|
واجــــــب..
|
الأحباب الزملاء والقراء..
ســلام وتحية ومرحبتين..
واجب علي تحيتكم جميعا.. من رحب بقدومي ومن لم يرحب لظرف خاص به أو لعدم الإشتراك.. فالأصول توجب ذلك.. كما توجب الأصول التوجه بالعزاء لكم جميعا في من فقدنا من زملاء خلال فترة العامين الماضيين.. بدءا بالحبيب الخاتم عدلان، والفنان هاشم ميرغني، والصديق الوديع عبدالمنعم موسى، والصديق الأحب عبدالماجد فرح، والصديق الحق عصام محمد الحسن "أبو وضاح"، والفنان الراهف مجدي النور.. لهم الرحمة أجمعين.. فغيابهم من حياتنا العامة والخاصة هنا لهو أمر مفجع.. ومن رحيلهم نستلهم المعنى.. وهو أن أفضلنا يذهب قبلنا لنعرف كم حياتنا لا تساوي أن نضيعها في كره وبغض.. أشكرهم بحق لهذه الرسالة..
والعزاء لكل زميل فقد عزيز.. لهم جميعا الرحمة.. .. .. أيضا أهنئ الأحباب والحبيبات الذين صادفوا فرحا خلال هذه المدة.. أولهم صديقتي الحبيبة مريوم بت الحسين والفاضل نادر، زواجهما ومحمودهما الجميل.. وبت الأحفاد وكوليل، ربي يهنيهم ويهني كل الأحباب..
أرجو تنبيهي إن سهوت عن ذكر حبيب غاب أو فرح.. فمتابعتي للمكان كانت متقطعة ومعدومة لمدة عام متواصل..
ورسالة تضامن مع الزميل المصور سامي الحاج.. حتى لا ننساه، اتمنى مساهمة الجميع في التوقيع على المناشدات التي تتم، وهذا أضعف الإيمان..
والتحية لغادة نوري.. ربنا يتمم شفاها، ومحمد عبدالسلام دعواتنا ودعمنا لهم لحين العافية..
أيضا أرحب بكل الزملاء الذين التحقوا بالمنبر في الفترة من مايو 2005 وحتى الأمس..
تحية تقدير لكل الزملاء الذين سألوا عني ببوستات أو عبر أصدقاء مشتركين..
وتحية خاصة لكل زملاء الزمن الجميل..
لكم كل الحب..
رجاء العباسي
|
|
|
|
|
|
|
|
Re: واجــــــب.. (Re: حبيب نورة)
|
حبيب نورا وكل النوًارات..
تسلم يا صديق..
إشتقت لبوستات بعد الساعة واحدة صباحا.. حتقول لي ليه؟.. عشان في الوكت ده المنبر بيكون راااااااايق..
ودي الكتيير
| |
|
|
|
|
|
|
Re: واجــــــب.. (Re: Mohamed Suleiman)
|
الفاضل المحترم محمد سليمان..
تحية وتقدير لشخصك ولكتاباتك..
كنت مع أهلي في دارفور.. وعرفت أن أقصى أمانيهم هي مسلمات لأي بشر خارج دارفور..
دعمنا لهم لن ينتهي إلا بتحقيق تلكم الأمنيات وزيادة كمان..
تسلم..
| |
|
|
|
|
|
|
Re: واجــــــب.. (Re: Raja)
|
عيييييييك زمن يا رجـــا من الحاجات دي بقينا نكتب في الورق العكر لكن لمن نلقي فرصة بنتجدع عشان يا بت أمي المكاتب بتقفل والجماعة الا يجوا من صباح الرحمن يشخبطوا فيها الشويتين بتوعن
| |
|
|
|
|
|
|
Re: واجــــــب.. (Re: Raja)
|
يا مراحب بست الكل ، بنت عمي " الحميمية " رجاء . و ...
" و أروع النجومِ ها تيك التي تضيءُ دربَ القافلة ... "
منوت المشتاق
| |
|
|
|
|
|
|
Re: واجــــــب.. (Re: منوت)
|
الراقي الصافي إبن عمي الحميمي منوت الليموني..
سلام وتقدير بمقدار ما أكنه لك من مودة..
غيابي وفقداني لكارت مصر والذي به جميع أرقام أصدقائي، وسعا من هوة اللقيا التلفونية.. ولكني دائما ما أؤمن بأن مصير الحي يتلاقى..
بالمناسبة، بجانب حبي لرائحة الليمون، أعشق وأتابع النجوم، وأدعي معرفتي ببعض أسرار أهل البادية وقراءة رسائل النجم.. وكثيرا ما أوصى من أفترق عنه بأن ينظر فقط للسماء ليجد أن بيننا نجوما مشتركة..
