يا سمسم القضارف الزول صغير ماعارف ياقليب الريد كلما هديتك شارف **** حبيب تعال نتقادم نسير سوى ونتكالم اطير حدى واختفو من العالم **** يايمة لاتدقنو العقر مابلدنو الفين جنيه من امه مابجيبنو ****
شديتو فوق الهولو وندهت ليهو رسولو حبيب الروح محل مايروح بنزورو **** حبيب بريدك ريدة ريدة الحمام لى وليدها حبيب تعال خلى النتم الريدة **** يايمة مانى وحيدى شايلة الصغير فوق ايدى مابى الفراش وداير الرقاد فى ايدى حبيب بخاف العقبة وبسدر معاك العتبة عقد السوميت يالدلدلوك فى الرقبة **** السمسم الداقنو تحت السرير داسنو يالله هوى وينو الحبيب دايرنو **** الاصفر الهنودى حاربت ليك بلودى الله الكريم يتم لى مرودى **** امانة ياغزيل فى فرعك المميل حبيب الروح محل مايميل بنميل **** طلعت فوق التمر بشوف جلابة التمر حبيب الروح المال فداية العمر السرتى اب حباكة التحتو الناس تتباكى ان جانى الموت ما بكفنونى بلاك **** السمسم الفى الغابة العرفة فينا اتغابى يمكن جفا ويمكن عليهو رقابة الكرب المتنى دايراك حزام لى بطنى الله الكريم من نارك الشوتنى
الخيانات شنو يا عزام قلنا الصفحة دي خليناها لواحد من الثلاثة شمس عابدون ابو محمد فؤاد الاسرع فيهم ووقفناها في الاجزخانة ونزلناانت طوالي شلت المفتاح وكسحت بيها يعني سهرة الجماعة ديل طلعتها ليهم شمار في مرقة اتلومت يا عزام مع تحياتي
09-23-2009, 07:41 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
عمدة ياصاحبي العزيز قوم بالجماعة جكة سريعة عشان تلحق ناس ابوالشموس الصفحة الجاية سريع .. وبالله يا جماعة الدورة الجاية ساعة تقربوا للقون دردقوها لشمس الدين وخلوه براه ..
. . .
لكين غايتو لو جلاها ......
09-23-2009, 08:05 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
Quote: مهم ما قالوا بسهاروا معانا في شان الصفحة دي والله اللوم راكبنا راكبنا من ساسنا لى راسنا
الديناصورات دول بِنومو بعد العشا ما عليك ... أمانة الصَبَونه مو سمحه شباب وحيَوية ... هسِع أنا يادوب مارِق أشوفلي حفلةً أتلَمْ عليها ... ما قُلتلك الصَبَونه سمحه بِالحيل ...
09-23-2009, 09:31 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: عمدة ياصاحبي العزيز قوم بالجماعة جكة سريعة عشان تلحق ناس ابوالشموس الصفحة الجاية سريع .. وبالله يا جماعة الدورة الجاية ساعة تقربوا للقون دردقوها لشمس الدين وخلوه براه ..
حبيبنا الغالي منير والله فاقدنك شديييييييييييد والله الصفحة الفاتت خليتها مقنطرة فوق كوم تراب وقلت ليهم اها شوووووتوا قعدوا يتضايروا جاي وجاي والله لو قالوا ليها اف كانت خشت اها تاني اسوي ليهم شنو لمن جاء عزام اخوي وقال ليهم نحنا نستناكم لحدي ناس الزقازيق يجيبوا خبرنا غايتوا لما يصحوا بيجيبوا خبروا لكن ما فات شئ بنقنطرها ليهم تاني بس انت امسك عزام قوى مع كل الود والاحترام
09-23-2009, 10:08 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
عزام يا ود القبائل ود الملوك يا عز شبابنا وفخرنا انت البتريدو دا ما خلاص هلت عليه ليلة القدر والله هم يتحبوا ويتحبوا ويتحبوا وربنا يديهم العافية والله هم فاكهة البوست لهم كل الحب والتقدير والاحترام
09-23-2009, 10:42 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: الديناصورات دول بِنومو بعد العشا ما عليك ... أمانة الصَبَونه مو سمحه شباب وحيَوية ... هسِع أنا يادوب مارِق أشوفلي حفلةً أتلَمْ عليها ... ما قُلتلك الصَبَونه سمحه بِالحيل ...
اخي عز الشباب عزام اهديك قصيدة الشاعر جبران خليل جبران
هو فخر الشباب وهو الفتى
هو فخر الشباب وهو الفتى =يحفظه الله فاقد النظراء يا حكيما على الحداثة في= السن تقدمت سنة الحكماء لم نحدث فيما نحدث عن= مبتكر ما ابتكرته في العطاء وحلى العقل فيك شتى =وأحلا ها لدى الأزمة ابتدار الذكاء تنظر النظرة البعيد مداها= فترى ما بكن قلب الخفاء تتقي الخطب في مظنته= وهو جنين في مهجة الظلماء هكذا هكذا الرجال أول العزم =فعش سائدا ودم في صفاء وابلغ الغاية التي تبتغيها =من فخار حق ومن علياء صانك الله والعروس مديدا= في سرور ونعمة ورفاء
09-23-2009, 10:53 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
مجلس الشيوخ بالشعبية يفتقد هذه الايام امناالحاجه فاطمة عيسى امدّ الله في عمرها وربنا يقبل عمرتها وترجع سالمة وغانمه الى اخواتها وهم في اتم الشوق اليها ولها مهام خاصه بجمعية العده الخاصه بمربع 6/7 وهم تفننوا في العمل الاجتماعي بحنكة ادارية ولا يكلون ولا يملون في عمل الخير وياربي اعطيهم قدر نيتن واحفظهم برعايتك يالله امهاتنا احبابنا ونور عيوننا ونقول لي اخونا الارباب (صلاح كراكة ) جزاه الله الف خير وهو بار بامه ويأتي بها الى عمرة رمضان وكل التحايا الى باقي الاخوان صديق والصادق وخالد ومحمد ولا يفوتني ان نترحم على عمنا عثمان قيلي الف رحمة ومغفره تنزل عليه دي ونسه خاصة مع الحاجة حاجه فاطمه مبروك لوليدك الصادق والله العروسه سميحه ومتعلمه وبالرطانه (دهن مسي) وعقبال تشوفي وليداتم وتعرسي ليهم . وكل عام وانتم بخير
(( الحاجه آمنه والحاجة نفيسة والحاجة فاطمه ثم الحاجة فاطمة )) وهن في إجتماع مغلق لمناقشة الميزانية وأمور تخص العضوية خاصة وأن هناك مستأجرين جدد قد وفدوا للحي أو أن هناك قادمين جدد للحي . هذه الجمعية خاصة بمربع 6 / 7
مع الحاجه فاطمه من اليمين والدة اخونا السعيد ومن هنا ليهم الاف التحايا وكل عام وانتم في اتم الصحه والعافية عِلا ياخواني ام الصادق كراكه اشهر منو وتفوقت على ابنهارئيس رابطة جنوب بحري بجامعة القاهرة في شكل الادارة .
