Post: #1 Title: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 03:57 PM
رغم إعتزازي بنوعي الخلقني عليهو ربنا والمكتوب في جواز سفري ( أنثى)
لكن ونسبة لمواقف كتيرة بشوفها في دنيا الرجال بلاقي نفسي أتخيل هسة لو كنت ( راجل)
كنت راح أتصرف كيف وأتعامل كيف في المواقف الفلانية الكذا وكذا وكذا مثلاً ؟!
ده سؤال بل أسئلة كتيرة بحاول أجاوب على بعضها
وبعضها يجاوبوا عليه رجال المنبر ونسائه الكريمات سمح ؟
يلا أول حاجة لو ( وأعوذ بالله من كلمة لو ) لو كنت ( راجل)
كنت أتمنى يكون إسمي ( أحمد عثمان مختار) !
إسم أحمد محبب لدي لانه إسم خالي الحبيب وكمان إسم أستاذي العزيز
وقبل وبعد كل ذلك ( أحمد) هو وأحد من أسماء رسولنا الكريم محمد صلى الله عليه وسلم
يتبع ,,
Post: #2 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 04:01 PM Parent: #1
في مثل (سخيف) بيقولوا فيه
( ضل راجل ولا ضل حيطة ) !!
أها أنا لو كنت راجل معقولة أقبل أتساوى بالحيطة ؟!
طبعا مليون لا !
Post: #4 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 04:07 PM Parent: #2
لو كنت راجل كان ممكن أشتغل ( كابتن طيران) لإحساسي إنها مهنة راقية ومتتعة جداً
وماعارفة ليه في السودان ماشايفة لي سيدة ( كابتن طيار) ؟
حلم مشروع !
Post: #21 Title: Re: لو كنت راجل .... توجد ( مواقف وصور) !!!! Author: محمد طه الحبر Date: 12-29-2009, 05:30 PM Parent: #4
لوووووول يا ندويه
القاليك منو مافي سيده كابتن طيار
أول كابتن سودانيه إتدربت سنه 2004 علي يد والدي
وهسه في 2 عملن تايب ريتنج لطائره الأيرباص airbus 300
إذا عندك الرغبه تدرسي تعالي لي في الأكاديميه
كامل تقديري
Post: #45 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 09:31 PM Parent: #21
محمد طه الحبر
حبابك
Quote: إذا عندك الرغبه تدرسي تعالي لي في الأكاديميه
عندي الرغبة أكيد لكن أجيك أنت ولا أجي للوالد في الأكاديمية لكنها بتفرق ولا شنو ؟
ولا قصدك راح تتوسط لي للوالد ؟
عارفاك مابتقصر تسلم ياحبوب
وكن بخير
Post: #90 Title: Re: لو كنت راجل .... توجد ( مواقف وصور) !!!! Author: hammama Date: 12-30-2009, 01:08 PM Parent: #4
Quote: لو كنت راجل كان ممكن أشتغل ( كابتن طيران) لإحساسي إنها مهنة راقية ومتتعة جداً
اكيد يا احمد كنتَ كسرت المضيفات كلهم وقيل بعض المسافرات وكان حيعملو في الاعلان عن اقلاع الطائرة " يحييكم كابتن حمادة ويتمنى لكم امتع الرحلات )
تحياتي واحترامي
Post: #92 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 01:46 PM Parent: #90
حباب همام
Quote: اكيد يا احمد كنتَ كسرت المضيفات كلهم وقيل بعض المسافرات وكان حيعملو في الاعلان عن اقلاع الطائرة " يحييكم كابتن حمادة ويتمنى لكم امتع الرحلات )
بيني وبين كابتن حمادة كان رجّف ليك الطيارة والركاب ( جلي) بس وأكل المطبات الجوية زي الحلاوة( وش لوووول) !!
Post: #3 Title: Re: لو كنت راجل .... توجد ( مواقف وصور) !!!! Author: هاجر التهامي ياسين Date: 12-29-2009, 04:05 PM Parent: #1
الاخت نادية الحمدلله الما كنت راجل جنس راجلة الزمن دا وحليل زمن الرجال الكانو بيقولوا الكلمة ولو على رقابهم ما يتنازلوا عنها اسع يابت امي الرجال بقوا يخططوا للكلام البيقولوا ويكذبوا فيه. حليل زمن من قال من (اراد ان تثكله امه وييتم اولاده فليتبعنى وراء هذا الجبل) اسع الرجال جارين ورى الفقرى والدجل والشعوذة القطيعة وتلطيخ اشراف الناس ونسيوا انهم رجال. بجيك بوستك جميل وقع لي في جرح هاجر
Post: #5 Title: Re: لو كنت راجل .... توجد ( مواقف وصور) !!!! Author: Balla Musa Date: 12-29-2009, 04:08 PM Parent: #3
نادية وهاجر (ومن لف لفهن) <-----دى ودية
إنتن الحاميكن تبقن رجال شنو؟
Post: #9 Title: Re: لو كنت راجل .... توجد ( مواقف وصور) !!!! Author: جمال السنوسي Date: 12-29-2009, 04:19 PM Parent: #5
ناديتنا
يا زولة
معقولة بس تكوني راجل
كدي شوفي الصور دي
لا حولاااااااااا
Post: #16 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 04:37 PM Parent: #9
جمال السنونسي ؟
بركة ( الرجالتي) جابتك !
ههههههه
Quote: ناديتنا
يا زولة
معقولة بس تكوني راجل
كدي شوفي الصور دي
أها يعني إلا أبقى راجل عشان تجيب لي صوري دي ماقلت ليك رسلها لي في الإيميل وطنشت ؟
أها دي من فوائد الرجالة برضو صاح ؟ هههههه
ربنا يخليك ياجمال إنت إنسان نقي وجميل الدواخل
Post: #12 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 04:28 PM Parent: #5
د. بلة
سلامات وكيف الحال
Quote: إنتن الحاميكن تبقن رجال شنو؟
الله خلقنا نساء وراضيات بخلقه سبحانه وتعالى
لكن بنقول ( لو) ساي يعني مجرد تخيل كدا سمح ؟
وبعدين نبقى رجال كيف يعني ؟ ( وش ضاحك)
كن بألف خير
Post: #61 Title: Re: لو كنت راجل .... توجد ( مواقف وصور) !!!! Author: Hisham Osman Date: 12-29-2009, 11:08 PM Parent: #5
Post: #69 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 00:52 AM Parent: #61
هشام عثمان
حبابك
وأتمنى تكون قريت كل ردودي على د. بلة وفهمت فحوى البوست ومعناه
وكتر خيرك تسلم على المرور والف مرحب بيك دوام
كن بألف خير
Post: #6 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 04:13 PM Parent: #3
الأخت الحبيبة هاجر
حبابك ملايين
Quote: اسع الرجال جارين ورى الفقرى والدجل والشعوذة القطيعة وتلطيخ اشراف الناس ونسيوا انهم رجال. بجيك بوستك جميل وقع لي في جرح
ماكلهم ياهاجر
والله في رجال إتمنيت أكون راجل عشان أتشبه بيهم فعلاً وقولاً وشكلاً كمان !
صدقيني في رجال مفخرة بالجد وأولاد حلال مصفى ويتختوا على الجرح يبرأ
وأما ناس القطيعة وتلطيخ شرف بنات الناس
وغيره فديل هل يستحقوا يكونوا ناس من أساسو ناهيك عن رجل وامرأة ؟؟!
تبري من الجرح ياهاجر ووجودك يسعدني تعالي وإتوهطي الكتابة دواء الجروح سمح؟
Post: #14 Title: Re: لو كنت راجل .... توجد ( مواقف وصور) !!!! Author: Mahir Mohammed Salih Date: 12-29-2009, 04:30 PM Parent: #6
Quote: لو كنت راجل .... توجد ( مواقف وصور)
اما أعلاه فهى المواقف ،، فأين الصور يا تُرى ؟؟
غايتو لو حتجيبى صور رجال ،، مادايرين لو صور نسوان ،، ماعندنا مانع نشوفها
وذلك فقط عشان نقيّم ينفع يبقوا رجال والله لا وليسسسس لأى شىء آخر
يا أختى نادية ،، مالا الأنثوية ؟؟ عيبيهالى
ناعمات جميلات حنينات رفيقات بكايات مرغوبات
وكمان مرات
بيجننوا بيربكوا ييجهجهوا بيهبلوا
وفى بعض أحيان قليلة
بيشلتوا
على كل حال مرحباَ بكى فى عالم الرجال .
ماهر
Post: #17 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 04:50 PM Parent: #14
ماهر أخوي حبابك
Quote: يا أختى نادية ،، مالا الأنثوية ؟؟ عيبيهالى
ناعمات جميلات حنينات رفيقات بكايات مرغوبات
وكمان مرات
بيجننوا بيربكوا ييجهجهوا بيهبلوا
وفى بعض أحيان قليلة
بيشلتوا
الأنوثة مافيها عيب
أنا بتكلم على المواقف البسموها مواقف الرجال
في نساء أصلب كتير من الرجال في مواقفهم والعكس صحيح طبعا
لكن في رجال مواقفهم متخاذلة والمرأة
عموما بتحب الرجل صاحب المواقف الشجاعة والواضحة !
أنا لو كنت راجل كان بعمل كل جهدي أكون راجل دوغري ووأضح وصاحب مواقف مشرفة وقوية !
وأما الصور فهي ممكن تكون المواقف ذاتا !
وبرضو جمال السنوسي نزل صور مع انو مادي الصور المقصودة ( وش راجل)
Post: #7 Title: Re: لو كنت راجل .... توجد ( مواقف وصور) !!!! Author: الصادق صديق سلمان Date: 12-29-2009, 04:15 PM Parent: #3
استاذة نادية موضوعك قوي
الرجولة مواقف ومواقف ومواقف
Quote: حليل زمن من قال من (اراد ان تثكله امه وييتم اولاده فليتبعنى وراء هذا الجبل)
الرجولة كرم وشهامة وعفة لسان وشجاعة الرجولة اٌلإيمان بالشيء وعدم الحياد عنه مهما كان السبب
قصة حقيقية عندن جدنا في الجوير (منطقة غرب شندي) كان ومنذ ان حصل له موقف معين وهو في صباه قرر الا يلتفت ورائه مهما كان السبب, وبالفعل كان, هناك من جرب وضرب الرصاص الحي في ظهره ولكنه لم يعره أي انتباه, فهو راجل لأنه ثبت على مبدئه.
المثل الذي ضربته الأخت هاجر مثل لا مثيل له في الرجولة المثل الآخر مثلاً رجولة سيدنا ابوبكر الصديق رضي الله عنه التي كانت تمتاز بالحلم والحكمة.
اخيراً اقول الرجولة مواقف وثبات على المبدأ مهما كان صعباً
مثلاُ صبرك على زوجتك الحوامة او النوامة او الشكاية والبكاية يعتبر رجولة متناهية
أبومجتبى
Post: #19 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 05:14 PM Parent: #7
أخوي الصادق
حبابك
Quote: اخيراً اقول الرجولة مواقف وثبات على المبدأ مهما كان صعباً
جيتني في حتة مهمة شدددددديد !
الثبات على المبدأ مهما كان صعباً !!
ده الكلام الصاح بارك الله فيك يارب ,,
Post: #22 Title: Re: لو كنت راجل .... توجد ( مواقف وصور) !!!! Author: هاجر التهامي ياسين Date: 12-29-2009, 05:33 PM Parent: #7
اختنا نادية لك كل الود وشكرا على كلامك الجميل
اخونا ابو مجتبى
شكرا على التعليق
الرجاله شهامة ومروة واخلاق وثبات
ما عضلات وفرض شخصيات وكلام فضغاض
الزمن الحالي شفنا العجب
الرجال قوامون على النساء طيب ح تكون قوام كيف , وانت محتاج من يقومك, كل العندك كذب ونفاق وطبعا دا اصبح مشاع في عالم الرجال
اهم شيئ في الرجل الكلمة التي ينطق بها, لان شرف الرجل هو الكلمة.
فاذا كنت من غير كلمة ولست مسئول تجاه كلمتك فانت من غير شرف.
مع مودتي هاجر
Post: #48 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 09:41 PM Parent: #22
هاجر
حبابك
Quote: اهم شيئ في الرجل الكلمة التي ينطق بها, لان شرف الرجل هو الكلمة.
فاذا كنت من غير كلمة ولست مسئول تجاه كلمتك فانت من غير شرف.
ده كلام جميل جداً لكن مسئولية الكلمة شرف الرجل والمرأة على حد سواء
يعني أناامرأة ومابحب يقولوا ( كلام نسوان) على كلامي لانو الصدق في الكلام ماليهو جنس ونوع صاح ؟!
Post: #150 Title: Re: لو كنت راجل .... توجد ( مواقف وصور) !!!! Author: ابو مهند Date: 01-10-2010, 11:27 PM Parent: #7
اختي نادية مليون سلام وتحية
أنسانة ابسط ما يقال لو صاح اعز من النساوين الرجال أنثى ولا دستة يوجد هناك فهم خاطيء عند بعض حرائرنا وهو انهن يفتكرن ويتصرفن في اوقات كثيرة بندية و(محاكاة) للرجل, في اعتقادي ان الانُسه يمكن لها ان تفعل ما يفعله الرجل,,ولكن ان لا تنسى تركيبتها الخلقية(طبيعتها الانسويه التى حباها اياها الله) اخيرا= قال لها انتي خلقتي من ضلعي الايسر قالت له= وانا التي حملت و انجبتك ----------------------- كوني انسة واصنعي ملم يصنعه الرجال
Post: #8 Title: Re: لو كنت راجل .... توجد ( مواقف وصور) !!!! Author: Mohammed Haroun Date: 12-29-2009, 04:15 PM Parent: #1
Quote: رغم إعتزازي بنوعي الخلقني عليهو ربنا والمكتوب في جواز سفري ( أنثى)
لكن ونسبة لمواقف كتيرة بشوفها في دنيا الرجال بلاقي نفسي أتخيل هسة لو كنت ( راجل)
أستاذة نادية مساء الخير
لو كانت نادية عثمان رجل لأفتقدنا كل الجمال والإبداع اللذان أمتعتنا بهما كثيراً ... لا أعتقد أن هناك نسخة أخرى من نادية عثمان فهي مثل الموناليزا ...
بصراحة أنا من المعجبين بشخصيتك وأعمالك الأدبية.
تحياتي لك أينما وكيفما كنت.
Post: #10 Title: Re: لو كنت راجل .... توجد ( مواقف وصور) !!!! Author: جمال السنوسي Date: 12-29-2009, 04:24 PM Parent: #8
محمد هارون
رايك تمام
وعشان خاطرك
صورة تانية
Post: #49 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 09:46 PM Parent: #10
جمال السنونس حبابك تاني
عليك الله ( أحمدعثمان ) أخوك ده رسل ليهو صوره في الإيميل سمح؟( وش لوول)
Post: #11 Title: Re: لو كنت راجل .... توجد ( مواقف وصور) !!!! Author: ياسر بيناوي Date: 12-29-2009, 04:27 PM Parent: #8
Quote: رغم إعتزازي بنوعي الخلقني عليهو ربنا والمكتوب في جواز سفري ( أنثى)
لكن ونسبة لمواقف كتيرة بشوفها في دنيا الرجال بلاقي نفسي أتخيل هسة لو كنت ( راجل)
كنت راح أتصرف كيف وأتعامل كيف في المواقف الفلانية الكذا وكذا وكذا مثلاً ؟!
يانادية المواقف ما مرتبطة بالنوع وهنالك من النساء من هن ارجل من كثير من الرجال
وزي ما قال الشاعر انثي ولا دستة رجال
عشان كدة انتي لو كنتي راجل ما كنا لاقين الاخت ال ( ناداير اكسر تلج في البرد دا ) مع انك تستاهلي
خالص الود
Post: #50 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 09:54 PM Parent: #11
ومابقولوا للمرأة المتخاذلة في مواقفها ( أنت ما امرأة) ؟!!!!
Quote: وزي ما قال الشاعر انثي ولا دستة رجال
طيب والشاعر ده ليه مايقول ( أنثى ولا دستة نساء) موش بيكون أوقع ؟!
Post: #13 Title: Re: لو كنت راجل .... توجد ( مواقف وصور) !!!! Author: عبد اللطيف بكري أحمد Date: 12-29-2009, 04:29 PM Parent: #8
Quote: حليل زمن من قال من (اراد ان تثكله امه وييتم اولاده فليتبعنى وراء هذا الجبل)
انحنا ذاتنا عندنا راي في الكلام بتاعو دا : ليه ما فطسهم في محلهم؟؟ محظوظين ماحضرو زمنا دا!ّ!
هاجر شوية شوية علينا ياخ،، (اخوانك مايقرو الكلام دا ، بغتسو حجرك!!)هههه،،
سلام الى الغالي احمد عثمان مختار،،
Post: #15 Title: Re: لو كنت راجل .... توجد ( مواقف وصور) !!!! Author: Balla Musa Date: 12-29-2009, 04:36 PM Parent: #13
Quote: الله خلقنا نساء وراضيات بخلقه سبحانه وتعالى
نادية بوستك دا عن الرجولة أم الذكورية؟
Post: #18 Title: Re: لو كنت راجل .... توجد ( مواقف وصور) !!!! Author: طارق جبريل Date: 12-29-2009, 04:54 PM Parent: #15
الرجالة تطير وتقع في البير
Post: #55 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 10:24 PM Parent: #18
العزيز طارق جبريل
Quote: الرجالة تطير وتقع في البير
من وأقع وجودك في المغرب فترة طويلة فهل في فرق في رجولة المواقف بين السوداني والمغربي ؟
Post: #54 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 10:11 PM Parent: #15
د. بلة
حبابك
Quote: بوستك دا عن الرجولة أم الذكورية؟
بوستي ده ماعن النوع ( ذكر وأنثى) لا هو عن المواقف الرجولية
المواقف التي يتعين على الرجل إتخاذها في حتات محددة بناءاً على إعتبارات عديدة
منها وضع الرجل في مجتمعنا الشرقي وكمان مكانته وسط القبيلة وفي داخل الأسرة
وحتى الاعتبارات الجسمانية من عضلات وكدا !
وتسلم ووجودك يثري النقاش ..
Post: #31 Title: Re: لو كنت راجل .... توجد ( مواقف وصور) !!!! Author: هاجر التهامي ياسين Date: 12-29-2009, 06:45 PM Parent: #13
والله يا اخوي عبد اللطيف زمن عمر بن الخطاب كان زمن صعب جدا لدرجة انو ربنا انزل نبي فيهم بس برغم الجاهلية التي عرفوا بها وشده ظلام العقول وامعانهم في الكفر تخيل رغم كل هذا كانوا يحترمون كلمتهم , ويحترمون شهامتهم ورجولتهم. واخواني لو سمعوا كلامي دا اكيد ح يشيدوا به. لانني تعلمت الكثير من اخوتي. عشان كدا تجدني مصدومة في كثير من مواقف الرجال الذين تعاملت معهم من خارج محيط الاسرة. اني لفخورة باخوتي وابي وخيلاني الذين تربيت في كنفهم ورايت منهم الكثير الذي افتخر به.
مع مودتي هاجر
Post: #52 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 10:00 PM Parent: #13
عبد الطيف بكري أخوي
حبابك
Quote: سلام الى الغالي احمد عثمان مختار،،
تسلم من كل شر يارب وماعدمتك إن شاء الله ,,
Post: #20 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 05:20 PM Parent: #8
الرجل الخلوق محمد هارون
حبابك ملايين
Quote: لو كانت نادية عثمان رجل لأفتقدنا كل الجمال والإبداع اللذان أمتعتنا بهما كثيراً ... لا أعتقد أن هناك نسخة أخرى من نادية عثمان فهي مثل الموناليزا ...
