quote: ياوهبة
الزول دا كان جاك بى هناك ضحى بيهو وبإذن الله أضحية مقبولة
الفتوى دى صححة مية المية من المستشار عبد الكريم |
بالله شوف كمية الفتن دى كلها .. يعنى الكلام موجه لى وهبة ومستشهد بى عبد الكريم وكله كضب .. طبعا مامريخابى ..مثال سيىء لى أهل النجمة الآفلة ..
| |
|
|
|
|
|
|
Re: الى اهلى واحبتى (Re: عابدون محمد عابدون)
|
Quote: ياشمس كدي خليك من الفتوى بتاعة عبدالكريم انا اضحي بعجوز (سديس) والله الزي عابدون دا تشدو من اول يوم لرابع يوم ما ينجض الزي عابدون دا ما بتاكل الا فرم |
ياوهبة الزول دا بطيخابى بتاع فتن ..
قلت لى فرم؟ انشاء الله الفرم ( ضم الفاء )يقفلوك جواهو اربعة يوم... باربكيو يعنى ..
| |
|
|
|
|
|
|
Re: الى اهلى واحبتى (Re: عابدون محمد عابدون)
|
طبعا والله ياعبد الكريم المساكين ديل " قلة " مايلقوها طالما المحكاية فيها عبد الدافع ..
عشان كدا أستاذ حسن كان بيديك صفر فى الإملاء
قلت لى شنو ا وهبة سدس وما بيتاكل إلا فرم هههههها
| |
|
|
|
|
|
|
Re: الى اهلى واحبتى (Re: شمس الدين ساتى)
|
ناس الشعبيه كل سنه وانتم طيبين والتحيه لكم مره اخري تحيه للصديق وليد عبداللطيف وشمس الدين ساتي وابومحمد فؤاد ووهبه وعمادالدين عبدالله وعماد وزير التوثيق للحاج حمد ولجاري الدكتور امير قناوي ولكل الذي لم يرد زكره .
Quote: تخريمة: الأخ حمزة الكوبي .. نعم أقيم إقامة مؤقتة في بلجيكا .. إنت برضو من عندينا..؟؟. |
انا ومعتز المقبول يامنير عمد في مدينة انتويرب ....اسأل اي زول في انتويرب بوصلك لينا ونتمني التواصل وتقبل تحياتي وتحيات معتز المقبول وكل البحراويين ببلجيكا
| |
|
|
|
|
|
|
Re: الى اهلى واحبتى (Re: شمس الدين ساتى)
|
QuoteQuote: : وفعلا العمادين ضربت معلم واضافة للشعبية. |
ياعمده تم تعديل ضربت معلم الى (ضربة معلم) وهي الصحيحه وهنا نفتقد الحاج حمد لتعديل مثل هذه الاخطاء عندما كنا نراسله . احيانا الاخطاء ماتعرفها إلا لما تقراها مره اخرى واهم شي الفكرة وصلت ليك وفهمتها.
_____________________________ بعدين ماتنسى كسرة اللسان بتاعت الدناقله تلازمنا احيانا حتى في الكتابه عشان كده اللغه الانجليزية بسيطة بالنسبة لنا اكثر من اللغه العربية
| |
|
|
|
|
|
|
Re: الى اهلى واحبتى (Re: عابدون محمد عابدون)
|
ياوهبة صاحبك فيصل ايام العيد مقفول فى استوديوهات الشروق فى دبى للإعلام وانا مشيت عنده امبارح وعيدت عليهو لكن اكيد انو حيكون فى السودان فى عيد الاضحى ... ..... ..... انا برضو .. أها .. شمس الدين ابعد من هنا .. جر
| |
|
|
|
|
|
|
Re: الى اهلى واحبتى (Re: عابدون محمد عابدون)
|
الأرباب "حاج حمد" وصلتني تهنئة العيد وحاولت الرد بذات الكيفيه ولكن يبدو أن الشبكه كالعاده سيئه جدآ..مبارك مقدم العيد.
