|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
جزء من مولد الهدى للسنباطي ... بالعود مع محمدية ... _ مقطع من رجعنالك .... وفرفور .... الله عليك يافرفور ....
- مقطع من الشال قلبي وسلا ... ثنائي الجزيرة ... وتسفاي ... واحدة من أجمل أغاني ثنائي الجزيرة .. وبرافو ياعصام ..
_
اللي بسأل مابتوه .. الحلنقي ... ودويتو رماز ومنار ... تناسق وتوافق كامل للأصوات والموسيقى واللحن .. إضافةً الى طبيعة الأغنية .. مغناة من ثلاثي بنات في الأصل .. أجادة وإبداع كامل ... وطرب واضح من السر قدور .. والحضور والمشاهدين والجيران ..لوووووول الموسيقى منتهى الجمال ... 10/10 رماز ومنار ..... أصحي ..فاتك مولد ياسفيان ..
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
مقطع من البنريدو تايه .. وياحليل البريدنا ...وتالاهون... إغنية زي دي يغنيها تالاهون .. وبوجود الحوت !!!! غايتو .. الله غالب ... __ طير الجنة .. .. وشريف الفحيل ... ياسلام عليك ياشريف ... يديك ألف عافية ... ياليل .. ياليل ..يالييييل ... والله الود ده بسحروا ... حضور طاغي ..وحيوية .. وكاريزما ... 10/10 ياشريف .. ... __ أخيييراً الحوت ... وكنوز محبة .. زيدان ...هلال مريخ ..حكام أجانب حد يصحي خليل في الدوحة .. الله عليك ياحوت .... والنجوم تلمع بعيد بعيد .. مزازيك .. خطيرة ... بالرغم من بعض الهنات في كلمات الأغنية .. لكن برضه كتر خيرك يامحمود ... ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
أخيييراً الحوت ... وكنوز محبة .. زيدان ...هلال مريخ ..حكام أجانب حد يصحي خليل في الدوحة .. الله عليك ياحوت .... والنجوم تلمع بعيد بعيد .. مزازيك .. خطيرة ... بالرغم من بعض الهنات في كلمات الأغنية .. لكن برضه كتر خيرك يامحمود ...
حاتم .. حد يصحى العالم كله ..
محمود .. إبداع إبداع إبداع .. كنووووز محبة كانت باكتر من المحبة لي محمود
أبدع الحووووووووت وأسكت الجميع .. محمود كان بغنى .. والكل فى صمت رهييييب ..
سيدها يا محمود .. كنوز محبة .. يا الله يا الله ...
بشير عباس .. والكلام عن الحوت .. تحدث بشير عباس عن اداء الحوت وإبداعه ..
السر قدور ما سكت شويه عشان بشير عباس يواصل فى الكلام عن محمود ...
يا محمود يشهد الله بنحبك اكثر من كنوز المحبة ...
على فكرة حضرته اخر غنية وكانت للحوت ...
برجع بعد الإعادة ............. وربنا يحفظك لينا يا محمود ...
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
دا اكثر زول اتوفق فى الحلقة دى شكرا ليك يا شريف خالد الفحيل اجادة حفظ وحضور طرب وسلطنة وبالذات فى المقطع بتاع يا ليل حير الليل ذاتو زى ما قال الخال اما محمود فقد صمت دهرا وتفَجر ابداعا رغم بعض الكلمات التى تاهت منه ورغم ان الطريقة المتفردة التى يغني بها محمود تتطلب بروفات ومتابعات من الاوركسترا بشكل خاص حتي تحدث كيمياء التوافق بس الاستاذ بشير عباس التقط هذا الابداع واظن ان محمود هو الرابح الاكبر فى هذه الحلقة مع وعد الاستاذ بشير باللقاء معه فى مقبل الايام بالاضافة الى الأشادة الكبيرة منه البقية كان اداءهم موفقا بدرجة معقولة خاصة عصام ونادر ورماز ومنار ام الاخ فرفور فقد كان اوت سايد لاختياره لاغنية صعبة وكمان ما حافظها.
