لغــــة الجســـد... سودانية ميّة الميّة....

(عدل بواسطة بدر الدين الأمير on 03-25-2007, 10:00 PM)

Quote: بعد ماكانت فى الكرعين تبقى فى الوش

وأمسحها لي في وشّي..

Quote: عندو ضهر

اضافات خطيرة يا معاوية
ألف شكر..

وأزيدك من الشعر بضعة أبيات:

Quote: دمو بقري دمو تقيل دمو شربات دم دكاتره

دمو محروق... دمو فاير..
(ودم دكاترة دي كضبوا فيها على ما أعتقد.. والزعل مرفوع )

Quote: قلبو حجر قلبو ميت قلبو كبير

قلبو مكسور.. قلبو محروق...
قلبو ماكلو... قلبو رهيف...
قلبو أسود (عنصرية شديدة)..

Quote: سالّي لسانو... لسانو خفيف (لا يؤتمن على سر)... لسانو فالت (لا يحسب كلماته.. وأيضا لا يؤتمن على سر).. لسانه طويل (لاذع.. أو كثير الإنتقاد) لسانو متبرّي منو (مفرط في طولة اللسان).. لسانو مقطوع (لا يستطيع التعليق.. الفاع.. الهجوم.. لسبب أو لآخر)..

Quote: لسانو فلقة

Quote: إيدو طويلة (حرامي)

إيدو ماكلاهو..
إيدو خفيفة (سريع).. وعكسها إيدو تقيلة..
إيدو لاحقة.. (لزوم الكرامات)..

وما تطول الغيبة..

Quote: ووحمى مقابلو

ألف شكر..
__
مشكور على الطلّة أخوي هاشم..
حاسّة بنفسي قاعدة في راكوبة ..

(عدل بواسطة نجوان on 03-27-2007, 05:22 AM)

Quote: عينو مليانة (قنوع).. وعكسها عينو ناشفة..

Quote: دي يا نجوان أظن عكسها (عينو فارغة) مش؟

Quote: إيدو طرشا (ضربه موجع)

إيدو مربوطة.. (لا يستطيع فعل شئ.. مغلوب على أمره)..

___
مرحبا ممكونة..
وشكرا على الحضور..

Quote: منطّط عيونو....مطيّر عيونو....مبحلق عيونو.. مقوّي عينو (غير مهتم بالعواقب... أو مسنود من آخرين)... وأيضا عينو قوية... عينو مليانة (قنوع).. عينو طايرة.. زايغة (بصباص).. عينو حمرا (مهاب)... عينو حارة ... عينو نجيضة (لمّاح)..

Quote: بلدا ما بلدك أمشى فيها عريان