|
Re: بورداب الخارج شوفوا لينا طريقة مخارجةوحقكم برا (Re: رهف)
|
Quote: بورداب الخارج شوفوا لينا طريقة مخارجةوحقكم برا |
عارفة يا رهف حكاية ( حقكم برا ) دي تمثل أحد الأسباب القوية التي حدت بالكثيرين بالخروج من السودان . وهى ذاتها أى - حكاية ( حقكم برا ) - هى أحد أقوى الأسباب التي تمنع الكثيرين من العودة للسودان
رسالتك قوية قوية جداً
مرحب بيك إن قررت أن تسرجي خيلك تجاه الشرق
و
مشتاقين
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: رهف)
|
.....
Quote: فبدلا من ان تكون الانتخابات ادوات للتغيير جعلت اداة لاستدامة حكمهم ونهبم للبلاد |
يعلم الله ما قلت إلا الحق إنتخابات ( خسار شرعية) ساكت و بلد بتمد فى الحبل لى خنَّاقها، و جنياتا وصَّافم ما بيتوصَّف. و (محمد أحمد) بقى زى التُّور المِتعوِّج عينو لى أمُّاتو ..، و يرقد وسط الحمير مخيَّر الله .
أقول ليك حاجة :
ساعدونا بال C.V و الموية الباردة و خلِّى جوازك الإلكترونى فى الشاحن
مع التحية
.....
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: رهف)
|
ود القاضى مالك على صغيرة وجاهلة تانى القى الكهرباء ذاتها وين وبعدين يا ولد امى انا كنت مرشحة وسقطت اكيد ناس الجرايد يسونى موضوع انتحار مرشح بعد عدم حصوله على اصوات توهله لدخول المجلس الوطنى قصدى الموتمر الوطنى يعنى بعد الموت سيرتك تنكث عليك موتك
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: رهف)
|
وووب علينا يا رهب معقول الاحباط بقى قدر ده؟؟؟
ولا الاعجب ما كتبه الوليد
Quote: و (محمد أحمد) بقى زى التُّور المِتعوِّج عينو لى أمُّاتو ..، و يرقد وسط الحمير مخيَّر الله .
|
يا معين!!
ربنا يفرج كربنا كلنا يا رهف يا ريت بقدر اقدم حاجه.
جربي فرص الهجره لكندا...واملي الفورم.
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: Tragie Mustafa)
|
.....
Quote: ولا الاعجب ما كتبه الوليد |
العزيزة تراجى
الإحباط شديد يعلم الله ، و الرويحة حرقانة فِد مرََّّة و حُق لها أن تحرق و تفحِّم كمان، إذا كان فرطنا فى (محمد أحمد) و خليناهو ( يتوالى )* ،
عليك النبى ما ياهو عينو لى أمَّاتو و راقُد وسط الحمير ؟
* قالوا من التوالى السياسى ، و أنا بقول من ولى الأدبار و الدليل ال C.V بتاع رهف و الجواز الإلكترونى الفى الشاحن
.....
