|
|
 Re: كلام عزاز شامي (Re: doma)
|
لغة مؤسفة ومفردات خادشة
اشارات بدرالدين غيرمقبولة
وفيها تلميحات غيراخلاقية
تتوجب الادانة والرفض
عادل
يعتقد انها فرصة لتصفية غبائن
يقحم فيها الحزب الشيوعى
بدرالدين ليس لك طريق سوى الاعتذار
| |
 
|
|
|
|
|
|
|
|
Re: كلام عزاز شامي (Re: doma)
|
أرجو من الأخ بكري توفير العقاقير المضادة للغثيان و القيء لزوار البورد في حال قرائتهم لما يدور هنا ...
كفوا أرجوكم ...
| |
|
|
|
|
|
|
|
|
|
Re: كلام عزاز شامي (Re: doma)
|
Quote: منتهى القرف البائس .
سؤ و قبح و بذاءة و سوقية و ضحالة و ..
قرف .
......
الترابة في خشم الشيوعي
و خشم الليبرالي
و .. في خشم البلد الراجياكم . |
اقرو كلام عماد ده كويس...!!
ده حال شنو ده؟
نلاقيها من وين و لا وين
يا اخوانا استاجرو الله فينا..
كل واحد يشيل تلفونه و يتصل وواقعو نبز في بعضكم..
عيب يا اساتذه
عيب كبير!!!
و الله ما بليق بيكم يا عادل و بدر الدين
براها الدينا مكرفسة وشها معانا
الدنيــــــــــــــــــــــــا قبايل عيـــــــــــــــــــــــــــد
يا ناس هـــــــــــــــــــوي!!
الله يرحمك يا بلد
الله يرحمك يا بلد
ا
| |
|
|
|
|
|
|
|
|
|
Re: كلام عزاز شامي (Re: doma)
|
Quote: لي جميع من كتب هنا يطالبني باعتذار عن ما نقلت من سيرة عاطب الظربان
لا اعتذار، نقلت ما نقلت وانا اعرف ما افعل
اذا اراد هذا النوع من التعامل، لدي المزيد
لماذا لم يطلب منه اي احد من قبل ان يكف من نعتي بالكوز؟
هو كما كتب واكثر والفورة ديشليون
هذا ليس وقت لنصائح ، عليه ان يكف والا سيندم!
|
المكوت دا كلام بدر الدين احمد موسي
لعنايه عصام جبرالله بعد ان يعود من غيابه الاضطراري
| |
|
|
|
|
|
|
|
|
|
Re: كلام عزاز شامي (Re: حيدر حسن ميرغني)
|
Quote: هنا طلع انه ما مهذب ولا شئ
كلامه تافه ومنحط .
وانحطاط عادل مع بلير لا يبرر انحطاط بدر الدين مع عادل . |
اتفق معاك , ده شغلى انا انو رغم العشرين سنة بقول لى بدرالدين ده غلط و ما بشبهك. انتى ما تشتغلى بي.
يا حيدر انت عارف انو ده كلام زعل و حماقة وانفعال , ياخد زمنو و يراجع نفسه , لو أصر بعدها على موقفه يكون في كلام تانى
المشكلة وين؟
| Quote: بدر يستحق السحل موش الادانة |
و ليه يعنى؟ شنو البخلى سحل بدر حلال و غيره يفعلو ما يشاءوا اعتذرو ام لأ فهم مرحب بهم؟
معذرة مضطر اغيب
| |
|
|
|
|
|
|
|
|
|
Re: كلام عزاز شامي (Re: doma)
|
| Quote: هذا الحق مكفول ايضا لبدرالدين |
حق شنو يا عصام ؟
حق البذاءة و الإسفاف و السقوط ؟ .. و من متين دي كانت حقوق ؟؟؟
| |
|
|
|
|
|
|
|
|
 Re: كلام عزاز شامي (Re: doma)
|
Quote: هل وصف شيوعي-كوز ، وصف اقل مما وصفه بدرالدين لعادل عبدالعاطي ...؟ اطلاقا لا ، الا اذا كنا
نعتبر الاتهام الجنسي فعل اخلاقي ، والخلط الفكري-السياسي لاعلاقة له بالاخلاق..
اقسي تهمة للشيوعي هي وصفه بالكوز ، هكذا دون تدبر ومعرفة المحاذير الاخلاقية والنفسية ...
ولا ينفع الحذق واللف والدوران بان هذا الوصف (شيوعي -كوز) مجرد وصف فكري ..اطلاقا فهذا الوصف
يحمل في احشاءه كل انواع الاساءة بما فيها الاخلاقية..فالشيوعيين يرون في الكوز الظلم والاستعلاء
والظلامية والفساد السياسي والاخلاقي وانعدام الضمير واكل السحت ومحاربة الناس في رزقهم الخ
هذا الوصف اخبث بكثير مما يظن بعض المنحازين لاسباب لانعلمها لعادل عبدالعاطي .. |
ضربني بي وشو على إيدي !
(قالها متهم بضرب أحدهم كفاً على وجهه)
يعني نفهم من كدا إنو كوز (> أو =) أي شتيمة أو إيحاء جنسي ؟؟؟؟؟؟؟
يا النبي حجَز بلا عجَز
| |
|
|
|
|
|
|
|
|
|
Re: كلام عزاز شامي (Re: doma)
|
| Quote: يا حيدر انت عارف انو ده كلام زعل و حماقة وانفعال , ياخد زمنو و يراجع نفسه |
مبالغه يا عصام يا اخي قوم لف وغيب اختياري كمان .
يعني ازعل وانفعل اجي اقول كلام تافه ومنحط في حق زول وبعد الزعله تنتهي اجي اعتذر
خلاص انا من باكر ادور في اي زول لانه طبعي حمقاء ووبنفعل والبزعل مالي البلد .
بدل تقول ليهم لازم يتعلموا السلوك المتحضر تبرر ليهم الانفلات .
| |
|
|
|
|
|
|
|
|
|
Re: كلام عزاز شامي (Re: esam gabralla)
|
Quote:
عادل لما قال لبير كدا اخد علي راسو تمام وتقدم باعتذار
زولكم قال ما بعتذر والفوره دشليون |
اها بدرالدين لسه ما اخد علي راسو تمام ولا شنو يا اخت ؟
ولا راس بدرالدين (الشيوعي دا) عايز ضربات تليق باختياره السياسي دا!
الاعتذار موضوع يخصه وحده وهو الذي يحدد الزمان الذي يراه مناسبا..
لكن اعتذار عادل عمل شنو لبلاير ...دي جروح ما بتروح بالاعتذارات ..
| |
|
|
|
|
|
|
|
|
|
Re: كلام عزاز شامي (Re: esam gabralla)
|
نمسك في تناقضات عصام جبر الله الشيبوعي الما شيوعي المستهبل دا:
Quote: يا حيدر انت عارف انو ده كلام زعل و حماقة وانفعال , ياخد زمنو و يراجع نفسه , لو أصر بعدها على موقفه يكون في كلام تانى
المشكلة وين؟ |
اها لو جاء واحد قال ليك كلام البندر عنكم هو (( ده كلام زعل و حماقة وانفعال , ياخد زمنو و يراجع نفسه , لو أصر بعدها على موقفه يكون في كلام تانى)) وسألك : الكشكلة وين يعني ؟
الردحي بتاعك معاهو حتوديهو وبن وطلبك لمواقف النماس حتوديهو وين ؟؟
ما انت الا انسان متناقض .
| Quote: و ليه يعنى؟ شنو البخلى سحل بدر حلال و غيره يفعلو ما يشاءوا اعتذرو ام لأ فهم مرحب بهم؟ |
البندر يسحل لمن يغلط ما مشكلة؛ عادل عبد العاطي يسحل لمن يغلط ما مشكلة؛ بدر الدين يسحل عندك مشكلة لأنو عضو حزب شيوعي موش كدا ؟؟
اما انت رجل لا مصداقية لك وصاحب وجهين ورأيين وركاب سرجين .
| |
|
|
|
|
|
|
|
|
|
Re: كلام عزاز شامي (Re: حيدر حسن ميرغني)
|
والله يا بدر يا ود احمد..( ما قادر اخــش البوســت دا الا لتسجيــل عضويــة جديدة فقط )
لاول مــرة بحــق الزول ما يكون سعيد بأن شخص ينتمى للحزب الشيوعى يكون فى هذا الموقف ..
اللخـــو انت زمان ما قلــت ماك عضــو فى الحزب العجوز دا ( حينمــا يتحدث العقل الباطــن )
Quote: الفرق بين فعلة بدر الدين باستخدامه لاسم هدى ابنة البندر لتنبيهه ان لا يخوض في اعراض الناس و جرائم البندر ان بدرالدين شيوعى, و هى فرصة لسحل الحزب الشيوعى .
بدر الدين فرد يخطئ و يصيب , نحن اعضاء الحزب الشيوعى ادنا تصرف بدرالدين لكن لن نسمح ان تتحول لمأدبة شواء له. نعرف بدرالدين لاكثر من عشرين عام مهذب و محترم و المكذب يمشي الارشيف لو وجد له كلمة واحدة مسيئة , هو مطالب بالاعتذار لنفسه و لعادل و لنا من نحبه و نحترمه, مثلما سمح الجمع الموجود هنا و غيرهم لعادل عبدالعاطى الذي اتهم عادل بلاير بممارسة الجنس مع والدته في سياق مناكفة و شجار هنا ثم عادل عبدالعاطى و اعتذر عنها , هذا الحق مكفول ايضا لبدرالدين , و بدر الدين "عضو ساكت" على قول ثروت و عادل قيادى و مؤسس لحزب.
احسن تتفرز الكيمان و المواقف و العام من الشخصي
العندو نقد و مواقف من الحزب الشيوعى او اى جهة احسن يمشي ليها بالدرب العديل و يقول كلامو ليها , و العندو حاجة مع فرد برضو احسن يوجهو للفرد المعنى . |
| |
|
|
|
|
|
|
|
|
|
Re: كلام عزاز شامي (Re: بدر الدين اسحاق احمد)
|
Quote: و ليه يعنى؟ شنو البخلى سحل بدر حلال و غيره يفعلو ما يشاءوا اعتذرو ام لأ فهم مرحب بهم؟
|
سلام يا عصام
اذا كنت تقصد اساءة عادل لبلير ورب الكعبة لم اطالعها
ولو شفتها والله ما اخلي ليهو جنب يرتاح عليه حتى يعتذر
خلاف كده انا ما ملزم ادين تصرفات اي زول تاني
بس عادل ده ود حلتي وبعرف اخلاقو كويس جدا مثل ما بتعرف انت بدر اكثر من 20 سنة
ومافي شيوعي اكتوى بشيوعته مثله قبل ان يغادرها
ما بتهمني شيوعية القشرة الجات لناس متاخرة زيها وزي المراهقة
الشيوعي الجد يدلل على شيوعيتو بوعي وليس بقلة الادب
| |
|
|
|
|
|
|
|
|
|
Re: كلام عزاز شامي (Re: بدر الدين اسحاق احمد)
|
| Quote: يا حيدر انت عارف انو ده كلام زعل و حماقة وانفعال , ياخد زمنو و يراجع نفسه , لو أصر بعدها على موقفه يكون في كلام تاني |
ومنذ متى يا عصام كان الحديث عن شرف الناس وأعراضهم وخلفياتهم السلوكية خاضعاً لمزاج الشاتم ودرجة زعله وإنفعاله
وروقانه بعد ذلك ؟؟
زولك للأسف مصر على موقفه بل ويهدد "بالمزيد"
ياخوانا
نحن نريد أن نؤسس هنا لأدب إختلاف يبعد الأمور الشخصية والخاصة والعائلية عن مناطق الخلاف
عادل عندما تعرض لبلير بالكلام البذيء لم يجد من يعذره أو يبرر له فعلته الشنيعة حتى من أقرب الناس إليه فالغلط غلط
وبالمقابل لا يجب إيجاد تبريرات ومخارج لبدر الدين وعليه أن يعرف أن ما يفعله هنا مشين
ومسألة بدرالدين شتم عادل لكن عادل زاتو شتم بلير دي قاتلة
لا شيء يبرر الخطأ
ولا يجب أن نفسح له المجال بالمزيد من الأعذار والمخارجات عشان دا صاحبنا ودا ود حزبنا
بالنسبة لإعتذار بدر الدين
لست مع الذين يضغطون عليه أن يعتذر لسببين:
1. بدر الدين إنسان راشد علينا تبيين الخطأ له ونترك له الخيار بعد ذلك إن كنا نطمح في إعتذار صادق وخالي من الضغوط
2. مسائل التعرض للشرف والأعراض والسمعة لا تزول بمجرد إعتذار - وإن قبله المتضرر - بل تظل تلاحق الشاتم كظله وهذا أكبر عقاب له
"ودونكم ما حدث بين عادل وبلير قبل سنوات"
بصورة عامة .. لا تستسهلوا أعراض الناس مرة بالخوض فيها ومرة بالإعتذار كأن شيئاً لم يكن !
| |
|
|
|
|
|
|
|
|
|
Re: كلام عزاز شامي (Re: تيسير عووضة)
|
تيسير
تعرض قبل كده عضو منبر لبلير نفسه وتم ايقافه قبل الاعتذار
لاننا ندننا شديد
ولما رجع كتب بوست اعتذار
لكن بدر ده عاوز يلاوي
والملاوة ما صعبة ابدا طالما في منبر وكيبورد
الذين يبررون له فعلته الشينة دي عليهم الوقوف عند تبريرهم
ويتركوا باقي الشغلة للاخرين من الطرف التاني
عادل غلط مرات وتم ايقافه واعتذر
هل طالبنا بمصادرة باسويرد بدر .. لا
بس مجرد طلب اعتذار وركب راسو
ما مشكلة ابدا
رمضان وانتهى
والشياطين قاعدة تب
| |
|
|
|
|
|
|
|
|
|
Re: كلام عزاز شامي (Re: حيدر حسن ميرغني)
|
هل تذكرون ما قاله محمد إبراهيم نقد بعد الإنتفاضة عن بهاء الدين أحمد ادريس في ندوة عامة بالميدان الشرقي؟
قال السيد سكرتير الحزب الشيوعي السوداني قاصدا المذكور: بهاء احمد ادريس، أسم الدلع بهَويه!
هذه مفردات اعلى سلطة في الحزب.
فما بالكم باللمه الساكت و ناس الكورال؟
| |
|
|
|
|
|
|
|
|
|
Re: كلام عزاز شامي (Re: esam gabralla)
|
عصام جبر الله
| Quote: و مرة اخرى رسالة بدرالدين للبندر عبر ابنته هدى غير موفقة اطلاقا رغم وضوحها لاى متابع , و كلامه عن عادل اعلاه سئ و مدان جملة و تفصيلا. و لا توجد له اى تبريرات .لكن ... ماذا لو كان البندر بكل كتاباته المتعددة شيوعى؟ بوسته المعلق حتى اللحظة يقيم فيه وليمة اغتيال شخصية مجانى و احتفال بسحل الاستاذ مرتضي الغالى حيآ و دون ان يقدم اية دليل على ايحاءاته و غمزاته و فجوره , بل يتلذذ و يتلمظ و هو يفعل ذلك؟ |
قلت رايي عن البندر في بوست طويل عريض والبندر تربيتكم ولم يبتعد عنكم لا قليلا ولا كثيرا .
| Quote: نحن اعضاء الحزب الشيوعى ادنا تصرف بدرالدين لكن لن نسمح ان تتحول لمأدبة شواء له. |
انت لسا عضو في الحزب الشبوعي رغم انك ما شيوعي يا اللخو ؟؟
وين كلامك عن حائط برلين والشمولية وملايين القتلى ولا دا كلام ساي يا أيها الشيوعي المتناقض ؟؟
| Quote: مثلما سمح الجمع الموجود هنا و غيرهم لعادل عبدالعاطى الذي اتهم عادل بلاير بممارسة الجنس مع والدته في سياق مناكفة و شجار هنا ثم عادل عبدالعاطى و اعتذر عنها , |
كذاب انت .. لم يسمح لي احد هنا وانا لم اتهمه وانما سألته وفعلت ذلك بعد ان اتهم هو تاج السر حسن في شرفه عشرات المرات وكان في فمكم ماء .. وبعدين بعد ما اعتذرت جايبا تاني ليه ولا دي حركاتكم يا الشبوعيين ؟؟
| Quote: هذا الحق مكفول ايضا لبدرالدين |
حق شنو يا اللخو الشيوعي الما شيوعي ؟؟
| Quote: احسن تتفرز الكيمان و المواقف و العام من الشخصي |
والشخصي بتاعي مع بدر الدين شنو ؟؟
| Quote: العندو نقد و مواقف من الحزب الشيوعى او اى جهة احسن يمشي ليها بالدرب العديل و يقول كلامو ليها , و العندو حاجة مع فرد برضو احسن يوجهو للفرد المعنى . |
حزبكم البيقول سكرتيره عن بهاء الدين بهوية والسحل قاسم امين بنفس التهم والبتدافع عنو باعطاء حق التفاهة لبدر الدين ما برفع يدو عنو ؛ وخصوصا لمن يفرخ امثال هذا الكوز الشيوعي ولما يدفعك انت لأن تصبح كاذبا ومبررا
لقد سقطت في نظري يا زول ..