بصراحة أنا من المعجبين بشخصيتك وأعمالك الأدبية.
تحياتي لك أينما وكيفما كنت.
ودي شهادة أعتز بيها من رجل ماشفت منو غير كل خير
وعفة لسان وإحترام وأخلاق عالية والله
أخجلت تواضعي بالاطراء اللطيف وهو أكثر مما أستحق .. دام فضلك أيها الإنسان الجميل
كن بألف خير
Post: #23 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-29-2009, 06:01 PM Parent: #20
Quote: : لو كنت راجل
عزيزتنا الأستاذة نادية مختار تحياتي يا غالية
تعرفي أنا جيت جاري البوست دا وفهمتا من العنوان "لو كنت راجل" بأن التاء فيه تاء المخاطبة وليس تاء المتكلم، وعلشان كدا فهمتو شكلة لووول وعندنا الكلمة دي شايعة كتير فى أثناء أي شكلة بين الجنسين على حد سواء مثل: كان راجل أعمل دي تاني أو ولو كنت راجل كررها مرة تانية
وضحكني كلام ضيفتك هاجر التهامي، وشكلها كدا مصرانيها فايرة على الرجال وقلبت فى مداخلتها القديمة ولقيتها ليك مُشوكشة لووول ولو عرف السبب بطل العجب ويا هاجر ما تزعني مني بهظر معاك ساي، وأخدي راحتك وأشتمي الرجال كلهم وزي ما قال ود جبريل الرجالة تطير، واصلو ما تلاوزي لأنو ما فى جمعية بتاعت حقوق الرجال أبداً لوول
الغريب فى الموضوع إنو النسوان لمن يشتموا الرجولة والرجال عموماً الرجال بستمتعوا بالموضوع دا وبضحكوا فيه من أعماق قلوبهم، وأظنو السبب هو الثقة الأكثر من الحد ودا فى حد زاتو تعالى على المرأة، صاح وللا ما غلط
لكن يا نادية والله من جوة قلبي أبداً ما ح أتمنى ليك إنك تكوني راجل، وصدقيني لو بقيتي أحمد عثمان مختار دا، والله يا ندوية ناس كتار هنا بقطعوا علاقتهم بيك وأجمل ما فى المرأة عموماً الأنوثة، وما بتمنى إني أجد أي واحدة من البنات أو النسوان اللي أنا بعرفهم يبقوا رجال
Post: #41 Title: Re: لو كنت راجل .... توجد ( مواقف وصور) !!!! Author: هاجر التهامي ياسين Date: 12-29-2009, 08:47 PM Parent: #23
Quote: وضحكني كلام ضيفتك هاجر التهامي، وشكلها كدا مصرانيها فايرة على الرجال وقلبت فى مداخلتها القديمة ولقيتها ليك مُشوكشة لووول ولو عرف السبب بطل العجب ويا هاجر ما تزعني مني بهظر معاك ساي، وأخدي راحتك وأشتمي الرجال كلهم وزي ما قال ود جبريل الرجالة تطير، واصلو ما تلاوزي لأنو ما فى جمعية بتاعت حقوق الرجال أبداً لوول
والله صحي مصاريني فايرة , وما مشكلة مشوكشة برضو, عارف اخي النذير لانو نحن شعب ما بنحترم مشاعر بعض بنفضل نغش في بعض ونكذب على بعض, وطبعا المصيبة انو الحاجة دي متوارثة جينات وراثية . لو الاب كان صالح اصبحت الزوجة والابن والبنت جميعا صالحين. اقول ليك انا متغاظة ليه عشان انا مؤمنة انو الواحد مفروض يكون صادق في كل شيئ. فيكون دا منوال حياتك فتفجاء بانك كنت مغشوش(داقس). وطبعا الكلام دا ماحصر على الرجال, ايضا النساء لهم نصيب كبير. السؤال الحقيقي هل انتهى العالم الى هذا الوضع من الاخلاق.
Post: #58 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 10:44 PM Parent: #23
النذير حجازي ياأخوي الغالي شديد
Quote: تعرفي أنا جيت جاري البوست دا وفهمتا من العنوان "لو كنت راجل" بأن التاء فيه تاء المخاطبة وليس تاء المتكلم، وعلشان كدا فهمتو شكلة لووول وعندنا الكلمة دي شايعة كتير فى أثناء أي شكلة بين الجنسين على حد سواء مثل: كان راجل أعمل دي تاني أو ولو كنت راجل كررها مرة تانية
وجميع وسائل الدعم اللوجستي بما فيهم العضلات التبش موش ( وش لووول)
الله يكفينا شر المشاكل ياغالي ووالله الدنيا مافيها شئ لكن تقول شنو للقائلين الكفن ليهو جيوب !!!!
Quote: لكن يا نادية والله من جوة قلبي أبداً ما ح أتمنى ليك إنك تكوني راجل، وصدقيني لو بقيتي أحمد عثمان مختار دا، والله يا ندوية ناس كتار هنا بقطعوا علاقتهم بيك وأجمل ما فى المرأة عموماً الأنوثة، وما بتمنى إني أجد أي واحدة من البنات أو النسوان اللي أنا بعرفهم يبقوا رجال
النذير ؟
بالغت فوكا ياخ !!
يعني هسة أنا لو كنت أحمد ماكنت بكون أخوك وصحبك ؟!
وليه ناس كتار هنا يقطعوا علاقتهم بي طالما راح أكون أحمد كويس وود ناس ومواقفي طيبة ؟!
Post: #24 Title: Re: لو كنت راجل .... توجد ( مواقف وصور) !!!! Author: علاء الدين محمد بابكر Date: 12-29-2009, 06:09 PM Parent: #20
نادية
فروقات جسمانية حولناها نحنا لفروقات (إنسانية)..
لحاجة في نفس (آدم)...
Post: #25 Title: Re: لو كنت راجل .... توجد ( مواقف وصور) !!!! Author: Balla Musa Date: 12-29-2009, 06:14 PM Parent: #24
لو كنتى راجل بوستك دا كان جبناه من الصفحة التالتة!
Post: #26 Title: Re: لو كنت راجل .... توجد ( مواقف وصور) !!!! Author: ابو جهينة Date: 12-29-2009, 06:24 PM Parent: #25
ناديا سلام
جاء في الأثر * :
( ال ما بيخاف من مرتو ما راجل ) عشان كدة خليكي في نفس الخانة
______________________________________ * الأثر : هو أثر من آثار إختلاط زمام الأمور و تأرجحها بين نون النسوة و ألف واو الجماعة
تحياتي
Post: #28 Title: Re: لو كنت راجل .... توجد ( مواقف وصور) !!!! Author: الشامي الحبر عبدالوهاب Date: 12-29-2009, 06:34 PM Parent: #26
يا نادية ازيك
كدي اول حاجة النسعلك لو كنت راجل والا لو كنت رجلا؟ لانو اختيارك لكلمة راجل دي انت اخترت طريق العنف وطريق اي حاجة تقضيها بعضلاتك عشان كدي انا كنت اتوقع انك في البداية تتمني انك تكوني صاحبة عضلات مفتولة وهلم جر
Post: #64 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 11:26 PM Parent: #28
هلا وحباب الشامي الحبر عبد الوهاب
Quote: لانو اختيارك لكلمة راجل دي انت اخترت طريق العنف وطريق اي حاجة تقضيها بعضلاتك عشان كدي انا كنت اتوقع انك في البداية تتمني انك تكوني صاحبة عضلات مفتولة وهلم جر
هو بالله المقابل لكلمة راجل يساوي العنف ؟!
عاين
مرة كنت ماشة في وسط البلد ولقيت ( راجل) وقح بشاغل في بت قدر بناته
وكمان عاوز يمد يده عليها!!
وكتها إتمنيت لو كنت راجل بعضلات مفتولة عشان أدقو دق العيش ولكن !!
Post: #63 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 11:22 PM Parent: #26
ياااااااااااا
أبا جهينة
سلامات ياخ ووين الحي بيك ورجعت بلد الرسول ولا لسة ؟
والله مفتقداك المنابر وحوش بكري على وجه الخصوص
Quote: الأثر : هو أثر من آثار إختلاط زمام الأمور و تأرجحها بين نون النسوة و ألف واو الجماعة
والف واو الجماعة ؟
طييييييييييييب !
بس أظهر وماتغيب تاني سمح؟
Post: #27 Title: Re: لو كنت راجل .... توجد ( مواقف وصور) !!!! Author: Dr. Salah Albashier Date: 12-29-2009, 06:28 PM Parent: #25
الأخت العزيزة تكعيب نادية لك التحية والود وعاطر الياسمين وكل عام وأنت بخير لو كنت راجل عمرك ما حتعملي الإنتي بتفكري فيهو الآن لأنه كل ميسر لما خلق له وبصراحة إحنا عايزنك كدا وكان بقيتي راجل بنحاربك مع خالص تحياتي د. صلاح البشير
Post: #30 Title: Re: لو كنت راجل .... توجد ( مواقف وصور) !!!! Author: نادر الفضلى Date: 12-29-2009, 06:43 PM Parent: #27
الأخ الكريم أحمد عثمان مختار
تحياتى
بحاول أتخيل شكلك . هل ضخم الجثة عريض المنكعين شلولخ أم عكس ذلك .. والصوت ضخم أجش عالى .. أم رقيق دميم .. أم وسيم .. وجهك صباح خير .. ودا كله بينعكس فى إنه أصحابك ينادوك أحمد بس .. ولا يدلعوك حمادة! وربما تحتاج لبعض مما ذكرت أعلاه فى بعض المواقف الرجولية!
- يعنى يا أحمد هل القوة والصوت العالى بتفتكر قرينتك نادية عثمان ربماأحست أحياناً بغبن و ضعف فيزيائى، فإحتاجت للقوة وإستخدامها والصوت العالى
- هل المنظر الخارجى الرجولى مع كياسة و طريقة قرينتك نادية يحقق أغراضاً لا تستطبع تحقيقها بمظهرها الأنثوى ..
- هل من وصفتهم بفاقدى الرجولة والأخلاق ممن يتعرضون للإساءة للنساء وشرفهم بإمكانك أخى أحمد نصرة قرينتك نادية وإخواتها، بأن تقود كرجل حملة توعية لمحاربة والقضاء على مجتمع الرجل وأنانيته فى مرجعية الأخلاق والسوكيات التى تدين المرأة وتجعل الرجل بطلاً!
- قلت يا أحمد " أها أنا لو كنت راجل معقولة أقبل أتساوى بالحيطة ؟!" إذن فمقياسك عالياً أى رجل تريد أن تكون .. نتابع لنرى من ستكون أكيد فى صفات نبيلة و مشرفة لدى قرينتك نادية، المجتمع الرجولى بسميها مواقف وصفات رجولية .. وبيقولوا إمرأة أرجل من الرجال لمواقفها المشرفة أها إنت يا أحمد مطالب بحاجتين التفوق على نادية ، وثانياً تقنع الرجال أن هذه ليست مواقف رجولية .. بل مبادئ وأخلاقيات للنساء والرجال
- بتقول يا أحمد (الثبات على المبدأ مهما كان صعباً !!) أها من المبادئ الواحد ما يغير كلامه .. بينى وبينك كده و ما تقول لنادية .. النساء ديل عموماً دى مشكلتهم .. كل يوم بكلام! إلا من رحم ربى! .. ما بعرف قرينتك نادية كيف .. المهم فرصة لتعلم عدم تغيير الكلام وإلا بتبقى يا أحمد راجل ما عندك كلمة زى النسوان! ...
Post: #66 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 00:25 AM Parent: #30
نادر الفضلي ياصديقي العزيز
سلامات
Quote: يعنى يا أحمد هل القوة والصوت العالى بتفتكر قرينتك نادية عثمان ربماأحست أحياناً بغبن و ضعف فيزيائى، فإحتاجت للقوة وإستخدامها والصوت العالى
-
كتير والله ومرات بتخيل إنو ممكن اضارب رغم إنو مابحب الشكل ده من التعامل وبعتبره غير حضاري !
Quote: هل المنظر الخارجى الرجولى مع كياسة و طريقة قرينتك نادية يحقق أغراضاً لا تستطبع تحقيقها بمظهرها الأنثوى ..
-
قصدك كنت راح الم الجكس ولا شنو ( وش مكار) !
Quote: هل من وصفتهم بفاقدى الرجولة والأخلاق ممن يتعرضون للإساءة للنساء وشرفهم بإمكانك أخى أحمد نصرة قرينتك نادية وإخواتها، بأن تقود كرجل حملة توعية لمحاربة والقضاء على مجتمع الرجل وأنانيته فى مرجعية الأخلاق والسوكيات التى تدين المرأة وتجعل الرجل بطلاً!
-
والله يانادر أخوي أهلنا علمونا إنو الراجل منبع أمان وطمأنينة ورغم مسائل الجندر والندية وكدا لكن المرأة في قرارة نفسها تميل للرجل البتحس معاه إنو قادر على حمايتها وده ماضعف بس إحساس فطري كدا من عند الله !!
Quote: قلت يا أحمد " أها أنا لو كنت راجل معقولة أقبل أتساوى بالحيطة ؟!" إذن فمقياسك عالياً أى رجل تريد أن تكون .. نتابع لنرى من ستكون
عاوز اكون راجل قدر كلمتي وزول يحلفوا بحياتي وكرمي وشهامتي وسيرتي الطيبة بين الناس !
Quote: أكيد فى صفات نبيلة و مشرفة لدى قرينتك نادية، المجتمع الرجولى بسميها مواقف وصفات رجولية .. وبيقولوا إمرأة أرجل من الرجال لمواقفها المشرفة أها إنت يا أحمد مطالب بحاجتين التفوق على نادية ، وثانياً تقنع الرجال أن هذه ليست مواقف رجولية .. بل مبادئ وأخلاقيات للنساء والرجال
-
أيوة هي مبادئ للرجال والنساء وأخلاقيات لكن عاوز تقول لي إنو المجتمع العايشيت فيهو ده مابفرق بين الرجل والمرأة حتى في حتة المبادئ والأخلاقيات دي يعني ؟!
Quote: بتقول يا أحمد (الثبات على المبدأ مهما كان صعباً !!) أها من المبادئ الواحد ما يغير كلامه .. بينى وبينك كده و ما تقول لنادية .. النساء ديل عموماً دى مشكلتهم .. كل يوم بكلام! إلا من رحم ربى! .. ما بعرف قرينتك نادية كيف .. المهم فرصة لتعلم عدم تغيير الكلام وإلا بتبقى يا أحمد راجل ما عندك كلمة زى النسوان! ...
والله أنا برضو كنت قايلة المبادئ إنو الرجل مايغير مبادئه لكن لقيت رجال كتار مابعملوا كدا
ولقيت نساء كتيرات والله يخشن النار بسبب تمسكهن بشرف وعد وكلمة شرف صدقني وأنا زول أخوك ومابكلم نادية سمح؟
Post: #32 Title: Re: لو كنت راجل .... توجد ( مواقف وصور) !!!! Author: Amany Elamin Date: 12-29-2009, 06:58 PM Parent: #27
ناديه تصدّقي موضوع لو كنت راجل ده فكّرت فيهو كتير واتمنيته كتير .. مقيدات نحن يا ناديه, بس ما عارفه مقيدات لأننا نساء وللا لأننا شرقيات؟ الأغلب لأننا شرقيات وعندنا قيود دين وعرف وتقاليد منّها الصحيح وجيّد ومنّها المحرّف لمصلحة المجتمع الذكوري,
عموما: لو كنت راجل كنت حأكون أكثر حرّيه في خياراتي وتوجهاتي ولما كان لأحلامي سقفا
Post: #68 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 00:43 AM Parent: #32
العزيزة أماني
حبابك ملايين
Quote: ناديه تصدّقي موضوع لو كنت راجل ده فكّرت فيهو كتير واتمنيته كتير ..
حبيبة إنتي أظنك بتتكلمي على ( النوع) موش كدا ؟ أنا زمان كنت بزعل لو حسيت بالتمييز من والدي مثلاً في البيت لما يدي أخواني الرجال صلاحيات أكتر مني
في حاجات كتيرة وكنت وكتها بتمنى لو أمي الله يرحما ولدتني (ذكر) !
لكن الوضع إختلف لمن كبرت وحسيت إنو بس في بعض ( المواقف) الكنت أتمنى لو كنت راجل عشان أتصرف فيها بشكل مقبول عند الرجال ومرفوض عند النساء .. مثال بسيط لو زول شاغلك في الشارع ومديتي يدك أدتيه كف صاموتي في ناس كتار راح يعتبروك قليلة الأدب صاح ؟
Quote: مقيدات نحن يا ناديه, بس ما عارفه مقيدات لأننا نساء وللا لأننا شرقيات؟
الإتنين !!
كوني عافية وتعالي تاني أكتبي يا أماني الكتابة روح الحياة وبتطلع من جواك أي حزن صدقيني !!
Post: #33 Title: Re: لو كنت راجل .... توجد ( مواقف وصور) !!!! Author: محمد السليمانى Date: 12-29-2009, 07:03 PM Parent: #27
الاخت ناديه كنتى حتكونى احلى احمد
وبالنسبه للاخت هاجر والله لسه فى رجال ورجال رجال ما رجال اى كلام
بس عندى سؤال...؟
نسيتى ابوك واخوك
اكيد رجال صح
Post: #70 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 01:02 AM Parent: #33
محمد السيلمابي
Quote: الاخت ناديه كنتى حتكونى احلى احمد
تسلم وما أعدمك يارب
من طرف أخوك أحمد ( وش متقمص الدور)
Post: #65 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 11:51 PM Parent: #27
العزيز د. صلاح البشير
حبابك ملايين
Quote: لو كنت راجل عمرك ما حتعملي الإنتي بتفكري فيهو الآن لأنه كل ميسر لما خلق له وبصراحة إحنا عايزنك كدا وكان بقيتي راجل بنحاربك مع خالص تحياتي
أنا طبعاً بقصد أكون راجل صاحب مواقف جميلة لأنو بقولوا الرجل موقف
وده طبعاً مابنقص من قيمة النساء والليهم موقف ناصعة وقوية وشجاعة
يعني أنا ماقصدي أبقى النوع ذكر لكن لو كنت راجل في مواقف كتيرة كنت راح أتصرف حيالها بشكل يرسخ قيمة الرجولة العظيمة والمزروعة فيني من إعجابي بوالدي وأخواني الرجال ربنا يحفظهم !
فهمتني ؟!
Post: #62 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 11:10 PM Parent: #25
د. بلة
Quote: لو كنتى راجل بوستك دا كان جبناه من الصفحة التالتة!
أها نوع كلام زي ده البخليني أتمنى لو كنت أحمد !!
لو كنت أحمد كان بوستاتي راح تبور تفتكر ؟ ( وش حيران) !
Post: #59 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-29-2009, 11:04 PM Parent: #24
نحنا منو الحولناها آدم براهو ولا حواء براها ولا الاتنين ؟!
Post: #29 Title: Re: لو كنت راجل .... توجد ( مواقف وصور) !!!! Author: ismeil abbas Date: 12-29-2009, 06:40 PM Parent: #20
أختنا الرائعة دومآ.....نادية...