شمس الدين ساتي شكرآ على التهنئه وتقبل الله تعالى الصيام والقيام.
عماد ود حلتنا..شكري الجزيل على الرد..أسأل الله تعالى أن يتقبل صالح دعاؤك للوالد..خالص التحايا إلى "نادر"و"أسامه"
ولكم من الود أكمله
| |
|
|
|
|
|
|
Re: الى اهلى واحبتى (Re: الشيخ سيد أحمد)
|
Quote: عماد ود حلتنا..شكري الجزيل على الرد..أسأل الله تعالى أن يتقبل صالح دعاؤك للوالد..خالص التحايا إلى "نادر"و"أسامه"
ولكم من الود أكمله |
الاخ العزيز الشيخ سيد احمد تحياتي ربنا يتقبل كل موتانا ويرحمهم ويظلهم بظله يوم لا ظل الا ظله اخي لقد حضرت عدة مرات لقضاء الاجازة او في الاعياد الى الامارات ولم اكن اعرف انك موجود بها لي اصدقاء كثر متوزعين بين ابوظبي ودبي والشارقة وعجمان والعين ان شاء الله يكون لنا لقاءات باذن الله
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: أسأل الله تعالى أن يتقبل صالح دعاؤك للوالد.. |
يابركة العيد واليوم السعيد الف رحمة ومغفره تنزل على عمنا سيد احمد ياشيخنا اخبارك وكل سنه انت والاسره تامين ولامين اتصلت على صاحبك مغيره طه للمعايده بس مااشتغل بينا
| |
|
|
|
|
|
|
Re: الى اهلى واحبتى (Re: عماد الدين عبدالله)
|
الأعزاء ناس الشعبية ( أحلى ناس )
كل التحايا والتقدير لكم جميعا
وكل عام وانتم بخير
وعيدكم مبارك
. . . طبعا عندي فرمان قوي جدا لدخول البوست ده منحني اياه العزيز عزام باعتباري متزوج من الشعبية احدى حفيدات الخليفة أبو طربوش .
| |
|
|
|
|
|
|
Re: الى اهلى واحبتى (Re: البشير دفع الله)
|
Quote: الأعزاء ناس الشعبية ( أحلى ناس )
كل التحايا والتقدير لكم جميعا
وكل عام وانتم بخير
وعيدكم مبارك |
البشير ياود ابوطربوش تعال داخل ساكت سيد الحوش مشى مشوار وراجع . وكرّم من الخبيز بتاعنا ده معمول بالسمن البلدي وكل سنه وانت طيب
| |
|
|
|
|
|
|
Re: الى اهلى واحبتى (Re: وليد عبد اللطيف)
|
اكتب بفحمة المحبة الاســفيرية على كل ابواب الشعبية
حضــرنا... ومكانتكم فى قــلوبنا ...
كــل ســـنة ... وانتم عافية وصحـــة...
والســـنة دى .. ربنا يحقق الامانى ...
الامضاء
عــادل والاسرة
الشعبية . واشـــنطون ..
والامانى موصـــولة لجيراننا فى المــزاد (ناس عبدالكريم.. (ابومحمد)... وعمــوم اهــل بحرى ..
| |
|
|
|
|
|
|
Re: الى اهلى واحبتى (Re: Adil A. Salih)
|
الله اكبر.. الله اكبر .. الله اكبر.. لا اله الا الله.. الله اكبر .. الله اكبر .. ولله الحمــــد ...
من مسجد السيد على الميرغنى بالشعبية شــمال ... تعلو الاصوات ...
.. فى الطريق الى صلاة العيد .. سالنى ابنى عن العــيد فى الشعبية .. له فيها ذكريات .. اجملها عن.. الركشة والكارو والبوش (موية
الفول) ... ســرحت .. (ارعى غنم ابليس فى الشعبية ) .. تداعت لى
الصورة متكاملة بكل تفاصيلها لصباح العيد (الصغير) ... وكيف كنا نفرح بالعيدية..
