Post: #1
Title: بورداب الخارج شوفوا لينا طريقة مخارجةوحقكم برا
Author: رهف
Date: 04-30-2010, 09:34 PM
بورداب الخارج شوفوا لينا طريقة مخارجةوحقكم برا
بعد نهاية الانتخابات الاوانطة واكتساح الموتمر الوطنى المتوقع لها اصبح الخطاب الرسمى لقادة المؤتمر الوطنى(الشموليين الجدد) هو انهم يريدون ان يحكمونا الى الابد وان يقضوا على ما تبقى بالبلد من خيرات لم يسعفهم الزمن فى نهبها طيلة العشرين عام السابقة (خريف ابو السعن )وذلك عبر خطبهم وتصريحاتهم النارية المتكررة ومظاهر الطوابير العسكرية التى تجوب انحاء البلاد والتوسع فى التجنيد والتدريب لعشرات الالاف .فبدلا من ان تكون الانتخابات ادوات للتغيير جعلت اداة لاستدامة حكمهم ونهبم للبلاد فاذن البلاد موعودة باربعة سنين عجاف وكانت ضربة البدايةللمرحلة الشموليةالجديدة باجبار موظفى الخدمة المدنية بالتوجه عنوة لمجلس الوزراء لتجديد فروض البيعة لسيدهم ومباركة نجاح عمليات التزوير وباوامر صارمة صادرة من وكلاء الوزارات اذانا بعودة الشمولية الجديدة التى منحها لهم الشعب بشيك على البياض ولا يحق لاحد ان يعارضهم او يجادلهم . اذن فالمخارجة واجب تتطلبه المرحلة القادمة فيا بورداب الخارج نرجوكم المساعدة فى ايجاد طرق المخارجة انشاء الله لاهاى ذاتها واهلنا قالوا البعد ولا البلاد ام سعد
اها يا جماعة الله بعد كلام البشير فى القضارف ورغم تضارب التصريحات من المسئولين اظن المخارجة اصبحت فرض عين
|
Post: #2
Title: Re: بورداب الخارج شوفوا لينا طريقة مخارجةوحقكم برا
Author: عاطف عمر
Date: 04-30-2010, 09:44 PM
Parent: #1
| Quote: بورداب الخارج شوفوا لينا طريقة مخارجةوحقكم برا |
عارفة يا رهف حكاية ( حقكم برا ) دي تمثل أحد الأسباب القوية التي حدت بالكثيرين بالخروج من السودان .
وهى ذاتها أى - حكاية ( حقكم برا ) - هى أحد أقوى الأسباب التي تمنع الكثيرين من العودة للسودان
رسالتك قوية
قوية جداً
مرحب بيك إن قررت أن تسرجي خيلك تجاه الشرق
و
مشتاقين
|
Post: #5
Title: Re: بورداب الخارج شوفوا لينا طريقة مخارجةوحقكم برا
Author: رهف
Date: 04-30-2010, 10:44 PM
Parent: #2
الاخ الكريم عاطف عمر اخبارك والوليدات
الشرق الغرب الصومال تشاد اسرائيل المهم المخارجة تسلم
|
Post: #3
Title: Re: بورداب الخارج شوفوا لينا طريقة مخارجةوحقكم برا
Author: الوليد عمر
Date: 04-30-2010, 09:49 PM
Parent: #1
.....
| Quote: فبدلا من ان تكون الانتخابات ادوات للتغيير جعلت اداة لاستدامة حكمهم ونهبم للبلاد |
يعلم الله ما قلت إلا الحق
إنتخابات ( خسار شرعية) ساكت
و بلد بتمد فى الحبل لى خنَّاقها،
و جنياتا وصَّافم ما بيتوصَّف.
و (محمد أحمد) بقى زى التُّور المِتعوِّج
عينو لى أمُّاتو ..، و يرقد وسط الحمير
مخيَّر الله .