ليك الف تحية وسلام...
لو كنت راجل كان عرست ليك أختى.((عشان تبقى النسابة قرابة ونكسب الودين))...
Quote: في مثل (سخيف) بيقولوا فيه
( ضل راجل ولا ضل حيطة ) !!
أها أنا لو كنت راجل معقولة أقبل أتساوى بالحيطة ؟!
طبعا مليون لا !
المثل ده البقولو منو مش بقولنوا النسوان؟؟؟؟ أحكى ليك طرفة جميلة..كنا فى زيارة اسرية لأبوعركى حين وجود د/عفاف بالسودان..وجبنا سيرة أختنا الرائعة أسيا ربيع..قلت ليهو والله أسيا دى بعشرة رجال..ضحك وقال لى صحى والله شوف نحن لما نجى نقيم المرآة بنقيسة بالرجل..وقال لى يوم مولد محمد ولده.. كنا بنتداول الحديث واحدة من النساء قالت ليه الناس بتزغرد لما يجى ولد..كان فى دكتور ذكروا لى لم يحضرنى ألأن..قال إنتو ياجماعة البنزغرد نحن واللا إنتو يا النساء؟؟
هذه ألأشياء من وحى النساء وصدقناها نحن...المرآة قدرها عالى جدآ....كثير من الرجال ممكن يراودهم هذا السؤال؟؟؟
هسى فى داعى.. جات بتنا هاجر..من غير ما تقصد مسحت بالرجال الواطة..أتمنى ان تأتى وتقول بعض من الرجال...
Quote: الحمدلله الما كنت راجل جنس راجلة الزمن دا
فيهم الخير..وفيهم الشر...
Quote: حليل زمن من قال من (اراد ان تثكله امه وييتم اولاده فليتبعنى وراء هذا الجبل)
هل أراد من دعوته لهم خلف الجبل ان يقنعهم بالمنطق أو يقتلهم بالسيف ويصرعهم
Quote: ما عضلات وفرض شخصيات وكلام فضغاض
يعنى للعضلات دور كبير فى هذا الموقف..
Quote: اهم شيئ في الرجل الكلمة التي ينطق بها, لان شرف الرجل هو الكلمة.
فاذا كنت من غير كلمة ولست مسئول تجاه كلمتك فانت من غير شرف.
الكلمة شرف للرجل وللمرأة....ليس للرجل وحده....
Quote: الرجال قوامون على النساء طيب ح تكون قوام كيف , وانت محتاج من يقومك, كل العندك كذب ونفاق وطبعا دا اصبح مشاع في عالم الرجال
نعم هذه حقيقة ...وشاع ولكن لم يعم....لكم التحية والتقدير جميعآ...
هاجر لك التحية.....وما تندفعى...كلامك الكثير من الصاح بس خففى على الرجال شوية....ولاتعممى ....
Post: #34 Title: Re: لو كنت راجل .... توجد ( مواقف وصور) !!!! Author: Hisham Amin Date: 12-29-2009, 07:05 PM Parent: #29
نادية عثـمان
سلامات وكل سنة انتى وناس المنبر و كل رجالات العالم ونسائة بخير
ويا هـاجر وكما ترى فى الرجال انت نرى نحن فى النساء ولكن دوما نفضل كعقلاء
اختيار الافضل و الاصلح والاستكانة لة او لها وتقوية العلاقة اى كان نوعها معة او معها ... وايضا كعقلاء
لا نأخذ ولا نعمم كل النساء اذا ما اتت احداهن خطاء وكذلك كل الرجال .
هشام
Post: #73 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 01:18 AM Parent: #34
هشام أمين
سلامات وحبابك ملايين
Quote: سلامات وكل سنة انتى وناس المنبر و كل رجالات العالم ونسائة بخير
آآآآآآآآآآآمين وكل لحظة وأنت بألف خير يارب وجميع أحبابك بصحة وعافية
Post: #35 Title: Re: لو كنت راجل .... توجد ( مواقف وصور) !!!! Author: جمال الباقر Date: 12-29-2009, 07:07 PM Parent: #29
Quote: لو كنتى راجل بوستك دا كان جبناه من الصفحة التالتة
Post: #36 Title: Re: لو كنت راجل .... توجد ( مواقف وصور) !!!! Author: يازولyazoalيازول Date: 12-29-2009, 07:28 PM Parent: #35
نادية إزيك وكل سنة وأنتى طيبة
تعرفى يا نادية ذكرتينى (محمد ولد) وطبعا محمد ولد هى أظرف شخصية فى البنات ، وهى الشخصية الكانت بتشاركنا اللعب والسبق وحتى المصارعة وغالبا ما كانت تصرعنا يا نادية (على وزن يصرعن ذا اللب) وبعدين تقوم الواحدة تكبر وتفور شوية وتعمل الهرمونات فيها عملها لتفرقنا عن محمد ولد ويصبح الصراع مع محمد ولد ضرب من ضروب المستحيل فتتحول صداقتنا إلى دهشة وخلعة خصوصا عند ظهور المفاتن التى تعيدها سيرتها الأولى وتعود أنثى ناضجة فاتنة وساحرة كخلقتك يا نادية مختار فلماذا ترغبين فى العودة إلى محمد ولد؟؟؟؟؟
لووووووووووووووووووووول
بعدين يا نادية الرجالة مواقف وحسرة هاجر الفوق دى زعلتنا كلنا وأكيد يا نادية بمعايير معينة فى نسوان كتار أرجل من عشرة رجال
الرجالة مواقف يانادية وليست ذكورة
ياخ تسلمى والله على هذا البوست الجميل ، الزول طول ما قرأ ليه حاجة مدهشة
سلام
Post: #37 Title: Re: لو كنت راجل .... توجد ( مواقف وصور) !!!! Author: Kostawi Date: 12-29-2009, 07:37 PM Parent: #36
شكراعلى الصورة يا جمال
نادية كل عيد إستقلال كلنا طيبين
الرجالة تطير الرجال ماتوا في كرري
Post: #38 Title: Re: لو كنت راجل .... توجد ( مواقف وصور) !!!! Author: طه كروم Date: 12-29-2009, 08:19 PM Parent: #37
أختنا نادية سلامات
..{ أنثى ولا دستة رجال
ليلها مع الطواقى .. ونهارها مع الجهال }
كونى أنثى وبألف خير يا نخلة..
Post: #39 Title: Re: لو كنت راجل .... توجد ( مواقف وصور) !!!! Author: طه كروم Date: 12-29-2009, 08:19 PM Parent: #37
أختنا نادية سلامات
..{ أنثى ولا دستة رجال
ليلها مع الطواقى .. ونهارها مع الجهال }
كونى أنثى وبألف خير يا نخلة..
Post: #40 Title: Re: لو كنت راجل .... توجد ( مواقف وصور) !!!! Author: haroon diyab Date: 12-29-2009, 08:47 PM Parent: #39
كتبت هاجر
Quote: الاخت نادية الحمدلله الما كنت راجل جنس راجلة الزمن دا وحليل زمن الرجال الكانو بيقولوا الكلمة ولو على رقابهم ما يتنازلوا عنها اسع يابت امي الرجال بقوا يخططوا للكلام البيقولوا ويكذبوا فيه. حليل زمن من قال من (اراد ان تثكله امه وييتم اولاده فليتبعنى وراء هذا الجبل) اسع الرجال جارين ورى الفقرى والدجل والشعوذة القطيعة وتلطيخ اشراف الناس ونسيوا انهم رجال. بجيك بوستك جميل وقع لي في جرح هاجر
والسؤال ببساطة.....
ماذا عن والدك ......اخوك.....
زوجك لو متزوجة....!!!!
هل تنطبق عليهم نفس الصفات الذكرتيهم
ام انهم استثناء .....؟
عارفه ليه بتسأل .....؟
لانك عممتي
وراجع تاني
Post: #43 Title: Re: لو كنت راجل .... توجد ( مواقف وصور) !!!! Author: haroon diyab Date: 12-29-2009, 09:21 PM Parent: #40
الجزئية باللون الاحمر كان مفروض تكون
جزء من المداخلة الاولي عشان تكفينا الرد
الاول
Quote: والله يا اخوي عبد اللطيف زمن عمر بن الخطاب كان زمن صعب جدا لدرجة انو ربنا انزل نبي فيهم بس برغم الجاهلية التي عرفوا بها وشده ظلام العقول وامعانهم في الكفر تخيل رغم كل هذا كانوا يحترمون كلمتهم , ويحترمون شهامتهم ورجولتهم. واخواني لو سمعوا كلامي دا اكيد ح يشيدوا به. لانني تعلمت الكثير من اخوتي. عشان كدا تجدني مصدومة في كثير من مواقف الرجال الذين تعاملت معهم من خارج محيط الاسرة. اني لفخورة باخوتي وابي وخيلاني الذين تربيت في كنفهم ورايت منهم الكثير الذي افتخر به.
مع مودتي هاجر
Post: #44 Title: Re: لو كنت راجل .... توجد ( مواقف وصور) !!!! Author: haroon diyab Date: 12-29-2009, 09:23 PM Parent: #43
عذرا....
التحية للاستاذة / نادية
والاخت هاجر
وكل المتداخلين
Post: #87 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 12:29 PM Parent: #44
الأخ المفضال هارون دياب
تسلم من كل شر وشكراً لاسهاماتك الثرة في البوست
وكن في الجوار دوماً
تسلم
Post: #47 Title: Re: لو كنت راجل .... توجد ( مواقف وصور) !!!! Author: WAD ELGAALI#4 Date: 12-29-2009, 09:39 PM Parent: #40
أحمد عثمان كيفك لسه فى القاهره ول رجعتا السودان اسمع والله عندى ليك عروس شاطره وسمحه هاجر ياخى والله لو بحسبوهاكدا كانت الدنيا خربت زمان خليك متفائله زى اخوك دا كل مامااتوفق فى علاقه بتزيدنى اصرار انولازم الاقى زوله كامله عشان كده هسى قطرى فات بس انتى ماشاء الله اسمح منى وبعدين مغتربه سبب واحد يخلى قطرك يفوت مافى وزى ماالخواجات بقولو ذا بست إذ يت تو كم مع تمنياتى ليك بالسعاده ولاخونا أحمد عثمان مختار بالتوفيق
Post: #88 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 12:39 PM Parent: #47
الأخ الكريم ود القلعة
تسلم يارب
Quote: أحمد عثمان كيفك لسه فى القاهره ول رجعتا السودان اسمع والله عندى ليك عروس شاطره وسمحه
والله ياصحبي قاعد في كايرو دي وماراجع قريب وأها بخصوص العروس ياعمك رسل لي صورتها وكدا ( وش عايش الدور)
Post: #78 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:13 AM Parent: #39
أخوي طه كروم
حباب الطلة
Quote: كونى أنثى وبألف خير يا نخلة
تسلم أخو نادية وماعدمتك يارب العالمين ,,
Post: #42 Title: Re: لو كنت راجل .... توجد ( مواقف وصور) !!!! Author: Omayma Alfargony Date: 12-29-2009, 09:19 PM Parent: #37
If I were a boy Even just for a day Id roll out of bed in the morning And throw on what I wanted and go Drink beer with the guys And chase after girls Id kick it with who I wanted And Id never get confronted for it Cause they'd stick up for me
If I were a boy I think I could understand How it feels to love a girl I swear Id be a better man Id listen to her Cause I know how it hurts When you lose the one you wanted Cause hes taken you for granted And everything you had got destroyed If I were a boy
I would turn off my phone Tell everyone it's broken So they think that I was sleepin' alone Id put myself first And make the rules as I go Cause I know that shed be faithful Waiting for me to come home (to come home)
If I were a boy I think I could understand How it feels to love a girl I swear Id be a better man Id listen to her Cause I know how it hurts When you lose the one you wanted Cause hes taken you for granted And everything you had got destroyed
Its a little too late for you to come back Say it's just a mistake Think I'd forgive you like that If you thought I would wait for you You thought wrong
But you're just a boy You dont understand (Yeah, you dont understand) How it feels to love a girl Someday youll wish you were a better man You dont listen to her You dont care how it hurts Until you lose the one you wanted Cause you've taken her for granted And everything that had got destroyed But you're just a boy
Post: #46 Title: Re: لو كنت راجل .... توجد ( مواقف وصور) !!!! Author: يازولyazoalيازول Date: 12-29-2009, 09:34 PM Parent: #42
الأخت أميمة الفرجونى
تعرفى الأغنية بتاعت إف آى وير أبوى
تشبه أغنيات الحقيبة ، يعنى زى أحرمونى ولا تحرمونى
ياخ دى مبالغة عديل كده
تسلمى
ويانادية إف آى وير أقيرل
آى ويل بى أفرى كلوس فرند تو يو
لووووووووووووووووول
Post: #51 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-29-2009, 09:55 PM Parent: #46
Quote: والله صحي مصاريني فايرة , وما مشكلة مشوكشة برضو, عارف اخي النذير لانو نحن شعب ما بنحترم مشاعر بعض بنفضل نغش في بعض ونكذب على بعض, وطبعا المصيبة انو الحاجة دي متوارثة جينات وراثية . لو الاب كان صالح اصبحت الزوجة والابن والبنت جميعا صالحين. اقول ليك انا متغاظة ليه عشان انا مؤمنة انو الواحد مفروض يكون صادق في كل شيئ. فيكون دا منوال حياتك فتفجاء بانك كنت مغشوش(داقس). وطبعا الكلام دا ماحصر على الرجال, ايضا النساء لهم نصيب كبير. السؤال الحقيقي هل انتهى العالم الى هذا الوضع من الاخلاق.
أختي الصغيرة هاجر، تحية المودة والاحترام
لا عليك يا عزيزتي، وتقبلي فائق أسفي لما مر بك من مآسي بسبب الرجال، فهذه مرحلة معينة من طور الشباب الصغار السن أمثالك، وبوابة التجارب التى لابد أن يمر عبرها أي أحد منا ، وغداً ستنسيها وستصبح ذكرى ونكتة لطيفة، ولكنك ستتعلمين منها الكثير، فكما قال القائل: كلما أدبني الدهر آراني نقص عقلي --- وإذا ما إزدد علماً زادني علماً بجهلي فأنت فى بداية تجاربك بالحياة، وهذه الحياة مليئة بالصالح والطالح، والناس بشر وليسوا ملائكة، ومن رابع المستحيلات أن تجدي فيها الخل الوفي، والحياة مدرسة وكلنا تلاميذ فيها ومازلنا نتعلم منها حتى الآن، وابتسمي لها.
وتقبلي فائق احترامي
Post: #53 Title: Re: لو كنت راجل .... توجد ( مواقف وصور) !!!! Author: عبدالله علقم Date: 12-29-2009, 10:04 PM Parent: #46
Quote: حليل زمن من قال من (اراد ان تثكله امه وييتم اولاده فليتبعنى وراء هذا الجبل)
ثم أتي حين من الدهر وزمان غير الزمان ورجال غير الرجال وردد يوسف عبدالفتاح الشهير برامبو نفس هذه الكلمات في حالة استئساد مجانية
Post: #71 Title: Re: لو كنت راجل .... توجد ( مواقف وصور) !!!! Author: هاجر التهامي ياسين Date: 12-30-2009, 01:11 AM Parent: #53
عليك الله ياعبد الله رامبواشنو البيجي يقول زي المقوله دي
رامبوا دا يدينه انعم من يدين حليمة بولند دلوعة الكويت
ديل هم سبب الكارثة الحقيقة للبلد وربك يستر من الجاي
Post: #94 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 01:51 PM Parent: #53
عبد الله علقم أخوي تسلم على المرور يارب
Post: #91 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 01:40 PM Parent: #46
Quote: ويانادية إف آى وير أقيرل
آى ويل بى أفرى كلوس فرند تو يو
دواعي سروري وفخري ياأبو الدكتورة والله
ياخ د. نبراس وين مختفية ؟
Post: #57 Title: Re: لو كنت راجل .... توجد ( مواقف وصور) !!!! Author: قيقراوي Date: 12-29-2009, 10:39 PM Parent: #42
سلام استاذة نادية سؤال د. بلة محوري : البوست دا عن الرجالة و لا الذكورية ؟ لوووووووووووووووول الرجالة تطير كان باقي رجال بعد كرري ، زي ما قالو ليك
وبعد اذنك سؤال لابو مجتبى و تعقيب لصاحبتي اماني . . .
Quote: الرجولة كرم وشهامة وعفة لسان وشجاعة الرجولة اٌلإيمان بالشيء وعدم الحياد عنه مهما كان السبب
قصة حقيقية عندن جدنا في الجوير (منطقة غرب شندي) كان ومنذ ان حصل له موقف معين وهو في صباه قرر الا يلتفت ورائه مهما كان السبب, وبالفعل كان, هناك من جرب وضرب الرصاص الحي في ظهره ولكنه لم يعره أي انتباه, فهو راجل لأنه ثبت على مبدئه.
المثل الذي ضربته الأخت هاجر مثل لا مثيل له في الرجولة المثل الآخر مثلاً رجولة سيدنا ابوبكر الصديق رضي الله عنه التي كانت تمتاز بالحلم والحكمة.
اخيراً اقول الرجولة مواقف وثبات على المبدأ مهما كان صعباً
مثلاُ صبرك على زوجتك الحوامة او النوامة او الشكاية والبكاية يعتبر رجولة متناهية
أبومجتبى
القصة دي حقيقة ؟!
سؤال يا شباب : الصفات دي مقصورة على الرجال بس ؟ . . . النسوان معفيات يعني ؟! كان كدا انا داير ابقى مرأة و خالي مسئولية
اها تبدلي يا نادية ؟
يا اماني يا فردة اول طريق التعاسة عدم وجود سقف للطموحات و الآمال . . تصدقي . باقي كلامك مية مية
------------
و الله يا نادية صراحة صراحة دا بطر بالنعمة ساي !! بدلي و انا الكسبان . . . ياخ اسي حاسدنك و بغرانين . . . انت عاوزة تقفلي النمر و لا كيف ؟ خلي للينا بعض من الق ياخ . . . الطمع شنو ليك ؟
Post: #95 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:01 PM Parent: #57
قيقراوي ؟
ماعارفة بتجيني حالة فرحة عارمة كدا لمن تدخل بوستاتي !
عارف ليه ؟
لأنك زول تجمع مابين الموضوعية والشجاعة في طرح الآراء وكمان الدم الخفيف ربنا يحفظك
Quote: سؤال د. بلة محوري : البوست دا عن الرجالة و لا الذكورية ؟
كلامي من أول البوست إنو أنا بقصد رجولة المواقف وليس النوع وكمان رديت على د. بلة وسؤاله المحوري
Quote: و الله يا نادية صراحة صراحة دا بطر بالنعمة ساي !! بدلي و انا الكسبان . . . ياخ اسي حاسدنك و بغرانين . . . انت عاوزة تقفلي النمر و لا كيف ؟ خلي للينا بعض من الق ياخ . . . الطمع شنو ليك ؟
ههههههه ياخ والله مداخلاتك لطيفة بشكل مبالغة !
أنا حامدة وشاكرة ربي الخلقني أنثى ومقبولة الشكل كمان الحمد لله
لكن أنا بتكلم على المواقف مثلاً نفسي أكون ( راجلة) ومواقفي جميلة زي عمك عثمان مختار !
ياخ والله عثمان مختار ده مكمل المواقف الرجولية لي حدها ربنا يديهو العافية قادر ياكريم !
