Post: #1
Title: أيمان لندن تالت أيام عيد الاضحي بالدوحة (صور الحفله برضو جايه هنا )
Author: هديل الامام
Date: 11-26-2009, 06:59 AM
عيد مبارك علينا عليكو كُل سنة تيبين طيبين
العيد فرحه وبهجة ولمة حبان وجلسة اخوان واكرام ضيفان
وحبة هجيج معاها كمان (^_^) عشان العيد يكمل كملو كل اشغالكم
وحوامتكم وضبايحكم ومنتظرينكم تالت يوم كيف تعالو شوفو
الزمان: الاحد 29/11/2009 ثالث ايام عيد الاضحي المبارك
الساعه 9م وابدا ابدا ما مواعيدكم البتعرفوها دي مواعيد لندن
المكان: صالة اتحاد الكره الطائره بالنادي العربي
الفنانه: ايمان لندن بالاضافه الي فقرات اخري متنوعه وشيقه
رسم الدخول: 100 ريال
الحاضر يعلم الغائب والغتيت يعزم صحبو ومايوريهو ماشي وين
|
Post: #2
Title: Re: أيمان لندن تالت أيام عيد الاضحي بالدوحة (صور الحفله برضو جايه هنا )
Author: عزام حسن فرح
Date: 11-26-2009, 07:23 AM
Parent: #1
هديل الإمام ...
القابلا على أمانيك ... تَوصلي النبي ... قولي آمين
غايتو الما شاف " بِت إبراهيم " تَلَتَ عيدا وربعتو هي ووِليداتا عِند أهلا ... يِضحك علي ... المره شكيت عدوها لله ... مِن أقولا مارِق المدينة ، تردُم فوقي جِنِس هِدِم ... جلابِية وعراقي وسِروال وملفحة وشال وطاقِية وعِمه وتلحِقني المركوب والبسطونا ... الشئ ماش المدينة المُنَورة ... الدَوحة الدَوحة يا بِت إبراهيم مو مدينة سيدي الرسول ... أمانة ما عَيدت يا ود يا عزام ... إغتربت ونُلْت ... أصلو آخر الصبُر إحسان ...
النادي العربي ده فِجتو بِوين يا بِت الإمام ...
ظنِك بلقى لي طريقة مع ناس أبو ساندرا وكمال سالِم وبدرالدين الأمير وود قريش و" أشْرِف " على عشا الفنانين ...
|
Post: #3
Title: Re: أيمان لندن تالت أيام عيد الاضحي بالدوحة (صور الحفله برضو جايه هنا )
Author: هديل الامام
Date: 11-26-2009, 06:36 PM
Parent: #2
امانيك كووولها حقيقه يا عزام بركة قبايل العيد بت ابراهم الحاميها الجيه شنو
هي و وليدات شاحدة ربي تلقاهم قدامك علي المدينة عافيه ليها دنيا واخره زينة
ودايراك زينة تببارك ليها ايامه ويسعده بي وليدات بركة يوم عرفة ومغارب العيد
النادي العربي ده ياعزام حاولته ارفع ليك صوره لي مكانو بس
ماراضيه تجي لكن لي بكره بخت ليك الوصف كامل
بي صورتو قريب من اشارات المنتزه وانت جاي من رمادا
ظني ماحيخيب فهم انو يبقصو من خشمم ويخلو ليك
|
Post: #4
Title: Re: أيمان لندن تالت أيام عيد الاضحي بالدوحة (صور الحفله برضو جايه هنا )
Author: احمد الدسكو
Date: 11-26-2009, 07:46 PM
Parent: #3
ايمان لندن
احي يا الله
وتاني
احي الله
حاسدكم يا عزام
|
Post: #5
Title: Re: أيمان لندن تالت أيام عيد الاضحي بالدوحة (صور الحفله برضو جايه هنا )
Author: احمد الدسكو
Date: 11-26-2009, 07:49 PM
Parent: #1
انا حاجز اول صوره يا هديل
والله الواحد ما فضل ليهو الا يبكي
ياخ حاله صعبه خلاص يا هديل
|
Post: #6
Title: Re: أيمان لندن تالت أيام عيد الاضحي بالدوحة (صور الحفله برضو جايه هنا )
Author: عمر سعد
Date: 11-26-2009, 08:42 PM
Parent: #5
هاهاهاها الديسكو بقيت لى زى زول عندنا اسمو عابدين
ما بحكى ليك قصتو ؟
انت شكلك قاعد وين يا الاخو ورينا مكانك فى الاول .
عزام ما اشوفك حايم فى الدوحه الايام الخمسه الجايه خليك مع بريمه حقك ده
او تكون عندك تاشيره عديل كده لى لندن عشان تخش اها شفت الشروط دى كيف ؟
ةتكون عندك تاشيره من بدر الدين الامير لدخول الوحه ؟
وخروجيه فى تذكره الحفل من بت ابراهيم على وش التذكره الفيها الصوره ؟
بعده انا عازمك الحفل لله .
|
Post: #7
Title: Re: أيمان لندن تالت أيام عيد الاضحي بالدوحة (صور الحفله برضو جايه هنا )
Author: احمد الدسكو
Date: 11-26-2009, 11:01 PM
Parent: #6
يا ابو عمير شوف جنس الكلام ده ساي بس
وجـــــــــــــــــــــع..
|
|