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: معتز مقبول)
|
Quote: تاريخ التسجيل: 20-08-2002 |
يعني ممكن تكوني سجلتي بعد ما اتخرجتي من الهندسة الزراعية
صدقيني الموضوع ده كده امكن ما اضبط
لكن اتحادية ومن جنوب شندي دي ممكن تشفع ليك شويه
Quote: ومدير الجوازات خالى |
ياخي ما تسلفينا خالك ده شويه والله سمسرة جوازات ساي الواحد اغنى
الله اديك الفي مرادك يا رهف
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: رهف)
|
الدايرين ليهم بيعة بعد إنتخابات يفوزوا فيها بنسبة تسعين في المائة ديل مهزومين وما تخافوا منهم
لكن
هم بضعفهم دا خطرين علي صحتهم وصحة الآخرين زي الحرامي لمن يحاصروه ما يعرف يسوي شنو يضرب دا ويجري هنا ويجري هناك
يا زولة إتخارجي ولو مؤقتا
طالما عندك طريقة نت ترجمي شهاداتك وقدمي هنا وهناك لعل وعسي
ما في طريق سيدي يديك توصية وكدا؟؟؟؟؟؟
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: المسافر)
|
العزيزة رهف الجماعة لهم الحق في ذلك فالعيب ليس فيهم ولكن العيب في الذي منحهم الشرعية من خلال مشاركته في انتخابات محسومة نتائجها مسبقا، الذين خاضوا الانتخابات وخسورها قدموا اعظم هدية للنظام بمشاركتهم في تلك المسرحية الهزلية،، لم اتوقع بان التنظيمات السياسية بعد كل تجاربها السياسية تكون بهذه الدرجة من السذاجة السياسية التي تجعلها عاجزة عن قراءة الواقع السياسي السوداني السابق والحالي والمستقبلي،،ليس لنا في الامر من خيرة طالما هذا هو حال تنظيماتنا السياسية التي تتساقط نحو المناصب كماتتساقط الطيور حيث يلتقط الحب،،،المخارجة ممكنة شريطة توقف التساقط نحو الجاه والمال عليكم بالثورة ضد القصور الرئاسية فالوصول الى قصور الرئاسة اقرب واسهل من الوصول الى قصور لاهاي العدلية،، ارتدو القمصان البرتقالية وتوجهوا صوب القصور الرئاسية ستقضون على النظم الشمولية وعلى الدولة العمرية النافعية العلوية
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: سليمان عبدالرسول)
|
Quote:
سأسافر لا مكان الآن لي فآخر الساحات قد ملئت وجعا ولا متسع الا لوردة معفرة بدم
محظور هنا كل اشكال التعبير عن احتجاجي فتقيئي المستمر علي جلابيبهم مصدر ازعاجهم ومابين شاربي وشفتي غبار من الصمت المركب |
قلنا الكلام ده زمان قبل 15 سنة واتخارجنا يارهف
الله يكون في العون .
كنا نعشم ان نساهم في بناءه وان يساهم في اكتمالنا ووصولنا ال فائض المتعة عن الالم
في جو معافي بالحرية والديمقراطية النظيفة.
المشكلة ان حصاة حارقة تظل بالقلب مستعرة في حال الغياب عنه
لا يزيلها الا الاستقرار وإناخة العيس ومجالس الصحاب .
ربنا يصلح الحال .
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: عادل سمير)
|
Quote: يعني ما نرجع السودان..؟؟!!
أنا زهجــــــــــــــت خلاص و داير أرجع..!!
أسوي شنو..؟؟!! |
يا مولانا ازيك...ومشتاقين حقيقة...
لي كم يوم شابكاني قرفة...وبديت اهاتي بالرجعة... استعنت بي صديق قديم...من الخرطوم...قال لي... زهجتك دي وصلت قدر شنو؟؟؟ قلت ليه... وصلت مرحلة القرفة...قال لي تعال لنا هنا علاجك موجود (برقدوك في الحوادث يوم واحد...ويطلعوك في بيت مسقوف زنكي وكهرباء قاطعة... شوف تاني كان زهجك دا رفع راسو؟؟؟
يمين خوفني رسمي من زهجي
| |
|
|
|
|
|
|
Re: بورداب الخارج شوفوا لينا طريقة مخارجةوحقكم برا (Re: Mutwali Malik)
|
Quote: الحبيب نزار..
طيب و بعدين..؟!
كدة وووب و كدة وووب..؟؟!! |
لا ما وووب يا مولانا...بس نعمل لينا حركة... ونقضي باقي عمرنا مرطبين...يوم في النمسا ويوم في ني فادا ويوم في المناطق المحررة...ولا شغل ولا مشغلة...وانا بساعدك...بالسيف..
وبعد ما تنتهي المفاوضات...نبقي مستشارين كبار...وليلي علوينا كتاحتا في السماء...ونعمل لينا كم يخت...وبوت لصيد البلطي.. وجنريتراتنا قبل راسنا...
اصلا مافي حل غير الزول يعمل ليه حركة...(ونشغل ناس كيكي وتراجي في كيبورداتهم...سنين عددا...وهاك يا تصريحات ومانشيتات
مولانا عادل سمير...وساعده...يفجراها داوية...من داخل حديقة القصر...
مولانا عادل...يشارك في مفاوضات الجنوب... والخ المانشيتات...
| |
|
|
|
|
|
|
| |