أقول ليك حاجة :
ساعدونا بال C.V و الموية الباردة
و خلِّى جوازك الإلكترونى فى الشاحن
مع التحية
.....
|
Post: #4
Title: Re: بورداب الخارج شوفوا لينا طريقة مخارجةوحقكم برا
Author: فايزودالقاضي
Date: 04-30-2010, 09:59 PM
Parent: #3
رهف ازيك ...
| Quote: بورداب الخارج شوفوا لينا طريقة مخارجةوحقكم برا |
عيبي لى الانتحار يارهف ؟!!!!!
شوفي ليك سلك كهربة عريان (220) وامسكي فيه ، حاتشعري بحاجة تسري في جسمك ماتخافي ده الفرج ذاته..
بس ماتنسي حقي برا ..
انتحاري سابق .. بس على الحظ الكهربة كانت قاطعة ...
|
Post: #6
Title: Re: بورداب الخارج شوفوا لينا طريقة مخارجةوحقكم برا
Author: رهف
Date: 04-30-2010, 10:48 PM
Parent: #3
الوليد تشكر يا سيدى الcv جاهزة جوازى جاهز ومدير الجوازات خالى من الناحية دى كن مطمئن وحقك برضو جاهز اهم حاجة حاضيفها فى cv مرشح ساقط يعنى ضحية التزوير ههههههههههههههههاظن تزيد حبة تعاطف
|
Post: #7
Title: Re: بورداب الخارج شوفوا لينا طريقة مخارجةوحقكم برا
Author: رهف
Date: 04-30-2010, 10:54 PM
Parent: #6
ود القاضى مالك على صغيرة وجاهلة
تانى القى الكهرباء ذاتها وين وبعدين يا ولد امى انا كنت مرشحة وسقطت اكيد ناس الجرايد يسونى موضوع انتحار مرشح بعد عدم حصوله على اصوات توهله لدخول المجلس الوطنى قصدى الموتمر الوطنى يعنى بعد الموت سيرتك تنكث عليك موتك
|
Post: #8
Title: Re: بورداب الخارج شوفوا لينا طريقة مخارجةوحقكم برا
Author: Tragie Mustafa
Date: 04-30-2010, 10:54 PM
Parent: #6
وووب علينا يا رهب معقول الاحباط بقى قدر ده؟؟؟
ولا الاعجب ما كتبه الوليد
Quote: و (محمد أحمد) بقى زى التُّور المِتعوِّج
عينو لى أمُّاتو ..، و يرقد وسط الحمير
مخيَّر الله .
|
يا معين!!
ربنا يفرج كربنا كلنا يا رهف
يا ريت بقدر اقدم حاجه.
جربي فرص الهجره لكندا...واملي الفورم.
|
Post: #9
Title: Re: بورداب الخارج شوفوا لينا طريقة مخارجةوحقكم برا
Author: الوليد عمر
Date: 04-30-2010, 11:23 PM
Parent: #8
.....
| Quote: ولا الاعجب ما كتبه الوليد |
العزيزة تراجى
الإحباط شديد يعلم الله ،
و الرويحة حرقانة فِد مرََّّة
و حُق لها أن تحرق و تفحِّم كمان،
إذا كان فرطنا فى (محمد أحمد)
و خليناهو ( يتوالى )* ،
عليك النبى ما ياهو
عينو لى أمَّاتو و راقُد
وسط الحمير ؟
* قالوا من التوالى السياسى ،
و أنا بقول من ولى الأدبار و الدليل ال C.V
بتاع رهف و الجواز الإلكترونى الفى الشاحن
.....
|
Post: #10
Title: Re: بورداب الخارج شوفوا لينا طريقة مخارجةوحقكم برا
Author: معتز مقبول
Date: 04-30-2010, 11:25 PM
Parent: #8
يا رهف خليك هناك زي ما انتي
وشوفي ليك واحد عايز رهف بس....