وقع ليك ؟
أخوك أحمد (وش عايش الدور)
Post: #89 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 12:57 PM Parent: #42
الحبيبة الغالية أميمة الفرجوني
حبابك يا أصيلة
Quote: If I were a boy Even just for a day Id roll out of bed in the morning And throw on what I wanted and go
عارفة ؟
موش كل فتاة بأبيها معجبة ؟!
أها كل وأحدة مننا عندها أب أو أخ أو زوج أو حبيب فخورة بيهو وبمواقفه الرجولية الشجاعة والجميلة
ياحبيبة أنا بتكلم على الرجولة ( المواقف) وليس النوع !
يعني في مواقف تتطلب تصرف رجالي فكونك امرأة لو عملتي التصرف ده بيكون شاذ للمجتمع وكدا
في الوقت الفيهو ممكن المرأة تتصرف بحكمة أكثر من الرجال المعروف أنهم أكثر صلابة وقوة عند الشدائد بالذات !
يارب أكون قدرت أوصل ليك فكرتي
ومرورك مفرح وتسلمي يارب
Post: #77 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:01 AM Parent: #37
كوستاوي ياكستاوي
حبابك ملايين والله
Quote: الرجالة تطير الرجال ماتوا في كرري
والله ماكلهم ماتوا في كرري لأانو في ناس مات في أم دبيكرات ( وش لووول)
والله يعلم الله بلدنا دي فيها رجال زي العجب تقول لي شنو وتقول لي منو ؟
وحوش بكري ده ذاتو فيهو رجال أخوان أخوات وناس فزعة وأولاد حارة يملوا العين الحمد لله
حواء السودان وااااااااااالدة الحمد لله !
Post: #75 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 01:38 AM Parent: #36
الراقي هشام يازول يازول
تحياتي وتسلم من كل شر يارب
Quote: الرجالة مواقف يانادية وليست ذكورة
أها إنت لخصت مضمون وفكرة البوست ده كلو في الخمسة كلمات القلتهم ديل الله يباركك يارب
Quote: ياخ تسلمى والله على هذا البوست الجميل ، الزول طول ما قرأ ليه حاجة مدهشة
تسلم أبو الدكتورة وده بس من ذوقك يافنان .. تحياتي لكل الأسرة الرائعة وكن بألف خير
Post: #74 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 01:28 AM Parent: #35
جمال الباقر أخوي سلامات
وشكراً لرفع البوست قبل يحتل في الصفحة التالتة ( وش بسوم خلقة الله) !!
Post: #56 Title: Re: لو كنت راجل .... توجد ( مواقف وصور) !!!! Author: هاجر التهامي ياسين Date: 12-29-2009, 10:34 PM Parent: #29
الاخ اسماعيل عباس شكرا اخي على تعقيبك
حكاية الرجالة ملحوقة دي اصبحت حقيقة, لكن طبعا ما على الكل. الحقيقة انا بعتذر لكل اولاد الناس المحترمين الربوهم اهلهم وطلعوهم رجال اولاد رجال وامهاتهم نساء محترمات. انابتكلم عن شريحة بقت ظاهرة بصورة غريبة. زي ما قلت الصدمة من مثل هذه مناظر صدمة كبيرة. بس الرجال او عشان مايزعلو الرجال من تصنيف هؤالاء معهم , نقول انصاف الرجال ديل لم يجدوا اناس يعينوهم في هذه الحياة فاخرجوا صديد قيح ياذي هذا المجتمع, يعينوهم يعني يربوهم يشرفوا على تربيتهم. حقيقة الوضع المادي اثر في كتير من قيمنا المشهور بها الشعب السوداني. طبعاالكلام ممكن اذئ مشاعر بعض الناس ودا لانهم ناس حساسين , بس الناس الانا بتكلم عليهم دا ما بيهز فيهم رمش. مع كل مودتي لكم اخوتي هاجر
Post: #60 Title: Re: لو كنت راجل .... توجد ( مواقف وصور) !!!! Author: خالد درق Date: 12-29-2009, 11:05 PM Parent: #56
الاخت / نادية سلام
لوكنت راجل ما كنا حا نعرف نادية الاعلامية والاديبة وما كنا حا نستمتع بكتاباتك الجميلة
فاحسن تكونى زى ما انتى احلا واجمل وبس
مودتى
Post: #67 Title: Re: لو كنت راجل .... توجد ( مواقف وصور) !!!! Author: manal eltahir Date: 12-30-2009, 00:41 AM Parent: #60
سلام ناديه.... لو كنت رجلا لتمنيت ان اكون امراه!!!!!!!!!
Post: #101 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:30 PM Parent: #67
العزيزة منال الطاهر
حبابك
Quote: سلام ناديه.... لو كنت رجلا لتمنيت ان اكون امراه!!!!!!!!!
أنا وأعوذ بالله من كلمة أنا لو كنت رجلاً ماكنت إتمنيت أكون امرأة
وطالما هسة أنا امرأة مامتمنية أكون رجل( ده بالنسبة للنوع وكدا)!
منال البوست ده عن رجولة المواقف وليس النوع !
تسلمي وكوني بألف خير
Post: #154 Title: Re: لو كنت راجل .... توجد ( مواقف وصور) !!!! Author: manal eltahir Date: 01-12-2010, 03:22 AM Parent: #101
استاذه ناديه هو لو ما (المواقف )دي كان ابينا الرجاله؟؟؟؟؟؟؟؟؟؟؟؟؟؟؟
Post: #98 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:06 PM Parent: #60
الأخ العزيز خالد درق
Quote: لوكنت راجل ما كنا حا نعرف نادية الاعلامية والاديبة وما كنا حا نستمتع بكتاباتك الجميلة
فاحسن تكونى زى ما انتى احلا واجمل وبس
تسلم على الكلام الجميل ويشرفني أكون أختك وتسلم يارب
كن بألف خير
Post: #72 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 01:11 AM Parent: #29
أخوي الخلوق المهذب إسماعيل عباس
حبابك وحمد الله على سلامتك ويارب أولادك بألف خير
Quote: لو كنت راجل كان عرست ليك أختى.((عشان تبقى النسابة قرابة ونكسب الودين))...
والله وأنا ( لو) كنت راجل كان يكون لي عظيم الشرف أتزوج أختك لأنك رجل مواقف طيبة ونسبك يشرف دون شك
تسلم وخليك قريب أخوي وما أعدمك يارب
Post: #76 Title: Re: لو كنت راجل .... توجد ( مواقف وصور) !!!! Author: محمد الجزولي Date: 12-30-2009, 01:48 AM Parent: #72
والله يانادية أو احمد
انا البوست ده أمشي وأجيهو راجع .. أو كما قال ...
أولاً كل سنة وأنتي طيبة ويحفظ ليك الأمورة .. بعدين .. تعرفي أنت لو كنتي راجل .. كان يكون عندك شنب ودقن ، وجلحات مفترق طرق بجنينة وسطية .. وبما أنك صغيرة الملامح وقليلونة { على حسب الصور والمشاهدات } كُنتِ كتحون أقرب للسخلة {طبعاً ده بملامح رجالية} ..
عشان كده أبقي كما أنتي نادية عثمان بأونثتها وملامحها وأخطاءها وإصحاحها وإنفعالاتها وسعادتها ووقار جمالها .. فقط أبقي كما أنتي ..
ودمت ودامت الصغيرة
ـــ مالك ومال القراية أم دق .. معجون حلاقة .. لفة العمة .. التدخين البي عدل و البلا عدل .. شَد الواسوق في المقابر .. سف التمباك .. ورمي الصاجات تحت اللوري في الوحلان مجازفة العرقي من السَواري .. وعتاله في الميناءات وقت الأزمات .. تِليب السور في المستشفيات والأستادات .. وماخفي أعظم ..
Post: #102 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:44 PM Parent: #76
محمد ود الجزولي ؟
Quote: تعرفي أنت لو كنتي راجل .. كان يكون عندك شنب ودقن ، وجلحات مفترق طرق بجنينة وسطية .. وبما أنك صغيرة الملامح وقليلونة { على حسب الصور والمشاهدات } كُنتِ كتحون أقرب للسخلة {طبعاً ده بملامح رجالية} ..
لاحولااااااااا
كل ده ؟!
والله كنت أكون راجل شين عديل وكنت هسي أكون باير واساسق بالبوستات كان القى عروس تقبل بي ( وش ههههههه)
Quote: عشان كده أبقي كما أنتي نادية عثمان بأونثتها وملامحها وأخطاءها وإصحاحها وإنفعالاتها وسعادتها ووقار جمالها .. فقط أبقي كما أنتي ..
مع إنو أول البوست قلت إنو معتزة بنوعي الخلقني عليهو ربنا لكن كلامك ده سمح وتشكر عليهو شدددديد
ومغزى البوست عن ( رجولة المواقف) وليس النوع ( ذكر وأنثى) موش المواقف بتختلف برضو ؟
Quote: مالك ومال القراية أم دق .. معجون حلاقة .. لفة العمة .. التدخين البي عدل و البلا عدل .. شَد الواسوق في المقابر .. سف التمباك .. ورمي الصاجات تحت اللوري في الوحلان مجازفة العرقي من السَواري .. وعتاله في الميناءات وقت الأزمات .. تِليب السور في المستشفيات والأستادات .. وماخفي أعظم ..
لاحولااااااااااا
أها ده كلام عاوز ليهو مترجم عديل ومافهمت منو غير معجون الحلاقة ولفة العمة ( وش بسوم خلقة الله)
Post: #79 Title: Re: لو كنت راجل .... توجد ( مواقف وصور) !!!! Author: Mahmoud Mustafa Mahmoud Date: 12-30-2009, 07:49 AM Parent: #72
Quote: والله وأنا ( لو) كنت راجل كان يكون لي عظيم الشرف أتزوج أختك
هوووووووي...
أوستاسة نادية بت شيخ أوسمان..
والله أني دِهـ إلا بنتفرجو بي إيوني ديل في الجن البتسوي فيهو دا..
الجن الكلكي.. (من دبل كليك وكدا)..
حاولت كم مرة أشوف آخرتها معاك..لما لقيتك وصلتي مرحلة (لو كنت رجلاً دي)..
قلت : سبق السيف العزل..ما فيش فايدة.. حتى لو شربتي محاية بحجم النيل كله..
جنون المبدعين ما عندو حل نهائي..(تلج مكعبات..إنتو من زمن كسير التلج؟؟)
مثل موزمبيقي: كلما يزداد المبدع جنوناً .. كلما ازداد انتاجه كماً وكيفاً..وكدا
Post: #80 Title: Re: لو كنت راجل .... توجد ( مواقف وصور) !!!! Author: Tabaldina Date: 12-30-2009, 08:09 AM Parent: #79
.. .
Quote: القاليك منو مافي سيده كابتن طيار أول كابتن سودانيه إتدربت سنه 2004 علي يد والدي وهسه في 2 عملن تايب ريتنج لطائره الأيرباص airbus 300 إذا عندك الرغبه تدرسي تعالي لي في الأكاديميه
كامل تقديري
______
الود دا مشكلتو مع ( الأنا) شنو !!؟ I think i miss something in the last month
Post: #81 Title: Re: لو كنت راجل .... توجد ( مواقف وصور) !!!! Author: هشام آدم Date: 12-30-2009, 08:21 AM Parent: #80
الأستاذة: نادية عثمان تحيّة طيّبة، وكل عام وأنتِ بخير
فقط أحببتُ أن أشارك في هذا البوست بمقاطع من رواية "السيّدة الأولى" جاء فيها ذكر مسألة أمنيات تغيير الجنس هذه في إحدى مقاطع الرواية والتي تقول:
- ألا تزور الكوابيس قريتكم الأفريقية؟ - لا .. ولكن جدتي والنساء العجائز يتناقلن قصة فتاة كانت تُدعى مومبينيا، حكت عن حلم مزعج راودها: فقد كانت تحلم بأن تصبح رجلاً لأنها ملّت كونها امرأة ليس عليها إلاّ الحرث، والاهتمام بقطعان الماشية، وجلب الماء من النهر، والحصاد، بالإضافة إلى تنظيف البيت، والترفيه عن الرجال! ففاجأها ناموس عظيم؛ وأخبرها أنه بإمكانه أن يحقق لها ما تتمناه، فتمنت فوراً أن تكون رجلاً، فأصبحت كذلك؛ ولكنها بعد حين اكتشفت أن الرجال فيما بينهم ليسوا سواء. كانت تركض مع بقية الرجال خوفاً من صائدي العبيد، حيث كانوا لا يصطادون إلاّ الرجال الأقوياء في سنّ الشباب القادرين على العمل. شعرت بالخوف فتمنّت أن تكون رجلاً أبيض، فإذا بها تركض أيضاً مع بقية الرجال من الجنود، كانوا يضربونهم بعنف، ويلقونهم أرضاً؛ ثم يضعون أرجلهم على أدمغتهم حتى تكاد تتحطم كثمرة مانجو. فتمنت أن تكون رجلاً جندياً، وفرحت لذلك كثيراً؛ غير أنها اكتشفت أن الجنود يخافون من ذوي الرتب الأعلى، وأن أولئك يمتهنون كرامتهم بشتى أنواع العقاب الذي يعرفونه: كانوا يقضون الليل بطوله أمام مكتب الضابط في انتظار أن يأمرهم بالانصراف دون أن يتمكنوا من هشِّ الذباب الذي يحط على أنوفهم، أو حتى أن يجلسوا للراحة؛ ولو لبضع دقائق. فتمنت أن تكون رجلاً جندياً ذا رتبة. فأصبحت قائد كتيبة عسكرية، وأحست بالسعادة، غير أنها بعد بضعة أيام اكتشفت أن ذوي الرتب ليسوا منتهى الرجال، فكان الجميع يلقون عليهم اللوم كلما مات عدد من الجنود، أو فشلت خطة حربية، كما أنها اكتشفت أن الأثرياء هم الذين يديرون الحروب دون أن يتعرضوا للوم أو دون أن يطلقوا عياراً نارياً واحداً، فقالت إنه من الأفضل أن تكون رجلاً ثرياً؛ فكانت. بعد أقل من أسبوعٍ اكتشفت أن الرجال الأثرياء ما هم إلاّ عبيد لدى زوجاتهم؛ لاسيما ليلاً. كانت المرأة تجعله يجثو على ركبتيه كحيوان اللاما تمتطيه وتمسك به من ربطة عنقه التي كاللجام، فساءها ذلك كثيراً، وأخيراً تمنت أن تعود امرأة كما كانت، ولكن ذلك لم يحدث، وظلّت حبيسة جسدها الرجولي إلى الأبد. ضحك الناموس وقال: "لن تعرفوا السعادة إلاّ إذا عرفتم أنفسكم"
لكِ التحية
Post: #106 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 03:10 PM Parent: #81
الأديب الأريب هشام
تحياتي وكامل إعجابي بكتاباتك الرائعة
Quote: بعد أقل من أسبوعٍ اكتشفت أن الرجال الأثرياء ما هم إلاّ عبيد لدى زوجاتهم؛ لاسيما ليلاً. كانت المرأة تجعله يجثو على ركبتيه كحيوان اللاما تمتطيه وتمسك به من ربطة عنقه التي كاللجام، فساءها ذلك كثيراً، وأخيراً تمنت أن تعود امرأة كما كانت، ولكن ذلك لم يحدث، وظلّت حبيسة جسدها الرجولي إلى الأبد. ضحك الناموس وقال: "لن تعرفوا السعادة إلاّ إذا عرفتم أنفسكم"
غايتو هنا جننت الخيال جن عديل !
كتابة رائعة وملهمة وساحرة بجد والله
وفعلاً صدق من لم يعرف نفسه لن يعرف السعادة !
كن في الجوار
وكن بألف خير
Post: #82 Title: Re: لو كنت راجل .... توجد ( مواقف وصور) !!!! Author: عفاف الصادق بابكر Date: 12-30-2009, 08:31 AM Parent: #80
ندوية .. كيفنك .. يا عسل كل سنة وانتي كما تحبين ..
Quote: كنت راح أتصرف كيف وأتعامل كيف في المواقف الفلانية الكذا وكذا وكذا مثلاً ؟!
تعرفي يا نادية يا أختي .. حسب وجهة نظر ي .. هناك مواقف كتيرة جدا بتتطلب منك تكوني راجل في لحظتها فقط .. يعني تمر بيك ظروف تخليك تقومي بواجب الراجل .. وده طبعاً عن رضاء .. وعلى فكرة الواجب ده ممكن تنجزيهو بدقة اكتر من صاحب الشأن .. فلذلك إذا اتطلب منك موقف أن تكوني رجل في مواقف معينة .. فلا تترددي ..
مودتي
Post: #83 Title: Re: لو كنت راجل .... توجد ( مواقف وصور) !!!! Author: ismeil abbas Date: 12-30-2009, 08:58 AM Parent: #82
If I were a boy>>>بتشبه اغنية خلف الله حمد..انا أنا فى التمنى ديمة هدينى ساجع....
تسلموا لهذا الجمال......تقديرى وأحترامى...
Post: #84 Title: Re: لو كنت راجل .... توجد ( مواقف وصور) !!!! Author: nazar hussien Date: 12-30-2009, 10:36 AM Parent: #83
Quote: يانادية المواقف ما مرتبطة بالنوع وهنالك من النساء من هن ارجل من كثير من الرجال
وزي ما قال الشاعر انثي ولا دستة رجال
بس ...بس...خلوني أديكم نموذج الحرم بت بتول...
امرأة في عقدها السادس...وقالت البناديها غير الحرم بت بتول...علا (تطهرو بي موسا ميتة) وهي تستثني جنسها من هذه الطهارة لأننا تثق في انهن ..لا يتجسرن علي مناداتها بغير ذلك...
سألتها عن سر تمسكها باسم امها بدلا من ابوها الشيخ....فقالت لي يا ولد أمسك محلتك ...دا دربا مزلقيب ...انا الحكومة ما قدرت تسعلني سعالك دا.. وامش ياهو ديك نقطة البوليس...قول ليهم الحرم بت منو؟؟؟
ونقطة البوليس التي اشارت اليها الحرم هي أعلي سلطة تنفيذية وتشريعية عندنا في الحلة...لم تصلهم نظرية الفصل بين السلطات وليس لديهم استعداد لمعرفتها أصلا...فعلي سبيل المثال هم من يخططوا للحلة شوارعها ويحددوا حظر تجول الناس والبهائم...ويقبضوا ويفكوا...ويحرسوا الحفلات والحدود\ ويفتحوا البلاغات ويمنحوا التراخيص...ويفكوا اشتباكات الطواري والمناجل وجداول الموية...الخ السلطات الواسعة الممنوحة لهم من رب العالمين... أو هكذا يحسب الناس...
الحرم هذي هي صمد ساقية أمها...تحرث الأرض ...وتزرع...وتخت الماروق.. وتحش وتعزق...وتقلع البصل...وتعزل...وتنضف...وتضري الفول بعد هرسه بثيرانها وحميرها...لديها بقر ونعاج وغنم...كل بقرة بي اسمها وكل غنماية بي وسمها...وتسدر الخلا (ود الهواد بي نعاجها في مواسم الخريف)
ربت دكاترة وصيادلة وبياطرة ومهندسين...ولا يستطيع اي منهم ان يعمل بعشر طاقتها وقوتها...كانت (تكرينا) والكروة كما تلفظها هي معناتا الايجار...لقلع البصل ...ويا ويلك لو (بجنت ليك بصلة) ...بتحاسبنا بالحوض...(يا ولدي انت قلعت كم حوض؟؟؟) تقول ليها 10 ...أها وبجنت كم بصلة...ولا يمكن لأي حريف كان ان يكذب عليها .....