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ضياء الدين ميرغني)
|
Quote: اما محمود فقد صمت دهرا وتفَجر ابداعا رغم بعض الكلمات التى تاهت منه ورغم ان الطريقة المتفردة التى يغني بها محمود تتطلب بروفات ومتابعات من الاوركسترا بشكل خاص حتي تحدث كيمياء التوافق بس الاستاذ بشير عباس التقط هذا الابداع واظن ان محمود هو الرابح الاكبر فى هذه الحلقة مع وعد الاستاذ بشير باللقاء معه فى مقبل الايام بالاضافة الى الأشادة الكبيرة منه البقية كان اداءهم موفقا بدرجة معقولة خاصة عصام ونادر ورماز ومنار ام الاخ فرفور فقد كان اوت سايد لاختياره لاغنية صعبة وكمان ما حافظها. |
ياسلام عليك ياضياء ... تعرف كلامك ده فسر على الناس ما أستغلق من أمر أداء محمود للأغنية ... أنا واحد من الناس أعجبتني الأغنية .. لكن حسيت بحاجة غريبة في بعض الأحيان ... والحاجة دي إتراوحت في مداها .. من زول للتاني ... يعني تحتك ود العباسية كان حاد جداً ... وحط رأي صريح وقوي .. وفوق خليل عاشق زيدان .. رحب بإقتضاب ... بس .. تفسيرك ده فعلاً بتاع زول فنان ... شاكرين ومقدرين ..
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
Quote: ياسلام عليك ياضياء ... تعرف كلامك ده فسر على الناس ما أستغلق من أمر أداء محمود للأغنية ... أنا واحد من الناس أعجبتني الأغنية .. لكن حسيت بحاجة غريبة في بعض الأحيان ... والحاجة دي إتراوحت في مداها .. من زول للتاني ... يعني تحتك ود العباسية كان حاد جداً ... وحط رأي صريح وقوي .. وفوق خليل عاشق زيدان .. رحب بإقتضاب ... بس .. تفسيرك ده فعلاً بتاع زول فنان ... شاكرين ومقدرين .. |
شكرا يا حاتم على التعليق الحقيقة محمود مبدع كبير لا بجارى ولا بيقلد عشان كدا ما بتتوقع اداءه لاى اغنية بكون بالنمط المألوف . شخصيا كل مرة انا بتفاجأ باداء محمود. وبالمناسبة هذا هو نفس السبب البخلى محمود ما بشيل وما بغني مع الآخرين ،طبعا الا اذا الغنية عمل ليها بروفات او كان معاهم فى نفس المووود. بالذات للأغاني الفيها مجهود فردى ونوعية اداء مختلف. يا حاتم ماتنسى الوصية يا اخى لازم تلمنى فى الصديق صلاح القدسي وتبلغه تحياتي
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: yasir tamtam)
|
Quote: أنا شمتان فيك والله شديد لأنك زفّيتني زفة شديدة وجيت الليلة تقول
( للمرة المليون فيه مشكلة في صوت صباح .. ولا في أدائها ...!!!!!!!)
هههههههههههههههههههه الحمد لله الجات ومرقت منك |
بالضبط كده ياياسر أخوي ... بالضبط كده .. نحن ناس عنقالة ... وبنسمع بس .. ورأينا حسب السمع .. وبس .. وفوق ده وده .. نحن مافنانين زي ماقلت ليك ... والفنان .. نحن لسه بنتعامل معاه بفهم المدرسين والطلاب زماااان .. يعني .. نحن نقول أي رأي في فنان أو أغنية.. مامشكلة ... لكن لما يجي رأي من فنان ... بكون ليهو ألف حساب .. ولما فنان يجي يقول عن فنان تاني ..ده جاي تمومة جرتق .. لازم يوضح أولاً المشكلة وين .. وإنه الشخص المعني ده .. مابعرف يغني ، ولا صوته سئ ،ولا زمنه فارق .. المهم يورينا الرأي ده على أي أساس .. ...
