|
Re: رفاعي عبدالعاطي حجر : إينقلت لك إنني (يساري)؟؟!!!! (Re: Ahmed musa)
|
أُس المشكلة كله أني قلت ليه ما بعرفك لمن قال لي قابلت مع حافظ خير ومعاوية عبيد زول داير يعمل صاحبي بالرجالة ... وانا بجد ماعرفته اها دي غلطة منو .؟؟؟ قام طوالي (طاخ) سواني يساري ليه يساري بالذات ؟؟؟ والله ماعارف وهل هو يساري ولا لا ؟؟؟ والله ماعارف انا بعرف يساريين هنا وهم محل احترام وتقدير ومالين (قاشهم) بس حجر ده ما عرفته فمن وين جة وقال انا يساري ... ماعارف الغريبة اليساري الجد جد (خالد العبيد) وفي واحد من البوستات قال كان داير يستقطبني فكيف يستقطبني وانا أصلا يساري ولا يكون خالد الإتربيت معاه ماعارفني وحجر الماعارفه عارفني وجاييه وراجيه لكنه يبدو أنه إجبــن من ان يأتي هنا
| |
|
|
|
|
|
|
Re: رفاعي عبدالعاطي حجر : إينقلت لك إنني (يساري)؟؟!!!! (Re: Deng)
|
Quote: لأنت لسه بتتملق للكيزان؟ |
دينق قصتك مع الكيزان دي حنفضى ليها هنا مافي كيزان هنا في مجموعة يساريين لقول الحق وتبيان هل أنا كنت يساري ولا لا ؟؟؟ وتحديد الكضاب منو فينا انا ولا حجر فهمت ؟؟؟ ملحوظة : هذا ليس رأي في اليسار حاا لله ولكن الواضح انه هنا في البورد ده تقول اي كلمة وتعمل رايح
وين حجر يا ناس ؟؟؟؟
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
Quote: احمد موسى سلام ... والله يا احمد موسى برغم معرفتي لك لكن اليسار لا يتشرف بانتمائك له انت من تحب نافع ... يا زول انت زول فنان خليك من المواقف العجيبة دي والله انا قاعد في المنبر لي سنين بحاول افهم انت واقف وين والله ما قدرتا افهمك نافع مين بالله البتحبا ... ولك كامل الود |
محامي السلم.
شفته إنتهازيتك وصلتك وين؟
الأن أكتشف أمرك ، وأي زول ح يجي يكرر لك الكلام ده .
أختشي على دمك .
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Deng)
|
احمد موسى الما تقدمى ياانا يا اللبن يعنى كنت كادر سرى ايووووووووووووووا وعامل لينا فيها محافظ وصلاة تحياتى لناس البيت وكابو ان وجد وصوصل ان وجد سؤال؟؟كم لك من الاطفال ايها الزميل الناكر اللبن ضار بالاخلاق ياخوى باب بيتكم لسه فاتح جنوب ولا برضو الباب كادر سرى وناس بيتكم ديل ياكلونا فول00 برضو تكون كبدة كادر سرى ياخ انتو اسرار الفنانه ولا شنو اطرش اللبن رغم صعوبة ذلك وماشى معنا كدراى ؟ ولديك مدرسة مرجع للاتوستوب حانت لحظة الحقيفه00اعترف0
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: معاوية عبيد الصائم)
|
معاوية عبيد حبابك عشرة للمرة التالتة وصدقني الموضع موضع (حق) وإنت من أقدم الناس البعرفهم وبعرفوني من أيام إتحاد الشباب ناس عادل حمدالنيل ونزار سعد وهسع جه حجر إتهمني إني (تنكرت) لليسار وإنت أياميها كنت نشط جداً في إتحاد الشباب والجبهة الديمقراطية والحزب الشيوعي فسؤالي ليك لكلمة حق (هل أنا أبداً في يوم ما كنت يساري ؟؟؟ أو حتى يميني ؟؟؟؟
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
إنت يا حجر ما تجي وتقول أنا لفحت الكلام ده أوفي زول قال لي أحمد موسى ده كانتقدُّمي وأنا بفهمي البسيط فهمت التقدمية هي اليسارية أوالزول كان قاصد محمد موسى وأنا بحقدي سمعتها أحمد موسى غايتويا حجر دي تاني مرة أشوف ليك زول إتعمل ليه (كمين منبري) عمله ليك زول وإنت (إنبطحت) فيه .... قلت لي (تنكرت) ؟؟؟؟؟ والله صعب ... فقري .... أها تعال نرجع ورا شوية قبل (تنكرت)دي وأعرف أنا نفسي للدنيا والعالمين كنا تبع ياتو خلية ولا فرعية ؟؟؟؟ وكنت يساري إتحاد شباب ولا جبهة ديمقراطية ولا حزب شيوعي عديييييييل كدا ؟؟؟؟ ولا يساري (طلقيبة) ساي ....؟؟؟؟
