|
|
 Re: يــاتو.. رجـــاء ، في الرجاءات ؟ (Re: lana mahdi)
|
الحبيبة لنًو..
سلامات ومحبات كتااارات..
طبعا كل ما أجي في الملازمين وفي الشارع داك طوالي أعاين في دكان اليماني العملنا فيهو العملية الختيييرة ديك ..
يا جماعة عشان الحكاية بجد حلوة لازم أحكيها ليكم..
اتقابلنا أنا ولنا يوم من الصباح.. وفجأة الجوع قرصنا .. قمنا مشينا كم كافتيريا لقيناهم يا دوووب بيغسلوا فيهم عشان يفتحوهم.. أها نعمل شنووو؟ مشينا لدكان بتاع يماني، واشترينا عيش وجبنة وطحنية.. وعصير رويال (قريب فرووت).. وشمرنا وبدينا نعمل في السندويتشات.. قام الراجل كتر خيرو مشى جاب لينا كمان طعمية من جوة بيته.. وكانت حااارة وفريش .. وطبعا عملنا سندويتشات لينا ولي الراجل والشغالين معاه.. وما حاقول ليكم الشارع برة كان كل ناسو بيتفرجو علينا.. لغاية ما جا عسكري المرور .. لووووووووووول
أيام يا لنًو..
أكيد حتجي أحلى منها كمان..
قولي يا مهوًن..
حبي
| |
 
|
|
|
|
|
|
|
|
Re: يــاتو.. رجـــاء ، في الرجاءات ؟ (Re: EL fahal Abdelatif)
|
أنها أذن رجاء العباسي .. فقد توقفت طويلا عند هذا الاسم وراجعت تاريخ التسجيل وعدد المشاركات ونوعيتها وحمدت الله علي سلامة العودة ...وكانت رجاء العباسي وجها مشرقا ومشرفا للبورد في زمن ماضي وهاهي تعيده وتعيد لنا فرح العودة ...أنها بنت من بنات(السودان ) ولكنها ليست ككل البنات .. مثقفة تثري صفحات البورد بمفيد الكلام وليس بعكه وأختلاف (الضرات)...... حمد الله ألف ألف علي السلامة ...
| |
|
|
|
|
|
|
|
|
|
Re: يــاتو.. رجـــاء ، في الرجاءات ؟ (Re: Abdel Aati)
|
| Quote: أنا اعتز وافخر بمعرفة وصداقة هذه الإنسانة .. |
وانا اعترف باني متابعكم الاتنين ...
حمد لله علي السلامه رجاء و عادل عبدالعاطي ..
هذا المكان اصبح يمكن الاطلاع عليه مع قهوه الصيباح الان ..
___
تخريمة ( والحقوق الاصليه لي رجاء )
تامبا انت زول بركة تصدق ..
| |
|
|
|
|
|
|
|
|
|
Re: يــاتو.. رجـــاء ، في الرجاءات ؟ (Re: Anwar Ahmed)
|
العزيز تمبس
ينتابني إحساس عجيب وكل هذه الرقة تطل من خلال حروفك لمن تحب
سعيد أنا عرفت من هم على شاكلة تعاملك الراقي
والود الذي تحمله لمن تعرف
..
ومعك يا صديقي نرحب بهذه الزهرة
بت بلد
وصاحبة قلم واضح
وولاء بلا حدود لمن تنتمي له
شكرا تمبس
دائماً أتردد في مشاركتي (الكتابية) لأني دائماً بجي متأخر
إلا أن هذه العقده في طريقها إلى زوال بعد أن إستقر حال الدوام اليومي قليلاً
| |
|
|
|
|
|
|
|
|
 Re: يــاتو.. رجـــاء ، في الرجاءات ؟ (Re: ودرملية)
|
معزتي يا شباب
حبي لكــم .. لكل من كتب هنــا لرجاء العباسي في عودتهــا.. لكل من كتب لي حرف
سعيد انكم هنــا..
لا اعتقد اني استطيع التعبير بأي حرف سأكتبه ..
رجــاء ..
الناس ديل كلهم امانة في رقبتك
أخوك ما بقدر يردم كلام سمح
( جيهيهم ) لي . أنــا عافي ليك..
