يــاتو.. رجـــاء ، في الرجاءات ؟

غالبــا
رجاء العباسي
روح البورد ..
ايقاع البورد .. من الزمن الجميل
البجيبو سيرتو ويجي ده ود حلال يا بت حلال ..
كنت بفتش في الارشيف قبل ساعات قليلة عن موضوع ضايع مني
لمحت اسم رجاء العباسي في مداخلة سابقة .. وقفت اقراء في المداخلة وكررتها عدة مرات
عادت بي للزمن الجميل ايام الاختلاف لا يفسد للود قضية ..
..
قبل دقائق لمحت رجاء اونلاين ..
وكالعادة أرحب بها كل مرة وتخذلني وتمشي..
يارب المرة دي ما تعمله..

تمبس يا غالي..

سلامات ومحبات وأشواقات كتيرة كتيرة ومعتقة كمان..

أيوة أنا ياني الجيت داخلة من شويتين.. مشيت أضم صديقي المحزون طلال وهو محزون من رشاش كلام متأكدة أن العزيزة تراجي نفسها لا تعرف هذا الطلال وإلا ما قالت ما قالت..
يحزنني إنو الناس لما تزعل بتقول كلام "شين".. فالكلمة تاني ما بترجع وبيفضل جرحها.. وربنا يطيب النفوس..
..
يا عزيزي.. لا الزمان هو الزمان ولا المكان هو المكان.. لا إستخفاف بمن يملأونه.. لا.. ولكن.. أحس بغربة كلما دخلت هذا المكان.. فلا الناس هم الناس، ولا الحروف..
حتى اللحن إتغير واصبح قاسي.. وما عارفة ده من شنو؟؟

..
حأتاوق من وكت للتاني..
ولغاية الوكت داك ليك من الحب أجزله.. ولكل شباب الرياض أيام الزمن الزين..

تخريمة واجبة: بوست "نجمات ونجوم الغد" من أجمل محطات هذا المكان..

ودي..

رجاء العباسى
..
..
حمد لله على السلامة

يآآآآه

لمحت مداخلتك بعدى فى بوست طلال لم اصدق,!!

تصدقى دى الحاجة الوحيدة الجميلة فى سهرنا الليلة دى




مش عليك الله يا تمبس

الملك ناجي..

سلامات ومحبات..

الحاجة الجميلة بالجد هو معرفتك "وجها لوجه".. وتأكيد نظرية "الإنطباع الأول".. وهو معرفتك هنا في الأول، تفس الجدعنة، ونفس الشهامة وحرورية القلب والأخوة اللًما تخجلك..

دمت يا ملك ودام ودنا

رجاء العباسى
..
..
كنا قبل ساعات نتناقش حول إمكانية تركنا لسودانييز اون لاين ,,,!! الغريبة إنو طلال ذاتو ما كان معانا فى الحوار ده ..شكلوا شعور جماعى خفى ..

كده الشعور إختلف نوعاً ما ,,,حيكون فى كورة وفن واخبار غير السياسة الكرهناها وكرهتنا وكرهونا بيها دى

...
...
والبورد نور يا رجاء





الاغنية دى كانت لى طلال ...بس كنت منتظر أعمل بيها بوست براها

لكن


تمبس بعد إذنك

Quote: مش عليك الله يا تمبس

مش .. ونص وخمسة يا ناجي
انا لمحت الأسم .. بقى لي رهاب رهاب
عاينت يمين لي عدد المداخلات قلت اكيد دي رجاء البعرفه ..
على طول استعملت حيلة ( الشرك ) البوستي
وياهو زي ما شايف .. جاب لينا ( احلى صيد ) بالليل ده
..
تصبحو على خير الاتنين .. انا نعسته
نتمو بكره يارجاء بلاي ما تزوغي عندي معاك كلام كتير

Quote: مش .. ونص وخمسة يا ناجي انا لمحت الأسم .. بقى لي رهاب رهاب عاينت يمين لي عدد المداخلات قلت اكيد دي رجاء البعرفه .. على طول استعملت حيلة ( الشرك ) البوستي وياهو زي ما شايف .. جاب لينا ( احلى صيد ) بالليل ده .. تصبحو على خير الاتنين .. انا نعسته

اصلوا البى باريك

ما يزهج

عارف زكرتنى أيام زمان وأيام الإختلاف لا يفسد للود قضية

وبى هناك مداخلة قرمبوز آيييه يا ناجى,,,يا حليل أيام زمان

.
.
كبرنا واهو بقيت تنعس قبلى



تصبح على خير يا صديقى

يا ملك..

الساعة في السودان هسسع 4 وأربعة دقايق.. صباحا.. المساهر بيك شنو..؟

أنا زاتي الكبر طالني.. وسلطان النوم أمر.. يا حليل أيام الجهل ..

تخريمة: الغنية ما بتتسمع.. لكلكها وشوف الحاصل شنو ..

الساعة اسى اربعة ونص
انا ذاتى ما عارف لو عرفتى ورينى

Quote: الغنية ما بتتسمع.. لكلكها وشوف الحاصل شنو

رجاء
خلاص بدينا لكلكتها لو ابت ليك
خشى هنا أبو سبح ,,شهاب,,شبكة,,غاندى ,,عماد ببو ,,محمد شرحبيل

الغالية جدا رجــاء
لم تكتمل سعادتي بحضورك .. اخشى طعم هذه المرارة التي في كلماتك وهي سبب رحيل العديد من الأقلام المميزة .. والعديد من الذين تركوا بصماتهم في هذه المساحة بكتاباتهم الصادقة .. واحترامهم للآخر حتى في الاختلاف ..نموذجك ادناه اصحبت أهم علامات المكان اصبح التأكد من ما يطلق من ضروب المستحيل يكفي ان تختلف معي لترى ما لا يسرك
لا نندم على زمن مضى .. لكن لكل فترة حساباتها .. ولن نترك هذه المساحة فالتراجع عن المبادي (جبن) وانهزام .. لكن سنحاول ان نلامس الاشياء رغم بعدها

Quote: نفسها لا تعرف هذا الطلال وإلا ما قالت ما قالت.. يحزنني إنو الناس لما تزعل بتقول كلام "شين".. فالكلمة تاني ما بترجع وبيفضل جرحها.. وربنا يطيب النفوس..

..

Quote: يا عزيزي.. لا الزمان هو الزمان ولا المكان هو المكان.. لا إستخفاف بمن يملأونه.. لا.. ولكن.. أحس بغربة كلما دخلت هذا المكان.. فلا الناس هم الناس، ولا الحروف..حتى اللحن إتغير واصبح قاسي.. وما عارفة ده من شنو؟؟

كلنا يارجــاء نحس بهذه الغربة الدخيلة ..
لكن
لن نستكين لهذه الظورف العرضية .. وجودك ووجود غيرك . اكيد سيخلق حزمة من الجمال تطغي على كل القبح مهما كبر حجمه ..
لك كل الحب من مجموعة بورداب الرياض . وما ذكروك إلا بالخير .. وكل خير

تخريمة ليك:
بهد ليك كل ما عجبك في بوست نجوم الغد ..
والنبي فيك كان تجي بي هناك

يا الف هلا بالاصيلة بنت الأصول
مشتاقين
...................................
اخبارك يا تمبس

النبيل الراقي بليير..

وقدر شوقك داخل القوس مرفوع لأكبر أس..

وياااااااااااااااااااااااااااه

أيام وشهور وسنين من الود والإحترام.. سيظل محفوظا ما حيينا..


ودي،،

و لن نتركك " نهباً" لعواطف بورداب الداخل وحدهم يا رجاء ، فلبورداب الكنانة فيك ، و عليك حقٌ ، و أى حق !!!! .

دخلنا الحوش من وراءك ، لكن بدخولنا توارت الكثير من الأقلام ، و الأفكار ، و الأهم "الروح " التى كانت سائدة ، و التى كانت حافزاً لنا للدخول ، و أرجو الآ يفهم من حديثى هذا التقليل من شأن ( مواطنى ) البورد الان ، بل هو مجرد إفتقاد لأقلام و رؤى نفيسة كانت تهوّم فى صفحات البورد ( الواحد بقى يخاف ).