الحرم نموذج لابد ان اكتب عنه مطولا ففي الذاكرة مخزون ماهل من حكايا وأفعال الحرم بت بتول...وهي عندي تعدل جيش رجال...
Post: #85 Title: Re: لو كنت راجل .... توجد ( مواقف وصور) !!!! Author: اناهيد كمال Date: 12-30-2009, 10:42 AM Parent: #84
يا ندوية شوق تحايا والله يا ندوية انت عارفة الحكومة دى صغرت الرجال ومرمرت بيهم الارض وبقوا ناس معايش بس ولانو النسوان اكثر صدق وشفافية بقوا بقولوا النصيحة وهم اكثر جدعنة ورجولة فى المواقف وكل سنة ونساء بلادى بخير
Post: #86 Title: Re: لو كنت راجل .... توجد ( مواقف وصور) !!!! Author: هاجر التهامي ياسين Date: 12-30-2009, 11:27 AM Parent: #85
Quote: يا ندوية شوق تحايا والله يا ندوية انت عارفة الحكومة دى صغرت الرجال ومرمرت بيهم الارض وبقوا ناس معايش بس ولانو النسوان اكثر صدق وشفافية بقوا بقولوا النصيحة وهم اكثر جدعنة ورجولة فى المواقف وكل سنة ونساء بلادى بخير
لافوض فوك يابت كمال والله قولتي النجيضة جد العملتها الحكومة في الرجاله النجار في الخشب ما عملها ههههههههههههههههههههههههههههههههههههههههههههههههههههههه دي تقتل من الضحك
Post: #93 Title: Re: لو كنت راجل .... توجد ( مواقف وصور) !!!! Author: Tabaldina Date: 12-30-2009, 01:50 PM Parent: #86
.. .
Quote: انت عارفة الحكومة دى صغرت الرجال ومرمرت بيهم الارض وبقوا ناس معايش بس
عمر الشخصية الرجولية لم ترتبط بالاذلال او المهانه .. او كما قيل ..!!! ___
بوست الاراء المطروحة تعطيك احساس اه نتاج مواقف شخصية
Post: #96 Title: Re: لو كنت راجل .... توجد ( مواقف وصور) !!!! Author: محي الدين جبريل Date: 12-30-2009, 02:03 PM Parent: #93
نادية عثمان كل سنة وإنت طيبة
مابين السطور يحمل معنى واحدا ....
أرجوا أن أكون قد أخطأت فى قرأءة مابين السطور ...
Quote: بوست الاراء المطروحة تعطيك احساس اه نتاج مواقف شخصية
تبلدينا أصبت
Post: #99 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:12 PM Parent: #96
الأخ العزيز محي الدين جبريل
حبابك وكل سنة وإنت طيب
عفواً قلت :
Quote: مابين السطور يحمل معنى واحدا ....
أرجوا أن أكون قد أخطأت فى قرأءة مابين السطور ...
البوست ده فيهو زي مليار سطر أخي العزيز فمعليش ممكن أفهم شنو المعنى الواحد البتقصدو ولا المداخلة دي رداً على مداخلات بعينها للزملاء والزميلات ولا فحوى البوست بكامله ولا شنو مافهمت ياي الدين أخوي وليك الشكر مقدماً؟
وكن بألف خير
Post: #97 Title: Re: لو كنت راجل .... توجد ( مواقف وصور) !!!! Author: ناصر المحسى Date: 12-30-2009, 02:04 PM Parent: #93
سلام نادية والمنتدين
والله يا فى نساء كتار ارجل من الرجال
Post: #110 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 03:35 PM Parent: #97
الاخ العزيز ناصر المحسي
حبابك ملايين
Quote: والله يا فى نساء كتار ارجل من الرجال
وفي رجال كتااار مواقفهم جميلة شديد وتشرف الأم والأخت والزوجة والحبيبة
ربنا يكتر من أمثالهم يارب
Post: #100 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:21 PM Parent: #93
أخوي العزيز تبلدينا
حبابك ملايين والبركة فيكم تاني وبركة الطلعت من حزنك وشفناك بخير
Quote: عمر الشخصية الرجولية لم ترتبط بالاذلال او المهانه .. او كما قيل ..!!! ___
عاين
طبعاً الزميلات هاجر وأناهيد بيقدروا يعبروا عن فكرتهم وهم قاصدين شنو أكتر مني
لكن خليني أقول ليك الفهمتو من مداخلاتهم وممكن يكون صاح وممكن غلط
الأخت أناهيد أعتقد منطلقاتها سياسية بحتة في تقييم المواقف الرجولية وده الواضح من ربط الموضوع بالحكومة وضعف الرجال وكدا !
Quote: بوست الاراء المطروحة تعطيك احساس اه نتاج مواقف شخصية
أما الأخت هاجر فهي ماأنكرت أن بعض منطلقاتها لتقييم رجال حولها ماخد طابع الشخصي !
واظن كل الناس الهنا بما فيهم شخصي الضعيف أخدنا عليها حتة التعميم لأنها ماصاح !
والشابة فعلاً رجعت إعتذرت عن التعميم المخل وقالت بعض وليس كل !
وتسلم ياتبلدينا وخليك قريب وكن بألف خير
Post: #151 Title: Re: لو كنت راجل .... توجد ( مواقف وصور) !!!! Author: ALZOLZATOO Date: 01-11-2010, 07:36 AM Parent: #93
ندوية صباح الخير
المواقف تصنع الرجال اها لو عايزة تغيري وكده اعملي ليك موقف مشرف وح يشار اليك بالبنان
بس مايلم فيك واحد من البيشاغلو الجكس ويشوف وقفتك ويقول ليك البيشوف الوقفة يقول بكره العيد
هاجر التهامي عملتيها ظاهرة والفيك اتعرفت
بعدين لو الشغلانة تمني شوفي الفنان قال عايز اكون تاجر عطور اسرح وادور بين الحسان عشان تجيني يابدور وتعطري لي المكان
اها الحسان ديل لو كلهم عايزين يكونوا رجال الفنان بيكون راح في داهية وكلمات الاغنية ما ح تزبط حتى لو قال عايز اكون عجلاتي لووووووووووووووووول يكه
مالقيت لي زول مسافر لسع
تحياتي
زاتوووو
Post: #153 Title: Re: لو كنت راجل .... توجد ( مواقف وصور) !!!! Author: تاج السر محمد حامد Date: 01-11-2010, 05:02 PM Parent: #93
أنتابنى شئ من الخوف وأنا أتابع ماتكتبه الاستاذه ناديه فى هذا البوست وماسطرته أيادى المحترمه جدا هاجر .. تجاه معشر الرجال !! توقفت كثيرا وسألت نفسى عدة أسئلة ياترى هل الرجال بهذه الصورة القاتمة والتى أظهرتها الاستاذه هاجر فى كتاباتها فى هذا البوست أم أنها مجرد مداعبات لفصيلة الرجال حتى يكون العود قويا وخصوصا لشريحة شباب هذا الزمن الغابر .. فيا أيها الرجال لاتدعوهن يقولن ( حليل الرجال البتكسر العناقريب ) !!
مودتى لكن أخواتى العزيزات نادية وهاجر .. وإنشاء الله نتقابل فى السمح والزين .. تحياتى
تاج السر / الخرطوم
Post: #156 Title: Re: لو كنت راجل .... توجد ( مواقف وصور) !!!! Author: dardiri satti Date: 01-12-2010, 09:43 AM Parent: #86
Quote: لو كنت راجل كان ممكن أشتغل ( كابتن طيران) لإحساسي إنها مهنة راقية ومتتعة جداً
وماعارفة ليه في السودان ماشايفة لي سيدة ( كابتن طيار) ؟
حلم مشروع !
قبل سنوات سألت بنتي ، ولما تدخل المدرسة بعد: عايزة تبقي شنو؟؟ قالت لي: عايزة أكون المرة التسوق الطيارة، ضحكت للتعبير ، وسعدت بالفكرة وكنت فعلاً أنوي أن أحقق لها الأمنية؛ لكنها ، ولما كبرت ، آثرت أن تدرس الرياضيات برضه نوع من الرجالة!! قناعتي الخاصة أن المرأة يمكن أن تقوم بأي عمل. هل تعلمي أن 40% من القوة الأمريكية التي جاءت لتحرير الكويت كانت من الفتيات والنساء، وهل تعلمي أن 80% من القوة التي اقتحمت الكويت كانت من النساء. شاهدت الأمريكيات وهن ، عآآآآآآآآآآآآآآآدي ، يهرولن الهرولة الصباحية لمسافة 20 كم من زملائهن الرجال. عندما طلب مني الرقيب المطوع السعودي أن أقول للعقيد فاطمة المسلمة ، خبيرة الذخائر والمتفجرات أنه لايليق بها ،كمسلمة ، أن تقود السيارة ، قالت لي " Tell him, I can even fly a helicopter!! قلت له ذلك ، فما كان منه إلا أن قال: أعوذ بالله؟؟ بالمناسبة: الطيارة عندها بوري!!
تحياتي
Post: #157 Title: Re: لو كنت راجل .... توجد ( مواقف وصور) !!!! Author: dardiri satti Date: 01-12-2010, 10:42 AM Parent: #86
Quote: لو كنت راجل كان ممكن أشتغل ( كابتن طيران) لإحساسي إنها مهنة راقية ومتتعة جداً
وماعارفة ليه في السودان ماشايفة لي سيدة ( كابتن طيار) ؟
حلم مشروع !
قبل سنوات سألت بنتي ، ولما تدخل المدرسة بعد: عايزة تبقي شنو؟؟ قالت لي: عايزة أكون المرة التسوق الطيارة، ضحكت للتعبير ، وسعدت بالفكرة وكنت فعلاً أنوي أن أحقق لها الأمنية؛ لكنها ، ولما كبرت ، آثرت أن تدرس الرياضيات برضه نوع من الرجالة!! قناعتي الخاصة أن المرأة يمكن أن تقوم بأي عمل. هل تعلمي أن 40% من القوة الأمريكية التي جاءت لتحرير الكويت كانت من الفتيات والنساء، وهل تعلمي أن 80% من القوة التي اقتحمت الكويت كانت من النساء. شاهدت الأمريكيات وهن ، عآآآآآآآآآآآآآآآدي ، يهرولن الهرولة الصباحية لمسافة 20 كم من زملائهن الرجال. عندما طلب مني الرقيب المطوع السعودي أن أقول للعقيد فاطمة المسلمة ، خبيرة الذخائر والمتفجرات أنه لايليق بها ،كمسلمة ، أن تقود السيارة ، قالت لي " Tell him, I can even fly a helicopter!! قلت له ذلك ، فما كان منه إلا أن قال: أعوذ بالله؟؟
بالمناسبة: الطيارة عندها بوري!!
تحياتي
Post: #109 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 03:23 PM Parent: #85
الحبيبة أناهيد كمال
كيفك ووينك يازولة هنا ولا هناك ؟
Quote: انت عارفة الحكومة دى صغرت الرجال ومرمرت بيهم الارض وبقوا ناس معايش بس
لا والله ماكلهم ياأناهيد
وفي السودان رجال (حرّم) يخوضوا النار وياخدو التار هييييع !
Post: #108 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 03:18 PM Parent: #84
نزار حسين ياصديقي وشقيقي الإنسان الجميل
حبابك ملايين
Quote: الحرم نموذج لابد ان اكتب عنه مطولا ففي الذاكرة مخزون ماهل من حكايا وأفعال الحرم بت بتول...وهي عندي تعدل جيش رجال...
عليك الله تعال أحكي وبوح ودفق الحنان لأحلى حرم بت بتول في الكون سمح؟
Post: #107 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 03:16 PM Parent: #82
صديقتي الغالية عفاف
حبابك
Quote: تعرفي يا نادية يا أختي .. حسب وجهة نظر ي .. هناك مواقف كتيرة جدا بتتطلب منك تكوني راجل في لحظتها فقط .. يعني تمر بيك ظروف تخليك تقومي بواجب الراجل .. وده طبعاً عن رضاء ..
صدقي أنا أصلاً (راجل وامرأة) من أكتر من تلاتة سنوات لأنو وبعد كامل الرضاء بقضاء الله وقدره
لقيت نفسي بين يوم وليلة ( أم وأب) ومسئولة مسئولية كاملة عن بت لازم أرعاها وأعمل ليها كل الكان بعملوا ليها
أبوها المرحوم وهو كان رجل بكل معاني الرجولة ربنا يرحمو ويغفر ليهو قادر ياكريم !
أها لقيتيني كيف ؟( وش مشتاق يشوفك)
Post: #104 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:52 PM Parent: #80
تبلدينا
حبابك
Quote: الود دا مشكلتو مع ( الأنا) شنو !!؟
شاب صغير في السن لسة وعاجباه روحه وهو في الآخر ولدنا كان ماإستحملناه البستحملوا منو ؟( وش أم حنون)
Post: #103 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 02:45 PM Parent: #79
محمود
Quote: جنون المبدعين ما عندو حل نهائي..(تلج مكعبات..إنتو من زمن كسير التلج؟؟)
إنت ذاتك مبددددع ومجنووووووووووون وممكن تعتبرو تلج مكعبات عادي ( وش كيف كيف )
Post: #105 Title: Re: لو كنت راجل .... توجد ( مواقف وصور) !!!! Author: فايزودالقاضي Date: 12-30-2009, 02:57 PM Parent: #103
نادية ..سلامات ...
عندي احساس كده لو كنتى راجل كان اخدوك ناس التجنيد الاجباري زمان ... يارجعتي ويامارجعتي ؟!! لو رجعتي خير وبركة ولو مارجعتي البوست ده ماكان اتكتب ...
غيتو انا ياليتني كنت ترابا ..
Post: #111 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-30-2009, 03:39 PM Parent: #105
فايز ود القاضي
حبابك أخوي
Quote: عندي احساس كده لو كنتى راجل كان اخدوك ناس التجنيد الاجباري زمان ... يارجعتي ويامارجعتي ؟!! لو رجعتي خير وبركة ولو مارجعتي البوست ده ماكان اتكتب ...
Post: #112 Title: Re: لو كنت راجل .... توجد ( مواقف وصور) !!!! Author: غالب شريف Date: 12-30-2009, 05:58 PM Parent: #111
لوكنت رجلا لازداد عدد الرجال رجلا فافتقدوا بذلك اما حليمة واختا كريمة وبنتا رحيمة ورفيقة حميمة
والذي نفسي بيده المراة العظيمة افضل من انصاف الرجال
وقديما قال المتنبي في رثاء اخت سيف الدولة وفي رواية امه
اذا كان النساء كمن فقدنا لفضلت النساء على الرجال
فماالتانيث لاسم الشمس عيب ولا التذكير فخر للهلال
خروج على النص
اللواء احمد عثمان مختار دا ربنا لو جابو كان قلبها زمان وسماها لينا ثورة ديسمبر باقي هو الشهر
الوحيد الناقص يكون فيه احتفال
Post: #113 Title: Re: لو كنت راجل .... توجد ( مواقف وصور) !!!! Author: Amany Elamin Date: 12-30-2009, 06:01 PM Parent: #111
العزيزه ناديه: بالجد البوست ده جميل ..
خليني أرد عليك وعلي قيقراوي مع بعض:
Quote: يا اماني يا فردة اول طريق التعاسة عدم وجود سقف للطموحات و الآمال . . تصدقي .
كلامك صاح, بس عايزه أشرح ليك قصدت شنو بسقف الأحلام .. عشان ما يكون الكلام عام خليني أضرب ليك مثال بي أنا دي,
لو كنت راجل كنت هسي بخطط انو لما أخلّص ال PhD انشاء الله حأمشي أمريكا أو السويد عشان أعمل ال Postdoc من غير ما أفكّر اني قبل ما أكمّل التلاتين لازم أكون اتزوجت وأنجبت طفل أول كحد أدني, لازم دي بحكم حاجات كتيره منّها التقاليد اللي مقيده كل النساء الشرقيات, ومن غير ما أحجّم أحلامي العريضه في مهنتي, لأنو باختصار أغلب الرجال بيمشوا في طريقهم وبيأقلموا زوجاتهم علي حياتهم وليس العكس .. !!
يا قيقراوي, عارف نحن في مهنتنا اللي بيبتدوا في المجال أغلّبهم بنات, لكن اللي بيستمروا لغاية ما يبقو بروفّات وبيشغلوا المناصب المرموقه هم الرجال !!! وانه أغلب النساء اللي بينجحواويحققو أحلامهم بيكونوا الجانب التاني من حياتهم ما Fulfilled ؟ البنات بيتساقطوا أثناء الطريق الي البرفيسورشيب لمهام بيولوجيه أو لزوج غير داعم ومشجّع, وماتقول لي يختاروا صاح لأنه حتي مسألة انو البنات بيختارو الزوج دي أنا شايفاها ما صحيحه , للأسف البنات بيقبلوا لاعتبارات كتيره, ونادرا ما يختاروا,
ياقيقراوي الموضوع شائك لكن ماقصدته انه لو أنا كنت راجل كنت حأحلم وحأسعي لتحقيق حلمي, من غير ما يكون في شئ جوّاي بيذكرني باني بت واني باختصار أحلامي عندها حدود أكبر من حدودي التانيه المصدرها اني بني ادم !!
سلام كتير ..
Post: #114 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-30-2009, 06:23 PM Parent: #113
Quote: لو كنت راجل كنت هسي بخطط انو لما أخلّص ال PhD انشاء الله حأمشي أمريكا أو السويد عشان أعمل ال Postdoc
عزيزتنا أماني سلامات
إنك تسافري أمريكا يا أماني الزمن دا بقت عادية وما محتاجة إنك تكوني راجل، وبالمناسبة أمريكا أمان أكثر من السودان للبنات
بس حكاية إنك تعملي الPostdoc فى أمريكا دي اللي ح تكون مشكلة للاسف الأمريكان ما بعترفوا بأي شهادات خارج أمريكا، وكل السودانيين عملوا شهادات من جديد فى أمريكا بس الحسنة الوحيدة إنهم يسمحون لك باستخدام شهاداتك الأجنبية للتحضير للماجستير والدكتوراه
وألف مبروك مقدماً الدكتوراة يا أماني وبالمناسبة خايلة عليك الدكتورة أماني الأمين دي
Post: #115 Title: Re: لو كنت راجل .... توجد ( مواقف وصور) !!!! Author: Amany Elamin Date: 12-30-2009, 06:51 PM Parent: #114
الصديق العزيز النذير حجازي:
Quote: إنك تسافري أمريكا يا أماني الزمن دا بقت عادية وما محتاجة إنك تكوني راجل، وبالمناسبة أمريكا أمان أكثر من السودان للبنات
انا ما بتكلم علي السفر, لو علي السفر ما أنا دي ذاتي عملت البراكتيكال بتاع ال PhD في بكين !! أنا بتكلم علي سقف الطموحات, موضوع أمريكا ده مجرّد مثال لأنه في مهنتنا الأمريكان توب التوب :) الحبيت أشرحو انو العمر اللي ممكن الواحده فيهو تنجز أكاديميا ومهنيا وتختار الأفضل لدراستها وعملها, بتكون مقيّده فيهو بضرورة تكوين بيت وأسره, ضرورة قبول زوج في اطار زمني معين ومن ثم مهامها البيولوجي بتثنيها عن اتخاذ القرار السليم مهنيا .. وغالبا بتتعطل مهنيا لمصلحة حسابات أسريه .. علي عكس الرجال, البنات هم اللي بيأقلمو حياتهم علي حياة أزواجهم غالبا .. في حين الرجال بيرسموا ويحلموا ويقرروا بحريه مقارنه بالنساء ..
