رمضان كريم شباب ملاحظات صغيرة وعامة (قد تكون خارج الشبكة) *دى أول مرة أتابع فيها البرنامج live. *الحشد الكبير من المطربين أضر كثيرا بالبرنامج من ناحية الإعداد والإخراج. *شح المادة التوثيقة (غير الغناء).المادة التوثيقيه هى السبب الذى يجعلنى أتابع البرنامج. *الكراسى armchairs,ربما كانت جميلة ووثيرة ,إلا أنها لا تصلح لأن يجلس عليها مطرب ليؤدى أغنية. *المطربين:- 1.محمود عبد العزيز لاتعليق . 2.عاصم تم تمنميطه غصبا عنه لادآء نوعية محددة من الأغانى ,تعودت عليها آذان المستمعين ,وهو يستطيع أداء النوع الآخر من الغناء أن أراد. 3.جمال أدآئه هذه المرة أفضل بكثير عن سابقتها,فقط مزيدا من الإنضباط . 4.نادر كان حضوره طاغيا فى رمضان السبق ,و أقل كثيرا هذه السنة. 5.عصام فى أفضل حالاته لولا (الحيل الميت) .له أمكنات صوتيه عالية ويستخدم تقنيات الصوت بصورة جيدة ولكن يتفادها فى كثير من الأحيان.( عليه أيضا أن يستشير شخصا آخر فى إختيار الملابس التى يظهر بها على المشاهدين . (أرجو أن يلتزم الآخرون بعدم لبس جوارب(شرابات)بيضاء بيضاء مع الأحذية السوداء والبنية ..بالجد شينة وبدون أى زوق.) 6.شريف ممتاز وندعو له بالتقدم.(شوية شغل فى تقنيات الصوت ويكون 100% .)
نواصل ..
08-24-2010, 04:12 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
الله يفتح عليك يا مكي مماوتة عصام محمد نور دي فعلا تعذب أظنه ما لقى ليه زول ينهرو و يقول ليه يا ود إتلحلح شوية غايتو أنا لو كنت مشارك معاهم و كنت قاعد جنبو كنت عضيتو جنس عضة! أول مرة أشوف لي زول بيطرب و يحرق الروح في آن واحد!!
08-24-2010, 05:08 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
نحن طبعا خلقة الله كدا كان ما نقينا في الشي ما بنرتاح افهم تماما النقد الممكن يسير بالبرنامج دا لقدام والبخلينا نكون سمحين في عيون الناس البرا.... الناس الما شافونا وما بعرفو عن غنانا وعن هذا الزخم الفني الضخم والموسيقى المتفردة التي خصينا بها كامة عربية افريقية متمازجة ومتناغمة في سلمها الخماسي الفخيم.... نحن ببساطة كدا ما بنحب الزول الا لما يموت لما يكون حي في غالب الاحوال بنعمل علي تثبيط همته.... ياخي البرنامج دا قيافة وزايد لطافة وكل مرة بظهر بشكل اجمل وكاذب من قال بانه لم يستفيد منه سوى علي المستوي المعلوماتي او المستوى التطريبي.....عشان كدا يا هداكم الله روقو وختو الكورة واطة وعاينوا للجزء الممتلئ من الكوب بنفس العين التي ترون بها الجزء الفرغ منها انا طبعا ما سرتني بعض التعليقات الغير مسؤلة وغير ابهة البجو يفكوها بعض الناس هنا..... دا ما بيعني انو في ناس منورة هنا بقفشاتها ونقدها الطاعم المهضوم الممكن يستوعب في اطار النقد غير الهدام او غير البناء
ياجماعة معلومة غريبة ... تم تغبيشها تماماً في البرنامج ... اليوم فاطر معاي صديقي وزميلي / صلاح القدسي ... شقيق الملحن / ناجي القدسي ... عرفت من صلاح أن معظم أغاني التاج الأولى من تلحين ناجي القدسي .. حقيقةً إندهشت لغياب المعلومة دي تماماً أمس .. يعني مثلاً .. النضارة ، حبيت عشانك كسلا ، العنبة الرامية في بيتنا ، خلاص مفارق كسلا ، ياأهل المحبة أدونا حبة ... ياجماعة هل يعقل ملحن كل الأغاني الفوق دي وغيرها ... مايجي إسمه ... والله حرام عليك ياالتاج مكي ... ةحرام عليم ياقدور ... .. ياناس أنصفوا الملحن المبدع / ناجي القدسي ... يرحمكم الله ...
...
08-24-2010, 06:00 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
أنتهت منار من غناء الفي العصر مرور ولاعجاب السر قدور بالآداء قرر يومي يطلع في العصر .
السر قدور يتحدث عن جماليات ايقاع التم تم وقال أن جمال التم تم يحتاج كلام جميل لذا الشعراء كتبو لزنقار اجمل كلمات.
صباح تغني في التم تم اغنية غالية علي يا يمه قبل كده ما سمعتها لكن صباح عندها مشكلة واضحة في الصوت ومع انو غناء البنات هو غناء جميل وبسيط ومقبول في النفوس الا انو اغنية صباح اتبشتنت جداً في الآداء لدرجة انها ارهقت المجموعة في الاداء الكورالي معها .
Quote: صباح تغني في التم تم اغنية غالية علي يا يمه قبل كده ما سمعتها لكن صباح عندها مشكلة واضحة في الصوت ومع انو غناء البنات هو غناء جميل وبسيط ومقبول في النفوس الا انو اغنية صباح اتبشتنت جداً في الآداء.