افتقد مثل هذه الأحاديث.. شكرا لك لإعطائي الفرصة للتعبير..
ودي
| |
|
|
|
|
|
|
Re: واجــــــب.. (Re: هشام مدنى)
|
العزيز هشام..
سلام ومودة..
أولا أتمنى أن يكون الإبن محمد بخير.. تحياتي له ولوالدته وبقية الأبناء..
ومثلما قلت: ربنا يجمع الجميع في اتم صحة وعافية..
آمين..
ودي
| |
|
|
|
|
|
|
Re: واجــــــب.. (Re: Raja)
|
الأخت رجاء بنعرفك قبل ما نأتي هنا حضرنا ولم نجدك، ولكن إرشيفك كان بيننا عوداً حميدة يا رجاء البورد يحتاج قلمك الحمد لله انك هنا
______ الفنان وليد عبدالعزيز عبدالحميد، يبلغك تحاياه ويقول ليك حمداً لله علي سلامة العودة للكتابة، -تعرف عليك من صورت البروفايل- وإنه سعيد أن يقرأك هنا -هو من المتابعين اللصيقين لسودانيزأونلاين
| |
|
|
|
|
|
|
Re: واجــــــب.. (Re: Yassir Tayfour)
|
العزيز ياسر طيفور..
سلام ومحبة..
سعدت لترحيبك الجميل بي.. وحزنت أن تنوي مغادرة المكان بعد حضوري.. لا أعلم دوافع قرارك، ولكن أمرر لك سر هذا المكان.. نغيب ونغيب ونعود تاني.. وفي إنتظار عودتك..
ما تتخيل قدر شنو فرحت بتحية الصديق الجميل الفنان وليد عبدالعزيز.. (وليد لمن يعرفه هو أحد أعضاء عقد الجلاد في عهدها الماسي نهاية الثمانينيات وبداية التسعينيات، لما السودان كله كان مزيكا مزيكا وجمال).. تحياتي وسؤالي عن أحواله وأتمنى أن يرسل لي على هذا العنوان: [email protected]
أشكرك ياسر، واتمنى عودتك
| |
|
|
|
|
|
|
Re: واجــــــب.. (Re: Raja)
|
رجاء سلامات ..
أمكن أنا كـ (ناذر) جدبد في المنبر وما عاصرتك من بدري .. لكن سمعت عنك كتير وقريت ليك اكتر في الارشيف ..
وبالتاكيد انا سعيد لعودتك ...
سلامي الشديد
| |
|
|
|
|
|
|
Re: واجــــــب.. (Re: ناذر محمد الخليفة)
|
العزيز ناذر الخليفة..
سلامات وتحايا كتيرة..
المثل بيقول خيرا ان تأتي متأخرا من ألا تأتي على الإطلاق.. ويسعدني معرفتك حتى ولو كانت متأخرة.. وكان أملي أن التقيك في البلد الجميل مع الناس الجميلة القابلتهم..
تكرم يا عزيز على ترحيبك..
| |
|
|
|
|
|
|
Re: واجــــــب.. (Re: Kostawi)
|
نصر الحبيب..
ملايين السلامات والمحبة..
Water for people
الموية بقت تشكل لي هاجس بعد ما مشيت دارفور ولقيت في ناس ما لاقين موية.. ولو لقوها إحتمال كبير جدا تجيب ليهم مرض..
حأحكي ليك بي موية الحمار وموية الحكومة: من شهر 3 لغاية شهر 8 الموية كانت قاطعة من مواسيرنا في نيالا.. بقينا نشتري موية.. أها الموية دي مرات بيجيبوها في عربات كبيرة (خير وبركة) ومرات بيجيبوها في حمير (لا مؤاخذة).. ويملوا بيها الصهريج للاستخدام.. ومرات بالليل شديد تقوم تجي موية المواسير السميتها "موية الحكومة" لما أجي استخدم الموية بسال الحارس: دي موية حمار ولا موية حكومة.. وطبعا بيموت من الضحك.. وبقي مرات يمقلبني ويعكس الإجابة!! لقيت روحي في الأول ما بعرف استحمى بموية الحمار.. وممكن أضحي واستحمى مرة واحدة بس في اليوم (لاحظ الصيف العجيب داك).. بعد ما تجي موية الحكومة بالليل..
قووم مشينا لمكان إسمو "ساني أفندو".. قعدنا 3 يوم، وما عندهم اي موية غير موية الحمار!! مش بقيت استحمى بيها بس، بقيت أشربها عدييل.. بعد ما عرفت إنها المصدر الوحيد لناس الحلة..