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: عزاز شامي)
|
العزيزة عزاز
Quote: ما قاله البندر في حقي في بوست سابق قبيح و يعكس دواخله
و تدوير ذات اللغة ضد اسرته لا يقل خطأ عن فعلته نفسها
وأن كان القصد منها إذاقته من ذات الكأس ...
لا اعرف نساء عائلته ولا ابنته و لا يرضيني ان يساء اليهن
بذات اللغة التي ادينها، |
انت اصيلة دائما
ودعيني اوضح للجميع - فأنت لا بد تعرفين - انني لم اتابع ما كتبه البندر في حقك؛ واني اعتقد ان البندر قد وقع في مستنقع عميق يزيد كل يوم سقوطا فيه؛ ولي مخاطبة في اليومين القادمين اخرى للبندر الذي احرق نفسه تماما هنا ولم يبق في وجهه مزعة لحم .
Quote: و اسمح لي بأن اعتب عليك في أمرين هنا:
وقوعك في ذات الخطأ الذي نهيت عنه،
و قرائتك لما كتبه عادل في أمر صداقته،
قراءة توحي بغير ما تعني و استخدامها ضده ... |
انتي عارفة انو البندر تربية شيوعيين ؟
ما يفعله البندر والكوز الشيوعي ينهل من نفس المنهل وهو منهل الشمولية وتدمير الخصم باستخدام اسؤا الوسائل
Quote: ارجو ان يتسع صدرك لعتبي و آمل حقيقة ان تطوى هذه الصفحة
المليئة بالمشاحنات التي لا تعكس أفضل ما تحمل دواخلكم، انت و عادل ... |
واحدة من مهامي التي فرضتها على نفسي كشف هؤلاء المرضى والمتناقضين
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Abdel Aati)
|
Quote:
مثلما سمح الجمع الموجود هنا و غيرهم لعادل عبدالعاطى الذي اتهم عادل بلاير بممارسة الجنس مع والدته في سياق مناكفة و شجار هنا ثم عادل عبدالعاطى و اعتذر عنها , هذا الحق مكفول ايضا لبدرالدين
|
احنا الجمع الموجود هنا سمحنا لعادل يقول كده؟
والله لا سمحنا لا شفنا، وعادل غلطان من ساسه لي راسه كان اعتذر ولا ما اعتذر لو حاجه زي دي حصلت، اها للناس السمحو و شافو، مش يمكن ربنا هداهم؟ ما يستنكرو البيحصل ده يعني؟
يا عصام انا مستغربة من ردودك الفي البوست ده، بديت في امانة الله و اريتك كان فتحت بوست لعادل جديد لادانه ما قاله في حق بلير للمره العشرين، بدل اللخبطه دي
يعني الزول لو ما ادان الاتعمل في البورد ده كله و شافه و كتب في بوست اني ادين، ما يحق ليهو انه يتكلم عن غلط لمن يشوفه و يحصل؟
Quote: هذا الوصف اخبث بكثير مما يظن بعض المنحازين لاسباب لانعلمها لعادل عبدالعاطي ..
|
والله يا اخوي عبد اللطيف قلبت كلامك ده يمين شمال، برضه ما وقع لي، يعني احنا ما شايفين ولا بنعرف نقرا ولا نفهم و نميز الخبيث شنو و البتقال و الما بتقال شنو؟
بعض المنحازين لاسباب لا نعلمها لعادل عبد العاطي؟ ديل فيهم منو يا ربي????
يا جماعه انتو الكلام الدغري ده مالو؟ امسك من طرف و قول يا فلان و فلانه و علانه سببكم شنو للتضامن مع عادل؟ و فهمكم شنو؟
--------------
نصيحه لي الله يا عادل، اقولها هنا و قلتها ليك قبل كده، ارجوك من صديقة تهتم لمصلحتك و مصلحة البلد، ما تعمي لمن تنفعل، انا كلام بلير ده ما قريته و ما دايره اقراهو، و مذهوله فيه للان.
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Rihab Khalifa)
|
العزيزة رحاب
| Quote: نصيحه لي الله يا عادل، اقولها هنا و قلتها ليك قبل كده، ارجوك من صديقة تهتم لمصلحتك و مصلحة البلد، ما تعمي لمن تنفعل، انا كلام بلير ده ما قريته و ما دايره اقراهو، و مذهوله فيه للان. |
ليس الأمر كما يصوره الشيوعيون اليوم؛ وليك وللزمان اذا قال لك الشيوعيون ان الشرق تشرق من المشرق وتغرب في المغرب فلا يجب ان تصدقيهم في هذه البديهية وعليك بتمحيص الأمر بنفسك حتى تتاكدي من قولهم؛ فهم يخلطوا ارباع الحقائق بالاكاذيب كاملة الدسم ولا يتورعوا؛ وكيف يتورعوا وهم قد اخذوا من الفحشين: فحش الشيوعية القديمة والكوزنة الجديدة ؟؟
الأمر وما فيه ان العضو عادل بلاير - وهو انسان اعترف انه كان يعمل للانقاذ في مختلف اجهزتها الامنية - قد تم استخدامه من قبل الشيوعيين من قبل ضد شخصي الضعيف؛ وقد زعم اني اخذت اموالا من الاخوان المسلمين .. رددت عليه ووقف معي وضد امنجيته عدد من الشرفاء من بينهم الاخ تاج السر حسن فوصفه بلاير بانه قواد يتاجر في الاثيوبيات في كم وعشرين دولبة وانه اخذ اموالا من الامن السوداني وانه جاسوس الخ؛ وطوال شهر كامل ظطلل يردد هذه الاكاذيب عني وعن الاخ تاج السر الحسن.
ارسل لي شخص باليريد حينها اشاعات قال انها تردد عن عادل بلاير؛ وقد سألته بعد ان طفح الكيل الا تشبه ممارساته واقواله الاشاعات التي تردد عنه؛ ولم اتهمه ولم اجزم وانما قلت انهها اشاعة .. حينها انتفض الشيوعيون ممن ينتشون بالسقوط ويريدون لكل الناس ان يسقطوا مثلهم وحولوني للمجرم الاكبر .. اعتذرت بسبب عدم لياقة السؤال للسيدة الكريمة في بوست واضح ؛ وظل عادل بلاير يتاجر بالقضية ويدعمه الشيوعيون الذين قالوا ان قضية امنجيته لا تعني لهم شيئا؛ ولا يوالوا يستخدموها كما ترين الان؛ وسيظلوا يستخجدموها لانهم اصلا من وقف وراء تحريض عادل بلاير الامنجي ضدي ... وقد اعتذرت للرجلب رغم انه لم يتوقف رعن اذيتي ولا للحظة واحدة ورغم انه كان البادئ والبادئ اظلم ورغم انه لم يعتذر عن اي كذبة وفحش اتى به .
اذا كان لك وقت يمكنك ان تراجعي هذه البوستات ففيها توثيق جيد للامر :
إعتذار لسيدة كريمة ولأعضاء المنبر وزواره !!
هل دموع عادل عبد العاطى اثقل فى ميزان الضمير من دموع السيد بلير؟
وكنت قد كتبت بوستبن مخصصين لتوثيق الامر : بهذين العنوانين :
لا دموع اثقل من غيرها في الإنسانية؛ لكن ميزان الحق والعدل أقوم !
هل يفقأ عادل بلير عينيه كاوديب؟ رسالة لمن لا يفهم ومن لا يريد ان يفهم !
ولكنهما اختفيا ضمن الاختفاءات الغامضة التي تدور وراء كواليس هذا البورد
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Abdel Aati)
|
عادل سلامات
بدرالدين أخطاء في حقكـ و الناس دي كلها ادانتو. لكن بوستك ده اي زول عاقل حا يفهم انو الغرض منو موش بدرالدين فقط الهدف الرئيس ليك هو الحزب الشيوعي
و إلصاق تُهم عدم الامانة و الفجور في الخصومة بمنتسبيه.
يا عادل إن واصلت معركتك ضد لغة بدرالدين معك بعيدا عن التعريض بالحزب الشيوعي ستجدنا لكـ من الناصرين وإن واصلت في شتم الحزب الشيوعي
إستغلالا لما حدث بينك و بين بدالدين فانا و اثق ان كثيرين ادانو سلوك بدر الدين لا مصلحة له في إستعداء حزب عريق كما الحزب الشيوعي لمجرد انو
بدر الدين شتم عادل عبدالعاطي.
يا بدرالدين
عادل ما بليد عشان يفوت فرصة شتمك ليهو بدون ما يستفيد منها زي ما شايف .
الحزب الشيوعي ما بسقطوا بوست في سودانيزاولاين لكن عضويتو ما بفرحها انو يكون زميلهم بالمستوي ده في الخصومة.
اعتذر لي عادل إتساقا مع روحك و إنصافا لي عادل.
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Abdel Aati)
|
Quote:
وياعبداللطيف لحدى ماتجاوبنى على سؤالى
|
الكهرباء جات وجيتك يا شوشو..
Quote:
عادل وبدر الدين ديل مش برضو بينتموا لليسار؟!!!
واللى بيبرروا برضو من غير سند مش فيهم برضو ناس يسار؟
مظفر النواب ده ذاتو كان شنو؟
اللى بيحصل هنا ده بيعكس ازمة اليسار, ازمتو اللى خلتنا لحدى حسع لافين فى عجاج سياسة اليمين
{ يقتلنى نصف الموقف} برضو زى مظفر النواب..
يقتلنى...
|
عادل عايز يرث اليسار، بيت ابوك كان خرب شيل ليك منو شيلة.. بعد ما اليسار بقي خربان
احسن كل واحد يكوش علي حاجة..لكن قطعا ما بطريقة عادل الديماجوجية دي ..
لكن بعيدا عن ذلك ، اليسار اختلافاتو ليست فكرية بقدر ماهي متوارثة من القيادات
القديمة.. فلا يمكن ان يحدث توافق بين يسار فيهو نقد ووراق ومين ماعارف تحالف ليبرالي
فيهو زي عادل المشخصن خلافات السياسة السودانية في بضعة اشخاص..
ـــــــــــــــــــــــــــــــــــــــ
انا متفق مع مظفر في قصيدة جهيمان منذ كنا نصدح بها في الثمانينات
رغم محاولة السلطات السعودية تشويه وجه حركته..
عادل لايمثل اي يسار الان ، يريد ان يكسب علي حساب هجومه لليسار في كل يوم وساعة
وثانية ، والنتيجة الفشل وفقدان الاعصاب كلما اقترب موعد الانتخابات !
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: عبداللطيف حسن علي)
|
Quote: يا بدرالدين
عادل ما بليد عشان يفوت فرصة شتمك ليهو بدون ما يستفيد منها زي ما شايف .
الحزب الشيوعي ما بسقطوا بوست في سودانيزاولاين لكن عضويتو ما بفرحها انو يكون زميلهم بالمستوي ده في الخصومة.
اعتذر لي عادل إتساقا مع روحك و إنصافا لي عادل. |
يا طارق ياخ الاعتذار ما لعادل الـ " ما بليد" . . . ما بليد شنو ؟ قليك سعيدبسقوط بدر الدين ، عديل كدا . .
كتبها عديل و في البوست دا ذاتو
برافو عادل اولاً على الانسانية الباذخة
برافو على الذكاء فوق العادي
يا بدر الدين اعتذر لنفسك اولاً و الحقا اعتذر ليها . . ما مسيت عادل بأي شئ بكلامك الفارغ دا
و اعتذر لينا نحنا بالله بالمرة . . .
كنت بتفكر في شنو وانت بتكتب في كلامك دا ؟
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: قيقراوي)
|
لن يبرر شتيمة بدرالدين لعادل اي مسبب كما اتفق الكثيريين هنا,,,
اذا كان بدرالدين مغبون من كلمة الكوز الشيوعي كان في امكانه ان يرد على عادل بانه
ليبرالي,,كوز,,,أو ما شاء له ان يتسق من الفاظ ايدولوجية متناقضة,,,ينضح بها اريج سودانيزاونلاين
كالعميل والصهيوني و..الخ.
للشيوعيين أن ينفعلوا من انتقادات عادل لهم ولهم عليه الرد بالمثل
ليس هناك اي مواضيع شخصية لبدرالدين مع عادل_ كما يقول عادل,,,
فاين المثل بالمثل يا عصام جبرالله ويا عبداللطيف؟؟؟؟!
عادل وصف بدرالدين بالشيوعي_ الكوز واستمرار عادل في الخوض بجر الحزب الي هذه الادعات يبررها
له ويجعلها تنصب في صميم اعتقاداته السبة الشخصية من بدرالدين له في شرفه, ألايكون بهذا قد صدق
بدرالدين ادعاءات عادل؟؟؟؟
أنا شخصيا لا اجزم بذلك والدليل ان لدي أصدقاء جميليين جدا ومكملين الفهم والاخلاق من الشيوعيين. وعدم جزمي بالامر لا يقف مع اوضد عادل فهو يكتب بقناعاته الشخصية ومن بعد تجارب وصدامات وله ان يعتقد ولكم ان تدحضوا اقواله بنفس الوسيلة.
ولكـــــــــــــــــــــــــــــــــن,,,
اقول لزميل عبداللطيف,,,
وقوف معظم الناس هنا مع عادل,,,لاشياء تتدعى انت انك لا تعرف اسبابها,,,غيظ منك ساي بسبب انتقادات عادل للشيوعي...لايبرر عدم ادانتك لبدرالدين ووقوفك ضد عادل.
فانا وانت نعرف ان سب الشرف لا يحتاج منى ان اكون ليبرالية ولا منك ان تكون شيوعي ففي نهاية الامر هو
مرفوض مرفوض مرفوض,,,
اذا في اي يوم تعدى عادل على اي شيوعي في شرفه في هذا البورد امام ناظري ساكون اول من يدينه ويطالبه بالاعتذار.
_____________________________________________________________
الاخ عصـــــــــــــــــام جبرالله,,,
| Quote: بدر الدين "عضو ساكت" على قول ثروت و عادل قيادى و مؤسس لحزب |
معقولة بس.
هذه كلمة تربوية استدراجية لكودار اي حزب أن يفعلوا ما يشاؤون دون رادع وما مهم الكوادر لكن مهم قيادة الحزب وبس ودي سياسة اقصائية,,,
سواء منك او من ثروت.
اعتقد فلتت في لحظة انعدام الجاذبية.:)
______________________________________________________________
عزيزي عادل,,,
ارجوك ثم أرجوك توخ الحذر ولا يجرنك انفعالك ويعمييك.
ودي.
(عدل بواسطة Omayma Alfargony on 09-18-2009, 04:57 PM)
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: حيدر حسن ميرغني)
|
ياله من سخف
وتشفى فى الخصم
لماذا يلجأ البعض الى هذه الاساليب البائسه
هل هى العقلية الشموليه؟
التى ترى ان كل من يعارض افكارها (التى لايأتيها الباطل من خلفها او من وامامها) فهو بالضروره مريض أو معوق نفسيا، او سقط عموديا كما تشرح فى الادبيات....
وكيف يرى من يدعى انه يسارى ان تعرض طفل لتحرش جنسى اوإغتصاب جنسى او استغلال جنسى فضيحه يجب ان يتوارى منها ذلك الطفل بقية حياته؟
هل يعرف هذا معنى البيدوفيليا، وكيف ان مرتكبيها يحتلون ادنى درجات سلم الجريمه (من القتله، وبائعى المخدرات، وناهبى البنوك) فى وسط عالم المجرمين؟
وحتى لو اعتذر بدر الدين موسى، فعليه ان يعتذر لنفسهأأولا لأنه يحمل الفكره ونقيضها (كما فى الديالكتيك)، لأنه يحمل ظاهريا شعارات (كحقوق الانسان...الخ) لكنه عاجز على المستوى العملى والفعلى على الالتزام بها....
واحى عادل لشجاعته أولا، وثانيا لأنه من خلال هذا البوست تصدى لقضيه مسكوت عنها...
وراح ضحيتهاالعديد من الاطفال الابرياء فى السودان....
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أمين محمد سليمان)
|
سلام للجميع
و هلا هلا
اتحولت بقدرة قادر من حفلة شواء لبدرالدين اللى يبدو انو اكتمل شواءه لشواء عصام جبرالله ...
للناس العاوزة تقرا الكلام كما هو مكتوب و تفهمو كما هو لا برغباتها و اجندتها التانية ايا كانت و اخص دومه و حيدر و رحاب و تيسير لا على سبيل الحصر.
موقفي المعلن هنا و بكتابتى نفسها كلاتى:
(1)
غلط يا بدرالدين الكلام ده
(2)
يا بدرالدين انا ما في حاجة تعتذر لي عنها , اقرا كلام حيدر الزين التحت ده , رأيي انك تمسح كلامك ده و تعتذر عنه لعادل , و تم باقي النقاش و الاختلاف معاه , مجرد رأي .