وادرك ادراكا تاما ماذا تعنى زنقة الترزى يوم الوقفة .. فقد كان الجقدلى ترزى لا يشق له غبار ...يواصــل عمــله حتى الساعات الاولى
من صباح يوم العــيد..
جريت على طوطحانيات او مرجحانيات ذلك الزمان الطفل فى ميدان الرابطة والاسم الاصلى ميدان الفلاح ؟؟ فى رواية من حفروا البحر .. بحر
الكورة فى الشعبية ؟ ..
وقفت اترحم على روح والدى ووالدتى .. وتذكرت العم الامام محمد الحسن كانكيج ... وعم شريف .. رحمهما الله ..
صباح العـيد عندنا فى البيت كان يبدا مع صلاة الصبح ... الوالد رحمه الله كان كعادته دائما ... صلاة عيده فى الضريح .. ضريح
السيد على الميرغنى .. بحلة خوجلى.. ومن هنالك يذهب لمعايدة اخوان واخواته بالاملاك والختمية وثم يعود الى الشعبية ..
الوالدة رحمة الله عليها .. وشاى اللبن فى ذلك الصباح .. له مزاق طعم خاص ..
طعم غير (على قول الجماعة) ... وبالبسكويت .. والكعك .. المصنوع بالايدى ؟؟ وهى قيمة لم نعرف (غلاتها) الى بعد هـجرتنا ؟؟ فعـضوا على
خبيزكم بالنواجز يرحمكم الله .. وحافظــوا على صنعه بالايادى ؟؟
المرحوم حافظ حسن صالح ... وعودته من السعودية .. وامامته لصلاة عيد فطر تلك الســنة ... وقد شكل ذلك قـدوة لبعض الامهات يتمنين ان
يتبعها اولادهن.. ات شاء الله تبقوا زى حافظ ... مشى السـعودية فنان .. ورجع امام جامع .. يا للـصلاح والنجاح فى الدينا والاخرة باذن
الله . رحم الله حافظ رحمة واسعة واسكنه فسيح جناته .
تذكرت المرحوم عمى شريف .. غفير مدرسة الخشــب الابتدائية ... والذى اشتهر بالاضافة الى طاااعميته المبالغة والفخيمة .. انه
مســحراتى الحـى وانه كان (يضرب النوبة .. ضرب .. فتئن .. وترن..) .. يتجول فى ذلك الصباح فى شوارع الحى المختلفة ... يوزع الفرح
للاطفال الذين يتحلقون حوله والدعابات للكبار وهم فى طريق عودتهم من الصلاة وكيف ان الناس كانت تجود عليه بالهدايا .. علية الرحمة.
المرحوم عمنا ومولانا كانكيج رحمه الله اول امام لهذا المســجد ... اذا لم تخنى الذاكرة يامنير ... كانت صلاتنا خلفه ودروسه غرس لشجرة
الاســلام المتســامح فى قاموس وعينا المتكون وفى حياتنا .. نشكره من بعد الله عليها .. فقد كان علية الرحمة .. نقى تقى .. ذو مقدرة
فائقة واسلوب متفرد فى الوعظ والارشـاد .. مدعوما بظرافة التعبير وسلاسة المنطـق ... تضيف اليه (الكنة) الشايقية بعدا ثالثا من
الجمال ..
اصــطـفوا .. فالندعوا سبحانه وتعالى ان يغفر لكل امواتنا ويدخلهم فسيح جناته ...