اعزائي متصفحي بوست الشعبية لكم كل الود تصفحوا البوست وانتم تستمعون الى المادح الجيلي الصافي او الفنان عبدالكريم الكابلي ولو في اي طلبات جاهزين والتوصيل الى المنازل
09-24-2009, 06:26 AM
شمس الدين ساتى
شمس الدين ساتى
تاريخ التسجيل: 12-14-2008
مجموع المشاركات: 2642
الما متحدة لقيت نفسي صحيت الساعة خمسة الصبح QUOTE] تحياتي اخي شمس الدين نحنا نوصي فيك ما تمشي بعيد ما تمشي بعيد الجماعة لابتين ليك اها انت باريت لي القذافي نومك صحاك الصبح لكن جماعتنا ديك ما عارف الحصل عليهم شنو لحدي هسع ما ظهروا اها دي بنقنطرها ليك بدري يعني قبل ما تعشوا الشفع بس خليك جاهز وانا وصيت منير يمسك عزام تحياتي
09-24-2009, 11:00 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: والبى بى سي بتقول إكتشفوا علاج جديد للسرطان
..إنتو سرطان الصلع والكرمشة دا ما لقو ليهو علاج؟
حاكم عندنا واحد هنا محتاج ليهو بشدة عشان ينزل صورة
وجيهة
تحياتي شمس الدين والله العلاج دا اكان لقيناه نحنا ذاتنا مغروضين فيهو لكن زولك دا لسع شباب بس هو ما عايز ينزل ليك الصورة خايفك تسحروا بس انت قول مقدما ما شاء الله تبارك الله وعيني باردة هو بنزل ليك الصورة مع كل الود
09-24-2009, 11:08 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
الاخ شمس الدين ما لقيت ليك اغنية جاي تترجاني فيديو بجيك بعدين اكان ما لقيتها بنزلها ليك اوديو لكن اتصبر ببعض اغاني الفنان الكبير عثمانحسين لحدي بعدين لاني ماشي المطار واحد زميلنا جاي الآن
09-24-2009, 11:46 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
مشكور ياعماد على الجيلي صافي ياخي هذا الشاب يزيد المديح طلاوة بصوته القوي الجميل _________ يظهر الهكر دخل وغير صورة الحاجة فاطمة والدة الارباب (صلاح كراكة )
09-24-2009, 11:52 AM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
الشاطر عزام تقعدوا تكاكوا بره وتجونا تمسكو البوست من نهايتو وتنظروا وترموا بجنس الكلام ده
Quote: الهكر أخير مِنك ... هسِع وكتين أُمهاتنا ديل الإتنين < فاطمات > والإتنين < حجْن > نفرِزِن كيف ... عاد رضعني ... والله مِن الزعل تخلو الواحِد ما يِصلي صلاة العصُر زاتا
وعامل لينا بتاع تربية دينية وبتاع تربية رياضية وتربية تاريخية وتربيه تصحيحية وتربية تشكيلية ساكت الصور مانزلت من قبل وللان ماقادر تفرزن اقول يفرزك شنو يايابا. الخفيف ولفيف ديل ما حريم وحاجات حلتك ونحن عرفناهم كيف انت فاكر نحن درسنا معاهم محو الاميه ولا جلسنا معاهم في حلقة حفظ قران ولا انت جيت الشعبية دي سياحة وما عارف امهات الشباب واخواتهم تعال اوريك كيف تفرزن من شلوخن ومن طيبن ومن طيبتن ومن خدار شلوفتن ومن حنانن وحنيتن __________________ عزام خليك ود شعبية شاطر ومفتح في نفس الصفحة تم الشرح
09-24-2009, 02:13 PM
شمس الدين ساتى
شمس الدين ساتى
تاريخ التسجيل: 12-14-2008
مجموع المشاركات: 2642
حبيبنا "وليد عبداللطيف" مبارك مقدم العيد ..وربنا يحقق الأماني..وتقبل الله تعالى الصيام والقيام.
عماد..أخبار الحله معاك ..وين بدر الدين"كانكرج" ود عمك عمر المؤذن وأخوه الباشمهندس إبراهيم..وأخبار طارق حسن وسيف حسن ورشيد حسن أولاد الوالده حميده ..وأخبار محمد الزبير جارهم..طبعآ لأنو أنا طولت خالص منهم عشان كده حا أسال منهم واحد واحد بس خلي بالك طويل
ولكما من الود أكمله
09-24-2009, 06:55 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: عماد..أخبار الحله معاك ..وين بدر الدين"كانكرج" ود عمك عمر المؤذن وأخوه الباشمهندس إبراهيم..وأخبار طارق حسن وسيف حسن ورشيد حسن أولاد الوالده حميده ..وأخبار محمد الزبير جارهم..طبعآ لأنو أنا طولت خالص منهم عشان كده حا أسال منهم واحد واحد بس خلي بالك طويل
الاخ العزيز الشيخ بدرالدين عمر مستقر في السودان استقرار تام والباشمهندس ابراهيم عمل ليه شركة مقاولات وايضا مستقر في السودان اما طارق حسن مشى السعودية فترة وبعد داك زهج ورجع السودان والان متواجد بالسودان اما سيف الدين حسن صار مدمن للهلال وعندو عضوية في النادي وبقى من الشغل طوالي على نادي الهلال وبيرجع الشعبية الساعة حداشر بالليل اما الرشيد فمستقر في السعودية وايضا محمد الزبير في السعودية والاثنين في الرياض ويا اخوي نحنا بالنا طويل ورهن اشارتك
09-24-2009, 07:22 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
Quote: الخفيف ولفيف ديل ما حريم وحاجات حلتك ونحن عرفناهم كيف انت فاكر نحن درسنا معاهم محو الاميه ولا جلسنا معاهم في حلقة حفظ قران ولا انت جيت الشعبية دي سياحة وما عارف امهات الشباب واخواتهم
صدقني < عشه بابور > ما تلحقك ... الشي يا كافي البلا أر بي جي
المثال الفنانون كابلي وهشام درماس ونهلة عبد المنعم
وأغنيات الشاعر الراحل أبو آمنة حامد في هذه المساحة وذلك
حق مكتسب لهم بحكم سكنهم في هذا الحي العريق .
حبيبنا عماد عثمان الفن ليس له وطن يعني هل من كلامك نقول لي اخونا شمس الدين شيل صورة عثمان حسين وضع بدلها الكابلي لانه من الشعبية ياخي دي قصتنا وطيبة الاخلاق وشجن ديل براهم الكلام فيهم سنه تقولي شنو وتقولي منو
Quote: الشاعر والتشكيلي الراحل / عثمان وقيع الله شاعر أغنية عودتني غيابك
شكرا يا عمادعثمان على الاضافه
09-25-2009, 00:59 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
** ياناس الشعبيه وناس بحرى :- ** ماتقولو سيد الديوان مُسافر وتعملوا نايمين .. ** الديوان دا فاتح سيدو فى مافى يجب أن يكون دائماً فى المقدمه ولانرضى بغير الرقم (1) رقم التميز والمتميزين ........ #### إنى أرى فى الخلف خيولاً على مشارف الجيلى وقد علا غُبارها .......... (ودام الود بيننا)
09-25-2009, 04:17 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: حبيبنا عماد عثمان الفن ليس له وطن يعني هل من كلامك نقول لي اخونا شمس الدين شيل صورة عثمان حسين وضع بدلها الكابلي لانه من الشعبية ياخي دي قصتنا وطيبة الاخلاق وشجن ديل براهم الكلام فيهم سنه تقولي شنو وتقولي منو
احترامي الشديد لرايك اخي وليد . .