اليوم مع غنا البنات ... لووووووووووووووول ... شكلنا ح نستمتع اليوم .... الله عليك .. يا منار ... الليلة ويييين في العصر مرورو... برافو منار ... أداء مرتاح .. ومميز ..
..
08-24-2010, 06:20 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
السر قدور يتحدث عن الدلوكه ويقول انو فيها ايقاعين خفيف التقيل وتقيل الخفيف ويقول انو احمد الصادق غنى الاغنية بخفيف التقيل ويدخل في الحديث عن عدد من الامثلة . ويتحدث عن ايقاع الحربي ويقول انه ايقاع المديح أو بعض الاغنيات وهو يحتاج رقيص يخص المديح أو رقيص البرجسه .
وشموس تغني يمه الليل الزول و آداء مية المية وشموس تقبض علي الأغنية قبضة العارف (بس يا شموس ما بالغتي في التلاوين دي ياخ) . الاغنية دي طه سليمان كان بسلمنا ليها زي الماحاصل حاجه .
08-24-2010, 07:00 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
أميمة تغني حبيبي تعال نتلم (مافي اي توثيق لشاعر او شاعرة او من تغني بها) - الاغنية دي تالاهون كان افضل ليها أو يخلوها للحبش رسمممممي - أميمة برضو اجادته بشكل ممتاز وجيد جاً لكن اظن اميمة لازلت متاثرة بتاريخها في الغناء الجماعي (ساورا وعقد الجلاد) ولسه بتحاول تثبت نفسه في الغناء الفردي .
وفردتنا يغني عاشميق الاصم وقطع شك عاصم حيجضمه زي ما قال الكتاب . اها الرمية المافيها طنه وجمال فوووووق وابشر فووووق - كع كع كع كع أنا طاري الخفله يوم غنايه هايش هناء كع كع كع كع اهل لينا ياريح جيب ليه اخبارهم قالت لي مبسوطين ونعم ديارهم وبعد الهجة للضيفان بتوقد نارهم كع كع كع ياناس دي حلقة نار منقد لكنها الصبر وفوق مرتو اتجلقنا وعاصم يبداء ويجر النم علي دقر الحرايق غناء يدخل القلب تووووووووش مافي كلام يا عاصم ومحمود يهز بالسيف وجمال اخر هجيج وعرضة ونادر برضك اخر هزة وجمال يصر علي العرضة مع جميع الشباب ... - الحالة دي بخره من فردتنا - كع كع
يا عاصم الاغنية دي بي رميته اكتبه لينا في البوست ده .
يا حاتم وياناس الحلقة دي بديها 10% مافي كلام .
ريماز والليلة وين يا عيني الله الله علي غنى البنات غايتو ده يوم عجيييب (وريماز اصفر في اصفر) وعاصم وجمال نار وولعوا الاستديو عرضة وهز جد . ريماز تسوق الاغنية بشكل جيد خالص خالص والجميع وقوف داخل الاستديو عدى عمكم قدور يقيف ويقعد .
اها يا عباسية استلم بس الاعادة حتكون مسيخة .
08-24-2010, 06:45 PM
عفاف الصادق بابكر عفاف الصادق بابكر
تاريخ التسجيل: 08-10-2009
مجموع المشاركات: 4188
قرقر قرقر قرقر والله فرفرتو دى مطلع زيتى .. وبعدين قعدتو التقول قاعد فى صالون بيتهم ياخى بالجد ما مهذبة والعيب ما عليهو العيب على المخرج .. وكالعادة جايب جلاليب الخليج ولا غرب افريقيا دى وجايط بيها الجلسة ببيت السيف .. حتى عمنا السر قدور استاء من الفرفرة وصرح علنا بان الجلسة مممتعة لولا خرمجة الشباب دين ؟ فى اشارة بائنة للحركة المزعجة اثناء الاداء ..
والله لمن شفت الحوت بالسيف قلت يقوم يشيل لينا بيهو رأس عمنا السر قدور .. الحوت كان ضيف شرف اليوم ومعه بقية الشباب
الواحد استمتع بالزى اكثر من ان يستمتع بالغناء والاداء منار ابداع وريماز تألقت كالعادة .. حتى وان كانت صامته
اميمة حقيقة دى ( الرزانه ) فى الاداء والحضور وحتى ملامح الوجه .. بس البشوف منو والبكلم نابرى منو ؟؟
-----------
لم اتوقع ان شعار MTN ونادى المريخ هما بهذا الجمال الا اليوم :)
Quote: صباح تغني في التم تم اغنية غالية علي يا يمه قبل كده ما سمعتها لكن صباح عندها مشكلة واضحة في الصوت ومع انو غناء البنات هو غناء جميل وبسيط ومقبول في النفوس الا انو اغنية صباح اتبشتنت جداً في الآداء لدرجة انها ارهقت المجموعة في الاداء الكورالي معها .