تفتقدك القاهرة بلا شك ، و منذ محاضرتك الثرّة و القيمة لنا فى دورة مركز القاهرة لدراسات حقوق الإنسان تلك ، لم يراك أحد ، إختفيتى فجأة ( فص ملح و داب ) على رأى أهلنا المصريين ، أصابت المركز لعنة من ورائك ، فرحل عنه مجدى النعيم ، منعم الجاك ، و فاطمة عبدالرحيم ، بل كل الوجود السودانى تقريباً ، كانت هذه ملاحظة د. عبدالله النعيم فى زيارته لأخيرة .
سعيد بأنك بخير ، فكونى دائماً بخير ، و على خير .

مودتى .

عفواً تمبس ، تحياتى لك يا نبيل .

الكريم عبدالله شمس الدين..

سلام وتقدير ومحبة..

أعتذر للإنقطاع عن القاهرة وأيامها المثمرة.. فقد كنت خارجها لمدة سنة بالتمام والكمال، أفتقد كل شباب المركز الهميمين وأتمنى أن نرتب للقاء قريب.

سعيدة بوجودنا مرة اخرى في مكان واحد. وبالمناسبة بورداب الداخل معزتهم ومكانتهم هي هي مكانة بورداب القاهرة..

دمت،،

ألف ألف مرجباً أختنا الغالية رجاء العباسي

شرّفت ونوّرت

وألف شكر أخي علاء تمبس على هذه اللفتة البارعة

وتحياتي للأخت الغالية راوية العباسي

كمال

العزيز كمال فرانكلي..

سلام وتقدير لترحيبك الكريم..

أتمنى مثلك أن تعود راوية وغيرها من الأقلام والأنفس الجميلة ليزدان المكان كما كان وأكثر بوجود صحب جدد..

تسلم،،

مرحبا رجاء
عودا حميدا

ياللمفاجئة الرائعة

أستاذنا الرائع..

تسلم يا غالي على التحية..

لك من الود الكثير

‎
رجاء



سلام تعظيم


زين العابدين - الحليلة

الصديق الغالي زين العابدين..

سلامات ومحبات جزلات..

التعظيم لسؤالاتك ورسائلك التي كانت تأتي لتسأل عن حالي..

دمت أبدا يا نبيل..

العزيزة جدا رجاء العباسي
كيف يكون المكان هو المكان
والحروف هي الحروف
بغير تلك المداخلات الموضوعية
لبنت العباسي؟

كلماتك في طلال لا تكفي يا رجاء
فالرجاء ان تبقي هنا
و بتواجدك يقوى طلال..

مع خالص ودي

شمس الدين السنوسي

الغالية الاستاذة رجاء العباسى
مرحبا بعودتك التى طالنا انتظارها و بمناسبة عودتك الى موقعك اهديك هذه المكتبة
http://www.sudaneseonline.com/cgi-bin/sdb/2bb.cgi?board=210
مكتبة تشمل كتبه قلمك الجرى فى المنبر العام منذ انضمامك و بالمناسبة المكتبة طالعة من الفرن يا دوب يعنى حارة .....كما اتمنى عودة بقية بنات العباسى الاستاذة راوية و هدى كما لا يفوتنى هنا ان اشكر الحبيب علاء منصور السباق بالترحيب بالجميلين ...... اليوم انا سعيد باسم قراء و اعضاء المنبر بعودة الاستاذة رجاء العباسى صاحبة القلم الجرى الذى يعبر عن قضايا شعبنا

يا سلاااااااااااااااااااام ياخ

رجوية اطنان من المودة

مقرونة بتحيات وسلامات وملايين الترحيبات بعودتك الينا

صدقيني لم تغادرينا يوما

فأنتى في دواخلنا دوما

يا مراحب ... والدار دارك

واليكي احتراماتي ومعزتي

18 فبراير 2007م يوم ما عادي

صديقي الزمان...... والهسع برضو
الغالي أسعد..

يااااااااااااااااااااااا

أنا زاتي ما مصدقة.. كل مرة بتذكر بوست العناقريب داك بتاع أبو الريش.. وبتذكر بوست المسينجر والغنية الحلوة الجبتها.. وبتذكر أيام خميسات كده الواحد يكون راايق مع لحن عمك تنقو وبوستات زي الفل من كتيبة الجندريات المشتاقة ليهن كلهن إبتداء من بنات قوتة وإنتهاء بشقيقاتي..

تعرف حاجة..؟ أجمل شئ إنو الحاجات الجميلة هي البتدوم.. وما بيننا جميل جميل

ودي،،

بكري ياعزيز..

سلام ومحبة..

أولا تشكر على الهدية الجميلة، المكتبة، وبيني وبينك كنت براي عايزة أعمل مكتبة بالجنب كده، في شكل بوست أجيب فيهو كل الكتبته وبعدين أبارايهو محل ما يمشي ..
وتشكر تاني على الترحيب بي على رأس المنبر.. ومثلك أتمنى عودة راوية وهدى (تارا) وسارة زاتها..

واليوم أنا أسعد بالعودة للمنبر والأحباب والقراء الكرام..

لك وللجميع الحب والإحترام

مرحبا
بعودة رجاء
مودتى وتقديرى

الصديق العزيز محمد عكاشة..

تسلم يا نبيل..

حضرنا للقاهرة ووجدناكم غير موجودين ..

سلامي لكل المعاك.. وما ح أحسدك على البلد..

ودي

الصديق العزيز جدا شمس الدين..

سلام وسؤال عن حال الغربة معك وأسرتك الصغيرة..

لا أريد أن أبدو كمن ينتقد المنبر، حاشا لله، ولكن هناك ايقاع ولغة جديدة، ربما هذا تقدم، ولكن أليس من المفترض أن يسهل التقدم حياة البشر بدلا من تصعيبها؟ الجو أصبح متوترا ومشحونا بعداء للأشخاص وليس للأفكار. ربما كان كذلك في السابق ولكن الآن صورته أوضح.
ويواجه أصحاب القضايا حلين لا ثالث لهما، إما إستخدام نفس اللغة المتداولة بما فيها من عنف وتجاوزات في اللفظ والمعنى، وهنا تضيع قضاياهم.. أو إحترام أنفسهم والبعد عن المكان حتى ولو كان صوت قضيتهم مطلوبا. وهو حل ينم عن يأس وزهد وإحباط.. وفي الحالتين النتيجة ضياع الفكرة والقضية..
..
اللغة هي إنعكاس روح اي مجتمع، فهل هذا منبر غاضب؟! أتمنى أن تكون مرحلة من مراحل المكان. الذي مر من قبل بعشرات المراحل ليصل لهذا الشكل والمضمون..

لك ودي


تخريمة: التعديل كان لحرف.. عذرا

والله ليك وحشة ولقلمك الصادق ولعطاء الثر ايتها الرائعة الجميلة
تمبس الرائع
كيف لم ارى هذا البوست لا اعرف!
شكرا لهذا الترحيب الذى صادف اهله
جنى

جني الجميل..

وليك مليون وحشة.. وصدى كلماتك بعد مغادرتي لا زالت معي حتى الآن..

