لو كنت راجل .... توجد ( مواقف وصور) !!!!

Quote: انت عارفة الحكومة دى صغرت الرجال ومرمرت بيهم الارض وبقوا ناس معايش بس

Quote: بوست الاراء المطروحة تعطيك احساس اه نتاج مواقف شخصية

Quote: مابين السطور يحمل معنى واحدا .... أرجوا أن أكون قد أخطأت فى قرأءة مابين السطور ...

Quote: والله يا فى نساء كتار ارجل من الرجال

Quote: عمر الشخصية الرجولية لم ترتبط بالاذلال او المهانه .. او كما قيل ..!!! ___

Quote: لو كنت راجل كان ممكن أشتغل ( كابتن طيران) لإحساسي إنها مهنة راقية ومتتعة جداً وماعارفة ليه في السودان ماشايفة لي سيدة ( كابتن طيار) ؟ حلم مشروع !

Quote: لو كنت راجل كان ممكن أشتغل ( كابتن طيران) لإحساسي إنها مهنة راقية ومتتعة جداً وماعارفة ليه في السودان ماشايفة لي سيدة ( كابتن طيار) ؟

Quote: انت عارفة الحكومة دى صغرت الرجال ومرمرت بيهم الارض وبقوا ناس معايش بس

Quote: الحرم نموذج لابد ان اكتب عنه مطولا ففي الذاكرة مخزون ماهل من حكايا وأفعال الحرم بت بتول...وهي عندي تعدل جيش رجال...

Quote: تعرفي يا نادية يا أختي .. حسب وجهة نظر ي .. هناك مواقف كتيرة جدا بتتطلب منك تكوني راجل في لحظتها فقط .. يعني تمر بيك ظروف تخليك تقومي بواجب الراجل .. وده طبعاً عن رضاء ..

Quote: الود دا مشكلتو مع ( الأنا) شنو !!؟

Quote: جنون المبدعين ما عندو حل نهائي..(تلج مكعبات..إنتو من زمن كسير التلج؟؟)

Quote: عندي احساس كده لو كنتى راجل كان اخدوك ناس التجنيد الاجباري زمان ... يارجعتي ويامارجعتي ؟!! لو رجعتي خير وبركة ولو مارجعتي البوست ده ماكان اتكتب ...

Quote: يا اماني يا فردة اول طريق التعاسة عدم وجود سقف للطموحات و الآمال . . تصدقي .

Quote: إنك تسافري أمريكا يا أماني الزمن دا بقت عادية وما محتاجة إنك تكوني راجل، وبالمناسبة أمريكا أمان أكثر من السودان للبنات

Quote: موضوع أمريكا ده مجرّد مثال لأنه في مهنتنا الأمريكان توب التوب :) الحبيت أشرحو انو العمر اللي ممكن الواحده فيهو تنجز أكاديميا ومهنيا وتختار الأفضل لدراستها وعملها, بتكون مقيّده فيهو بضرورة تكوين بيت وأسره, ضرورة قبول زوج في اطار زمني معين ومن ثم مهامها البيولوجي بتثنيها عن اتخاذ القرار السليم مهنيا .. وغالبا بتتعطل مهنيا لمصلحة حسابات أسريه .. علي عكس الرجال, البنات هم اللي بيأقلمو حياتهم علي حياة أزواجهم غالبا .. في حين الرجال بيرسموا ويحلموا ويقرروا بحريه مقارنه بالنساء .. فهمتني؟

Quote: 3) بعد الزواج، الراجل هو المسئول الوحيد عن إعالة الأسرة، وحتى ولو زوجته بتشتغل، قروشها بدكنها لي نفسها، ومعظم الأزواج السودانيين

صاحبن لينا معرّف الزواج كالآتي : " علاقة بين اتنين ، واحد بدفع و التاني لا . و الغريبة الما بدفع عامل فيها سيد البيت ! "




-------------

يا اماني امسكي في مداخلة النذير دي قوي ، و اقريها بعقل و قلب مفتوح . .
اها انا القدامك دا متخرج لي 12 سنة ، و لي اسي دي امي و متعذر بمكنة الجندر دي . .
اسي لو كنت بت ما كان ختيت لي ( د ) قدام اسمي ؟ كان بقيت ( دقيقة * ) عديل . .
باقي ليك بتقسّم ؟

اقول ليك ؟

تبدلي ؟

شايف نادية عملت رايحة

تحياتي ليكم كووووووووول@كم

Quote: أحلامي عندها حدود أكبر من حدودي التانيه المصدرها اني بني ادم !!