فهمتني؟
Post: #116 Title: Re: لو كنت راجل .... توجد ( مواقف وصور) !!!! Author: WAD ELGAALI#4 Date: 12-30-2009, 06:52 PM Parent: #114
أخونا النزير نختلف معاك شويه لانو كلامك دا نصين فيهو صاح باستثناء حكاية البوست دوك دى لولقيت البروقرام المناس مثلا نفس الحاجه العملت فيها درجتك تكون هنا فيها شورت وتلقى القبول مافى زول بطلب منك تعمل بى اتس دى تانيه عندى معاى هنا خمسة واتنين فاتو اهلوم فبلاى يا باشمهندس ماطفشلنا الحمام الزاجل هسى نحن حمدنا الله انو فى ناس زى اختنا امانى بتفكر تجى البلد البارده دى ودى للجميع
Post: #117 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-30-2009, 08:15 PM Parent: #116
Quote: موضوع أمريكا ده مجرّد مثال لأنه في مهنتنا الأمريكان توب التوب :) الحبيت أشرحو انو العمر اللي ممكن الواحده فيهو تنجز أكاديميا ومهنيا وتختار الأفضل لدراستها وعملها, بتكون مقيّده فيهو بضرورة تكوين بيت وأسره, ضرورة قبول زوج في اطار زمني معين ومن ثم مهامها البيولوجي بتثنيها عن اتخاذ القرار السليم مهنيا .. وغالبا بتتعطل مهنيا لمصلحة حسابات أسريه .. علي عكس الرجال, البنات هم اللي بيأقلمو حياتهم علي حياة أزواجهم غالبا .. في حين الرجال بيرسموا ويحلموا ويقرروا بحريه مقارنه بالنساء ..
فهمتني؟
عزيزتنا أماني، تحياتي مجدداً
فهمت الجزء الأول بتاع السفر لكن أختلف معاك تماماً فى الجزء الآخر من كلامك
وقبل ما أدخل فى الموضوع خليني أدخل تشبيه بسيط سيساعد فى فهم ما أنا بصدده تعرفي يا أماني إنو كون المرأة تتمنى أن تكون رجلاً لأنها ستوفر لها فرص كتيرة أو أحسن دي بتذكرني لمن كنا فى السودان ومحبطين، وكنا شايفين إنو السفر والعيش فى أمريكا كأنه عصا موسى السحرية وستحقق لنا كل آمالنا، ولمن دخلناها وعشناها بقت علينا زي حكاية "جينا لمكة تغنينا قلعت طواقينا" وحتى الشباب بسمونها "أرميكا" لأنها حفرة وناس كندا بسموا كندا "كنبة" فى حين إنو أخونا الصغار ومعارفنا فى السودان، بقولوا لينا ساعدونا نجيء أمريكا بنقول ليهم، أمريكا كلام فاضي، وبرضو ما بصدقونا، وأنا هسى بقول ليك إنك تكوني راجل علشان حرية أكتر برضو ح أقوليك كلام فاضي وما ح تصدقيني
ولفهم المثال الذي ضربته أعلاه أكثر، فأرى أن المرأة هى أقاربنا فى السودان الذين يحلمون أن يأتوا لأمريكا (وهي شيء ما بستاهل) وأمريكا هى "الرجل" أو الامنية التى ستحل كل العقد وتمهد الطريق للطموحات، وهى فى الحقيقة لا. (وأخشى ما أخشاه إنو يجيء أخونا محمد إي سليمان ويطلعني بستعلى على المرأة بي ضرب مثلي هذا ويعملها لي توم فى شمال زي حكاية فصل الجنوب من الشمال)
وهاك دي يا أماني بعض عراقيل الشباب ولازم أي شباب سوداني يمر بيها- إلا من رحم ربي - وما أظنك ختيتيها فى حساباتك: 1) لازم بعد ما يتخرج من السودان يقضي الخدمة الإلزامية لمدة عام، وممكن تروح فيها لو قامت حرب، فى حين إنو البنات ممكن يشتغلوا طوالي. 2) لازم إنو يهاجر برة السودان، علشان يساعد أهلو، ولو بحب ليهو واحدة ما ح يقدر يتزوجها لاتزامته الاسرية و ح يضطر يفسخ علاقته بها، ويساعد أهلو على الأقل لمدة خمسة سنوات قبل ما يعرس، ولو فتح خشمو وقال عايز يعرس بقولوا ليهو يخس عليك يا أناني إنت عملت لي أهلك شنو؟! وهسا إنت بقيت على العرس؟! ودا باب كل الشباب بمروا بيهو والواحد علشان يتزوج لازم يكون عمرو أكبر من 33 سنة على الأقل. وفى بعض الأسر والله بطالبوا أولادهم إنهم يهدوا البيت ويقوموه عمارة علشان الواحد فيهم يقدر يتزوج فى حين إنو البنات لأ فى حتة العرس دي هى اللي بتقرر إنها تتزوج هسى وللأ تأجلو وما فى زول بسألها، وبالعكس بفرحوا الأهل لزواجها المبكر وأخوها المسكين لأنو راجل لازم يساعد كمان فى تكاليف زواجها، ولو حصلت أي مصيبة تانية مثل علاج خارج السودان، الراجل المسكين التعيس دا هو اللي يقوم يدخل فى ديون علشان يسدد النفقات، فى حين إنو البنت ماهيتها كلها بدكنها لي نفسها وما مسئولة عن أي نفقات، ياخي إنتو والله عايشين فى جنة، والراجل بكون مدور فى حكاية المصاريف دي وما بتنتهي إلإ بوفاته. 3) بعد الزواج، الراجل هو المسئول الوحيد عن إعالة الأسرة، وحتى ولو زوجته بتشتغل، قروشها بدكنها لي نفسها، ومعظم الأزواج السودانيين لايرضون أن تساعدهم زوجاتهم فى المصاريف، عليك الله يا أماني فى أحلى من كدا؟! والمرأة ممكن تقطع عملها فى أي وقت شاءت لانها ما عليها إلتزامات، فى حين إنو الراجل لو وقف من الشغل يوم واحد بتبهدل، وغير السخافات التى تقابله فى عمله ويستحملها على شان خاطر أسرته وإلتزاماته المادية. 4) قلتي إنو برضو الأسباب البايولوجية للمرأة تعطلها، فى حين إنو يمكنها تنظيم ذلك بكل سهولة باستعمال العقاقير الطبية، وفى يدها القرار متى وأين تريد أن تنجب وخلافه، فى حين أنه الرجل لا يستطيع ذلك ودائماً يفأجأ بهذا الموضوع 5) وحكاية تأقلم الزوجات على هوى أزواجهم دي، برضو إنتهت زمان، وبالعكس الأزواج هم يتمنون أن تكون زوجاتهم طموحات وعاملات، على الأقل برتاحو من حكاية النقة الكتيرة لمن تكون الزوجة عواطلية وما عندها شغلة غير زوجها، وزمان يا أماني لمن كنا عزابة كانت أمنياتنا "حلة تجق جق ومرا تنق نق" وديل الحاجتين اللي بكون محروم منهم العزابي، وبعد الزواج آمنا بنق نقة النساء لوول.
هذا غيض من فيض، وما استحضرته ذاكرتي الآن، وأتمنى من الشباب الاضافة إليها، ويشوفوا الجحيم اللي نحن عايشين فيهو
Post: #118 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-30-2009, 08:40 PM Parent: #117
Quote: أخونا النزير نختلف معاك شويه لانو كلامك دا نصين فيهو صاح باستثناء حكاية البوست دوك دى لولقيت البروقرام المناس مثلا نفس الحاجه العملت فيها درجتك تكون هنا فيها شورت وتلقى القبول مافى زول بطلب منك تعمل بى اتس دى تانيه عندى معاى هنا خمسة واتنين فاتو اهلوم فبلاى يا باشمهندس ماطفشلنا الحمام الزاجل هسى نحن حمدنا الله انو فى ناس زى اختنا امانى بتفكر تجى البلد البارده دى ودى للجميع
حبيبنا ود الجعلي، سلامات
وأشكرك على المعلومة الضافية، وفعلاً أمريكا بلد الفرص، وما كل الجامعات زي بعض، فقد قستها على جامعة نورث كارولينا آت شارلوت، وجامعة ألم ومتشددة جداً فى التعليمات، وبالمناسبة برضو نسيت ناس الطب ما محتاجين بس بمتحنوا إمتحانات معينة ويدورو زي الترتيب.
ولكن يا ود الجعلي لقيتك ما هين لوول، قلتا لي رامي عينك على أماني؟! لوول، والله بيني وبينك كدا لو كنت ما متزوج، أماني دي ما بتتفوت، علم (دكتوراة ماشاء الله)، دين، أدب، أخلاق، وجمال روحي (لأنو ما شفناها على الحقيقة، وأهلنا يا ود الجعلي بقولوا تشوف مُحمد فى السوق تعرف فاطنة اللي في البيت، ونحن شفنا جمال روحها هنا، وعرفنا جمالها اللي فى البيت، ولو عميانة وطشانة ومكسرة برضو حلوة) وأحسن حاجة تعلمها يا ود الجعلي تمشي بالباب عديل ومن دربك دا يا ود الجعلي أمشي كلم خالاتك نجاة ودومة يحجزوها ليك، ولو شوكشتك ما مشكلة شاكوش من أماني دي يا ود الجعلي تخلتو فى السيرة الذاتية بتاعتك وبكبر ليك كومك لوول
ويا أماني فردتي عليك الله ما تزعلي مني، أنا لساني متبري مني، وود الجعلي استنجد بي.
Post: #119 Title: Re: لو كنت راجل .... توجد ( مواقف وصور) !!!! Author: قيقراوي Date: 12-31-2009, 00:47 AM Parent: #118
Quote: 3) بعد الزواج، الراجل هو المسئول الوحيد عن إعالة الأسرة، وحتى ولو زوجته بتشتغل، قروشها بدكنها لي نفسها، ومعظم الأزواج السودانيين
يا النذير اخترت ( 3 ) دي و اربعة كتلتني من الضحك الله يكفينا شر المفأجعات ياخ !! لووووووووووول انا اتفجأت 3 مرات . . تاني ما بفاجئني الا يكون كل سنة ما في مفأجاة جديدة
صاحبن لينا معرّف الزواج كالآتي : " علاقة بين اتنين ، واحد بدفع و التاني لا . و الغريبة الما بدفع عامل فيها سيد البيت ! "
-------------
يا اماني امسكي في مداخلة النذير دي قوي ، و اقريها بعقل و قلب مفتوح . . اها انا القدامك دا متخرج لي 12 سنة ، و لي اسي دي امي و متعذر بمكنة الجندر دي . . اسي لو كنت بت ما كان ختيت لي ( د ) قدام اسمي ؟ كان بقيت ( دقيقة * ) عديل . . باقي ليك بتقسّم ؟
اقول ليك ؟
تبدلي ؟
شايف نادية عملت رايحة
تحياتي ليكم كووووووووول@كم
Post: #120 Title: Re: لو كنت راجل .... توجد ( مواقف وصور) !!!! Author: WAD ELGAALI#4 Date: 12-31-2009, 02:05 AM Parent: #119
ياالنذير أخوى أمانى دى آبترضى بى واحد زى اخوك من الاقاليم وماعندو مستقبل ولا عندو قروش وشييييين وحتى لو اقنعت انهاتنتحر انا ما برضى اكون المنتحر به
Post: #121 Title: Re: لو كنت راجل .... توجد ( مواقف وصور) !!!! Author: هاجر التهامي ياسين Date: 12-31-2009, 02:46 AM Parent: #120
الاخ النزير شكرا كتير الاخت اماني اصابت في حكاية الطموح دا, لانو الحقيقة مازالوا السودانيون واقفين في محلهم, وفعلا لو الواحدة حاولت تطلع لاكثر من الهي فيه سوف تجد الكثير من العقبات. انا لما دخلت البوست دا فعلا عممت لاني زعلانه لكتير من التصرفات البتحصل من الرجال انفسهم. الكل قال هاجر بتتكلم عن تجربة شخصية, ممكن دا يكون جزء من الانا تكلمت عنه. اعملو جرد لكل البوستات الاسفيرية هنا ولا في منابر اخرى , سوف تجد الكثير من اللغط ومحاولة احراج الاخوات عند مناقشة اي امر. بس مثل بسيط الحاجة الحصلت مع الاخت نادية صاحبة البوست نفسها هل هذا شيئ جميل؟ الم يقرأ الكل ما كتب تحت اسمها في الفيس بوك؟ هل اتخيل بان من فعل هذه الفعلة رجل ابن رجل ؟ ولماذا فعل هذا اذا لم يكن انسان مريض , حاسد, يريد لها ان تزول , كما ارادت له الحياة بالزوال النفسي. شكرا اخوتي احبتي كل مانتمناه شيئ من الانسانية في حياتنا تجاه بعضنا البعض. لا ضبابية في تعاملتنا نتقبل بعض بكل علاتنا ونقوم بعضنا البعض مع كل مودتي هاجر
Post: #122 Title: Re: لو كنت راجل .... توجد ( مواقف وصور) !!!! Author: Amany Elamin Date: 12-31-2009, 08:37 AM Parent: #121
صديقي العزيز النذير حجازي: كلامك ياباشمهندس مليان, وقريته بعقل وقلب مفتوح زي ما وصاني قيقراوي, عايزه أثّبت لي نفسي كلامي الكتبته فوق ده عشان يكون في بالنا ونحن بنتناقش
Quote: أحلامي عندها حدود أكبر من حدودي التانيه المصدرها اني بني ادم !!
صدقني قبلت كتير من أجزاء كلامك لأنها صادقه وواقعيه, ولو انت قبلت شويه من كلامي حنطلع من نقاشنا بي كونكلوشن ممتازه جدا ,
Quote: لازم بعد ما يتخرج من السودان يقضي الخدمة الإلزامية لمدة عام، وممكن تروح فيها لو قامت حرب، فى حين إنو البنات ممكن يشتغلوا طوالي.
شكلك يالنذير طوّلت من السودان, الخدمه الوطنيه الزاميه علي البنات برضو, ومافي شهادات مالم يتم انجازها بعد التخرج, انسه, متزوجه, بي أطفال أو بدون ما بغير شئ, المهم سنه خدمه يعني سنه خدمه,
Quote: فى حين إنو البنات لأ فى حتة العرس دي هى اللي بتقرر إنها تتزوج هسى وللأ تأجلو وما فى زول بسألها، وبالعكس بفرحوا الأهل لزواجها المبكر وأخوها المسكين لأنو راجل لازم يساعد كمان فى تكاليف زواجها، ولو حصلت أي مصيبة تانية مثل علاج خارج السودان، الراجل المسكين التعيس
في دي برضو طوّلت من السودان, النذير أخوي البنات هسي هم الشايلات بيوت أهلهم, الواحده بتكون شغّاله وبتساعد أهلها وداخله صناديق عشان تغيير حاجات في البيت, وبتعمل مشاوير البيت, ولو في بناء هي البتقيف فيهو كمان, أنا ما بقلل من دور الرجال في البيت, لكن صدقني الزمن اتغير, وحكاية البت دورها جوه البيت والراجل دوره بره دي انتهت زمان, حتي المتزوجين "بتكلم عن داخل السودان لأنه الظاهر المغتربين الموضوع عندهم مختلف", الزوجه والزوج الاتنين لو شغالين بيتعاونوا في مسئولية البيت, تعاون تلقائي وطبيعي, لأنه ما ممكن الواحده تحس انو بيتها ناقصاهو شئ وما تتمها ,
Quote: حكاية تأقلم الزوجات على هوى أزواجهم دي، برضو إنتهت زمان، وبالعكس الأزواج هم يتمنون أن تكون زوجاتهم طموحات وعاملات، على الأقل
والله يالنذير نادر جدا تلقي زوج بيدعم زوجته عشان تتقدم مهنيا وأكاديميا, من مرحلة هي عندها طموح وحتوقفوا وتتزوج وتجيب عيال وتاني تبقي ما عندها راس وبال فاضي عشان تنجز, وكمان تحصر نفسها في مساحه محدوده هي محيط زوجها وما تفكر تمرق بره أو تختار الأحسن لمهنتها, أنا بتكلم عن الواقع الحواليني, زميلاتي في الشغل كلّهم كانوا نشيطات جدا ومنجزات قبل الزواج, بعد الزواج شغالين بنص تركيز واللي لحقت عملت ماستر, تاني الدكتوراه الا تتعمل براها ومرات بيجوا بعد الخمسين وأولادهم يكبروا يحاولوا يكملوا تحضير, طبعا هي خطوه شجاعه وجميله, لكن وهي في العمر ده الفايده شنو لو عملت ديقري وطلعت المعاش؟ صدقني يالنذير الراجل الزواج بيخليهو أكثر استقرارا وانجازا في عمله وما بقيف أصلو زي ما قلت, لكن البت الزواج بيلغي جزء كبير من أحلامها وبترجع كأنها اتزوجت بعد المدرسه من غير دراسه ولا جامعه ولا تعب ولا وجع قلب وسهر ومجهود, والدليل أوائل الشهاده السودانيه من البنات, بنسمع أساميهم في التلفزيون وتاني ما بنعرفهم بيمشوا وين !! ولا بنسمع ليهم بانجازات, والحالات الشاذه نسبتها ضئيله من واقع مشاهدتي ..
نرجع لي اقتباسي ده:
Quote: أحلامي عندها حدود أكبر من حدودي التانيه المصدرها اني بني ادم !!
كتير من العقبات بتواجه البني ادم في تحقيق أحلامه لأنه "بني ادم" لكن انك تكون بت وفي مجتمع شرقي, فدي Limitation تانيه كبيره وسقف اخر للطموحات ..
النذير صديقي: أنا شاكره ليك جدا حسن ظنك فيني, والكلام الجميل الكتبته في حقي, "اللهم اجعلني خيرا مما يظنون، واغفر لي ما لا يعلمون، ولا تؤاخذني بما يقولون".
علي فكره كلمة السر: لاقيت سمارت-انا لما جات الخرطوم في اجازتها الأخيره :)
جزيل الشكر,,
Post: #123 Title: Re: لو كنت راجل .... توجد ( مواقف وصور) !!!! Author: محي الدين جبريل Date: 12-31-2009, 10:35 AM Parent: #122
Quote: البوست ده فيهو زي مليار سطر أخي العزيز فمعليش ممكن أفهم شنو المعنى الواحد البتقصدو ولا المداخلة دي رداً على مداخلات بعينها للزملاء والزميلات ولا فحوى البوست بكامله ولا شنو مافهمت ياي الدين أخوي وليك الشكر مقدماً؟
وكن بألف خير
ندوية
لعلى أقصد عنوان البوست فى المقام الأول ... وطرحك الشخصى للموضوع ...