دمت أبدا،،

يا رجاء
نكاد لا نصدق
ألف مرحب بيك و بي عودة الزمن الجميل
راوية وين؟

تمبس ايها الآتي من السماء
بنكهات الجمال
ياخي ايه رايك في مشروع صداقه
ملئه بالمحبه من زول سجمان زيي كده

رجاء عباسي وحقيبتهاالتي
ما ذلت اذكرها في اول ظهور لي بشوارع
القاهره ولم يكن معي عنوان اذهب اليه
ولاعرفة لي بتلك البلد
نزلت من الاتوبيس في العتبه والاسيله تدور
والتوقعات تسرع الخطى لكل لحظة اتيه
اذا بها امامي بحقيبتها الجلديه وكدت اقسم
انها من صنع يدي في الزمن الجميل فكنا نصنع
للعاشقين الحقائب الجلديه ونعشق نحن التراب واللون
كانت بلورية وتعني لي ملاك الرحمه في اللحظه
وقفت امامها سائلا أن اسألها
ممكن سؤال لوسمحتي ؟
-طناش
كررت السؤال
-وبرضو طناش
دارت من يساري غير آبهه وركضت خلفها
لو سمحتي
ولم تلتفت
وما كان امامي غير البحث عن جريدة الخرطوم
والاتصال ليرد الاستاذ الجليل السر احمد قدور
واعطاني وصف الموقع ذهبت وكان منهم الاحترام
وحسن الاستقبال
بفضلهم التقيت صديقي محمد سعيد احمد عمر
كان ما توقعت صائبا ففي اليوم التالي
ذهبت وصديقي محمد سعيد لحفلة تخريج وهو
يحكي لي عن اصدقاء جميلين ساتعرف عليهم
تعرفنا على الشباب وجلسنا بطاوله كبيره
فإذا بنفس الشنطه الما بتغباني تتخته قدامي
حدقت في صاحبتها لم تكن هي (مكياج لزوم الاحتفال)
سألتها عن يوم امس فكانت هي
وكانت الاعتزارات بتفاهة الغربه وسوء الظن والحفاظ
على السلامه في بلد مثل القاهره (بلد لامه)
مودتي لكي ملاك الرحمه
موده صادقه بت العباسي
وما زلت اذكر كل التفاصيل الجميله
وافراد عائلتك الانيقه
وشكرا على حفاوتكم

ولك الود تمبس(واسف للاطاله)

الفنان الراقي العزيز أحمد..

أولا سلام ومودة وتقدير لكل حرف كتبته هنا..

تعرف من ساعة ما قريت مداخلتك ومحمد سعيد أحمد عمر بيننا.. أخونا الحبيب الذي لا نعرف اي خبر من أخباره سوى أنه بخير..

وبرضو إتذكرتك وإنت بتسألني، بالرغم من إن الحكاية دي ليها أكتر من (؟؟) سنة .. خليها في سرك .

لكن، وعشان ربنا حكيم، التقينا تاني وبقت معرفة خير وود..

شرفتي بترحيبك بي.. وشرفتني باستحضار ذكريات واشخاص غالين على نفسي..

أحمد الله كثيرا حينما أشعر أن لدي اصدقاء مثلك..

الحمد لله..

الصديق الغالي عمر..

سلامات ومودة وشوق لك ولكل الجميلين بدبي..

زي ما بيقولو العافية درجات.. أتمنى أن تعود راوية الجميلة (والله ما عشان أختي، لكنها جميلة بجد).. وأن يعود معاها كل الجميلين..

ودي..

اهلا

اهلا

اهلا

اهلا

رجويه بنت العباسي زااااااااااااااته


مرحب بيك وبي قدومك

مشتاقين

Quote: غالبــا رجاء العباسي روح البورد .. ايقاع البورد .. من الزمن الجميل البجيبو سيرتو ويجي ده ود حلال يا بت حلال .. كنت بفتش في الارشيف قبل ساعات قليلة عن موضوع ضايع مني لمحت اسم رجاء العباسي في مداخلة سابقة .. وقفت اقراء في المداخلة وكررتها عدة مرات عادت بي للزمن الجميل ايام الاختلاف لا يفسد للود قضية .. .. قبل دقائق لمحت رجاء اونلاين .. وكالعادة أرحب بها كل مرة وتخذلني وتمشي.. يارب المرة دي ما تعمله..

العزيز تمبس الذي دائما يتحفنا بماهو جميل

ويحمل الينا البشائر ويعود بينا الي الزمن الجميل

وها قد عمت بشائرنا وتم الفرح بحضور الغالية رجاء العباسي

والف مرحب بيك وبمساهمتك الرائعة المفيدة

لكم ودي

الصديق الحبيب حسام..

سلام ومودة..

إكتشفت الآن فقط إننا تعرفنا ببعض بعد مغادرتي.. ورغما عن ذلك كأننا عرفنا بعض من دهر كده..
أتباهى كثيرا وفي كل مناسبة بمعرفتي بشخص مثلك.. وأعتبر نفسي محظوظة بحمد الله..

تحاياي وسلاماتي لكل الأحباب بطرفك..

دمت ابدا

يااااه

صديقي الهلالابي عباس..

شوق من هنا لغاية عندكم..

طبعا اولا مبروك فوزكم "المسيييخ " على الإسماعيلي اول امبارح..

تحايا ومحبة تزيد يوم بعد يوم..

شكرا لك Tmbis
فى القبض على بت العباسى
وسباق دائما فى الحاجات الجميلة
وشكرا لكل الزملاء الدين رحبو ويرحبو دوما
بامثال رجاء بت العباسى
وحقو نبقى عشرة عليها شان تانى ماتطفش
وشكرا للريس بكرى ابو بكرعلى هدا الاهداء الراقى لمن يستحق فعلا

رجاء العباسى الف مرحب بعودتك

والشكر للعزيز تمبس


ونتمنى رؤية راويه هنا وباسرع فرصة

الفاضل ود محجوب..

تكرم يا عزيز على ترحيبك ، ومعاك انتظر عودة راوية

صديقي الغالي من أيام القاهرة الغالية عمر..

سلامات ومحبات وسؤالات عنك ونصفك الحلو وكل الأحباب المشتركين..

وتكرم لترحيبك الودود..

ودي

الاخت رجاء بت العباس
مسكاقمي
نحن ما قصرنا حاجة انت اتلومت فينا
معقول الغيبة دي كلها
يا سلام نورت البورد والمنتديات الجنبا
ناس معزتنا رحلوا خلونا
نتمنى عودة الاخت راوية وبقية الناس الطيبين بتاعين الزمن الحلو

الغالي حمزاوي.. الحال الجديد

سلام ومحبة وشوق كبير

سعيدة بعودتي ليكم ولأيام حلوة حلوة..
وربي يرجع الغايبين..

دمت

الف مرحب بالصديقة والأخت رجاء العباسى

كنا قد إلتقينا وغحتفلنا بها فى أبوظبى وكانت فى تلك الفترة متوقفة عن الكتابة

شعلة من الحيوية و النشاط والمعرفة وخفة الدم

نستميحك عذرا يا رجاء

شكل البورد هو بسبب لزوم ما يلزم ولزوم ما لا يلزم

قلمك سوف نستعين به على هجير المكان الإسفيرى و سموم الأوطان

مرحبا بك مرة أخرى

صديقي الحبيب هشام..

سلام ومودة أيام وسنين.. وفي البال دوما يوم أبوظبي الجميل وكل الناس الجميلة الكانوا معانا..
وين كل الناس دي؟ وأولهم دكتورتنا الراقية زولة واحد اتنين تلاتة..

وشكرا كتير بفتح بوست الشكل.. ولو ما خفتا يقولو رجاء جات تووووش على الشكل كنت جيتك من اول امبارح ..

ودي

..
.
لما شفتك !!
ليلى بق وضو نور
ونرجس الجنة المفرهد
رف بي جنحات عطور
وغنى فارسكـ
خت صورتكـ فى الإطار
فى الليالي نجم يلالي
ونسمة فى وهج النهار
وقال فى وصفكـ لما بنتى
أحلى منكـ .. برضه انتى
ومافى غيركـ زول معانا
حتى كان يا سمحة غبتى


_____________________

حمدالله على السلامة..
مشتاق .. واعلم انى مشتاق ..

الصالح تبلدينا..

سلام يا عزيز..

والشوق حده هنا..
احنا زاتنا مشتاقين..

تكرم على التحية الراقية..

مش في ناس كده الزول بيريدهم ساااااااااااااااااااي كده وبلا شغلة ؟؟؟
اها بنات العباسي ديل من النوع ده ..
تريدهم ساااااااااااااااااااااااااااي وبلا شغلة ..
حباب رأس (الرجاء) الصالح...

عمر الفاروق يا عزيز..

طبعا قدر ما حاولت اتذكر شئ من ترجمات mbc2 عشان أحييك بيها ما قدرتا.. وحركت الريموت ناحية الـ one tv، برضو ما لقيت..
لقيت كل الجاني "تبا..و the other night "..

تعرف احلي شئ في الدنيا شنو؟ لما زول يريدك ساااي بلا شغلة.. لأن قلبو ما حيملك إلا إنه برضو يرد الريدة زاااتا

تسلم لترحيبك..

ومن بين مخرج الشوق من حشايا
ومدخلك
كوركتلك

رجوووووية !

