|
|
 ملفاتكم الشخصية .. بقت فاضية الحاصل شنو ؟؟؟؟؟؟؟؟؟؟
|
كل ما ادخل على المفات الشخصية لاي عضو علشان نتعرف بس
نكون معلومات عن هذه الشخصية
ياحليل ايام زمان في البورد دة
الحاصل شنو ياناس
المفات فاضية مافيها غير الاسم
وشوية معلومات ومنها الحالة الاجتماعية single
حتى البعرفهم وهم متزوجين / متزوجات برضو شبكوا في النغمة دي
يارب لسع نحن نكتب ونلبد
ولا نتكلم ونغطي وشنا زي الجماعة بتاعين العراق البجيبوهم وهم بيقروا من ورقة كدة
ويعلنوا الجهاد ......
الحاصل شنو ؟؟؟
الله يكدب الشينة
|
|
 
|
|
|
|
|
|
|
|
Re: ملفاتكم الشخصية .. بقت فاضية الحاصل شنو ؟؟؟؟؟؟؟؟؟؟ (Re: ghariba)
|
تعرف يا غريبة ياخوي
السر في القصة دي
إنو الكعبين ما خلو للكويسين حاجة
فممكن زول على نياتو و طيب يكتب بوجه عار زي ما بقولو
ويقوم كدي يتحمس و يملا بروفايلو بإخلاص تلميذ إبتدائي مذاكر جوة الإمتحان.والإخلاص يبلغ مداه وصاحبنا يعرج على مسائل النظام و ما أدراك ما النظام في البوستات حقتو!
أها يقوم حبيْبي يلقى روحو في الشارع من شغلو لو كان جوة السودان )(و دة أبسط شي)(
ولا مزرزر من سفارات النظام محل ما هو قاعد(ودة أبسط شي)
المهم
بياخدا من قصيرا و يقول على إيه؟
"بروفايل فاضي أفضل من بروفايل مليان يكتل"
| |
|
|
|
|
|
|
|
|
|
Re: ملفاتكم الشخصية .. بقت فاضية الحاصل شنو ؟؟؟؟؟؟؟؟؟؟ (Re: Abd Alla Elhabib)
|
| Quote: ملفاتكم الشخصية .. بقت فاضية الحاصل شنو ؟؟؟؟؟؟؟؟؟؟ |
ان اللجوء الى الاختباء خلف اسم مستعار يختلف من شخص لآخر تبعا لاختلاف وجهات النظر و تعدد الرؤى والخبرات..والظروف المحيطة بالفرد العضو أو العضوة..العادات والتقاليد والقيود الاجتماعيه التي يفرضها عليهم المحيط الاجتماعي ككل ..وايضا لدرء الفتنه وابعاد النفوس التي تهوى القيل والقال .. وكثيراً من التاس يعيشون حياتهم مع القلم والورق تحت اسم وهمي يطلق له العنان لكي يصور وجوده الفكري عبر سطور منتقاه .. الإسماء المستعارة التي كثرت في هذة الفترة اسمك المستعار.. اسم الدخول..الاسم الذي تختاره أنت بنفسك ليكون رمزا لك فيما بعد تُعرف به بين مئات بل آلاف الأشخاص وغيرهم ممن يقرأون لكَ خلف الشاشة..!! والمتصفح للمنتديات والمواقع في الشبكة العنكبوتية سوف يلفت إنتباهة شيء بسيط وهي الكتابة بإسماء مستعارة وهذا شيء يعرفه الكل لكننا نادرا ما ننظر للأشياء على حقيقتها. ..
أتعرفون ما هو الشيء الذي لفت نظري فيها..هذه الأسماء ليست أسمائنا الحقيقة!!
لماذا تجهدون وتتعبون أنفسكم من أجل اسم لا أحد يعرف من هو صاحبه؟؟
قرأت .......وبحثت.........وسألت.......
لماذا نحن نكتب تحت ظل أسماء مستعارة دون أن نفكر مرة في التسجيل بأسمائنا الحقيقة؟؟!!
أنا لا أقول أنني أعترض على الكتابة بأسماء اخترناها نحن بأنفسنا ولكنني أحاول أن أتخيل كيف ستكون المنتديات لو كتبنا بأسمائنا الحقيقية؟؟!!ترى هل سيكون ما نكتبه وقتها مغايرا لما نكتبه نحن الآن؟؟هل للأفضل أم للأسوأ؟؟
هل نستطيع أن نكتب بأسمائنا الحقيقية أم لا؟؟
كم هم الأشخاص الذين صادفناهم في المنتديات وعلمنا أنهم يكتبون بأسمائهم الحقيقة؟؟
للصدف أقول : قليل جداً !!