ياجميل كلام سليم في السليم في ما يخص صباح ودعنى اتحدث ليك عن كل البنات شموس ومنار واميمه ورماز صحيح اصواتهم جميلة ولكن غناء الدلوكة والتمتم ليهو اصوات معينة لم تتنقر الدلوكة لو ماحسيت بالغناء في قلبك معناها دا ما غناء امسك عندك اصوات غناء البنات 1 - زهرمان ( العربي من طابت ياحبيبي وخلي الشمس غابت ) 2- سميرة دنيا (ياقمرية قوقي وروحي لحبيبي قساية == وقولي ليهو راجياك انت بالحب تغني وانا اشيل معاك ) 3- هاجر كباشي ( ودي لما تعمل ثنائي مع حوته في اغاني البنات شفتنه شديده )تسمع والجنبك ماتدي 4- انصاف مدني ( المن نظراتو مابشبع ومن ريدو ما بقنع دنقلاوي اصلي مامرقع ) واللاعب رقم (4) دا ظهر في الاخر ولكن اثبت انه صوت قوي وجميل صوت نسائي ينفع لهذه اللونية من الغناء واحيانا الاصوات الرجالية لما تغني اغاني البنات بتكون اجمل واطعم مثل زنقار وحمادة بت ومحمود عبد العزيز واحمد الصدق وفرفور الذي كان يغنيها عندما كان يغني شعبي ..
------------- ياعاصم فرفور شففني هذة الحلقة وكما قال فعلا ابدعت ومنتظرين ابداعات عصام محمد نور
فى تصورى الشخصى كانت هذه الحلقة مناسبة جداَ لأن يشدو الحوت بحيويته المعهودة ،، كان واعياَ جداَ مشاركاَ بفعالية ،، وعكس جميع الحلقات الماضية لم يتخفى وراء أكمام قميصه ،، كان مبتهجاَ ،، كنت أتخيل أن قريبه فرفور أو عاصم وهم فى قدلاتهم تلك أن يأخذوه معهم وخاصة أنه كان يحمل سيفاَ ناصلاَ من غمده .
أعتقد بأن قدور قد فوّت علينا متعة كنا ننتظرها فى هذه الحلقة من الحوت ،، أتمنى أن يستمر الحوت بنفس المنوال فى الحلقات القادمة.
مع التحية للجميع ومستمتعين والله بالأغانى والتحليل هنا من الأخوان والأخوات الأعزاء
ماهر
08-24-2010, 09:09 PM
Ahmed al Qurashi Ahmed al Qurashi
تاريخ التسجيل: 08-28-2006
مجموع المشاركات: 4263
بعدين يا ابو الفن ياخ ليه ما افتيتني في قصة دق صدروا بي يدو !!!؟ القصة دي بتبداٍ مع موسيقة الاغنية وتنتهي بانتهاء الاغنية ، يعني في نظرك كده ما محتاجه منك لي اجابة!!!؟
والله يا اخوي سفيان كل فنان عنده لازمه مثلا ابراهيم حسين يبتسم مع الغناء وتقف الابتسامه مع انتهاء الميلودي الكابلي لازم يقح او يتنحنح عثمان مصطفي ما بيعرف يعمل شنو مره يمسك الحزام ومره يكرش راسو وهكذا
لكن ضرب صدرو بي ايدو دي يعني نظام ترسو البحر خيرسان.
ود العباسيه
لكن سؤال يا ابو الفن ،، صحى الفنان حمد الريح اشتر ،،؟ انا سمعته الكلام دا من
واحد زمااااااااااااان
والله يا ود العباسيه انا حضرت من قبل حمد الريح طلع من الزمن في احدي الحفلات . ولكن هو مشكلته تقريبا زي مشكلة اخي عبد القادر سالم زمنو كويس لكن رقصتو اثناء الغناء تطلع مشاتره ولكن لا يطلع من الزمن ابدا
المعز ادريس: غايتو أنا لو كنت مشارك معاهم و كنت قاعد جنبو كنت عضيتو جنس عضة! أول مرة أشوف لي زول بيطرب و يحرق الروح في آن واحد!!
زمان ما قلنا ليكم مشكلة عصام محمد نور النياصه رغم جمال صوتو وبالمناسبه هو من الشباب القليلين اللي عنده الحان معتبره
حاتم يوسف العبيد: ياناس أنصفوا الملحن المبدع / ناجي القدسي ... يرحمكم الله ...
اخي حاتم ناجي القدسي لحن لحمد الريح الساقيه وحمام الوادي
وشالوا الكلام ونحن في وادي وعيشة الشقي واحلي منك وسلم بي عيونك اما للتاج مصطفي فحسب علمي لحن له العنبه وخلاص مفارق كسلا ويا اهل المحبه
وهو كما ذكرت اكثر ملحن مظلوم
08-24-2010, 10:18 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
أنا حقيقةً ماكان عندي فكرة عن علاقة أغاني التاج مكي بـ ناجي القدسي .. كنت عارف عن ألحان جميلة لـ حمد الريح زي الساقية " وبرضه في حلقة حمد لم يأت بذكر ناجي ".. .. اليوم الموضوع بالصدفة حصل .. بتكلم مع صلاح القدسي .. وهو رجل أقرب للصوفية... عن حلقة الأمس مع التاج مكي .. فإذا به يبستم ويفرح .. وحكى عن علاقة أغاني التاج مكي مع ناجي القدسي .. وأكد لي أن الأغاني الموضحة أعلاه من تلحين ناجي .. وتأثر كثيراً من إغماط حق ناجي .. ولو الحق الأدبي .. بذكر الملحن ... وخاصةً مع التاج .. حيث تحولت علاقة الموسيقى لعلاقة عائلية .. وحكي الكثير ... وحكى عن ماواجه ناجي في مرضه .. من عدم التقدير والوفاء .. مما أدى الى إبتعاد ناجي عن السودان ... والغريب في الأمر .. أن ناجي الى الآن "بالرغم من تصوفه" مازال يلحن .. فقط لنفسه .. وأوضح أن هنالك عمل جاهز لدى نادي للشاعر / كمالالجزولي بعنوان - مهاجر فرغ من تلحينه .. ناجي كان ومازال قامة سامقة في سماء الألحان - مثل / مهماتأخروا -لمصطفى سيد أحمد/ جسميإنتحل - أبوعركي البخيت .. والكثير ... وح أحاول أخدمعلومات أكثر في موضوع أغنية " حبيت عشانك كسلا " .. حيث أكد لي للمرة التانية أن الأغنية دي تم تلحينها في منزلهم في بحري في اوائل السعينات وبحضوره هو شخصياً.. .. جسمي إنتحل ... من أورع ما قدم أبوعركي .. ..