مشتاقين ما كفاية والله

يومي انا بغشى بوست ( انساك دا كلام)
واتذكركم يارجوية وأيامكم الحلوة

كنت بفكر اطلع البوست لم لمحتك في بوست ام وضاح

لكن تمبس طالع ود حلال (أوي)

ومابتوه من الناس الحلوين خالص
أنســاك ** دا كلام ؟؟

You made my night ya Rajaa

Quote: قلمك سوف نستعين به على هجير المكان الإسفيرى و سموم الأوطان

لن أجد ابلغ مما عبر به الباشمهندس هشام ترحاباً بعودتك ..
تحدثت مع راوية عبر التلفون قبل فترة و تزكرتني جيداً بعد حق الله بق الله .. بالله عليك الله جريها معاك ..
و بالله بدل المتاوقة من مرة لي مرة، إتحكري انت هنا و خلي الجماعة التانيين يتاوقوا هم ..

الصاوي

العزيز الصاوي..

سلام ومحبة..

تكرم يا غالي على ترحيبك.. وأتمنى بجد إن راوية ترجع..

ودي..

الملكة الكامل جمالها وذوقها..

يااااا يا بلقيس.. كل ما أتذكر أيام "الصبا" أعرف قدر شنو عجًزنا ..

طبعا من الحاجات الزعلانة عليها لغاية هسع هي إني ما لاقيتك.. وسألت عليك سؤال الضهبان من أول يوم مشينا الخرطوم.. أسألي المهندس وعاصم.. لكني دايما بعاين للجايات الأكيد حيكونوا اكتر وأجمل..

"أنساك"..

هو ده اللي مش ممكن أبدا..

عايزين لينا ونسة طويييلة.. وغنية من بتوع بيت الكلاوي..

حبي المن يوم ما بدا قاااعد وبيزيد

أول مرة أشوف بكري يحتفي بى زول قدر ده

لكن على قدر أهل العزم تأتي العزائم
وبقدر الكرام تأتي المكارم

Quote: الغالية الاستاذة رجاء العباسى مرحبا بعودتك التى طالنا انتظارها و بمناسبة عودتك الى موقعك اهديك هذه المكتبة http://www.sudaneseonline.com/cgi-bin/sdb/2bb.cgi?board=210 مكتبة تشمل كتبه قلمك الجرى فى المنبر العام منذ انضمامك و بالمناسبة المكتبة طالعة من الفرن يا دوب يعنى حارة .....كما اتمنى عودة بقية بنات العباسى الاستاذة راوية و هدى كما لا يفوتنى هنا ان اشكر الحبيب علاء منصور السباق بالترحيب بالجميلين ...... اليوم انا سعيد باسم قراء و اعضاء المنبر بعودة الاستاذة رجاء العباسى صاحبة القلم الجرى الذى يعبر عن قضايا شعبنا

.


رجـــــاء

سلامات وإن شاء الله طيبة

ومشتاقين ليك ولقلمك

يوم 7 يناير مرّ وفات وما ظهرتي

كنت منتظرك

عموماً اتمني إنو يكون موسم عودة

و إنك ما تخيبي امنية ناجي الملك

Quote: قبل دقائق لمحت رجاء اونلاين .. وكالعادة أرحب بها كل مرة وتخذلني وتمشي.. يارب المرة دي ما تعمله..

ودي
م.كرفس
.

الصديق الجميل معاوية..

سلام ومحبة وتقدير خاص..

يوم7 ما تمكنت من العودة..

وفي إنتظار الجايات زي ما قلت.. وأنا بؤمن إنو الجايات أكتر وأجمل..

تكرم يا نبيل على سؤالك عني أيام الغياب..

وتسلم لتحيتك الراقية..

دمت ودام ودنا..

واللللللللهي ياتمبس بالغت عديل ..



نكتها لينا من ويـــــــــــــــن .. الزولة الاسطورة دي ..


يا رجاء ..


اولا .. ليك على اعتزار .. لو بتتزكري ... يناير 2005 - القاهرة

فالتسمحي لي .. اختى الغالية .. فهو يؤرقنى منذ ذلك الحين ..



وياليت يعود كل فرسان ذلك الزمن الجميل من عمر البورد ..


اولهم .. اختك الجميلة .. راوية العباسي .. واشراقة مصطفى .. وندي امين .. الخ ..


اشتاق كثيرا لكتاباتهن .. وافتقد حضورهن البهي ..


لكي تمام التحية والاحترام ..

ولك اخي .. علاء .. كل الشكر والتقدير على هذا الوفاء ..





معتصم عمر محمد

صديقي الغالي معتصم..

محبة وشوق كتير كتير..

يااااااااا.. زمن من الحاجات الحلوة

ولا يهمك يا عريس على يناير 2005، أتمنى إنك ونصك الحلو في هناء ونعيم

راوية وبنات قوتة وندى أمين وإشراقة الحبيبة مكانتهن فاااضية، أدعو الله معك أن يعدن ويملأنها بالجميل

ودي

تعرف يا تمبس
ما عدت اثق فيك ولا في اي قول تقولو,,,

وطبعا بكون شكيت في انك ممكن تكون سارق الباسورد
بتاع الجريئه جدا والغائبه تماما رجاء العباسي,,

لكني رجعت واستغفرت الله بعد ما لقيت
المكتوب فيهو نفس رجاء ...


ياربي ياها ولا دي اخر تقليعاتك..
ليتها تعود ليزدان المكان بصادق القول
واندثار الغثاْء ...
ويا رجاء عليك الله لو كنتي دي انتي خليك قاعده
ولو كنتي ما ياكي حاولي تجي..

يا تمبس(ممكن احييك من غير زعل)

غمرتنا بالضوء حين ذكرت اسمها
وعدت بنا الي ذكر حرفها...
شكرا....

صديقي الحبيب فيصل عباس..

تحايا وسلام ومودة..

ياني أنا. وحأفضل قاعدة باذن المولى

أفتقدتكم بشدة.. وأتمنى أن نواصل هذا الحب

ودي

.

Quote: أول مرة أشوف بكري يحتفي بى زول قدر ده لكن على قدر أهل العزم تأتي العزائم وبقدر الكرام تأتي المكارم

.

يا سلام ..!

خشمك فيه اللبن يا تامبا

مليار مرحب برجا العباسي

ياااااا "الشفت" وليد..؟

أولا مرحب بيك إنت زاااتك

تانيا فشلت تمااما في الوصول إليك في السودان.. وبالرغم من إنهم حذروني "ناس سنادة" وقالوا لي ما تتصلي بعد الساعة 8 مسا عشان بينومو بدري ، لكني شايافاك محكًر هنا للدغش ..

أتمنى نتلاقى المرة الجاية.. وبطًل "غتاتة"

تسلم

يا رجا

انت ما خايفة يقولوا عليك ارتديتي وبقيتي تصاحبي الكيزان

هاهاهاهاهاهاهاهاهاهاهاها


يا زولة ناس واحد ديل اصلهم غتيتين
بدسوا الحاجة السمح الزيك كده
وبعد ما تسافري
يقولوا لي
يا الله ... رجا كانت بتسال عنك

يا زول والله انا اولادي الصغار بنوموا 12 خلي انا ومرتي
وكان جيتي المرة الجاية حرم الا تبيتي معانا

نوريك الشفتنة الجد

شكرا ليك يا علاء الدين..

ومرحب برجاء العباسي..

يا مرحبا يا مرحبا يا مرحبا * هذا الحبيب أتى وكان مُغيَّبا

رجاء: سلامي للوالدة والأسرة جميعا.. أها الجابك أريته يجيب راوية..

والسلام

شكرا للكل... اسعدني حضوركم
ده مشروع ( رجــــاء ) للجميع .. ورجاء هي للجميع لكل الأصدقاء ولكل اللحظات الجميلة التي كانت فيها هنا ..
شكرا يارجــاء
وعارفك ح تحسي معذتك عند الناس دي كلها ..
في انتظار راوية .. وكل عصافير الخريف ..
..
سأعود لكل الأصدقاء

يافيصل .. كده حبايب قلت ليك رجاء دي خليها علي .. ومفترض بعد كده ( تعتقد ) فيني طوالي بس باقي الفي بالي
بعدين ياخ انا مش منتظرك بعد دقيقتين ؟؟
انت شغال بي توقيت وين ؟؟

الحبيب ياسر الشريف..