أعتقد أن للهدف من التسجيل في المنتدى دورا في معرفة الإجابة على كثير من الأسئلة التي تراودنا.ُ
في حياتنا اليومية تواجهنا مواقف قد نعجز عن التجاوب معهالحساسيتها بالنسبة لنا ولعدم قدرتنا على المواجهة وجها لوجه..الخ..لكن في المنتديات الأمر يختلف تماما..آخرون اعترفوا بأنهم يكتبون بأسماء مستعارة ليتمكنوا من التعبير عن أنفسهم كيفما يشاءون دون رقيب غير ضمائرهم (الميتة أحيانا!!)..ودون ضغوط المنصب أو المركز الذي يشغلونه.. ويجدون أنفسهم مضطرين للتحدث حسبما تحتم عليهم مناصبهم وحسب القضايا التي يشاركون فيها..لكن في المنتديات فالأمر يختلف تماما!!وهؤلاء يجدون في الأسماء المستعارة متنفسا لهم للتعبير عن ذواتهم ورغباتهم وآرائهم الحقيقية.لكن القضية تتضخم..وتكبر..وقد تكون سرطانا خبيثا يؤدي لإثارة المشاكل وإحداث الفتنة والبلبلة!!الأمر يزداد خطره حين تكون هذه الأسماء المستعارة (مظلة) نرتكب تحتها الكثير الكثير من الأخطاء..والتفاهات..وتجاوز المعقول الذي يفرضه الأدب والعقل والدين أولا وأخيرا!!المسألة تتعقد وتتخذ منحى سلبي حين تكون هذه الأسماء المستعارة غطاء نمارس تحته ما تمليه علينا أنفسنا الأمارة بالسوء وانفعالاتنا اللحظية!!هي حقيقة واقعة..كثيرون يسجلون بأسماء مستعارة ليمارسون التفاهات أشكالا وألوانا في حين هم في الواقع أشخاص ينظر إليهم الكل بعين الإكبار والاحترام والتبجيل !! لكن لو كانوا يدخلون بأسمائهم الحقيقة لانقلب (الوضع) و( العضو) !!ولحسبنا ألف حساب لكل كلمة قبل أن نرسلها
إذن لم لا نعلي أنفسنا ونسمو بها سواء بهذا الاسم أو ذاك؟!
أخي العضو الكريم...أختي العضوة الكريمة
لا تجعل من نعمة الاسم المستعار نقمة عليك أو عليكِ ولنعلم جميعا أنه(مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ){18}سورة ق وأنه (رب كلمة تهوي بك في سبعين خريفا في نار جهنم)وأن هذه (الكلمة الطيبة) التي تكتبها قد يقرأها ويعمل بها ويتداولها الملايين خلف الشاشة فيكون لك من الأجر والمثوبة عن كل شخص ما لله به عليم.. وأن ( زلة اللسان هذه) أو( سقطة الكلمة) قد يُفتن بها الكثير فتتحمل أنت وحدك وزرها ووزر كل من عمل بها إلى يوم الدين يوم لا ينفعك لا إدارة ولا أعضاء ولا الموقع بأكمله!! يوم لا يسترك لا اسمك الحقيقي ولا اسمك المستعار!! ولا ملفك المضروووووووووب
| |
|
|
|
|
|
|
|
|
|
Re: ملفاتكم الشخصية .. بقت فاضية الحاصل شنو ؟؟؟؟؟؟؟؟؟؟ (Re: ghariba)
|
Quote: تعرف يا غريبة ياخوي
السر في القصة دي
إنو الكعبين ما خلو للكويسين حاجة |
صدقت يا لنا
بس الكعبين ديل ما دايما ناس الحكومة
والكويسين ديل ما دايما ناس المعارضة
كل مجتمع وفئة ومجموعة وجماعة فيهم السمح والشين وفيهم الكويس والكعب
بعدين حكاية انو الواحد ما كاتب معلومات عشان ناس الامن بتاع الحكومة ما يقبضوه
دي خيالات وتخيلات وما اظنها اكتر من كده
ولا اعتقد ان الحكومة وامنها نفسهم قايم عشان يعرفوا ده اسمو منو وده متزوج وده
قاعد ولا مسافر ودا بحب اللون الاخضر او الاحمر ... لو كان الملف معلومات سرية
نقول معليش ... لو كان الواحد حا يكتب فيهو سرق شنو وشرب شنو وارتكب ياتو فاحشة
وكتل منو وفتن منو وفبرك ياتو تقرير وباع ياتو معلومة معليش
البروفايل فيهو معلومات عادية واساسية في التعارف وهي اختيارية
انا كتبت في بروفايلي انني اعمل في شركة دانفوديو ... واحد زميل خلى كلامي
ورأيي وشبكني ليك دانفوديو والنظام والاخوان والقروش والبنزين ...... الخ
المعلقة المحفوظة ... مع انو كان يمكن يختف كراعو ويمشي الشركة او يسأل عن
الموظفين فيها وهل كلهم من الاخوان وناس النظام ؟؟؟
هسه الوزارات والمؤسسات والشركات الفي بلد دي كلها شغالين فيها الجبهجية
يعني كلو زول معارض الحكومة طلع او متدسي او عاطل او خايف ؟؟؟
ده اسمو كلام ؟؟؟
اي زول عايش هنا شايف انو ابناء البلد قاعدين المعارض والموالي وبشتغلوا
وبتكلموا وبتحركوا وبجتمعوا وبسافروا وبجوا ... وحتى الناس المشهورين في المنبر
بانهم ضد الحومة وبس لا اعتقد كلهم مغتربين او كلهم مجهولين او كلهم انقطعوا
عن السودان او لما يجوا بجوا ملثمين او باسماء مستعارة
كلو زول يعارض ولا يدافع عن الحكومة او غيرها هو حر في رايو
بس يحترم الاخرين ورايهم ومواقفهم لأن في ذلك احترام لنفسه وذاته
معليش يا لنا كليماتك هيجت بدواخلي شيئا وكلامي عام ما ليك يا رائعة
معزتي
| |
|
|
|
|
|
|
| |
ghariba
lana mahdi
Hussein Mallasi
Deng
ناذر محمد الخليفة
Abd Alla Elhabib
أبو الحسين
مهند مامون
bayan
فيس بوك
تويتر
انستقرام
يوتيوب
بنتيريست