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
اهلنا ازيكم ،،،
اول شى بعتزر اذا رائى ما جا فى نفس الطريق بتاعكم ،، فى اداء اغنية كنوز محبة للفنان محمود عبدالعزيز ،،
اولا انا ما عندي نهائ خلاف فى انه محمود يمتلك صوت مميز وطروب ومتفرد ،،، ولكن
الاغنية لم استمتع بيها نهائ بهذا الاداء الباهت ،،، واحتمال يكون هناك اسباب ،،
عدم حفظ ،،،
عدم اجراء بروفات مع الاوركسترا ،،ودا ملاحظ من حركة محمود لى بتاع الايقاع على ما اعتقد ،،
والرائ دا حسب سمعى فقط ،، انا غير متخصص ولكن بحس بيه بفرق فى الزمن ،،
لكن بصراحة ،،، اغيثو محمود عبدالعزيز ،،،
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
Quote: اهلنا ازيكم ،،،
اول شى بعتزر اذا رائى ما جا فى نفس الطريق بتاعكم ،، فى اداء اغنية كنوز محبة للفنان محمود عبدالعزيز ،،
اولا انا ما عندي نهائ خلاف فى انه محمود يمتلك صوت مميز وطروب ومتفرد ،،، ولكن
الاغنية لم استمتع بيها نهائ بهذا الاداء الباهت ،،، واحتمال يكون هناك اسباب ،،
عدم حفظ ،،،
عدم اجراء بروفات مع الاوركسترا ،،ودا ملاحظ من حركة محمود لى بتاع الايقاع على ما اعتقد ،،
والرائ دا حسب سمعى فقط ،، انا غير متخصص ولكن بحس بيه بفرق فى الزمن ،،
لكن بصراحة ،،، اغيثو محمود عبدالعزيز ،،، |
حبيبنا .. سيد الحوش ود العباسية ... الإمام الشافعي .. قال - رأينا خطأ يحتمل الصواب ...ورأي غيرنا صواب يحتمل الخطأ - لكن التفسير اللي كتبه / ضياء الدين ..أعلاه ... أعتقد إنه مهم جداً .. في حكاية إحساس بعض الناس عن أداء محمود اليوم ...
__ وييييين صاحبنا سفيان اليوم ...؟؟؟ يعني اليوم الإتحركت فيهو الأحداث .. والغنا سخن .. يغيب !!!
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: الخير محمد عوض)
|
سلام سلام سلام يا حووووووووتة
شغل حلو وتطريب عالى وعودة قوية للصوت وذهبه الذي لا يصدا.... محمود قال: والنجوم تلمع بعيييييد بعيييييد بعيييييييييييييييييييييييييييييد الجرة التالتة دي ادتني احساس انو النجوم دي بعيدة بشكل خراااااافي وبعدين محمدية دا اول مرة تشعر انو بسمع اكتر من بعزف لانو كم مرة كدا لملم الشغل سريع سريع قبل ما يفلت منه زمام الكمان....
برضو قال: انت ما اهديتا لينا كيف تضيع احلى ما اهديت يا غالي الكلام دا قالو في الدقيقة 6: 50 طلع بيها فوووووق بطريقة مبدعة مبدعة ... يا سلام عليك يا حوتة وصدق القال ( الحوت ما بموت) سلمت يا ود العباسية.
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: لؤى)
|
اخي ضياء الدين ميرغني
بالفعل شريف الفحيل يمشي بخطي ثابته وفي تقدم مستمر وواثق من نفسه..بصراحه يعجب. اعتقد كما ذكرت ان محمديه خبره لا ينافس لكن اعتقد ان الرياده آيله لاسماعيل المبدع. اما يا ود العباسيه محمود عبد العزيز لا يقارع في الاداء وصوت جميل ومدهش لكن اليوم غني اغنيه من اصعب اغاني زيدان والشي اللي ما عاجبك كما ذكرت انه وللاسف لاول مره اسمعه يخرج من الزمن ولاكثر من مره...
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
ود العباسية و طارق , رمضانكم كريم في تقديري اساب تضارب الاراء حول كنوز محبة كان بسبب انو تنفيذها من قبل اوركستراء برنامج اغاني و اغاني كان في تيمبو بطئ في حين انها اصلا بتتنفذ بإيقاع الكراتشي الخفيف وده الخلي الإنسجام غير مكتمل بين محمود و الاوركستراء و ده الجاب إختلاف الزمن. + الاغنية دي كبيرة جدا و صعبة في عضم لحنها , لو لاحظتوا لمن يغنيها زيدان نفسو انو الدخلة الاولي في الاغنية بتجي بعد الدُم الاولي و في الكوبلية التاني بتجي مع الدُم الاولي طوالي و في التالتة سكتة و بعد داك بدخل الغنا مع الدُم الاولي . دايما لمن تسمع كنوز محبة بتديك إحساس لاول وهلة انو الزمن مقلوب و ده هو البعمل كونفيوشن للمستمع عشان كده في تقديري انها اغنية كبيرة و صعبة لكنها تظل اغنية سهلة لمحمود لو كان عمل ليها بروفات مع الاوركستراء قبل التسجيل.
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
.. . دا الفنان .. داالفنان .. هكذا كررها بشير عباس .. ومدح واثنى على طريقه اداء الحووت التى لا تشبه زيدان او من مشى فى خطاه ..
Quote: شكرا بشير عباس لانصافك الرجل. |
ريماز ومنار تناسق وطرب ..