سلامات ومحبات وافرة..

شكرا على ترحيبك الدافئ. وأتمنى رؤية راوية ايضا..

حبي وتحاياي للحبيبة إلهام والأبناء الكرام

عارف يا تمبس ؟؟
هناك نوع من الأخبار لمن تقرأها تشك في نظرك
ولمن تثق في نظرك وتقرأها تبدأ تشك في فهمك
ولمن تفهم تقوم اللغة تخذل المشاعر
فتجد الكلمة مقصرة عن التعبير، والعبارة مقصرة عن الإبانة
رأيت هذا البوست باكراً ، فتأرجحت بين مد الشك وجذر اليقين
بين مشاعر الفرح والـ ( الفصاحة ) الطارت من الرأس
رجاء تعرف تماماً ما نكنه لها
فرحتنا تكتمل فقط بعودة راوية

شكراً تمبس

رجاء العباسى

يا ألف مرحب بيك
ويا مليون أهلآ وسهلآ

مبسـوط بعودتك رغم أننا لم نتلاقى من قبل هنا

عندى بوسـت منومو تحت ونزار يوسف مصر ينكتو
راجى بيه عادل عبد العاطى
طبعآ هو معاى بس ما بقدر أقول ليه

يا ريت تكونى واسـطة وبالمرة راوية العباسى
أعتقد سـليمان ميلاد يسـتحق أن لا ننسـاه

والأيام دول

تحياتى

ومرحب بيك تانى

رأفت ميلاد

Quote: لا الزمان هو الزمان ولا المكان هو المكان

رجاء الوريفة نحن قاعدين هنا..على اساس انتو تاكيتو الباب وقلتو جاين
تذكرى ليلة امس وانا داخل البورد جديد..وقلنا نتعارف قلتى لى خالى
مصطفى التنى وكنت بتجى زيارات..وحضرتى زواج بت عمنا العمدة..وقالت كدا خشت الوريفة
راوية العباسى..وطلعت بتعرف المرحوم عظمة والصيدلانى جمال..بالله عليك مش دا كان امس
وتذكرى قبل ساعة الهكر الهندى سرق باسودرى..ووبكرى وقف اسمى وانتى ناشدتى واكتشفت
التخريب راوية..وانا جيت داخل وكتبت قصيدة ...(احب همد)
تحبنى هندٌ........
ويحبنى شعبها
فهامت بحبى
وهمت بحبها
عاشرتها ردحا
وفارقت دربها
غارت علىَ.
فارتكبت ... ذنبها......

....... سافرت اليها
وصرت من سربها
درست فيها
ودخلت حزبها
اكلت اكلها
وشربت شربها
حمَست فولها
وقشرت لبها
تعرفنى سماءها
وايضا ارضها
اعيادٌ كثيرة
لا يحصى عدها
رقصت فيها
ولعبت لعبها......

ناغبور مدينتى
انى احبها
اذكر اول مرة
يوم جئتها
ضحكت بروقها
وزمجر رعدها
ثلاثة ايام
الغيث ضيفها
مبانى عالية
السحب قربها
شباب فيها
موحدٌ قلبها
مختلف سياسيا
... يعشق بعضها
نتخا صم ليلا
نتصالح صبحها
سافر بعضهم
وترك ذكرها
اليوم اخالهم
.... والدارجمعها

بونا الحنونة.....
كم مرة زرتها
شباب فيها
يعبق طيبها
كالعقد تما سكا
والدر بسمها
عشت معهم
فى حى وسطها
دار تجمعنا
عملاق اتحادها
وحين ودعتهم
جرى دمعها......

رجعت بلدى
طلبت قربها
هى تحبنى
ويكرهنى حكمها
قلت اهاجر
غربا او شرقها
كم طيور قبلى
فارقت عشها
جئت رياضيا
فسكنت جنوبها
صرت ابحث
عن ضالة ٍ غيرها
فوجدت شباب
لا وطن لها
دخلت علهيم
فرحب جلها
فى البورد مسكنهم
قرى ومدنها
اشعارٌ وافكارٌ
اجهلها كلها
صرت اجارهيم
واتعلم منها
فان غبت صباحًا
احضر ليلها
اقاسمهم فرحًا
واشاطرهم حزنها
حتى رميت بسهم
ولست اولها
فان كنت فديتكم
فانا لها
البورد موطن اناس
لا وطن لها
هذه حياتى
وذاك ديدنها
ما الفت ارضًا
الا شغفنى حبها.........

ابقوتة _رياض....

لكن المقدنا اكثر ..هذا الجميل تمبس..واخرون..كل ما يلمح ليه حبة جمال ينقلها لينا..هنا
عشان كدا لما دخلتى على طول لقط اسمك...وقال اليوم شرقكم عزيز...
اما بوست طلال ما دخلت فيه لان النصرة جاتو رجاوية..واذا جاء الماء بطل التيمم..
ودى للجميع

مرحب بالاستأذه رجاء
ونرحب بعوده صوت شجاع
تقديرى

الفرح الغالي..

سلامات ومحبة

سعدت بمقابلتك في الخرطوم.. وسعدت بترحيبك بعودتي..

دمت

أبوقوتة قنبلة الحب الموقوتة..

حبابك مليون..

طبعا في مشيتي للسودان قعدت كتير مع خالي محمود.. وجبنا سيرة أبوقوتة البلد الجميلة.. ولا زال أبناء خالي يزورونها وعلى تواصل دائم مع أهلها..

جبت سيرة أيام زاهية.. وفكر خالي.. يااااا
ندفع كم وترجع الايام ديك؟

تكرم يا غالي على كلامك وترحيبك الدايما كريم

ودي

الفاضل من ريحة الحبايب رأفت ميلاد..

محبة وسلام وتقدير..

كل ما أشوفك أو أقرأ إسمك يكون الخالد "سليمان" حاضرا..

فجيعتي للآن لم تخف.. فقد عشت معه 3 أيام عام 1999 في "ربدة"، تعلمت منه أشياء لم أتوقع قط أن أتعلمها. بدءا بضرب السلاح مرورا بالحكاوي الجميلة التي يسردها.. وفي كل حكاية مغزى ورسالة. وإنتهاء بالزي العسكري الذي أهداني له بعد إستيلاءهم على حامية "دورديب" والذي أحتفظ به للآن.

تشرفت بتحيتك وترحيبك.. وفي إنتظار ذلك البوست "المدكًن"

ودي

صديقي الحبيب عاطف..

محبة وتقدير..

وأنت تعرف أيضا ما أكنه لكم..

تكرم يا غالي على أي حرف كتبته في حقي وراوية، التي أتمنى عودتها..

حبي لك ولكل من إمتد منك

بت العباسى
الف سلامات ومثلها تباريك
اولاعرفت متأخر جدا انك كنت هنا فى السودان
ولما سألت قالوا مشغولة فى نيالا وعاودت السؤال قالوا رجعت لندن شنو الحكاية
والله مشتاقين كتير واخبارك انقطعت وضاعت مننا زى تلفونك بتاع القاهرة
نتمنى التواصل ... مرحبا بك ان كنا فى موقع من يحق له ان يرحب بك فى بيتك
وشكراااا كتير تمبس

هلا ومليون مراحب ببت العباسي
ليك وحشة

الصديق والزميل الغالي عثمان..

سلامات وتقدير..

فعلا لم يحالفني الحظ لمقابلتك.. مع إني مريت على معظم الصحف والزملاء، وكان كل مرة انزل الخرطوم عندنا غدا ثابت مع فيصل محمد صالح وخالد عبدالعزيز وياسر عبدالله مرة صادفت معانا نعمة الباقر..

يعني المجموعة معظمها "جنود البيان"..

أنا الان في القاهرة.. لغاية أبريل

دايما بسعد بكلامك.. وأسعدني ترحيبك شديد

ودي

المنبر دا ليهو زمن طويل ما فيهو شيء مفرح والله يا تمبس دا اجمل خبر...الف الف مرحب استاذة رجاء ومكانك محفوظ وتسلم تمبس...