وكل عام واهـــل الـشعبية بخير ....
| |
|
|
|
|
|
|
Re: الى اهلى واحبتى (Re: Adil A. Salih)
|
تحياتي اخي البشير دفع الله المتزوج من الشعبية دا بخش قبال ناس الشعبية دا ساتر عرضنا ويا هو ركيزتنا وكمان بتزكيتك من ود القبايل ود الملوك عزام والله انت تقعد محلنا ونطلع نحنا اكان المحل بقى ضيق عليك ابقى لاجوهـ وحبابك الف مع كل الود والاحترام
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: اكتب بفحمة المحبة الاســفيرية على كل ابواب الشعبية
حضــرنا... ومكانتكم فى قــلوبنا ...
كــل ســـنة ... وانتم عافية وصحـــة...
والســـنة دى .. ربنا يحقق الامانى ... |
اخي عادل واسرته الكريمة لكم منا التهاني القلبية الحارة بمناسبة عيد الفطر المبارك اعاده الله علينا وعليكم بالخير واليمن والبركات
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: المرحوم حافظ حسن صالح ... وعودته من السعودية .. وامامته لصلاة عيد فطر تلك الســنة ... وقد شكل ذلك قـدوة لبعض الامهات يتمنين ان
يتبعها اولادهن.. ات شاء الله تبقوا زى حافظ ... مشى السـعودية فنان .. ورجع امام جامع .. يا للـصلاح والنجاح فى الدينا والاخرة باذن
الله . رحم الله حافظ رحمة واسعة واسكنه فسيح جناته . |
امامته صلاة العيد تلك السنه لم تنسى رحمه الله واسكنه فسيح الجنات ورحم جميع من فقدناهم من الحي يالله حبيبنا عادل علي صالح بالله كيف اخبارك وانا جيت قريب من السودان كل الاهل تمام التمام والحديقة من انظف حدائق الحي ولسه الناس مشغوله بالكوره وهلال مريخ والدفوري في الملعب الصغير بتاع الحله والعيال كبرت والكتوف اتلاحقت وبقينا نلعب معاهم شفت كيف الزمن .
______________________ تحايا خاصة الى اخونا جمال الثعلب
| |
|
|
|
|
|
|
Re: الى اهلى واحبتى (Re: اسامة سعد)
|
الراجل الطيب عمادالطيب سلآمات ياخى و شكرا على ابداعاتك وطبعاانت بقيت سيد بيت وبتقلب فى الصفحات تحياتنا للأخ اسامة
أقف تكريما وعرفانا للأستاذ الجليل على ابودية وكل اساتذتنا فى الشعبية جنوب - الأستاذ حسين حاج أحمد والأساتذة حسن وفضل(عليه الرحمة)- سعدتميم- طه عبدالرحمن مصطفى - محمد عثمان- عبدالمنعم- سمير
تصحيح -أستاذ سعد لم يتزوج شقيقة اخونا وحبيبنا جمال المنا شقيقه الباشمهندس عبدالقادر تميم هو المتزوج شقيقة جمال التحية لهم جميعا
| |
|
|
|
|
|
|
Re: الى اهلى واحبتى (Re: اسامة سعد)
|
اسامة وعادل على صالح والله مشتاقين .. كل سنة وانتم واولادكم بخير وعافية ..