يا عادل موقف بدرالدين خاطئ , مافي كلام
لكن وين الموقف من انحطاط البندر تجاه عزاز و غيرها؟ أم ان الفضح و الادانة و المطاردة انتقائية و موجهة
اتمنى ان تاتى عزاز بما كتبه البندر
(3)
و مرة اخرى رسالة بدرالدين للبندر عبر ابنته هدى غير موفقة اطلاقا رغم وضوحها لاى متابع , و كلامه عن عادل اعلاه سئ و مدان جملة و تفصيلا. و لا توجد له اى تبريرات .لكن ... ماذا لو كان البندر بكل كتاباته المتعددة شيوعى؟ بوسته المعلق حتى اللحظة يقيم فيه وليمة اغتيال شخصية مجانى و احتفال بسحل الاستاذ مرتضي الغالى حيآ و دون ان يقدم اية دليل على ايحاءاته و غمزاته و فجوره , بل يتلذذ و يتلمظ و هو يفعل ذلك؟
الفرق بين فعلة بدر الدين باستخدامه لاسم هدى ابنة البندر لتنبيهه ان لا يخوض في اعراض الناس و جرائم البندر ان بدرالدين شيوعى, و هى فرصة لسحل الحزب الشيوعى .
بدر الدين فرد يخطئ و يصيب , نحن اعضاء الحزب الشيوعى ادنا تصرف بدرالدين لكن لن نسمح ان تتحول لمأدبة شواء له. نعرف بدرالدين لاكثر من عشرين عام مهذب و محترم و المكذب يمشي الارشيف لو وجد له كلمة واحدة مسيئة , هو مطالب بالاعتذار لنفسه و لعادل و لنا من نحبه و نحترمه, مثلما سمح الجمع الموجود هنا و غيرهم لعادل عبدالعاطى الذي اتهم عادل بلاير بممارسة الجنس مع والدته في سياق مناكفة و شجار هنا ثم عادل عبدالعاطى و اعتذر عنها , هذا الحق مكفول ايضا لبدرالدين , و بدر الدين "عضو ساكت" على قول ثروت و عادل قيادى و مؤسس لحزب.
احسن تتفرز الكيمان و المواقف و العام من الشخصي
العندو نقد و مواقف من الحزب الشيوعى او اى جهة احسن يمشي ليها بالدرب العديل و يقول كلامو ليها , و العندو حاجة مع فرد برضو احسن يوجهو للفرد المعنى .
(4)
اتفق معاك , ده شغلى انا انو رغم العشرين سنة بقول لى بدرالدين ده غلط و ما بشبهك. انتى ما تشتغلى بي.
يا حيدر انت عارف انو ده كلام زعل و حماقة وانفعال , ياخد زمنو و يراجع نفسه , لو أصر بعدها على موقفه يكون في كلام تانى
المشكلة وين؟
ليه يعنى؟ شنو البخلى سحل بدر حلال و غيره يفعلو ما يشاءوا اعتذرو ام لأ فهم مرحب بهم؟
ومرة تانية للفعلا عاوز يتفاهم و يتناقش مرحب , العاوز يحقق انتصارات ايا كانت يشوف ليهو زول تانى ساكى الانتصارات.
نجى للتفاصيل و لبعض التعليقات و الردود هنا
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: حيدر حسن ميرغني)
|
كتبت اميمة الفرجوني :
Quote: اذا في اي يوم تعدى عادل على اي شيوعي في شرفه في هذا البورد امام ناظري
ساكون اول من يدينه ويطالبه بالاعتذار. |
أقترح تعديل صغير ولكنه مهم وعميق
بدل تكون : على أي شخص
ليحظى كل من تعرض للقذف والتشنيع بدعمك ، صرف النظر عن إنتمائه السياسي أو الديني
وسبق لعادل عبدالعاطي أن مارس ذلك القذف الذميم ، قد لايكون وقعت عليه عيناك يومها
لكن بلاشك عرفتي ماحصل فقد تمت الإشارة للفعل أكثر من مرة في هذا البوست فقط
ومرات عديدة في بوستات كثر
وإعتذر عادل
لكن ، وكما أشار متداخل أعلاه ، هل يجب ويمسح الإعتذار الغلط الشنيع وهل مجرد الإعتذار
كاف لكي تندمل الجروح ؟
الشاهد أن تلك الإتهامات الشنيعة تبقى برغم الإعتذار
تبقى هنا معلقة في ذاكرة الناس
فما بالك بذاكرة من أرتكب الغلط الشنيع في حقه ؟
الإعتذار مهما كان بليغ وصادق لايعالج المعتدى عليه
لذلك الافضل ان نتجنب مثل هذا الكلام اللئيم المؤلم ابتداء
ان نتريث ولا نرد ونحن في حالة انفعال وغضب
يجب ان نتقيد بذلك وبصرامة
ويجب ان ندين ذلك بصرامة و وضوح مع مقاطعة المسيئين المنفعلين الشامتين
مقاطعة دائمة ومستمرة
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أبو ساندرا)
|
نبدأ بي دومه:
اول ما الواحد غضب طوالي يشهر سلاح الايحاءات الجنسيه ويلقي ناس تبرر ونااس تدافع عنه كمان .
بالله شفت يا حيدرحسن دفن الكوم اب كراعا برا البعملوا فيه الجماعه دا
لوووووووول والله لو قلبتوا الهوبه يا عصام زولكم كلامه تافه ومنحط وما في ليهومبرر دوت
المكوت دا كلام بدر الدين احمد موسي
لعنايه عصام جبرالله بعد ان يعود من غيابه الاضطراري
لو ما انت جيت هرشت الجمع الموجود هنا دفاعا عن زولكم ما كنت اشتغلت بيك
يا عصام والفوره الي ما لا نهايه .
مبالغه يا عصام يا اخي قوم لف وغيب اختياري كمان .
يعني ازعل وانفعل اجي اقول كلام تافه ومنحط في حق زول وبعد الزعله تنتهي اجي اعتذر
خلاص انا من باكر ادور في اي زول لانه طبعي حمقاء ووبنفعل والبزعل مالي البلد .
بدل تقول ليهم لازم يتعلموا السلوك المتحضر تبرر ليهم الانفلات .
سلام يا دومه
كلو الا تقولينى حاجه انا ما قلتها , وين دافعت عن ما قاله بدر الدين؟
اكتر من اكتب:[/B
]| Quote: رأيي انك تمسح كلامك ده و تعتذر عنه لعادل |
و
| Quote: و كلامه عن عادل اعلاه سئ و مدان جملة و تفصيلا. و لا توجد له اى تبريرات |
و اقول ليك :
على كلامك ده
Quote: هنا طلع انه ما مهذب ولا شئ
كلامه تافه ومنحط .
وانحطاط عادل مع بلير لا يبرر انحطاط بدر الدين مع عادل . |
تجى تقولى تبرير؟؟؟؟ في شنو الليله البخليك ما قادرة تفهمى كلامى؟
و من متين دخلت بررت لشيوعيين و لا للحزب الشيوعى؟ دخلت هنا لانى بعرف بدرالدين الانسان , و اى بشر عرضة للخطأ و الانزلاق و لو ما بندى الناس الفرصة في مراجعة نفسهم و تصحيحها لخلت الدنيا من البشر, و في البورد ده في ناس كان مفروض تتسحل مليون مرة لانها فعلت مثل هذا مرات و مرات و تعود و تعتذر.
كلامى واضح جدا لمن يريد ان يفهمه دون غرض:
Quote: يا حيدر انت عارف انو ده كلام زعل و حماقة وانفعال , ياخد زمنو و يراجع نفسه , لو أصر بعدها على موقفه يكون في كلام تانى
المشكلة وين؟ |
و هو رد على كلام حيدر ده حول رفض بدر الدين للاعتذار:
Quote: يا عصام
كتبت
لعادل عبدالعاطى الذي اتهم عادل بلاير بممارسة الجنس مع والدته في سياق مناكفة و شجار هنا ثم عادل عبدالعاطى و اعتذر عنها
و
هذا الحق مكفول ايضا لبدرالدين
وهو حق الاعتذار
الظاهر ما قريت دي
الي جميع من كتب هنا يطالبني باعتذار عن ما نقلت من سيرة عاطب الظربان
لا اعتذار، نقلت ما نقلت وانا اعرف ما افعل
اذا اراد هذا النوع من التعامل، لدي المزيد
لماذا لم يطلب منه اي احد من قبل ان يكف من نعتي بالكوز؟ |
ليه بتشيلو كلام موجه لحيدر حول موضوع تانى و تحولوه كأنى ابرر لبدر الدين فعلته ؟ لمصلحة شنو و لي منو؟
مرة تانية عشان نكون واضحين:
كلام بدر الدين مدان و مرفوض جملة و تفصيل غض النظر عن تبريراته و دوافعه و غض النظر عن الموجه له عادل او غيره.
بدر الدين مثله و مثل بقية البشر يخطئ , له الحق ان يراجع نفسه و ياتى اما اعتذر بشجاعة و وضوح لنفسه و لعادل و لجميع , او رفض ذلك و اصر على خطأه و عليه تحمل تبعات هذا السقوط ان اصر عليه.
للوضوح مرتين و تلاتة : لا مبرر و لا عذر لبدرالدين في ما كتبه هنا.
لكنى ضد سحل اى انسان لخطأ جسيم دون اعطاءه فرصة مراجعة نفسه.
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: esam gabralla)
|
Quote: بدر الدين مثله و مثل بقية البشر يخطئ , له الحق ان يراجع نفسه و ياتى اما اعتذر بشجاعة و وضوح لنفسه و لعادل و لجميع , او رفض ذلك و اصر على خطأه و عليه تحمل تبعات هذا السقوط ان اصر عليه.
للوضوح مرتين و تلاتة : لا مبرر و لا عذر لبدرالدين في ما كتبه هنا.
لكنى ضد سحل اى انسان لخطأ جسيم دون اعطاءه فرصة مراجعة نفسه. |
اولا يا عصام اسفه لتقويلك ما لم تقله حقيقي انا ما شفت مداخلاتكم من اولها ما رايته هو المداخله التي بداتها بنقل كوتات تحوي همز ولمز وسقوط اخر للبندر موجه هذه المره لعزاز شامي فحسبته نوعا من التبرير لفعل بدر الدين ضد اخت البندر. لانه انا قناعتي الماشه بيها
بتقول two wrongs don't make a right . دا شئ.
الشئ التاني انا بختلف معاك في الجزئيه بتاعه اي انسان ممكن يخطئ ويراجع نفسه
في اخطاء يا عصام ممكن تراجع نفسك فيها وفي اخطاء انابفتكر انها ما مفروض يكون في اي تهاون فيها سواء ما قاله البندر لعزاز او ما قاله بدر الدين في حق عادل او ما قاله عادل في حق بلير او ما قاله بلير في حق تاج السر حسن او اي انسان اخر في حق اي انسان اخر.
لازم يجي وقت نقول فيه لا بصوره قاطعه عندما يتعدي الخلاف العام الي الخاص .
لان مسرحيات الانفلات ثم الاعتذار دي ما ح يكون ليها اول ولا اخر لو قبلنا العفو في انواع التعديات الشخصيه خاصه التي ترمي الي اغتيال الشخصيه .
ودعني اسوق لك مثالا :
طرح موضوع جلد شارب الخمر فقلت رائيا مخالفا فاعتبره احدهم تعديا علي الدين الاسلامي فاستهزأ برائ وسبني فرددت اليه السب بمقدار ما سبني به وتمت مشاحانت غير لطيفه بيني وبينه .
تدخل بعض الاصدقاء فكففت عن النقاش معه وبادرت بالاعتذار له . هذا انفلات يمكن قبول الاعتذار فيه في رائ لكين الاخطاء الجسيمه يجب تجنبها وعدم التهاون مع من يغترفونها .
واقدم لك اعتذاري مره اخري .
افتكر دي برضو ممكن يقبل فيها الاعتذار ولا ما كدا ؟؟
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: حافظ حسن ابراهيم)
|
Quote: سلام للجميع
و هلا هلا
اتحولت بقدرة قادر من حفلة شواء لبدرالدين اللى يبدو انو اكتمل شواءه لشواء عصام جبرالله ...
للناس العاوزة تقرا الكلام كما هو مكتوب و تفهمو كما هو لا برغباتها و اجندتها التانية ايا كانت و اخص دومه و حيدر و رحاب و تيسير لا على سبيل الحصر.
Esam |
سلامات يا عصام
مافي حفلات شواء لبدر الدين او ليك، في نقد،
يا اتقبل او اتناقش او نشوف لينا سكه تانيه
بدر الدين غلطان وامتعضت ووضحت سبب قرفي،
انا اوافق تيسير، لم و لن اطلب منه انه يعتذر، و
ما اظن في زول حدد ليهو مهله زمنيه، وكت ما
يحس انه في حاجه داير يعتذر منها، اليجي، حبابو،
و انا ضد تضييق الخناق علي الغلطان، لانه لو في
فرصه انه يعتذربتروح و الانسان محتاج فرصه يراجع فيها نفسه
لو ما اعتذر، دي حاجه يتحمل تبعاتها براهو قدام الناس و كفرد
الكلام المكتوب بخصوص كلام عادل قريتو يا عصام ووعيتو،
و علي اثره و من غير ما اتاكد حتي او اطلب كوتات ولا بوستات،
لثقتي فيك، لمت عادل
اجندات عدييل يا عصام؟ ياخ انا اتشجعت و قلت ارد لاتنين اعرفهم
معرفه شخصيه و اثق في تفكيرهم، يطلع عندي اجندات و رغبات؟
و الله لا هذا ولا ذاك :)
انا ما عندي موقف من الحزب الشيوعي، ولا الليبرالي
ولا عندي حاجه مع فرد عشان اوجهها ليهو يا عصام
انا اعرفك بقدر ما اعرف عادل
باختصار، موقفك العام مافي زول شككك فيهو، دومه و انا و غيري
وجهنا ليك نقد في جزئية و محتاجه نقاش، من غير كلام الاجندات
و الانتصارات الكبار كبار ده
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أبو ساندرا)
|
Quote: نعم انا ايضا تربية شيوعيين
وادين لهم باشياء جميلة
وكذلك باشياء ممعنة في القبح احاول كل وسعي معالجتها في نفسي ..
هم مع ذلك يبررون لها كما ترين |
حسنآ ، ياعادل ، فها أنت تعترف للشيوعيين
ياعادلوفي الواقع ، هذه الناحية تحديدآ ، ناحية الأخلاق
فلن تجد في عضو الحزب الشيوعي منقصة فهم معروف عنهم
الأمانة حيث لاتمتد يدهم لمال عام
ومعروف عنهم الشجاعة فكم نادموا ليل الزنازين الشقيقة
وكم هزوا وهزأو بالمشانق التي زلزلوا كبريائها
وعلقوا زخات الرصاص على صدورهم أوسمة ونياشين
ومعروف أن العاملين يصعدونهم على رأس نقاباتهم لأنهم الأكثر دفاعآ
عن الحقوق والمؤتمنين على مطالب وحقوق العالمين العاملين
هذا هو الشيوعي في الذاكرة الشعبية الراسخة
وليس الشيوعي الذي تحاول أن تروج عنه في القوقاز أو في اوربا الشرقية
تجربة شعبنا مع الحزب الشيوعي مغايرة لتجربة الشعب البولندي مثلآ
هذا فضلآ على أن الشيوعيين يعودون إلى الحكم عبر أكتاف الناس
وصناديق الإنتخابات وأدر نظرك حولك لترى ، وأعد النظر كرتين
وطوف من فنزويلا وكلومبيا حتى البرازيل والأرجنتين
القبح والقباحة ليست من شيمة الشيوعيين
ولايدرسونها في مدرسة الكادر ولا في الكورس الإلزامي للمرشحين
عرفوا بوسامة العبارة ونصاعة الموقف وجسارة التكوين
ومرة أخرى ، أدر نظرك ووسع شوفك لترى نماذج مثل محجوب شريف
والخاتم عدلان{ فقد تربى وإشتد ساعده وإتسع أفقه في تلك المدرسة }
وعبدالله القطي { وأظنه أحد معلميك ونماذجك الحية }
وغيرهم كثر منهم من رحل فعاش في ضمير الشعب أبدا
ومنهم من يواصل وبه نتشرف ونزد عددا
إذا علق بك شييء من قبح ، أو بأي عضوفي الحزب الشيوعي
فإنه من سكب يديه
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أبو ساندرا)
|
Quote: احنا الجمع الموجود هنا سمحنا لعادل يقول كده؟
والله لا سمحنا لا شفنا، وعادل غلطان من ساسه لي راسه كان اعتذر ولا ما اعتذر لو حاجه زي دي حصلت، اها للناس السمحو و شافو، مش يمكن ربنا هداهم؟ ما يستنكرو البيحصل ده يعني؟
يا عصام انا مستغربة من ردودك الفي البوست ده، بديت في امانة الله و اريتك كان فتحت بوست لعادل جديد لادانه ما قاله في حق بلير للمره العشرين، بدل اللخبطه دي
يعني الزول لو ما ادان الاتعمل في البورد ده كله و شافه و كتب في بوست اني ادين، ما يحق ليهو انه يتكلم عن غلط لمن يشوفه و يحصل؟ |
رحاب ... انتو الحاصل ليكم شنو الليله تقول انا كاتب بالهيروغليفية؟
الناس = تعنى ناس البورد دون تحديد زيد او عبيده
سمحو = رغم الخطأ الجسيم سمحو له بالاعتذار عن الخطأ و هو شئ كويس لمن يتعلم بالفعل من اخطاءه .