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
دخل هنا إثنان من المعارف أحدهما معتصم الجمام وهو للامانة لا يعرفني إلا سماعي وكذلك أنا من أصدقاء مشتركين ودخل معاوية عبيد وهويعرفني In & out وأقبل شهادته .... ووالله لوقال كنت يساري فبراجع نفسي وبرجع خليتي أو الفرعية وبستغفر وبتوب لو في الخلية في إستغفار وتوبة ولو قال فهمي (يساري) فدي بحاول أفهمها لأنه زي في إرتباط قديم بين الفن واليسار وبتكون دايرة نقاش
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: الرفاعي عبدالعاطي حجر)
|
Quote: رسالتي تجاه هذا البوست واضحة جداً ان البوست الآخر يكفي ولا نحتاج آخر مسألة انك يساري او يميني دي ما اصل الموضوع لذلك محاولات الهروب اماماً والقفز بالزانة ما عندها معنى في ميدان حجة وليس للركض . |
يا سلالالالالام .. عليك الله يا حجر لو سمحته يعني وبدون ثغاله مني .. ممكن تسالو لي عن اسماء المليون شهيد ديل منو ومنو ..؟ عشان ما يعمل زغبير .. إنت اي زول قاعد يهرب منك ويفر .. ويقفز بالزانة .. ؟ معقولة الكلام دا ..؟ المسالة دي ما واسعة شوية كدا ..؟ إنت فتحت بوست عشان تمارس فوقو طقوسك .. هو كمان من حقو .. أو يا بوحميد لو تاني عايز تفتح اي بوست .. مفروض تستاذن من حجر .. إنت قايل فتحان البوستات ساااي كدا ..؟
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: tmbis)
|
Quote: يا بوحميد لو تاني عايز تفتح اي بوست .. مفروض تستاذن من حجر .. إنت قايل فتحان البوستات ساااي كدا ..؟ |
يا تمبس .... والله لمن قريت ليك ...
Quote: رسالتي تجاه هذا البوست |
الفيني كملت وقلت أزوغ لي كم يوم أو أدخل بإسم (مستعرّْ) ... وإتخيلت ليك الرفيق (حجر) قاعد تحت شجرة ولابس تموت تخلي وزي من الدبلان وجنبه غنماية حفيدة غنماية (غاندي) أومنسُلالتها وبقول بصوت وقور أجش (رسالتي) وفجأة تقوم الجماهير تهيج فيني كزنديق ...!!!! أها يا بتاع الرسالات إنت ... رسالتك الجاية شنو عشان الزمن ...
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
Quote: ودانيز أون لاين دوت كوم 1381 شخص » (84 )عضو و (1297) زائرا ... ... ... »الرفاعي عبدالعاطي حجر ... ... ... |
يا حجر جاوب الله يرضى علينا وعليك داير أعرف إتجاهي عشان أمشي عليه أوكدي أرجع لناس المعلومات إمكن قاصدين (يساري) بمعني (لفتاوي) وأنا بجد لفتاوي في الكتابة والكورة ولا قصة كورة دي ناس المعلومات ماقالوها ليك ؟؟؟؟
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
أحاول الإستعانة بصديق للإجابة عن لماذا يتحاشى الرفيق حجر الإجابة على تساؤلاتي ؟؟؟!!! 1. لأنه لا يجرؤ على ذلك والدليل قفزه منمحطة اليسار أب نضالاً برة للحركة الشعبية ليجمع بين المعارضة والحكومة ويجد حماية حركية 2. لأنه لا يعلم إجابات واضحة عن الأسئلة ويخشى إن أجاب غجابات خاطئة أت تدخله في مشكلة مع تنظيمه الجديد 3. أنه مشغول برسالاته التي ذكرها هنا وبجانبه الغنماية حفيدة غنماية غاندي
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: farda)
|
Quote: يا فرده زول يقول ليك يساري ، بدل ما تحمد ربك وتسكت ، تقول لا أنا يميني؟!
شهادة:
أحمد موسى ليس يسارياً لكنَّ أحمد موسى "أشْـوَل"
...