08-24-2010, 11:44 PM
othman mohmmadien othman mohmmadien
تاريخ التسجيل: 12-13-2002
مجموع المشاركات: 4732
الأخوة الأكارم/ حاتم يوسف عبيد - و - صلاح القدسي ...
رمضان كريم ...
Quote: .. اليوم الموضوع بالصدفة حصل .. بتكلم مع صلاح القدسي .. وهو رجل أقرب للصوفية... عن حلقة الأمس مع التاج مكي .. فإذا به يبستم ويفرح .. وحكى عن علاقة أغاني التاج مكي مع ناجي القدسي .. وأكد لي أن الأغاني الموضحة أعلاه من تلحين ناجي .. وتأثر كثيراً من إغماط حق ناجي .. ولو الحق الأدبي .. بذكر الملحن ... وخاصةً مع التاج .. حيث تحولت علاقة الموسيقى لعلاقة عائلية .. وحكي الكثير ... وحكى عن ماواجه ناجي في مرضه .. من عدم التقدير والوفاء .. مما أدى الى إبتعاد ناجي عن السودان ... والغريب في الأمر .. أن ناجي الى الآن "بالرغم من تصوفه" مازال يلحن .. فقط لنفسه .. وأوضح أن هنالك عمل جاهز لدى نادي للشاعر / كمال الجزولي بعنوان - مهاجر فرغ من تلحينه .. ناجي كان ومازال قامة سامقة في سماء الألحان - مثل / مهما تأخروا -لمصطفى سيد أحمد/ جسمي إنتحل - أبوعركي البخيت .. والكثير ... وح أحاول أخدمعلومات أكثر في موضوع أغنية " حبيت عشانك كسلا " .. حيث أكد لي للمرة التانية أن الأغنية دي تم تلحينها في منزلهم في بحري في اوائل السعينات وبحضوره هو شخصياً.. .. جسمي إنتحل ... من أورع ما قدم أبوعركي .. ..
سعدت جداً بتعطير هذا البوست بذكر ناجي القدسي ... الرجل الذي ...رأيته في صنعاء .. في ميدان التحرير يرتدي جلباب أو جلابية سودانية وعمة مكربة ... حينما تلقي عليه التحية إياك ومناداته بناجي القدسي "بفتح القاف" والـ "دال" كما ينطقها اليمنيون فسرعان ما يحتج على ذلك ... يحبها بالطريقة السودانية بضم القاف وسكون الدال... رجل مولع بحب السودان لدرجة الجنون ولا ترى فيه شئ من آثار يمنية ... وحضرت مشاركته في أحد الحفلات وتكلم عن تجربته مع حمد الريح وكذلك ... مهما هم تأخروا التي قدمها لفيروز وأعجبت بذات اللحن الذي أبى إلا أن يقدمه لفنان سوداني وهو مصطفى سيد أحمد ... حزنت في حلقة حمد الريح كذلك في برنامج أغاني وأغاني إذ لم يتطرق لإسمه خاصة أنه لحن أغنية الساقية ... أجمل الألحان التي طربت لها أذني وطرب لها الشعب السوداني ...
كان وحتى وقت قريب يهيم بوجهه في ميدان التحرير بصنعاء بلحية بيضاء كثيفة ... شارد شرود الصوفي ... متغرب بغربة صوفية وأحيانا تجد سبحة على عنقه وعمامة سودانية وجلباب سوداني أبيض ...صوته جميل غنى لنا مهما هم تأخروا وأداها بصورة عجيبة وكان يبدو عليه حزن عجيب ....وكذلك أداها مع العاشق الأوحد لديارنا ... الدكتور نزار غانم بالمركز الفرنسي وكم من الذكريات المترعة بالعشق والفن وحب الوطن السودان فيا لهما من إنسانيين رائعين .... من المؤسف أن أرى ناجي كثيرا هائما على وجهه يتأمل في الأرض .... تألمت كثيراً لحاله وعرفت أنه كمبدع ضاع لعدم وجود الرعاية ولضيق اليد الظاهر في حالته .... رجل أحب السودان ولم يكافئه ... السودان ... حكوماتنا الظالمة أهملت أي شئ ... وأصابنا الوهن حيال الاصلاح .... التحية من هنا لناجي القدسي المبدع المتفرد ... ولنبادله جميعا حباً بحب.... وكما أحبنا فنحن نحبه ... ونتمنى له عاجل الشفاء .... والتحية لكما / حاتم وصلاح
Quote: التحية من هنا لناجي القدسي المبدع المتفرد ... ولنبادله جميعا حباً بحب.... وكما أحبنا فنحن نحبه ... ونتمنى له عاجل الشفاء ...
أخي /أبوعفان ...الشكر أجزله للكلام الطيب في حق أ/ناجي القدسي ... وحقيقي كلامك كان ليهو وقع طيب في نفس صلاح القدسي ... .. وعلى وعد بكتابة بوست كامل بمساعدة صلاح عن الملحن / ناجي القدسي .. نجرد فيه ماقدمه ناجي ... وطبعاً ح يكون محضور بشيوخنا العارفين بالغناء ناس د/ ود القرشي وطارق ميرغني ... وحضوركم الكريم .. والآخرون ...