طبعا يا رحاب لا اعنى اى زول ما تابع او ادان قبل كده ما من حقو يتكلم الان , اعنى ايراد هذه التجربة كشئ ايجابي , اعنى ان حق المراجعة و الاعتذار مكفول للجميع .
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: esam gabralla)
|
سلام للجميع...
بدون تخصيص لكن اعتقد انه كلام عصام جبر الله واضح جداً ولا يتحمل انه يبرر ليهو قدر دا ..
للآن موقف عصام وما قال به لا يحاول به التبرير لقول بدر الدين - ودا حسب قراءتي له - إلا كان
هناك ما لا افهمه غير ماهو مكتوب هنا ...
اتمني انه القول ينحصر في محاولة انقاذ بدر الدين احمد موسي من نفسه في الانحطاط بالخطاب
وتتبع اقوال الاعضاء ليتبرع بتفسيرها بإيحاءات قبيحة وبذئية ..
ويا ابو ساندرا ما قاله بدر الدين في انه كتب ما كتب ويعلمه ولن يعتذر عنه
ولا يقبل قول من يقول باعتذاره اظنه يخصم من رصيد مدرسة الكادر التي تقول بها والتي نعلم انها تربي
الفرد الشيوعي علي شجاعة النقد الذاتي والاعتراف بالخطأ مهما كانت النتيجة فالمصداقية مع النفس ومواجهة الاخطأ هي اهم ما يربي عليها الشيوعيين قديما الا اذا تحول جهد مدرسة الكادر الان تعليم كيفية مناصرة الزملاء ظالمين او مظلومين ..
ولا تعتبر كلامي هذا من باب تعميم خطاب بدر الدين واسقاطه على حزب كامل ولكن اعتقدك انت من اتي بسيرة مدرسة الكادر هنا والتي يفترض ان نري نجاحها من عدمه في خطاب العضوية العامة..
اما اذا لم يكن بالامر خطا من بدر الدين فهذا شان آخر ..
وعيدكم سعيد ...
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أبو ساندرا)
|
الكلام الذي قاله بدرالدين احمد موسى عن عادل قبيح ومبتذل.وشتائم بغير وجه عادل وتلويثاً بغير وجه حق لسمعته ومن حق عادل إن أراد أن يشتكيه. فيما يتعلق بإيراد المواقف الأخرى التي كان فيها عادل مخطئاً في نظري فهي أقوال حق اريد بها باطل .عن طريقها يرغب من أوردها في تغطية خطأ الحاضر بأخطاء الماضي.
القول هو ما قالته الأستاذة عزاز:
لا يحق لبدرالدين الإساءة لبنت واسرة بندر بسبب من إساءة بندر لها(أي لعزاز),وعلى بدر الدين أن يعتذر لعادل عن قصة السينما وما فيها من إيحاءات.
هذا فحوى كلام عزاز وهي الشخص الذي جاء بدرالدين عن مداخلته (العسلية) عن بنت بندر ظناً منه انه يدافع عنها.
اي دفاع هذا هل تتم المدافعة عن الأخطاء بارتكاب مزيد من الأخطاء؟
لاعلينا نحن نبدا من الحاضر (من الإنقاذ لا من نظام عبود)إن أردنا إدانة مثل هذا القول اللفظي المشين.
إنني ادين إدانة مغلظة لا اتراجع عنها بدرالدين أحمد موسى في حديثه المشين الملغز المليء بالإيحاءات البغيضة تجاه عادل عبدالعاطي وهو حديث صادر عن بغض ويرمي إلى إشانة السمعة لا غير.
أما الحزب الشيوعي فله أجهزة والسنة تحميه.
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أبو ساندرا)
|
الاستاذ ابا ساندرا...
Quote: أقترح تعديل صغير ولكنه مهم وعميق
بدل
Quote: على اي شيوعي
تكون : على أي شخص
ليحظى كل من تعرض للقذف والتشنيع بدعمك ، صرف النظر عن إنتمائه السياسي أو الديني |
كلامك صاح 100%
على أي شخص دي ماعايزة كلام,,,
ولكني خصصت الشيوعيين لاني كنت اوجه كلامي للزميل عبداللطيف بوجه خاص.
Quote: الإعتذار مهما كان بليغ وصادق لايعالج المعتدى عليه
لذلك الافضل ان نتجنب مثل هذا الكلام اللئيم المؤلم ابتداء
ان نتريث ولا نرد ونحن في حالة انفعال وغضب
يجب ان نتقيد بذلك وبصرامة
ويجب ان ندين ذلك بصرامة و وضوح مع مقاطعة المسيئين المنفعلين الشامتين
مقاطعة دائمة ومستمرة |
الاعتذار قد لا يعالج اخي اباساندرا لكنه يعطي المسئ فرصة مواجهة الذات ومحاسبتها
ويعطي المعتذر له فرصة للتسامح مع الاخر والعيش معه في سلام.
اوافقك على انه يجب ان نتريث ولا نرد,,,ولكن صدقني قذف الانسان في شرفه شئ من الصعب تداركه
ومن الاصعب التريث عنده.والفائز والحكيم هو من يجيد التريث. هذا غير ان الكثير من الناس والسودانيين
بالتحديد تجد انهم قد يقولون مثلا أن فلانا سب فلانافي شرفه,,تخيل سكت ليه,,عليك الله ده ماراجل اضينة ساي..ولا راجل ديوث,,ولا غيرها من الالفاظ ذات القالب الاجتماعي وكثير غير ذلك من المؤثرات الاجتماعية السالبة.
انا شخصيا أرى ان اي انسان يسب اي انسان في شرفه او في خلقته واخلاقه اذا ما كان هناك نقاش فكري
انه قد فقد المنطق والحجج العقلية وتوارى خلف كلمات بذيئة قاصدا منها اخافة خصمه وراجيا ان تكون
الضربة القاضية لاسكاتهوهو بذلك لا يهين الا نفسه.
لا أتفق معك أن نقاطع المسيئن مقاطعة دائمة..فدائمة هذه قد توحي بانه مهما قد تتغير طباع الشخص فان
لا وصال ولا رجوع معه واليه وبهذا قد يلعن المجتمع الي الابد او ينزوي عنه الي الابد ولذلك لابد من سياسة الاعتذار والتسامح.
انا لا اذكر مابدر من عادل ولا اظنني رائيته ولا الم بحثيثياته وصدقني لكنت اول من ادانه وشجب تصرفاته
وقتئذ.
لك تحياتي.
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Omayma Alfargony)
|
| Quote: الشيوعي الكوز بدر الدين أحمد موسى وهدى بندر والليبرالي بتاع السينما .... |
الاخ العزيز عادل
سلام
مافي داعي تسيء للكيزان(وجه باسم)
لانهم احسن من الزول الشيوعي د بي كثير
والشخص المؤدلج
لا يعترف بالخطا
لذلك
ادبر واستكبر
وعبس وبسر
بعدين يا ابن مدينتنا الباسلة
ما تضيع وقتك مع بعاعيت السودان القديم ديل
من اجل مسائل شخصية..هؤلاء معتلين سيكولجيا...وبستخدمو لغة بائسة في اغتيال الشخصية..
الناس ديل تخطاهم العصر والمغرب والعشا
قاعد في البورد ده 8 سنين ما شفت واحد كتب جملة مفيدة توقظ فكرة او تهذب شعور
وانت لديك كتابات ثرة في الشان السوداني
تقعد تهدر طاقتك ساكت مع ناس ديلا وا اسفاي
سلامي ليك ولاسرتك
وما ترسل لي اولادك الليبراليين يعملو لي رايزوبس في بوستاتي البايركس(وجه باسم)
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Omayma Alfargony)
|
ألاخت اميمة الفرجوني
شكرآ على الرد الضافي و الشافي
ومتفق معك تمامآ
إلا في النقطة هذه
Quote: لا أتفق معك أن نقاطع المسيئن مقاطعة دائمة..
فدائمة هذه قد توحي بانه مهما قد تتغير طباع الشخص فان
لا وصال ولا رجوع معه واليه وبهذا قد يلعن المجتمع الي الابد
او ينزوي عنه الي الابد ولذلك لابد من سياسة الاعتذار والتسامح. |
متفهم وجهة نظرك ومقدرها
قصدت بالمقاطعة الدائمة أن نضع نقطة لكل ما سبق
ونفتح سطر جديد
تعاهد جديد بأن لا نفتش تحت ملابس الناس ونلاحق سقطاتهم
وان نلتزم بشكل قاطع ونهائي بأن لانشتم ولا نسييء
وندير الحوار بيننا وإختلافاتنا بأدب وإحترام
وأن تظل الأسر مقدسة ومحترمة ولاتوجه لها إي إساءة مهما كانت
حوارنا نديره مع زميلنا هنا ولا شأن لنا بأسرته وأهله
يظلوا على الدوام مكان إحترامنا وتقديرنا
الذي يتجاوز ويسب ويلعن من بعد التعاهد الجديد
يلفظ
فللترسخ ثقافة الإعتذار والتسامح
لكن هذا فيلكن في الإحتدامات العادية والتعانف اللفظي
دون هبش أعراض الناس ، هذه خط أحمر
فلقد ذكرتي يا أميمة ان جرح الإساءة من تلك الشاكلة بليغ
وجرحها غائر يصعب يصعب أن يشفيه إعتذار
وكسر لايمكن للإعتذار جبره وتطبيبه بشكل نهائي وحاسم
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أبو ساندرا)
|
سلام يا عادل
كالعادة غلوك و تطرفك في الخصومة , ده مقتلك و مضيع طاقاتك و قدراتك. بقدرة قادر و لانى اختلفت معك بقيت هكذا بينى ليلة و ضحاها حاف و | Quote: كذاب انت و يا اللخو حركاتكم يا الشبوعيين كاذبا ومبررا لقد سقطت في نظري يا زول .. |
مرة واحدة كده . عموما لا استغرب في هذا لان عادل هكذا مهما تحدثت عن التحاور و التفاهم و غيره حدك فيهو قصير نفس خاصة اذ تعلق الامر بذاتك محور كل ما تفعل.
عموما كتر خيرك
رغما عن هذا سارد على نقاطك:
- نعم انا عضو في الحزب الشيوعى للان و لست ماركسي و لا شيوعى و كررت هذا مرارا و تكرارا و جلب لى و لا زال سخط بل و عداء بعض الشيوعيين . هى صيغة عملية مؤقتة حقتى براى قاطعا من راسي الى حين ظهور بديل اخر معافي و جاد و ايضا للجم تيار ضار و مخرب و محافظ داخل الحزب الشيوعى قد يقضي على ما هو ايجابي داخل هذا الحزب, هذا الرأى يختلف معى فيه كثير ممن هم قربي و نتحاور حوله و اساءله انا نفسي و وصلت لحد الاستقالة ثم تراجعت عنها . عندك رغبة في نقاش جدا حول الامر ممكن جدآ , بعيدا عن نفس التهكم و السخرية.
رايك حول البندر قراته و هو جيد , البندر في حملاته استند على دعم كثر من ضمنه دعمك له , حملاته لم تتوقف و اخرها حملته ضد الاستاذ مرتضي الغالى اغتيال شخصية رسمى و انت حريص على تثبت موقفك في الصغيرة و الكبيرة و قطعا لم يغب عن نظرك هذا البوست و للان اتساءل عن غيابك عنه؟ و لك كتابات طويلة عريضة حول اغتيال الشخصة لدى الشيوعيين , هل تغيبت عن اغتيال البندر الفاضح لشخصية مرتضي الغالى لان الطرفين ما شيوعيين؟ و امشي معاك اكتر في الوضوح يا عادل, مشكلتك مع بدر الدين ما شخصية , مشكلتك انو شيوعى و في مكانو ده كان ممكن يكون اى شيوعى او شيوعية ما بتفرق المهم انه بالنسبة ليك هدف سهل التصويب نحوه و استهدافه , مع العلم انا اختلف مع اراء بدرالدين المحافظة و الملخبطة جدا في تقديري , لكن لا الاحق و اطارد احد في حوار افكار . انت همك الانتصارات السياسة ضد خصومك و خاصة الشيوعيين , ده حقك في اتخاذ الطريق ده , في رايي انه يقود لنهاية مسدودة .
| Quote: كذاب انت .. لم يسمح لي احد هنا وانا لم اتهمه وانما سألته وفعلت ذلك بعد ان اتهم هو تاج السر حسن في شرفه عشرات المرات وكان في فمكم ماء .. وبعدين بعد ما اعتذرت جايبا تاني ليه ولا دي حركاتكم يا الشبوعيين ؟؟ |
اتجاوز كذاب هذه, سمح تعنى قبل الناس ان تعتذر , كان وارد يقولو ليك لا اعتذارك عن اساءة زى دى لا تسامح معه , وارد ام ان الناس ملزمة بقبول اعتذارك او اعتذار اى شخص اخر؟ لا اعرف من قال لمن , يا عادل مش مضحك اننا نخش في غلاط و روايات زى انك سالت بعد فلان قال و علان فعل؟ أنا جبتها لانك انت طرف في المشكلة دى و لانها من اقبح ما سمعت زى كلام بدرالدين ده , و لأنك اعلم ان الناس بان الغلو و التطرف في الخصومة يقود لمثل هذه الافعال و ان مطاردة و محاصرة الناس و التضييق عليهم هكذا ان لم يتحكمو في انفعالاتهم يدفعهم لسقطات و سقطات و فعلتها انت مرات و مرات و عدت و اعتذرت و فعلتها تانى , كنت اعتقد ان الدرس الحقيقي الاخر ان تعلم ان لا شئ مفرح او مبهج ان تحدث السقطة منك او من بدرالدين , لا شئ مفرح في سقطات البشر ايآ كانو , لا شئ ايجابي في رفع الرصيد السياسي للتنظيم - اى تنظيم او حزب - على حساب سقطات البشر , بدر الدين و عادل وعصام بشر في المقام الاول قبل ان يكونو شيوعيين او لبيرالى او حق و هذه المواقع نفسها متغيرة و متحولة , اخلع النظارة التى تجعلك ترى في البشر فقط كائنات سياسية و استبدلها باخرى تساعدك على رؤية البشر في تعدد نفسهم و شخصيتهم , هذه النصيحة ليست لك فقط بل لى و لكثر غيرنا ...
و سلام
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: esam gabralla)
|
عصام جبر الله
شوف انا شغل التلاتة ورقات والبيضة والحجر والاستهبيال والاستنكاح ما بينفع معاي .. لو جا منك او من غيرك مرفوض .. والزول المحترم وارى انو جدير بالاحترام بشيلو فوق راسو؛ واي زول ارى انو غير جدير بالاحترام برميهو من حساباتي في ثانية ولا ارمي عليه دمعة واحدة..
| Quote: كالعادة غلوك و تطرفك في الخصومة , ده مقتلك و مضيع طاقاتك و قدراتك. بقدرة قادر و لانى اختلفت معك بقيت هكذا بينى ليلة و ضحاها |
غلوي وتطرفي في الخصومة ولا اسلوبك انت غير المحترم والذي لا يعرف شرف الخصومة ولا شرف الموقف.. جايي تدافع عن كوزكم الشيوعي وعن حزبك الخرب الذي اعترفت انت بجرائمه وعن شيوعيتك التي قلت انك لست مقتنعا بها؛ عشان البائس دا ود حزبك ؟؟ىا لبؤسك اذن .. وجايب كمان عادل بلاير وأم عادل بلاير و هو موضوع حسم باعتذاري الواضح والصريح لتلك السيدة رغم ان الأمر لم يكن كما صورته انت وابو ساندرا؛ وانا اذكر لكم جيدا انكم وقتها لم تقفوا ضد فحش بلاير ضد تاج السر حسن ولا كذبه ضدي ..والان تحاولان المتاجرة بتلك القضية؛ فأنتما عندي فاقدي مصداقية ومحاولين لوي دراع؛ وتريدني ان اصفق لك او احترمك بعد هذا ؟؟ دي تلقاها عند الغافل.
ايوه حاف ما دمت انتميت لتنظيمك ولم تنتم للحق؛ وما دمت تعطي هذا البائس حق السقوط والفحش وانت تدعي وقوفك ضد فحش صلاح بندر .. انت هنا افتضحت ان لا مصداقية لك في صراعك ضد المنبر وان كل كلامك عنه هو مجرد فش غبينة ولا تدعمه اي مرجعية اخلاقية طالما تقبل نفس الاساليب او تبررها من ود كارك الشيوعي .
Quote: مرة واحدة كده . عموما لا استغرب في هذا لان عادل هكذا مهما تحدثت عن التحاور و التفاهم و غيره حدك فيهو قصير نفس خاصة اذ تعلق الامر بذاتك محور كل ما تفعل.
|
ايوه مرة واحدة كدا وسيكون هكذا حتى ابد الابدين .. انت لمن مارست الكذب والتناقض والانحياز للباطل والتبرير له كنت تفتكر حاعزف ليك موسيقى ولا حاديك ورد؟؟ لا دخل لشخصي وذاتي في الموضوع وهذه سقطة اخرى لك وكذبة اضافية لا سند لك فيها ؛ وانما الامر يتعلق بتقييمي لك الذي تغير تماما لاني رأيت فيك انسانا آخرا مختلفا تماما عمن كنت اتصوره في ذهني.وفي الامتحان يكرم المرء أو يهان
اتفضل يا اخي ما دم مصر على الاستهبال.. وكان ممكن استخدم نفس اساليب الاستهبال دي واقول ليك من قبل كتر خيرك .. وتذكر اني لم ابدأك بالاساءة ولم ابرر غلط شخص تجاهك لانه فقط من حزبي ولم اعش تناقضك ؛ فكتر خير مين يا اللخو ؟؟ لكن يبدو انو الزمار يموت واصابعو بتلعب والشيوعي يدعي كل شي وفي داخله شيوعي كامن ..