تحياتي
|
Post: #11
Title: Re: بورداب الخارج شوفوا لينا طريقة مخارجةوحقكم برا
Author: نزار كروم
Date: 05-01-2010, 00:14 AM
Parent: #10
| Quote: تاريخ التسجيل: 20-08-2002 |
يعني ممكن تكوني سجلتي بعد ما اتخرجتي من الهندسة الزراعية
صدقيني الموضوع ده كده امكن ما اضبط
لكن اتحادية ومن جنوب شندي دي ممكن تشفع ليك شويه
Quote:
ومدير الجوازات خالى |
ياخي ما تسلفينا خالك ده شويه والله سمسرة جوازات ساي الواحد اغنى
الله اديك الفي مرادك يا رهف
|
Post: #12
Title: Re: بورداب الخارج شوفوا لينا طريقة مخارجةوحقكم برا
Author: رهف
Date: 05-01-2010, 08:59 PM
Parent: #10
معتز المقبول
شكرا على المرور لكن قول لقيت العائز رهف الحيتغير شنو
فى قصة البلد ونقعد هناك عشان نسوى شنو نموت بالمغص شورتك دى زى شورة البصيرة ام حمد عارفها
|
Post: #13
Title: Re: بورداب الخارج شوفوا لينا طريقة مخارجةوحقكم برا
Author: علاء الدين حيموره
Date: 05-01-2010, 11:57 PM
Parent: #12
حقو يبيعو السودان ويدو كل زول حقو
رهف صبرك بقى رهيف
|
Post: #14
Title: Re: بورداب الخارج شوفوا لينا طريقة مخارجةوحقكم برا
Author: معتز مقبول
Date: 05-02-2010, 02:07 AM
Parent: #13
شكرآ يا رهف ....
لكن انتم يعني استقرار ..مخارجه مافي
وحقنا كلو مع اهلنا.....استقراركم استقرارنا........
مع كل التحيات
|
Post: #15
Title: Re: بورداب الخارج شوفوا لينا طريقة مخارجةوحقكم برا
Author: محمد النيل
Date: 05-02-2010, 04:20 AM
Parent: #14
Quote:
عارفة يا رهف حكاية ( حقكم برا ) دي تمثل أحد الأسباب القوية التي حدت بالكثيرين بالخروج من السودان |
يا سبحان الله
كنت خلاص داير اعمل Copy & paste ل حقكم برة واكتب نفس الكلام لكن سبقنى اليه المتداخل
الافكار لبعضيها
سبحان الله
|
Post: #16
Title: Re: بورداب الخارج شوفوا لينا طريقة مخارجةوحقكم برا
Author: رهف
Date: 05-02-2010, 09:23 PM
Parent: #15
الحبيبة تراجى
ياستى الاحباط حصل وربك يهون بس
علاء الدين حيمورة لو باعوه برضو حيزوروا السعر والمساحة وتوزيع التركة بشرعة جديدة لسة قاعد فى البلد ما اتصلت على ولا جيت مالك خير؟
نزار كروم انا مزورة التاريخ مالك ؟ بقت على دى
|
Post: #17
Title: Re: بورداب الخارج شوفوا لينا طريقة مخارجةوحقكم برا
Author: Nasr
Date: 05-02-2010, 09:42 PM
Parent: #16
الدايرين ليهم بيعة بعد إنتخابات يفوزوا فيها بنسبة تسعين في المائة
ديل مهزومين وما تخافوا منهم
لكن
هم بضعفهم دا خطرين علي صحتهم وصحة الآخرين
زي الحرامي لمن يحاصروه
ما يعرف يسوي شنو
يضرب دا
ويجري هنا
ويجري هناك
يا زولة إتخارجي ولو مؤقتا
طالما عندك طريقة نت ترجمي شهاداتك وقدمي هنا وهناك
لعل وعسي
ما في طريق سيدي يديك توصية وكدا؟؟؟؟؟؟
|
Post: #18
Title: Re: بورداب الخارج شوفوا لينا طريقة مخارجةوحقكم برا
Author: عبدالله ود البوش
Date: 05-02-2010, 10:04 PM
Parent: #17
من بالداخل يريد الخروج ومن بالخارج يريد الدخول
رهف قطعتني قلبنا ياخ كنت افكر جادا في الرجعة النهائية
لكن كلامك دا ..... تكس ارجع
الله غالب
تحياتي وربك كريم
|
Post: #19
Title: Re: بورداب الخارج شوفوا لينا طريقة مخارجةوحقكم برا
Author: رهف
Date: 05-02-2010, 10:29 PM
Parent: #18
الاخ الكريم ود البوش
مالك ومال القراية ام دق وواوعى من الدقسة
|
Post: #20
Title: Re: بورداب الخارج شوفوا لينا طريقة مخارجةوحقكم برا
Author: رهف
Date: 05-02-2010, 10:34 PM
Parent: #17
نصار شكرا على المرور وفعلا هم زى الحرامى بس كيف نقبضهم
Post: #21
Title: Re: بورداب الخارج شوفوا لينا طريقة مخارجةوحقكم برا
Author: حبيب نورة
Date: 05-02-2010, 11:59 PM
Parent: #20
ما أخير ليك!