وأتمنى أن أكون مخطئا
Post: #124 Title: Re: لو كنت راجل .... توجد ( مواقف وصور) !!!! Author: مريم بنت الحسين Date: 12-31-2009, 11:06 AM Parent: #123
نادية عثمان ازيك... وتحية ومحبة شديدة كده.. وكل سنة وانت طيبة
في واحد من الافلام البحبها جداً اسمه conspiracy theory، بمثل فيه Mil Gibson وحبيبة الجماهير Julia Roberts.. في مشهد علق في ذاكرتي... لزيز جداً.. فيه مقارنه لطيفة بين الرجال والنسوان.... جوليا روبرتس سايقه السيارة، وراكب في الكنبه الورا معاها ميل جيبسون.. ولاحظت انه في سيارة ماشه وراهم ومتابعاهم... قام ميل جيبسون قعد يقول ليه امشي سريع، سوقي بسرعة.. ضيّعهم ... قامت ابتسمت ابتسامه ساخره كده، وقالت ليه، انتو الرجال بتحلوها كده، لكن احنا بنحلها بشكل تاني... وقامت عملت hazard كأنه سيارتها عطلت... مما اضطرت بقية السيارة، بما فيها السيارة الملاحقاهم انهم يتجاوزوها... عشان ما يقفلوا الطريق، وبضغط من السيارات الورا!!! اتخيلتيها كيف!
احنا أحرف منهم، حتى في السواقه!...
امشي سوقي الطيارة يا بت.. وحاة الله الuniform حيطلع عليك جنان!
Post: #125 Title: Re: لو كنت راجل .... توجد ( مواقف وصور) !!!! Author: نادية عثمان Date: 12-31-2009, 06:34 PM Parent: #124
ياسلااااااااااام
والله العظيم بشكركم كلكم
ياخ خليتوني أحب البوست ده شديد وقعدت أقرأ كل مداخلاتكم بنهم شديد
خاصة الحوار الراقي الأخير ده بتاع ( الون تو) بين النذير وأماني من جهة وود القلعة والنذير وقيقراوي وأماني
وكمان المداخلة الواعية للزولة الجميلة هاجر التهامي وكمان المداخلة اللذيذة للعسل أم محمود حفيد الحسين
ووالله إستفدت من كلامكم وقريتو بنهم وإعجاب وتقدير كبير جدا ياخ
ياسلام على سودانيز أون لاين لما نتعلم منها كيفية إدارة الحوارات بالشكل الموضوعي والعقلاني والمثمر ده ياخ
أقول ليكم شئ ؟
البوست ده أنا دفعتو ليكم ياتقنعوا أماني بالسفر لأمريكا ياتفهموا وجهة نظر هاجر يا مريم بت الحسين تقدم معاي لأكاديمية الطيران بتاعة أبو محمد طه الحبر ونلبس يونفورمات طيارين سوة ونطير مع أماني أمريكا ( وش مبسوووووط وفرحان منكم )
محي الدين جبريل أخوي الغالي .. خليك من العنوان إنت قريت البوست ده كلو من أوله لآخره ؟!
أقرأه بتمعن بتفهم المقصود وكمان بتطلع بحاجات حلوة أنا ذاتي طلعت بيها من حوار الزملاء هنا والله سمح؟
تسلموا كلككككككككككككككم يارب وكونوا عافية
سلام
Post: #126 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-31-2009, 10:21 PM Parent: #125
لوووووووووووووووووووول@ قيقراوي
حبيبنا اللذيذ قيقراوي، سلامات
Quote: صاحبن لينا معرّف الزواج كالآتي : " علاقة بين اتنين ، واحد بدفع و التاني لا . و الغريبة الما بدفع عامل فيها سيد البيت !
شفتا العالم دي لُبط كيف؟! ياخي نحن متزوجين لينا رباطيات فى البيت لوول قبل الزواج يحننو بعد الزواج ويجننو لوول
Quote: اقول ليك ؟
تبدلي ؟
والله في دي يا قيقراوي كتلتني من الضحك، ياخي أنت شكلك كدا ممكون صابر لوول
ويا قيقراوي شكلك كدا ما مرت عليك نكتة خطبة المسطول فى "اليوم العالمي للمرأة"؟! ياخي دي منتشرة فى الايميلات، وما فى راجل بقدر ينشرها فى أي منتدى لأنو ح يطرد منو طوالي، والبنات ح يقطعوا علاقتهم معاهو ومافي زول تاني بحترمو، ممكن تعمل ليها بحث على قووقل وتقرأها، وبعديها ح تنط نطة جامدة من كلامك دا
Post: #127 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-31-2009, 10:45 PM Parent: #126
Quote: ياالنذير أخوى أمانى دى آبترضى بى واحد زى اخوك من الاقاليم وماعندو مستقبل ولا عندو قروش وشييييين وحتى لو اقنعت انهاتنتحر انا ما برضى اكون المنتحر به
أفوو يا الجعلي الكبكابة؟! والله شكلك كدا جعلي تقليد ساي
والله يا ود الجعلي ما كنتا قايلك جبل رجاف كدا
يا ود الجعلي يا أخوي، والله أديك نصحية ذهبية والله تنفعك فى حياتك والنصحية دي أدتني ليها واحدة أمريكية متخصصة فى مجال التوظيف فى جامعة نورث كارولينا آت شارلوت، وأي طالب بعد مايتخرج لازم يكتب السيرة الذاتية بتاعتو ويقعد معاها تراجعها ليهو، وتديهو نصائح والزولة دي أصلو ما ح أنساها ما حييت، تعرف نصحتني بي شنو؟!
قالت لي:"أي وظيفة تتمناها وترغب فيها قدم ليها طوالي، وأصلو ما تلاوز لمن تسمع إنهم قالوا عايزين مؤهلات أكبر من اللي العندك زي حكاية 25 سنة خبرة، ولاب لاب لاب، والحاجات التعجيزية دي. "خليهم هم اللي يرفضوك ما إنت ترفض نفسك تلقائياً"
شوفتا الدهب دا كيف يا ود الجعلي؟! الكلام دا تطبقوا فى البحث عن وظيفة أو زوجة والاتنين ديل دائماً الشخص ببحث عن القمة فيهما
Post: #128 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-31-2009, 10:52 PM Parent: #127
أختي الصغيرة والعزيزة هاجر تحياتي يا غالية
Quote: اعملو جرد لكل البوستات الاسفيرية هنا ولا في منابر اخرى , سوف تجد الكثير من اللغط ومحاولة احراج الاخوات عند مناقشة اي امر. بس مثل بسيط الحاجة الحصلت مع الاخت نادية صاحبة البوست نفسها هل هذا شيئ جميل؟ الم يقرأ الكل ما كتب تحت اسمها في الفيس بوك؟ هل اتخيل بان من فعل هذه الفعلة رجل ابن رجل ؟ ولماذا فعل هذا اذا لم يكن انسان مريض , حاسد, يريد لها ان تزول , كما ارادت له الحياة بالزوال النفسي.
أتفق معاك يا هاجر بأن بعض الأخوة يحاولون احراج الأخوات هنا، وهذا يدل على سوء التربية والوقاحة، وأيضاً هنالك سبب رئيسي يا هاجر هو التعليم الغير مختلط فى السودان له أثر كبير فى هذا الجانب السالب من تعاملاتنا، وبالمناسبة أنا مع التعليم المختلط المبكر بين الجنسين فى السودان، وشايفو بعالج أكبر مشكلة فى مجتمعاتنا وهو اضطهاد المرأة بقصد أو بحسن نية بسبب جهل التعامل بين الجنسين، وقد أثبتت التجارب بأن عدم الاختلاط بين الجنسين يسبب إعوجاج فى الشخصية، وفى ناس كتار هنا ما بعرفوا يتعاملوا مع المرأة لهذا السبب، وبشوتوا ضفاري، وهنا الطامة الكبرى.
أما عن حديثك الآخر والذي ضربتي به مثال لما حدث لعزيزتنا الأستاذة نادية مختار، وقد اضفت إليه بأنه إنسان حاقد، أي قد قمتي بتعديله من رجل إلى إنسان (اي رجل أو امرأة على حد سواء) والدافع هو الحقد والمرض، والفجور فى الخصومة لا جنس له، ويفعله دائماً فى النت حثالة المجتمع، والجميل فى هؤلاء بأنه ملفوظين من المجتمع، والجميع يتصدى لهم بقوة لدحرهم، وأراهم قد قلوا رويداً رويداً فى النت، وإن شاء الله الغد سيكون أكثر اشراقاً، وخالي من أمثال هؤلاء فى النت.
ونرحب بيك مرة تانية يا هاجر، وسيكون لك هذا المنتدى مدرسة جديدة ومفيدة وستتعلمين فيه الكثير، وتشوفي العجب، وللأسف هذا هو المجتمع بصالحه وطالحه، وفيه المتردية والنطيحة وما أكل السبع، وحاولي عند المداخلات مع الناس، أن تقري شخصية ونفسية الكاتب أو الكاتبة وتكوين صورة أقرب للذين تعرفينهم خارج النت ثم التعامل معهم على هذا الأساس، وستقيك بعض الركلات الجانبية لوول.
وكوني بألف خير
Post: #129 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-31-2009, 11:21 PM Parent: #128
فردتي العزيزة الدكتورة أماني الأمين تحياتي يا غالية
Quote: علي فكره كلمة السر: لاقيت سمارت-انا لما جات الخرطوم في اجازتها الأخيره :)
والله يا أماني فى دي جهجتيني جهجهة السنين، واصبري لي شوية وبجيب خبرك زي ما جبت خبر سمارت زعيمة المجهجهاتية فى البورد.
طبعاً سمارات دي فردتي لحام فى السودان، وزولة راقية وشاطرة وصحراوية جداً وبمناسبة الرجولة فى هذا البوست، سمارت دي بي عشرين راجل على مقياس رختر رجال ماقبل كرري وتقول لي شنو وتقولي منو، وعينة البنات اللي بضربوا بونية زي الترتيب، ولو جلتك بونيتها هواها ساي بعمل ليك نزلة ، ولبسها زاتو دائماً لبس رجال ، والغربية بما أنها مصنفة زعيمة الظلاميين فى البورد، إلا أنها فى موضوع لبنى أحمد حسين باعت القضية ، واستلمت الموضوع على حسابها لأنو هبشها طرف السوط ونقول ليها ما قلتو نوبة، و مسميها "فردتي فردتي -- فردةُ النظر"، على وزن نشيد جميل فى الإبتدائي لو بتتذكريهو بقول "بلدتي بلدتي -- بلدةُ النظر"، وما غريبة إنو تكونوا فرد، والطيبين للطيبات والخبيثين للخبيثات والشاطرين للشاطرات والبليدين للبليدات.
وطبعاً سمارت شغالة فى البورد لعبتها المفضلة بي جهجهة معارفها وعاملة فيها المرأة الخفية ، وأول ما جيت المنتدى دا جديد، جات تجهجهني - وعلى هامان يا فرعون - وقالت لي:"يا أبو النيز أنا بعرفك كويس وأكتر من تسعة سنين وما ح أوريك أنا منو" ، وقايله نفسها بتجهجهني، طوالي رفعت السماعة وضربتا ليها تلفون وقلتا ليها:"ويييييييييين يا سمارت أنا، لو عاملة فيها تفتحية و واقعة من السما والله نحنا اللازنك " واعترف مجهجهاتي الشيخ فى العقبة .
وبالمناسبة يا أماني اسمارت دي أحسن مثال للمرأة المتزوجة الطموحة والتى لم يقف الزواج عائقاً لها أمام طموحاتها، ياخي دي متزوجة وشاتت الماستر فى أقل من سنة، تقولي منو وتقولي شنو؟! دي سمارت والأجر على الله، وعما قريب سنبارك لها الدكتوراة فى الهندسية المدنية، والله يطراها بالخير.
والتحية لك ولسمارت أو أم يوسف، وبالمناسبة يا أماني زي العرفت كدا إنك برضو مهندسة مدنية، وكمان ماشاء الله عليك متخرجة بي فيرست كلاس.
ولك من ودي أنبله
ويا سمارت فردتي: معليش على القطيعة فيك ودي ورود صديقة وتحياتي لك ولأسرتك الكريمة وبوسة لخالو يوسف
Post: #130 Title: Re: لو كنت راجل .... توجد ( مواقف وصور) !!!! Author: النذير حجازي Date: 12-31-2009, 11:41 PM Parent: #129
Quote: ياسلام على سودانيز أون لاين لما نتعلم منها كيفية إدارة الحوارات بالشكل الموضوعي والعقلاني والمثمر ده ياخ
أقول ليكم شئ ؟
البوست ده أنا دفعتو ليكم ياتقنعوا أماني بالسفر لأمريكا ياتفهموا وجهة نظر هاجر يا مريم بت الحسين تقدم معاي لأكاديمية الطيران بتاعة أبو محمد طه الحبر ونلبس يونفورمات طيارين سوة ونطير مع أماني أمريكا ( وش مبسوووووط وفرحان منكم )
شكراً ليك إنت يا أستاذتنا الجميلة خلقة وأخلاق، وعلى هذا الكرم الحاتمي، والله كنتا متحسس شوية وقلتا ولو إنت ما جيت ما ح أرد على زول، وأخوك زول لاجيء بوستات كبير وبتحاوم فى بوستات الناس، وتعرفي أنا من سنة 2006 هنا ما فتحت غير تلاتة بوستات أي بمعدل أقل من بوست لكل سنة.
وبمناسبة محمد الحبر الكباشي، والله يا ندوية الزول دا ما تأملي عليهو كتير، ناس الحبر الكباشي ديل ناس صوفية وبتاعين مدائح وطار ساي، أبو حميد دا ما أظنو قاصد ليك طيارة أظنو قاصد ليك طار بتاع مديح وتتخرجي منو مداحة وتجهجهي معاك ناس أماني وهاجر ومريم
Post: #131 Title: Re: لو كنت راجل .... توجد ( مواقف وصور) !!!! Author: قيقراوي Date: 01-01-2010, 01:46 PM Parent: #130
Quote: والله في دي يا قيقراوي كتلتني من الضحك، ياخي أنت شكلك كدا ممكون صابر لوول
ويا قيقراوي شكلك كدا ما مرت عليك نكتة خطبة المسطول فى "اليوم العالمي للمرأة"؟!
لووووووول لا و الله يا نذير انا بحاول ادفع " الكونكولوشن " -اللت عليا اماني- في اتجاه انو اي زول مميز - مطلق كلمة زول - بس بعضنا ما بكون جايب خبر ! هنا تتعدد الاسباب ، و اولها " الكديسة " الفكيتا لاماني في اول مداخلة لي ديك ، بتاعة سقف الطموحات ، العرش مهم جداً لتقدير ما انت فيه / عليه . طيب متين ح تشعر بالرضا عن نفسك و انجازاتك ، اذا كل مرة بتدفر في السقف لفوق ؟! غايتو انا عرشت مع " الاونر " و رميت قدام لمواضيع العرس و ماشبه من مسائل حياتية * و التبريرية و لعب دور الضحية هي الطامة الكبرى ، يعني نخلي الموضوعي و نتمسك بتطمين غريب و فطير ؟! بت الحسين اضافت - عن غير قصد - سبب جديد ، " جوليا روبرتس " ايقونة جميلة و رمز اسطوري ما قلنا حاجة ،مع انها كانت تمثيل ساي . لكن التماهي في الرموز دا ما مشكلة ؟ هل تحقيق الذات فرض كفاية و ترف ؟! مش هو قمة هرم ماسلو ؟
غايتو الكونكولشن الوحيدة البتخشخش في كنكوجي دا ، انو اي زول مميز ، و لا اعذار . . على قدر اهل العزم تأتي العزائم ، الكل مكن ينجز كل شئ اسي شوف لا نادية قبلت تبدل و لا اماني لما الكلام دخل الحوش . . تفتكر ليه ؟ ياخ كرمشتن مشاعري بالمناسبة يعني امشي اشوف الناس الببدلوا بالعدة ديلاك و لا كيف ؟ لوووووووول انا ذاتي ما ببادل . . . و لنفس سببكن الح تكلمن بيهو النذير لاحقاً او تحتفظن بيهو عندكن . . يا ست الدار كان مريتي بموقف احتاج منك تطقطقي ليك زول اصلك ما تتلفتي ، كمان كان هو هنا ؟ خلينا نتفاوض على السعر انا بقوم بالمهمة عنك و كلوا بحسابو، و يا اماني بطلي لولولة و قومي على البتاع ** القلتوهو فوق دا ساي ، ما بحلك انك ما راجل .
----------------
* كان في بزنس عندنا دكتور هندي مكجني ليك و طوالي ينبزني ليك باني " انجوينغ ماي تايم " . . المسكين قايل روحو بنبز فيا ** هو اسمو شنو الداهي داك ؟ . . و ضروري شديد يعني ؟ و الله كان كدا الـ Ph D دي صعبة خلاس !!! . . عشان كدا ما دايرنها دي عذاب ساي ! شي مساسقة في الخرتوم و الصين و آخرتا نمرقا في امريكا الما قريبة دييييييييييييييك !! حالة اخير منها العرس
يا " ابوالنيز " - شفت رفع الكلف دا كيف ؟ - اماني تخصصها جهات البيطرة و الحيوان ما هندسة . نكتة المسطول / يوم المرأة ما طقشت عيني / اضاني ، لكن في قصة التبديل دي ، يحكى انو في واحد كان بترددعلى ناس كدا عندهم جدن ليهم قديم و معتق ، ربابيكيا ؤ كدا ، يوم ما لقاهو قاعد " لما سأل عنو قالو ليهو بدلناهو بالجك دا ؟! لوووووووول يا نيزو بقي ليك انت كدا ما طفشت ود الجعلي لما " زعمت " - في بالك - انو اماني ( دفعتكم )
Post: #132 Title: Re: لو كنت راجل .... توجد ( مواقف وصور) !!!! Author: احمد حامد صالح Date: 01-01-2010, 02:21 PM Parent: #131
هناك الكثير من المناضلات السياسيات ضد عتاة الدكتاتورية في العالم اللاتي حفظت ذاكرة التاريخ أسماءهن أمثال أنديرا غاندي، ويني مانديلا، بنازير بوتر، خالدة ضياء الحق، وغيرهن من العربيات ممن استشهدن على دروب الحرية أمثال دلال المغربي، سناء محيدلي، حميدة الطاهر، غالية فرحات، كما يوجد الكثير من الباحثات العالمات أمثال ماري كوري البولونية التي تملك عزيمة لا تكل ولا تمل، ورائدات الفضاء أمثال فالنتينا تيرشكوفا، سفتيلانا سوفيتسكابا، وسالي رايد، وغيرهن
يا نادية لا اعتقد ان هناك رجولة اكثر من الامثلة اعلاه بس الرجولة عاوزة تضحيات كما فعلت مهيرة بت عبود الفضاء مفتوح لحواء السودان لتثبت رجولتها مع تحياتى و كل عام و الجميع بخير
Post: #133 Title: Re: لو كنت راجل .... توجد ( مواقف وصور) !!!! Author: Amany Elamin Date: 01-01-2010, 05:58 PM Parent: #132
كل سنه وانتو طيبين جميعا ..
أحلي حاجه حصلت لي في أوّل يوم في 2010 اني لاقيت ست البوست اللذيذ ده :) لاقيت ناديه عثمان الليله في تجمع للبورداب, عـــــــــــــســــــــــــــــــل :) بتدخل القلب بدون استئذان, واتونسنا وحكينا واتعارفنا, وطبعا كان موضوع البوست ده أهم موضوع,
فرصه سعيده يا ناديه, و اتشرفت بمعرفتك :)
Post: #134 Title: Re: لو كنت راجل .... توجد ( مواقف وصور) !!!! Author: Amany Elamin Date: 01-01-2010, 06:59 PM Parent: #133
النذير صاحبي: لما قلت ليك كلمة السر سمارت, قصدت نفس اللي انت فهمتو, واتبسطت جدا لما قريت مداخلتك, (ده غير أني عارفه طبعا انكم بتتعارفوا), قصدت الكلام ده:
Quote: وبالمناسبة يا أماني اسمارت دي أحسن مثال للمرأة المتزوجة الطموحة والتى لم يقف الزواج عائقاً لها أمام طموحاتها، ياخي دي متزوجة وشاتت الماستر فى أقل من سنة، تقولي منو وتقولي شنو؟! دي سمارت والأجر على الله، وعما قريب سنبارك لها الدكتوراة فى الهندسية المدنية، والله يطراها بالخير.