Quote: رغما عن هذا سارد على نقاطك:
- نعم انا عضو في الحزب الشيوعى للان و لست ماركسي و لا شيوعى و كررت هذا مرارا و تكرارا و جلب لى و لا زال سخط بل و عداء بعض الشيوعيين . هى صيغة عملية مؤقتة حقتى براى قاطعا من راسي الى حين ظهور بديل اخر معافي و جاد و ايضا للجم تيار ضار و مخرب و محافظ داخل الحزب الشيوعى قد يقضي على ما هو ايجابي داخل هذا الحزب, هذا الرأى يختلف معى فيه كثير ممن هم قربي و نتحاور حوله و اساءله انا نفسي و وصلت لحد الاستقالة ثم تراجعت عنها . عندك رغبة في نقاش جدا حول الامر ممكن جدآ , بعيدا عن نفس التهكم و السخرية. |
يا الزول الشغال بيك منو وأناقشك في شنو ذاتو ؟؟ عاقر التناقض كما تريد وخليك رجل في الجنة ورجل في النار ودافع عن الكيزان الشيوعيين وافعل ما يحلو لك ؛ قشة ما تعتر ليك .. تفتكر حتكون احسن من غيرك من مئات الشيوعيين ممن يعيشون تناقضاتهم هذه ولا يقدرون على حسمها ويرمونها علينا في نهاية الامر انننا نعادي حزبا يجلسون فيه مع المجرمين والانقلابيين والانتهازيين وقاتلي الشخصية الخ ؟؟ هذه مشكلتك وحلها براك وليست لي رغبة بالنقاش معك في تناقضاتك ولكني لن اقبل ان تدفعني ثمنها .
| Quote: رايك حول البندر قراته و هو جيد , البندر في حملاته استند على دعم كثر من ضمنه دعمك له , حملاته لم تتوقف و اخرها حملته ضد الاستاذ مرتضي الغالى اغتيال شخصية رسمى و انت حريص على تثبت موقفك في الصغيرة و الكبيرة و قطعا لم يغب عن نظرك هذا البوست و للان اتساءل عن غيابك عنه؟ و لك كتابات طويلة عريضة حول اغتيال الشخصة لدى الشيوعيين , هل تغيبت عن اغتيال البندر الفاضح لشخصية مرتضي الغالى لان الطرفين ما شيوعيين؟ |
شوف يا زول .. انا قرأت البوست بتاع البندر عن الغالي امس فقط بعد اشارة من صديق ارسلها لي بالماسنجر وبعد فتح بوست هدى بندر وما جرى فيه من نقاش؛ ولم اكن اعلم اطلاقا ان هناك بوست للبندر قد سُحب وتعرض فيه لعزازشامي .. أنا ادخل المنبر لماما وهناك بوستات مهمة لي جدا - كبوستات نهلة وعبد المجيد - لا اجد القدرة لمتابعتها ناهيك عن قراءة كل ما في البورد .. و لكن مع هذا وبعد كل هذا انا الذي احدد ماذا اكتب ومتى اكتب وكيف اكتب؛ وقد نويت بعد بوست البندر الاخير ان اكتب بوستا مخصصا اعلن فيه اني رميت طوبة الرجل تماما ؛ وقد قررت ان اكتب عن الرجل وطرحه الاخير ليس لاغتياله شخصية الغالي في المقام الاول وانما لكم العنصرية الطافح هناك. ولكن لا انت يا عصام جبر الله ولا اي انسان غيرك يملك ان يفرض على الكتابة ولا ان يحدد لي متى وكيف اكتب . انت عايز تمارس الاسفاف والشتائم مع البندر في بوستاته وغير بوستاته انت حر؛ وانا حر ان اعبر عن رايي بالشكل وفي الوقت الذي يناسبني .. وانا اعلنت رايي عن ممارسات البندر وساعلن المزيد ولكن فقط بالشكل الذي يناسبنني وليس ذلك الذي يناسبك؛ ووفق رؤيتي للامور وليس وفق رؤيتك أنت او غيرك؛ فكف عن محاولات الابتزاز لأنه حتى ان سكتّ أنا عن قول رايي في البندر كما تكذب ووتزعم وتحاول التلميح - رغم الوقائع - فأنا لم ابرر له ولا لسقطاته مثلما بررت انت للكوز الشيوعي وهنا يتضح الفرق واسعا بيننا ؛ ويتضح انك في معركتك مع المنبر غير موضوعي وغير ذو مصداقية لأنك تبرر للممارسات التي تشبهها تماما من عضو حزبك.
| Quote: و امشي معاك اكتر في الوضوح يا عادل, مشكلتك مع بدر الدين ما شخصية , مشكلتك انو شيوعى و في مكانو ده كان ممكن يكون اى شيوعى او شيوعية ما بتفرق المهم انه بالنسبة ليك هدف سهل التصويب نحوه و استهدافه , مع العلم انا اختلف مع اراء بدرالدين المحافظة و الملخبطة جدا في تقديري , لكن لا الاحق و اطارد احد في حوار افكار . انت همك الانتصارات السياسة ضد خصومك و خاصة الشيوعيين , ده حقك في اتخاذ الطريق ده , في رايي انه يقود لنهاية مسدودة . |
كويس انك اعترفت انو الأمر غير شخصي .. طيب يا شاطر ما البورد ملان شيوعيين وبعضهم لا يفرق بين الهمزة والواو الضكر ليه اخترت دا بالتحديد ؟؟ وما لقيت فرصة في شيوعيين كتيرين وفوتها ليه الزول دا تحديدا ؟؟ اها ما تسميه باستهدافي له ناتج لانو بيعبر عن تيار الكيزان الشبوعيين؛ او ما تسميه انت بافكارو المحافظة والملخبطة؛ ولانو زول كذاب كذب عني وكذب في موضوع هاشم بدر الدين ولأنه يمارس اغتيال الشخصية ولأن دواخله قذرة وانا اعلم ذلك .. يا زول في شيوعيين هنا لو ضربوني بالشلوت ما بسألهم؛ وبعضهم قد فعل ورجعت علاقتنا سمن على عسل؛ لاني مصنفهم في التيار الديمقراطي والثوري في الحزب الشيوعي ؛ زي محمد حسبو وابوبكر صالح والمهندس معتز الخ؛ ومعتز مثلا كتب في الصحف مقال كامل سماه تهافت عادل عبد العاطي شتمنى فيه ما شاء له القلم؛ صرفت النظر عنه - انا الذي تسميني باني متمحور حول ذاتي - حين كانت الصحيفة (الاضواء) مفتوحة امامي للنشر وذلك بعد ان كتبت الرد - لأني استشففت فيه خيرا .. وهنا فتحت بوستات وصفتني بالكلب لم ارد عليها بكلمة فأين انتصاري لذاتي ؟؟ ولو همي الانتصارات السياسية ضد الشيوعيين كان ممكن اجيب ليك اكوام من الوثائق السوفيتية التي بحوزتي تدين الحزب الشيبوعي بالعمالة عديل؛ وكان ممكن اكتب ليك كتاب عن الحاد الحزب الشيوعي الناكرينو دا اوثقوا ليك من رسالة ماركس للدكتوراة لحدي نظرية الالحاد العلمي السوفيتية؛ لكنك لا تفهم . حيث ان حربي ليست ضد كل الشيوعيين وانما ضد الانتهازيين واليمينيين والكيزان منهم مثل نقد والسر بابو والتجاني الطيب ومن امثال بدر الدين الكوز هذا .. هل رأيتني يوما تكلمت بغير الاحترام عن الدكتورة سعاد ابراهيم أحمد او الدكتورة فاطمة بابكر او الدكتورة امال جبر الله او الدكتورة خديجة صفوت الخ أو يوسف حسين ؟؟ أنت شخصيا تعرف احترامي لدكتورة امال جبر اله ورغبتي في التعاون معها ونشر كتاباتها الخ !! فهل لم تفهم ايها الشبوعي المتحرك بحمية الحزب ما الذي يدور ام مجرد الرغبة في تشويه مواقفي تحركك ؟؟ هل رأيتني اتحدث بغير الاحترام عن ومع الاستاذ منصور جعفر او بشرى الصائم وهما متطرفان في شيوعيتهما أكثر من لينين نفسه ؟؟ وهل فهمت لماذا ؟؟ انت للاسف انسان جاهل رغم ذكائك يا عصام؛ وجهلك هو بسبب شيوعيتنك وحزبيتك التي تسد عليك افق التفكير السليم والموقف السليم والموقف المشرف .
اتجاوز ما تريد ان تتجاوزه مما لا يروقك؛ ولكني انا اثبتها .. نعم انت كذاب لأنه لم يسمح لي احد وانا لم اتهمه وانما سألته وانتم لم تدينوا وصفه للاخ تاج السرحسن بالقواد ولا زعمه اني اخدت اموالا من الاخوان المسلمين وهو كان البادئ والباديئ اظلم كما يقولون. وقد استمر في اسفافه هذا شهرا كاملا قبل ان اسأله سؤالي الذي سألته له؛ وقد اعتذرت من بعد لتلك السيدة الكريمة مباشرة ؛ ثم اعتذرت له من بعد وضغطت على نفسي واخضعتها ؛ في حين لم يعتذر هو عن اي من اسفافه وكذبه ولم يتوقف عن عدائياته بل من حين لاخر يتاحر بالقضية وتتاجرون انتم معه فيا لبؤسكم .
| Quote: كان وارد يقولو ليك لا اعتذارك عن اساءة زى دى لا تسامح معه , وارد ام ان الناس ملزمة بقبول اعتذارك او اعتذار اى شخص اخر؟ |
شوف يا زول الناس تقول شنو وتقبل شنو وترفض شنو دي مشكلتها .. انا موقفي قدام نفسي نضيف .. اما موقفكم انتم فلم يكن نضيفا وقتها ولا موقفك اليوم في التبرير لهذا البائس الكوز الشيوعي نضيف ..
| Quote: يا عادل مش مضحك اننا نخش في غلاط و روايات زى انك سالت بعد فلان قال و علان فعل؟ |
لا ما مضحك . بل هو محزن في الحقيقة لأنه استمرار لاساليبكم التافهة في اغتيال الشخصية؛ ويموت الزمار وايدو بتلعب ؛ ولو كنت فاضي لاثبت للجميع تخاذلك انت وابو ساندرا وقتها عن قولة الحق - على الاقل في قصة امنجيته وفي اعتدائاته على تاج السر حسن التي سكتم كلكم عنها بخنوع غريب - . ولأتيت لابو ساندرا بكل سفاهاته؛ و الوقائع هي التي تكشف اصل الاشياء بل اصل الناس ايضا .
| Quote: أنا جبتها لانك انت طرف في المشكلة دى و لانها من اقبح ما سمعت زى كلام بدرالدين ده |
بالله ؟؟ وايه علاقتها وهو موضوع تم حسمه من زمان ؟؟ لماذا لا تقدر لمشاعر تلك السيدة ونبشت الموضوع من جديد الا ان تريد الانتصار لود حزبك كما اعلنتها ؟؟ وبعدين انت ما سمعت قباحات قيادات الشيبوعيين تجاه اعضائهم بالذات لما يختلفوا نمعهم او يخافوا على مراكزهم منهم ؟؟ ؛ الم تسمع قباحاتهم تجاه قاسم امين؛ وما سمعت قباحاتهم تجاه خضر نصر؛ وما سمعت قباحاتهم تجاه الخاتم عدلان؛ وهذا على سبيل المثال لا الحصر ؟؟ فالاول صوروه شاذ جنسيا والثاني صوروه مجنون - وابو ساندرا دا صورو عميل أمن عديل - والثالث صوروه حرامي ..فأين ايرادك لكل هذا وهل هناك اقبح من هذا القبح والوسخ والسقوط في حق هؤلاء الانبياء ؟؟ ولن اتعرض لك لقباحاتهم وفحشهم وتشنيعهم تجاه النساء فهذا مما لا حصر له.. انت قايلنا عندنا قنابير يا عصام جبر الله يا شيوعي ما شيوعي ولا شنو ؟؟
| Quote: و لأنك اعلم ان الناس بان الغلو و التطرف في الخصومة يقود لمثل هذه الافعال و ان مطاردة و محاصرة الناس و التضييق عليهم |
شوف الكوز الشيوعي انا اصلا ما سألتو قبل ان يبدأ مشوار الكذب واغتيال الشخصية والتفاهات؛ ولكن عليّ من الان قسما عظما برأس اماليا الا اترك هذا الكوز الشيوعي حتى افضحه امام الملأ؛ وأن اضيق عليه كل واسع؛ وسترى كيف ستكون المحاصرة والمطاردة له ولغيره من الكيزان الشيوعيين والمتناقضين من المدعين الشرف وهم يبررون للسقوط.
| Quote: هكذا ان لم يتحكمو في انفعالاتهم يدفعهم لسقطات و سقطات و فعلتها انت مرات و مرات و عدت و اعتذرت و فعلتها تانى , كنت اعتقد ان الدرس الحقيقي الاخر ان تعلم ان لا شئ مفرح او مبهج ان تحدث السقطة منك او من بدرالدين , لا شئ مفرح في سقطات البشر ايآ كانو , لا شئ ايجابي في رفع الرصيد السياسي للتنظيم - اى تنظيم او حزب - على حساب سقطات البشر , |
بالله ؟؟ امشي يا فيلسوف زمانو قول الكلام دا لي حزبك؛ فهو من يفرح وينتشي لسقطات البشر باعتراف واحد من اكبر قيادانكم؛ وقد اصبح مكانا للتأمر والتلذذ بسقوط الناس؛ وانت تصر على الدفاع عن منتسبيه ممن يمارسوا تلك الممارسات .و لو كان عندك نصح قدمه لحزبك المجرم أو قدمه لنفسك فأنت ايضا منتشي بسقوط البندر .. ولا تقدمه لي لاني لست مثلكم ولا افعل افعالكم .
| Quote: بدر الدين و عادل وعصام بشر في المقام الاول قبل ان يكونو شيوعيين او لبيرالى او حق و هذه المواقع نفسها متغيرة و متحولة , اخلع النظارة التى تجعلك ترى في البشر فقط كائنات سياسية و استبدلها باخرى تساعدك على رؤية البشر في تعدد نفسهم و شخصيتهم , هذه النصيحة ليست لك فقط بل لى و لكثر غيرنا ... |
دا كلام فارغ وحشو ساي ويدل على انك لا تعرفني وانك مغرض وكذاب؛ ويرجع لك في المقام الاول فانت في هذا البوست من برر للمارسات التي تدعي وقوفك ضدها لأنها جائت من طرف زميلك في الحزب الذي لا تريد له السحل وتقف معه بالعصبية الحزبية ؛ وبذا اثبتّ ان من يلبس النظارات السياسية هو أنت ولا احد سواك .
(عدل بواسطة Abdel Aati on 09-19-2009, 02:37 AM)
(عدل بواسطة Abdel Aati on 09-19-2009, 03:00 AM)
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Abdel Aati)
|
نهدي عصام جبر الله الداير يعطي "حق " السقوط والفحش لصاحبو الشيوعي وعندو قوة عين بعد دا يتكلم عن الانتشاء بالسقوط ما يمارسونه في حزبهم الاجرامي وما يعلموه لامثال الشبيوعي الكوز بدر الدين احمد موسى .
قال عنهم حسن تاج السر؛ عضو سكرتارية اللجنة المركزية للحزب الشيوعي السوداني؛ وهو يصفهم ويصف الحزب الذي سيطروا عليه؛ فيما نقله عنه التجاني الطيب بابكر؛ التالي:
| Quote: (الزميل حسن تاج السر، وهو عضو سكرتارية اللجنة المركزية منذ إعادة هيكلة العمل القيادي في النصف الثاني من عام 1971 يصف الحالة في حزبنا في ظل ما أسماه الستالينية علي النحو التالي: عقيدة ايمانية .. عبادة فرد .. شخصنة الحزب في سكرتيره العام .. تفشي الكسل الذهني بين مثقفيه .. معاداة المبادرة .. سيادة أساليب الهيمنة والتشرذم والفتك بالخصوم وتدميرهم عن طريق تشويه السمعة وفبركة التهم .. وتسريب الاختلاقات والأقاويل عن القادة الغير مرغوب فيهم للحط من شأنهم وقتل شخصياتهم ... والإنتشاء باخبار السقوط والإرتداد والإبعاد من القيادة .. افتقاد الحق والعدل داخل الحزب .. وأصبحت القيادة نهباَ للكذب والتآمر، وتحول الحزب الي قطيع مسلوب الارادة وانطمست معالم الحزب كمؤسسة ديمقراطية..)) |
المرجع: كلمة التجاني الطيب بابكر؛ مجلة قضايا سودانية؛ العدد الثاني والعشرون، ديسمبر 1999، صفحة 1"
فمن الذي ينتشي بالسقوط غيركم؛ ومن الذي يفتك بالخصوم غيركم؛ عن طريق تشوية السمعة وفبركة التهم؛ وتسريب الاختلافات والاقاويل ؟؟ ولمن يجب ان توجه نصحك ايها الفلسوف الاعمى والشيوعي المتناقض والانسان المنعدم المصداقية ؟؟؟
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Abdel Aati)
|
وقد اكد الاستاذ النقابي عرمان محمد احمد هذه الامور عن الشيوعيين؛ واكدها حيدر ابراهيم علي؛ واكدها الخاتم عدلان؛ واكدتها ممارسات الكوز الشيوعي بدر الدين احمد موسى؛ ليأـي الفيلسوف عصام جبر الله ليدافع عنه وعنها ويبررها انها "كلام زعل ما بنحملو " - فتبأ لهم وتبا للمارساتهم .