..
08-26-2010, 09:02 PM
ضياء الدين ميرغني ضياء الدين ميرغني
تاريخ التسجيل: 01-29-2009
مجموع المشاركات: 1431
Quote: 4- انصاف مدني ( المن نظراتو مابشبع ومن ريدو ما بقنع دنقلاوي اصلي مامرقع ) واللاعب رقم (4) دا ظهر في الاخر ولكن اثبت انه صوت قوي وجميل صوت نسائي ينفع لهذه اللونية من الغناء
وليد .. سلام ...
إنصاف .. بت مدينتنا... وبت حلتنا ... زولة غناية بمعنى الكلمة .. وهي كـ وجيدة ... تغني ولا تحرك أطرافها ... مدهشة تماماً... وبتغني من بدري عندنا ... بس ظهرت في الخرطوم مؤحراً...
..
08-24-2010, 11:47 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
إنصاف .. بت مدينتنا... وبت حلتنا ... زولة غناية بمعنى الكلمة .. وهي كـ وجيدة ... تغني ولا تحرك أطرافها ... مدهشة تماماً... وبتغني من بدري عندنا ... بس ظهرت في الخرطوم مؤحراً...
ياخي مدني جابت محمد مسكين عوض الجاك ابو الامين ابوعركي الكاشف اسي ناس امدرمان يقول (انصاف مدني ) مننا زي ماقالوا الجماعة الفوق ديل مننا ياخي البت دي سمعناها واكتشفناها قبل ناس مدني زاتهم يسمعوها رايك شنو في بحري سر الهوي التي تعتبر امتداد لناس مدني التي تعتبر بها درر من الفنانين .. ياحاتم انت زاتك لوهبشناك بنلاقي انك فنان
08-25-2010, 00:55 AM
خالد المحرب خالد المحرب
تاريخ التسجيل: 01-14-2007
مجموع المشاركات: 5705
والله الليله شبعت صقريه لامن قت بس فى الاعاده وبصراحه الاغانى كلها حربيه وبعدين يا فرفور لقيتك زول صقريه عديل ود البنا من زمان شفتو بعرض مع الفرجونى واللمين للمره التانيه احييك يافرفور بس دايرلك براحه كبيره التحيه لكل الناس الجو هنا ديل وانا ما قريت اى حاجه صوقرت وكتبت المداخله والسلام
08-25-2010, 00:57 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
والله يا صاحبي اخوك رشوة الشوف ما بتضهبو من السمع لووووول ...
Quote: ياجميل كلام سليم في السليم في ما يخص صباح ودعنى اتحدث ليك عن كل البنات شموس ومنار واميمه ورماز صحيح اصواتهم جميلة ولكن غناء الدلوكة والتمتم ليهو اصوات معينة لم تتنقر الدلوكة لو ماحسيت بالغناء في قلبك معناها دا ما غناء امسك عندك اصوات غناء البنات 1 - زهرمان ( العربي من طابت ياحبيبي وخلي الشمس غابت ) 2- سميرة دنيا (ياقمرية قوقي وروحي لحبيبي قساية == وقولي ليهو راجياك انت بالحب تغني وانا اشيل معاك ) 3- هاجر كباشي ( ودي لما تعمل ثنائي مع حوته في اغاني البنات شفتنه شديده )تسمع والجنبك ماتدي 4- انصاف مدني ( المن نظراتو مابشبع ومن ريدو ما بقنع دنقلاوي اصلي مامرقع ) واللاعب رقم (4) دا ظهر في الاخر ولكن اثبت انه صوت قوي وجميل صوت نسائي ينفع لهذه اللونية من الغناء واحيانا الاصوات الرجالية لما تغني اغاني البنات بتكون اجمل واطعم مثل زنقار وحمادة بت ومحمود عبد العزيز واحمد الصدق وفرفور الذي كان يغنيها عندما كان يغني شعبي ..
شكرا يا وليدنا علي المعلومات بس انا عندي سؤال هو:- مثلا لو اخت شقيقة شكرت اخوها او ابوها او زوجها وكتبت فبهو شعر مغنى جه غناء بنات!!!؟
08-25-2010, 00:57 AM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
Quote: وين يا رئيس الرابطة ،، عايز اقدم طلب ياخ ،،
ود العباسية ... رئيس الرابطة بقوليك ... ألف مرحب بك ... عضو فاعل وإنت أصلك زول الرابطة من زماااان ... لكن دي كانت محاورات منك بس ... وسوف تتم دعوتك قريباً لمناقشة إقتراح تحويل الأغنية الشهيرة "يالابس البمبي " الى .. يالابس الأصفر
..