|
Post: #22
Title: Re: بورداب الخارج شوفوا لينا طريقة مخارجةوحقكم برا
Author: خالد العبيد
Date: 05-03-2010, 00:28 AM
Parent: #21
سلام يارهف
قدمتي استراليا ولا طنشتي ؟
امسكي في كلام تراجي شديد وقدمي كندا
ركزي في كلام ناصر بتتخارجي
|
Post: #23
Title: Re: بورداب الخارج شوفوا لينا طريقة مخارجةوحقكم برا
Author: المسافر
Date: 05-03-2010, 07:03 AM
Parent: #22
هل هذه فكرة أم قرار نهائي
لو فكرة
يمكن مراجعة الأفكار
ولو قرار نهائي
تأكدي أنه قرار صعب ومشوار يحتاج لعزيمة وصبر
وفوق الصبر تضحية
وأولها فقدان الصلات والعلاقات التي بنيتيها خلال مشوار العمر
ركزي شوية
إذا كان القرار نهائي
مم
المخارجة ممكنة
|
Post: #24
Title: Re: بورداب الخارج شوفوا لينا طريقة مخارجةوحقكم برا
Author: سليمان عبدالرسول
Date: 05-03-2010, 07:31 AM
Parent: #23
العزيزة رهف الجماعة لهم الحق في ذلك فالعيب ليس
فيهم ولكن العيب في الذي منحهم الشرعية من خلال مشاركته
في انتخابات محسومة نتائجها مسبقا، الذين خاضوا الانتخابات
وخسورها قدموا اعظم هدية للنظام بمشاركتهم في تلك المسرحية
الهزلية،، لم اتوقع بان التنظيمات السياسية بعد كل تجاربها السياسية
تكون بهذه الدرجة من السذاجة السياسية التي تجعلها عاجزة عن قراءة
الواقع السياسي السوداني السابق والحالي والمستقبلي،،ليس لنا في الامر من خيرة
طالما هذا هو حال تنظيماتنا السياسية التي تتساقط نحو المناصب كماتتساقط
الطيور حيث يلتقط الحب،،،المخارجة ممكنة شريطة توقف التساقط نحو الجاه والمال
عليكم بالثورة ضد القصور الرئاسية فالوصول الى قصور الرئاسة اقرب واسهل من الوصول
الى قصور لاهاي العدلية،، ارتدو القمصان البرتقالية وتوجهوا صوب القصور الرئاسية ستقضون
على النظم الشمولية وعلى الدولة العمرية النافعية العلوية
|
Post: #25
Title: Re: بورداب الخارج شوفوا لينا طريقة مخارجةوحقكم برا
Author: بابكر عثمان مكي
Date: 05-03-2010, 07:58 AM
Parent: #24
Quote:
سأسافر لا مكان الآن لي
فآخر الساحات قد ملئت وجعا
ولا متسع الا لوردة معفرة بدم
محظور هنا كل اشكال التعبير عن احتجاجي
فتقيئي المستمر علي جلابيبهم مصدر ازعاجهم
ومابين شاربي وشفتي غبار من الصمت المركب |
قلنا الكلام ده زمان قبل 15 سنة واتخارجنا يارهف
الله يكون في العون .
كنا نعشم ان نساهم في بناءه وان يساهم في اكتمالنا ووصولنا ال فائض المتعة عن الالم
في جو معافي بالحرية والديمقراطية النظيفة.
المشكلة ان حصاة حارقة تظل بالقلب مستعرة في حال الغياب عنه
لا يزيلها الا الاستقرار وإناخة العيس ومجالس الصحاب .