و... Water for people
حبي
| |
|
|
|
|
|
|
Re: واجــــــب.. (Re: عزاز شامي)
|
الحبيبة الحبيبة عوزاز..
ومشتاقة لي حكاوي حلوة ومشاوير مترفة في شوارع مدينة نضيييفة لغاية الساعة كم..
ولوقت جمعنا كان وسيظل من أجمل الأوقات..
ودي الكتيير
| |
|
|
|
|
|
|
Re: واجــــــب.. (Re: Raja)
|
.
يا بت الناس
دونما واجب برضو واجب علينا نحتفي بقدومك
ولسع منتظرين منك الكتير
أبقي قدرو ( إنتظارنا دا )
أو أحرجينا و فوتيهو بي غادي
وفي النهاية الحصيلة مكسب .
لكن أنا واثق جداً منك .
ودي م.كرفس
| |
|
|
|
|
|
|
Re: واجــــــب.. (Re: معاوية كرفس)
|
الأخت رجاء
مليون حمداً لله على سلامتك
والطــلة
وبها يزداد الوطن الصغير
ألق وبهاء
.......
خاصة:
بس ليه كدا يا بت العم؟
إسماعيل حميم
| |
|
|
|
|
|
|
Re: واجــــــب.. (Re: إسماعيل حميم)
|
إبن العم الحميم إسماعيل..
سلام ومحبة عميقة..
الوطن مزدان بالفعل ألق وبهاء، بك وبأمثالك من مهذبي الخلق والكلمة..
ظرف سفري من الخرطوم كان طارئاحزينا.. يمكنك سؤال الملك. لم أتمكن من لقاء أي من الأحباب
ودي
| |
|
|
|
|
|
|
Re: واجــــــب.. (Re: معاوية كرفس)
|
الصحافية القديرة ، الأخت العزيزة ، رجاء العباسي
كلنا نغضب و"نحرد"..وأنت اخترت منذ وقت باكر في حياتك مهنة النكد (الصحافة). وما لا أشك فيه أنك خضت من المعارك - الواضح منها والخفي- ما لا يحصى. وخرجت منها جميعها بزاد من الخبرة والمعرفة التي لا تتيسر للخامل ، قعيد الظل. الكتابة رسالة ، وهي في فهمي المتواضع موقف يلتزمه الكاتب بخياره في هذا الوجود ويشرع صدره للفارغة والمقدودة تأتيه من كل حدب وصوب. أقول هذا وكنت قد هجرت هذا الموقع الجامع تحت وطأة أكثر من ضغط..بعضها ظرف شخصى خارج رياح هذا البورد التي ربما تهب عليك وأنت في حالة انسجام تام مع الوجود حولك، فتنقلب الحسابات. عاتبني بعض الأصدقاء والصديقات على الاستراحة غير المبررة. وصلتني عدة رسائل وهواتف من كثيرين- بعضهم علاقة زمالة وصداقة تشرفت بها والبعض أعزاء لم أتشرف بلقائهم من قبل. كان ملخص ما أجمعوا عليه أن رسالة القلم أكبر من أن "نتملص" منها في مغاضبة عابرة ، وأننا - لكي نعطي الأنموذج الأفضل لنضال جيلنا من أجل الحق والحرية والجمال- علينا أن نوسع صدورنا وأن نكون قدر الإطار الواسع الذي وضعنا فيه من توسموا فينا خيرا.
انت وأنا وآخرون كثر - وقد أراد قدرنا أن نكون محسوبين على القلم يا رجاء - لا خيار لنا سوى أن نتصدى للقبح ، ونبشر لعالم أكثر حرية وجمالا. ولا نملك خيارا غير أن نبقى هنا مع بنات وأبناء جيلنا ، نتعلم منهم ونساهم معهم بقدر ما عندنا في مائدة حوار نحاول عبرهاالرقي بالحوار والعبور من حالة جمود الفكر وتكلس الحس إلى شرفات جديدة بعيدا عن الغوعائية والديماجوجية ونفي الآخر.
عودتك إلى االمنبر خبر مفرح وقلمك بلا شك إضافة جادة لجهد كل حادب على معركة الإستنارة وحرية الرأي.
| |
|
|
|
|
|
|
Re: واجــــــب.. (Re: فضيلي جماع)
|
أستاذي وأخي الفاضل فضيلي جماع..
تحية وتقدير وإحترام لشخصك ولكل حرف تكتبه
أوافقك تماما في كل ما كتبت.. وأعرف ان الحال سينصلح طالما أن اللغة المتداولة عالية.. وفخر لهذا المكان أن ضم سحرة الكلم من أمثالك..