08-25-2010, 08:19 AM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
الليلة الحلقة كانت كلها نقزي بس حلوة والله الواحد قاعد وينقز معاهم لمن عضامو اتملخن صباح كانت الاضعف غاتو البركة في الوجنات منار وشموس كانوا رائعين ريماز جضمت الاغنية انعل ابو المنقة قلب التور ذاتها
08-25-2010, 07:21 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
غناية وبتعرف تلون صوتها وتسوقو محل ما عايزا بقيت اطرب ليها شديييييييييد وبعجبني حضورها برضو زولة حاضرة وبتحسسك انو ما خايفة ومجضمة شغلها تمام التمام
فرفووووووووووووور رايحة ليهو عرضة
ود البناااااااااا غنى في براحات صوته فاطلق له العنان وبلغ بنا حد التطريب
ريييييي ماااااااا ززززز : عشرة علي عشرة كالعادة
شريف جاني احساس انو الليلة لو كان لابس بلدي كان اداها عرضة عرضتين جامدات
عصام الليلة مدسي ما عارف مالو
الحووووووووووووت الليلة بدى انيقا وربما بدا يتعامل مع الموضوع بي جدية.... في يوم ما في اغنية ما الحوت حا يفك ليكم قنبلة هذا الموسم واني لها من المنتظرين .... حوتة يا
طه سليمان: بديت اغير رايي فيهو فقد بدى جميلا في كل مشاركاته..... زول لبييييييييس لامن بهناك... اول مرة اشعر بارتياح للبس الكرفتة والقميص يكون ما مشكوك... طبعا الحركة دي عملها محمدية السنة القبل الفاتت فنال حظه من البستيف
اميمة حضورها ضعيف جدا جدا ولكن ملكاتها الصوتية عالية ( ولكنها لا تصل لقامة عقد الجلاد) . صباح: لما تغني بتكون مبتسمة وبمجرد ما تخلص الكوبلي بتاعا بتتغير ملامح مجهها تماما- في زول لاحظ للحركة دي - صوتها حلو محتاج لتدريب علمي عشان تعرف مناطق الذهب في صوتها كما قال المبدع انور عقد الجلاد.
احمد الصادق غناااااااااااااااااي خالص خالص بس يخلي الجنصصة دي
ختاما حلقة حمد الريح + حلقة اغاني البنات تسيدتا الحلقات دون منازع
08-25-2010, 07:30 AM
عبدالغني كرم الله عبدالغني كرم الله
تاريخ التسجيل: 07-25-2008
مجموع المشاركات: 1323
ياود العباسية، ياخي شكرا، على تعبك، وصدقك الفني الكبير..
ياعفاف والله بحب كلام قدور، شديد، وشايفو غناوي، راجل درويش، غارق في ملكوت الفن، ويعشق الجمال لليوم، بل أحسه يتذوق الجمال اكثر من أي شاب، فحال التذوق في القلب، حينا، تصدأ برغبات ساذجة، ولكن السر قدور، زي ما قال شيخ الحكي العالمي ماركيز، (الحب يأتي بعد سن الخمسين)، كأنو تلك العلاقات، كانت بروفات، لسبر الثنائية الخالدة، ومن كل شئ خلقنا زوجين، مش، وكم وش باسم..
التوب السوداني، ومن ثمة الزي السوداني.. شئ ساحر، وجميل، والخايفة انو يستر موسيقى جسدها، لا اظنه، فهو ينام على تلك الموسيقى، بل يعطيها قداسه سودانية محببة، مجرد رأي.. لا ارفض اي زي، بس شدني منظرهن بالزي السوداني، زي الوسط طبعا، وياريت كل مرة يكون في زي لروح بلادي المعتقة..
أميمة تغني بحزن، وعيونها حزينة "حزن فطري"..
ريماز، لا تتفاعل مع الاغاني "بصدق"، اظنها خايفة على (هيبتها"، والظن كذوب..
الفحيل له ضحكة مشرقة، فنااانة، يعني بغني باساريره، وهناك بيت القصيد..
احيانا يعلق السر قدور تعليقات جميلة، أو غزل للبنات، وللاسف لا أجد رد منهن، ولو بسمة، أنه شاعر مخضرم، يستشف من كل شئ جمالا..
فرور كتر العرضة، حتى تحس بأنها ليس انفعال،...
الفي العصر مرور، جرت بي لأهلي، والطفولة، وعشق الطفولة، (وربي عشقت منذ الطفولة)، كم وش باسم..
طه سليمان، ما اقدر اقول شئ، صار نيسبنا، ونحن نحب عبدالرحمن ابوشيبة، وكريمته عبير، وكمان طه من جهتنا، وربنا يسهل طريقه لقمة الابداع..
البرنامج لسه، داير تخطيط اكتر، وقروش اكتر، وتصوير معترف، ومساحة أكبر، وبروفات تتعدى الشهور، فهو برنامج جماهيري وسنوي..
قالوا في حلقة في بيت عمر البشير، ليتها لا تتم، سيسقط البرنامج في نظر الكثيريين، انتم فنانني الوطن، وليس هذا او ذاك، يموت نميري ويبقى الكاشف، لكل السودان، إياكم، ياهؤلاء، هو في حاجة لكم، بلى هو، وليس أنتم..
Quote: .كدا زعلتينا يا امانى ياااخ .. يعنى مافى زول فى الحلقة ما جبت سيرتو .. عــــدا.... .شتل المنقة
-------------
لو عايز تظهر .. البس اصفر .
ياتبلدينا لقيتك صاااحي, معقول ما أجيب سيرة الأصفر الوهاج؟ تصدق في بالي الأصفر وأنا بكتب في المداخله بس ماكتبتها من الأول كيف ماعارفه !!! المهم رجعت عدّلت قبل ما أشوف مداخلتك والله,,
مابنقدر نزّعل مريخاب المنبر لووووووول
----
عفاف, أمبارح الحووت فرّحني بمظهره المرح جدا :) انشاء الله دايما يارب,,
08-25-2010, 10:06 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: وين يا رئيس الرابطة ،، عايز اقدم طلب ياخ ،،
ود العباسية ... رئيس الرابطة بقوليك ... ألف مرحب بك ... عضو فاعل وإنت أصلك زول الرابطة من زماااان ... لكن دي كانت محاورات منك بس ... وسوف تتم دعوتك قريباً لمناقشة إقتراح تحويل الأغنية الشهيرة "يالابس البمبي " الى .. يالابس الأصفر
اها رابطتكم دي أنا تب مافيها ولا بشجع زول يكون فيها (سجن سجن غرامه غرامه) بس اللون الاصفر ولا شي سواه هاهاهاهاهاهاها.