Quote: الاخ / عابدون تحياتى
الاخوان بالبوست واهل الشعبية السلام وعليكم ورحمة الله وبركاتة
الاخ / وليد عبداللطيف مشكور على المعايده يا فنان والوالده بخير والعيد معاى تمام الحين انا فى اسطنبول تركيا وغداً ماشى جزيرة اسمها يلوا اجلس بها 5 ايام ثم ارجع الى دبى دعواتك ياوليد
ولك الود
اخوك خالد درق
|
| |
|
|
|
|
|
|
Re: الى اهلى واحبتى (Re: اسامة سعد)
|
وليد عبد اللطيف تحياتنا ليك مع العيد السعيد ومن خلالك تحياتنا للاخوة سامى جمعة وصلاح بوارث وعليك الله لو بتعرف على شابو وبتقابله بلغو تحياتنا
الحاج حمد فى انتظار عودتك
وهبة سلام سلام سلام (3 مرات)
امير قناوى اظهر وبان وليك الأمان
| |
|
|
|
|
|
|
Re: الى اهلى واحبتى (Re: اسامة سعد)
|
الى جميع اهلنا ناس الشعبيه وناس الشعبيه الفي الشتات..كل عام والجميع بخير وعافيه.. وربنا يحقق اماني الجميع وينصلح حال البلد وننجم في حضنها .. ويعيده علينا باليمن والبركات..ده اول عيد لي من 9 سنوات..والله العيد في كندا احلى منه كثير.. كثير من الممارسات القديمه والجميله باتت تضمحل واولها زيارة الجيران ..الحصل اني كنت مهيئء روحي لي لفه طؤيله مع الجيران لقيت اته الحكايه تم اختصارها على كم بيت والبيوت الفي الشارع بس.. سالت ليه طنطنوا والفهمتو انه الدنيا اتغيرت.. اتحوقلت ولزمت البيت والظاهر انه الانقاذ عودت الناس على كده لانه ثاني يوم وثالث يوم يشهد الله الكهربه قطعت..وتبكي بس.. المهم البركه في النفس الطالع ونازل..
ولكم مودتي
| |
|
|
|
|
|
|
Re: الى اهلى واحبتى (Re: عزالدين محمد عثمان)
|
Quote: وليد عبد اللطيف تحياتنا ليك مع العيد السعيد ومن خلالك تحياتنا للاخوة سامى جمعة وصلاح بوارث وعليك الله لو بتعرف على شابو وبتقابله بلغو تحياتنا |
وانت طيب يا اسامه سعد تخيل امس بالليل اتصل عليّ( صلاح بوارث )وبيسأل عن ناس الشعبية وسوف تصل الامانه وماتحمل هم وسوف اقابل صلاح بوارث يوم الاحد القادم لان صاحبك للان بلعب دافوري
| |
|
|
|
|
|
|
Re: الى اهلى واحبتى (Re: وليد عبد اللطيف)
|
Quote: الراجل الطيب عمادالطيب سلآمات ياخى و شكرا على ابداعاتك وطبعاانت بقيت سيد بيت وبتقلب فى الصفحات تحياتنا للأخ اسامة
أقف تكريما وعرفانا للأستاذ الجليل على ابودية وكل اساتذتنا فى الشعبية جنوب - الأستاذ حسين حاج أحمد والأساتذة حسن وفضل(عليه الرحمة)- سعدتميم- طه عبدالرحمن مصطفى - محمد عثمان- عبدالمنعم- سمير
تصحيح -أستاذ سعد لم يتزوج شقيقة اخونا وحبيبنا جمال المنا شقيقه الباشمهندس عبدالقادر تميم هو المتزوج شقيقة جمال التحية لهم جميعا |
اووووهـ الحبيب اسامة سعد كل عام وانتم بالف خير يا اسامة الكبير كبير انتو اهل الدار ونحن الضيوف لكن يظهر ضيوف دمنا تقيل ما دام بقينا نقلب في الصفحات المهم الشعبية تكون فوق والله يا اسامة ايام الابتدائي دي اجمل ايام شفت استاذ مصطفي كان عندي كف يدوش الراس وطبعا كنا بنخاف منه موت وحسين المدير ( ساراتانا) وغيرهم شكرا على التصحيح وما تختفى ساعدنا بالتوثيقات لهذه المدرسة العريقة مع كل الود والاحترام
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: حياتي اخي البشير دفع الله المتزوج من الشعبية دا بخش قبال ناس الشعبية دا ساتر عرضنا ويا هو ركيزتنا وكمان بتزكيتك من ود القبايل ود الملوك عزام والله انت تقعد محلنا ونطلع نحنا اكان المحل بقى ضيق عليك |
كل التحايا والتقدير دكتور عماد الدين شرف لي هذا المكان بينكم وأنتم نعم الأهل والعشيرة
وود القبايل عزام كان محقا في اكرامكم ورفادتكم لأنسابكم وأرحامكم وأنتم أهل لذلك وأكثر .