ولكن يكون جميل عندما نعرض أعمال مبدعينا
من الشعبية أولا عملا بالمثل مايحتاجه الدار يحرم على الجيران طالما نحن في بوست يحمل
اسم الشعبية ثم بعد ذلك لامانع من عرض أعمال القامات عثمان حسين وابراهيم عوض
وابراهيم الكاشف . . الخ .
09-25-2009, 05:31 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
Quote: الشاعر والتشكيلي الراحل / عثمان وقيع الله شاعر أغنية عودتني غيابك .
يا خوي الصورة دي صورة المُستشار القانوني / عبدالمنعِم مكي مُقيم في قطر والصورة دي بِالذات في تجمُع السودانِيين بِدَولة قطر قبل يومين تلاتة كِده وفيها كرموا السَيِد عبدالمنعِم مكي بعد أن مَنْ الله علَيهِ بِالشِفاء وبِإعتِبارِهِ صاحِب فِكرة هذا التجمُع الذي يُقام كُل عيد فِطر ...
09-25-2009, 05:38 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
Quote: ياخي سرحت بينا ونسيتنا المناضله الطيبه المحسية الاصيله مرافقة درب العم فرح وتشد من ازره في كل محنه ومعتقلاته المتكرره يديها العافية شقيش ماتقبل وينور طريقها الحنينه ويطول لينا في عمرها قول امين يارب العالمين بالله بلغها تحياتنا وتهانينا بالعيد السعيد والله ياعزام قلبي بيوجعني لما اتذكر الناس الكبار ديل وبقول هذه اجيال لم تتكرر .
تسلم إنت يا خوي وتسعد أيامك ... حأبلِغ خالتك فَوزِية سلامك ... والله أنا أبوي رحمه الله عليه ما عِرفتو إلا في قطر لامِن ضمانا بيت واحِد -أخيرًا- مرات كان بِيشرد بينا أنا وأُمي وأُختي الكبيرة مرة فرنسا ومرة لندن ومرة مصر ... يا زول بِلود وبِلود ... غايتو خالتك فَوزِية تِعبت تعب ... مرة إتشاكل مع نميري وكان نميري الوكِت داك طرد وزير التِجارة وعَين رقبتو وزير التِجارة هو وأبوي إتشبكو ... والله أبوي قعد في البيت قريب لسنة كاملة ... كُل أول شهر يِجي السواق يِسلم أبوي الماهِية ...
09-25-2009, 07:38 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
من الشعبية أولا عملا بالمثل مايحتاجه الدار يحرم على الجيران طالما نحن في بوست يحمل
اسم الشعبية ثم بعد ذلك لامانع من عرض أعمال القامات عثمان حسين وابراهيم عوض
وابراهيم الكاشف . . الخ .
عماد عثمان ياخوي انا بختلف معاك تماما اول شي انت بطريقتك بتعمل على تحجيم البوست يعني الواحد لو عايز يطور اي شي لازم يستعين بالثقافات الخارجيه وناخد منها المفيد .ويعني من كلامك ده حتى المتداخلين من الخارج لانرحب بهم وبي افكارهم بمعني انهم ليس من الشعبية بعدين يا عماد البوست مثله مثل الصحيفة واحد ويقبل التنوع والجميل هو الذي يفرض نفسه . بعدين ياخي تعال الناس اللذين انت بتقول عليهم مبدعين ديل انابشوف غير ذلك .انت ياعماد فاكرنا جاين من واشطن ياخي نحن بعمرنا حياتنا كلها شعبية هل الكابلي في يوم من الايام عمل حفل لصالح المدارس او اي من مرافق الشعبية وكذلك باقي الفنانين وهؤلا امكانياتهم اكبر من الحاج حمد . ولكن انا بقول حاج حمد هو المبدع بمجرد بوست صغير استطاع ان يعمل الكثير للشعبية وانا بقول كل من ساهم ومن دفع لمصلحة الشعبية هم المبدعين . بالله ياعماد ماتعمل تشويش للناس وخليهم ياخدو راحتهم في الكتابه يعني تاني اخبار عن هلال مريخ مافي لان عندنا فريق الشعبية وتاني ما في احاديث ومافي سير لان بخاري ومسلم ليس من الشعبية وزي كلام خالد درق الجميل و حكمه لاتكتب لان من قالها ليس من الشعبية ياريت ياعماد تخلي نظراتك واسعه عشان الناس تكثر من المفيد ولاتقيدها
- فجع الوسط المريخي في العام 2003 م بحادث الحركة المروري الأليم الذي تعرضت له حافلة الفريق القادمة من كسلا أثر إصطدامها بحافلة أخرى قادمة من الإتجاه المعاكس في منطقة امغد التي تبعد حوالي 30 كيلو من مدينة الخرطوم راح ضحيته شهداء المريخ المدرب الفذ صديق العمدة والإداري عز الدين الربيع وعبد اللطيف الحاج السيد . . وفي هذه العجالة نترحم على روح الراحل عز الدين الربيع احد ابناء الشعبية والذي راح ضحية ذلك الحادث الأليم مبكيا على شبابه .
- عز الدين الربيع : من مواليد مدينة بربر , عمل ببنك التضامن ثم عمل بالقطاع الخاص . . عمل بالمريخ من خارج مجلس الإدارة ثم عمل عضوا بدائرة الكرة وعضوا بمجلس إدارة المريخ ونائب لامين الخرينة , متزوج وله ابن وابنة . وجدير بالذكر لاتزال أسرة الراحل عز الدين الربيع تقيم بالشعبية شمال جوار مدارس الحسن .
- اللهم ارحمه رحمة واسعه وارضا عنه واعف عنه واجعل قبره روضة من رياض الجنه وانا لفراقك يا عز الدين لمحزنون وانا لله وانا اليه راجعون .
09-26-2009, 09:54 AM
حسن طه محمد
حسن طه محمد
تاريخ التسجيل: 03-01-2007
مجموع المشاركات: 3653
الصورة فعلا للقامة القانوني الضليع الاستاذ / عبد المنعم مكي
وهو الأب الروحي للجالية السودانية بدولة قطر الشقيقة.
بذل من أجل هذه الجالية الغالي والنفيس ... من وقته وجهده وماله.
له التحية والتجلة ومتعه الله بالصحة والعافية ان شاء الله.
وهذه الصورة كانت في يوم تكريمه من قبل المجموعة السودانية بنادي الغزال بالدوحة.
وللعلم ففي هذه المناسبة الكريمة امتلأ النادي وليس القاعة بجموع غفيرة من السودانيين بدولة قطر رجالا ونساءا وشيبا وشبابا واطفالا .....
في هذه المناسبة الكبيرة كانت هناك برامج متنوعة نالت استحسان الجميع... شارك فيها الموسيقار المبدع الذي كتب عنه غوردون براون رئيس وزراء انجلترا الفنان عازف الكمان الأستاذ عثمان محي الدين.
كما قدم الفنان الراقي محمد السني دفع الله برامج جميلة للأطفال.