شريف متميز ومايسترو كالعادة ..
--------------
يا شريف نصيحه انت تنطلق بأذن الله كالصاروخ بس شتارت الجماعة فى اللبس والزى ما تعملها .. كرفته يعنى تحشى القميص بجوه .. او ما تحشى وتقلع الكرفته ولا انت شايف شنو ؟؟
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
ما اتفقنا!
محمود غنى "كنوز محبة" نص نص! ما حافظ الأغنية تماما, و كنوز محبة بدون حفظ بتتحول إلي "حظوظ محبة" نتفهم ظروفو, لكن رقاد الصفحة و الإلتواء للخلف الشمالي يولد معاناة تنتقص من التطريب, و غير منسجم مع الأوركسترا ربما بسبب: عدم البروفة الكافية قياسا ب ستايلو, بيدخل للغناء قبل أن تكمل الأوركسترا الجمل الموسيقية و دون مراعاة لفروق "الدم", بضم الدال, بين كوبليه و كوبليه زي ما ذكر خضر الفنان!
كمنجة محمدية موزونة "طبعا", لكون صوت الString في الكيبورد2 "الشاب الجديد" المغطي للغائب "عمر القصاص" هو الخالق الشوشرة يا ضياء!
منار و رماز حاجة شطة جدا , أقصد الغنا الدويتو,
فرفور باين عليه لسة موتق من تلك "العرضة"!
عاش بشير عباس.
(عدل بواسطة المعز ادريس on 08-27-2010, 02:57 AM) (عدل بواسطة المعز ادريس on 08-28-2010, 08:16 AM)
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Rawia)
|
اوافقك الراي اخي اسامه
_____
اخي خدر
كلامك جميل ومتميز
كما ذكرت ايضا ان كنوز محبه من اصعب اغاني زيدان
والدخول في الكوبليهات لو ما زمنك قوي بتتعب
واتحدي اي فنان يغنيها مره مرتين بيتجهجه في الدخله
ويبدو ان محمود عبد العزيز لم يوقع الاغنيه مع الاوركسترا
والدليل
ان حلقة الامس كل الفنانين كانوا لابسين نفس لبس حلقة اليوم
ولاحظ البنات بنفس التياب حقت الليله
لكن محمود كان غائب بالامس وظهر اليوم
بمعني انه جاء متاخرا عن التسجيل
لانهم في العاده بيسجلوا حلقتين مع بعض
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
يا شباب الاغنية صعبة صحي بس محمود اداني امل انه ممكن يرجع زي ما كان ياخي عنده دخلات كدة تمحن الزول الجاء محل البصاص شكله نشز الموسيقى محمدية يظل المع من عزف الكمان في السودان مبدع حد الجنون
صباح زي ما لقت وزي ما حا اقول البركة في الوجنات
ناس الفوشيا يا ود العباسية برضو جضموا الغناء الزولة بتاعة عقد الجلاد دي تحس بيها زي العندها ملاريا كدة
ود الفحيل كان حيوي كالعادة عايز اسمع طه دة بشكل محايد ما قدرتة كله كله ما عارف ليه كلما احاول اسمعه كصوت تجيني واقعة(قنبلة)
والله الليلة نادر خضر عجبني
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
ياسلاااام علي الحوت, عظمه علي عظمه والله,, حلّق بينا فوووووق ورفعنا لعوالم غنا عاليه بعيييييييييد بعيييييد بعييييييد زي النجوم الفي كنوز محبه:) وللا لما يقول ياربيييييع ياااا ربييييييييييع !! وللا لما يقول: تلقي فيها الريييييييده فاااااارده جنااااحها تشتاق للربيع, وتاني ياربيييييع ياااا ربييييييييييع !!
محمود ياخ الله يسعدك زي ما بتسعدنا يااااارب,,
بصراحه ريماز برضو غنّت باحساس جميل, وثقه في النفس, تاني بنقول ليها : كلّك حلو :)
-- تبلدينا مبسوط ؟
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: yasir tamtam)
|
(+) +++ محمود يا محمود مالئ الدنيا وشاغل الناس بي صوتو وطريقة غناهو ينام ملء جفونه عن شواردها ويسهر الخلق جرّاها ويختصم شخصياً أطربني أداء محمود لكنوز محبة قمة الطرب مع وضع كلام الفنانين طارق عبيدة وضياء ميرغني في الإعتبار بوصفهم متخصصين أكتر بس نصيحة: الداير يطرب لي محمود يسمع ويغمض عيونو ياخ أنا بقيت لا شعورياً كلما يميل أميل معاهو لمن عمل لي وجع صفحة! السر قدور كل ما يجي يطلب منو أغنية يقول ليهو قوم على حيلك محمود عبد العزيز صوت زي الصناعة الإنجليزية بيهتموا فيها بالجودة أكتر من الشكل ولا الدزاين الكلام دا للناس الدايرين يقولبوا صوت محمود الواسع العريض في قوالب ضيقة بتاعت شكل ودزاين محدد للأغنية وزمن الأغنية .. محمود فرق زمن ياخ مايفرق ! بي صوتو المهول دا خلي يفرق برضو راضين ..
