|
|
|
 Re: أيمان لندن تالت أيام عيد الاضحي بالدوحة (صور الحفله برضو جايه هنا ) (Re: هديل الامام)
|
هديل الإمام ...
القابلا على أمانيك ... تَوصلي النبي ... قولي آمين
غايتو الما شاف " بِت إبراهيم " تَلَتَ عيدا وربعتو هي ووِليداتا عِند أهلا ... يِضحك علي ... المره شكيت عدوها لله ... مِن أقولا مارِق المدينة ، تردُم فوقي جِنِس هِدِم ... جلابِية وعراقي وسِروال وملفحة وشال وطاقِية وعِمه وتلحِقني المركوب والبسطونا ... الشئ ماش المدينة المُنَورة ... الدَوحة الدَوحة يا بِت إبراهيم مو مدينة سيدي الرسول ... أمانة ما عَيدت يا ود يا عزام ... إغتربت ونُلْت ... أصلو آخر الصبُر إحسان ...
النادي العربي ده فِجتو بِوين يا بِت الإمام ...
ظنِك بلقى لي طريقة مع ناس أبو ساندرا وكمال سالِم وبدرالدين الأمير وود قريش و" أشْرِف " على عشا الفنانين ...
| |
 
|
|
|
|
|
|
|
|
Re: أيمان لندن تالت أيام عيد الاضحي بالدوحة (صور الحفله برضو جايه هنا ) (Re: عزام حسن فرح)
|
امانيك كووولها حقيقه يا عزام بركة قبايل العيد بت ابراهم الحاميها الجيه شنو
هي و وليدات شاحدة ربي تلقاهم قدامك علي المدينة عافيه ليها دنيا واخره زينة
ودايراك زينة تببارك ليها ايامه ويسعده بي وليدات بركة يوم عرفة ومغارب العيد
النادي العربي ده ياعزام حاولته ارفع ليك صوره لي مكانو بس
ماراضيه تجي لكن لي بكره بخت ليك الوصف كامل
بي صورتو قريب من اشارات المنتزه وانت جاي من رمادا
ظني ماحيخيب فهم انو يبقصو من خشمم ويخلو ليك
| |
|
|
|
|
|
|
|
|
|
Re: أيمان لندن تالت أيام عيد الاضحي بالدوحة (صور الحفله برضو جايه هنا ) (Re: احمد الدسكو)
|
هاهاهاها الديسكو بقيت لى زى زول عندنا اسمو عابدين
ما بحكى ليك قصتو ؟
انت شكلك قاعد وين يا الاخو ورينا مكانك فى الاول .
عزام ما اشوفك حايم فى الدوحه الايام الخمسه الجايه خليك مع بريمه حقك ده
او تكون عندك تاشيره عديل كده لى لندن عشان تخش اها شفت الشروط دى كيف ؟
ةتكون عندك تاشيره من بدر الدين الامير لدخول الوحه ؟
وخروجيه فى تذكره الحفل من بت ابراهيم على وش التذكره الفيها الصوره ؟
بعده انا عازمك الحفل لله .
| |
|
|
|
|
|
|
| |
عزام حسن فرح
احمد الدسكو
عمر سعد
فيس بوك
تويتر
انستقرام
يوتيوب
بنتيريست