وغير ذلك من الفعاليات التي جعلت يوم تكريم الاستاذ عبد المنعم المكي يوما حافلا اشاد به الجميع من حيث الشكل والمضمون.
دمتم جميعا،،
09-26-2009, 01:45 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
الصبابي في (عشرة) ونسة لا انصح ابنائي بالاحتراف.. ويؤلمني تجاهل قدامى الرياضيين
تقدم بموهبته وحجز موقعه في صفوف المنتخب الوطني منتقلاً من الصبابي إلى الموردة وعرف في الميدان بـ «عزالدين الصبابي» واعتلى منصات المحاكم قاضياً ينثر العدل - وما بين لاعب كرة القدم - والقاضي بون شاسع في طريقة الحياة.. جلسنا الى عزالدين محمد الخير أبو الريش - اللاعب والقاضي والاب قلنا له.. في (عشرة ونسة): ? ما بين الصوم والرياضة؟ - بالطبع الرياضة والصوم مكملان لبعضهما لإنتاج شخص مسلم قوي وليس هناك تعارض بين الصوم والرياضة. ? حياتك اثناء رمضان؟ - في الماضي كنت امارس الرياضة بعد صلاة التراويح حتى الساعات الأولى من الصباح.. لكن الآن رياضتي في رمضان «التراويح». ويقول لا اشجع ابنائي لاحتراف كرة القدم.. وما نراه من تجاهل الناس للرياضيين الذين افنوا عمرهم لخدمةالبلد وهم يعانون الفقر والفاقة.. يستحسن ان يتحسسوا طريق العلم.. فهو أنفع. ? علاقاتك وانت قاض؟ - السلوك المهني يفرض على القضاة وضع حدود للتعامل مع الآخرين لضمان الحيدة والنزاهة.. ويضيف في المحكمة ينادونني عزالدين محمد الخير - وفي الشارع ينادونني «كابتن».. ربما خوفاً مني كقاض - وفي النادي ينادونني بـ «عزالدين الصبابي». ? من اطلق عليك لقب الصبابي؟ - الصبابي لقب اطلقه علىّ الاذاعي المخضرم عبد الرحمن عبد الرسول.. وحينها كنت العب في نادي الصبابي الرياضي. ? وماذا عن البيت والمواقف الطريفة؟ - اتعامل داخل البيت مع ابنائي كأب.. واخلع عباءة القضاة.. وأنا جالس في المحكمة لاحظت وجود شخص يتلصص علي - احياناً بالباب واخرى بالشباك.. استمرت الشغلانة زي «3» ساعات.. في اللحظة بدأت اتخيل مقتل الفنان خوجلي عثمان الذي وقع في تلك الايام - قلت ربما يريد قتلي - فأرسلت له احد العساكر. فأتاني به، قلت له: ماذا تريد مني؟ قال لي: ألم تعرفني.. قلت لا.. قال لي انا كنت ماسك المسجل يوم جيتو قرية سليم في الجزيرة في زيارة مع فريق الموردة. كدت اعضه من الغيظ.. فكان هذا موقفاً مخيفاً وليس طريفاً فحسب.
نقلاً عن صحيفة الراي العام السودانية 8 سبتمبر 2008 م 8 رمضان 1429 هـ
09-26-2009, 02:21 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
ياسلام ياعماد عبد الله متعك الله دنيا واخره الصبابي خارق .. خلوق فنان وتخصص في مداعبة شباك حامد بريمه استاذنا ومعلمنا ادب الكره واذكر عندما ذهبنا رحلة الى الجديد الثورة فريق الكتيبة سجلت هدف بتوقيعة فكان اول من هناني ويالله من اخلاقة داخل وخارج الملعب .وعند زيارته للمملكه جلسنا بملعب البلدية نجتر ذكريات الشعبية والمورده
ويا سلام عندما تتفرج على هذا الثلاثي وكانك جالس في حفله من النوع ابوكديس موني مايسترو كرة الشعبية الصبابي فنان كره الشعبية شكوكو معلم كرة الشعبيية
09-26-2009, 02:27 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
اخونا عماد عثمان وعماد عبد الله معليش لايفوتنا ان نترحم على اخونا عزالدين الربيع (الرياضي المطبوع ) الله يرحمه رحمة واسعه ويسكنه مع خيار الدار تقربا ياعماد عثمان هو من اولاد مضوي ومن حلة ناس عاطف منصور الشارع المتجه شرقا من بيت ناس عزام فرح بالقرب من اشواق كابلي ويقرب الى بكري مضوي الذي عمل في ادارة نادي الشعبية
09-26-2009, 02:44 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
يادكتور الصفحة ماقربت الجماعة ديل في خطراتنا نقوم نرش باقي الصور ولا كيف يادكتور والله يادكتور دي ذكرتنا الدكاتره التلاته ومن هنا نقول ليهم كل سنه وانتم طيبين دكتور امير قناوي دكتوره ستنا دكتورة رحاب خليفة
09-26-2009, 02:54 PM
Adil Osman
Adil Osman
تاريخ التسجيل: 07-27-2002
مجموع المشاركات: 10208
المرحوم الشاعر عثمان وقيع الله، شاعر اغنية الكاشف، كان رسامآ وخطاطآ عالميآ. هنا معلومات وافية عنه وعن فنه وابداعه واحتفاء العالم به http://maakom.com/site/article/116
شكرآ للاخ عماد احمد على مساهماته التوثيقية الهامة.
الاخ وليد عبد اللطيف سلام. الاخ عماد احمد اقترح ان يتم التركيز على من لهم صلة مباشرة بالشعبية فى مختلف ضروب الفنون والابداع والرياضة والسياسة والعمل والعام والعمل الاجتماعى والتطوعى الخ. وهذا بطبيعة الحال لا يمنع من نقاش اى موضوعات اخرى.
الاخ شمس الدين ساتى اشكرك على سؤالك عنى وتحياتك واهنئك والاسرة الكبيرة والصغيرة بالعيد السعيد. كما احيى الغائب عادل على صالح واهنئه بالعيد السعيد هو واسرته الصغيرة والكبيرة. وارجو ان تصل تحياتى وتهنئتى بالعيد السعيد للاخ اسامة سعد واسرته الكبيرة والصغيرة.
الاخ عزام حسن فرح كل عام وانتم بخير والاسرة فى قطر ومصر والسودان الشقيق. ارجو ان تحدثنا عن الوالد الراحل الاستاذ حسن فرح وعن قناعاته وقيمه والتى تشرد بسببها واعتقل. له الرحمة.
09-26-2009, 03:07 PM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
Quote: الاخ وليد عبد اللطيف سلام. الاخ عماد احمد اقترح ان يتم التركيز على من لهم صلة مباشرة بالشعبية فى مختلف ضروب الفنون والابداع والرياضة والسياسة والعمل والعام والعمل الاجتماعى والتطوعى الخ. وهذا بطبيعة الحال لا يمنع من نقاش اى موضوعات اخرى.