أنظر الى ما قاله الاستاذ عرمان محمد أحمد في هذا الصدد :
| Quote: والحق ان الأوصاف التي وصف بها الرفيق (حسن تاج السر) عضو سكرتارية اللجنة المركزية حزبه هي عين الصواب، وتعبر أحسن تعبير عن واقع الحال داخل هذا الحزب الإستاليني السري، الذي يعرفه كل الأذكياء من أهل السودان، بل ان تدمير الخصوم عن طريق تشويه السمعة وفبركة التهم، والحط من شأن القادة غير المرغوب فيهم، وقتل شخصياتهم الخ .. هي ما صار يسميه الرفاق الآن بـ( النضال اليومي) وربما لايدري هؤلاء (المناضلون السريون) ان افعالهم الشنيعة هذه تدخل في دائرة الجرائم الجنائية، وتشكل انتهاكات صارخة لحقوق الإنسان |
عرمان محمد احمد: ستالينية الحزب الشيوعي السوداني والالفية الجديدة؛ لندن؛ نوفمبر 1999"
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: خدر)
|
سلام
لعادل و للجميع
لفتت نظرى احدى الصديقات ان ذكر مشكلة عادل ع. العاطى و عادل بلاير تفهم و كأنها محاولة لاسكات عادل او تلويح بماضي في الاساءات . اعتذر لعادل و للجميع ان وصلهم هذا الاحساس . للاسف قفزت هذه المشكلة لذهنى بمجرد ما تفجرت مشكلة عادل و بدرالدين وكتب بدرالدين كلامه السئ هذا , هى كانت المثال الاقرب لذاكرتى انه مهما اخطأ انسان فان هناك مجال او فرصة له ان يراجع نفسه وان يعود عن خطأه بصيغة جادة و واضحة و نهائية , و لم انتبه انها يمكن ان تفهم هكذا . لست في حوجة لاسكات عادل باى شئ لانى اقصد التحاور حتى وان رفض هو ذلك , اعلم جيدا انى حتى لو اخطأت و اردت ان استخدم هذا الاسلوب فهو غير مجدى مع عادل لانه ببساطة لا يخاف و لا يرهب و لا يسكت .
معذرة مرة اخرى
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: esam gabralla)
|
الأعزاء عادل وبدر الدين والجميع..
كـل عام وأنتم بخير
عمره الغلط ما بيتصلح بغلط.
والغلط في الأسر أو إبداء تلميحات (قذرة) لزميلات هنا مرفوض من الجميع بما فيهم أنت يا بدر الدين. فلماذا تستخدمه؟
ستستعدل الأمور بإعتذار صريح من بدر الدين للإبنة هدى ولنا جميعا. وتوضيح حكاية السينما بتاعت عادل (لغاية هسع ما عرفت المناسبة الجابتها).
وأيضا مطلوب من عادل التركيز على بدر الدين وليس الحزب. كده حيتجهجه ويجهجهنا معاه. يعني نحن هسع ندين ونشجب بدر الدين ولا الحزب الشيوعي..؟
ودي للجميع
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: esam gabralla)
|
جيت متأخر...
فاتنى مولد لفح العمم والجلالايب .. والزفة..عشان يسحلوا بدر...
للأسف ماحصلت غير أثر من مروا من هنا...
أصحاب الغرض...
أصحاب التارات البايتة المصتكين فى محطات بتهمهم براهم ..
والناس الساكت أصحاب الأصحاب والما أصحابهم...
وأغلبهم عارضين برة زفة سياق الأشياء..
والأبرياء أصحاب مثالية ألأخلاق الفيرشوال..
ليه دايرين بدر يعتذر وعادل لا.؟؟؟
عشان مقاييس بكرى فى المكان دا أسست للحاجة دى ولا عشان الموضوع بى كل عفشوا من زمن عادل فارق الحزب وأصتك فى المحطة؟؟؟ ولا عشان السياق الموازى هناك والمباشر هنا من زمن البندر أخترع وسائل الأرهاب الأخلاقى العالمى ومارسها عملا وكتابة؟؟؟؟
أختزال القصة فى كلام بدر الكعب وأنها بتنتهى بالأعتذار كلام سازج
وبعدين البخلى كلام بدر طعن فى شرف عادل وسب بدر بأنو كوز ما طعن فى شرفو شنو؟؟؟
أنتو بتعرفو بدر دا وشرفه شنو ولا بس جابتكم كلمة شيوعى؟؟؟
ياها معرفة شهور الوهم الأسفيرى ديل؟؟
دى كلها مهاترة فى مهاترة وسببها سياسى رضينا ولا أبينا..
تحسسوا أخلاقكم وبالعدم ألأرشيف...ولو ما عندكم زمن أقروا ما تيسر لكم من بوست محسن خالد بتاع الوعى...وكل زول بعداك يغنى على ليلاه ..
أما الآن فأنا نيابة عن بدر صاحبى و لأكثر من ربع قرن بعتذر ليكم للألم السببتوا كلماته الكعبة دى..
وبعتذر لأى زول بعرف بدر زى مابنعرفه وأتفاجا بى كلامو الأشتر دا..
فعلا أشتر... لأنو بدر ما بعرف ينبذ ولو داير يتعلموا على كبره تبقى مصيبة.. وفى رأى الحصل دا كان رد فعل الزول المحبط اللى ما أتعود الكلام الزى دا ولا المطاردة بتاعة عادل الما عندها مبرر شخصى أو منطقى من أى نوع؟؟؟
ويا عادل يا أخوى أنت البادى أعتذر أول عشان وليك على نطالب ليك بدر بالأعتذار... وبرضو بنفس منطق البوست ومقياس أخلاقه كلامك عن ناس كبار فى السن زى عمنا التجانى ما صاح.. ما هم برضو عندهم ناسهم واسرهم وأولاد حلتهم قبل ما يكونوا شيوعيين ولا لبراليين...
وأهو.. يا كلنا نبعد الشخصى عن السياسى ولا ياهو دا الحاصل والبحصل وعضوية حزبك يا عادل خير مثال.. ما معناها كلام بدر صاح لكن دا واقع وعلاجه ما بكون بالتوقيف والأعتذار.. أو بضرورة ألأستمرار للبعض من أمثال البندر ومنعم الفحل أياه من أجل الكلكس أو أى غرض يبتدعه عقل الأخ بكرى أو من يمثله فى قصور أبتكو البعرفها براهو.. ... وهو المستفيد الأول من أختراعه لهذه المنظومة من الأخلاق الأسفيرية ...
حتى كفوة قادمة...
وهكذا دواليك حتى ينهار هذا المعبد على من يتبقى منكم من أصحاب الجلد التخين.....
وبالعدم ممكن يتحول لى بوورد بتاع كورة أو نكات عن أمهاتنا وعدم صلاحيتهن كزوجات..
ولى الناس البتكلموا عن أخلاق السودان.... لو فعلا دى كان بتتطبق ما كان وصلنا لى زى دا... مع تحفظى على ياتو سودان...
وبرضو لو بدر قال الكلام دا فى أى سياق شخصى غير ما ذكرت أعلاه لطالبناه أنو يخلى البورد دا زاتو حتى لو كل الناس غلطوا عليه...
للجميع ..
أيوة دا دفاع عن بدر فى سياق اى حاجة بعرفها عن كل ما يخص الموضوع دا و كل من له صلة به من قريب أو بعيد...
أخيرا وهى شهادة يسألنى خالقى عنها
أشهد الله أن بدر الدين أحمد موسى من أكثر من عرفتهم فى حياتى تهذيبا فيما يتعلق بالشخصى وأتحدى كل من يعرفه أن يدلى بشهادة أو ينقل شهادة تنفى هذا...وأشعر بالألم لأى كلمة أتقالت هنا بتصورو غير كدا ...
سلام
سيف
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: SAIF MUstafa)
|
الاخ حيدر ..
سلام
طالب عصام بفرز الكيمان .. رددت عليه بعقلانيه تحمد عليها
Quote: بعدين الكيمان دي مفروزة تب في الامور دي
وبعيدا عن الانتماءات انا ادافع عن عادل لقناعات احترمها اكثر من اي انتماء لحزب او لغيرو
بس نقراها كيف مع كلامك الفوق ليها
Quote: وياريت تقابل عادل ده وشوش لوش عشان تعرف رجالتو حدها وين
انا لو عندي زول ادافع عنه في المنبر ده
ياهو عادل ده بس
وحريقة فيك وفي الشيوعية كلها
الكيمان ما مفروزه يا حيدر الا فى حيز الكلام المجانى .. وتعلم ونعلم ويعلم الجميع , وده نقاش جدير بالمباشره بعيدا عن خطأ بدرالدين ( بعد اثباته وقد اثبته الجميع هنا ) ..
تحياتى
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: محمد حيدر المشرف)
|
Quote: وان كل كلامك عنه هو مجرد تفشيس ولا تدعمه اي مرجعية اخلاقية طالكا تقبيل نفس الاساليب او تكررها من ود كارك الشيوعي .
|
الكار الشيوعى والمرجعيه الاخلاقيه .. ذات اللغه الحايمه فى البورد. اتمنى اللا يتحول مصدرها لمصدر الهام ثوري للاحزاب
الثوريه
ادانه عصام لبدرالدين واضحه وضوح الشمس .. وتعلمون ان عصام يتحدث عن حق اتاحة فضيلة الاعتذار ويري فى رفض قبول بدرالدين
لمبدأ الاعتذار انفعال وشحن زائدسياخذ وقته ..
الاعتذار لا يقبل القبول او الرفض .. الاعتذار هو الاعتذار .. فأن صدر فهو من بدر الدين والى بدرالدين
الخطوة التاليه رفض وقبول ما صدر اصلا وتحقق .. ومن حق بدرالدين ان يعتذر .. استثمر حقه هذا ام رفضه فهو يعود عليه آخر المطاف ..
الاستدلال بواقعة بلاير تأتى فى هذا الاطار .. فأعتذار عادل عنها هو اعتذار عما بدر منه .. لا احد اشار لقبول بلاير الاعتذار ام لا .. هذا هو الاطار الصحيح لورود الواقعه اذ لم ترد فى الاطار الملتوى بتاع ( بدرالدين معذور لانك يا عادل فعلت ذات الشئ ومن جنس الاساءه ) .. والامر وااضح
الغرض السياسي ومحمول الغبن وضراوة الاختلاف المؤذى بين قوى الاستناره فى هذا البوست تخطت بدرالدين زماااان ..
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: SAIF MUstafa)
|
Quote: أخيرا وهى شهادة يسألنى خالقى عنها
أشهد الله أن بدر الدين أحمد موسى من أكثر من عرفتهم فى حياتى تهذيبا فيما يتعلق بالشخصى وأتحدى كل من يعرفه أن يدلى بشهادة أو ينقل شهادة تنفى هذا...وأشعر بالألم لأى كلمة أتقالت هنا بتصورو غير كدا ... |
وانا اشهد الله ان كلام بدرالدين قد آذى سمعي وبصري وحالتي النفسيه.
وأشهد الله أن ليس لي به اي معرفة ولا اعرف عن حسن اخلاقه او سوء أخلاقه شئ.
الاخ سيف مصطفى:
لا اعرف ان لعادل حزب سياسي يسمى باسمه وعليه صك وقبول وختم باسمه ايضا.
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Omayma Alfargony)
|
Quote: متفهم وجهة نظرك ومقدرها
قصدت بالمقاطعة الدائمة أن نضع نقطة لكل ما سبق
ونفتح سطر جديد
تعاهد جديد بأن لا نفتش تحت ملابس الناس ونلاحق سقطاتهم
وان نلتزم بشكل قاطع ونهائي بأن لانشتم ولا نسييء
وندير الحوار بيننا وإختلافاتنا بأدب وإحترام
وأن تظل الأسر مقدسة ومحترمة ولاتوجه لها إي إساءة مهما كانت
حوارنا نديره مع زميلنا هنا ولا شأن لنا بأسرته وأهله
يظلوا على الدوام مكان إحترامنا وتقديرنا
الذي يتجاوز ويسب ويلعن من بعد التعاهد الجديد
يلفظ
فللترسخ ثقافة الإعتذار والتسامح
لكن هذا فيلكن في الإحتدامات العادية والتعانف اللفظي
دون هبش أعراض الناس ، هذه خط أحمر
فلقد ذكرتي يا أميمة ان جرح الإساءة من تلك الشاكلة بليغ
وجرحها غائر يصعب يصعب أن يشفيه إعتذار
وكسر لايمكن للإعتذار جبره وتطبيبه بشكل نهائي وحاسم |
الاخ اباساندرا,,,
الآن نحن نعزف على نفس النوتة.
اتفق معك تماما.
شكرا على اعادة السياق.
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Omayma Alfargony)
|
كتب احدهم هذا الكلام الذي نقلته تيسير عووضة وردت عليه ولم استطع تحقيق كاتب الكلام الاصلي
Quote: هل وصف شيوعي-كوز ، وصف اقل مما وصفه بدرالدين لعادل عبدالعاطي ...؟ اطلاقا لا ، الا اذا كنا نعتبر الاتهام الجنسي فعل اخلاقي ، والخلط الفكري-السياسي لاعلاقة له بالاخلاق..
اقسي تهمة للشيوعي هي وصفه بالكوز ، هكذا دون تدبر ومعرفة المحاذير الاخلاقية والنفسية ...ولا ينفع الحذق واللف والدوران بان هذا الوصف (شيوعي -كوز) مجرد وصف فكري ..اطلاقا فهذا الوصفيحمل في احشاءه كل انواع الاساءة بما فيها الاخلاقية..فالشيوعيين يرون في الكوز الظلم والاستعلاء والظلامية والفساد السياسي والاخلاقي وانعدام الضمير واكل السحت ومحاربة الناس في رزقهم الخ
هذا الوصف اخبث بكثير مما يظن بعض المنحازين لاسباب لانعلمها لعادل عبدالعاطي .. |
اذا كان هذا الكلام قائله شيوعي؛ فاسأله ايها المتناقض وكيف اذا كانت اقصى شتيمة للشيوعي هي بأنه كوز تفسر دفاع زعيم حزبك عن الكوز عمر البشير؛ ودعوة الناطق السابق لحزبك الراحل فقاروق كدودة للكوز الترابي لحفل عشاء مع نقد؛ وكيف تفسر دعوة الترابي لدار حزبكم؛ ثم استقباله استقبال الابطال وتوديعه وطلب الزيارة منه مرة ثانية؛ وكيف تفسر تحالف حزبك معه في تحالف القوى الانتهازية؛ وكيف تفسر استعانة بيانات حزبك له كمرجعية في دفعها عن نفسها؛ وكيف تفسر وضع يدكم في يد هؤلاء الكيزان؛ وكيف تفسر دعوة الكوز والمجرم نافع على نافع لمؤتمر حزبكم ؟؟
واذا كان الكوز هو بمثل هذا القبح؛ فكيف تفسر دفاع الكوز الشيوعي بدر الدين أحمد موسى عن المجرم حسن الترابي بل وتصويره بطلا؛ في هذا البوست الممعن في التفاهة والذي مارس فيه الكوز الشيوعي اغتيال الشخصية والكذب الضار؛ ولم يتورع عن الدفاع المستميت عن اكبر كوز في السودان؛ وهو حسن عبد الله الترابي
هاشم بدر الدين فى مواجهة شيخ مسن..???
انحنا تفتكر لمن سميناهو بالكوز الشبوعي كان ساي ؟؟ اها الان حنفتح ونمحص في كل تيار الكيزان - الشيوعيين وفي قصة الحزب الشيوعي الكيزاني بقيادة الكوز - الشيوعي محمد ابراهيم نقد .
اما اذا كان الكاتب من مساعدين يايات الشبوعيين؛ فنفس الاسئلة موجهة له .
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Omayma Alfargony)
|
يبدو وكأن آفة الحزب الشيوعى السودانى ان له تأريخ .. تستعرض صفحاته وتقرأ سيرته ومسيرته وتسود الصحائف ببطولات
وتضحيات رجاله ونساءه .. وتنتقد اخطاءه شاردها وقصيها وتروى عنها المرويات .. تري كيف هو الحال مع من لا تأريخ لهم الا المنابر الاسفيريه وأراشيفها ..