Quote: لازم بعد ما يتخرج من السودان يقضي الخدمة الإلزامية لمدة عام، وممكن تروح فيها لو قامت حرب، فى حين إنو البنات ممكن يشتغلوا طوالي.

شكلك يالنذير طوّلت من السودان,
الخدمه الوطنيه الزاميه علي البنات برضو, ومافي شهادات مالم يتم انجازها بعد التخرج,
انسه, متزوجه, بي أطفال أو بدون ما بغير شئ, المهم سنه خدمه يعني سنه خدمه,

Quote: فى حين إنو البنات لأ فى حتة العرس دي هى اللي بتقرر إنها تتزوج هسى وللأ تأجلو وما فى زول بسألها، وبالعكس بفرحوا الأهل لزواجها المبكر وأخوها المسكين لأنو راجل لازم يساعد كمان فى تكاليف زواجها، ولو حصلت أي مصيبة تانية مثل علاج خارج السودان، الراجل المسكين التعيس

في دي برضو طوّلت من السودان,
النذير أخوي البنات هسي هم الشايلات بيوت أهلهم,
الواحده بتكون شغّاله وبتساعد أهلها وداخله صناديق عشان تغيير حاجات في البيت,
وبتعمل مشاوير البيت, ولو في بناء هي البتقيف فيهو كمان,
أنا ما بقلل من دور الرجال في البيت, لكن صدقني الزمن اتغير,
وحكاية البت دورها جوه البيت والراجل دوره بره دي انتهت زمان,
حتي المتزوجين "بتكلم عن داخل السودان لأنه الظاهر المغتربين الموضوع عندهم مختلف",
الزوجه والزوج الاتنين لو شغالين بيتعاونوا في مسئولية البيت,
تعاون تلقائي وطبيعي, لأنه ما ممكن الواحده تحس انو بيتها ناقصاهو شئ وما تتمها ,

Quote: حكاية تأقلم الزوجات على هوى أزواجهم دي، برضو إنتهت زمان، وبالعكس الأزواج هم يتمنون أن تكون زوجاتهم طموحات وعاملات، على الأقل

والله يالنذير نادر جدا تلقي زوج بيدعم زوجته عشان تتقدم مهنيا وأكاديميا,
من مرحلة هي عندها طموح وحتوقفوا وتتزوج وتجيب عيال وتاني تبقي ما عندها راس وبال فاضي عشان تنجز,
وكمان تحصر نفسها في مساحه محدوده هي محيط زوجها وما تفكر تمرق بره أو تختار الأحسن لمهنتها,
أنا بتكلم عن الواقع الحواليني, زميلاتي في الشغل كلّهم كانوا نشيطات جدا ومنجزات قبل الزواج,
بعد الزواج شغالين بنص تركيز واللي لحقت عملت ماستر, تاني الدكتوراه الا تتعمل براها
ومرات بيجوا بعد الخمسين وأولادهم يكبروا يحاولوا يكملوا تحضير, طبعا هي خطوه شجاعه وجميله,
لكن وهي في العمر ده الفايده شنو لو عملت ديقري وطلعت المعاش؟
صدقني يالنذير الراجل الزواج بيخليهو أكثر استقرارا وانجازا في عمله وما بقيف أصلو زي ما قلت,
لكن البت الزواج بيلغي جزء كبير من أحلامها وبترجع كأنها اتزوجت بعد المدرسه من غير دراسه ولا جامعه ولا تعب ولا وجع قلب وسهر ومجهود,
والدليل أوائل الشهاده السودانيه من البنات, بنسمع أساميهم في التلفزيون وتاني ما بنعرفهم بيمشوا وين !!
ولا بنسمع ليهم بانجازات, والحالات الشاذه نسبتها ضئيله من واقع مشاهدتي ..