وكل عام وأنتم بخير
| |
|
|
|
|
|
|
Re: الى اهلى واحبتى (Re: وليد عبد اللطيف)
|
Quote: لبشير ياود ابوطربوش تعال داخل ساكت سيد الحوش مشى مشوار وراجع . وكرّم من الخبيز بتاعنا ده معمول بالسمن البلدي وكل سنه وانت طيب |
الله يكرمك أخوي وليد عبد اللطيف لي الشرف أن أكون ود أبو طربوش رحمه الله أو من أحد زريته , ولكنني ناسبته فقط بالزواج من احدى حفيداته وبالتالي أصبحت أحد أبناء الشعبية بالمصاهرة ان جازت التسمية . احترامي وتقديري لكم جميعا
| |
|
|
|
|
|
|
Re: الى اهلى واحبتى (Re: البشير دفع الله)
|
Quote: لي الشرف أن أكون ود أبو طربوش رحمه الله أو من أحد زريته , ولكنني ناسبته فقط بالزواج من احدى حفيداته وبالتالي أصبحت أحد أبناء الشعبية بالمصاهرة ان جازت التسمية . |
تحياتي الاخ البشير ناسنا بقولوا النسيب عين الشمس يعني ما بتقدر تعاين ليهو ما ياهو الساتر العرض تقدر تقول ليهو حاجة ولا تلت التلاتة كم يعني نحنا ما بنقدر نعاين ليك الدار دارك اخمج زي ما عايز والبتقولو نحنا وراك تب ما مخالفنك مع ودي واحترامي
| |
|
|
|
|
|
|
Re: الى اهلى واحبتى (Re: عماد الدين عبدالله)
|
أهلي ناس الشعبِية ... كُل سنة وإنتُم طَيبين ... تعود الأيام
مُدمدِمين بِالغُربة وظاهِر عُرانا بِخيشًا وبالي ... حليل العيد الكاسي دِياري وفقيرًا و والي ... يِمْه مرقو العِيال في بِلادي ومحبوسين عِيالي ...
| |
|
|
|
|
|
|
Re: الى اهلى واحبتى (Re: شمس الدين ساتى)
|
Quote: أهلي ناس الشعبِية ... كُل سنة وإنتُم طَيبين ... تعود الأيام |
ود القبائل ود الملوك عزام كل عام وانتم بالف خير ونحنا بنقول للعيد مبروك عليك ود القبائل ود الملوك انت ما باركوا ليك العيد لانو العيد بتبارك بيك مع ودي واحترامي
| |
|
|
|
|
|
|
Re: الى اهلى واحبتى (Re: عماد الدين عبدالله)
|
حبيبنا سيد الحوش عاشق النجمة لك كل التقدير وطبعا انت الايام دي ترفل بين شوارع الشعبية وبحري مستمتعا بالعيد بين الاهل ربنا يعيده على الجميع باليمن والبركات اخي ارجو ان تعمل مسح كامل لك شئ ايجابيا وسلبيا ويكون مدعوم بالصور لو امكن وبعد ذلك عرضه للجميع من خلال حوشك وتتم مناقشة كل البنود واتخاذ القرارات المناسبة ودمت زخرا للشعبية مع احترامي
| |
|
|
|
|
|
|
Re: الى اهلى واحبتى (Re: عماد الدين عبدالله)
|
عمادالدين عبدالله
Quote: الاخ العزيز عابدون خليك قريب الصفحة دي باذن الله حتقلب اليوم وطبعا انت مقدمة ليك عروض ولا احلى من حبيبك شمس الدين |
ليه كِده يا عِماد ... معليش إتْ جديد ما عارِف الحاصِل شنو ... شوف يا خوي كلامك الفوق ده بِخلي آبدون ونديدو شمس يِحرِسو البوست ده باقي يومم ده ... والناس دول ناس كُبار شي سُكري وشي ضغط أجارك الله ... حرام عليك كِده الزول الإسموشمس مِن كتره ما كبير قالو بتجهز لِصلاة الجمعة مِن يوم الأربِعاء ...