+ البنيات منار ورماز حضور واثق قدام الكاميرا وأداء جميل ومتقن جداً في البيسأل ما بيتوه بس تاني لمن يغنوا للبلابل الفنانين الشباب حقو ما يشيلوا معاهم بتحصل شترة كدا ما مهضومة يمكن عشان متعودين على غنا البلابل بدون أصوات رجالية ..
+ شريف الفحيل يا طير الجنة الله عليك صوت وطرب وروح لطيفة وحضور في الدقيقة 1:25 محمدية إتكيف منو للغاية و أتحفنا بي إبتسامتو الحلوة ديك لما يكون راضي وبشير عباس لمن قام إستعدل ليهو بإنتباه "قرون إستشعار الطرب إشتغلت"
ـــــــــــ غايتو حلقة بعدين لو ما غنوا فيها غنية (مشوار) حقت البلابل بجي أعمل ليكم كيتة هنا دا وأقعد أغني لي السر قدور بتعرف؟ إنت مااا بتعرف ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
مازلنا في آثار التسونامي بتاع أمس (أغنية محمود)... ولسه الإختلاف قائم في أداء محمود لـ كنوز محبة ... ومن الأثار الإيجابية ظهور أهل الموسيقى .. والإدلاء بدلوهم... وطبعاً لا يٌفتى ومالك في المدينة ... وهنا عندنا أكثر من مالك واحد ... عندنا طارق وضياء وخدر ..وغيرهم .. ... وبرضه من حسنات الإغنية أرجعت لدينا قدامى اللاعبين في البوست .. أختنا / تيسير ، وأخونا المعز ... .. إذن ... نواصل اليوم مع بشير عباس ...
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: yasir tamtam)
|
Quote: أصحي ..فاتك مولد ياسفيان .. |
Quote:
بركة السفيان نايم عشان ما يبقى عليهو البقى علينا بعد سمعنا صباح
|
Quote: وييييين صاحبنا سفيان اليوم ...؟؟؟ يعني اليوم الإتحركت فيهو الأحداث .. والغنا سخن .. يغيب !!!
|
تشكراتنا يا حاتم ويا شبكة وفعلاً نايم نوم شديد وبركة الشبكة الاسفيرية لي يومين حسووووم وهسي جيت سمعته حلقة بشير عباس هنا ده في اليتيوب وقريت كل التعليقات . وبسم الله نبداء ....
بشير عباس يكفي انه بشير عباس أحد صانعي الجمال السوداني والرجل الذي سيطر لحنياً علي حقبة كاملة علي الغناء في السودان حتي اصبح التنافس اللحني هو سمة من سمات تلك الحقبة فخرجت اللحان عظيمة وخالدة ، ويكفي ايضاً أن اهم فنانات ذاك العصر ومغنييه ارتبطوا باسمه (البلابل) ويكفي أنه الملحن الوحيد الذي يعرفه حتي اليوم عدد كبير جداً من الجمهور السوداني ويتردد اسمه مثله مثل المغني (طبعاً الشهرة في السودان للمغنيين فقط ) - ولا ذكر للخيل ابداً - بس بشير عباس عكس الصورة دي تمام التمام (إسماعيل عبد المعين سلطان الملحنين السودانيين - الموسيقة الحديثة- يعرفه فقط الاكادميين وبعض المهتمين وبرعي احمد دفع الله - ملحن الجمال- يعرفه ايضاً المهتمين والاكادميين ) وبشير عباس كسر القاعدة تماماً . أما بعد ... رآي الشخصي أن كافة اغاني البلابل كان مفروض يخلوها لمحمود عبد العزيز وكلامي ده بدون إي محبة أو مجاملة لمحمود . - يظل نادر خضر هو الحلقة الاضعف في مجموعة (عصام - عاصم - فرفور) . - صباح دي اعفوني منها وما عندي ليها حاجة . - طه سليمان مشكلتو انو بيقع دويتو مع انفة الذكر. - عاصم 10علي 10 . - فرفور ما عجبني خالص . - منار - ريماز مافي اي كلمة حيوية و آداء مية المية . - شريف الفحيل فنان المستقبل المحبوب جداً جداً يتقدم بقوة وخطى ثابته (ماشاء الله) . - محمود يستحق كل اغاني البلابل التي ذكرت في الحلقة وبخصوص آدائيه لكنوز محبة واللغط الذي دار هنا فأنا اتفق كامل الاتفاق مع حديث ضياء الدين ميرغني وخدر عن الفرقة الموسيقية ويا ناس ركزوا فمحمود ولسنين بعيدة جداً اكتر انسان فرقته الموسيقية ثابته وتعمل معه بشكل ثابت .