يا معاوية عبيد! في هذه الأسافير، لا بيني لا بينك!! |
هسع يا farda أرد ياتها ولا ياتها ؟؟؟ طيّب ... صدقني المشكلة ما مشكلة يساريتي ولا يمنيتي المشكلة إتهام حجر لي بإني إتنكرت لليسار إستناداً إلى أني كنت يساري وإنت يمكن بتعرفني كويس يا عمكــ لو كنت يساري ولا يميني ... ... ... المحيرني يا فردة ... هل المكان هنا لازمه قالب ؟؟؟ يعني لا بد ألبد يمين أو يسار ؟؟؟ بسألك كزول قديم في حاجات كتيرة ....!!!!
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
Quote: احمد موسى النبيل يسارى السلوك سودانى ود بلد يمينى ويد امينه لكل الاصدقاء ليتك كنت شيوعيا ايها الجميل على الملا ؟؟ احمد ود موسى لاعلاقة؟؟ له بالحزب الجبهه الديمقراطيه اتحاد الشباب السودانى ود موسى البيت المفتوح
يااااااااااااااااااناس ود موسى ياهو ود موسى 000 حافظ0الصادق0صالح000 بت فوتى 0 ودى 00ايها النبيل تاريخك يكفى فى زمن الانكسار ايها المبتسم فى كل الاحوال اعلم حرصك ع الاخرين ليتك كنت يساااااااااااااااااااريا |
معاوية عبيد من بوست فايز ودالقاضي ...!!!!
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
Quote: والله اتفق مع امين جدا احمد انا بعرفو معرفة عن قرب ولدنا ود بري انسان خلوق ومهذب شخصيا كنت ناوي ابلشفو!! مرق من ايدنا ساي عرفتو هنا حركة شعبية ومدافع عن قضايا الشرق وما عارفو اختار الشرق ليه رغم انو عريبي من الجزيرة يمكن فيه عرق من ناس امونة! هسه انا محتار في الجهة الشايت فيها اتمنى انك تعرفو من قريب يا ياسر وتصاحبو الدنيا ما معروفة يمكن يوم يلقاك في التمنة
والله بيحلك .. زول بركة |
خالد العبيد من بوست Re: لعناية المحامي أحمد موسى !
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: farda)
|
انا واحمد موسى اتربينا وعشنا في حلة واحدة انا مجاور الرياض واحمد في قلب الباطنية !! في طول البراري وعرضها ومعاها امتداد ناصر اعرف بيوت اليسار وديارها العلنية والسرية ! اتحاد الشباب السوداني القوى الاشتراكية بالبراري الحزب الشيوعي / ناصر / والبراري لم ارى على الاطلاق احمد موسى في هذه الدور لا متفرجا ولا مشاركا اشهد ان لا علاقة له بنا من قريب او بعيد احمد موسى عرفته فنان مسرحي والتقينا كم مرة في بيت عبدالحميد الشبلي مؤسس الوان الطيف واحيانا مع عاطف والصادق ورضا السماني وسلام واحترام ليكم الاتنين
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: خالد العبيد)
|
Quote: انا واحمد موسى اتربينا وعشنا في حلة واحدة انا مجاور الرياض واحمد في قلب الباطنية !! في طول البراري وعرضها ومعاها امتداد ناصر اعرف بيوت اليسار وديارها العلنية والسرية ! اتحاد الشباب السوداني القوى الاشتراكية بالبراري الحزب الشيوعي / ناصر / والبراري لم ارى على الاطلاق احمد موسى في هذه الدور لا متفرجا ولا مشاركا اشهد ان لا علاقة له بنا من قريب او بعيد احمد موسى عرفته فنان مسرحي والتقينا كم مرة في بيت عبدالحميد الشبلي مؤسس الوان الطيف واحيانا مع عاطف والصادق ورضا السماني وسلام واحترام ليكم الاتنين |
وينك يا حجر ؟؟؟؟؟ (بلع) التصريحات ساهل حِبِيبة مويةزغيرونة بتحل المشكلة ... نصيحة أخ لـ حجر تأنّى ففي التأنّي السلامة ... ... ... ... خالد عبيد وإخوتي أهل اليسار قاطبة ... نحن جيل رضع الفن ومضغ جزء من الثقافة عشنا سوياً ... بشر ... نعرف الإنسان ...ونحترمه ... لم نهتم بالتنقيب ببواطن الآخرين يهمنا منهم إنسانيتهم يسار يمين لم نكن يوماً سياسيين لقناعة بأن للسياسة أهلها كنا نعشق الفن ...ننوم على أرصفته ونضحك ملْ أشداقنا ببطون خاوية ومليئة بيقين الإكتفاء لم نشعر اننا غُرباء بالأوساط اليسارية ولا أظننا نشعر ولم نسعى لقولبة فكرية فالادلجة (سجن) الفنّان ... ... ... ... سُئل (لينين الرملي) لماذا لم يتأدلج ناصرياً أويسارياً أوقومياً عربياً أو... فاجاب : أنا فنان والفن هو آيدلوجيتي الكُبرى ...!!!
