|
|
 الحزب الجمالى ... حز ب المعارضة (العناية الالهية )
|
المعهد العالى للموسيقى والمسرح ، العام خمسة وتمانين ، كنا قد عدنا بعد صفاء الحال فى الحياة السياسية السودانية ، ظهر ما لا يحصى ولا يعد من احزاب سياسية لم نكن نعرف ايها سيحتوينا نحن الذين لم نكن نود دخول اى من الاحزاب لسبب خاص بنا ، فكان ان طلع علينا استاذنا السنى بفكرته العبقرية تلك ( الحزب الجمالى)وكان ان انضممنا له ، من جانبى كنت من تركوا له مهمة (اختبار النصوص) وهى فكرة بسيطة ان النص المتقدم للعضوية لابد ان يكون (ناجح عربى )ولغات اجنبية ، الجغرافيا لاتهم كثيرا طالما ان العربى ( ناجح ) وكان السنى دفع الله الرئيس الفخرى ولعمرى لم نغيره حتى الان لان الجمعية العمومية لم تنعقد منذ امد طويل ، لكن السر السيد لديه بعض التعديلات خاصة بعد اتفاقية ابوجا ودخول عناصر جديدة من الجمال لم نكن منتبهين لها وقد صارت امرا حتميا ، بل انه يعتقد ان الحزب مناط به تقديم عناصر جديدة ودماء جديدة خاصة ايضا وهناك الكافتيريا الجديدة اوزون التى تجعل من اليسير لبس ما تم تعريفه(بفصل الدين عن الدولة ، او الشريعة طرشقت ، او اظهار الرقم )ولم نبت فى الامر خاصة واننا مجابهين بعدة ملفات سياسية لابد ان تجاز اولا ثم يتم النقاش حولها لتتم اجازتها فى الخطة الطويلة الامد وما بعد الحداثة خاصة لان النصوص باتت عالمية النكهةولنا عودة
|
|
 
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
بعد تكوين الحزب الجمالى واستقراره النسبى الذى كان يوازى الاستقرار السياسى النسبى ايضا ، واستقرار المعهد الى حين فى قصر الشباب وانتقاله التالى الى المقرن الذى بدوره كان احد الاسباب ان تلتف حول الحزب (اصوات جديدة ) من كلية الفنون وجامعة القاهرة الفرع ومعهد الكليات وحتى جامعة الخرطوم(تمثيل نسبى )لكن الحزب بات اكثر انتشارا وبات اسمه يرن فى كل الجلسات وفى كل (المحاور ) انضم اليه الكثير من الجماليين فى التاسيس الاساسى له ( مصطفى احمد الخليفة ، جعفر سعيد الريح ،عبد الحفيظ عبد القادر، شمت محمد نور ،عيسى تيراب عليه الرحمة نعمات هارون عليها الرحمة ، محمد نعيم سعد ، السنى دفع الله كمؤسس والسر السيد كمدير للعلاقات الخارجية ، وشخصى السمين ) الاجتماعات فى بداية التكوين الحزبى كانت تعقد فى (ضل سلمى ) وهو مكان اثير للكل وجميل ، كنت اول القادمين فى الصباح ، اجيب الشاى من الكافتيريا واقعد فى الضل يجى الباقيين من الناس العندو محاضرة بمشى ليها والماعندو بقعد فى الضل او يمشى المكتبة ، او البروفات ايام الدبلوم ، الضل كان وسيع وجميل وفى الضهر كانو بجو ناس احمد تاور الله يرحمو هو والهام عبد الخالق يعملو بروفاتن فى الضل ، وديرك اويا الفريد وفايزة سليمان ومنى صالح ، طاهرة محمد احمد ، امنه امين تشيل الطاقية وتحوم بيها ( لجمع التبرعات الجمالية لزوم الكوافير ايام حفلات المعهد )
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
الحزب طبعا مشى كتير وبقى عندو عضوية كبيرة لكين طبعا الخل ما بتخلى الزول على راحتو ، اها زى مافى معارضة فى البرلمان بقى عندنا معارض داخل الحزب ، والقصة انه واحد من الاعضاء قرر انه لابد للبنات الما مجازات فى الحزب الجمالىمن حل فاقترح ان يكون هنالك حزب العناية الالهية والزميل مصطفى احمد الخليفة هو من انشق عن الحزب واعلن دخوله الغابة مستعينا بكل ما حباه الله له من مقدرة ان يقنع الحجر بانه ماء قراح
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا بقه عقود السم ، بفتح السين ، الحزب دا داير تنشيط والسنى ما خساهو لانو الرئيس ، من هنا انشد السنى لمد يد العون فى تفكيك الخطاب الجمالى للحزب الجمالى وتفنيد اسباب ترخى الحزب ، وعليك الله يا بقة لو بتعرف افكار جديدة للحزب حتى واننا نطلق عليه (الحزب الجمالى الكونى )لانك مرة قلت لى فى فيلم عن الفكرة دى ذاتا
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
سلمي لا يمكن ان تتحدثي عن الحزب الجمالي دون ذكر
النجاشي صلاح الدين صاحب الحمامات الجمالية في الفرع..
تلكم الحمامات التي ارى انها السبب الاساسي في ضعافة كرعيني..
اذ كنت اخرج معه الى الفرع في الصباح الباكر ولا ارجع الا مع مغيب الشمس
وطيلة هذه الفترة اتبعه وهو يحب عن من يغتسل بحسنها جماليا.
وصابا لعناته على المعهد وسنين المعهد وضباع المعهد اللائي غبشن ذاكرته الجمالية..
فصار لا يفرز البنات السمحات الا بعد لفات متعددة وتحليق جوي وارضي,,
وقبل دخوله المعهد كان يكحلهن كحلا ولو بينه وبينهن حيطة...
غلامية تبع تصنيفات السر الجمالية
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
تعرفى يا بيان ذكرتينى حكاية الغلامية دى والبت الحديقة والنجاشى ما براهو الكان مكجن شنات بنات المعهد، جمال عبد الرحمن كان مسميهن ساحرات ماكبث ، والسر السيد طبعا لانو جاى من عطبرة وبفتكر انى بوظت ليهو حياتو لانو كان بقرا بس شعر نزار قبانى وقمت اديتو محمود درويش اها قامت الحاجات اتلخبطت عندو وبقى من الاصالة الجريدة الكان بكتبا اتحول لشخص تانى وبعد ما كان بياذن للصلاة بقى سدامى من جماعة السديم الكانت سابقة للحزب الجمالى فى تعلية الشان الجمالى ودى دايرة ليها بوست بارها ، وبصلى عادى ، لغايةما جا الحزب الجمالى وغير الباقى فى ابو السرة وجات عليها كمان البنات البلبسو البناطلين ومن اسماهن الغلاميات لقصر الشعر لديهن والمسحة الغلامية الخالية من المكياج وجميلة خلقة ، المهم السر السيد شخص عبقرى فى مسالة الحزب الجمالى ومعالجته الدائمةلنواحى القصور فى الحزب ورفده بالعضوية البتشرح القلب
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
مذكرة عشرة جديدة تتهدد وحدة الحزب الحاكم
ما تزال الأزمة ناشبة في وطن مثل السودان تتنوع تضاريس خارطته السياسية والثقافية والاجتماعية تنوع من الضروري أن يفضي إلى وحدة تكون إثراءً للحياة، غير أن بالسودان أمراً عجباً فالديمقراطية تسلم الحكم إلى سلطة قابضة وديكتاتوريات فظة غليظة القلب لينفض الناس شيعاً وطوائف في تقدير شأن الوطن وشئون الانتماء إليه في دورة خبيثة، والأحزاب السياسية مناط التعبير الأتم عن اتجاهات الجماهير وتطلعاتهم الطامحة إلى استقرار دائم وسلام وأمن اجتماعي هي كذلك –الأحزاب- تزيد من هوة الفتق على الراتق وتظل تخلولق من كيانات جامعة راسخة البنيان إلى خلايا صغيرة ميتة الأداء والحساسية بدلاً عن أن تخلق إبداعاً جديداً يعبئ الطاقات وجهة البناء والنهضة الحضارية.... حالة كهذي من التشظي والتشرذم تنسحب كذلك على مجمل الحياة العامة وأضحت الشخصية السودانية في بلبال مستمر وشرة وشر نار حتى غدونا ضحى مشاكوس ونيفاشا على وعد جديد يبدو هذه المرة وعداً غير مكذوب في واحدة من أعاجيب الإنقاذ العجيبة والتي مرت –أي الإنقاذ- بذات الحالة التي أصابت الوجود والموجودات تحت قبة الوطن بل وقد أتت طوال حكمه بما لم تستطعه الأوائل، وهنا دعوني أعرج إلى جهاز مثل التلفزيون وهو أكثر تعبيراً عن مشروع الإنقاذ الذي أسقط الدكتور حيدر إبراهيم حضاريته في كتاب صدر حديثاً....... التلفزيون في فترة من الفترات اقترب من شفا نار جهنم من خلال مادته حيث أحال كل سلوك السودانيين من آدم ومظاهر تدين قطاعاتهم إلى ضلالات مبينة بل أعلن أحد جهابذة "وجه النار" كفر طائفة من مسلمي السودان في فتوى أثيرية كادت تؤدي بحياة الكثيرين بينما إمام دار الهجرة الذي اتخذه غالب أهل السودان عمدة لفقههم، تكاد تطلع روحه من حلقومه عند الفتيا وكان كثيراً ما تتلجلج ترجيحات النصوص عنده فيقول "الله أعلم ومن قالها فقد أفتى". ومع ذلك ظل أهل السودان في دهشة عظيمة وفي "شيتن يحير" وأنظارهم شاخصة إلى قناتهم تنفذ إلى الفضاء الرحيب تستعدي العالمين ولا تحض على مشروع جاذب يلفت الأنظار إلى ابداعاتنا وثقافاتنا والذات الثرة الخصيبة، وكانت الدراما أمراً يشيب لهول التصور حولها الولدان........... الأستاذ هاشم صديق في حوار أجريته معه أفاض بالحديث الموضوعي حول دراما تلفزيوننا ومقص الرقيب وأكد أن الذي يحدث قد يقود إلى الجنون..... لجان الدراما يمكن أن تلغي عملاً كاملاً بمسوغات ساذجة بأن مشهداً واحداً فيه تهديد للمشروع الحضاري... المشهد قد يكون أن الممثلة قد "تبرجت"، سبيبة من شعرها وهي في مخدع الزوجية أو المطبخ وأن الحجاب لم يكن مثبتاً بصورة شرعية بل والأدهي من ذلك أن واحده من لجان التلفزيون ألغت برنامجاً كاملاً لأن مشهداً تجري فيه النعامة وأن ساقاها برزتا في شكل مثير....
والدراما وعاء وحامل لثقافات أهل السودان بيد أنها غضون الحقبة الماضية تعرضت لمحنة عصيبة ومع ذلك وبكل تشوهاتها وتشويهات اللجان كانت بحسب ورشة عمل أنجزها الأستاذ السر السيد مديرها يومئذ كانت الأغزر انتاجاً ولقد استطاع السر السيد أن يفرض أهميتها في اللجان العليا للتلفزيون وأن يستنقذ في نضالات جمالية بديعة شيئاً من رونقها وأن يصمد ضد غلواء المتطرفين وبعض البيروقراطيين المقهورين بالوظيفة وطاعة المدير...
أعود هنا عوداً على بدء.... إلى العنوان الذي أفتتح به مساهماتي في سودانيز أون لاين "مذكرة عشرة جديدة تتهدد وحد الحزب الحاكم" وقد عصفت من قبل مذكرة الإسلاميين العشرة بالسلطة الأبوية والمركزية للدكتور الترابي وقادت إلى تحولات خطيرة في مسيرة حكم الانقاذ على الرغم من أن فئة قليلة ما تزال تعتقد أنها بداية لعمل مسرحي جديد على غرار "قلت له إذهب إلى القصر رئيساً وأنا إلى السجن حبيساً" ولكن عطفاً على ذلك فإن الحزب الحاكم الذي يتقصده المقال أو الافتتاحية هو حزب أخذ يتنامى في أوساط عديدة داخل السودان وجرى التأسيس له على نحو عقدين من الزمان وله تنظيرات وكادر وأرشيف ومكتب معلومات وقيادات في الظل وتحت المخابئ وخلايا مجهرية ومانفستو ونضالات ضد القبح..... الحزب في مسعى قياداته عمل جليل لأجل الوطن سواء بسواء مع التنظيمات السياسية التي أدمنت الفشل وتمادت في نفض العهود والمواثيق مع الجماهير.... الحزب هنا هو الحزب الجمالي والذي برز إلى العلن في الإونة الأخيرة عبر مثقفيه وعبر المنتديات وفي المساءات الشاعرية... الحزب الجمالي يبذل جهده أن يتوحد أهل السودان على كتاب الجمال... جمال الناس والأشياء والوحدة الوطنية والسلام والتنمية المستدامة وكل هذه أمور لن تستقيم لو كانت النفوس بغير جمال....
الحزب الجمالي فكرته المركزية تدور حول الأنثى وهي في معراج الجمال الإنساني في المرتبة الأولى استمدادا من حالة التدين عند العرفانيين والذي ينطلق من جمال المرأة في تجلياته النسبية ويترقى عبرها إلى مطلق الكمالات ذي الجمال الأسنى....
الأستاذ السر السيد وقيادات أخرى معه يستشعرون بوادر أزمة جديدة أخذت تلوح في الأفق وتململ من بعض الأعضاء "قرابة العشرة" حول سطوة القيادات القابضة وضمور فاعليتها وعدم قدرة المنهج في ظل المتغيرات على استيعاب عضوية جديدة...
الأستاذ أيمن حسين الخبيرالأقليمي في مجال الحاسوب والتقانة السلليكونية يتلفع بردته وطاقيته، أقرب ما يكون شبهاً بمشايخ شلاتين وحلايب ومسبحتان تطوقان يده اليمنى، يسعى جاهداً لاحتواء الأزمة ومنع تفجرها خصوصاً وأنه بصدد دراسة دور الميتافيزيقيا والتأملات الروحانية في جذب الشباب الأنيق والفتيات الجميلات إلى العضوية، سوى أن الأستاذ "مطر قادم" وهو من الدعاة المؤسسين يبتهل أن ينصلح الحال وعقله مع القيادات الحاكمة وقلبه مع الأستاذ عبد العزيز رجب والأخير "رجب" في هيئته المرحة وروحه الوثابة ربما قاد تمرد الداخل في أقرب وقت.....
الأستاذ بكري أبو بكر وأعضاء الموقع،،،،
هذه افتتاحية جادة من جهتي أيا ما كان الأمر،،، دعوة إلى الجمال.... حوار حول الإنسان السوداني... سماحته وطيبته وحول "بنات حلتنا" وحدائقهن الوريفة.
مع مودتي
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا زهير ازيك، شكرا على الوقوف لدى حزب الجمال وبما انك جمالى لا املك سوى ان انضم الى حزبكم ، لان الصحراء التى تتحدث عنها موجودة لدينا بشكل اخر ، حين تخرج فى الصباح الى مكان العمل ولا تجد من يقول لك صباح الخير او لما تجى راجع لا احد سوى التلفزيون او كومبيترك الذى تفتح فيه كل ما يصب فى خانة ما هو سودانى لا يهم اين وكيف ، تقرا الصحف وتتعوذ الف مرة من الوجوم والتعاسة التى تشوب تلك الصفحات، المهم ارجح انك فى ليبيا ، عموما لديك كاتب هام كتب عن الصحراء وحببنى فيها على نحو خاص (ابراهيم الكونى ) ستحب الصحراء فقط حاول ان تقراه لا كعربى بل كانسان
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
ســـــلـــمــى
محبة وجمال
هو السلام الجمالي للحزب
طلقتي القلق الفي الدنيا كلو على
خليني أجيب سيجاير وأجي اقعد ليك بمزاج
نحن عايزين منفستو جديد
وهام
وعاجل
الى السر السيد وكل الجماليين
تعالوا لي وطن الجمال
والى الحزب المعارض بقيادة
مصطفى أحمد الخليفة
كل الأمنيات
ومحبة وسلام
ياجماعة كل الألوان ناس الخضر والأزرق
تعالوا الى لون واحد يضمنا
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
السنى وبى شجن تملكنى ، احن الى تلك الايام واكتب بدافع الحنين اليها ، لما بدا قاسم نصر مرحلته الجديدة فى التعبير الجمالى بالرسم ، ولما كان يطل احمد تاور عليه الرحمة وبروفات الفرقة مع الهام عبد الخالق ، ومصطفى احمد الخليفة يعلن انشاء حزب العناية الالهية ، جعفر سعيد يكتب النكات كى لا تضيع واحدة ، بدر الدين الشين يصدح بالغناء صحبة عثمان سنط ، عالم لم اجد منه سوى ذكراه العطرة ، نقرا كنا شعرا ، ونعود فى المساءات البهية محرضين بالبروفات الجميلة واستاذنا جميعا فتح الرحمن عبد العزيز فى هدوئه ذاك يعلن البروفات، وعمر الطيب الدوش طيب الله ثراه بضحكته تلك يقهقه مالئا فضاء القصر ، ذات مرة جاء ضاحكا بحرارة وسالته عن السبب فقال : بتاع التكسى ابى يشيل منى قروش المشوار لمن عرف انى شاعر الود ، قلت ليهو وهو عرف كيف ؟ قال : الاذاعة ، الرادى كان فاتح وكان بسمع فى الود قلت ليهو تعرف شاعر الاغنية دى ؟ جاوبنى بانه عمر الدوش قال ، قلت ليهو دا ماانا طيب ، ونضحك لطرافة الموقف ونتحسر ان الدوش لم يقام له تكريم واحد فى حياته ، رغم انه كان من اكبر زعماء الجمال فى بلادنا ، او ليس هو شاعر كل الاغنيات التى حولت مجرى الغناء الحديث فى السودان ؟ وهو من كتب اجمل المسرحيات ؟ وهو من تمت مصادرة اول مسرحية له ( نحن لانمشى فى جنازة المطر ) لكنه مشى ، مشى يا سنى وترك لنا تاريخا بقامة التاريخ ، حتى حقه المادى لم يتسلم منه مليما سواء (الود ، بناديها ، الحزن القديم )هكذا اسر لى ذات مرة وكنت اشتغل فى الاذاعة قلت له :يا استاذ ما تكتب لى مسلسل للاذاعة ، فقال : لمن يدونى حقى العندهم وبعدين بكتب ليك ، هكذا يمضى الجماليون يا سيدى دون ضجة فى هدوء جمالى خاص بهم
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
ياالفاتح ياسين كيف ؟ طبعا قاسم نصر من اهم الناس فى المعهدفى الوكت داك ، ايام قصر الشباب والاطفال ، هووعثمان سنط ، امكن لاننا كنا قريبين من بعض ومعانا الصادق شيخ الدين ، وحفيظ العبد متذكرو ؟هسى فى انجلترا وعثمان سنط ما بعرف وين ، وقاسم نصر فى السويد والصادق فى بلجيكا عشان كده العضوية بقت عموم الكون ، المهم الحزب ما زال ماشى ، اخر مرة اتلاقيت مع السر السيد كان مهموم بالفكرة وتجديد العضوية ، لكين يبدو لى حزب المعارضة بقى فتران زى احزاب المعارضة السياسية ما شايفاهو شغال
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
والله ايام والله ناس
دائما دائما ماحرصت على التوثيق للحزب الجمالى
كمحاولة لتجنيد المديد من العضوية الفاعلة
لاسيما وان القيادة التأريخية(السنى ..سلمى الشيخ..وأخرون)
قد باعو الحزب وخالفوا قرارات باقى القيادة..ب
انتظامهم فى تكتلات جمالية خارجه عن الحزب..ب
سفرهم دون موافقة القيادة الى خارج الفضاء الجمالى الجغرافى
ولكن بعودة سلمى النسبى الى موقعها..ودلك
بعد ان حرضت السنى علانية كان لابد..
من الاعلان عن المؤامرة الجمالية التاريخية..
والتى قادها السر السيد.. فى غيبتهم مستفيد
من غياب المصطفى احمد..جار ال(العدو)
بتكوين السر السيد لقيادة بالخارج..
وبتكليف عضوية جديدة لقيادة فروع الحزب بالخارج..
مستفيدا من وضعه التنظيمى فى قيادة اتحاد الكتاب السودانيين
(نسكت ياسلمى الشيخ عن تسمية قادة المكاتب الخارجية..وادا عدتم عدنا)
Quote: يعني انتي والسني مؤسسين الحزب واحنا ما عارفين
يعني ابو السره كان خامين في القاهرة الفرع
ونحن رافعين ليه شعار
قائدنا للابد
باعتباره المنظر الاوحد |
ولكن سلمى اعترافها منقوص بان ابو السره(سابقا)ابو السمره(حاليا)
حتى ان تنشر لنا الندوات التى قدمت فى الفرع باسم الحزب
دلك الادب والدى قصدت سلمى الشيخ ومن خلفهاالقيادة التاريخية
الى بيعها الى تنظيمات جمالية نعرفها جيدا..وادا عدتم عدنا
خاتمة اولى
------------------------------
وسلمى الشيخ سلامه
المراة الوحيدةالتى بكيت جدجد..
ليهاوفيها
وشكيت ليها حبى ليها
ودا السبب الحمانا
ندخل بوست منى خوجلى
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
Quote: وسلمى الشيخ سلامه
المراة الوحيدةالتى بكيت جدجد..
ليهاوفيها
وشكيت ليها حبى ليها |
على عمر سلام تكعيب
مازى بكاى ...سلمى ما طالبانى حليفة والله من يوم ما كتبت عن البلاعة
انا ببكى ..والله على ما اقول شهيد بلاعتك ديك سفرتنى السودان بعد16 سنة
ومشيت لقيت بلاعة بيتنا تحولت الى سيفون تافه لا طعم له ولا رائحة
ودخلت كم بيت من بيوت جيرانا لقيت عوامل المدنية وصلتهم
والاولاد اغتربو..حتى كادت الحلة ان تغفر من اسم بلاعة لما يوم جيت
ماشى لقيت لى شافع بقطف فى بلاعة.لا اكتمك سر قريت اخد لى منها كوز...
اها ياعمر من يومها وانا دموعى ومخاخيتى يملن ليهن بلاعتين
وكان مكضبين اسألو السنى الثمين الحى وموجود ده..وبالعدم بدرالدين شنا
وبعدين شايفك ماجبتى طاريهو مقصوف الرقبة.. والا اهـ اتذكرت!! البوست عن الجمال
سلمى بالله ما تبعدى احكى لينا عن طرائف المعهد،،،
| |
|
|
|
|
|
|
|
|
 Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
الأستاذة الذي طوعت الكلمات والأحرف لصناعة الألفة ،
وفتح نقاء قلوب أهل الفن :
الكاتبة : سلمي الشيخ سلامة
هذا الرعيل ، جميل الدواخل من أهل الفن .
يبدو أن طعام ذهنهم وفضاء زمنهم وشغب زمنهم غير ما اعتدنا .
هنا تكون الكتابة توثيق لحيوات جميلة تُجد عُشها في الذاكرة ،
وتُرينا : كيف يمكن لأهل وطننا بحس نقي أن يصنعوا كنـزاً
ننتظر التواصل مع القص ، وآمل أن يتم ترقيم
الإضافات للرجوع إليها عند المداخلات .
لكِ شكري وكثير امتناني لأهل الفن حزباً أو سلطة .
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
القصة جابت ليها بكية ولا يهمك ، طبعا لمن مشيت البيت احسن حاجة لقيت بلاعتناقاعدة وكل يوم نفس البرنامج ح الصباح ، تغرف البلاعة وتستحم اكتر حاجة كنت بتعب منها لكن بستمتع لمن اغرف واغنى ، والموية ترشك ، وتقعد تقول ياخ دى ما طريقة دى ، لكين تتذكر انو ناس حى الرياض بتجيهن موية المجارى تحمد الله انو عندكم بلاعة تغرف وتطنطن، اها المعهد دا عاوز ليهو بوست براهو ، لكين طالما الكلام عن الجمال نقول (شفت القوس دا كيف ؟)فتحنا قوس، فى محل فى المعهد بنقعد فيهو من الصباح اسمو(ضل سلمى ) وسلمى دى يانى القدامك دى ، من الصباح بنجى نشرب الشاى ونتلاقى حباب سلام لمن مواعيد المحاضرات تجى ، فى ايام الامتحانات ناس النقد مساكين ما عندهن عروض مسرحية زى ناس التمثيل والاخراج فمرة كانت دفعة ناس مجذوب عيدروس ممتحنين نسوى كيف ؟طقت فى راسى المقودس دا انى اعمل حاجة جديدة لنج (بوحى جمالى طبعا) شلت البحث وجبت عدد من الطلاب من ناس سنه اولى ، الكلام دا كان فى قصر الشباب ، المهم جبنا الزول الممتحن قداموعملنا عدد واحد (سيرة )مدنكلة ، غنينا ليهو (العديل والزين ) زى الماحصلت حاجة ، بعد داك برضو فى امتحانى عملت لى سيرة براى سيرتنى ،كان فى عالم جميل ، يعنى زول زى قاسم نصر دا حكاية براها ، كان فى سنه تانية ، طلعت فى راسى حمى اسمها ( السلامات الجمهورية والملكية للدول العربية )قام ما اشتغل بقصة انو طالب نظامى (كان اصلا عسكرى فى السجون، بجيب المساجين من القضارف لسجن امدرمان ، بعدين بقعد قدام بيت البلابل عشان لمن تجى واحدة طالعة يمشى يقشر بيها فى القضارف ، المهم جا المعهد من السجون ، لكين ما كان شغال طبعا ، يلا قاسم مشى تونس بدون اذن ولا باذن ما بعرف ، وجا راجع لانو ما قدر يعمل البرنامج الهو كان ساعى يعملو ، فرضى انه يكتب السلام الجمهورى حق السودان ويعمل ليهو نوته ويا دار ما دخلك شر، لكين طبعا فقد فرصتو فى الدراسة ، وبعد كده ماخلى المعهد ولا يوم ، كان اهم شخصية لدينا فى المعهد ، بالمناسبة شخص ملهم جدا، وموهوب كمان ، قوم يا قاسم امشى كلية الفنون مع اصحابناالهناك رسامين وخطاطين اتعلم الخط والرسم وبقى يرسم قصص بدون تعليق انت تعاين للقصة تموت من الضحك ،بعد كده قاسم بقى مشهور فى المعهد بحاجة جديدة (احسن واحدبحكى ليك حكاية )انه رسام ضربت فى دماغهبمشى السويد هسى شغال فى مجلة ببقيفوا ليها بالصف عشان يشوفوا رسوماتو مش شخصية جميلة
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
الاستاذ عبد الله الشقلينى عارف علاقتى بالكومبيتر اكتر من ضعيفة كتر خير الكتابة، نعمنى بس بعرف اجمع وما شيتا كدى بلحيل، لكين احكى عن المعهد، داك كان زمن جميل ،ما اظن يعود ، كانت الدبلوما فاكهة التخرج يجئ الى المعهد مئات الشباب حتى الذين لم تكن المسرحيات تجذبهم لكن كانت الحياة التى عشناها فى المعهد هى القاسم لكل ذلك الحب ، فانت واجد المعهد جماعة السديم وهنا ادعو صديقنا يحيى فضل الله شخصيا لتقديم تلك الحلقة عن السديم لانها جديرة بالتوثيق ، فهى من جمعت فى متنها (عباس الزبير، قاسم ابو زيد،عادل السعيد ،حاتم محمدمحمدصالح محمد محى الدين ، السر السيد ، يحى فضل لله ،يعقوب الداروتى السمانى لوال،حامدجمعة، جلال بلال و لاحقا عادل الياس ، الشماشى )كنت تجدهم على خشبة المسرح ليلا لا تكل لهم روح ولا يتعبون كانى بهم عشاق فى هيام خالد ، قدمواعديد مسرحيات طافوا بها الاقاليم والنجوع قدموها فى الجامعات والمعاهد، حركوا ساكن الحياة اليومية بنفير المسرح ، وشدو المسرح وغناء المسرح ، ولعلى اسقطت بعض الاسماء فلهم منى العتبى ،كانت السديم للشعر والمسرح فهى تضم من ذكرنا من شعراء هم اليوم فهامة الغناء والشعر السودانى علامات لا تنكرها عين ،معظم ( السدامة ) كانوا يعرفون فى المعهد بالكوفنجية ، فهم لا يهمهم ان يكون لديهم مليما احمر لكن ما يهم ان يتوفر لهم القليل، وتعلمنا منهم الاهتمام بالمكياج الداخلى ، والاطلاع القاسى الذى يوشك ان يهلكك فى متابعة هؤلاء القوم، كنت اتحدث عن الدبلوم وعروض الدبلوم، التى كانت مهرجانا حقيقيا للمسرح ،فى دفعتى كان (مصطفى احمد الخليفة ، كردش ،سيف صالح،جمال عبدلرحمن، امير عبد الله، سامية عبد الله، ماجورى الينانا ،عباس احمد الخليفة ،محمد سليمان دخيل الله، طارق البحر ، الرشيد احمد عيسى ، الانور محمد صالح، عبد الوهاب عثمان)ديل ناس تمثيل واخراج، نحنا ناس النقد كنا اربعة (احمد طه امفريب، احمد المصطفى شريف وامينه النور)امكن نسيت زول ما متذكرة لكي الدبلوم كان عروض استمرت لعدد من الايام بحضور جماهيرى لا يوصف ، العروض كانت فى قصر الشباب والاطفال ، لاتعرف من الطالب الذى سيتخرج من النقد او الاخراج، فلقد كنا عبارة عن خلية واحدة (ندق المسامير للديكور ، ومع الترزية نخيط،عم احمد وعم كرم الله فى الازياء وعالم يجيش بالحب ، حتى بعد التخرج لم نبارح المكان تجدنا كمن ما زال مربوطا الى تلك الامكنة نتنسم عبيرها ، حتى يظن الرائى اننا ما نزال طلابا، كنا نتعارف حتى على صعيد الاسرة والبيوت ، من كل الدفعات نتزاور حتى الان لم تنقطع تلك الاواصر نلتقى فتتفجر براكين من الذكريات(جماعة سوزى)وهذه جماعة كانت بقايدة جمال محمد احمد الذى يعمل الان فى تشاد ( خبير كبير فى وزارة الثقافة)جماعة سوزى كان همها الا ينسى احد (اكسسوارا،او زيا، او حتى خشبة على خشبة المسرح يؤدى سوزى وجماعته تلك الاعمال حبا فى العمل وكان هذا السوزى الجميل فى اول ايامه ملتحقا بالمعهد يسكن فى الثورة قبل ان يسكن داخلية بانت، يجئ من الثورة مشيا،وحين سكن فى الداخلية باتت لديه طقوسه اولها انه (ورث عن قرنى قصرية ـ حقت الشفع ـ لزوم الشراب والاكل )وكانت مثار ضحكنا وتعليقنا عليها ، ثم انه كنا ذات مرة فى عبور للداخلية وصحبتى كانت عزة ابنتى، فقدم لها سوزى الماء فى القصرية ولكنها لم تشرب قط ، سوزى ، الجمالى الاكبر ،مازلنا نذكر انه رفض ان يمتحن من السنه الاولى للسنه الثانيةمبررا ذلك بقوله(لسه انا ما عرفت العربى كويس ) وسوزى من ابناء الجنينة ، لم يكن يتحسس من لكنته لكنه هكذا قال لنا عودة يا استاذى شقلينى
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
صبوحة ازيك ، ما قلنا ليكم ابو السرة ما بقصر ، يعنى الجمال الكان بغنى ليهو ما كلام ساكت ، تعرفى مرات (لمن الجامعة الاهلية كانت جمب الاذاعة )بقعد فى الكافتريا بره واول ما يشوف ليهو جكس طوالى المقولة الشهيرة بتاعتو( الجانى منك ومن تباريح الهوى وصفو بصعب يا جميل ، انت قايلاها غنية ؟ دى شرك عديل للجكس وطوالى تنظيم ، لكن اطرف ناس من الجماليين ،بالاضافة للسر السيد سيف صالح ، طبعا اصلو ما بجلى النص ، والنص ما بكون جاى لسيف ن بس بكرة النص بغير وبجى لسيف وسيد النص يشرب ما يروى كلو من الحزب الجمالى
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
الفاتح باسين كان لقيت خبر قاسم منى ليك مليون بشارة والف خاطر، لانى مشتاقة ليهو عدد اى حاجة فى الدنيا والزول الوحيد الممكن يلمنا فيهو الصادق شيخ الدين او الوافر شيخ الدين ولو عندك بيهم اتصال بس بلموك فيهو وقول لى عوووك ، عارف قاسم نصر يوم حفل وداعو وهو مسافر للسويد الناس حزينه وكل زول ما قادر يعاين للتانى اها قالو ليهو كلمة المحتفى به مسك المكرفون وقال (سلام عليكم ، سالى صابونه من نوع ايه ؟الجمهور يقول ليهو تشطف وتغسل وتريح ، سالى صابونه من انتاج؟ اس ام سى )تخيل هذا الجمال ، مرة بحكى لينا عن تجربتو لمن كان سجان ، قال (كنا بنقعد انا وضابط السجن ومعانا مسجون صاحبنا ، لغاية مانتعشى ونغنى بسوق المسجون ادخلو العنبر وبمشى بيتنا ، اها يوم الضابط اظنو مشى متاخر تانى يوم جا مفلق ومربط ، المسجون قال ليهو ( هسى المسجون فينا منو انت ولا انا ) هو ذا قاسم نصر اجمل انسان انجبته الدنيا بالنسبة لى على الاقل
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
تعرفى يا نجاة قاسم طبعا بفتح خيال مبالغ فيهو مرة قال واحد بحب ليهو واحدة وما قادر يقول ليها وهى ما قادرة تقول ليهو المهم مشى كوشة الجبل فى العرضة وهناك طبعا مشهد الغروب بس اثناء ماهو قاعد كده جات البت قات ليهو بالمناسبة انا بحبك من زمان وما قادرة اقول ليك ، طبعا هو قال زعلان من الشمس مديها ضهرو اول ما قالت ليهو الكلام دا طوالى اتحول على جيهة الشمس ولقاها مكتوب عليها(the end
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
تعرفى يا نجاة زول اسمو الفاتح مطيع دا زول فلته فى زمانو كتب مسرحية (حب على الطريقة السودانية)ومشى لاقيتو فى السودان مؤخرا ، كان ممكن يكون احسن زول فى التاليف المسرحى مسرحية الهمت كتير من كتاب المسرح لكنه الان ببيع موية فى امبدة ، ومرات بسوق الكارو ومرات بمشى حمد النيل ، نفس الحاجة قاسم نصر كان ملهم لفرقة عقد الجلاد من بنات افكارو طعت فى امدر ياربوع سودانا بالطريقة البغنوها بيها ناس عقد الجلاد ، طبعا من الشخصيات الطريفة الجميلة الناظر عبد الرحمن قسم الله انتى ماحاضرة لمن كان رئيس الاتحاد كان بعد اى حفلة بطلع فى المسرح وبكون (فل) وبحلف بالطلاق بكرة اجازة ، وما نجى العميد كان خالد المبارك يجى يلقى البلد خلا ، فى شنو ؟ والله الناظر ادانا اجازة، ولا البزعى انتى برضو ما عاصرتيهو كان بغش البنات عشان يطلع حق عشه ووكر فى الليل بضرب ليهن الرمل ويقول لاى واحدة بتعرسى لكين ختى البياض ، ومن الشخصيات الطريفة برضو النجاشى ( جنابو) تعرفى انه كان مفروض يكون ضابط فى السجون ، واهلو ما عارفين انه بدرس المعهد يوم زواجو سامعه ليك الناس بقولو جنابو سالتو انت يالنجاشى جنابو دا منو ؟ قال لى دا ما انا لكين ما تكلمى زول ، واحمد مصطفى شريف طبعا دا اجمل شخصية كان عندو طشت فى الاوضة بتاعتوفى البيت يقوم يكورك فى الطشت (يحى فضل الله ) طبعا بجيهو الصدى ، وهكذا سلمى الشيخ سلامة ، او محمد محى الدين ، اما اطرف واصعب موقف يوم امتحان النقد النظرى ، ما جا الامتحان ، كان استاذ المادة عزالدين هلالى بعد انتهينا من الامتحان مشينا ليهو حقيقة مشيت ليهو ، قلت ليهو رجاء ما تصحح الورق بتاعنا لغاية ما اميقو يمتحن ، مشينا ليهو فى البيت كان معاى محمد سليمان دخيل الله واحمد طه ، لقيناهو قاعد ياداب كان راجع من الشغل (كان بشتغل بتاع جير )المهم قلت ليهو يلا نمشى المعهد حتمشى الداخلية معاك احمد طه حتذاكر معاهو ، قعد يتكلم بطريقتو العجيبة ديك المهم فتحت الدولاب بتاعو ، لقيت لغرب مشهد ممكن الزول يشوفو ، الدولب معلقة فيهو كل صور الناس الماتو بالسرطان(فايزة احمد المغنية التونسيةالمصرية ، وعدد من الممثلين ، وكتب وليم سارويان الكان بحفظا عن ظهر قلب، لانه مات بالسرطان ، المهم طلعت ليهو غيار ومشينا الداخلية لغاية ما اطمانينا انه حيكون قاعد للصباح بس يا ستى دا نموذج للناس الجميلين فى المعهد ، عارفة هسى قاعد فى الهكر بتاع محجوب شريف الخرطوم كتابة وبكتب فى جريدة الخرطوم كتابة اكتر من جميلة،وفى فترة كان عندو كشك بتاع ليمون فى السوق الشعبى
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يالله يا سلمي الليلة جبتي سيرة ناس سمحين شديد
البزعي كان سنير لما جينا المعهد..
لكن الفاتح مطيع دا لي دشليون سنة ما سمعت بيه..
الذ من مشى على ظهر البسيطة...
يا سلام يا سلمى اليوم قلبي حزين وفرحان..
احمد المصطفي كان اوديبي دراج مسمينا المتعوس وخايب الرجا..
لكن كيتا تكويه دراج اشتغلنا كويس..ونجحنا...
والله فرحت انه مازال يكتب..
وفيووووووووووووو
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
سيف تبايخ او الناطق الرسمى باسم حركة شنو كده ما بعرف يا زولة بقى من كبارات الدولة ، اها دا هسى لمن يجى ماشى محل الصفافير قدامو ووراهو، يوم تابين مجدى النور جا المسرح (بالحرس الرسمى ) انتى قايلاهو سيف الزمان لا يانجاة دا حاجة وحاجات تانية حاميانى ، المهم يوم التابين طلع المسرح واداها بكية على الهواء الطلق ،طبعا داك يوم يا نجاة من الايام الصعبة فى حياتى على الاطلاق ،خلينا منو لكين مجدى الله يرحمو كان جمالى من الطراز الاول ومن الاعضاء المهمين فى الحزب الجمالى ، كان اول ما دخلو المعهد الوكت داك كنت شغالة فى الاذاعة تمانية وتمانين ، قال ليهم من الليلة انا اسمى مجدى النور سلامة ، وبرضو عاطف البحر قام سما اسمو عاطف البحر لانو كان بفتكر انو طارق البحر ما احسن منو ، فبدل عاطف محجوب بقى اسمو عاطف البحر ، وااااى نسيتى اجمل زول بدر الدين الشين او بدر الدين السمح من اجمل واطرف الشخصيات فى المعهد ، لمن ولدوا ليهو بتو الكبيرة ولا ولد ما بتذكر المهم انه قال والله سمحة وبتشبهنى ، وطبعا عارفة سوزوكى (الهام بابكر )اسمها دا وراهو بليغ وبليغ ذاتو غير اسمو كم مرة من محمدالمصطفى للطيب ابراهيم بانقا ، المهم كان فى مراسلة فى المعهد اسمو مبارك كان عندو موتوسيكل، اها يوم بليغ كان بتكلم مع الهام وهى صارفة نظر عنو ، لمن زهج منها قال ليها ها القصيرة دى ، فطوالى ردت عليهو وكانت واقفة جمب الموتر :مالك ومالى انشا الله ابقى قدر الموتر دا ، ومن اليوم داك بقى اسمها سزوكى ،مرة مهلب على مالك بتكلم معاها وهى مشغولة بحاجة المهم لمن ما ردت قال ليها يا سوزوكى يسوزوكى للضبح
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
محمد عكاشة ايها الصديق حين بدانا تاسيس هذا الحزب لم نكن بغافلين عن دور الفن وتاسيس الحياة وترتيب الروح قبل الجسد او فليكن كلاهما لابد لهما من شئ من الترتيب ، لم تكن بنا رغبة ان ندحض ذاك الحزب او نلغى هذا الحزب فهو ليس من شاننا لكننا كنا معنيين بالجمال فى حد ذاته ، الجمال الانسانى المطلق سواء كان دراميا يتجلى على صفحة الشاشة التلفزيونية او المسرح بشكله المعهود، او فى الاذاعة ، كنا نرى الجمال فى صيغ عديدة لا تقتصر على النساء او مدى جمالهن ، بالعكس كانت هناك دعوات للاهتمام بالمكياج الداخلى وكان ذلك يستوجب الدخول فى معارك مع الذات لمزيد من الخبرات والمعرفة لكن الحزب فوق كل ذلك فكرة مغايرة لما كان سائدا انتجت فيما بعد منفستو اعده الاستاذ السنى فى اول تجربة جمالية فى احتفال فرقة الاصدقاء بعدد من اعوامها فى منتصف الثمانينات ، كانت فكرة المقابل والمتحول كفكرة جمالية داخل العرض المسرحى ، ولم تكن لاجتذاب الجميلات كما قد يتبادر ، لكنها فكرة متكاملة تدخل فيها الانثى والرجل على قدم المساواة ، جميل وجميلة ، لا مكياجا ولا تذلفا بقدرما معرفة متاصلة للجمال نفسه ، وان كان القبح الذى تحدثت عنه الان لا يترك لجمال منفذ فعلينا ان نسمو بغاية الحزب الى اعادة ترتيب الروح الجميلة التى هى اصلا لم تغادر بقدرما حطت عليها بعض الغبارات وبجهد حقيقى ستزول الى الابد
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
عزيزتي عضو الحزب الجمالي ... شدني العنوان فاتيت وتابعت رغم اني كنت خارج زمن قيام الحزب وغير منتمي الا للجمال وحيث السني هو الرئيس فربما يعذر اقتحامي ساحاته ... امريين في كتابك اثارا انتباهي
الاول حين اتيتي بامر جد مهم وانت تخاطبيين احد الاخوان بان يقرء للكاتب الليبي " كونه انسانا لا عربيا " وهذا جد مهم في بحثنا عن الجمال والتعايش مع مفرداته ومكوناته بعيدا عن اثنية او جهوية او حتي لغة ام (لامثالي الذين لغتهم الام ليست لغة ال mainstream )
الامر الثاني هو :
| Quote: ؟ جاوبنى بانه عمر الدوش قال ، قلت ليهو دا ماانا طيب ، ونضحك لطرافة الموقف ونتحسر ان الدوش لم يقام له تكريم واحد فى حياته ، رغم انه كان من اكبر زعماء الجمال فى بلادنا ، او ليس هو شاعر كل الاغنيات التى حولت مجرى الغناء الحديث فى السودان ؟ |
انا من عامة السميعة والقراء وما انا الا بناء كالشقليني( ولكنه بارع الحرف والرسم ) ولكن في تشرين الثاني الذي مضي وفي ذكري رحيل الدوش كانت هناك مساجلة طويلة فرسانها عبدالله الشيخ وبدرالدين الامير وقراء اعزاء وشخصي السمين ( مع احتفاظك بحقوق الملكية الفكرية للمصطلح) وفي نهاية المداخلات جمعتها كلها وانشات "مدونة الدوش" لتبقي في هذا الاسفير يضاف اليها ما تيسر و تذكر القارئ به في زمن ذاكرته نساية :
http://blogs.albawaba.com/oaldosh
مودتي
رطان يقرء لكل عربي انسان (ابوبكر سيداحمد)
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا سلمي الشيخ نحن كان جينا زمن معهدكم دا،،
كان ح يكون شأننا تاني ولي كيف،، 
بدون مناسبة البوست ده ذكرياتو حلوة و حااااااااارة برضك،،
يعني يا ناس خالتو بيان و الناس الحلوين حلوين الهنا كلهم،،
نحن ياااااااااخ ما عندنا مشاغل و إهتمامات الصباح،،
نقعد نقرا و نقرا بلا نحس و نلقي الساعة
بقت إتنين صباحاً،،
الكلام ده عيب منكن،،
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
الاخ ابو بكر شكرا على اهتمامك لان الدوش كان عالما بحاله لم يكن الهين او اللين ، لم يكن شخصوكفى له اسهام فى تحول الخطاب الغنائى من الود الى الحزن القديم مرورا ببناديها ، وفى المسرح ايضا وفى الرواية ، عاصرت الدوش لفترة غير طويلة ، لكنه استاذ لا يقل عن قامات نسمع بها فى العالم من حولنا ، له تجربة فريدة فى الساقية التى ارخت لخروج الانسان السودانى خارج جغرافيا الوطن ، تلك الفترة من السبعينات ، وتلتها بناديها التى كانت مثار تساؤل حتى الان من هى ، وهل هى الوطن ام الحبيبة ؟ وكذا الحزن القديم ، وهكذا رجل بهذه القيمة وهذا الشموخ لا يتم تسمية قاعة او استديو على الاقل باسمه؟عجبا لهذا الوطن الجاحد ابناءه
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: munswor almophtah)
|
مازال السر السيد قابضا على جمر الجمال والوطن والحياة مازال جميلا كعهدنا به منذ ان التقيناه حتى تفارقنا فى مطار الخرطوم يوم الثانى والعشرين من يناير وشهدته يبكى ،لاول مرة اشهد ان السر يبكى لفراق احد خاصة لكنها الحياة يا صديقنا منصور، ما زال السر متحدا مع الانسان فى الانسان ، مازال شفيفا ويكتب ويقرا بنهم ، مازال مهموما بالفن السودانى وسبل الارتقاء به
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: صديق الموج)
|
سوميتا كنت بفتش لحاجة كاتبها انشرها ليك في نساء مبدعات وحضرت الحبل
وفتشت ما لقيت بتكتبي وين؟
Quote: من سلالة الوعي والنساء الحافرات للصخر .. ـاتي الكاتبة القادمة
اول مرة رايتها كانت طفلة صغيرة لا تتعدى الثالثة ترتدي فستان
بمبي منفوش وتخبئ وجها بطرف ثوب امها خجولة لديها ابتسامة ساحرة.
فشلت كل محاولاتنا في اخراجها من ثوب امها..وفعلا لم تخرج منه
لتصير انسة مترعة بالفن والجمال والذكاء الا وهي سوميتا |
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
تعرفى يا سوميتا كلامك صاح لانو زمان المعهد كان بهتم بالمواهب شديد، واهو انتى جيتى فى الزمن الصعب يا صاحبه فى الزمن الصعب على حد قول صديقنا خطاب حسن احمد ودا واحد من اهم الناس الاتخرجو من المعهد فى اياموولغاية هسى ، زول كان بكتب المسرح والمسلسل والشعر الجميل ، كان من ابناء دفعته جعفر نصر ، محمد عبد الرحيم قرنى ، عبد العزيز العميرى ـ عفاف الصادق حمد النيل ،عبد القادر نصر ، الضو ابراهيم ، ديل على الاقل المتذكراهن فى قسم الدراما والنقد والاخراج
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: Rihab Khalifa)
|
من عناصر العافية السياسية كترة الأحزاب
اها بعد الإنتفاضة ظهرت كثير من الأحزاب
وصبحت الحكاية دي مصدر تندر رغم انها شئ طبيعي للأخرين للتعبير عن رايهم
ففي صباح احد الأيام ما عارفو صباح خريفي ولا صيفي جا واحد وقال لينا سمعتو الخبر في ناس عملوا
حزب البهجة( ويقال إنها نكتة قاتلة من نكات المرحوم د. عوض دكام
وقمت رديت بسرعة وقلت مالو البهجة بوازي الخضر .. ولا أقوليكم نحن ما نعمل الحزب الجمالي
وسرحت الفكرة
وقتها كنا قد طرحنا المنفستو المسرحي
المسرح الجمالي ـ الثابت والمتحول
وكان نتاج عروض مسرحية من تأليف مصطفى أحمد الخليفة
تمثيل فرقة الأصدقاء ..والمسألة أصبحت شاملة كل الفنون وكل الشوف وكل البصيرة
ـــــــــــــ
الحزب الأن بصدد وضع الفلسفة الخاصة به ..والسر السيد لم يخم الناس بل كان مؤسس نشط وله
نظريات ابداعية وله خطط ابتكارية في ضم الأعضاء الجدد وبعدين حزبنا لاتوجد به هيمنة وتكالب على السلطة والنصوص الجمالية بل بالعكس الكل يفرح لك عندماتكون في قمة جمالكبل ونفرح لك بصدق
ودي اول درجات الجمالي التفاني والإيثار ..
قاسم نصر يوم المريخ لاعب كورة إفريقية وفي الخرطوم وانا كنت شغال في الإذاعة ركبت تاكسي من حوش الإذاعة وقلت ليه استاد الخرطوم أنا ما جمالي مابقول دار الرياضة
قالت لي السر تر من هنا ( وش زعلان)
الوقت ده قاسم ضارب لخمة ماعارف كيف إصل الخرطوم
وأنا قربت لي قصر الشباب المح ليك قاسم متمحن واقف ، قلت لي صاحب التاكسي اقيف لي عند الزول المتمحن ده نسوقو الكورةقال لي فيك الخير والزول ده محظوظ بالله شوفو متمحن كبف.
بالله شوفتي السودانيين ديل طيبين كيف!!
وقف التاكسي وفرمل سيييييييك والتفت قاسم بإنتباهة كاملة وفاجأته وعيونه منططةوالصمت قد عم المكان الا من سيييييييك فرملة التاكسي ..
قاسم ماشي الكورةوصاح بفرح أأأأأأي وكان قد وصل اما السيارة وتعداها ووقف في نص الشارع
وصاح (( حنانة سابنا وساب الناس عشانا ليه )) ورقص وانا بق ليه إيقاع على باب العربية
وسيد التاكسي الكان محترمني وشابكنى يا أستاذ بعاين بي دهشة وقطع الحركة لمن نزلنا إستاد الخرطوم ...
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: محمد سنى دفع الله)
|
يا أستاذ السني سلامات كتيرة
والبركة في الدرب الجابك
أنا من الناس الحضرو قيام الحزب و الجندني السر السيد
ومررنا الفكرة غلي الفرع وجامعة الخرطوم ولسه بنفذ في المهام مع الأخ السر السيد
ومن حين لآخر بندخل علي اوزون أو سلوتير في شارع 15
وأماكن السر ذاتو ما كان بيعرفها
بالرقم من غيابنا إلا أننا كنا ندفع الأشتراكات
وبرضو كنا بنرسل المساهمات العينية
وقام قاسم نصر لم الكلب إتلحوا ليك
و كرهوا حياتو بالنباح كلو ما يكون ماشي يجيب الزيادة
قام رغبة مشاكسة
و عض الكلب في راسو و قال
- عشان نشوف الاكلب منو في أخوانو
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
معهد الموسيقى والمسرح حين اتحدث عن ذلك الصرح اعنى اننى اتحدث عن فترة الثمانينات بكل صخبها وتنقلات المعهد فيها بين العمارات وقصر الشباب والاطفال ، الى المقرن ، الى شميات ، واخيرا الخرطوم مجاورا لسك العملة او صكها ، لا يهم ، تلك ايام ان كان للحزب الجمالى القه ، وكان للحياة طعمها المختلف ، باص المعهد وعم محمد علامات لا تنسى فى تاريخنا ،الباص حين يتعطل ثمة مقولة جاهزة ( اولاد الموسيقى والبنات ما ينزلوا اولاد الدراما ينزلو يلزوا الباص ) ذلك ان اولاد الموسيقى ( نضاف وحتاكيش ) الواحد بجى من الحفلة وبكون ما عاوز يتوسخ ، او هكذا كان الزعم ، حفلات المعهد كانت من اكثر العلامات حضورا فى الذاكرة ، كان يغنى كثيرا الفنان الراحل ابراهيم موسى ابا ، والفنان النور الجيلانى ، حفلات تبدا فى الثامنة وتنتهى عند الفجر ، تجرى الاغنيات مجرى الحياة ، والرقص يكون حسب التمارين خاصة لابناء الدراما الذين كان اولاد الموسيقى يتندرون بنوعيتها لغرابتهافهى مرتبطة بالتمارين الجسدية التى كان يدرسنا لها الاستاذ السنى دفع الله او استاذ عبد الحكيم الطاهر ذلك العصامى الذى تحول من عامل فى مصنع فى مصنع النسيج السودانى الى محاضر بالمعهد ، طموح لا يحد ، او فى مرحلة اخرى كان الاستاذ عبد العزيز اخصائى الحركة المسرحية يدربنا على الرقص المسرحى الذى كان مرحلة من مراحل اعداد الطلاب ،طريقى لم يكن ارتباطنا ليقل با(اولاد الموسيقى وبناتها) نتعارف ونتعلم منهم ، فى مرة كنت فى طريقى الى البيت صحبتى الصديقان الفاتح حسين وعثمان النو ، جوار الجامع الكبير كان يجلس دائما شحاذان يرددان ( الله كريم ربنا كريم ) فما كان من الفاتح حسين الا ان اخرج جيتاره من صندوقه وبدا بتوقيع اللحن مع الشحاذين ، ضحكنا لطرافة وغرابة الفكرة
المعهد حالة خاصة فى الجامعات والمعاهد العليا فى تلك الفترة ، كان طلاب الجامعات يعتقدون جازمين اننا ندرس (دق الطبلة ) وكفى حتى ان صديقا التحق بالمعهد فى فترة لاحقة لم يستطع ان يعود الى (حلتهم ) لان خاله (اشترى دلوكه ووضعها على مدخل البيت متعللا بانها للطاهر كباشى ) هكذا حكى وقال لوالده ياهو دا ولدك بقرا دلوكة ، وكثيرا ما كان هذا النوع من الناس يلتقينا متسائلا ، لكننا للحقيقة درسنا كل العلوم الانسانية ( فلسفة ، علم جمال ، لغات ، فرنسية وانجليزية وعربية كمادة لسانيات كان يتوفر على تدريسها النابه دكتور جعفر ميرغنى ، ثم الاستاذ صلاح عوض الله ، حاليا يدرسها الدكتور فيصل احمد سعد ، ثم اننا درسنا تاريخ الفن منذ الازل وحتى الان ، مرورا بدكتور احمد زين صغيرون الى احمد عباس ، ثم كانت الاساسيات تمثيل اخراج ولا نذكر هذه المادة الاونذكر استاذنا الفاضل الحميم الى كل تلاميذه فتح الرحمن عبد العزيز، ثم كان هاشم صديق استاذ الاجيال يتوفر على مادة تاريخ مسرح سودانى وهو لعمرى لم يتوان فى تسجيل مكتبة ضخمة للرعيل الاول ( خالد ابو الروس ، سيد احمد غاندى ، العبادى ، الطاهر شبيكة ، الفكى عبد الرحمن ) وغيرهم من اباء المسرح السودانى الحديث ، ثم كان لنا مواد تختلف عن كل المعاهد فى (دول الجوار )او الدول العربية، تحديدا (المسرح منذ البدايات حتى الحديث ) عبر العصور حتى انك حين تقارن ذلك المنهج فى دولة كمصر تجد اننا متفوقين فى شان الاكاديميات ، لكن الان كل شى انتهى لنا عودة
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا رحاب الخليفة يا صديقتى ذلك زمان لم تعيشى فيه ، لانك صغنونة لسه ، المعهد دا اول حاجة الزول بفكر يمشى ليهو لمن يجى من الخارج، ايا كان الخارج، سواء من السودان ودى حصلت معاى مرة كنت مسافرة الابيض ، اول ماجيت ما وصلت البيت من المطار على المعهد كان فى الوكت داك فى شارع الغابة ، بتعرفى شارع الغابة ؟ المهم انى اول ما رجعت بعد خمستاشر سنه اول حاجة عملتها مشيت المعهد ، لكين ما كان المعهد الاتعودنا ندخله بدون ما يسالنا زول انت منو ؟ لقيت فى بتاع امن قاعد فى الباب لانو المعهد اول حاجة فقد الاستقلالية بتاعتو وبقى تابع لجامعة السودان ، حاجة تغيظ مش ؟تانى حاجة بقى كلية بعد ما كان مؤسسة مستقلة كاملة الاستقلال ، المهم دا الحصل يا حنينة ، وزعلانة منو امكن فى حاجة كويسة او لى حاجة كويسة ، برضو ما علينا ،كان زمان فى فى المعهد فى حاجة اسمها استماع موسيقى بدرسنا زول جميل الله يرحمو دكتور صلاح درويش ، حتى لمن مات ناس المعهد او الكلية مافى زول جاب خبرو ولا قال انه كان ولا عمل ، مع انه من احسن الملحنين فى السودان حسبما عرفت من بعض الحانه غنى له عبد العزيز المبارك ، ودا كمان زول فنان شديد حساس ، خلينا فى المعهد ، من اجمل الاياء انه الزميل والصديق جعفر سعيد عنده تاريخ كامل لفترة دراستنا فى المعهد (مسجل كل الناس الدرسوا فى الفترة الكنا فيها فى المعهد ، كل العاملين ، من مات ومن هو عايش ، ازف ايقاطبعا على بابور رحل اثر حادث حركة ، وكان بجانب انه عامل فى المعهد عازف ايقاع نابه ،سجل للكثير من مطربى المعهد ولعل اكثر الاعمال تلك التى سجلها مع الاستاذ انس العاقب فى الاذاعة لمسلسل اخراج الاستاذ محمود يس ، المسلسل (مريود) عن رواية الطيب صالح ، غناء حنان النيل ، فى منتصف الثمانينات ( يلا يا مريود ويلا ، امشى فى البلد البروقك، سكة الاحزان طريقك ، كان ضهبت بجيك اسوقك ، الا اه الا اه انا من حريقك ، الا اه الا اه انا من حريقك ) اتصور ان الكلمات للاستاذ سعد الدين ابراهيم ، المهم يا رحاب يا صديقتى او ابنتى تجديننى احن الى تلك البقاع ، على نحو خاص ، كان لدينا كافتريا ليست ككل الكافتريات فى المعاهد والجامعات صاحبها كان صديقنا ، لكنه رحل هو الاخر مبكيا على شبابه ، كان عبد الباقى (نشرب شاى لمن ندور ، وبدون ما يسالك كم شاى ، نفطر ونفس الحاجة ، المواصلات من عبد الباقى ، الاكل ، كل حاجة من عبد الباقى ، لكن ابناء المعهد حين جاء مريضا ادخلوه الى اعلى المستشفيات درجة ، احاطوه بعنايتهم رادين بعضا من جمائله عليهم ، فلولا عبد الباقى لكانت المسغبة حال كثير من الطلاب ولو لا عبد الباقى لكان كثيرون منا لم يكملو دراستهم ، لانه كان ياويهم ، ويحل عقدة من احتياجاتهم ، بل انه كان يدخل معنا اعتصامات الطلاب وتوتراتهم المطلبية ، هنا ساقف قليلا ، حيث المعهد كان بقعة جمالية ، لم نكن نحسن الاختلاف السياسى او لعله الفن فى داخلنا كان يتابى على تلك الخصومة ، فنحن نلتقى فى الاركان نحتد ونحتد ، بعثيون ، اسلاميون، شيوعيون ، لكننا بعد نهاية الركن رغم حدته نتنادى لطعام يصنعه عبد الباقى ، ذلك اننا تجمعنا خشبة مسرح واحدة ، ومايكرفون واحد ، وكادر تلفزيون واحد او صحيفة واحدة فى بعض الحالات ، المهم ان تلك الخصومة (حدها الركن ) ولغاية الان ما تزال علاقاتنا ممتدة رغم المدة التى تخرجنا فيها ، صحيح ان البعض يرى غير ذلك لكن الغالبية ما تزال على علاقاتها القديمة الحميمة ، اذكر ان احد العمال ازعم انه عم ادم كان يقول ان اسمه كوميونست وذلك انه كان يسمع تلك العبارة تتردد فى النادى (الجاد)او الكافتيرياوما زلنا نناديه كمويونست حتى تاريخ اللحظة
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
النادى الجاد ، انه الكافتيريا الخاصة بالمعهد هكذا وجدنا من سبقنا يسميها ، كانت كافتريا مثل كل الكافتريات ، لكنها مختلفة فى بعض تقاليدها ، فى مرة وكان الطلاب فى ايام الامتحانات قد دخلوا فى اضراب عن الامتحانات لان لديهم كما قالوا بعض المطالب ، وهكذا لم يدخل طالب من قسم الدراما على الاقل الامتحانات، وبعضا من طلاب الموسيقى كان بينهم الجمالى الكبير مصطفى سيد احمد جاء الى الكافتريا حاملا عوده واغنياته تلك اول مرة استمع الى مصطفى يغنى (قلت ارحل )و(الساقية ) غناهما بشجن غريب ، وكنت مستمعة وباكية كما هى عادتى حين تهزنى الاشياء الجميلة ، بكيت تلك اللحظة واحتضنت مصظفى بعد ان قام مودعا ، كان فى السنه الثانية ، وحينها بدات تلكم الالام الخبيثة تنهش جسده ، قالوا له انها اللازمة ، وكان البخاخ لا يغيب عن يده ، كلما ضاق به التنفس ، لكنه مصطفى ذلكم الكبير العميق
فى الكافتريا كانت مغامرات تجرى ، ففى بعض الاحيان يجئ استاذ عبد الحكيم فى احد فترات الراحة بين المحاضرات مازحا ، مطلقا النكات ونضحك منها ، لكنه فى ذات يوم زاد العيار حبتين ، ثمة فتاة رقيقة كانت تنتظر احد اصدقائها فى الكافتيريا ، وجاء حكيم مستصحبا معه شخصية السكران ، ويبدو ان تلك الفتاة لم تشهد سكرانا فى حياتها فما ان راتنى حتى جرت نحوى ، الزول المش عارفة ايه مالو ؟ قلت لها انه ممثل فقط ، قالت :ممثل كيف يعنى ؟ قلت لها يعنى بمثل انه سكران ،وضحكنا مع حكيم الذى ترك الشخصية تمضى لان الفتاة كان خائفة تماما
هناك شخصية لا تنسى فى المعهد رغم انه لم يكن مدرسا فى المعهد لكنه كان شخصا انجب الرائعات البلابل انه عم طلسم عليه الرحمة الزعيم الجمالى الكبير ، كان يفتح دكانه الذى يبيع الخردوات والعصير فى شارع سبعة وخمسين ، اول عام دراسى كان فى دفعتنا الصديق الفاضل كباشى الذى غدا الان فيدل لسبب يدركه هو ، المهم اننا فى تلك الليلة وجدنا حضنا دافئا ابويا صرفا، هو عم طلسم ، فى الامتحان الاخير للتمثيل فى السنه الاولى كان الزميلان عباس الخليفة وعبد الوهاب عثمان على خشبة المسرح لكن يبدو ان عباس كما يقول استاذنا ناصر الشيخ(نشف )فما كان من الزميل عبد الوهاب الا نزل عن خشبة المسرح ضاربا عرض الحائط بالامتحان، واللجنة والممتحنين من الزملاء والزميلات، فكان عم طلسم وسيطنا لامتصاص تلك اللحظة العصيبة ، مضينا له انا والسنى دفع الله وحملنا ما شئنا من العصير ،وعدنا لنجد ان الفاضل كباشى اطلق عبارته التى لا تنسى (we lost afriend لكننا لم نفقده لان اللجنة تفهمت ذلك الموقف ، وعادالامتحان الى مجراه الطبيعى
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا نجاة مساك خير ولا صباحك ؟ تعرفى مشيت القضارف شهر ديسمبر الفات دا ، فى محطة الباص فى القضارف قعد جمبى زول يعاين من ركبت الما بص ، البرنسات الزمان ديلك لسه شغالات فى القضارف ،معاى بت خالتى (مرشد سياحى) اها لمن نزلنا زول يقول لى سلمى الشيخ سلامة ؟دراج مصطفى؟سلام وبكيه فى الشارع، قال لى هسى ماشى لبشير سهل طبعا وزير التربية فى القضارف ،ضربنا تلفون لبشير سهل التعيس ، جونى ليك الضهر فى البيت ، قعدنا زى تلاته ساعات من الونسة والذكريات، بقينا نتهاتف مرة مرة ، لكين ما لقيت عبد الوهاب عثمان بقى استاذ فى الجامعة ، ودكتور عثمان البدوى برضو فى جامعة القضارف ، تعرفى قبل شوية بقرا فى جريدة الراى العام لقيت فى حوار عن كلية الدراما والعنف السياسى نفس الكلام القلناهو هنا لقيت فى اتفاق عليهو من ناس المعهد عليك الله اقريهو يا نجاة، اها قصة اسويه مع الفاضل كباشى ، قال الراوى ان الفاضل مشى المسيد ، وضرب الباب حق بيت ناس اسيا التلب او اسيا تلب بضم التاء ، جاهو عم التلب ذاتو ، قالوا :فقام الفاضل قال ليهو لو سمحت اسوية موجودة
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: woroorrook)
|
سلمى الشيخ سلامة
المحبة والجمال
سلمى أرجو أن تكوني دقيقة كما عهدناك شنو الجاب مصطفى احمد الخليفة للحزب الجمالي .. كان في
الحزب يعني عضو سابق لانو اتمرد علينا وقال كده مابنفع تكاوشوا على كل الجماليين الفي الدنيا
وتخلوا الشينين لي منو؟ اها دخل المعارضة وكون الحزب يتاعو ( العناية الإلهية)وده فلسفتو انو البداية كانت هي خلق علاقة قوية مع الشينات ورفع معنوياتهم حتى يكتسبوا الثقة الازمة لمواجهة الحياة ثم يفكهم الحزب مع الهوا وليس عكس الهوا..لهذ سموه العناية الإلهية وقلناليهو دي برضو روح جمالية وفيها أخلاق الجماليين لكنو اصر على التمرد وفضل ان يكون عناياتي من جمالي
النادي الجاد
أسسه عبدالعزيز العميري جا يوم الصباح قافله معاو قال نفتتح النادي الجاد وارجوكم مافي واحد اقول كلمة جادةفي هذا النادي والبقولة بنطرد فورا وبداها بحكاية حلم حصل ليه ...
الحلم العميري ــــ
قال لينا عميري احكي ليكم حلم حصل لي امبارح اتجمعنا حوله وتحلقنا وكنا لاندري ان النادي الجاد بقى جاد وبدا. حلمت اني ماشي في شارع من شوارع ابوروف واثنا ماانا ماشي القى ليك طريق زقاق اول مرة اشوفو مع اني بجي بالطريق ده كل يوم زقاق ضيق جدا وفي شئ يشدك وفعلا بدون ماادري لقيت روحي ماشي فيهو والزقاق كلما امش لي جوه اضيق اكتر لمن حسيت انو نفسي عايز انقطع واول مره اخاف ولقيت باب اخر الزقاقوصلتو والعرق نازل والهوا اكتم والجو صن وصمتوبين الخوف والترددمديت يدي افتح الباب صحيت من النوم..)) طنطنا وقلنا شنو العجيب في الحلم دهقال لينا عميري أصبروا جايكم للعجب العجاب اسمعوني وكنا أحسن ناس بنسمع عشان كده طلعنا فنانين بنسمع ونفهم ونبتكر ونبدع اسمعوني
الحكاية العجيبة انو النهار ده وانا جاي عليكم المعهد طلعت بدر ي من البيت طلعت الصباح بدري
وما طلبيني حليفةالدنيا كاتمة وقلت انزل بحر ابوروف فبل لبص ما يجي وانا نازل على البحر القى ليك نفس الشارع ونفس الزقاق واتذكرت الحلم لحظتها الجو كتم والدنيا صنتواشوف ليك الزقاق نفس الزقاق
وبين التردد والخوف والعرق والفضول دخلت الزقاق وبقى اضيق لمن نفسي انكتم ولقيت الباب واتزكرت الحلم ومسكت الباب فتحتو وعمل صوت إإإييييييييك وهنا قلنا اها شوفت شنو؟ الحصل شنو؟
اول ما الباب فتح صحيت تاني من الحلم..
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
اولا شكرا لعلى طاهر واورررروك ومتوكل التوم سلام مربع ويا نجاة مصطفى دراج رجع البلد مازال بنفس حيويته وما عندى تلفونو لكين بضرب للسودان وبجيب ليك التلفون ، بعدين قصة اسوية والفاضل دى ما متذكراها كلها ، انتى ما تقوليها ، لكين اسوية طبعا من الناس الفتحو عيونى على غنا مصطفى سيد احمد،وكانت زى كرسى الحفلة بتيارى جلسات مصطفى من حد الدنيا لاخرها
التخريج كان احتفال طبعا ، وعروض التخرج كانت بمثابة كرنفال، بتبدا من (ماكيت بوب) وما كيت بوب دا كان مسرح فى خلفية القصر للبروفات الصغيرة ،مسرح مرتجل معمول بالخشب وسموه ماكيت بوب لانو بوب كان سمين وبحب الشغل فى المسرح المرتجل ما بدور الحتات المقفولة ، ولمن تجى داخلة من الباب الخلفى لقصر الشباب والاطفال بلاقيك فى الوش ، بعد داك بقى محل للجكس الما داير العيون تباريهو ، وغالبا كان بشهد عروض سنه تالته او الدبلوم الصغير ، وفى حته تانية الجكس كان بدس فيها من (غفلة الرقيب ) عربية ميكائيل الضو الكانت واقفة قدام المسرح قاسم نصر بالتحديد كان عاملا مخزن للحب بقعد هناك وبراقب الجكس ،(بت الشيخ تعالى شوفى الحمام دا كيف ؟) والقى ليك الحمام طاير وهيمان ، فى البروفات عادة بنكون قاعدين فى الصالة على مستوى شخصى كان الدبلوم بتاعى تطبيقى على عروض (الانور وغالية حسن) فبكون مصبوبة اليوم كلو فى الصالة متابعة العروض ، بجى الجكس الاصلا ما عندو علاقة بالمسرح وببدا الشرح لمن اتهريت ودا الجكس الكان بجى للفنانين ناس امير عبد الله ومحمد نعيم ، اها يوم امير دا معاهو امو فى عربيتو ، واحدة من الجكسويات كوركت ليهو امير ما عرف يقول لامو دى منو ، ارتباك صاح ، فقام قال ليها دى بت خالتى بالمناسبة
نرجع لموضوع التخريج ، كنا بعد الامتحانات والعروض تنتهى بنبقى زى اليتما ، ما عارفين نقبل وين؟عميرى قام اخترع اغنية ( نحنا ما عندنا شغل بالليل ، تانى ما عندنا شغل بالليل ) وبعد داك بقت ملهمة للدفعات البعدنا ، كانت العروض لمن تبدا ، تلقى المسرح دا مليانلمن الناس قاعدين فى ا
، فى قصر الشباب وقبالو فى العمارات ، ما بتلقى موضع لقدم ،اطرف حاجة مرة نعمات هارون الله يرحما وعشه مبارك كانوا شغالين فى عرض احمد البكرى ما متذكرة اسم العرض لكين المسرحية للكاتب اللاتينى فرناندو ارابال، والمفروض انه عشه قاعدة فى العربية الصغيرونه البشيلو بيها مواد البنا ،اثناء العرض عمر ولد عائشة المبارك قام قعد يبكى لانو امو مختوته فى العربية ودافرنها (نزلو امى ، احسن ليكم نزلو امى )
برضو من حاجات الدبلوم منى عثمان الله يطراها بالخير كانت المسرحية التخرجت بيها سالومى ،محمد السلماوى ، الشخصيات كتيرة على الخشبة كتيرة جدا لمن جمال عبدالرحمن سماها (البنطون ) كانت فى اغنية فى المسرحية ( الليلة الليلة عيد هيروت الليلة ) جمال عبد الرحمن عملا (الليلة الليلة بنطون توتى الليلة ) فى مرة كان معاها على الخشبة مجموعات كبيرة فجاة لقت انها ما عارفة ديل منو ولا دايرين شنو ، فقامت قالت ليهن : انتو الجابكن هنا شنو ؟ وضحكنا لانها كانت تعبانه من المجاميع
الدفعة البعدنا ناس جعفر سعيد ، جعفر سعيد كان مزنوق فى الحفظ مفروض انو شغال معظم العروض فى الدفعة ، زيادة على العرض الخاص بيهو ، اها يوم جا الصباح والامتحان فاضل ليهو ايام يعنى العد التنازلى بدا ، تتكلم معاهو صوت مافى قاطع تماما، ودوه المستشفى وحقن وحبوب ، بعد ما خلاص اتاكد انه حفظ ، والحركة بتاعتو ظبطت ، يوم جا عادى صوتو يا هو زاتو ، بعد الامتحانات حتى قال عن فكرته الخبيثة
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: bayan)
|
من الناس الدائما بذكرهم عثمان سنط
عثمان دا من اولاد قسم الموسيقى وكان مصاحب ناس المسرح لاسباب بعيدة
جدا عن الثقافة. الوحيد كان بغني اغاني هابطة. ويبالغ فيها..
قررنا انا وامينة النور نغسل مخو ونشرو ونعملو راجل حديث..
رفض كل ذلك فهو كان دائما يقولينا بكل ثقة ها بنوت ها المرة صااااااج وعنقريب
لا غير.. دائما عنده اكثر من حبيبة في وقت واحد..وهو كان من اوسم الاولاد..
كنا بنقوليه سماحة جمل الطين..كان قندف ونضيف وما بتسحمى من الصيف للصيف ذي اولادنا..
كنا بنغني ليه سنطة دا حلو حلا بس يا خسارة جريه كيف؟
ايوة كدا..بيكون مبسوط جدا ولا هاميه..ومرات بيرقص..
وهو كان استاذ منتدب..
كتبت مرة في بوست ذكر يات واصدقاء
| Quote: كان معلما منتدبا يجيد العزف على آلة العود و يغنى اغنيات الشارع السودان ولم يكن متنطعا او مسقفاتى و لا يخجل من ذلك و قد بذلنا جهدا فى تغيرهذه الافكار و لكن كل الاوقات الطويلة التى قضيناها فى اصلاحه راحت ادراج الرياح اذ كانت تنتهى دئما ب هى يا حروم امشن شوفان ليكن شغلة وجعتان راسي و لكن الان احس ان احترمه اكثر لانه كان واضحا و لا يتظاهر بما ليس فيه كغيره من الرجال السودانين ولم يورث الحزن لاى امرأة ذات طموحات كغيره من الخريجين و كان ينوه ان المرأة صاج وعنقريب فى كل المحافل فهل تعرف اين عثمان سنط لك الاحترام و الود اينما تكون يا ايها الرجل الواضح المشرق |
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
ذكرتينى زول جميل الله يرحمو عبد الله فضل السيد من اولاد حلة النوبة فى الجزيرة ، كان اول ما جا المعهد ما عندو علاقة بالحركة والرقص ، كان بقول نحنا ناس نقد بس ، المهم انه عبد الله فضل السيد كان صديق عزيز على اول مرة نشر لى مع ناس نبيل غالى فى رابطة سنار الادبية قصة عندها قصة ، فى سنه اولى كان فى مسابقة بتاعة قصة قصيرة، جا دكتور مصطفى مبارك سالنى (انتى ما قريتى الاعلان بتاع القصة القصيرة ، المسابقة ؟ )قلت ليهو ماشفتو ، قال الليلة اخريوم للمسابقة ، مشيت لبنات السكرتارية تتذكرى شادية السمحة ؟ المهم ادونى ورق بتاع الطابعة الخفيف داك ، شلت الورق وقعدت كتبت القصة ، واديتا لمصطفى مبارك ، للتعتر القصة فازت ، كان معاى فى المسابقة يحى فضل الله ومحمد محى الدين وكم زول من الناس البكتبو قصة ، المهم انه كان فى جائزة ماليه ،اظنها ستين جنيه فى الوكت داك كانت ثروة ، لكين يعمينى فى قريشات المسابقة شالوها دراج ومحمد محى الدين الشيلة الياها ، مشوا بيها لعشة ووكر ، اها دكتور مصطفى بعد ما القصة فازت ، جانى زعلان (انتى بت شنو ؟)قلت ليهو بت الشيخ ؟ قال لى عاينى الاولاد القصص بتاعتن مكتوبة فى ورق نضيف ومرتب ، انتى تكتبى لى فى ورق الطابعة الخفيف دا ؟ قلت ليهو لكين ما فازت ، مش ؟
ولمن لاقيت دراج فى القضارف اول حاجة سالتو عن قروش المسابقة ، قال لى لهسى انتى متذكرة ؟ المهم ياستى عبد الله ابنته الوحيدة اتخرجت طبيبة وهسى شغالة فى الفاشر لمن كتبت عن والدها الله يرحمو فى الخرطوم ، ضربت لى تلفون ، ومشيت ليها فى النوبة لكنها كانت سافرت فى نفس اليوم الوصلت فيهو ، قابلت اهلها ،وما تتخيلى كم السعادة الكانوا فيهو لمن كتبت عن عبد الله فضل السيد عليه الف رحمة ، القصة تانى قام عبد الله شالا نشرها فى الاصدارة بتاعةرابطة سنار الادبية ودا كان اول تعارف بينى وبين نبيل غالى، تعرفى لمن رجعت الخرطوم السنه الفاتت جانى نبيل غالى ، اول حاجة كان نشر مقال كتبتو عن عميرى (ما كنت حاريالك رحيل ) ونشرو عندو فى الحياة ، جريدة يومية ، لمن مشيت المعهد كان نفس يوم ذكرى عميرى (اربعة يوليو ) ناس المعهد قالو لى انتى تجى وما تجينا ؟ قلت ليهم كيف يعنى ، لانهم قروا المقال فى نفس اليوم فى الجريدة وكانوا مفتكرين انى جيت قبل كده ، لكنها الصدفة وحدها ونبيل غال التى جعلت حضورى السودان فى نفس يوم ذكرى عميرى الف رحمة عليهو ، لانو زول انتى بتعرفى عنو كتير لكن ما قدر عرفتى ليهو ، زول ما حصل
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
والله ما تتخيلي يا سلمى فرحت قدر شنو ببت عبدالله رحمة الله عليه..
اذكر لما مشينا للبكى كانت طفلة صغيرة... والله طوالي بتجي في ذاكرتي..
انا برضو نشر لي مقال بتاع الحس القموي في الادب السوداني الجزء حق عبدالحي
وعرفني بنبيل غالي,, الله يرحمه ويغفر اليه كانت دفعتنا كلها هدت بحوثها ليه..
اذكر ايام عيان اولاد المعهد بيمشو يتبرعو بالدم الفي كحولهم ليه..
تعرفي يا سلمى في مكتبة الارشيف في المعهد عنده كم بحث وكم قصة ياريتك
نشرتيهم ليه..
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا نجاة انتى بتحلمى ولا بتحجى ياتو مكتبة الانتى بتتكلمى عنها ؟المكتبة الفى المعهد الهسى دى ما فيهاجزمة زى ماقال العازف بتاع الكمنجة ما متذكرة اسمو ( النحكى القصة وكت جات براها )الزول دا تقول على اسمو محمد ، قصة مشهورة مع مستر كيم قال ليهو اقرا الصولفيج قام محمد دا قال ليهو ما عارف جزمة ، الكورى افتكر انو محمد قاصدو بالكلام بقت مشكلة كبيرة فى الوكت داك ، المهم يانجاة يا صديقتى المكتبة بكترة التنقل بين الاماكن ما بتفهمى فيها حق ولا باطل ، مرمية زى المهملات، مشيت افتش عن بحثى بتاع التخرج ما لقيت ولا سطر منو ، وحاولت القى اى بحوث من الكتبناها ايام الدراسة لكن للاسف زيرو
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا سلمى
سلام وقلدة
عايني نحن ما كنا منضوين تحت لواء الحزب ( لا حولا قربت اقول في حظيرة الحزب )
لكن عملنا فيها حركات المثقفين المرات بتعالوا على التنظيم ويقعدو ينظروا للحزب من برة
اها في دي اسألي السر السيد عن اسهامتي والعزيزة لمياء عن التنظير خاصة في مجال المصطلحات
ويا حليل نجيلة كلية الفنون
سلام يا اهل الجمال عموم
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: الجندرية)
|
الجندرية حبابك ، تعرفى الحزب ما كان السكرنير بتاع العلقات الخارجية بتاعو السر السيد ومناط بيهو كسب عضوية جديدة فى الجامعات لانو كان مشهور بيناتن، وما قال لى اصلا عن تنظيراتك ولمياء ، لانه مرات بحتفظ باجندة خفية ،تعرفى مرة جا من الاجازة (سنو مكسورة ) سالتو يا ابو السرة السن دى مشت وين ؟ قال لى : دى ما انفاس العذارى ، بعدين الحزب ما الصعب الداير ليهو اجتماعات داك واكتر حاجة بكون الاجتماع فى الضل (ضل سلمى ) وبنتناقش فى قصيدة ولا عرض مسرحى جميل ولا (نص ) عابر يجى اول مرة المعهد ، ما حاجة صعبةمش ؟مرة يحيى فضل الله جا (نص ) راكب عربية سمحة جدا ، وهو زاتو نص باين عليهو من الناس الفوق ، (قامت) نزلت من العربية وسالت عن زول ما متذكرة منو ، اليوم داك الكريسماس ، سنه خمسه وتمانين ، الصوت الطلع ما بشبه النص ، طوالى يحى قال ليها: بوظتى اى حاجة
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
تعرف يابقة يوم قررنا نعمل تابين لكل الذين رحلوا كتبنا لسته فيها كل الذين فقدناهم من خريجى المعهد ، وعمال المعهد ، مازلت بقول المعهد حتى بعد بقى كلية ، اللسته طويلة جدا فيها (على الاقل ديل البتذكرهم)عميرى ، مصطفى سيد احمد ، عبد الله فضل السيد ، نعمات هارون ،محمد حسن خيرى (موسيقى ) حسب الرسول ابو ذكرى ، عصمت اللبنى (عازف ترمبون )على بابور (عامل )شاب من الجنوب دا ماحضرناه مات فى سنه اولى كان، عيسى تيراب ، عبد الله الحاج المطرب الشعبى (زهرة السوسن )احمد ربشة ،مجدى النور ، عم ادم (كموينست)عمر الطيب الدوش ، فتحية عوض ،محمد رضا حسين ،لكين على سيدون دا ما سمعت عنه، كل البعرفو انه كان عازف فلوت فى المعهد ،ولا ترمبون ما متذكرة كويس
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
ود العباس ،يا الفاتح اخوى، حكاية مؤلمة لكين الاكثر ايلاما انه ما لقيت زول يوصلنى حلتهم ، هسى هو طبعا بقى بين الجامع والبيت ، حتى اقرب الناس ليهو ما قاعدين يمشو ليهو ، اتفقنا مرة ومشيت حسب الاتفاق لكين مافى زول جانى ، اما بخصوص النفير دى حاجة دايرة اعداد لكل الزملاء فى الخارج وخلينا نتلاقى فى المسنجر عشان تترتب كويس
عبد الله الحاج او زهرة السوسن كما يحلو لى تسميته ، تزاملنا فى المعهد لفترة وكنا نلتقى حتى بعد التخرج حيث كان يسكن العباسية ، وكنت ايضا ، كتبت عنه فى الاتحادى فى القاهرة لكن المقال ما عندى الان ، لكن بحاول لو لقيتو انشره تانى لانو زول بستاهل ، الله يرحمو ، وطبعا اميقو برضو من الناس الما لقى حظ من الاهتمام ، لهما الرحمة
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
تعرفى يا بيان ، شول دا اظرف زول لكين فى زول تانى انتى ما لاقيتيهو اسمو جونسون ليفبوى ، هسى بقى حكومة براهو ،تاجر وخلى الفن وسكته اعتقد انه دفعة ناس عميرى وخطاب وجعفر نصر ابو عزة ، على كل حال كان نكته حاضرة وزول وسيم وسامة مفرطة ، وزول تانى اسمو عثمان برضو نفس الدفعة ، من ملكال هسى خلى السودان بعد وفاة العميرى كان صاحبو شديد ، وزول كتاب كتابة رايعة جدا فى المسرح اسمو الضو ابراهيم من اولاد الدويم وهسى فى كلية الدراما بتاعة ناس انور محمد عثمان ، وناس كتار جميلين لكين مافى فى السودان ، بتعرفى زول اسمو الحردلو ؟ اها دا كان من اميز الناس ، واحمد البشير دفع الله ما حريكة،لانوحريكة اسمو يا السنى ورينى نسيت الممثل الصوتو باص ، كان بقدم برامج فى الاذاعة ، وتانى زول اسمو احمد يس دا اجمل زول الله يرحمو اتوفى كان فى اليمن ، وعم الزين برضو اتوفى فى اليمن عمى الزين دا كان عازف جيتار منناس الابيض واول بدايتو كان فى فرقة فنون كردفان وزول جميل برضواسمو بابكر مرحوم دا خال الفاتح حسين ، ولا الزول الفنان الاسمو الخزين ولا عوض نبقة ديل كلهن ما بعر ف عن اخبارهم الا النذر اليسير
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: bayan)
|
وال حاجة عبد الله تربيع بقى داعية مع ناس التكفيروالهجرة ، عمار خلص المعهد واشتغل فى التلفزيون ، وابو سوار معيد فى (الكلية)معهد الموسيقى والمسرح بعدين هو مؤتمر وطنى وما اول زول كان ياذن فى مالطة اقصد المعهد ، السر السيد عملا قباله فى سنه اولى وبعد فترة خلا القصة وبقى يصلى بس بدون ما ياذن ، بعدين يا ستى وحاتك ما عندى حساب فى بنك لانى ما عندى القروش البختوها فى البنك رزق اليوم باليوم شفتى كيف ؟
| |
|
|
|
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
بدرالدين السمح من اطرف واجمل الشخصيات الجمالية فى المعهد ،بدر الدين دفع الله ،الله عليهو، كان لمن البص يجى الصباح فى المحطة ، من يقعد ببدا يغنى لغاية ما نصل المعهد الوكت داك المعهد اكن فى العمارات شارع سبعة وخمسين ، والغنا جميل كانوا بتناوبو فيهو هو وعثمان سنط ، بدر الدين حسب ما بعر فما بلعب عود ، فعثمان عندو العود او بنتمها صفقة زى ما قال طارق كبلو مرة فى البيت كان عندنا حفلة ، وغنى فيها عبد القادر سالم وسبت عثمان والله يرحمو حيدر حدربى ، بتاع الايقاع ما جا فتمينا الايقاع صفقة ، قام طارق كبلو لمن الحفلة انتهت قال لى امشى عاملين حفلتكن التامنها صفقة دى ، داك يوم كان جميل شديد كان حاضر المرحوم حامد عبد الرؤوف ، المهم كان يوم جميل ، ارجع ليك لى بدر الدين ، عمتى بتحب الاصدقاء جدا الفرقة اعنى ، فكانوا مرات بجوا عندى فى البيت ، يوم زواج حسان اخوى جا بدر الدين عمل حفلة الحنه ، الزولة دى بكت جنس بكا ,وهى كسلانه ما بتدور تخدم قامت عملت العشا لبدر الدين ومحمد نعيم وامير عبد الله وجعفر سعيد، بدر الدين غنى لمن الدلوكة اتشرطت ، ومن الساعة تسعة لمن الاذان قال الله واكبر ، بدر الدين السمح ، كان بعمل حاجات لذيذة فى محطة التلفزيون الاهلية مع عميرى وعبد الحكيم والسنى ، اكتر الاشياء الجميلة العملا بدر الدين فى التلفزيون كانت فى محطة التلفزيون الاهلية
| |
|
|
|
|
|
|
| |
سلمى الشيخ سلامة
Abdulbagi Mohammed
bayan
زهير عثمان حمد
محمد عكاشة
محمد سنى دفع الله
عمار عبدالله عبدالرحمن
الفاتح يسن
على عمر على
صديق الموج
عبدالله الشقليني
Sabah Hussein
abubakr
Soumeta
munswor almophtah
Rihab Khalifa
علي طاهر
woroorrook
الجندرية
فيس بوك
تويتر
انستقرام
يوتيوب
بنتيريست