يا طارق جبريل لف كده والا كده ياخ شفته ليك
Quote: وجنه
بتغني!!!؟
يا حاتم بالنسبة لي 10% أنا قاصد بيها 10 من عشرة يعني النمرة الكااااملة وياريت الليلة برضو اغاني بنات ياخ .
لكن سؤالي مازال قائم (لانو قدور ده أمس حنكنا سااااي) عايز افهم هل اغاني البنات هي اغنية واحدة ؟ تاني حاجة في وجهة نظري كتير من الشاعرات يشكرن الفرسان واخوانهن (عاشميق الاسم - ود حبوبة والنماذج كثيرة- هل تعبر مثل هذه الاغنية اغنية بنات!!!؟ تالت حاجة هل اغنية البنات هي ايضاً اغنية وسط !! ولا يوجد اغاني في الاطراف الاخري للسودان !!؟ بالجد البرنامج ده لو توثيقي يبقي علي التوثيق السلام . بتمني القى اجابات تشفي سؤالاتي وتدعها تتراجع.
08-25-2010, 10:17 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: الحووووت كان مصحصح ومرح ومبتسم وهكذا نتمني أن يكون دائما,,
والله امس كرهت السر قدور عديل ياخي كنت اتمنى يباصي للحوت اغنية من اغاني البنات عشان كان الناس دي تفهم حاجة حتى لو يغني العجب حبيبي ياخي اذكر في زواج شقيقة جمال فرفور عمل ثنائية مع هاجر كباشي وحير الناس في هذه اللونيه محمود ظاهرة تتكرر كل خمسون عام
------------------------- معقول ياجماعة الحووووووووووت السنه كلها احتياطي طيب جايبنو ليه ما يخليهو ترتاح
08-25-2010, 11:10 AM
عفاف الصادق بابكر عفاف الصادق بابكر
تاريخ التسجيل: 08-10-2009
مجموع المشاركات: 4188
كلام عن بدايات أ/ صلاح أحمد محمد صالح .. وعلاقة بدايات السر قدور مع صلاح .. وبداية صلاح في الإذاعة ومن ثم إنتقاله الى لندن .. وعودته مرة أخرى مع الإستقلال .. وهو أول من قدم برنامج حقيبة الفن .. وكذلك أول من قدم البرامج التفاعلية في الإذاعة .. .. مارأيت في الكون أجمل منك .. مع تالاهون .. ..
Quote: صوره عجيبه لعناية محبي الحوت: عفاف و وليد وكل البقيه
مشكورة على الهدية ياخي محمود امس نفسياتة في السماء وكان اجمل لو السر قدور اداهو باص في اغاني البنات عشان الناس تعرف الكبير كبير والحوت حوووووووووت ويكفي انه الشاب الوحيد الذي عمل لنفسة استايل خاص للغناء به ونجح في ذلك . . بالرغم من وضع شطرة محل شطرة في يامسافر وناسي هواك ولكن اولاد بحري لعبوها ون تو جميل بين طه وفرفور . .
مات الهوى ... من أغاني عثمان حسين .. وعصام محمد نور ...
ياجماعة ممكن حكاية الظهور في التلفزيون بـ جلابية وطاقية ... زي عصام اليوم .. وفرفور أمس ... المفترض يكون فيه ضوابط للبس ... في حالة لبس الجلابية ... لابد تكون مكتملة .. مع العمة ... لكن .. بالشكل الحاصل ده .. كأنه قاعد في الحجر في الشارع .. .. حلقة اليوم ..كان الكلام أكثر من أي حاجة ... وعبارة عن توثيق وحكاوي عن صاحب الحلقة ... وحتى أغنية عثمان حسين الأخيرة ... كالمعتاد .. بدون أي حيوية ...
.. غايتو الليلة عرفتها يا سفيان ... وزوغت من بدري ... عموماً لا أنصحك بمشاهدة إعادة الحلقة ...
____ أخوي ..وليد ..مراحب .. الليلة والله لا بحري ولا أمدرمان طلعنا من المولد بلا حمص ..
.. ____ حبيبنا .. سيد البيت .. ود العباسية .. المايك معاك ..
..
08-25-2010, 07:23 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
Quote: ياجماعة ممكن حكاية الظهور في التلفزيون بـ جلابية وطاقية ... زي عصام اليوم .. وفرفور أمس ... المفترض يكون فيه ضوابط للبس ... في حالة لبس الجلابية ... لابد تكون مكتملة .. مع العمة ... لكن .. بالشكل الحاصل ده .. كأنه قاعد في الحجر في الشارع ..
ياخي البرنامج اصبح مضيعت زمن وممل
ود العباسية صورة استاذ طارق ميرغني ( ابو الفن ) لم اجدها ولكن دي صورة نادرة له طلعناها ليك من السحارة بس عشان تعرف انو طارق ( ابو الفن ) استاذنا في كل شيء حتى في كرة القدم التي امتهناها
صورة (طارق ابو الفن ) من الارشيف ود العباسية انت نعست انا نمت عديل بعد ان سمعت طه وفرفور ياخي الناس دي الدورة الخامسة ولم تستفيد من شخصية عاصم البنا واحترامه لمظهرة وهندامة وفي نظري الحاجات دي اهم من الغناء
Quote: غايتو الليلة عرفتها يا سفيان ... وزوغت من بدري ... عموماً لا أنصحك بمشاهدة إعادة الحلقة ...