بكتاش العزيز..

سلام ومحبة..

تكرم يا غالي على قولك وفرحك.. أنا برضو فرحانة..

ودي

رجاء
رجوووووىة
انا احبك شديد
عشان الزمان ماياهو والمكان ما ياهو
تعالى يا بت العباسى وجيبى اخواتك نورى بيهن البورد
ونرجع لايام زمان انا لى سنتين منكم واحشنى مووووت
ولو ما عاجبك نسوى لينا شجرة تانى ونتلاقى فيها ومعانا
جبايبنا الحلويين ,,
رايك شنو يا تمبس الظريف ,,,,
يا بكرى عليك الله رجع لينا شجرتنا الكنا قاعدين فى ظلها شوفها
كانت حلوة كيف . فيها حكاوى وفيها ملاذ وفيها محبة وفيها ريدة
وفيها خووووووة .
تحياتى ليك يا تمبس وكل الحبايب المعاك ديل .
ام وضاح

الحبيبة الحنينة آمال..

ولأن القلوب شواهد.. أنا أحبك بالمثل ومن أول يوم عرفتك فيه..

وبزهو وبختال وبفاخر بمعرفتك، زولة أفكارها وتصرفاتها ماشة مع بعضها. وقلبها حااااااااار

منتظراك تجي وأجيب أخواتي وأخواتي التانيات بنات قوتة والملكة والجندرية ولنا ومعانا علي عثمان وسوركتي وكل الناس الحلوة، ونعمل شجرة نقعد تحتها.. ويا ريت بكري يعمل لينا الشجرة دي برة زي البديناها ديك..

مشتاقة ليك كتير.. ومشتاقة للحكي

ودي..

رجاء ...



وين ياجكس ؟


واحشاني والله بشكل شخصي .

كيفك وكيف ايامك ؟
دارفور علي حسكم ؟
في عمل طوعي وإنساني ولا ماّكلة ساي ؟
..
من اي بلد يارجاء تكتبينا الأن ؟
..
مشتاقيين والف الف الف سلامـــة ...
..

شايفة فرحتي ولا اكتب تاني؟

..
ابراهيم عبدالحميد العباسي .

الغالي إبراهيم عبدالحميد العباسي..

مودات وسلامات بالطن كده..

أنا زاتي مفتقداكم وكل الشباب الرائعين.. ومشاوير ام درمان الحلوة

السلام أمانة ليهم كلهم..

ودي..

Raja
Long time no see.... It's good to see you back... I hope you're doing fine
Regards
Fatah

أخي وصديقي الحبيب فتًاح..

سلام ومودة..

وفعلا زمن...

سؤالي عنك والأسرة وكل أخوانك..

تكرم على تحيتك وترحيبك يا غالي

اهلا رجاء

Quote: لمحت اسم رجاء العباسي في مداخلة سابقة .. وقفت اقراء في المداخلة وكررتها عدة مرات عادت بي للزمن الجميل ايام الاختلاف لا يفسد للود قضية .. ..

اتمنى ان يعود لكم هذا الزمان انا طبعا ماكنت معاكم لكن الحاجه الجميله الناس كلها بتحبهاوبتكون عايزها
تحياتى رجاء وليك تمبس

الحبيبة ماجدة..

مرحب بيك إنتي زاااتك..

وياريت يعود الزمان السمح..

ودي

رجاء العباسي شابة صحفية نشطة .. ساعدتنا كثيرا في اواخر تسعينات القرن الماضي وبدايات الالفية في منابر باللغة الانجليزية كانت نشطة بمتابعاتها الاخبارية ومداخلاتها كونها كانت دائما في مواقع الحدث في القاهرة او اماكن اخري ..
لها التحية
ابوبكر

حمد الله علي السلامة
يازولــة يارائعــة

مرحب اختنا الغالية
رجاء العباسي
وعقبال راوية
ايمان احمد
شيري
اشراقة
رقية
قوتة
وكل جميل

العزيز الغالي عمر الماحي..

سلام وتقدير..

تسلم على تحيتك.. ويا ريت كل الأحباب يجوا راجعين.. وترجع أجمل الأيام..

ودي..

العزيزة الراقية صباح..

تسلمي يا زمل.. وشكرا كتير على ترحيبك الحلو..

ودي

الصديق الحبيب أبوبكر..

سلام ومحبة وتقدير..

كان لي الشرف أن أكون بمعيتك وأولئك الكرام: د. منعم، ناجي، هشام عبدالمجيد، أستاذ محجوب تجاني وعصام وهاشم التني وآمال كنة وكل كوكبة (سودان ليست) التي تذكرك بوصف بائع المسك في الحديث الشريف..

شكرا كثيرا هناك وشكرا لترحيبك الراقي..

ودي

الحبيبة الغالية رجاء ياه يا رجاء وكانهادهور0عارفة الجية الحلوة دي دايرة ليها رويال قريبفروت وسندوتشات جبنة من دكان ناصية

يا الف هلا بالاصيلة بنت الأصول
مشتاقين

انتي الرجـــــــا و المرتجـي العمرو ما خيّب رجـــا
ياخي معقولة بس!!!

لا انا لازم أستعيد لياقتي الذهنية
وأخش الفورمة عشان أرحب بي سموِّك الترحيب الأميري الخاص!


لكن معقولة؟؟
أخبار الجنرالة شنو يا زولة
سلام كتير
و برجع ليك من تاني

تمبوشتي
مع أني زعلان عشان مر فتشت لي مريومة
لكن برضو شكرن جزيلن

العزيز سوداني..

تحية ومحبة..

تكرم سيدي على التحية..

الحبيبة لنًو..

سلامات ومحبات كتااارات..

طبعا كل ما أجي في الملازمين وفي الشارع داك طوالي أعاين في دكان اليماني العملنا فيهو العملية الختيييرة ديك ..

يا جماعة عشان الحكاية بجد حلوة لازم أحكيها ليكم..

اتقابلنا أنا ولنا يوم من الصباح.. وفجأة الجوع قرصنا .. قمنا مشينا كم كافتيريا لقيناهم يا دوووب بيغسلوا فيهم عشان يفتحوهم.. أها نعمل شنووو؟ مشينا لدكان بتاع يماني، واشترينا عيش وجبنة وطحنية.. وعصير رويال (قريب فرووت).. وشمرنا وبدينا نعمل في السندويتشات.. قام الراجل كتر خيرو مشى جاب لينا كمان طعمية من جوة بيته.. وكانت حااارة وفريش .. وطبعا عملنا سندويتشات لينا ولي الراجل والشغالين معاه.. وما حاقول ليكم الشارع برة كان كل ناسو بيتفرجو علينا.. لغاية ما جا عسكري المرور .. لووووووووووول

أيام يا لنًو..

أكيد حتجي أحلى منها كمان..
قولي يا مهوًن..

حبي

معقوله ناس من الزمن الجميل
جيت اسلم واغتس تاني
سلام الناس الموجودين هنا

عثمان الحبيب..

سلام وتقدير..

سعدت بحضورك للترحيب بي.. وأسعد اكتر بوجود الدائم بيننا..

ودي

حمد لله على السلامة

Quote: رجاء العباسي روح البورد .. ايقاع البورد .. من الزمن الجميل

الحبيبة سارة..

تسلمي يا غالية..

وليك من الود والشوق الكتير..

مرحب بعودتك وطلتك على البوردمرةأخرى

مشيت القاهرة كتير وسالت عنك ولكن لم اوفق في لقائك

مرحب بيك تراحيب المطر

مرحب ... يا زولة ... البيت بيتك , فنحن نقيم حيث يشير الخاطر... لكنك الجسر ,

فلننعم بمدادك العامر ... وآحاسيسك الطيبة ... وبعبور آلق .

رجاء العباسى


مرحبا بالعودة

حبابك مية

أنها أذن رجاء العباسي .. فقد توقفت طويلا عند هذا الاسم وراجعت تاريخ التسجيل وعدد المشاركات ونوعيتها وحمدت الله علي سلامة العودة ...وكانت رجاء العباسي وجها مشرقا ومشرفا للبورد في زمن ماضي وهاهي تعيده وتعيد لنا فرح العودة ...أنها بنت من بنات(السودان ) ولكنها ليست ككل البنات .. مثقفة تثري صفحات البورد بمفيد الكلام وليس بعكه وأختلاف (الضرات)...... حمد الله ألف ألف علي السلامة ...