| |
|
|
|
|
|
|
Re: الى اهلى واحبتى (Re: عزام حسن فرح)
|
عزام قريبى .. كل سنة وانت طيب
عيدت عليك فى الصفحة 64 ومريت كمان
على بوست صحبانك والله كانت قعدة ياريت
كنت معاهم كنت أقله شربت فنجان قهوة
ما علينا .. الصفحة قاعد ليها حتى لو بعد الساعة حداشر بالليل
عشان صاحبك ما يقلبها ويجى (على قولك يتعن(.........) علينا)
حداشر بالليل دى بقينا نخاف منها حتى فى السودان زمان
الواحد طالع من ناس حلوة أو مستورة أو ثلاثة بيوت الفى
المزاد وشايل البتاع الواحد يقوم صوف على بيت ناس الكوتش
كمال حسب الله لو كنا فى المزاد.. وجرى نضيف على بيت ناس صاحبى
أبو عفان لو كنا فى الشعبية.. زمن الله لا عاده( بينى وبينكم
الحنين فى) بالمناسبة ناس كمال حسب الله ديل مشيت ليهم مع صديق
العمر ربيع محمد شريف (قريبهم من الشيخ الطيب)
| |
|
|
|
|
|
|
Re: الى اهلى واحبتى (Re: شمس الدين ساتى)
|
Quote: ما علينا .. الصفحة قاعد ليها حتى لو بعد الساعة حداشر بالليل |
** صديقى ود ساتى "الشرير" ** مساءك خير.. *** إنت مُتأكد من كلامك الفوق دا ,, الدوحه بكره فيها إجازه ,, غايتو لو إنتظرتها لغاية حداشر بالليل هو وينا العيون البتشوف بعد الوقت دا.. (ودام الود بيننا)
| |
|
|
|
|
|
|
Re: الى اهلى واحبتى (Re: شمس الدين ساتى)
|
## شايف عابدون مُتحرك من جنب أجزخانة السنجك إستعداداً للرقم المُميز ## ** تعرف ياود ساتى الرقم فى الإمارات المزاد بتاعو بيبدأ من 75000 درهم ومُمكن يصل الى 3000000 درهم معقول عابدون يضيع ثروه زى دى.. (ماتخاف بيديك الفيها النصيب) (ودام الود بيننا)
| |
|
|
|
|
|
|
Re: الى اهلى واحبتى (Re: عزام حسن فرح)
|
Quote: حبيبنا سيد الحوش عاشق النجمة لك كل التقدير وطبعا انت الايام دي ترفل بين شوارع الشعبية وبحري |
باقي ليك ياعماد بيقدر يمشي في شوارع الشعبية بعد النتايج المخيبه للمريخ وبالزات بزوغ من وهبه
| |
|
|
|
|
|
|
Re: الى اهلى واحبتى (Re: وليد عبد اللطيف)
|
Quote: والحديقة من انظف حدائق الحي |
العزيز ولــيدعبداللطيف
تعرف ياولـيد حكاية نظافة (نضافة) الحديقة دى .. فى واحدة من المكالمات مع الاخ حـبدر
من سنوات ســالتو كيف الحلة والشــارع .. قال ليه الناس كويسين ... والشارع بـدل كان
فيهو كوشـة واحدة بقوا كوشتين ؟؟ ما عرفت افسرها كيف ؟؟
وربنا يديم النظافة ..
جمــال جـسور الشهير (بالثعلب) ..وقد بلغ العافية كاملة وهو تمام التمام .. بعد ان لزم سـرير المستشفى ..