نرجع لي اقتباسي ده:

Quote: أحلامي عندها حدود أكبر من حدودي التانيه المصدرها اني بني ادم !!

كتير من العقبات بتواجه البني ادم في تحقيق أحلامه لأنه "بني ادم" لكن انك تكون بت وفي مجتمع شرقي,
فدي Limitation تانيه كبيره وسقف اخر للطموحات ..

-------
خارج النص:
النذير وود الجعلي بتقطعوا فيني وأنا مافيشه ليه :)

النذير صديقي:
أنا شاكره ليك جدا حسن ظنك فيني,
والكلام الجميل الكتبته في حقي,
"اللهم اجعلني خيرا مما يظنون، واغفر لي ما لا يعلمون، ولا تؤاخذني بما يقولون".

علي فكره كلمة السر: لاقيت سمارت-انا لما جات الخرطوم في اجازتها الأخيره :)

جزيل الشكر,,

(عدل بواسطة Amany Elamin on 12-31-2009, 11:08 AM)

Quote: البوست ده فيهو زي مليار سطر أخي العزيز فمعليش ممكن أفهم شنو المعنى الواحد البتقصدو ولا المداخلة دي رداً على مداخلات بعينها للزملاء والزميلات ولا فحوى البوست بكامله ولا شنو مافهمت ياي الدين أخوي وليك الشكر مقدماً؟ وكن بألف خير

Quote: ياسلام على سودانيز أون لاين لما نتعلم منها كيفية إدارة الحوارات بالشكل الموضوعي والعقلاني والمثمر ده ياخ أقول ليكم شئ ؟ البوست ده أنا دفعتو ليكم ياتقنعوا أماني بالسفر لأمريكا ياتفهموا وجهة نظر هاجر يا مريم بت الحسين تقدم معاي لأكاديمية الطيران بتاعة أبو محمد طه الحبر ونلبس يونفورمات طيارين سوة ونطير مع أماني أمريكا ( وش مبسوووووط وفرحان منكم )

شكراً ليك إنت يا أستاذتنا الجميلة خلقة وأخلاق، وعلى هذا الكرم الحاتمي، والله كنتا متحسس شوية وقلتا ولو
إنت ما جيت ما ح أرد على زول، وأخوك زول لاجيء بوستات كبير وبتحاوم فى بوستات الناس، وتعرفي أنا من سنة 2006
هنا ما فتحت غير تلاتة بوستات أي بمعدل أقل من بوست لكل سنة.

وبمناسبة محمد الحبر الكباشي، والله يا ندوية الزول دا ما تأملي عليهو كتير، ناس الحبر الكباشي ديل ناس
صوفية وبتاعين مدائح وطار ساي، أبو حميد دا ما أظنو قاصد ليك طيارة أظنو قاصد ليك طار بتاع مديح وتتخرجي منو مداحة
وتجهجهي معاك ناس أماني وهاجر ومريم

(عدل بواسطة النذير حجازي on 12-31-2009, 11:44 PM)

Quote: والله في دي يا قيقراوي كتلتني من الضحك، ياخي أنت شكلك كدا ممكون صابر لوول ويا قيقراوي شكلك كدا ما مرت عليك نكتة خطبة المسطول فى "اليوم العالمي للمرأة"؟!

و التبريرية و لعب دور الضحية هي الطامة الكبرى ، يعني نخلي الموضوعي و نتمسك بتطمين غريب و فطير ؟!
بت الحسين اضافت - عن غير قصد - سبب جديد ، " جوليا روبرتس " ايقونة جميلة و رمز اسطوري ما قلنا حاجة ،مع انها كانت تمثيل ساي . لكن التماهي في الرموز دا ما مشكلة ؟ هل تحقيق الذات فرض كفاية و ترف ؟! مش هو قمة هرم ماسلو ؟