تخريمة
وصلتني رسالة في الايميل . وهي خاصة جدا وعامة جدا فضلت ارسله ليك هنا والوصية في الذمة .. شان بعدين ما تقولي تمبس بقى ما عندو ذمة
Quote: الأخ الفنان تمبس
عارف ياتمبس ياأخوي انا متابع لسودانيز اون لاين وعارف تفاصيلوه كلها لكن انت
الليلة خلعتني والله بي رجاء العباسي . اتذكرت حاجة انا اول ما شفت صورتها في
البوست , اتذكرت شنطة الجلد الشايلاها ديمة وغريبة احمد العربي طوالي اتكلم عن
شنطتها ...عارف انا لي اكتر من ستاشر سنة من ما شفت الرايعة دي...بمااني كنت في
حقوق القاهرة وهي في آداب القاهرة طبعا جيران هيتة بالهيتة زي ما بيقولو
اهلنا...سبحان الله شنطة الجلد بتاعة رجاء تذكرك بي رجاء ..مش كده وبس انا كلما
اشوف شنطة جلد أو اي حاجة مصنوعة من جلد ما عارف ليه طوالي اتذكر رجاء واتذكر سعد
حمدان وحنان القوي..ومحمد ابو عاقلة وسميرة وسوسن و800 - ونجوي والدقيرووبيت
الطالبات وعيييييييك...والله يا تمبس با أخوي انا هسة قاعد في ركن من العالم ما خطر
علي بال بشر انو سوداني يكون فيهو ..حتة في أخر الدنيا..اسمها هونولولو -هاواي...بس
لما شفت صورة رجاء حسيت فعلا انو الدنيا لسة حلوة ...رجاء فعلا من الناس البتحبو
لله كده ساكت ..وخاصة لما تعرفها عن قرب فما بالك بعرفة بتاعة سنين طويلة من الزمن
الجميل..ولا اتغيرت رغم السنين الطويلة والمحبين كترو ..لكن نح
ن ناس القاهرة عندنا فيها ورث بالعصبة كده ..فبالله عليك يا تمبس امانة في رقبتك
ترسل ليها ايميلي ده بالكلام الفيهوعشان انا ما عضو معاكم في سودانيز اون لاين
..وكمان ياريت دي تكون بداية تعارف بيك انت برضو ..عشان أنا البعز رجاء بعزو شديد
وعشان برضو انا بحترم الفنانين الزيك وعارف الامهم وأحزانهم والخير المزروع جواهم
سلام يعشاك محل ماك قاعد |
| |
|
|
|
|
|
|
|
|
 Re: يــاتو.. رجـــاء ، في الرجاءات ؟ (Re: tmbis)
|
تمبس يا غالي..
تشكر يا سيدي على الأمانة الوصلتها.. وأتمنى أن ترسل لي إيميل الصديق العزيز..
Quote: الأخ الفنان تمبس
عارف ياتمبس ياأخوي انا متابع لسودانيز اون لاين وعارف تفاصيلوه كلها لكن انت
الليلة خلعتني والله بي رجاء العباسي . اتذكرت حاجة انا اول ما شفت صورتها في
البوست , اتذكرت شنطة الجلد الشايلاها ديمة وغريبة احمد العربي طوالي اتكلم عن
شنطتها ...عارف انا لي اكتر من ستاشر سنة من ما شفت الرايعة دي...بمااني كنت في
حقوق القاهرة وهي في آداب القاهرة طبعا جيران هيتة بالهيتة زي ما بيقولو
اهلنا...سبحان الله شنطة الجلد بتاعة رجاء تذكرك بي رجاء ..مش كده وبس انا كلما
اشوف شنطة جلد أو اي حاجة مصنوعة من جلد ما عارف ليه طوالي اتذكر رجاء واتذكر سعد
حمدان وحنان القوي..ومحمد ابو عاقلة وسميرة وسوسن و800 - ونجوي والدقيرووبيت
الطالبات وعيييييييك...والله يا تمبس با أخوي انا هسة قاعد في ركن من العالم ما خطر
علي بال بشر انو سوداني يكون فيهو ..حتة في أخر الدنيا..اسمها هونولولو -هاواي...بس
لما شفت صورة رجاء حسيت فعلا انو الدنيا لسة حلوة ...رجاء فعلا من الناس البتحبو
لله كده ساكت ..وخاصة لما تعرفها عن قرب فما بالك بعرفة بتاعة سنين طويلة من الزمن
الجميل..ولا اتغيرت رغم السنين الطويلة والمحبين كترو ..
لكن نحن ناس القاهرة عندنا فيها ورث بالعصبة كده ..