وســلامك يصــل كامل الدســم ؟
تســــلم
الاصــدقاء شــمـش الدين، عزالدين ، بدرالدين ، عبدالكريم، عبدون ، الجاج، اسامة، صـلاح ، وشكوكو ، عادل ، عماد وعزام
والاســتاذ حســن طه .. وكل من مر من هنـــا .. ادام الله ايامكم اعيادا وصحة وعافية وعيــد سعيد..
| |
|
|
|
|
|
|
Re: الى اهلى واحبتى (Re: Adil A. Salih)
|
Quote: ليه كِده يا عِماد ... معليش إتْ جديد ما عارِف الحاصِل شنو ... شوف يا خوي كلامك الفوق ده بِخلي آبدون ونديدو شمس يِحرِسو البوست ده باقي يومم ده ... والناس دول ناس كُبار شي سُكري وشي ضغط أجارك الله ... حرام عليك كِده الزول الإسموشمس مِن كتره ما كبير قالو بتجهز لِصلاة الجمعة مِن يوم الأربِعاء ... |
عزام اخوي تحياتي الايام دي اجازة العيد وقلنا الجماعة ديل يا ها دي فرصتهم حبة سهر وقلبة صفحة والبدقس فيهم الله معاه ونحنا بنسوقها ليهم لحدي قريب مكان القلبة والنائم الله معاه
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: ما علينا .. الصفحة قاعد ليها حتى لو بعد الساعة حداشر بالليل
عشان صاحبك ما يقلبها ويجى (على قولك يتعن(.........) علينا)
|
العزيز شمس الدين الحكاية دي ما بتصل حداشر ابقى قريب وعابدون لابد ليك ولا شنو لسع ما طلّ غايتو الصفحة دي نزلت من الكبري وماشة علي الشعبية اوع تمشي جاي ولا جاي عابدون وابو محمد فؤاد تلقاهم في الـ 66 انا سايقها ليكم بخليها ليكم مع لفة شارع الشعبية ( الاجزخانة ) وبنتظركم هناك اها قصرنا معاكم
تحياتي
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: اوع تمشي جاي ولا جاي عابدون وابو محمد فؤاد تلقاهم في الـ 66 انا سايقها ليكم بخليها ليكم مع لفة شارع الشعبية ( الاجزخانة ) وبنتظركم هناك اها قصرنا معاكم |
** يادكتور.. ** مساءك الله بالخير.. ## صاحبى الشرير هسه بياكل فى الرز باللبن مع الملائكه.. ## أها الصفحه عابدون قاعد ليها جنب أجزخانة السنجك وماخد راحتو فى المسطبه ,, وأنا خاتى لى كراسى جنب بيت ناس عمك حسن جردل ,, غايتو صاحبى الشرير إلا يدخل ليها بشارع الخور .. (ودام الود بيننا)
| |
|
|
|
|
|
|
Re: الى اهلى واحبتى (Re: عماد الدين عبدالله)
|
Quote: حداشر بالليل دى بقينا نخاف منها حتى فى السودان زمان
الواحد طالع من ناس حلوة أو مستورة أو ثلاثة بيوت الفى
المزاد وشايل البتاع الواحد يقوم صوف على بيت ناس الكوتش
كمال حسب الله لو كنا فى المزاد.. وجرى نضيف على بيت ناس صاحبى
أبو عفان لو كنا فى الشعبية.. زمن الله لا عاده( بينى وبينكم
الحنين فى) |
الاخ شمس الدين بمناسبة الحنين دي واحد حكى لي قصة قال عندهم واحد في البلد بحب المريسة حب شديد وقام تاب سنين طويلة ما قرب عليهاوفي يوم الجماعة جابوها في البيت وهو قاعد الجماعة اخدوا ليهم طلعة كدا اخونا قام ليك عليها ما خلى فيها الحبة ومسح شنبو وقال ليها الله يقطعك انتي لسع في حلاتك ديك ,عشان كدي ابعد من الحنين مع كل الود
| |
|
|
|
|
|
|
|