استاذنا عادل عثمان كويس انك ظهرت لينا اليوم وشكلك جالس خلف الباب وبتعاين بمايدور في البوست ومشكور على ذلك . والله كما ذكرت من قبل غنيماتنا في الشعبية بنعزهم حليك من البشر الموجود بها وصحيح لازم الناس تركز على ناس الشعبية ولكن احيانا في اشياء جميله ممكن الناس تضيفها حتى تكون اضافه للناس اذا كانت معلومه او ماشابه ذلك . وكما تعلم صغر منطفة الشعبية .ولانريد تكبيل الناس وتحجيمهم في مايعجبهم من مواضيع اخري وفي نفس الوقت ممكن الناس تكتب على من لهم صله مباشره بالشعبية . وانا لاارفض اقتراح عماد صديقي ولكن ننادي الناس بأن تسجل المواضيع المختلفة والمفيده . ونريد ان نعيد عهد جريدة نادي الشعبية ايام ناس كمال الزبير وبقية الشله وعندما كان يعلق الاستاذ ابوامنه حامد في مايكتبونه الناس في الجريده
________________________________________ الاخ عادل لي دردشه معك في الخاص بس عندي مشوير صغير
الأعزاء أبناء وبنات الشعبية لكم من التحايات أجملها ومن الأمنيات أطيبها والتهاني بالعيد من بلد بعيد . نعزي أخواننا طارق ووليد وياسر وخوجلي ومحمد الفاتح عبد الحميد ونشاطرهم الأحزان في وفاة والدتهم ، التي نسأل الله لها الرحمة وحسن الجزاء. ورحم الله اختنا رحاب عبداللطيف. التحية لأهل الشعبية عامة ، وأخص بها المشاركين والدائبين علي رفعة هذا البوست: - سيد الحوش الحاج حمد - أحمد بابكر - أسامة سعد - أسامة سليمان - أمجد كرار - الشيخ سيد أحمد - الفاضل ياسين عثمان - بدرالدين إسحاق أحمد - خالد درق - عابدون محمد عابدون - عادل عثمان - عادل صالح - عماد عبد الله الطيب - عماد عثمان أحمد - عمر عثمان - عبد الكريم أحمد الأمين - عزام حسن فرح - عزالدين محمد عثمان - عزالدين عباس الفحل - عبدالوهاب علي الحاج - حسن طه - حسن عثمان مضوي - صلاح شكوكو - صلاح عباس فقيري - صلاح أبودية - ستنا خضر - رحاب خليفة - شمس الدين ساتي - طارق محمد سعيد - كمال كرار - حمزة بابكرالكوبي - فيصل عبد الله محمود - مصطفي محمد عباس (أبوقرجة) - مجدي نقد - مجدي عبالرحيم فضل - مجدي كنه - مبارك كنه - معاوية محمد الحسن - معتز مقبول - منير عبدالرحيم - محمد بابكر - وائل (اليابان) - وليد عبد اللطيف ولمن سهوت عن ذكرهم أجمل التحايا والإستعتاب . وحتى لقاء قريب في الربع القادم لكم ودي. أخوكم أمير قناوي
09-26-2009, 05:35 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
مرحباًً أمير! كل عام وأنتم بخير! واخيراً ظهرت ومعك أطول قائمة للمعايدة! وهناك ملاحظة ما أظن لاحظها واحد تاني في هذه القائمة، وهي أنّ الأسماء فيها مرتّبة حسب ترتيب الحروف الهجائية! عشان واحد ما يزعل إنو ورد اسمه في النهاية! أو ما ورد في البداية! وبذلك عرف وليد لماذا جاء اسمه في أذيال القائمة! مرحباً بالدكتور أمير، نوّرت البوست! =============================================================== أخليك ترتاح شوية، وبعدها حأطلب منك: لو سمحت سؤالاتك تعيد طرحها مرةً أخرى، بصورة مفصلة شوية، لكي لا أضطر، ويضطر معي الإخوة المتابعين للحوار التربوي إلى الرجوع والبحث عن نص القصة!
09-26-2009, 08:55 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وبذلك عرف وليد لماذا جاء اسمه في أذيال القائمة! مرحباً بالدكتور أمير، نوّرت البوست!
شيخ صلاح والله ماشاء الله ملاحظتك قوية ولكن ناتجه لانها من مجالك ولا ما كده ولكن ممكن الوليد يكون بعد الفاضل صح ام خطا ياجماعه ياريت لو واحد يسجل لينا تلفون فيصل عبد الله
09-26-2009, 09:11 PM
الفاضل يسن عثمان
الفاضل يسن عثمان
تاريخ التسجيل: 04-17-2008
مجموع المشاركات: 3279
تسلم يا وليد لطلبك في انزال صورة المرحوم الوالد رحمة ونور تنزل علي قبره ويجعلعه من اصحاب اليمين اللهم اغفر له ولكل من فقد عزيز في هذا البوست وللمرحومه شقيقتكم وان يتغمدها الله برحمته ويجعل قبرها نورا ولكل فقدائنا اللهم امييين. عزيزي وليد نسبة لانتقالي لمنزل جديد لزوم استقبال ولية العهد فالاشياء مبعثرة وعدي بالانزال التزام،حتي لو نرد دينا بسيطا لعزاز فقدناهم. امير قناوي صاحب القلم الاريب في هذا البوست شكرا علي المعايدة اللطيفه وانقل تحاينا للوالدة يمتعها الله بالعافيه وعصام. مودتي لكم.
09-26-2009, 10:01 PM
أمير قناوي
أمير قناوي
تاريخ التسجيل: 01-24-2009
مجموع المشاركات: 618
شكراً للملاحظة بخصوص ترتيب الأسماء، وفي الحقيقة كنت أريد ترتيب الأسماء ترتيباً أبجدياً ، ثم إكتفيت بالترتيب الموجود أعلاه .
وأقول لأخي وليد عبداللطيف: لو رتبت الأسماء على حسب معزتي للأشخاص لما كنت في آخرالقائمة بأي حال من الأحوال.
فيما يخص الأسئلة التى طرحتها في موضوع التربية فقد قلت:
هناك أشياء ومواقف وردت في القصتين أرى أنها تحتاج لآرائكم كي تعم الفائدة . منهاعلى سبيل المثال:
1- إستنكار ذلك الأب لإسلوب أبيه وتحميله ذلك الإسلوب المسئولية فيما أصابه من عقد
2- وقر في قلب ذلك الأب أنه ضحية لتربية خاطئة ووجدناه يقر في لحظة إنفعال بأن أمثال إبنه حسن لايجدي معهم إلا إسلوب أبيه !
3- لماذا فشل الأب في تعليم إبنه السباحة رغم نيته إتباع إسلوب لا غبار عليه ، وهو بلا شك أفضل من إسلوب الإكراه الذي علمه أبوه به السباحة ؟
4- هل نحمل عقول الأطفال أكثر مما تحتمل حين نقيس الأحداث بمقاييس الكبار ؟ وهل رغبتنا بأن لا نفقد حب أبنائنا لنا تؤثر أحياناً سلباً علي تعاملنا معهم وتفقده عفويته وتنقصه جديته ؟
هذه هي النقاط التي وددت أن أسمع تعليقك عليها.
كتب أخي الحبيب بدرالدين إسحاق في صفحة سابقة ، فاتنى الإطلاع على بعض ما ورد فيها:
الدفعة العزيز / امير ود عمى عبدالله تخيــل بعد كل هذه السنين اكتشفت ان ابى وابوك ( عليه رحمة الله ) كانا يتشاركان نفس العربة وكانت دائما ماركة ( إسكانيــا ) منذ الخمسينيات وانا لا ادرى .. رحمة الله على والدكم ...ومتع الله والدى بالصحة وطول العمر فى طاعة الله.