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: خالد العبيد)
|
Quote: الهوا بجيك من هنا يا احمد كيف تحب مثل هذا القاتل المجرم الذي هندس وأوجد بيوت الاشباح نافع جعل منك .. الحي ومكفن وبعض الحب ما قتل !! انت اكثر من مؤهل لتعدد جرائم نافع فأصبأ عن هذا الحب يا صديق !!
|
المُحيّر أخوي خالد العبيد... هو الرفيق حجر وحسب علمي إنه (يساري) لط ... غلبه النضال ... لقى زي كثيرين من أهل اليسلر قطار الحركة (شبّ) فيه ... و(لبد) في واحدةمن عرباته بقى (مناضل) ضد النظام وبناضل تحت حماية (النظام) وزراءهم يغلطوا ويجي هنا يخش كوتة المعارضة ...!!!! بعدين هو ذات نفسه (يساري) ترك اليسار وبهاجمني أنا بإعتباري يساري تركت اليسار...!!! هو تركه لجزء من الحكومة وأنا (بحسب ظنّه) تركته للجزء الآخر طيّب شنو البحلّل ليه ربط اللنمر الصفراء ويحرمها عليّ ؟؟؟ ده بإفتراض صدقية إدعاءاته التي حتى الآن يتضح (كذبها) ...!!!! المُحيّر أكثر أن قيادات حجر من امثال وليد حامد وتابيتا بطرس أعلنوا قبلي وفي صُحف سيارة وعبر لقاءات (حُبّهم) للشيخ علي عثمان ذات نفسه يعني هم يدخلوا الحكومة ونحن لأ ...!!! هم يتركوا اليسار ونحن لأ ...!!! هم يحبوا قيادات الوطني ونحن لا ...!!!! عليك الله ديل ناس ؟؟؟؟؟؟
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
Quote: بعدين هو ذات نفسه (يساري) ترك اليسار |
طبعا دا كلام عجيب جدا لو ثبت صحته .. ودا معناته كمان حجــر جاي يعمل لينا (رواجات) في البورد دا وطارح نفسو محقق فيدرالي .. بس كمان ما يقوم يطلع أمنجي قديم .. وبي كدا يكون (قفل الطبلون) (وفحط) في سبيطة الموز .. غايتو البورد دا ممتع خلاص .. يا أحمد موسى .. مش إنت زول قانوني ..؟ اتقدم لكم بطلبي هذا راجيا الترافع .. عن المدعو الرفاعي حجــر عشان اطلعوا ليك من الورطة دي زي الشعرة من العجين .. عليـه : من الآن كل مداخلاتي تحمل صيغة .. موكلي . كلما تلقى موكلي معناته المقصود هو حجــر هيم سيلف .