صديقي العزيز شعبان..

سعدت للغاية بسؤالك عني.. وتمنيت أن القاك بالقاهرة..

ثقتك في شخصي تشرفني وتحملني مسئولية أتمنى أن أستطيع أدائها..

ودي

الفحل العزيز..


تكرم مليون على ترحيبك الجميل..

ودي

الفاضل الكريم حيدر..

سلام ومحبة..

تشرفت كتير بترحيبك الراقي.. وتشرفت أكتر بأسلوبك الأرقى في المنبر..

دمت

الحبيبة سهام..

سلام ومحبة..

سعيدة بترحيبك الدافئ.. وحزينة لعدم لقيانا..

أتمنى أن تتحقق اللقيا قريب يا غالية..

ودي..

بالبسيّمه الحِلوَه
تسبقنا وتنقـِر بابنا
كو
كو
كو
ياسلام..




ألف مرحب
يا رجويّه..




تنبس ياود
يا راقي...

رجاء العباسي ؟


أنا اعتز وافخر بمعرفة وصداقة هذه الإنسانة ..

لك كل الود ..

عادل

Quote: أنا اعتز وافخر بمعرفة وصداقة هذه الإنسانة ..

وانا اعترف باني متابعكم الاتنين ...

حمد لله علي السلامه رجاء و عادل عبدالعاطي ..

هذا المكان اصبح يمكن الاطلاع عليه مع قهوه الصيباح الان ..


___
تخريمة ( والحقوق الاصليه لي رجاء )

تامبا انت زول بركة تصدق ..

خالد يا جميل..

مع قهوة الصباح يحلو النغم أيضا..

إنتظرتك الخميس المضى.. أتمنى عودة لحن الخميس هذا الأسبوع..

تكرم سيدي على التحية الحلوة..

صديقي الحبيب عادل..

الشرف لي بأن تكون صديقي وسندي وداعمي..

لن أشكرك.. لأن كلمة "شكرا" جد صغيرة

دمت ودام ما بيننا

العزيز محمد آدم..

تكرم سيدي على التحية الجميلة..

دمت

تاني يا تمبس

ياخ إنت جميــــــــل

شكراً للهطول

ومرحب بالربيع

الراقية الرقيقة عبير..

الربيع هو عبير روحك الزاكية..

سلمتي

وحاة الله العبرة خنقتني.. معقوله يا ناس... ؟

تمبس.. بركاتك ... تلحقنا وتنجدنا...


لا أصدّق! رجاء العباسي بلحمها ودمها، مصير الحي يلاقي


بنت الحسين

الف مرحب بعودة الاستاذة رجاء العباسي الي دارها و الي اخوانها

شكرأ تمبس علي الاخبار الطيبة ..

العزيز محمدين..

سلامات ومحبات..

تسلم للتحية.. وأحييك بضعفها على ما تفعله في خدمة أهلنا في دارفور..

لك الود

مريوما حبيبتي "أم محمود "..

كيفك؟ نغيب كم شهر نجي نلقاك عرستي وجبتي ولد دخلتو المدرسة كمان ..؟

مبروك عليك يا حبيبة.. ومنتظرين بوست مخصوص لمحمود.. مش يمكن يكون ابو النسب المستقبلي ؟

ودي ليك ولرجالك الاتنين ..

دى ما ياها ذاتا....


والله إستحقيت البرنجية
تسلم

صلاح

الصديق الحبيب ابوحجل..

تحية ومودة دائمة..

ترحيبك يشرفني ويجعلني أزهو وأختال..

ودي

الأحباب جميعا..

سلام كتير..

ما إختفيت..

راجعة بعد شوية..

مرحب رجاء العباسي و جودك يسعدنا

وعقبال عودة راوية

العزيز تمبس
ينتابني إحساس عجيب وكل هذه الرقة تطل من خلال حروفك لمن تحب
سعيد أنا عرفت من هم على شاكلة تعاملك الراقي
والود الذي تحمله لمن تعرف
..
ومعك يا صديقي نرحب بهذه الزهرة
بت بلد
وصاحبة قلم واضح
وولاء بلا حدود لمن تنتمي له

شكرا تمبس
دائماً أتردد في مشاركتي (الكتابية) لأني دائماً بجي متأخر
إلا أن هذه العقده في طريقها إلى زوال بعد أن إستقر حال الدوام اليومي قليلاً

الاستاذة/ رجاء العباسي

مرحبا بعودة القلم الجسور.
شكرا تمبس على هذا الخبر الجميل.

تحياتي

عماد خليفة

سلامات
وعوافي
رجوية ..
والله مشتاقين بالجد جد .. ونورتي المنبر بي وجودك يارجاء ...
عزائنا انك كنتي في هم اكبر من اشواقنا ليك ..
لك المعزة العالية ...
تخريمة:-
سلمي علي راوية وقولي ليها في انتظارك برضو ..

معزتي يا شباب
حبي لكــم .. لكل من كتب هنــا لرجاء العباسي في عودتهــا.. لكل من كتب لي حرف
سعيد انكم هنــا..
لا اعتقد اني استطيع التعبير بأي حرف سأكتبه ..
رجــاء ..
الناس ديل كلهم امانة في رقبتك
أخوك ما بقدر يردم كلام سمح
( جيهيهم ) لي . أنــا عافي ليك..


تخريمة
وصلتني رسالة في الايميل . وهي خاصة جدا وعامة جدا فضلت ارسله ليك هنا والوصية في الذمة .. شان بعدين ما تقولي تمبس بقى ما عندو ذمة

Quote: الأخ الفنان تمبس عارف ياتمبس ياأخوي انا متابع لسودانيز اون لاين وعارف تفاصيلوه كلها لكن انت الليلة خلعتني والله بي رجاء العباسي . اتذكرت حاجة انا اول ما شفت صورتها في البوست , اتذكرت شنطة الجلد الشايلاها ديمة وغريبة احمد العربي طوالي اتكلم عن شنطتها ...عارف انا لي اكتر من ستاشر سنة من ما شفت الرايعة دي...بمااني كنت في حقوق القاهرة وهي في آداب القاهرة طبعا جيران هيتة بالهيتة زي ما بيقولو اهلنا...سبحان الله شنطة الجلد بتاعة رجاء تذكرك بي رجاء ..مش كده وبس انا كلما اشوف شنطة جلد أو اي حاجة مصنوعة من جلد ما عارف ليه طوالي اتذكر رجاء واتذكر سعد حمدان وحنان القوي..ومحمد ابو عاقلة وسميرة وسوسن و800 - ونجوي والدقيرووبيت الطالبات وعيييييييك...والله يا تمبس با أخوي انا هسة قاعد في ركن من العالم ما خطر علي بال بشر انو سوداني يكون فيهو ..حتة في أخر الدنيا..اسمها هونولولو -هاواي...بس لما شفت صورة رجاء حسيت فعلا انو الدنيا لسة حلوة ...رجاء فعلا من الناس البتحبو لله كده ساكت ..وخاصة لما تعرفها عن قرب فما بالك بعرفة بتاعة سنين طويلة من الزمن الجميل..ولا اتغيرت رغم السنين الطويلة والمحبين كترو ..لكن نح ن ناس القاهرة عندنا فيها ورث بالعصبة كده ..فبالله عليك يا تمبس امانة في رقبتك ترسل ليها ايميلي ده بالكلام الفيهوعشان انا ما عضو معاكم في سودانيز اون لاين ..وكمان ياريت دي تكون بداية تعارف بيك انت برضو ..عشان أنا البعز رجاء بعزو شديد وعشان برضو انا بحترم الفنانين الزيك وعارف الامهم وأحزانهم والخير المزروع جواهم سلام يعشاك محل ماك قاعد

يامراحب بالاستاذة رجاء العباسي

العزيز عبدالمنعم..

سلام وتحية وشكر لترحيبك الجميل

تمبس يا غالي..

تشكر يا سيدي على الأمانة الوصلتها.. وأتمنى أن ترسل لي إيميل الصديق العزيز..