أخي بدرالدين
أشواقي بلا حدود ولكن هذا حال الدنيا ، تفرق وتجمع والمكتوب عا الجبين لازم تشوفو العين. جمعت الدنيا أبوينا في رحلات عمل في صحاري السودان ووديانه وفرقتهما الأقدار. وجمعتنا الدنيا في الشعبية ، ثم فرقت الأقدار بيننا . أتمني أن يجمعنا الله بك وبكل من أحببنا وأن تمتد الأخوة لأبنائنا. أخوكم أمير قناوي
09-27-2009, 05:54 AM
حسن طه محمد
حسن طه محمد
تاريخ التسجيل: 03-01-2007
مجموع المشاركات: 3653
منقول من بوست الزقازيق كتب زهير الزناتي وناس الشعبية ديل واضح يا محمد عيد خاشين المنافسة بقوة وعاملين معسكر عشان كده لازم المحترفين الجدد يشاركوا في المباريات القادمة ، وبإذن الله سيكون النصر حليفنا ...
شمس الدين ساتي
الطلبه ديل شكهلم عامل مظاهرات ونفره ولكن بمبان عماد عبد الله بوقفهم ليك الجماعه عاملين تحدي ونحن ماعارفين وقلنا ذكريات طلبه ساكت ونخليهم يسرحوا بالمناسبه الناس ديل حشدوا عضويات جديده وبيدخلوا المنافسه
09-27-2009, 09:21 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
كنت نزلت رسالة الأخ عثمان ودالمتعارض ولكن الصفحة كانت قلبت فجأة وربما لم تجد حظها من الإطلاع وناس عبدون ماشافوها ..
إنتو عبدون اليومين ديل في مأمورية واللا شنو؟؟..
Quote: صاحب الدار ،،، الحاج حمد ،،، كل عام وأنتم بألف خير وبركة ،،،،
تحياتي وسلاماتي بدون حدود ، بل عبر الحدود والأثير ، أرسلها لك خاصة ولكل أخوتي أبناء حي المساكن الشعبية النشطاء جزاك الله واياهم خيرا ، والتهاني موصولة لكم في هذا الشهر الفضيل ، ونسأل الله أن يجعلنا وإياكم من عتقائه ومن العاملين من أجل الوطن الكبير السودان والوطن الصغير حي المساكن الشعبية بجناحية الشمالي والجنوبي ، وأن نبدأ بأنفسنا في إصلاح المعوج لهو الحل السليم والواقعي للمسيرة كل الوطن للأمام إن شاء الله. فكل من يمر عبر شارعنا قاصدا سوق الشعبية للتسوق وجلب الخضار أو العيش سواء من الفرن القديم أو من فرن المياني ، يعاني معاناة لا حصر لها من كميات المياه الراكضة والمحبوسة بهذا الشارع المنكوب ، كذلك يعاني كل ذاهب للمسجد من كمية المياة المتسخة ، سواءا كان في الخريف أو في الصيف ، لأن سببها عدم الصرف الصحي السليم ، فكل منزل يصب مياه الحمامات ومياه المطابخ (النظافة) علي الشارع. وطبعا دا شارعنا المعروف بشارع الصديق ، وهذا الشارع يستنجد بكم جميعا صارخا ... الرحمة ... ويد المساعدة ليكون علي الاقل ناشفا من المياء غير النظيفة في يوم من الايام ، والمقترحات في ذلك كثيرة أهمها وأعجلها أن نتعاون جميعا علي عمل الردمية المناسبة لهذا الشارع المنكوب ، وعلي الاخوة المهندسين أو ذوي الخبرة أن يعينوننا في عمل سايفونات مشتركة لكل الساكنين فيه ، باشتراك من سكان الشارع طبعا .... ولكل من له اقتراح أن يساهم معنا في الحل. وإليكم أسماء سكان شارعنا ، ومن كل بيت ذكرنا اسم واحد للاختصار، والأخ عابدون طبعا عليه نص الشغل لإنو عندو بيتين بالشارع .......
ناس عابدين وفيصل ناس عمك مامون وأولاده نادر وعوض ناس أولاد غندور عماد وعادل وعبد الله وعبد الحميد ومجدي ناس عمك محمود وأولادة ثم منزل الايجار الذي يخص حاليا أبناء الموحوم حنفي ناس المرحوم حسن سر الختم وأخيرا في هذا الموربوع منزل ناس عمران (دكان عز الدين الترزي) ثم ناس عبد الفتاح علي ناصية نادي الصديق ومنزل ناس عطا الشايقي ... عادل ... عبد العزبز ... عبدالرحيم ومنزل ناس عمك عباس نور الدين رحمه الله تعالي .. صلاح .. النقر .. حمدي .. نورالدين ثم منزلنا منزل حسن عثمان المتعارض ... عثمان .. أبوعبيدة (الدود) .. أحمد .. محمد ومنزل ناس طارق حنفي ومنزل ناس محمد عوض الله ثم المنزل الناصية التي يمتلكه حسب علمي عبد الحميد الحلفاوي.
والمساعدة مرجوة كذلك من الجيران علي امتداد الشارع مثل الأخ الحارث محمد عثمان الأخ عزالدين محمد عثمان ، وكذلك ناس عمك خليفة وأولاده ، أولاد المرحوم نجم وبقية الجيران بالشارع.
وسلامي وتحياتي لكم جميعا ، وكل عام وأنتم بخير ،،،،،،،،،،،،
أخوكم عثمان المتعارض / ألمانيا هامبورج
09-27-2009, 09:17 AM
محمد آدم النور
محمد آدم النور
تاريخ التسجيل: 05-03-2009
مجموع المشاركات: 1993
سلام ياناس الشعبية بختكم فأنتم يجمعكم الزمان و المكان وهذا على لسان واحدة زقازيقية شرسة بس نحن يجمعنا الزمان فالمكان ليس له حدود بيننا نعشق الزقازيق و لا زلنا نحن قد نكون من درب رام الله أو من جبل الزيتون أو من الله كريم في كردفان أو جبل التاكافي كسلا لا يهم!!! نحن زقازيقو الهوى و كفى!!! قلنا نسلم عليكم ونزيدكم مداخله ...و الله نحن نحبكم دون شك علماً أن هناك زقازيقون شعبيون ليس وطنيون أو ليس بأمة ولكن قد يكونو ميرغنيون
Quote: وينك يا عبد الكريم الجماعة طايرين بسرعة الكونكورد.