ترحيبك بمقدمي كساني زهوا وفخار.... ومسئولية
لك فائق التقدير..
| |
|
|
|
|
|
|
Re: واجــــــب.. (Re: معاوية كرفس)
|
الصديق الهميم معاوية..
محبة وتقدير..
أنا زاتي راجية منكم الكتير الأكيد حتقدروا عليه..
مكسب جديد من مكاسب المنبر.. معاوية كرفس..
ودي
| |
|
|
|
|
|
|
Re: واجــــــب.. (Re: إسماعيل التاج)
|
الزول الوسيم مولانا سمعيل..
تقوموا تحبوني وأقوم أنا زاتي احبكم وطبعي يتخرب وبعدين اقوم امشي.. الله لا يجيب مشي تاني..
حاجة صعبة..
لكن زي ما إنت عارف إنو اللي في القلب في القلب
ودي العميق
| |
|
|
|
|
|
|
Re: واجــــــب.. (Re: إسماعيل التاج)
|
الزول الوسيم مولانا سمعيل..
تقوموا تحبوني وأقوم أنا زاتي احبكم وطبعي يتخرب وبعدين اقوم امشي.. الله لا يجيب مشي تاني..
حاجة صعبة..
لكن زي ما إنت عارف إنو اللي في القلب في القلب
ودي العميق
| |
|
|
|
|
|
|
Re: واجــــــب.. (Re: seham_musa)
|
الحبيبة سهام..
سلام ومحبة عميقين..
أسعدني حضورك النسمة للترحيب بي.. وحزنت لعدم تمكني من لقياك حين حضورك للقاهرة..
أتمنى أن تتواصل محبتنا
دمتي يا غالية
| |
|
|
|
|
|
|
Re: واجــــــب.. (Re: Raja)
|
.
ودا حال الإعلامي
دايماً كل المعلومات متواجدة عندو
بالرقم من محدودية إنتشارها .
Quote: ورسالة تضامن مع الزميل المصور سامي الحاج.. حتى لا ننساه، اتمنى مساهمة الجميع في التوقيع على المناشدات التي تتم، وهذا أضعف الإيمان..
والتحية لغادة نوري.. ربنا يتمم شفاها، ومحمد عبدالسلام دعواتنا ودعمنا لهم لحين العافية..
|
لك كل الود عزيزتي رجاء م.كرفس .
| |
|
|
|
|
|
|
Re: واجــــــب.. (Re: Abureesh)
|
الف مرحبآ بالجسورة الأستاذة رجاء العباسي ...قلمآ مكافحآ ومنافحآ من أجل قضايا المهمشين في بلادنا الحبيبة...التحية لها وللأخت راوية وبقية الأسرة الكريمة...وليطب مقامكم بين أخوتكم في سودانيز أونلاين...ولكم الود والمحبة...
راشد الحاج
| |
|
|
|
|
|
|
Re: واجــــــب.. (Re: عصام عبد الحفيظ)
|
عصام الغالي..
سلامات ومودات..
يااااا مشيت "شارلي شارلي"..؟ طبعا فيهو أجمل شاي بلبن بلقيمات..
وحتما قابلت أجمل الشباب البيدونا أمل في بكرة.. الله يخليهم
أسعدني وجودك الجميل في المنبر.. فقد أعطيته البعد الثالث.. الصورة
ودي
| |
|
|
|
|
|
|
Re: واجــــــب.. (Re: Raja)
|
Quote: بدءا بالحبيب الخاتم عدلان، والفنان هاشم ميرغني، والصديق الوديع عبدالمنعم موسى، والصديق الأحب عبدالماجد فرح، والصديق الحق عصام محمد الحسن "أبو وضاح"، والفنان الراهف مجدي النور.. |
يا مراااااحب .. طولتى يااستاذة Raja حبابك الف منتظرين منك الكثير بأثر رجعى .. يا زوله كنتى وين ؟؟؟ يا مرحب وعودا حميدا
عوض حمزة
| |
|
|
|
|
|
|
Re: واجــــــب.. (Re: عوض حمزة)
|
الفاضل عوض حمزة...
تكرم يا نبيل على ترحيبك الجميل..
ردا على سؤالك: تضافرت عدة عوامل أدت إلى غيابي.. (دي بتذكرني بمادة التاريخ)..