سمارت ممكن نقول بايجاز انّها مثل أعلي بالنسبه لي, لو بيدي القلم بتمني أكون زيّها في يوم من الأيام, مثال نموذجي للمرأه اللي جمعت بين الزواج والنجاح :) ماشاء الله, عارف السبب شنو في رأيي يالنذير, غير اصرارها وتفوقها ومجهودها؟ انها عندها زوج داعم بشده لنجاحها, معاون ومتفهم مشجّع, مثال لزوج نادر, ما وقف في طريقها, بالعكس دعمها ووقف معاها في طريق نجاحها ..
Quote: يا أماني زي العرفت كدا إنك برضو مهندسة مدنية، وكمان ماشاء الله عليك متخرجة بي فيرست كلاس.
شكلك متابع بوست مذكرات ضب سابق :) ما هندسه مدنيه Science ,وبتخصص في ال Genetics ,تحديدا ال Molecular Biology of Cancer.. مجال جميل وواسع ومغري جدا للاستمرار والبحث :) باب مفتوح علي مصراعيه للبيعرف مداخله وبيقدر يخت رجله علي بداية الطريق, عشان كده لما مشيت خطوتين فيهو بفتكر انهم ناجحات وحسيت انّي حأوحل, بقيت واقفه في مفترق طرق وما عارفه أمشي وللا أرجع :(
بالجد أنا شاكره لناديه وليكم النقاش الجميل ده, وبالجد يالنذير مبسوطه بصراحتك وكلامك الصادق وأمانتك في الحوار :)
وبفتكر اننا ماشين كويس في طريق الكونكلوشن :)
-------- قيقراوي كلامك جميل, بس ما معاك في ده:
Quote: على قدر اهل العزم تأتي العزائم ، الكل مكن ينجز كل شئ
ما كل شئ يافتحي, صدقني ما كل شئ ..
Quote: و الله كان كدا الـ Ph D دي صعبة خلاس !!! . . عشان كدا ما دايرنها دي عذاب ساي ! شي مساسقة في الخرتوم و الصين و آخرتا نمرقا في امريكا الما قريبة دييييييييييييييك !! .
شفت عشان كده بقول ليك ما كل شئ, الموضوع حسابات, وكفّتي ميزان بتوازن بينهم أي أمرأه: الطموح في واحده والزواج في التانيه .. مالم ربنا يكرمها برفيق "زي بتاع سمارت" يساعد علي الجمع بينهما :)
Post: #136 Title: Re: لو كنت راجل .... توجد ( مواقف وصور) !!!! Author: نادية عثمان Date: 01-01-2010, 07:47 PM Parent: #133
أماني ياراقية وجميلة شددددديد
تسلمي والشرف لي أنا بمعرفتك والله وماتتخيلي فرحت بيك قدر شنو !
Post: #135 Title: Re: لو كنت راجل .... توجد ( مواقف وصور) !!!! Author: محمد طه الحبر Date: 01-01-2010, 07:24 PM Parent: #130
Quote: وبمناسبة محمد الحبر الكباشي، والله يا ندوية الزول دا ما تأملي عليهو كتير، ناس الحبر الكباشي ديل ناس صوفية وبتاعين مدائح وطار ساي، أبو حميد دا ما أظنو قاصد ليك طيارة أظنو قاصد ليك طار بتاع مديح وتتخرجي منو مداحة وتجهجهي معاك ناس أماني وهاجر ومريم
النذير ياممحون
والله اذا قلت طار في برضو
لكن دي بتكون مافي يدينا
تحياتي لك ولناديه بت عثمان
ودالحبر
Post: #138 Title: Re: لو كنت راجل .... توجد ( مواقف وصور) !!!! Author: انتصار محمد صالخ بشير Date: 01-02-2010, 00:15 AM Parent: #135
ندويه سلامات وكل سنة وانتى طيبة
عاد يا ناديه يا اختى اصلا ما اتمنيت اكون راجل عارفه ليه؟
لما يكون حولك اخوان يسدوا عين الشمس وقدر ما قلت اه لقيتم قدامى ما بقول غير انا اختك يا على وسارت مسيرة الحياة الى ان تزوجت وجدت في زوجى العون فى العلم والعمل والبيت والتربيه
بعد دا كله لو قلت لوكنت رجل بكون ناكره جميل .
اتمنى ان اكون كما جعلتى الله انثى كلى دفئ وحنان ومشاعر دفاقه
______________ عليك الله مش كفاية علينا الجنة تحت اقدامنا دى الرجال بلقوها وين
Post: #139 Title: Re: لو كنت راجل .... توجد ( مواقف وصور) !!!! Author: نادية عثمان Date: 01-02-2010, 00:29 AM Parent: #138
إنتصار محمد صالح
ياامرأة نخلة وقامة
تسلمي من كل شر يارب
وأنا مثلك معتزة بكوني أنثى والحمد لله
ولكن في هذا البوست قصدت رجولة المواقف جميلها وقبيحها !
ولم أقصد النوع فهو من عند الله والمواقف منا نحن البشر !
تسلمي وكوني عافية
Post: #140 Title: Re: لو كنت راجل .... توجد ( مواقف وصور) !!!! Author: انتصار محمد صالخ بشير Date: 01-02-2010, 00:55 AM Parent: #139
الغالية الجميلة ناديه
ان الانثى ارفع من تنزل الى مستوى قبح مواقف الرجال وتزداد سموا من مواقف بعض الرجال
دمتى شامخة ورافعة الراس انتى نادية لا تبالى بمواقف الرجال
Post: #142 Title: Re: لو كنت راجل .... توجد ( مواقف وصور) !!!! Author: يحي ابن عوف Date: 01-02-2010, 12:02 PM Parent: #140
ندويه سلام وكل سنة وانتى طيبة
(كنتى حتكونى احلى راجل)
Post: #141 Title: Re: لو كنت راجل .... توجد ( مواقف وصور) !!!! Author: Gaafar Ismail Date: 01-02-2010, 12:00 PM Parent: #117
يا النذير حجازي انت ألذ زول وصادق جدا..يديك العافية وكل عام وانت بخير
Post: #143 Title: Re: لو كنت راجل .... توجد ( مواقف وصور) !!!! Author: النذير حجازي Date: 01-02-2010, 06:07 PM Parent: #141
Quote: يا نيزو بقي ليك انت كدا ما طفشت ود الجعلي لما " زعمت " - في بالك - انو اماني ( دفعتكم )
حبيبنا قيقراوي، سلامات
هسا عليك الله يا قيقراوي موش لو طلعت أماني دفعتي أنا الصغيروني دا (صغيروني دي حلوة)، لو طلعت دفعتك إنت زاتك، ود الجعلي بي شناتو دي عليك الله لاقيها ويين؟! علشان يطفش؟! ود الجعلي دا قلنا ليهو اتخيلها عميانة وطرشانة ومكسرة، برضو دق جرس وقال "أوفر كوالافيد" عليهو، يعني بقت على العمر!
وعلشان فتنتك دي يا قيقراوي أنا مبسوط إنو ما فى واحدة رضت تبدلك
Post: #144 Title: Re: لو كنت راجل .... توجد ( مواقف وصور) !!!! Author: النذير حجازي Date: 01-02-2010, 06:14 PM Parent: #143
أماني الأمين صاحبتي، سلامات يا غالية
شكراً على التوضيح فى مجال تخصصك وموضوع سمارت اللي جهجهني شوية، وشايف عزيزنا قيقراوي استغلاهو فى الضرب تحت الحزام وعايز يكبرك بالعافية، وأظنو حقد عليك لأنك أبيتي تبدليهو
وشكلك كدا يا أماني مقتنعة بأنه وراء كل امرأةٍ عظيمة رجل، عكس الناس، ودا ما صحيح يا أماني، والمثل بقول العكس وهو وراء كل رجلٍ عظيم امرأة، وصدقيني يا أماني ما تتخوفي من الزواج أو الزوج بأنه سيكون عقبة فى طريق طموحاتك، وزي ما قال عزيزنا أبو جهينة الراجل اللي ما بخاف من مرتو دا زاتو ما راجل، المرأة هى التى تسير الحياة الزوجية وليس الرجل، يعني تختي فى بطنك بطيخة صيفي من الناحية دي، وبعدين أنت زاتك ما شاء الله عليك ما محتاجة لتشجيع من أحد، ومن شب على شيء شاب عليه.
Post: #145 Title: Re: لو كنت راجل .... توجد ( مواقف وصور) !!!! Author: النذير حجازي Date: 01-02-2010, 06:17 PM Parent: #144
Quote: النذير وهاجر وقيقراوي أسياد البوست ده مشوا وين ؟!
عزيزتنا الأستاذة نادية مختار، سلامات يا غالية
أشكرك على السؤال، والله نحن مع الجري والطيران والمعايش صعبة وشغلي كل يوم فى بلد وكل يوم فى مدنية، والليلة كان مفروض أسافر، ولكن ربك رب الخير لطف.
Post: #146 Title: Re: لو كنت راجل .... توجد ( مواقف وصور) !!!! Author: النذير حجازي Date: 01-02-2010, 06:24 PM Parent: #145
Quote: النذير ياممحون
والله اذا قلت طار في برضو
لكن دي بتكون مافي يدينا
تحياتي لك ولناديه بت عثمان
ود الحبر بتاع الطار والطيارتو تعرفي سلامات يا برلوم يا لذيذ
موضوع الطار والطيارة خليناهم بس يا ود الحبر يا أخوي كلمة "ممحون" دي قبلتها جاي وقبلتها جاي ما فهمتها وأظنك قاصد "ممحوق" أو "مسنوح" أو "ممحن" ودا بثت كلامي الأول أنو عندك مشكلة فى النطق بدل كلمة "طار" قلبتها "طيارة"
Post: #147 Title: Re: لو كنت راجل .... توجد ( مواقف وصور) !!!! Author: النذير حجازي Date: 01-02-2010, 06:30 PM Parent: #146
Quote: يا النذير حجازي انت ألذ زول وصادق جدا..يديك العافية وكل عام وانت بخير
وإنت بألف بخير يا أبو الجعافر، وشكراً ليك ودا من ذوقك، بس يا أبو الجعافر ما سمعنا رأيك فى الموضوع ما عايز تبدل زي أخوك قيقراوي
Post: #148 Title: Re: لو كنت راجل .... توجد ( مواقف وصور) !!!! Author: تبارك شيخ الدين جبريل Date: 01-02-2010, 07:34 PM Parent: #147
أبو جهينة ...
Quote: ( ال ما بيخاف من مرتو ما راجل )
المثل دا نجرتو أنا .... ولمن تجيبو هنا مفروض تدّينا حقوق التأليف ....
... المهم ....
Post: #149 Title: Re: لو كنت راجل .... توجد ( مواقف وصور) !!!! Author: saif massad ali Date: 01-10-2010, 05:44 PM Parent: #148
نادية عثمان
كل سنة وانتي طيبة والبينة كمان
بس انا مختلف معاك في الاسم ده بما انك من عندنا ووجد باسمك عثمان
كان اسمك يكون محمد صالح عثمان
خلاف كده بس تكوني الرائعة دوما نادية
Post: #152 Title: Re: لو كنت راجل .... توجد ( مواقف وصور) !!!! Author: Hala Hassan Date: 01-11-2010, 11:26 AM Parent: #149
ندوية، أنا طبعا فاهماكى، ببتكلمى عن رجولة الموقف، و مواقف الرجال،،،
لكن صدقينى البنات (النساء) الزمن دة بقيفوا مواقف تحير،،
زمان يمكن كان الخجل و الحس الإجتماعى بتاع الواحدة ما مفروض تتشدد قدام الناس،،
لكن حسه، بكل أمانة، الرجال (بعضهم) بقوا يتراجعوا (فى المفاهيم) و النساء بتقدموا،،،
تصدقى إنو الرجال (كلهم فى الحالة دى) ما بقدروا على الصبر و قوة الإحتمال المقدرة لنا،،
سبحان الله و الحمدلله،،،
أمانى الامين،،
Quote: مثال نموذجي للمرأه اللي جمعت بين الزواج والنجاح :) ماشاء الله, عارف السبب شنو في رأيي يالنذير, غير اصرارها وتفوقها ومجهودها؟ انها عندها زوج داعم بشده لنجاحها, معاون ومتفهم مشجّع, مثال لزوج نادر, ما وقف في طريقها, بالعكس دعمها ووقف معاها في طريق نجاحها ..
بغض النظر عن الشخصية بعينها، هو دة المحك،، الواحدة ما ممكن تنجح (فى ظل راجل) إلا لو الراجل دة دعمها، أضعف الإيمان إنو يخليها تنظم أمورها بمعرفتها،، ما يكسرها و يكسلها و يسعى لهدم طموحاتها،،،،
Post: #155 Title: Re: لو كنت راجل .... توجد ( مواقف وصور) !!!! Author: Amany Elamin Date: 01-12-2010, 08:30 AM Parent: #152
هاله حبيبتي:
Quote: بغض النظر عن الشخصية بعينها، هو دة المحك،، الواحدة ما ممكن تنجح (فى ظل راجل) إلا لو الراجل دة دعمها، أضعف الإيمان إنو يخليها تنظم أمورها بمعرفتها،، ما يكسرها و يكسلها و يسعى لهدم طموحاتها،،،،
شكرا لأنك فهمتيني ووافقتيني الرأي, ياستّي ده البحاول أشرحوا لكن النذير وقيقراوي قالوا أبدا :) لأنهم بيفتكروا انوا الواحده بتنتزع حقوقها براها !! كلمة "في ظل راجل" الكتبتيها دي بتختصر شرح كتير ..
شكرا ياهاله, طمنتيني, كنت فاكره نفسي براي رايي كده :)
Post: #158 Title: Re: لو كنت راجل .... توجد ( مواقف وصور) !!!! Author: Hala Hassan Date: 01-12-2010, 11:20 AM Parent: #155
يا أمانى، تصدقى كلام النزير و قيقراوى دة كلووو ما كنت قريتو،،
ياخى إنتو هنا فاتحين ليكم باب نقاش رهيب جد،،
كدة بعد إذنك يا نادية، عندى شوية تعليقات كدة،،
نبدأ بالنذير،،
شكلك يا خوى فعلا طولت الغيبة و ما جيت البلد قريب، النحدثك بالمستجدات،،،،
وهاك دي يا أماني بعض عراقيل الشباب ولازم أي شباب سوداني يمر بيها- إلا من رحم ربي - وما أظنك ختيتيها فى حساباتك: 1) لازم بعد ما يتخرج من السودان يقضي الخدمة الإلزامية لمدة عام، وممكن تروح فيها لو قامت حرب، فى حين إنو البنات ممكن يشتغلوا طوالي. حسه يا خوى (فى السنين الأخيرة) البنات لازم يجيبو شهادة خدمة،،، 2) لازم إنو يهاجر برة السودان، علشان يساعد أهلو، ولو بحب ليهو واحدة ما ح يقدر يتزوجها لاتزامته الاسرية و ح يضطر يفسخ علاقته بها، ويساعد أهلو على الأقل لمدة خمسة سنوات قبل ما يعرس، ولو فتح خشمو وقال عايز يعرس بقولوا ليهو يخس عليك يا أناني إنت عملت لي أهلك شنو؟! وهسا إنت بقيت على العرس؟! ودا باب كل الشباب بمروا بيهو والواحد علشان يتزوج لازم يكون عمرو أكبر من 33 سنة على الأقل. وفى بعض الأسر والله بطالبوا أولادهم إنهم يهدوا البيت ويقوموه عمارة علشان الواحد فيهم يقدر يتزوج فى حين إنو البنات لأ فى حتة العرس دي هى اللي بتقرر إنها تتزوج هسى وللأ تأجلو وما فى زول بسألها، وبالعكس بفرحوا الأهل لزواجها المبكر وأخوها المسكين لأنو راجل لازم يساعد كمان فى تكاليف زواجها، ولو حصلت أي مصيبة تانية مثل علاج خارج السودان، الراجل المسكين التعيس دا هو اللي يقوم يدخل فى ديون علشان يسدد النفقات، فى حين إنو البنت ماهيتها كلها بدكنها لي نفسها وما مسئولة عن أي نفقات، ياخي إنتو والله عايشين فى جنة، والراجل بكون مدور فى حكاية المصاريف دي وما بتنتهي إلإ بوفاته. البنات الزمن دة يا النذير فاتحين بيوت أهلهم عديل و أخوهم بكون عاطل فى البيت، و لعلمك مافى أى بت (تقريبا) ما بتقطع من مرتبها شى ثابت و تختوا فى البيت،، و أنا بعرف بنات بنوا بيوت أهلهم برضو،،،3) بعد الزواج، الراجل هو المسئول الوحيد عن إعالة الأسرة، وحتى ولو زوجته بتشتغل، قروشها بدكنها لي نفسها، ومعظم الأزواج السودانيين لايرضون أن تساعدهم زوجاتهم فى المصاريف، عليك الله يا أماني فى أحلى من كدا؟! والمرأة ممكن تقطع عملها فى أي وقت شاءت لانها ما عليها إلتزامات، فى حين إنو الراجل لو وقف من الشغل يوم واحد بتبهدل، وغير السخافات التى تقابله فى عمله ويستحملها على شان خاطر أسرته وإلتزاماته المادية. هههههههههههههه، منو القال ليك؟؟ الزمن دة ممكن تلقى الزوجة مرتبها أكبر عديل من راجلها و هى الشايلة البيت،،، و فى حالات كتيرة، العريس بيشترط زوجته تكون شغالة،،،، 4) قلتي إنو برضو الأسباب البايولوجية للمرأة تعطلها، فى حين إنو يمكنها تنظيم ذلك بكل سهولة باستعمال العقاقير الطبية، وفى يدها القرار متى وأين تريد أن تنجب وخلافه، فى حين أنه الرجل لا يستطيع ذلك ودائماً يفأجأ بهذا الموضوع يفاجأ كيف يعنى؟؟ ما فهمت،،،،5) وحكاية تأقلم الزوجات على هوى أزواجهم دي، برضو إنتهت زمان، وبالعكس الأزواج هم يتمنون أن تكون زوجاتهم طموحات وعاملات، على الأقل برتاحو من حكاية النقة الكتيرة لمن تكون الزوجة عواطلية وما عندها شغلة غير زوجها، وزمان يا أماني لمن كنا عزابة كانت أمنياتنا "حلة تجق جق ومرا تنق نق" وديل الحاجتين اللي بكون محروم منهم العزابي، وبعد الزواج آمنا بنق نقة النساء لوول. هنا بقول ليك، العكس برضو بحصل، بياخدوهم طموحات و شاطرات، و يثبتوا ليهم إنهم ما مقصرات فى بيتهم،، يجوا بعدين الغيرة تحصل و يكسروهم،،، ياخى الرجال ديل لغز كبير،،،،
صديقة وتحياتي لك ولأسرتك الكريمة وبوسة لخالو يوسف