غايتو الكونكولشن الوحيدة البتخشخش في كنكوجي دا ، انو اي زول مميز ، و لا اعذار . . على قدر اهل العزم تأتي العزائم ، الكل مكن ينجز كل شئ
اسي شوف لا نادية قبلت تبدل و لا اماني لما الكلام دخل الحوش . . تفتكر ليه ؟
ياخ كرمشتن مشاعري بالمناسبة يعني امشي اشوف الناس الببدلوا بالعدة ديلاك و لا كيف ؟
لوووووووول انا ذاتي ما ببادل . . . و لنفس سببكن الح تكلمن بيهو النذير لاحقاً او تحتفظن بيهو عندكن . .
يا ست الدار كان مريتي بموقف احتاج منك تطقطقي ليك زول اصلك ما تتلفتي ، كمان كان هو هنا ؟ خلينا نتفاوض على السعر انا بقوم بالمهمة عنك و كلوا بحسابو، و يا اماني بطلي لولولة و قومي على البتاع ** القلتوهو فوق دا ساي ، ما بحلك انك ما راجل .


----------------

* كان في بزنس عندنا دكتور هندي مكجني ليك و طوالي ينبزني ليك باني " انجوينغ ماي تايم " . . المسكين قايل روحو بنبز فيا
** هو اسمو شنو الداهي داك ؟ . . و ضروري شديد يعني ؟ و الله كان كدا الـ Ph D دي صعبة خلاس !!! . . عشان كدا ما دايرنها دي عذاب ساي ! شي مساسقة في الخرتوم و الصين و آخرتا نمرقا في امريكا الما قريبة دييييييييييييييك !!
حالة اخير منها العرس

يا " ابوالنيز " - شفت رفع الكلف دا كيف ؟
- اماني تخصصها جهات البيطرة و الحيوان ما هندسة .
نكتة المسطول / يوم المرأة ما طقشت عيني / اضاني ، لكن في قصة التبديل دي ، يحكى انو في واحد كان بترددعلى ناس كدا عندهم جدن ليهم قديم و معتق ، ربابيكيا ؤ كدا ، يوم ما لقاهو قاعد " لما سأل عنو قالو ليهو بدلناهو بالجك دا ؟!
لوووووووول
يا نيزو بقي ليك انت كدا ما طفشت ود الجعلي لما " زعمت " - في بالك - انو اماني ( دفعتكم )

(عدل بواسطة قيقراوي on 01-01-2010, 01:57 PM)

Quote: وبالمناسبة يا أماني اسمارت دي أحسن مثال للمرأة المتزوجة الطموحة والتى لم يقف الزواج عائقاً لها أمام طموحاتها، ياخي دي متزوجة وشاتت الماستر فى أقل من سنة، تقولي منو وتقولي شنو؟! دي سمارت والأجر على الله، وعما قريب سنبارك لها الدكتوراة فى الهندسية المدنية، والله يطراها بالخير.

Quote: وبمناسبة محمد الحبر الكباشي، والله يا ندوية الزول دا ما تأملي عليهو كتير، ناس الحبر الكباشي ديل ناس صوفية وبتاعين مدائح وطار ساي، أبو حميد دا ما أظنو قاصد ليك طيارة أظنو قاصد ليك طار بتاع مديح وتتخرجي منو مداحة وتجهجهي معاك ناس أماني وهاجر ومريم

تحياتي لك ولناديه بت عثمان


ودالحبر

Quote: ( ال ما بيخاف من مرتو ما راجل )

(عدل بواسطة saif massad ali on 01-11-2010, 03:20 PM)

Quote: مثال نموذجي للمرأه اللي جمعت بين الزواج والنجاح :) ماشاء الله, عارف السبب شنو في رأيي يالنذير, غير اصرارها وتفوقها ومجهودها؟ انها عندها زوج داعم بشده لنجاحها, معاون ومتفهم مشجّع, مثال لزوج نادر, ما وقف في طريقها, بالعكس دعمها ووقف معاها في طريق نجاحها ..

Quote: بغض النظر عن الشخصية بعينها، هو دة المحك،، الواحدة ما ممكن تنجح (فى ظل راجل) إلا لو الراجل دة دعمها، أضعف الإيمان إنو يخليها تنظم أمورها بمعرفتها،، ما يكسرها و يكسلها و يسعى لهدم طموحاتها،،،،