فبالله عليك يا تمبس امانة في رقبتك
ترسل ليها ايميلي ده بالكلام الفيهوعشان انا ما عضو معاكم في سودانيز اون لاين
..وكمان ياريت دي تكون بداية تعارف بيك انت برضو ..عشان أنا البعز رجاء بعزو شديد
وعشان برضو انا بحترم الفنانين الزيك وعارف الامهم وأحزانهم والخير المزروع جواهم
سلام يعشاك محل ماك قاعد.. |
الصديق الذي حتى اللحظة أجهل من من أصدقاء القاهرة الساحرة وجامعتها العتيقة..
سعدت للغاية للذكريات الجميلة والأيام الحقيقية في حياتنا، وعدت بي للحوش، وناسه المهذبة.. ولو خيًرت للعودة لتلك الفترة لأستمسكت بها ولم أغادرها..
خلال تواجدي في دارفور العام الفات، التقيت بخمسة من زملاء الدراسة في مصر.. إثنين منهم من أبناء نيالا، والباقين يعملون في منظمات الأمم المتحدة كالفاو، واليونيسيف والغذاء.. ولقاءهم كان بالصدفة المحضة.. يعني تكون ماشي في مكان تلاقي البينادي إسمك بسؤال: رجاء؟؟؟؟ زملائي ما قادرين يصدقوا لغاية هسع إنو ممكن تلاقي زملاء دراسة بعد السنين دي وفي مكان مختلف تماما..
حأنتظر الايميل من تمبس.. وحأرسل ليك في أسرع وقت..
تخريمة: أنا زاتي حابدأ الاحظ حكاية شنطة الجلد.. وبالفعل فتشت شنطتي الحالية على اي شئ غريب ممكن يرتبط في الذاكرة.. لقيتها محتاجة "بولش" لأن أطرافها بدأ لونها يبهت شويتين..
ودي العميق لك..
رجاء،،
| |
|
|
|
|
|
|
|
|
|
Re: يــاتو.. رجـــاء ، في الرجاءات ؟ (Re: tmbis)
|
الاستاذة رجاء كلي سعادة بعودتك
كلما تتعمق ازماتنا نحتاج وجودنا أكثر
كلما ضاقت المساحات كان هناك متسع أكبر للوعي
ولولا مانعانيه من وجع لفتحت ازرع العالم كي اعانقك
ولكنك دوماً في الخاطر
اكثر وضوحاً واشد مصادمة
زوربا
| |
|
|
|
|
|
|
|
|
|
Re: يــاتو.. رجـــاء ، في الرجاءات ؟ (Re: tmbis)
|
بالاحضان يا غالية
يا علاء ، غايتو الخبر دا يمكن يخلينا نعيد نظر في حكاية العقوق البقت ملازمك دي
دا بر عظيم انك تبشر بعودة رجاء قصدي وبقيت ابن البورد البار ، على قرار إبن السودان البار ديك
| |
|
|
|
|
|
|
|
|
 Re: يــاتو.. رجـــاء ، في الرجاءات ؟ (Re: tmbis)
|
تمبس
يا رائع ... نسيتني وانا ضائع
دايما اخباك حلوة ..
لكن.. الأ تعرف من هي رجاء ..
انها رجاء المحبة والأخوة الصادقة ..
انها رجاء الواقعية والنفس الحلو ..
انها رجاء البيان سابقا و BBC حاليا..
انها رجاء الخبر الصادق والتحليل العميق ..
انها رجاء العباسي .. احدي الرائدات المعاصرات
للصحافة السودانية ..
لك ولها الحب والمعزة ..
ويارجاء ؟؟ اين بقية العقد الفريد ..
هدي وراوية وسارة ..
وانشاء الله راوية تكون خلصت الماجستير ..
ولكي ولهن الأمنيات الطيبات ..
الأخوات راوية و رجاء العباسي هلا عدتما في يوم الحب لنحتفل هنا
| |
|
|
|
|
|
|
| |
Raja
almohndis
seham_musa
HAYDER GASIM
mo
Mohamed Adam
Abdel Aati
عبير خيرى
مريم بنت الحسين
محمدين محمد اسحق
؟
..
Salah Abuhigill
عمران حسن صالح
Imad Khalifa
ودرملية
tmbis
Amin Mahmoud Zorba
ملكة سبأ
walid taha
الجندرية
هاشم نوريت
ahmed haneen
فيس بوك
تويتر
انستقرام
يوتيوب
بنتيريست