ودي
| |
|
|
|
|
|
|
Re: واجــــــب.. (Re: Bashasha)
|
رجاء الصديقة الف مرحب نورتى الدار البيت بيتك اتفضلى مصطفى حيطلع بكره من المستشفى ونفضا للبورد ياريت نفرح بعودة راوية كمان والفرحة تبقى اتنين
| |
|
|
|
|
|
|
Re: واجــــــب.. (Re: Muhib)
|
الصديقه الرائعه بت العباسي رجاء سلام وشوق ما ليهو حد جيت بعد غيبه ولقيتك هنا .. فرحان حد عين الشمس برجعتك لنبض ناس كتير شاهد على حبهم واخلاصهم ليك رجاء قلمك مهم .. والاقلام الشريفه ما بتعرف لون الاحتجاب وطعم الغيبه مر كوني هنا وهناك وفي اي مكان كوني دايما صوت الناس العارفنك وعاشقين لونك وزي ماقالوا : البيناتنا حياتنا جهادنا طلوع الوكت الما كضاب .. شكرا رجاء فلقد جعلت لمزاج امسيتي طعم آخر وفرح مطير .. ودالسر!
| |
|
|
|
|
|
|
Re: واجــــــب.. (Re: elsharief)
|
صديقي الحبيب متولي الشريف..
بجد ليك وحشة من هنا لغاية عندك..
ويا ريت راوية برضها ترجع.. وكل الناس الحلوة كمان..
دمت ودام ودنا..
| |
|
|
|
|
|
|
Re: واجــــــب.. (Re: Bashasha)
|
صديقي الغالي، ومكفولي "المتمرد" ..
تعرف شئ؟ في الدنيا دي لو الزول لقى زول بيثق فيهو زي ثقتك فيني كده.. بيكون أسعد مخلوق..
وأنا سعيدة.. بجد..
دمت أخ كريم وصديق نبيل..
| |
|
|
|
|
|
|
Re: واجــــــب.. (Re: 3mk-Tango)
|
جايانا زي مطرا عقب محلا مطرا يغازل للشجيرات التفرهدبالفرح ورزازك العطر المقطر من... من جوانا جايانا زي وعد الخريف تنشري الفرح الشفيف
لك الحب دوما
| |
|
|
|
|
|
|
Re: واجــــــب.. (Re: abuguta)
|
الغالي أبوقوتة قنبلة الود الموقوتة..
سلام وحب..
ما ندمانة على عدم معرفتي بكتابة الشعر إلا عشان ما بقدر أرد على كلامك السمح ده..
تكرم يا نبيل على الترحيب الحلو..
| |
|
|
|
|
|
|
Re: واجــــــب.. (Re: Raja)
|
الف مرحب بعودتك رجاء ، من المتابعين القدامى لكل مواضيعك ...
منتظرنك ومنتظرين قلمك بلهفة المشتاق ..
لك الود
| |
|
|
|
|
|
|
Re: واجــــــب.. (Re: نجوان)
|
رجاء العباسي بين ظهرانينا نزلتِ سهلا وحللتِ اهلا الصدفة المحضة هي التي جمعتنا عن بعد دون سابق انذار. وصلني ايميل منك وكان قد وصلك من سارة عمر، فاعدتِ بعثه الي، فبعثت اليه مرة اخري.. وهذه هي القصة.. كان اجمل ما فيه ان وضعني في دربك.. موعودون ببوستات جادة وفي الصميم. خالص مودتي.. حليمة
| |
|
|
|
|
|
|
Re: واجــــــب.. (Re: Raja)
|
كمل الكلام ...
انشاء الله الليله نلقى فرقه نتاوق...
اهلييييييييييييييييييييييييييييييييييييين
| |
|
|
|
|
|
|
Re: واجــــــب.. (Re: Salah Abuhigill)
|
الأحباب الفوق أسمحوا لي بتحية الصديق الحبيب أبوحجل..
يااااااا يا أبو حجل..
سلام وسؤال وشوق من هنا لغاية دبي في الأول.. وتاني من دبي لغاية الشارقة.. ومن الشارقة لغاية عجمان وأم القوين وبالعكس.. وفي رواية أخرى من دبي لغاية أبوظبي في نهارية جمعة لملاقاة أحبابنا هناك..
..
ما عارفة اقول شنو.. بجيك تاني
بس عارفة شئ واحد، إنو لو أمي وأبوي كانوا جابوا لينا أخو تالت ما أظن كان غيرك..
ودي..
| |
|
|
|
|
|
|
Re: واجــــــب.. (Re: Raja)
|
الصديقة العزيزة رجا
انتي مافي المنبر ببقى حافي
حمد لله على سلامت عودتك
وبيتنا نور بوجودك
ومشتاقين
| |
|
|
|
|
|
|
|