شمس الدين قول ما شاءالله ...عندنا واحدة سميناها أمجاد بالتقسيط ..ألمت بها وعكة لم تأتي حتى الآن أدعو معي لها بالصحة و العافية...و إذا قدر الله جات اليوم...ما عارف أقول ليك شنو؟؟؟ تذكر يا شمس الدين في واحدة من منافسات الدوري الممتاز لمن المريخ كان متقدم على الهلال بسبع نقاط ثم جاالهلال و شال الدوري من المريخ...وبس!!!! الكلام دا ما عندو أي علاقة بالبوست بتاع ناس الزقازيق و البوست بتاع ناس الشعبية
خلوني يا ناس أقول ليكم بحبكم
09-27-2009, 09:29 AM
زهير الزناتي
زهير الزناتي
تاريخ التسجيل: 03-28-2008
مجموع المشاركات: 12241
ناس الشعبية سلام لقيت أخوي محمد آدم النور جا قلت أحسن أحذركم ،، الزول دا أصلوا إسمه الرسمي عندنا جلا بوستكم متميز كتميز حيكم الجميل به الفن ، الرياضة الثقافة والإجتماعيات المتميزة ، والمنافسة معكم لها طعم خاص أكيد حا نكون قراء لهذا البوست ، ولكم شكرنا وشكر كل ناس الزقازيق كدا كيف أديناكم مداخلتين تموا الباقي براكم ،، وبنجيكم تاني راجعين لو ما طردتونا
09-27-2009, 09:36 AM
زهير الزناتي
زهير الزناتي
تاريخ التسجيل: 03-28-2008
مجموع المشاركات: 12241
Quote: اعجبني ما اثاره الريس معتصم اعلاه ويقيني انها من المستجدات في المنبر العام ان يكون التنافس بيننا وناس الشعبية ولكننا نريدها منافسة نوعية، تجبرنا على إخراج احسن مما عندنا لتجبرهم على رفع القبعات لنا وليس "حجار طلبة" كما عبر احدهم
يا اخوانا نحن فايتنهم فايتنهم .... ولن نرضى بغير البوست (الأول) لذلك فليكن التجويد شعار الصفحات القادمة
يا جماعة انا قلبت زي باكمبا ولا شنو ... طيب ما أحكي ليكم قصة طريفة بمناسبة باكمبا دي : قالوا في إمام جامع في عطبرة وشخص مؤثر جداً في المدينة ، كان أنصار سنة ومع الطفرة البترولية بقي مؤتمر وطني ، وصادف ذلك إنتقال باكمبا من المريخ للهلال ، الجماعة في عطبرة الواحد لمن تسألوا الليلة حا تصلي الجمعة وين ، يقول ليك في جامع باكمبا
09-27-2009, 09:44 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
الاخوان محمد ادم وزهير الزناتي كل سنه وانتم طيبين يعني واحده بواحده زي مارفعت ليكم البوست بمداخله جيتو ورديتوها عل كل حال مرحب بيكم وعيدكم مبارك والشعبية بابها مفتوح ليكم في وقت وتجاملونا ونشاركم في السمح يارب . وصراحع انا مستمتع بما تسطرونه
09-27-2009, 09:46 AM
Munir
Munir
تاريخ التسجيل: 02-11-2002
مجموع المشاركات: 10496
الحق يقال .. أنا في الأول كنت قايل بوست الزقازيق ده حيكون أي كلام .. لكين قبل كم شهر زرته قلت أشوف الحاصل شنو جوة .. لقيت ليكم ماشاء الله الجماعة عامرين عمار رهيب .. شئ ذكريات وشئ مواقف جميلة وشئ صور بالكوم .. خنافس شارلستون .. شباب وجيهين وشابات جميلات وتجمعات طلابية شبابية تعكس جمال حياة اخوتنا الطلاب المشوا قروا في مصر .. وأكيد كثير منهم يكونوا من زمن البعثات المصرية التي كانت تستوعب طلبة سودانيين يمكن أكتر من استيعاب الجامعات السودانية ..
فالتحية لناس الزقازيق ـ ديل ياجماعة حالتهم زقازيق بس ، أمال لو اتلموا عليهم ناس طنطا والقاهرة والاسكندرية وعين شمس وغيرها كان الحال يكون كيف .. بالمناسبة الآن خطر لي بأنه إحتمال السودانيين الدرسوا جامعة في مصر يكونوا أكثر من الدرسوها في السودان .. ولو كمان اضفنا خريجي جامعة القاهرة الفرع لناس مصر وشلناهم من حسبة ناس السودان الإحتمال حيصبح أكيدة ..
شكرآ يا محمدآدم النور وزهير الزناتي علي الزيارة والمؤازرة .. ويللا انكربوا والفورة مليون ..
09-27-2009, 09:37 AM
محمد آدم النور
محمد آدم النور
تاريخ التسجيل: 05-03-2009
مجموع المشاركات: 1993
و الله يا وليد بالغت تشيل من هناك و تكب بي جاي ياخ كب ليك حاجة هناك...إنشاءالله سلام ما قلنا ليك قاعدين نحبكم...و الله تجي تتونس معانا ...ما بتمرق قلت لي حكاويهم طاعمة؟؟؟ ....بالمناسبة الزول الأسمو جلا ..دا أنا زاتو
غايتو بحبكم زي حبكم لي البوست بتاعكم
09-27-2009, 09:54 AM
محمد آدم النور
محمد آدم النور
تاريخ التسجيل: 05-03-2009
مجموع المشاركات: 1993
Quote: ده كلام جميل وعايزين نستمتع بالجميل وليس بـtset + وصور لبنات مع شباب في البحر (صوره مقلوبه وحفاظا على اخواتنا) من المشاكل
يا وليد بالنسبة للtest أنا طبعاً لي زمن ما جيت خاشي البوست بتاع الزقازيق... فهي عبارة وكأنها مدخل لحكايات ستأتي فيما بعد... وليست حشو كما تعتقد... فهي جميلة لأن هناك من سينتظر بالنسبة للصور ليس هناك ما يخدش الحياء العام و ليست صورة مقلوبة فنحن في الزقازيق أخوان بنات و شيالين تقيلة ...داير تعرف ... ورينا إنت وين..نجيك لغاية عندك
برضو ناس الزقازيق بحبوكم
09-27-2009, 10:00 AM
Munir
Munir
تاريخ التسجيل: 02-11-2002
مجموع المشاركات: 10496
الأخ محمد آدم وعليكم السلام ورحمة الله وبركاته ونيابة عن راعي حوش الشعبية الإسفيري، نقول ليك: مرحباً وشرفتنا بهذه الزيارة! والحقيقة يعني نهنؤكم بهذا التقدم الكبير، الذي يدل على أنو كانت عندكم تجربة كيرة جداً في جامعة الزقازيق، و كانت في عناصر لم تتوفر للكثيرين من السودانيين في الجامعات الأخرى، سواء داخل مصر أو خارجها، فنتمنى تكتب لينا في البوست بتاعنا ده، وتورينا ما هو سبب هذا الترابط والحيوية بين خريجي جامعة الزقازيق؟ بس بالله مقال يكون طويل شوية..ههههه وبالمناسبة، إنتو في اللحظة دي حتفوتونا حتفوتونا، وأنحنا حنقوم نفتش لقيم جديدة من قيم الشعبية، أن نرضى بالمركز الثاني، مافيش مشكلة، ونقدم ليكم التهنئة! لكن فجأة حتلقونا فتناكم بهناك، ورجعنا لمركزنا الطبيعي، وصار بيننا وبينكم خور كبير! إذن، نقدم ليكم التهنئة مجدداً، ولو أن شمس الدين ووليد لن يرضوا بهذا التنازل! وشكراً لهذه الزيارة.