Quote: الأخ الفنان تمبس عارف ياتمبس ياأخوي انا متابع لسودانيز اون لاين وعارف تفاصيلوه كلها لكن انت الليلة خلعتني والله بي رجاء العباسي . اتذكرت حاجة انا اول ما شفت صورتها في البوست , اتذكرت شنطة الجلد الشايلاها ديمة وغريبة احمد العربي طوالي اتكلم عن شنطتها ...عارف انا لي اكتر من ستاشر سنة من ما شفت الرايعة دي...بمااني كنت في حقوق القاهرة وهي في آداب القاهرة طبعا جيران هيتة بالهيتة زي ما بيقولو اهلنا...سبحان الله شنطة الجلد بتاعة رجاء تذكرك بي رجاء ..مش كده وبس انا كلما اشوف شنطة جلد أو اي حاجة مصنوعة من جلد ما عارف ليه طوالي اتذكر رجاء واتذكر سعد حمدان وحنان القوي..ومحمد ابو عاقلة وسميرة وسوسن و800 - ونجوي والدقيرووبيت الطالبات وعيييييييك...والله يا تمبس با أخوي انا هسة قاعد في ركن من العالم ما خطر علي بال بشر انو سوداني يكون فيهو ..حتة في أخر الدنيا..اسمها هونولولو -هاواي...بس لما شفت صورة رجاء حسيت فعلا انو الدنيا لسة حلوة ...رجاء فعلا من الناس البتحبو لله كده ساكت ..وخاصة لما تعرفها عن قرب فما بالك بعرفة بتاعة سنين طويلة من الزمن الجميل..ولا اتغيرت رغم السنين الطويلة والمحبين كترو .. لكن نحن ناس القاهرة عندنا فيها ورث بالعصبة كده .. فبالله عليك يا تمبس امانة في رقبتك ترسل ليها ايميلي ده بالكلام الفيهوعشان انا ما عضو معاكم في سودانيز اون لاين ..وكمان ياريت دي تكون بداية تعارف بيك انت برضو ..عشان أنا البعز رجاء بعزو شديد وعشان برضو انا بحترم الفنانين الزيك وعارف الامهم وأحزانهم والخير المزروع جواهم سلام يعشاك محل ماك قاعد..

الصديق الذي حتى اللحظة أجهل من من أصدقاء القاهرة الساحرة وجامعتها العتيقة..

سعدت للغاية للذكريات الجميلة والأيام الحقيقية في حياتنا، وعدت بي للحوش، وناسه المهذبة.. ولو خيًرت للعودة لتلك الفترة لأستمسكت بها ولم أغادرها..
خلال تواجدي في دارفور العام الفات، التقيت بخمسة من زملاء الدراسة في مصر.. إثنين منهم من أبناء نيالا، والباقين يعملون في منظمات الأمم المتحدة كالفاو، واليونيسيف والغذاء.. ولقاءهم كان بالصدفة المحضة.. يعني تكون ماشي في مكان تلاقي البينادي إسمك بسؤال: رجاء؟؟؟؟ زملائي ما قادرين يصدقوا لغاية هسع إنو ممكن تلاقي زملاء دراسة بعد السنين دي وفي مكان مختلف تماما..

حأنتظر الايميل من تمبس.. وحأرسل ليك في أسرع وقت..


تخريمة: أنا زاتي حابدأ الاحظ حكاية شنطة الجلد.. وبالفعل فتشت شنطتي الحالية على اي شئ غريب ممكن يرتبط في الذاكرة.. لقيتها محتاجة "بولش" لأن أطرافها بدأ لونها يبهت شويتين..

ودي العميق لك..

رجاء،،

الصديق الحبيب عبدالرحيم ود رملية..

سلامات ومحبات..

أشكر ليك تواصلك الجميل معي كل تلك الفترة..

ووصيتك لراوية وصلت..

تسلم يانبيل

الفاضل عماد..

تكرم على تحيتك..

وسعدت كتير بمعرفتك..

دمت

العزيز الفاضل عمران..

تحية ومحبة..

أقدر لك ما قلته في حقي.. لك من الإمتنان والشكر الكثير..

وألف حمد لله على فك العقدة التي كانت تقف حاجزا بينك والتواصل..

تكرم يا نبيل

العزيز النبيل أنور..

تحية ومحبة..

أولا مليون مبروك بمناسبة زواجك الميمون.. ربي يهنيك وعروستك ويديم النعيم بينكما..


تكرم كتير على الترحيب.. ومعاك اقول لراوية "أظهر وبان"..

ودي

الاستاذة رجاء كلي سعادة بعودتك
كلما تتعمق ازماتنا نحتاج وجودنا أكثر
كلما ضاقت المساحات كان هناك متسع أكبر للوعي

ولولا مانعانيه من وجع لفتحت ازرع العالم كي اعانقك

ولكنك دوماً في الخاطر

اكثر وضوحاً واشد مصادمة

زوربا

.. ورجاء

غابت الافراح عن المنبر الا قليلا

كم فرح اتانا معك و بك.

فقد فرحنا بمقدمك فرح المزارعين بظهور السنابل الاولى

و هل ياترى من سبيل لراوية؟
يبقى عشم و رجاء.



و يا تنبس انشاءالله في ميزان حسناتك

ثروت الحبيب..

سلامات واشواقات كتييييرة..

تعرف وأنا في خشم الباب كنت بتذكر في كلامك و"العنًز الشاردات"..

تسلم يا نبيل على كلماتك وتحيتك الحلوة

زوربا الغالي..

تحية ومحبة وشوق..

بالرغم من متابعة الأخبار.. لكن في حوجة لجلسة طوييييلة كده..

رايك شنو؟

حبي للبلومة والأمير

Quote: حبي المن يوم ما بدا قاااعد وبيزيد

وانا يا رجوية

ممكن تنادي راوية وهدي ؟

الملكة الكامل جمالها..

والله ناديتهم.. وحأفضل أنادي لغاية ما يجو..

حبي ليك يا ملكة

رجاء العباسي؟ معقول؟!
ياخى مليون..مليون مرحب













تمبس ده خبر تستحق عليهو الحلاوة

صاحبنا الزمان وكل زمان وليد..

تصدق معقول..

سؤالي عن أخبارك ونصك الحلو..

ودي

بالاحضان يا غالية

يا علاء ، غايتو الخبر دا يمكن يخلينا نعيد نظر في حكاية العقوق البقت ملازمك دي

دا بر عظيم انك تبشر بعودة رجاء قصدي وبقيت ابن البورد البار ، على قرار إبن السودان البار ديك

شكرا ياتمبس واهلا بعودة الاستاذة رجاء العباسى

عودا حميدا أستاذة رجاء

العزيزة سلمى التيجاني..

تسلمي يا ذوق على الترحيب..

شكرا كتيرا يا هاشم نوريت علي ترحيبك الجميل..

أماني يا حبيبة..

بتسعدني طلتك الحلوة.. وأسعدني ترحيبك الأحلى..

ودي

تمبس

يا رائع ... نسيتني وانا ضائع

دايما اخباك حلوة ..

لكن.. الأ تعرف من هي رجاء ..

انها رجاء المحبة والأخوة الصادقة ..

انها رجاء الواقعية والنفس الحلو ..

انها رجاء البيان سابقا و BBC حاليا..

انها رجاء الخبر الصادق والتحليل العميق ..

انها رجاء العباسي .. احدي الرائدات المعاصرات
للصحافة السودانية ..

لك ولها الحب والمعزة ..

ويارجاء ؟؟ اين بقية العقد الفريد ..

هدي وراوية وسارة ..

وانشاء الله راوية تكون خلصت الماجستير ..

ولكي ولهن الأمنيات الطيبات ..

الأخوات راوية و رجاء العباسي هلا عدتما في يوم الحب لنحتفل هنا

صديقي الغالي حنين..

سلامات ومحبات جمة..

أفتقدت وجودي هنا مع كل هؤلاء الأحباب..

أسأل عن أخبارك وأحوالك.. أنا الآن في القاهرة حتى أول أبريل.. بعدها سأغادر لجهة تانية.

تحياتي لأسرتك الحبيبة

دمت ابدا