وسنتابع هذا اليوم .
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
غايتو في التلفزيون البيقولو عليهو قومي منال بدر الدين ومعاها شافع كده ذبحوا اغنية الجابري (هات يازمن) وندموني اني غيرته الغناء من الدعايات والله اخير الدعايات واخير هشام بي (عفشو) واخير ريتشي ذاتو .
اخيييييي عليهم ياخ .
والكلام عن الموسقيين في الجيش السوداني باعتبار انهم معلمي الموسيقي الاوائل . واميمة تغني للشاعر جعفر فضل المولي التوم وتحدث عنه بشير عباس باعتبار انه اول رئيس للفنون الشعبية وآطراه بشير عباس بما يعجب الناس وهو من عرف بشير عباس بالبلابل . و أميمة تغني حب وامل أميمة تؤدي بشل جيد (والله صوته ممتاز وحافظة ممتاز جداً وكان ممكن اديها ممتاز لكن أميمة برضو هي غير متفاعلة وغير حيوية مع الاغنيات وده البيخليها تتارجح بين المتوسط والجيد) والله انا غلطان ؟؟؟!.
وبشير عباس يقود جزء من اغنية يؤديها عاصم وهو جزء صغير جداً لا يمكن تقيمه .
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
Quote: و أميمة تغني حب وامل أميمة تؤدي بشل جيد (والله صوته ممتاز وحافظة ممتاز جداً وكان ممكن اديها ممتاز لكن أميمة برضو هي غير متفاعلة وغير حيوية مع الاغنيات وده البيخليها تتارجح بين المتوسط والجيد) والله انا غلطان ؟؟؟!. . |
تماماً ... ياخي أنا فوق أعلنت عن جائزة فقط لإبتسامة أميمة ... Quote: غايتو في التلفزيون البيقولو عليهو قومي منال بدر الدين ومعاها شافع كده ذبحوا اغنية الجابري (هات يازمن) وندموني اني غيرته الغناء من الدعايات . |
إصرار غريب من الطيب عبد الماجدكل مرة على دويتو .. مافي حاجة بتلمهم مع بعض ... عشان كده على قولك خلينا ... في البامية ما ياها زاتها ..لوووووووووول ..
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
الاخ ضياء الدين هذه الصورة مصدرها منزل الاستاذة اسماء شخصيا وكان اخونا عماد موثق المنبر ان يكون على اتصال بهم حتى يكون التوثيق بصورة تليق بالقامة اسماء حمزة
ياجماعة اغاني البلابل دي مافي زول يهبش ساكت بالرغم من انو صديقنا فرفور عمل ليهم شريط بكل اغاني البلابل ولكن ارى افضل من غنى لهم اذا كان اصوات نسائية او رجالية افضلهم الفنان الشاب ( مصطفى حمزة)
الشاب شريف صاحب الطلعة والابتسامه الساحرة التى رفعت له من اسهمه بأن يكون الفنان الصاعد بقوة . لانه يغني بسهولة ولايهاب الاعلام ويتعامل معهم بهدو مبالغ حتى في اغنياته ومن هذا المدخل استطاع ان يجد مكانه بين قلوب الشباب وبين الفنانين الشباب واكيد صوته لم يصل الى درجة صلاح محمد عيسى او الهادي الجبل وهذا هو العكس ونحن كسودانيين عندما نشوف المغني نطرب اكثر يعني اذا سمعت شريف في الرادي لم يطربني ولم يطرب الكثيرين عكس ما ذكرتهم بعالية ولكن امكانياته الصوتيه ظهر ضعفهعندما كان يغني مع جمال فرفور. الاستاذ ياسر تمتام
Quote: ضياءالدين سلام ورمضان كريم والله عاجبني شديد شريف و أوريك ليه
أولا : لأنو بسيط و علي طوووول هو مبتسم ودي أظنه مفتاح مهم لدخول قلوب الناس (البسمة ) . ثانيا : لمن يغني بيكون واثق من الغنية البيأديها و مافي خوف مهما الأغنية كبيرة ودي حاجة جيدة شديد |
يعني انت توافقني نفس الراي الذي ذكرته بعالية ومن يريد ان يعرف امكانياته يغمض عينة ويسمعة
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سفيان بشير نابرى)
|
عشرة علي عشرة شموس فنانة فنانة يابت اها ده التفاعل والحيوية القاصدو يا أميمة ياخ ...
معليش الاغنية القبل شموس دي ما سمعتها لانو الثورة كبست عليها مطر مباااالبغة والشبكة طشت مننا .
ريماز واغنية علي سلطان (نسيتني أنا) ريماز تؤدي بامتياز آداء فوق وبمزاج وبشير عباس مبسووووط ومنتشي وشغال مايسترو بيديه (مشتاق يطير دي والله عند البلابل مبااالغه وده ما تقليل لريماز).
اغنية حبايبنا وقرايبنا (التجاني حاج موسي) يغنيها صباااااح وطه (سجمك ياطه) وصباح تعفص الاغنية قبل طه وقبل الموسيقي بثواني (يا ناس الله البت دي زول يديها قلبه ياخ ويحدثها حديث الروح ويناجيها ذاتو نجاء واقعي ويخليها تحل عن سمانا) - يا طه ابضرس انا لو في حتتك ما بغني معاها كان جاء الفقس - و آداء مروع ويروع اي بشر وعذبونا عذاب واصلاً ما ممكن نسى زلهم لينا وما بننسي البيسوي فيها السر قدور ده والله ما بنسامحكم كلو كلو وخصامنا حيطول لابد الابدين ................... (اللهم اني صائم). انتي بالنيني انشاء الله بلاش طارق جبريل بلاش فوضى !!!. هي كان بقت علي العتاب واللؤم هينة .
أعغنية عثمان خالد (يا سلافة الفن) فرفور وشريف والصوتين مختلفين جداً وصباح صوته مفندر - معليش لكلمة مفندر دي لكن ما عندي ليها احسن من كده- من الكورال بي طريقة عجيبة . وفرافيرو ينفرد بجمالية جيدة جداً ياخ قولوا امتياز -محمود عبد العزيز يتفاعل وصوتو يظهر (محمود مدمن اغاني البلابل ويجيدها جميعاً) شريف يستلم بامتياز ويواصل تشريفه لهذا البرنامج بقوة وخد لفرفور وفرفور يواصل تالقه واستلام من شريف و غناء ممتاز والاستديو يتفاعل بشكل كااامل . وتنهي الحلقة وهي حلقة جميلة جداً . وبشير عباس يشيد بفرفور وشريف الفحيل . وقامو علي مهلم . وصباح دي حقوا تمشي اهله كلو كلو .
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
Quote: اخي ضياء الدين ميرغني
بالفعل شريف الفحيل يمشي بخطي ثابته وفي تقدم مستمر وواثق من نفسه..بصراحه يعجب. اعتقد كما ذكرت ان محمديه خبره لا ينافس لكن اعتقد ان الرياده آيله لاسماعيل المبدع. اما يا ود العباسيه محمود عبد العزيز لا يقارع في الاداء وصوت جميل ومدهش لكن اليوم غني اغنيه من اصعب اغاني زيدان والشي اللي ما عاجبك كما ذكرت انه وللاسف لاول مره اسمعه يخرج من الزمن ولاكثر من مره... |
الاستاذ طارق ميرغني المشكلة فى الخبرة احيانا او الثقة الزايدة بالنفس ممكن تعمل حاجة انا استمعت جيدا لكن لقيته ما اسماعيل وعلى العموم المسألة تكررت فى حلقات تانية لو فى امكانية اجيب ليك الرابط لاحقا. شكرى ليك يا استاذ طارق
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ضياء الدين ميرغني)
|
اغنية العيون او منك انتي للبسمعوها لاول مرة هي اول ثمرات التعاون بين الموسيقار بشير عباس والفنانة البديعة المعتزلة حنان النيل والبسمعها عند حنان النيل ما يظن يسمعها عند غيرها (رغم اداء شموس البديع ليها) الموسيقار بشير عباس باين انو ما قاعد يمسك العود كتير الا لمن يجى يسجل فى التلفزيون او الاذاعة رغم ان العود لا يفارقه ابدا (بصراحة ليس هدا عزف بشير المعتاد فى مقطوعة الحان او يا ترى كما يعرفها الناس) اتفق فى ما جهب اليه الاخ الفنان طارق ابو عبيدة حول التوتر العالي لهذا البرنامج دا امية بتاعت كهرباء عديل اختلف مع سفيان حول اداء صباح هذه اللية لانه كان بديعا كنت اتمنى لو غني محمود نحييك ما بتحيينا صحيح ان المطرب مصطفى حمزة اجاد وابدع فى اغاني البلابل ولكن بنسخة محمودية .اذن فلنسمع للأصل بدل الكوبى ولا شنو؟ شريف تمام ما فى كلام فرور اتقطع عديل الليلة
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ضياء الدين ميرغني)
|
ضياء الدين
Quote: صحيح ان المطرب مصطفى حمزة اجاد وابدع فى اغاني البلابل ولكن بنسخة محمودية .اذن فلنسمع للأصل بدل الكوبى ولا شنو؟ |
وهو كذلك طبعا الناس جابت مصطفى حمزة وعملت معه شغل لكي يضربوا به محمود ولكن لم يصمد طويلا كما يعتبر صوت محمود وطريقته مستمده من احمد ربشة والهادي الجبل لان الحوت ومنذ صغرة كان لايفارق بروفات الهادي الجبل الى ان عمل لنفسة بصمة وماركة مسجلة
ضياء هل تذكر في تلك الرحلة (صديق موسى) كنا نغني
غبت عن انساني === ياوحيد الكون السقم مساني اذا بعادك طال === ابقى لا تنساني
ياخي كانت ايام جميلة وما تجدع لينا هنا حاجة من عندك
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
Quote: وهو كذلك طبعا الناس جابت مصطفى حمزة وعملت معه شغل لكي يضربوا به محمود ولكن لم يصمد طويلا كما يعتبر صوت محمود وطريقته مستمده من احمد ربشة والهادي الجبل لان الحوت ومنذ صغرة كان لايفارق بروفات الهادي الجبل الى ان عمل لنفسة بصمة وماركة مسجلة |
اذن اتفقنا يبقى الاصل كان من الممكن ان يستمر مصطفى حمزة باسلوبه وطريقته الخاصة لكنه اضاع الفرصة لانه اراد ان يكون نسخة هزيلة لمحمود
Quote: ضياء هل تذكر في تلك الرحلة (صديق موسى) كنا نغني
غبت عن انساني === ياوحيد الكون السقم مساني اذا بعادك طال === ابقى لا تنساني
ياخي كانت ايام جميلة وما تجدع لينا هنا حاجة من عندك |
ايام جميلة كيف حال الصديق العزيز صديق موسى ووين اراضيه ولا زلت اذكر اغنية الاستاذ حسن عطية يازول انا قلبى حباه يا اخى غلبت على مواجع الذكرى تحياتى له ولك يا وليد
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ضياء الدين ميرغني)
|
أخونا/ ضياء .. كلامك أدناه .. ريحني جداً Quote: اختلف مع سفيان حول اداء صباح هذه اللية لانه كان بديعا |
لأن تعليقي أدناه ..
Quote: الغريبة ... صوت صباح هنا جميل جداً ... ولا فقط بالصدفةإتناسب مع الأغنية ؟؟؟ صوت صباح مغطي على صوت طه ؟؟ ولا أنا سمعي طش ؟؟؟.. |
تعليقي ... بتاع زول عنقالي ساي ... وسفيان نابري فطس لي كلامي ... غايتو الحمدلله ... سمعي كويس .. الظاهر كده ...
..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
Quote: لا اتفق مع العزيزين وليد وضياء الدين
استمعت لمصطفي حمزه قبل عدة ايام
مع المذيع الطيب عبد الماجد
صوت رديء واداء زي الزفت
لا ادري ان انتم تقصدون هذا الصوت ام صوت قديم غير ذلك |
استاذ طارق ميرغني تحياتى الحقيقة نحن متفقين وليس مختلفين حول مصطفى حمزة وعلى العموم انا لم اسمعه لمدة تزيد عن الخمس سنين لذلك لا يمكننى تقييمه الآن ولكن وهو فى عز لمعانه لم يكن سوى نسخة هزيلة لمحمود عبد العزيز
| |
|
|
|
|
|
|
|