09-27-2009, 09:54 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
هذه كانت مشاركه لي في بوست الزقازيق (دكتور عصام دهب كتب جلال عثمان ( ماشاء الله عليكم .... يديكم العافية .... ياناس مابتنوموا!!!
Quote: انتو ناس الشعبيه عشان نحصلهم نملا بالفارغه والمليانه يا جماعه الفارغه بتحصلنا ليهم لكن ما بتقدمنا
اعجبني ما اثاره الريس معتصم اعلاه ويقيني انها من المستجدات في المنبر العام ان يكون التنافس بيننا وناس الشعبية ولكننا نريدها منافسة نوعية، تجبرنا على إخراج احسن مما عندنا لتجبرهم على رفع القبعات لنا وليس "حجار طلبة" كما عبر احدهم
يا اخوانا نحن فايتنهم فايتنهم .... ولن نرضى بغير البوست (الأول) لذلك فليكن التجويد شعار الصفحات القادمة
-------- معاً حتى المـــــــــــــــ100ـــــيل ) ده كلام جميل وعايزين نستمتع بالجميل وليس بـtset + وصور لبنات مع شباب في البحر (صوره مقلوبه وحفاظا على اخواتنا) من المشاكل وانا من كتب حجار طلبه وهذا لاثارة المنافسه ياغالين ولتشجيعكم وتشجيع ناس الشعبية بالمشاركة . يادكتور عصام دهب تقابلنا في افطار جده كل الود والاحترام وعندما تجودوا لنا بالجميل من شعر وادب وثقافة سوف نرفع لكم قبعاتنا ونقف ونصفق لكم مع التوفيق يازقازيقاب وعايزين نرفع القبعات ولا نقلب البرنيطه
منتظرين الحاج يجينا بصور جديدة ـ دايرين صور مولعة من الشعبية .. عبدالوهاب شحدناهو صورة أيام المطرة قعد يتزاوغ .. مع إنها لقطة موبايل ساي ممكن تبل الشوق ..
09-27-2009, 10:15 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
تحياتي لناس الشعبية وكمان تحياتي الخاصة لناس الزقازيق يا ناس الزقازيق شنو حكايتكم والله انا زوجتي درست في الزقازيق المعهد الفني التجاري يعني في رابط بيني وبينكم عشان كدا روقوا شوية ولا عايزين بنتكم دي ترجع ليكم
09-27-2009, 10:20 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: التحية لأهل الشعبية عامة ، وأخص بها المشاركين والدائبين علي رفعة هذا البوست: - سيد الحوش الحاج حمد - أحمد بابكر - أسامة سعد - أسامة سليمان - أمجد كرار - الشيخ سيد أحمد - الفاضل ياسين عثمان - بدرالدين إسحاق أحمد - خالد درق - عابدون محمد عابدون - عادل عثمان - عادل صالح - عماد عبد الله الطيب - عماد عثمان أحمد - عمر عثمان - عبد الكريم أحمد الأمين - عزام حسن فرح - عزالدين محمد عثمان - عزالدين عباس الفحل - عبدالوهاب علي الحاج - حسن طه - حسن عثمان مضوي - صلاح شكوكو - صلاح عباس فقيري - صلاح أبودية - ستنا خضر - رحاب خليفة - شمس الدين ساتي - طارق محمد سعيد - كمال كرار - حمزة بابكرالكوبي - فيصل عبد الله محمود - مصطفي محمد عباس (أبوقرجة) - مجدي نقد - مجدي عبالرحيم فضل - مجدي كنه - مبارك كنه - معاوية محمد الحسن - معتز مقبول - منير عبدالرحيم - محمد بابكر - وائل (اليابان) - وليد عبد اللطيف ولمن سهوت عن ذكرهم أجمل التحايا والإستعتاب . وحتى لقاء قريب في الربع القادم لكم ودي. أخوكم أمير قناوي
يا ناس الشعبية وبحري المسجلين اعلاه والغير مسجلين مطلوب من كل واحد فيك ثلاثة مداخلات لليوم لانو في منافسة حامية ا########س وناس الزقازيق حالفين يفوتوكم ونحنا قبلنا التحدي
09-27-2009, 10:24 AM
زهير الزناتي
زهير الزناتي
تاريخ التسجيل: 03-28-2008
مجموع المشاركات: 12241
Quote: يا وليد صباح الخير من الصدف الجميل حينما زرتنا هنا كنا أنا وجلا في حيكم العامر بتلات مداخلات متتالية رغم المنافسة بين البوستين ..
بخصوص مداخلة test هي المداخلة الوحيدة في هذاالبوست التي تحمل كلمة واحدة وجاءت في معرض شرحي لأحد الأصدقاء لكيفية التعامل مع المنبر العام وكان من المفترض نعمل عليها تعديل بمداخلة حقيقية والمنافسة مع ناس الشعبية لن تجعلنا نضعف المستوي العام للبوست بخصوص الصور فهي صور تذكارية لعدد من أعضاء البوست واصدقاءهم ويبدو أنك لم تتابع البوست من أوله لتعرف حجم العلاقة بين ناس الزقازيق أنصحك بمتابعة ولو سريعة للصفحات الماضية لتعرف سر هذه العلاقة ، ومعظم من يظهر في هذه الصور من الزميلات هن زوجات لكثير من أعضاء البوست وخريجي الزقازيق ، وحتي اللائي تزوجن من خارج ناس الزقازيق اصبح أزواجهن أصدقاء لنا ، ومن المتابعين لهذا البوست بشدة .. وليس هناك ما يعيب أو يشين بنشر هذه الصور ولك جزيل شكرنا وخالص ودنا ...
دي مداخلة في بوست ناس الزقازيق في الرد الشديد علي الشاب وليد وكنت عايز اهرشه ليكم بعبارات زي بتاعت ناس الجرايد ديك من نوع إذا عدتم عدنا ، بعدين خليتو عشان ناس الشعبية صحبانا وهو ذاتو بقي صاحبنا ... وقبل أن نغادر حيكم العامر لا بد من شكر الأخ منير علي كلامه الجميل في حق ناس الزقازيق عامة وفي حقي بوجه خاص . ونتمني أن نقدم ما ينفع الناس ويزيد من الترابط والإلفة .. والدعوة لك لزيارتنا في أي وقت .. ولا بد ايضاً من تحية خاصة لأبو النسب عماد الدين عبد الله الرجل المحظوظ الذي ناسب أجدع ناس ، وحا نديك مهلة لغاية نهاية الشهر لازم تجي وتجيب بتنا زيارة بهناك ولا نحن الحا نقلعها منك وتحياتنا لهذه الزقازيقية المبجلة من كل ناس الزقازيق ولكم ودي يا رائعيين
09-27-2009, 10:30 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: ولا بد ايضاً من تحية خاصة لأبو النسب عماد الدين عبد الله الرجل المحظوظ الذي ناسب أجدع ناس ، وحا نديك مهلة لغاية نهاية الشهر لازم تجي وتجيب بتنا زيارة بهناك ولا نحن الحا نقلعها منك وتحياتنا لهذه الزقازيقية المبجلة من كل ناس الزقازيق ولكم ودي يا رائعيين
كل التحايا ليك اخي زهير ولكل ناس الزقازيق والله بتكم في الحفظ والصون وبنزوركم ان شاء الله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة