|
|
|
 Re: نادية السر ( وتقرب بينا مسافات كنا بنمشيها مشاوير ) (Re: خضر حسين خليل)
|
.
خضر وينك إنت ياخي
إنت بتعمل كدا ليه
و تخلينا نشتاق ليك
يازول الخرطوم دي ما عندك حل
غير إنك تعيش فيها و ما تعيشها،
أما فيما يخص صاحبتنا بت السر
هي دفعتني أتذكر اول لقاء بيني
وبينها وكان عبر الهاتف :
Quote: عند بداية طرح تفاصيل مرض غادة نوري علي المنبر
وكان الاستاذ علي عجب قد فتح بوست نزّل فيه السيرة
المرضيية لها، في تلك الايام تلقيت محادثة تلفونية
من شابة سودانية لا اعرفها كانت تسأل عن غادة نوري وعن صحتها
و عندما عرّفت عن نفسها تأكدت تماماً من أنها لا صلة لها بغادة .
اكثر ما لفت نظري مدي تأثرها بالموضوع ولهفتها علي غادة .
نقلت لها بعض المعلومات و ذكرت لي بأنها سوف تذهب لملاقات غادة .
كانت نادية السر .
|
فعلاً ذهبت و لاقت غادة
و إتصلت بي مرة أخري تطرح كمية من الحلول
و مرت الأيام فكان أن تكونت بزرة شباب الأمل
منها وأخريات .
ما أروعهن ...
ودي
م.كرفس
| |
 
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: معاوية كرفس)
|
كرفس :
ثالث الاثنين :
أخبار لياليك ونهاراتك ياصاحبي
فعلاً الخرطوم أمرها عجيب
وكلامك صاح تعيش وماتعيش فيها
أو تعيش وتاخد غيرها ......
متزكر كلامك لي ياكرفس لامين كنا بنطرأ
سيرة الناس العرفناهم أيام الحملة
فعلاً جميلين للغاية كلهم ولا أستثني منهم
أحداً علي قول صديقنا مظفر النواب
أها ياصاحبي الكلام داك كان حارق حشاي
حبيت أكتبو هنا بالموجود من المفردات التي
لا تعين ساعة الحوجة
خليك قريب وجدع معاي في سيرة البت الحليب دي
................
خضر
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: هشام المجمر)
|
ولي من المشاوير التي امشسيها مع ناديه عن طريق الكلمه خالقة الشعور الكثير..
جغرافيا لست محظوظه مثلكم..فارافقها من الحله الجديده حتي امدرمان او بحري..اسعي معها لأحياء
باب امل هنا او هناك..
ولكني مشيت معها مشواير بقلبي..فأحببتها كثيرا..
أحببت حبها للخير ونشاطها وقدرتها علي مواجهة المتاعب بقوة الواثق من نفسه ومما يفعل..
التحيه لناديه السر ولكل زميلاتي القادرات علي رفع أصواتهن بآرائهن..وعلي الوقوف صامدات..
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: Muna Khugali)
|
مني خوجلي :
إذيك يا جميلة
تفتقدك الخرطوم بكامل نهاراتها المولعة هذه الايام
حر حر حر قال ثم من قال : حر شديد يامني
وبالرغم من ذلك نحاول أن نجد براحات وواحات نوعاً ما
تنجينا فنلوز بنادية وبمثيلاتها من الجميلات المدهشات
السوايات وما حداثات .....
نادية نموزج جيد للنساء الرائعات النساويين ( الـ ولا
دستة رجال)
شكراً مني مع الامنيات أن تتوفق خطاك بمصادفتها والمشي
معها ( الحجل بالرجل) وكتف كتف
..........
خضر
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: خضر حسين خليل)
|
.
متزكرا كويس ونستنا عن شباب الأمل
و متزكرو كويس حبنا ليهم دون فرز
هم شباب ولا أي شباب
يسدو عين الشمس
طنطبق عليهم كل ما جاددت
به شاعرية أهلنا السودانيين
عن الكرم و حب الغير و الشجاعة
و المروءة .
كدي يا صحبي شوف أختنا سناء جعفر
قالت شنو عن البت دي
Quote:
نادية السر ...
تعرفي انك زولة غشاشة ؟؟؟
اي والله ...
لمن اتلاقينا اول وآخر مرة لقيت نفسي باتامل انثى رقيقة جدا ...
خجلت من نفسي قدامك ... صوتك الناعم ... كلامك البجي اعلى من الهمس بشوية ...
طلتك المشرقة ...
افتكرتك بت هشة ومدلعة ونوع لو قالوا ليه ( وهـ ) بيغمى عليها ...
فوجئت بيك (انسانة) جسورة ... محاربة في سبيل الحق ...ما بتهابي ولا بتتراجعي ..
لقيتك ( انثى ) ( ارجل) من رجال كتار...
وهسة انا مبسوطة لاني اتغشيت فيك ...
يا ناس حملة الامل .... ما تخلوا اي شئ في الدنيا يطفي شموعكم ....
ثقتنا فيكم ما ليها حدود ....
|
ودي لكم دون فرز
م.كرفس
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: خضر حسين خليل)
|
Quote: كمال :
إزيك ياصديق المسافات
وكيف هي الدوحة في هذا النهار
لدي أغنية لتجربة شاب ولحنها
صديقنا أشرف بصوته فياريتك تجي تسمعها
هنا في واحدة من الحيشان ذات أمسية نرتب تفاصيلها
كيفما نتفق ... يقول فيها
دقسن خطاك معترة
والنيل قصادك ما وراك
وبي قفاك حاجات
كتيرة بتشبهك
أرأيت ياصديقي
...
خضر |
صديقي خضر حسين
زمان والله ياحيشان
بجي قريب وإمكن الواحد يسمعا في حوش ناس متوكل مبارك الوسيع داك
والله كمان وحشوني ناس حذيفة وخالد عمر وصاحبك صفوت صلاح
خلينا في البنية دي
بالله لسا الناس بتلد بنات من النوع ده
ياخي تحية ليها
وربنا يرجعنا لي إيام البنات الجسورات
والشعب الجسور زاتو
سلم لي عليها
وقول ليها:
خضر ده عجبو صعب
ونفسو نقية
وده يعني إنتي عظيمة فعلاً
محبتي
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: معاوية كرفس)
|
كرفس :
مثلاً
ذات بلاد خائبة لانستطيع إمساك أطرافها الا ساعات الليل
تحدثنا طويلاً عن جامبول وأكيج ( صاحبة أجمل مسكول)
وكثيرات بحجم مشاريع الامل ..... هكذا نحن يابني آدم يابراك
علي قول عاطف خيري لانمل من ( رصد) الجمال نتتبعه ممهما كلفتنا
من خطاوي ... ياخ داير أكتب عنهن لكني سأنتظر طرف الخيط
خيط جامبول وخيوط أخري نجرجر من خلالهن علي الاقل بن بن وحلاق
وملايين المشردين في أوطانهم .
ياخ أنا مبسوط شديد
وشكراً للنك الحفظ
.........
خضر
| |
|
|
|
|
|
|
|
|
 Re: نادية السر ( وتقرب بينا مسافات كنا بنمشيها مشاوير ) (Re: GamarBoBa)
|
صديقى الغالى خضر ,
الاعزاء حقا و صدقا ,,,,
ريهان الشاذلى
معاوية كرفس
عاصم ابوبكر
طلال عفيفى
رجاء
خالد العبيد
بيان
هشام المجمر
منى خوجلى
ملكة سبأ
كمال على الزين
انعام عبد الحفيظ
دينق
عبدالمنعم سليمان
صباح احمد
نهال الطيب
قمر بوبا
كلماتكم الجميلة النبيلة فى حقى ماهى الا انعكاسات لدواخل هى قطعا اجمل و انبل !
سعادتى لا توصف بما تكنون لى من صدق احساس اجدنى اقف حياله عاجزة و لا املك سوى عميق الحب و صافى المودة ابثها لكم عسى ان (تقرب بينا مسافات كنا بنمشيها مشاوير )
صديقى خضر اكرر لك عميق مودتى !
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: محمد سنى دفع الله)
|
محمد السني دفع الله
كلما تزكرتك تزكرت تلفزيوننا جيراننا الاربعتاشر بوصة أبيض وأسود
( لم تكن كهرباء خزان الرصيرص ساعتئذ قد دخلت حلتنا المليئة بالفقراء)
كنتم تملأؤن سواد تلك الشاشة ببياض نيتكم وصفاء سريرتكم كان المسرح
حينها مدرسة تعلمنا ما تفشل فيه المدراس .. سال حزننا علي فقدكم جداً
يشهد الله ..
يا السني ... أنا سعيد لتفقدك إثر الجمال ونادية كذلك بلا شك
نورت البوست والله
.......
خضر
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: Elmosley)
|
الموصلي
شيخ الموسيقيين هكذا أراك بقلبي فلا تكترث
قبل قليل كنت إستمع لطفل العالم الثالث
أوجعتوني ثلاثتكم مصطفي الذي ذهب قبال يوم
شكرو ووردي الذي ذهب قبال يشكرو شعبنا
وأنت هناك بعيداً .... الحاصل شنو
أما بخصوص القنديلة نادية فهي تشبه كثيراً
أستاذي فنارات المواني كمعالم يهتدي بها
العابرون وأبناء السبيل من أمثالنا
هي كذلك أقسم أقسم أقسم
شكراً عزيزي وأنت معنا هنا
..........
خضر
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: خضر حسين خليل)
|
والله يا خضر
يا ام لسان اغلف بقيت تعرف تتكلم عربي مع بنات الخرطوم
يا قمر بوبا ( موسى ) تعال شوف خضر
أنا بتذكر شكلك لمن كنت بتقود المظاهرات في ابوراقي
ابوراقي تبايع ميمد سالي
الابنة العزيزة
نادية السر
قابلتها أيام حملة الامل وغادة نوري
أرفع القبعة وانحني تحية لهذه الانسانة الرقيقة
يا نادية يا بتي
لازم تتعلمي الرطانة
ومسكاقمي
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: Ishraga Haimoura)
|
إشراقة
أم عيون أربعة وأم سلمي وأخت قلبي ودمي
والله ياصديقتي كما قلتي نادية بت سودانية وجدعة زيها زيك وزي
كتيرات فاجأؤني في سودان المشروع الحضاري وإعادة صياغة الشخصية
السودانية ومشاريع الوهم الكانت بتهدف لوأد مشاريع الامل والنفرة
ونجدة المحتاج ... أدهشتموني جداً علي البنية الحليب ديك
.............
خضر
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: خضر حسين خليل)
|
خضر ...
نشفتا ريقنا .. وطلعت زيتنا ؟؟؟
Quote: بنت من بنات الحلة الجديدة هادئة السحنات جميلة للحد اللا محدود تمشي
الهوينا كما يمشي الوجي الوحل ومن ثم تمشي لمشاوير لاتنجب سوي الخير
ولا تنتمي الا لعوالم الجمال وتلك مشاوير خطاها ....................
خطاها الواثقة في الغد الآتي
أما عن سني حياتها فأقل من عطائها كثيراً , هكذا تمت المعرفة بيننا
ثم كان ما كان من أمر الانسان .
خلف عدساتها الطبية تكمن تفاصيل وتفاصيل لا يحس بها سوي الذين لديهم
قدرة علي إستنطاق الجمال ( وفلان الفلاني ) وأنا وكثيرون من محبي الحياة
كنا من مغتصبي إنسان شبكيتها وهكذا إنتمينا لعدساتها الطبية ولنا فيها
مآرب أخري لاتخرج جميعها من نطاق الدهشة في زمن فقد ملامح الاندهاش . |
ونجهت الإنسانة .. نادية ..لها ولك التحية
سعدت بالتعرف علي هذة الإنسانة .. عندما احتجت لأتصال عاجل
من لجنه الداخل.. فكانت هي .. رنة الهاتف .. المدفوعة بحب الخير..
.. واكتملت دهشتي يا خضر .. ومازلت فاغرا فاهي
( يعني منشدهاوليس مندهشا)
طلال .. تحياتي
Quote: أول إنطباعي عنها إنها إنسانة مريحة ،
وبعد كده لقيتا زولة في منتهى الجمال ..
مثقفة ولطيفة وزي ما بيقولوا دمها حار
وما بتحب الحال المايل .. |
ما تحب الحال المايل .... هنا عظمتها ..
لها كل تقدير ..وهي تواصل عطاء بلا حدود
فقط دعونا مندهشين
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: ahmed haneen)
|
العزيز احمد حنين,
سعدت بان جمعتنى بك احدى دروب الانسانية حملة لاهلنا فى دارفور و افخر بك و بكل بورداب الرياض و اشد على اياديكم فردا فردا يقينى ان ما جمعنا هو حب الخير و الجمال فلنسعد برفقتنا دوما هنا و هناك !
يا احمد اصحابى خضر و طلال ديل ناس فنانين شديد و ببالغوا مرات مرات فى الوصف و ده راجع لان دواخلهم بتفيض بالجمال و نالنى منها الكثير الوفير و انا ممتنة و سعيدة بيهم و بيك!
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: ahmed haneen)
|
ويشهد من عرفوها من الناس
يا أحمد ياحنين بأني لم أقل
في حقها عشر ما تملك من مودة
بالامس كادت الدنيا كعادتها أن
تفعل بي أفاعيلها لم أجد من يماسكني
إتصلت بنادية الجدعة كانت بذات الابتسامة
النضرة حدثتني عن يومهم الاخير واحتفائهم
بوليد دارفور سألته عن أجمل أصدقائنا المشتركين
أزهري صاحب القلب الحبوب ياااااه هذه البنت
الحليب تخرجك من قلب الحزن لقمة البهجة والمسرة
هذه خصائص يزرعها الله في عباده الجميلين وبالطبع
نادية إحداهن بالتأكيد .
حأجيك يانادية بمزاج
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: خضر حسين خليل)
|
والله الا كان نشارك ..
سمعنا عن البنيه كتير والليلة قرينا الكتير
ومن موقعنا يا نادية السر نقول ليك ربنا
يحفظك ويخليك ويقدرك دوما على فعل الخير ...
قدرك انك سودانية ونحن كمان وياريت تسنح
احوالنا وتلاقينا بيك عشان نكمل الدائرة
هنيئا لنا بك وهنيئا لك بما اعطاك الله ..
دمت يا بت الحله الجديده ..
شكرا ليك يا خدر للفرصة الجميلة وتعريفنا
بعقد الامل المتفرد ...
______________
كلو الا عبدالمنعم صاحبى ده
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: celecon)
|
celecon
إزيك ياخي وكتر خيرك علي مجادعتك معانا في
سيرة البت الحليب دي .... ( هسي ناس منعم
ديل يقولو الزول دة مكسر فيها) وشن طعم
الكسير ذاتو لو ما إتسكسرت في نادية دي
المهم ياخ أنا سعيد بلا حدود بتواجدك معنا
في خيط المحبة هذه بس رجاءً ما تكتر لينا
من سيرة منعم دة أعوذ و بالله زول عجيب دة
ياخ
| |
|
|
|
|
|
|
|
|
|
Re: نادية السر ( وتقرب بينا مسافات كنا بنمشيها مشاوير ) (Re: خضر حسين خليل)
|
سلام و تحايا..
تشـرفت بمقابلتها في حفل غادة نوري بواسطـة الأخت إنعام حيمورة,,و كانت واحدة من حملة مشاعل الأمل في ذلك اليوم..
رغم أن المقابلة اسغرقت بضع دقائق بسبب الأزدحام , إلا أنها أوحت بطيب أصلها و أصالة معدنها..
كما أنها من سكـان الصحافة سابقـا كما قالت ,,ً إن لم تخني الذاكـرة 
مش كـده؟؟
تحياتي..
| |
|
|
|
|
|
|
| |
خضر حسين خليل
ريهان الريح الشاذلي
معاوية كرفس
عاصم ابوبكر حامد
طلال عفيفي
Raja
خالد العبيد
bayan
هشام المجمر
Muna Khugali
ملكة سبأ
كمال علي الزين
انعام عبد الحفيظ
Deng
عبد المنعم سليمان
صباح احمد
نهال الطيب
GamarBoBa
Elmosley
محمد سنى دفع الله
انعام حيمورة
Ishraga Haimoura
السمؤال بدرالدين
AmroKamal
معتصم دفع الله
ahmed haneen
Alsa7afa_30
Giwey
فيس بوك
تويتر
انستقرام
يوتيوب
بنتيريست