|
|
 الحـِــديّة و السواسيو..و الزول الاكلو السحــاري
|
واحد من اهلنا الرباطاب.. كان عندو سواسيو كتبرة... اتلحتو حدية كل يوم تختف سيوسيو وسيوسيوين....شرك للحدية بسيوسيو الشرك قبض المسيكينة.....تعال يا زولنا اقطع للحدية قدوما واقطع لها ضفورا يعني جردا من كل اسلحتها... بعد ما قطع القديديم والضفيرات... فكاها وقال لها" اها بعد دا عاد علا تسوي ليكي مديدة"....يقصد انها هي واللحم اتفارقو.....
احدهم زول خواف جدا....وسامع انو في الحتة الفلانية في زول سحاري بياكل الناس....حتى انو في واحد قال شوف عينو الزول دا نائم يقصد السحاري ويحاحي في الضبان بي ضنبو...المهم زولنا الخواف دا ومعاهو صاحبو صادفهم الليل في سفر وعلي شقاوتو ما يبيتو علا في بيت السحاري المزعوم دا.... زولنا الخواف اتغتغت سمح...وقال اصلو ما ينوم يقوم ينوم يقوم عليهو الزول دا ياكلو....دقس ونعس ونام... تقوم كراعو تمرق بطرف الملاية المتغتي بيها....وتجي بقرة مطلوقة وتمسك كريع زويلنا وتلحس..فيها.....زولنا حس باللحس... وقعد يكوريك لي رفيقو" اللمين... اللمين...." دا قالو هوووي"... يا اللمين انا قاعدين ياكلو فيني"... رد اللمين" يا زول بطل الطرطشة ياكلو ليك شنو".... قال لو" يا اللمين حرم قاعدين ياكلو فيني.... وغير راسي البينضم معاك دا ما فضل فيني شي"........
|
|
 
|
|
|
|
|
|
|
|
Re: الحـِــديّة و السواسيو..و الزول الاكلو السحــاري (Re: سجيمان)
|
لقد إستعصى علينا فهم هذا الموضوع .. ربما أن هناك كلمات قليلات لم نجد لها شرحا فى متون التفاسير
ربما أن العربية هى لست Our mother tongue
الحــديـة ..
الســواسيو ..
السـحـــارى ..
ماذا تعنى هذه الكلمات يا أخ العروبة؟
سجومى .. سلام يا اللخو .. و مشتاغوون
دخلنا نسلّم عليك و خايفين نقع فى شركا ما عندنا ليهو جنحين
| |
|
|
|
|
|
|
|
|
|
Re: الحـِــديّة و السواسيو..و الزول الاكلو السحــاري (Re: Ali Alhalawi)
|
صديغي
علي الحلاوي
انا برضو مشتاغوووون والله
Quote: ربما أن العربية هى لست Our mother tongue
الحــديـة ..
الســواسيو ..
السـحـــارى ..
ماذا تعنى هذه الكلمات يا أخ العروبة؟ |
الحدية هي طائر من الجوارح زي الصقر كفانا الله واياكم شره...وهي مغرمة باكل ضغار الدجاج
السواسيو هي صغار الدجاج التي لم تبلغ الحلم....
السحاري هو مخلوق في شكل انسان لكن عندو ضنب وان لقى زول مطرّف بياكلو نجم نجم.....
| |
|
|
|
|
|
|
|
|
|
Re: الحـِــديّة و السواسيو..و الزول الاكلو السحــاري (Re: سجيمان)
|
| Quote: متين السحاري قاعد يسل ضنبو؟ يعني في ياتو وقت؟ |
هذا سوعال يحشر في الضفور برضو......
لكن انضم
يسل السحاري ضنبو لما يشوف زول وتكون نفسو دخلت فيهو وداير ياكلو...واحيانا يسلو فلهمة ساكت...وبرضو عشات يطمن ان الضنب شغال.. وزيت الهايدروليك مقاسو كويس...النصيبة انو بعض السحاحير لقو انو الفياغرا قاعدة تسل الضنب.. لكن يا الله ويا امين حتين يتلملم صاد...
| |
|
|
|
|
|
|
|
|
|
Re: الحـِــديّة و السواسيو..و الزول الاكلو السحــاري (Re: عبد المنعم سليمان)
|
الله يجازي محنك يا دكتور في نكته سمعتها زمان ماعارف انت سمعت بيها ولا لا
قالو ا جماعة مساطيل قاعدين مع بعض واحد فيهم مشي الله يكرمك ويكرم السامعين
للحمام ( بيت الأدب ) لانو الحمام عندنا هنا في السعودية بتاع كله , المهم
صاحبك طلع من الحمام مدنقر ( يعني ضهرو منحني ) معليش يا دكتور أنا عارفك
فاهم كلامي لكن عايز بعض الناس تفهم النكتة دي , المهم الجماعة اصحابو قدر
ما حاولو يوقفو زولهم ما قدرو , مشو بيهو للدكتور الدكتور دخل الراجل
الستارة وبعد شوية زولك مرق طبيعي جداً اصحابو قالو للدكتور اها يا دكتور
كان مالو ؟؟ قال ليهم بسيطة زرارة البنطلون إتشبكت مع زرارة القميص 
قديمة مش كده .
| |
|
|
|
|
|
|
| |
سجيمان
محي الدين الريس
bayan
عبد المنعم سليمان
هاشم أحمد خلف الله
saif massad ali
فيس بوك
تويتر
انستقرام
يوتيوب
بنتيريست