استاذ عادل عبد العاطى ..
أساء لك بدرالدين بصوره ادانها الجميع .. وأراك الان تنصب نفسك قاضيا لمحاكمة الكيفيات التى ادان بها فلان وعلان , ان
كان غرضك الولوج من ثقب قضية بدرالدين لضرب الحزب الشيوعى فبدرالدين ليس بحصان طرواده .. والحزب الشيوعى السودانى
أكبر من ان تنتاشه سهام اسفيريه .. هو كيان موجود وحى وحقيقي ومؤثر على مجريات الساحه السودانيه ومنذ عقود .. ارجو ان تلتزم بخيطك المعلن هذا فى سياقه , واللا تقحم الحزب الشيوعى السودانى فى الامر .. ودار الحزب مفتوحه ونوافذه مشرعه.. لك ان تصول وأن تجول فيها علانية .. فالحزب ليس بكيان كهنوتى ملغز ولا سدانة هناك ولا يحزنون .. سنقارعك الحجة بالحجه والمهاترات بالهتر وهو ممارسه سياسيه شئنا ام ابيناها لا تتعارض واطار الاحترام المتبادل
شكرا
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: محمد حيدر المشرف)
|
| Quote: لا اعرف ان لعادل حزب سياسي يسمى باسمه وعليه صك وقبول وختم باسمه ايضا. |
الأخت أميمة
سلام
بصراحة ما عرفت قصدك..
هل دا بعنى أنك ما فهمتى أنا قاصد ياتو حزب؟؟
ولا أنو أنا ما فروض أشير لأسم حزب ناس عادل بأسمه؟؟
أذا كان ألأولى فأنا قاصد الحزب الليبرالى...
أذا التانية فما بفتكر أنو فى أى زول، عنده وصاية على أو على زول بخصوص تعريف للأشياء...طالما التعريف المحدد بيؤدى المقصود ويقع فى حدود الشائع بعدا عن الغرض...
أذا قصدك أى حاجة غير كدة فما أظن نقاشها بهمنى...
تسلمى
سيف
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: د.نجاة محمود)
|
Quote: ياعادلوفي الواقع ، هذه الناحية تحديدآ ، ناحية الأخلاق
فلن تجد في عضو الحزب الشيوعي منقصة فهم معروف عنهم
الأمانة حيث لاتمتد يدهم لمال عام
ومعروف عنهم الشجاعة فكم نادموا ليل الزنازين الشقيقة
وكم هزوا وهزأو بالمشانق التي زلزلوا كبريائها
وعلقوا زخات الرصاص على صدورهم أوسمة ونياشين
ومعروف أن العاملين يصعدونهم على رأس نقاباتهم لأنهم الأكثر دفاعآ
عن الحقوق والمؤتمنين على مطالب وحقوق العالمين العاملين
هذا هو الشيوعي في الذاكرة الشعبية الراسخة
وليس الشيوعي الذي تحاول أن تروج عنه في القوقاز أو في اوربا الشرقية
تجربة شعبنا مع الحزب الشيوعي مغايرة لتجربة الشعب البولندي مثلآ
هذا فضلآ على أن الشيوعيين يعودون إلى الحكم عبر أكتاف الناس
وصناديق الإنتخابات وأدر نظرك حولك لترى ، وأعد النظر كرتين
وطوف من فنزويلا وكلومبيا حتى البرازيل والأرجنتين
القبح والقباحة ليست من شيمة الشيوعيين
ولايدرسونها في مدرسة الكادر ولا في الكورس الإلزامي للمرشحين
عرفوا بوسامة العبارة ونصاعة الموقف وجسارة التكوين
ومرة أخرى ، أدر نظرك ووسع شوفك لترى نماذج مثل محجوب شريف
والخاتم عدلان{ فقد تربى وإشتد ساعده وإتسع أفقه في تلك المدرسة }
وعبدالله القطي { وأظنه أحد معلميك ونماذجك الحية }
وغيرهم كثر منهم من رحل فعاش في ضمير الشعب أبدا
ومنهم من يواصل وبه نتشرف ونزد عددا
إذا علق بك شييء من قبح ، أو بأي عضوفي الحزب الشيوعي
فإنه من سكب يديه |
امال الشيوعين اليف البورد ديل ومنهم انت جو من وين؟
الوعي المغيب..والجمل لا يعرف عوجة رقبتو
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: د.نجاة محمود)
|
Quote: الأخت أميمة
سلام
بصراحة ما عرفت قصدك..
هل دا بعنى أنك ما فهمتى أنا قاصد ياتو حزب؟؟
ولا أنو أنا ما فروض أشير لأسم حزب ناس عادل بأسمه؟؟
أذا كان ألأولى فأنا قاصد الحزب الليبرالى...
أذا التانية فما بفتكر أنو فى أى زول، عنده وصاية على أو على زول بخصوص تعريف للأشياء...طالما التعريف المحدد بيؤدى المقصود ويقع فى حدود الشائع بعدا عن الغرض...
أذا قصدك أى حاجة غير كدة فما أظن نقاشها بهمنى...
تسلمى
سيف |
ألاخ سيف
وعليكم السلام,,,
لا. انا فهمت انت قاصد ياتو حزب.
ما اسمه حزب ناس عادل,,ليه اسم يسمى به ولا توصف المؤسسات السياسية بالاضافة أو الاضافة للتعريف بل تخاطب باسمهاالرسمي.
انا ما اي زول بالنسبة للحزب الديمقراطي الليبرالي الموحد,,,أنا عضوة به,,,
قطعا ليس لدي وصاية عليك ولكن واجبات علي للحزب الذي انتمي اليه ومنها أن اصحح أو أن أتبين واتحقق في ما أراه ورد خطأفي حقه.واتحقق هذه تدخل في حيز المتشابهات.
| Quote: أذا التانية فما بفتكر أنو فى أى زول، عنده وصاية على أو على زول بخصوص تعريف للأشياء...طالما التعريف المحدد بيؤدى المقصود ويقع فى حدود الشائع بعدا عن الغرض... |
بعدا عن الغرض دي كويسه, لكن في حدود الشائع دي حمالة اوجه.لان الشائع بالنسبة ليك قد يكون بختلف عما هو شائع بالنسبة لي على الرغم من الشيوع الحاصل والمتحصل.
قد يكون ما يهمك, ولكن قبل مدة ليست بالبعيدة تم فتح بوست هنا من قبل كادر شيوعي بعنوان يحمل اسم عادل ونسب الحزب اليه وتسميته باسمه دون وضع اي اعتبار لوجود الحزب وكيانه وقيادته وكادره
وقد كان هذا دافعي للتحقق من الامر بل ولفت النظر الى اي كان بان تكرار نفس الفعلة مرفوض جملة وتفصيلا.
ولكن من كلامك اعلاه فهمت الاتي: انك عرفت الحزب الديمقراطي الليبرالي الموحد بانه الحزب الذي ينتمي اليه عادل وليس حزبه في سياق للملكية بل كأن تقول أسرتك, وأصدقائك, وبلدك...الخ.
اذا كان كذلك فالعفو والعافية,,
واذا كنت مخطيئة فأرجو تنويري.:).
وتسلم انت كمان.
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Omayma Alfargony)
|
الأخت أميمة
سلام
الكلام القلتيهو دا هو بالضبط النوع اللى ما بهمنى نقاشه...وحا أديك فكرة بسيطة ليه ما حا أناقشه..
الأحزاب السودانية ما بتهمنى وما بتابع أخبارها وما عارفها ولا عايز أعرفها ... لأن نظرتى و حتى أنتمائى لما يسمى السودان نفسه لا تتعدى الأنسانى اللى ما بفرق بينه وبين أية حتة فى الدنيا دى غير دم وقربى لا أطلب أكثر من أيفاء حقهما اللى ماعنده دخل بالجغرافيا ...
دا عشان ما تضيعى زمنك ومجهودك الحزبى فى توعية زول هامل ساكت زي سيف..
لك الود
سيف
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: محمد حيدر المشرف)
|
عصام جبرالله يا خي اسفه لو بتفتكر اني اسأت فهمك
لكين في تقديري مثل ما قلت لابني كيكي العامل فيها برضو زعلان
ان ايراد حادثه بلير وعادل تعتبر تبريرا وما كان لها ان تذكر في هذا المقام .
يعني صاحبكم دا تحلقوا ليه ناشف لانه التفكير بتاعوا دا يعف عنه حتي الظلاميون .
وانت عارف اني لا انتمي الي اي حزب وما في زول عارفني شايته علي وين ولو اني شايته يسار اليسار .
ممكن تقول انا بشوف الحق وين من وجه نظري وبقيف معاه .
اها في موقف بدر الدين مع عادل دا وجدت ان بدر الدين ارتكب خطأ فادح ليس في حق عادل بالتاكيد بل في حق نفسه ,
بل اهدي عادل البرهان انه شيوعي يمييني ولا يتسق فعله مع النظريات التي من المفترض ان يكون مؤمنا بها .
يعني الموضوع فرز للقضايا ما تكوجنوها .
هنا القضيه بس بدر الدين احمد موسي وعادل عبد العاطي .
انت قلت انه من حقه انه يعطي الفرصه وما فينا زول افتي بغير ذلك
لكين قرانا موقفه المتعنت بل توعده بالمزيد في الكوت الانا كوته ليك هناك .
وعشان كدا بفتكر مفروض تكون في وقفه صلبه تجاهه من جانبكم انتم تقابل تعنته .
ومفروض اي فعل متل دا يجد الادانه الكامله من غير ايراد فعل مواز له او موقف لعادل تخاذل فيه من رؤيتكم .
شوف موقف قيقراوي او خدر موقف واضح وما فيه اي تبرير.
واخيرا بعتذر ليك انت وكيكي عن اي ضيق سببته لكما .
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: doma)
|
Quote: عادل عايز يرث اليسار، بيت ابوك كان خرب شيل ليك منو شيلة.. بعد ما اليسار بقي خربان
احسن كل واحد يكوش علي حاجة..لكن قطعا ما بطريقة عادل الديماجوجية دي ..
لكن بعيدا عن ذلك ، اليسار اختلافاتو ليست فكرية بقدر ماهي متوارثة من القيادات
القديمة.. فلا يمكن ان يحدث توافق بين يسار فيهو نقد ووراق ومين ماعارف تحالف ليبرالي
فيهو زي عادل المشخصن خلافات السياسة السودانية في بضعة اشخاص..
ـــــــــــــــــــــــــــــــــــــــ
انا متفق مع مظفر في قصيدة جهيمان منذ كنا نصدح بها في الثمانينات
رغم محاولة السلطات السعودية تشويه وجه حركته..
عادل لايمثل اي يسار الان ، يريد ان يكسب علي حساب هجومه لليسار في كل يوم وساعة
وثانية ، والنتيجة الفشل وفقدان الاعصاب كلما اقترب موعد الانتخابات ! |
صباحك خير ياعبداللطيف
لىّ فترة طويلة مابدخل فى بوستات النقة - النقة اللى ما بتخلق غير الاذية للقارى والقارئة
ناهيك عن اللى بيجىء بمبررات موضوعية..
اولا ماقدرت اقرأ كمية الاسفاف اللى حصلت هنا..
وما اظننى فى حاجة لا دانة بدر الدين, فهى واضحة وضوح شمس صيف السودان الحارقة
ماعرفت اكتب شنو, لقيت انسب حاجة اسمع مظفر النواب وافش غبينتى فى {اليسار السودانى}
ياعبداللطيف اللى بيحصل هنا ده نتاج ازمة اليسار
ونتاج ازمة السياسة السودانية واسس ادارتها ومن قبل منهجها الديكتاتورى
عادل وبدر الدين نتاج للازمة دى
وهم نفسهم مثل غيرهم من {اليساريين واليساريات} ساهموا بمثابرة يحسدوا عليها فى تدوير الازمة من جديد
نعم اقولها كما قالها مظفر {اليسار غبى}
غبى لانه ماوصل مرحلة النضج اللى تخليهو يقبل انو منو تطلع عشرات الاجسام وبافق
يطلعوا ناس حق
يطلع الليبرالى
يطلع جسم تانى
وتالت ورابع
وكلو بافق..
افق العمل الاكبر وفق برنامج ليهو خطوطو العريضة لاجل انسان السودان..
نعم يسار غبى..
لانو قاعدين هنا وهنا دى مثال بس.. يسئوا لبعض
يغتالوا بعض
واليمين قاعد متربع على انفاسنا..
طيب عاوزين تغيير كيف؟!!
هو التغيير ده بيجى بالنقة؟ بيجىء بالطريقة دى؟
اما قصة انو عادل عاوز يرث اليسار.. على الاطلاق مافهمتها كدى يا عبداللطيف..
لىّ حواراتى المتقطعة مع عادل, واقدر اقول ووين ازمة عادل مع الحزب الشيوعى اللى فيها خلط كبير جدا مع الخاص, مرارات
فى مرارات نتج عنها كل هذا الغبن, لانو عادل وبمراجعتنا لكل مايكتب هنا
فى رأى الخاص - فرضية- يمكن اثباتها او نفيها بمنهج علمى..
مفادها انو عادل استثمر وقت ومجهود كبير - لضبح الحزب الشيوعى فى سوق الله اكبر- اكثر بمليون مرة مما فعل مع الحزب
اللى هو واقف ضدو قلبا وقالبا - المؤتمر الوطنى, واليمين تحديدا بوسطيتو وتطرفو
طبعا انا ماضد النقد باى حال من الاحوال, فاليعمل عادل ادواته- الموضوعية- فى اى جسم يشاء
وكشيوعية - سابقة- لىّ صولاتى وجولاتى اقدر اقول انو الحزب الشيوعى ملحّ تجربتى السياسية
باحدق البهارات وعملنى ان اصمد وان اكون قوية
ولكن برضو دفعت تمن كبير من اعصابى ودى بيكون دفعها اى ناشط وناشطة سياسية..
عادل نفسو اعترف بجمائل الحزب عليهو
وفى لقاء عابر وقصير فى فيينا تناقشنا ايضا حول النقطة دى وكنت بتمنى تطول اقامتو لانو الحديث كان مبتسر..
نتيجتو.. عادل طاقة تمشى على رجليين
للاسف بيحرقها فى جسم هو نفسو بيعترف بجمائلو عليهو
ليهو افكارو السياسية النيرة اللى ممكن تشكل فعلا اضافة وليهو حزب بعتبر انو ممكن يكون اضافة حقيقية لليسار السودانى {الغبى}
تنوع مواعين العمل السياسى بيفتح دروب مفتوحة على الشارع وانسانو المغلوب, اللى ماقدر اليسار يخلق معاهو لغة مشتركة
اللغة الفوقية والنقة النقة... كدى هنا ده اللى يجىء اى من احزاب اليسار
بما فيهم الليبرالى ويقول لينا منهجيتو وادواته مثلا لحماية البيئة ونفذ شنو فيها, ده بس مثال؟
يقول ليما بيعرفوا شنو عن ناس الريف ومشاكلهم؟
وياتو لغة بيستخدموها معاهم؟ ده لو بيعرفوهم؟
ياخ انا ماليانة مرارات لا حد لها ولا حصر, اولها مرارات اليسار ده فى عضمو ده لو عندو عضم راسخ فى تربتنا؟
ياعبداللطيف.... مالقيت انسب من مظفر النواب..
لانو ازمة اليسار السودانى مابتنفصل عن ازمة اليسار فى المنطقة العربية والافريقية- هكذا!!
فى مرة قادمة وفى مكان مناسب للحوار والاخذ والرد وبنفس هادىء يمكننى مواصلة هذا الحديث وبمنهج
وده بيحتاج منى لمعالجات مختلفة تبدأ بالقراية المنتجة, ولىّ بعض الخطوط العريضة يمكن توسيعها استنادا على ماكتب فى هذا الامر
وكمشاركة فى العمل السياسى السودانى من {زمن حفروا البحر}
حا اطعمها بتجربتى برة, بملاحظاتى وبى نتائج ال Self & collective reflection
مرض المزمن ولكنى احد ايجابيات المهجر اللى بتخليك تشوف روحك وتعريها وتقعد تسمع مظفر وبس...
وبواصل فى مكان آخر, بس خت كلامى ده فى بالك
(عدل بواسطة Ishraga Mustafa on 09-19-2009, 08:47 AM)
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: doma)
|
| Quote: اليسار يذبح اليسار واليمين يقف متفرجا بشماته . |
العيد مبارك يادومة
والغايظنى اكتر ومالينى مرارات انهم- المنضويين/ت تحت لواء اليسار العريض ماواعيين ولا منتبهين للحتة دى
ولو واعيين بتكون المصيبة اكبر..
لو مكسنا المنبر ده مثال..
وبتكون لاحظتى..
كدى شوفى المواليين لناس الحكومة واللى رابطاهم مصالح دنيوية- ولحسوا رأسنا بالمصالح الاخروية
حصل نبشوا بعض هنا زى مابعملوا {ناسنا}؟
الازمة كبيرة ياختى.. كبيرة شديد..
شوفى احزاب اليسار فى اوربا عملت شنو ووصلت ووين وطورت ادواتها كيف
وشوفى واقعنا,
بس قاعدين للنقة والمفاخرة الفارغة ومقدودة من شاكلة { تاريخنا السياسى الحافل}
حافل شنو؟ غير الاسية والاذية و........ ياخ جانى وجع قلب واختك بقت مابتقدر على الانفعال تقوم تجينى سقطة !!