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: tmbis)
|
السيد عزيز باشا القارئ السيد عزيز حجر القارئ السادة البورداب .. السادة المتصفحين .. موكلي ما كان قاصد يعني يقول إنو أحمد موسى دا يساري بالمعنى اللفظي للجملة في (صياغة) الذي قريتموه .. إنما أراد فقط ان يبين لكم الحالة الآنية التي فيها المتهم أحمد موسى أوان ممارسته لكرة القدم .. فهو سادتي زيو وزي مهند الطاهر واحد يلعب بي كراعو (العسرا) .. وتعلموون جيدا سادتكم أن عبارة (أعسر) تطلق في السودان القديم على من هم يتعاطون اشياءهم كالاكل والشرب وكل ما يتعلق بالايدي والأرجل بي يسارهم أي يستهلون يسارهم في البدايات .. ولما كانت مفردة اعسر متداولة وقتئذ بشكلها المتعارف عليه استمدت منها اسماء ..موغلة في العسارية.. (كالاعيسر).. وود الأشول تلطفا .. بينما كان هناك التطير من العسرنة .. كما يتضح جليا في الحكمة القديمة .. ما تاكل بي يدك العسرا لانو الشيطان بياكل معاك .. وبما أن موكلي ينتمى لقبيلة السودان الجديد .. وهو حركة شعبية كما ثبت من أقوال الشهود فإن موكلي قام فقط بمتابعة منفيستو حركته السياسي .. والتزام بما جاء فيه .. فيما يتعلق بالسودان القديم والجديد .. فقام فقط بدوره النضالي وما تحتمه ادبيات المرحله .. ومن كونو ناشط .. وبتاع اي حاجة وبيعرف حاجات كتيرة جدا .. قام موكلي بوصف المتهم الذي هو امامكم .. بصفة اليسارية .. والتي كان يقصد منها العسارية .. عليه أرجو من عدالتكم .. الاستعانة بطاقم طبي ليثبت لنا تشريحياً صحة ما جاء في أقوال موكلي .. وذلك بالاستعانة بخبراء الطب الشرعي .. وخبراء الاشعة والموجات الصوتية .. كما أرجو شاكرا .. أن نستعين بمباشري أحد المطاعم التي يتردد عليها المتهم أو نجيب أي زول من رواد حليوة .. حتى تتأكد صحة ما جاء به موكلي .. والتي انا على يقين تام بها .. لانو موكلي كما اشرت فهو يعرف اشياء كتيرة وضليع في لغة الضـاد .. وبإمكانه التلاعب كيفما شاء في الاستعارات المكنية ... والجناس والاقتباس والسجع .. والطباق .. وبه بعض الفلسفة. وقاعد يقرا لي واسيهو الأعرج .. وغبريال قارسيا ماركيز .. ونيتشة.
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: tmbis)
|
Quote: طبعا دا كلام عجيب جدا لو ثبت صحته .. |
تعرف يا تمبس أخونا معاوية عبيد ده أنا بعرفه أكلنا سوا مشينا في الأسواق أها معاوية عبيد في سياق كلامه عن الرفيق جاب سيرة إتحاد الشباب بتاع أركويت وهسع أنا في حال تحريات عشان أعرف موضع الزميل /سابقاً ...الرفيق حالياً ... الأخ /بعد الإنفصال حجر هو شكله عضو صغير في قطاع صغير في اليسار ..حاجة كدة ما معروفة خايف أقول (نكرة) يزعل أها ده نوع ناس بحبوا النضال وبخافوا منه لمن جات الحركة نطوا فيها عشان خاطفة لونين لون حكومي ولون معارض فلمن يتعصروا يقولوا نحن حكومة ويمشي بيوتهم يقلعوا الميري ويجونا مناضلين ليل
| |
|
|
|
|
|
|
Re: رفاعي عبدالعاطي حجر : إين قلت لك إنني (يساري)؟؟!!!! (Re: Ahmed musa)
|
السادة القُراء الكرام السلام عليكم ورحمة الله نعالى وبركاته الموضوع : الكذّاب الرفاعي عبدالعاطي حجر بكل التقدير اللازم والإحترام أنقل لكم أحداث ووقائع تُنبئ بوجود كذاب بهذا المنبر وهذا شئ عُجاب ... فالمنبر الأصل فيه أنه منبر وعي هذا الحجر إتهمني بإنتمائي لليسار وهذه تهمة ما كنت أن أنكرها وشرف ما كان لي أن أدعيه لولا أن أردفها بفعل إرتبط بالأول وأصبح لزاماً على (إثبات) أنني لم أنتمي لليسار تبرئة لنفسي وتبرئة لليسار أيضاً فهروبي كما يظن لليمين هو سُبّة في جبين اليسار أكثر منها سُبّة في جبيني وقد طلبت شهادة عدد من الزملاء منهم من هو من أهل اليسار ومنهم من عاصرني وعاشرني ردحاً من الزمن السادة القُراء الكرام تداعى عدد من الشهود و(كلهم) أكدوا أنني لم أتنمي يوماً لليسار وظننا أنه سيأتي ويعتذر للخلط الذي حدث ولكنه إدعى أن الشهود لا يُعوّل عليهم وهذا ما جعلنا نقرر فتح بوست بالربع القادم إن شاء الله بعنوان وسنعرض فيه للقضية بكل توثيقاتها ونحاول أن نقدم نماذج مكتوبة للمتهم الرئيسي بالكذب ودمتم أخوك أحمد موسى عمر ـ المحامي السودان ـ الخرطوم [email protected]
| |
|
|
|
|
|
|
|