ودي صورة جمال في منزلنا بجده مع احد المعجبين ود العباسية جمال بقول ليك ارخو لينا الحزام شوية وبوستيك دا بجيب لينا الهوي
Quote: ود جبريل سلام والله كلامك نصووو مجاملة وحيات البيني وبينك ، لأنو في جماعةواللهشايفكداجابوهم للزغاريد فقط
ويا عجبيييييييي
أستاذنا / ياسر تمتام ... سلام أولاً أنا حقيقةً.. واحد من المعجبين بـ الفنان ياسر تمتام "شخصكم الكريم"... ثانياً إنت راجل فنان ...وكلمة فنان دي بتعني كتير جداً..للإنسان .. عشان كل الفوق ده ... وحاجات تانية برضة ... في إعتقادي إنك لم توفق في مداخلتك أعلاه ...
مع وافر الإحترام ..
..
08-26-2010, 01:40 AM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
Quote: غايتو الليلة عرفتها يا سفيان ... وزوغت من بدري ... عموماً لا أنصحك بمشاهدة إعادة الحلقة ...
____
احضرااااا يازول ها وحاتك كنت معزوم فطور وبعد الفطور مشيت ليك علي القدال وخطاب وبابكر الوسيلة وسارة حسبو وقاسم احمد وسيد صوصل وهاااك يا شعر وبعديها عشرة ونسه مع رشاء شيخ الدين وياااااا دنيا ما فيك الا انا .
ياخ انا عندي حديدة كلامك ده شوف ليهو زول وعجبني ليكم فطسوا ليكم اليوم .
Quote: احضرااااا يازول ها وحاتك كنت معزوم فطور وبعد الفطور مشيت ليك علي القدال وخطاب وبابكر الوسيلة وسارة حسبو وقاسم احمد وسيد صوصل وهاااك يا شعر وبعديها عشرة ونسه مع رشاء شيخ الدين وياااااا دنيا ما فيك الا انا ..
وجبة ثقافية كاملة شعر و دراما وموسيقى وغنا .... والله مفروض بعد السهرة بتاعتك دي ... تجي البورد .. وتبقى فيها قدور ... وتقدم .. أقصد تفتح بوست ...
.....
08-26-2010, 07:52 PM
yasir tamtam yasir tamtam
تاريخ التسجيل: 11-27-2008
مجموع المشاركات: 459
العزيز حاتم لك الود كله عفوا والله كلامي هنا كمتذوف للفن فقط ولكن بنسمع صوتين في الفنانات ما حلو ومتأكد جابوهم لي شي ما بس ما غناء (( في إعتقادي إنك لم توفق في مداخلتك أعلاه ...
مع وافر الإحترام ..))
والله في نظري كان يوجد فنانات تاني أروع من الجوز ديل مع إنو أنا هنا مواطن عادي قلت رأيي فيهم و عشان أنافنان ما قلت أسماءهم ولكن لك العتبى
وليك إحترامي ،،،
08-26-2010, 02:01 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: ود جبريل سلام والله كلامك نصووو مجاملة وحيات البيني وبينك ، لأنو في جماعة والله شايف كدا جابوهم للزغاريد فقط
ويا عجبيييييييي
حبيبنا ود تمتام كيفنك ابوي وكل سنة وانت طيب انا كلامي خلو تراني معتمد بس علي اضاني دي لكن انت زول جوة المعمعة كدي النبي فيك خلنا نستفيد باقي نحن ناس مهضلمين ساكت شغالين بي اضنينا ديل كدي فرزوا لينا واحكملنا على كل واحد فيهم تسلم يا حبيب
08-26-2010, 02:51 AM
المعز ادريس المعز ادريس
تاريخ التسجيل: 05-18-2009
مجموع المشاركات: 1569
نور بيتنا ... طه سليمان ... وصباح ... وأول القصيدة ________ بداية غريبة ... ياجماعة واحد يشيل معاي ... للمرة المليون فيه مشكلة في صوت صباح .. ولا في أدائها ...!!!!!!! حرام والله الحصل للأغنية الجميلة دي ... أغيثونا يرحمكم الله ..
اخوك برضو خارج الشبكة الليلة ،، ومتابع معاك من هنا ،،
نور بيتنا دي يفترض يغنيها الحووت لو موجود الليلة ،،
في تقديري ... صباح وطه .. بهدلوها " بالرغم ثناء بشير عباس ليهم ... الحوت موجود ... وكالمعتاد ... بره الشبكة .. لكن المتعة كانت في اللي بسأل .. ورماز ومنار ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد عبد اللطيف
محمد مكى محمد
ودالعباسية
المعز ادريس
سفيان بشير نابرى
الخير محمد عوض
عفاف الصادق بابكر
SHIBKA
ناذر محمد الخليفة
Ahmed al Qurashi
othman mohmmadien
ضياء الدين ميرغني
خالد المحرب
داليا حافظ
طارق جبريل
عبدالغني كرم الله
نادر النور آدم
هشام كمال
yasir tamtam
نجاة محمد بابكر
فيس بوك
تويتر
انستقرام
يوتيوب
بنتيريست