ربنا يصلح الحال .
|
Post: #29
Title: Re: بورداب الخارج شوفوا لينا طريقة مخارجةوحقكم برا
Author: رهف
Date: 05-03-2010, 08:48 PM
Parent: #23
الاخ المسافر
للاسف قرار نهائى على الاقل لمدة اربعة سنوات وبعدين نشوف
شكرا للمرور
|
Post: #26
Title: Re: بورداب الخارج شوفوا لينا طريقة مخارجةوحقكم برا
Author: عادل سمير
Date: 05-03-2010, 08:12 AM
Parent: #1
| Quote: بورداب الخارج شوفوا لينا طريقة مخارجةوحقكم برا |
يعني ما نرجع السودان..؟؟!!
أنا زهجــــــــــــــت خلاص و داير أرجع..!!
أسوي شنو..؟؟!!
|
Post: #27
Title: Re: بورداب الخارج شوفوا لينا طريقة مخارجةوحقكم برا
Author: nazar hussien
Date: 05-03-2010, 08:27 AM
Parent: #26
Quote: يعني ما نرجع السودان..؟؟!!
أنا زهجــــــــــــــت خلاص و داير أرجع..!!
أسوي شنو..؟؟!! |
يا مولانا ازيك...ومشتاقين حقيقة...
لي كم يوم شابكاني قرفة...وبديت اهاتي بالرجعة...
استعنت بي صديق قديم...من الخرطوم...قال لي...
زهجتك دي وصلت قدر شنو؟؟؟ قلت ليه...
وصلت مرحلة القرفة...قال لي تعال لنا هنا علاجك موجود (برقدوك في الحوادث
يوم واحد...ويطلعوك في بيت مسقوف زنكي وكهرباء قاطعة...
شوف تاني كان زهجك دا رفع راسو؟؟؟
يمين خوفني رسمي من زهجي
|
Post: #28
Title: Re: بورداب الخارج شوفوا لينا طريقة مخارجةوحقكم برا
Author: عادل سمير
Date: 05-03-2010, 09:40 AM
Parent: #27
| Quote: يمين خوفني رسمي من زهجي |
الحبيب نزار..
طيب و بعدين..؟!
كدة وووب و كدة وووب..؟؟!!
|
Post: #30
Title: Re: بورداب الخارج شوفوا لينا طريقة مخارجةوحقكم برا
Author: Mutwali Malik
Date: 05-04-2010, 02:35 AM
Parent: #28
| Quote: ود القاضى مالك على صغيرة وجاهلة |
دي الحاتخارجك امسكي فيها قوي.
اسباب الاغتراب اتغيرت من زمان انا كان سببي جارنا يجي من السعودية وشايل ليهو اربعتاشر شنطة
بتاعت رحلة سعيدة قلت اعمل زيو واها غربة من 1989م.
|
Post: #31
Title: Re: بورداب الخارج شوفوا لينا طريقة مخارجةوحقكم برا
Author: nazar hussien
Date: 05-04-2010, 07:17 AM
Parent: #30
Quote: الحبيب نزار..
طيب و بعدين..؟!
كدة وووب و كدة وووب..؟؟!! |
لا ما وووب يا مولانا...بس نعمل لينا حركة...
ونقضي باقي عمرنا مرطبين...يوم في النمسا ويوم في ني فادا ويوم
في المناطق المحررة...ولا شغل ولا مشغلة...وانا بساعدك...بالسيف..
وبعد ما تنتهي المفاوضات...نبقي مستشارين كبار...وليلي علوينا
كتاحتا في السماء...ونعمل لينا كم يخت...وبوت لصيد البلطي..
وجنريتراتنا قبل راسنا...
اصلا مافي حل غير الزول يعمل ليه حركة...(ونشغل ناس كيكي وتراجي
في كيبورداتهم...سنين عددا...وهاك يا تصريحات ومانشيتات
مولانا عادل سمير...وساعده...يفجراها داوية...من داخل حديقة القصر...
مولانا عادل...يشارك في مفاوضات الجنوب...
والخ المانشيتات...
|
|
|