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Ishraga Mustafa)
|
كتب المستهبل عادل عبدالعاطي :
Quote: وجايب كمان عادل بلاير وأم عادل بلاير و هو موضوع حسم
باعتذاري الواضح والصريح لتلك السيدة رغم ان الأمر لم يكن كما صورته انت وابو ساندرا؛
وانا اذكر لكم جيدا انكم وقتها لم تقفوا ضد فحش بلاير ضد تاج السر حسن ولا كذبه ضدي ..
والان تحاولان المتاجرة بتلك القضية؛ فأنتما عندي فاقدي مصداقية ومحاولين لوي دراع |
عندما ذكرت حادثة شتيمتك للسيدة الفاضلة أم بلير ذكرتها لسببين
بينتهما بوضوح ، هما :
1- أن التعدي اللفظي والإساءات البليغة وشرف الناس وتهم ممارسة الشذوذ
بل وزنا المحارم وملاحقة الناس بتعقب أسرارهم وفضحهم له تاريخ في هذا
المنبر وأنت شخصيآ ساهمت فيه بتلك الحادثة
2- أن سقطتك تلك أعنف ولها دوي أكثر من سقطة بدر بشأنك
وكل الناس تعاملت مع سقطتك بأنه سلوك يخص عادل عبدالعاطي فقط
ولاتمتد مغبته وأثره إلى حزب عادل ولا إلى أسرته ،
ولذلك طالبت منك أن تقصر إنفعالك وتطالب بدرالدين بالإعتذار
وتقاتل من أجل رد إعتبارك دون أن يرتبط ذلك بالحزب الشيوعي
فالحزب الشيوعي ليس طرفآ في هذا التدني كما لم يكن الحزب الليبرالي
طرفآ في تعديك السافر ذلك
ثم
مبادرتك بالإعتذار في موضوع إشانة سمعة بلير وأمه أمر جيد
لكن هل يكفي الإعتذار لجبر ذلك الكسر المركب وغسل تلك التهمة الشنيعة ؟
قلت هذا وتسألت لأبين لك وللجميع مغبة تلك الإتهامات الشنيعة والفظيعة
مغبتها وفداحتها التي لاتخفي على أحد والتي لايكفي الإعتذار لغسلها
أنت تعرف وتفهم ما عنيته من تلك المقاربة
ولكنك ، كما قلت لك أعلاه ، مستهبل
ومستهبل كبير لأنك عايز تصور تذكيري بفعلتك الذميمة تلك
بانها محاولة لي ذراع وإسكات
والواقع غير ذلك ، وفقآ لتوضيحي أعلاه
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أبو ساندرا)
|
اسمع يا ابو ساندرا
أول حاجة عايو اسألك لسا بتعتقد الكوز الشيوعي محمد ابراتهيم نقد جبان ولا لا ؟؟ لانو انت اول من وصفه بهذه الصفة وعايزين نعرؤف انو هل هو عندك Chicken لسا ولا اتغير ؟؟
Quote: عندما ذكرت حادثة شتيمتك للسيدة الفاضلة أم بلير ذكرتها لسببين بينتهما بوضوح ، هما :
1- أن التعدي اللفظي والإساءات البليغة وشرف الناس وتهم ممارسة الشذوذ بل وزنا المحارم وملاحقة الناس بتعقب أسرارهم وفضحهم له تاريخ في هذاالمنبر وأنت شخصيآ ساهمت فيه بتلك الحادثة |
انت كذاب فأنا لم استمها وانما سألت بلير - بنفس منطقه وبعد اعتداءاته المتكررة على تاج السر حسن التي سكتكم كلكم عنها عن شائعة تدور حوله؛ بعدين يا الشبوعيين اوعكم تتكلموا عن شرف الناس فأنتم من فتحتم هذا الباب وباب العنصرية في السياسة؛ فلم تنج من سلاطة لسانكم وعنصريتكم لا خالدة زاهر ولا سكرتيركم الاول عبد الوهاب زين العادين عبد التام . ولم تنج من اتهامات في الشرف زوجة سكرتيركم الثالث ؛ ولم ينج من الاتهام في شرفه القائد الخالد قاسم امين؛ وهؤلاء كلهم كانوا اعضاء عندكم وقياديين فكيف بالماس العاديين . انتم اكثر اهل السودان اساءة لشرف الناس ولا يبزكم في هذا الا الكيزان؛ فالنصح من طرفكم اصلا لا يمكن أن يأتي .
| Quote: - أن سقطتك تلك أعنف ولها دوي أكثر من سقطة بدر بشأنك وكل الناس تعاملت مع سقطتك بأنه سلوك يخص عادل عبدالعاطي فقط ولاتمتد مغبته وأثره إلى حزب عادل ولا إلى أسرته ، |
انت انسان كذاب ومخاتل لأن عادل بلاير هو من فتح باب اتهامات في الشرف وقد ارتدت الضرلابة اليه؛ وانتم سكتم عن كل ذلك .. وقد وقفت عضوية حزبي ضدي وقتها ولم تبرر كتبريركم ولم تتاجر كتجارتكم ؛ اما بدر الدين فقد وقفتم معه بالحق والباطل ولا غرو لأن هذا هو سلوك حزبكم الذي وثق له بعض من قياداتكم الحالية.
Quote: ولذلك طالبت منك أن تقصر إنفعالك وتطالب بدرالدين بالإعتذار وتقاتل من أجل رد إعتبارك دون أن يرتبط ذلك بالحزب الشيوعي فالحزب الشيوعي ليس طرفآ في هذا التدني كما لم يكن الحزب الليبرالي
طرفآ في تعديك السافر ذلك |
يا مسكين اصلا انا ما شايف انو الكوز الشيوعي دا اساء لي او لاعتبياري ولا ابحث عن اعتذار منه واقواله لم تحركني كشعرة؛ فقبلها قال عني الشيوعييين اني مومس وقواد وان بنتي بنت حرام واني فاشل ومجنون الخ فهل طالبت احخدهم باعتذار ؟؟ كل هذا فقط يثبت للناس طبيعتكم وسؤئكم وخطركم على السودان؛ والذي لن تصلوا فيه للحكم الا على جمجتي لأن وصول اوباش مثلكم للحكم فيه خطر لا يعرفه الا من يعرف سوءطويتكم وفساد خصالكم .
| Quote: ثم مبادرتك بالإعتذار في موضوع إشانة سمعة بلير وأمه أمر جيد لكن هل يكفي الإعتذار لجبر ذلك الكسر المركب وغسل تلك التهمة الشنيعة ؟ |
بلير هو من اشان سمعته وسمعة امه حينما تعدى على شرف الاخرين ورغم ذلك اعتذرت له عن سؤالي في الاشاعة التي تدور عنه؛ واعتذرت لتلك السيدة الكريمة . وفي الحقيقة عادل بلاير هو المسرول الاول عما لحق به؛ وانتم المسؤولون رقم اتنين في كونكم تنبشوا هذه القضية المرة بعد الاخرى لغرض ضرب مصادقيتي وانا ما شغال بيكم لانكم عندي مكشوفين تماما .
Quote: قلت هذا وتسألت لأبين لك وللجميع مغبة تلك الإتهامات الشنيعة والفظيعة
مغبتها وفداحتها التي لاتخفي على أحد والتي لايكفي الإعتذار لغسلها
أنت تعرف وتفهم ما عنيته من تلك المقاربة
ولكنك ، كما قلت لك أعلاه ، مستهبل
ومستهبل كبير لأنك عايز تصور تذكيري بفعلتك الذميمة تلك
بانها محاولة لي ذراع وإسكات
والواقع غير ذلك ، وفقآ لتوضيحي أعلاه |
اكون غبي اذا صدقت كذبك هذا؛ فهل من الصدفة انكم ثلاثة شيوعيين : انت وعصام جبر الله وعبد اللطيف حسن علي اتيتم بهذه القضية التي يفترض ان تكون قد حسمت في اطار دفاكم عن كوزكم الشيوعي. واذا كنت انت وعبد الطيف حسن علي معدودين عندي من اوباش الشيوعيين من زمان فأن هذا البوست قد فضح عصام جبر الله الذي تحركه الضغينة على صلاح بندر حتى ما عاد يقدر على التفريق وتحركه العصبية الحزبية لحزب يعترف هو انه لا يشترك معه في المنهج والايدلوجية ولكن هو عضو فيه بسبب من تناقضاته وتناقضاتكم المريضة .
مع تحياتي لصاحبك الجبان ( على حد وصفك ) .
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: أبو ساندرا)
|
الاخوان ابوساندرا وعصام جبرالله ...
وصف الاخ عادل (للبائس) بدرالدين احمد موسي بالشيوعي والكوز كان دقيق جدا لانو الوصفين ديل توصيف محكم لافراد نتاج الادلجه والازمه النفسيه البيمروا بيها منتسبي التيارين ديل ... اول ما تختلف مع اي واحد منهم يجري يلقط الايحاءات الجنسيه وشخصنة المواضيع ويجي منبرش بيها وسط الناس كأنو جاب الرايحه في تكميم الخشوم ... والامثله كتيره ياشباب ... وممكن امشي ابعد من كده واقول انو الشيوعين والكيزان عملو شنو للبلد غير مشاكساتهم لبعض وحروب اغتيال الشخصيه للعضويه المفارقه لتنظيماتهم ... بان فلان ماكويس وفلانه ماكويسه ...
وبعدين برضو شايف ابوساندرا (بيمط وبيمصر) في موضوع السيده الفضلي والدة (بلير) ...انا ما عارف انه داير يصل لشنو ...تجريم عادل باثر رجعي ولا ياهو مط وحرب اغتيال الشخصيه ولملمة الكلام زي ما بيعملوا الشيوعيين ...اي كانت كانت قناعات ابا ساندرا او اي واحد يهمه الامر ...لكن بقدر اقول حاجه مهمه انا لم اسمع ولم اكن حاضرا ... ولو حدث ذلك لقومنا الاخ عادل بسيوفنا ان لم يعتذر نحن اصدقاءه قبل ان يطالب الاخرون بذلك
ومثال البائس بدرالدين المشي (لقط) كلامو من كتابات الاخ عادل الكتبها من سنين بيفضح تماما العقليه المؤدلجه في جرجرة الكلام ومطه ومصره ليخرج قيحا ونتانه مترسبه في نفس صاحبها...
وبعدين زي بدرالدين ده في (هلافيت) كتار حايمين وسط التنظيمين ديل ..اول ما (يتعصروا) بيخرجوا ما جوفهم من بلاوي زي المثال الفوق ده ...
وبعدين بدرالدين ده حيبقي شنو يعني لو ما بقي شيوعي وكوز كمان ...!!!!!!
الاخ والشقيق عادل ...
اهتم بكتاباتك وابحاثك التي هي بصدد انارة الطريق للاجيال القادمه فما تفعله لا تستطيع جحافل الشيوعيون والكيزان ان يفعلوه حتي لو تركوا شخصنة المواضيع وحروب اغتيال الشخصيه ...فلا تدعن امثال البائس بدرالدين ان يشغلوك ثانية زمان ...
الي (البائس) بدرالدين ...لا احد يريد اعتذارك لان ما تفعله وفعلته لا يصب الا في مستنقع القاذورات ...
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Abdel Aati)
|
إهداءللمشرف قبل ان نبحث في مفصلية الشيوععين - الكيزان بقيادة نقد بشكل اكثر توفرا :
كتب ثروت قاسم في مقال عنوانه: سر خاتم محمد ابرهيم نقد :
| Quote: في كراسي اللوج ، ( الفكري ) ، تجد الاستاذ محمد ابراهيم نقد ، وهو يجسد الاصالة الاسلامية،السودانية . فهو شيخ عرب اسلامي بحق وحقيق . وكفاه ذلك توصيفأ . ثم الاخلاق السودانية الاسلامية السمحة تجدها تمشي علي قدمين في شخص الاستاذ التجاني الطيب . اما الدكتور الشفيع خضر فهو كشكول من الابداعات الأسلامية الانسانية ، والخلق الاسلامي القويم مما يجعلك تحب بني الانسان . |
هذا مدخل جيد لتصنيف الشيوعيين - الكيزان في قيادة الحزب الشبوعي ومرجعيتهم الفكرية؛ وفي الاغتراف منهم فأن الشيوعي - الكوز الأول في المنبر بدر الدين أحمد موسى ليس بشاذاً وانما الشاذين هم ناس عصام جبر الله ( الذي ليس هو بماركسي ولا شيوعي ولا كوز كذلك ) ويدافع عن الشيوعيين - الكيزان ويجلس بحزبهم .
وهو فوق ذلك كذاب حين يقول :
| Quote: - ليس هنالك ملحد داخل الحزب الشيوعي. |
وهو منافق ويدعو الشيوعيين للنفاق الاجتماعي حين يقول ردا على سؤال:
Quote: * ما هو معيار الاستقامة في نظركم؟
- الا نستفز مشاعر الآخرين مثلاً (ما ممكن تفطر في رمضان،لا يمكن ان تكون في الريف وما تصلي.. في المدينة ما في زول بشتغل بيك).
|
المرجع : http://www.sudaneseonline.com/cgi-bin/ar/exec/view.cgi/26/10583
اها شيوعيوكوزنة نقد دي دايرا يضووا ليها نار ؟؟
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Abdel Aati)
|
اذكر في ثمانينات القرن الماضي كانت مجلة روز اليوسف كتبت تحقيقا عن حزب نقد والتجاني الطيسب سمته فيه بالحزب الشبوعي الاسلامي ..
طبعا الحزب حزب نفاق فلا هو شيوعي ولا هو اسلامي وانما حزب منافقين مرجعيتهم الترابي ويقوده جبان كما قال ابو ساندرا عنه
عشان كدا منذ اليوم تسميتي لهم وفقا لواقعهم الموضوعي - والجايي كمان مع اسمهم القديم - هو : الحزب الشيوعي الكيزاني ..
| |
|
|
|
|
|
|
|
|
|
Re: الشيوعي الكوز بدر الدين أحمد موسى وهدى بندر والليبرالي بتاع السينما .... (Re: Abdel Aati)
|
نواصل مع الاخ المشروف وكشف تفاصيل كوزنة الشيوعيين وشوعنة الكوزنة من قبل قيادة الكوز - الشيوعي محمد ابراهيم نقد ( والجبان ايضا حسب قول ابو ساندرا) جاء في تصريح الناطق الرسمي باسم الحزب الشيوعي الكيزاني :
| Quote: وما هي مرجعيات هذه الرابطة الدينية التي تجعلها تطلق فتوى تتناقض تماماً وجذرياً مع تعاليم الدين الإسلامي الحنيف السمحة ، باعتبارها كل شيوعي خارجاً عن الإسلام وإن كان يصلي دائماً أو أحياناً! ألا رحم الله الخليفة الراشدي الأول سيدنا أبو بكر الصديق رضي الله عنه ، الذي كان يوجه جيوشه وهي خارجة للقتال :- " إذا سمعتم صوت الآذان ، أو رأيتم من يصلي ، فأمسكوا . ولكن يبدو أن الرابطة الشرعية تريد أن ترتد بنا إلى عصور امتحان الضمير ومحاكم التفتيش وصكوك الغفران التي جرفها التاريخ في تياره الكاسح . |
اها بالضبط سيد منو فيكم ابو بكر الصديق ؟؟ كل الشيبوعيين بما فيهم الملحدين ؟؟ اها نسيت انه ليس هناك ملحد واحد في الحزب الشيوعي السوداني .. طيب والمسيحيين برضو هو سيدهم ؟؟ اعني جوزيف موديستو والقلة من المسيحيين في الحزب الشيوعي الكيزاني ؛ لماذا يتحدث بيان الناطق الرسمي للحزب الشيوعي الكيزاني بكرجعية دينية للمسلمين ويفرضها على كل عضوية الحزب بما فيهم غير المسلمين ؟؟؟
ويواصل البيان:
| Quote: وللحقيقة نقول أننا قمنا في حينه بكشف الدس الرخيص والتحوير الفج الذي أقحم إقحاماً في مادة تحقيق صحفي مع الناطق الرسمي للحزب بجريدة الحياة قبل سنوات . وأكدنا أن الشريعة الإسلامية تأتي بأقتناع الناس وليس بالعنف والإرهاب الذي يستوجب المساءلة والعقاب . |
بالله ؟؟ الشريعة الاسلامية باقتناع الناس ؟؟ اها و"ان شاء الله" متين حتبدو تدعونا للشريعة الاسلامية الجاية بي اقتناع الناسدي ؟؟ وليه يعنى تاركين الدعوة ليها للكيزان حتى الان ما عايزين تاخدوا الاجر ؟؟ واي علاقة للشريعة الاسلامية التي تأـي باقتناع الناس مع مبادئالدولة الدستورية وعلمانية ( اوقل مدنية ) الدولة ) وتساوي المواطنين امام القانون بما فيه التساوى الكامل للمسلم وغير المسلم والمرؤأة والرجل ؟؟؟ وشريعتكم الجاية بي اقتناع الناس دي حيكون فيها رجم وقوانين ردة وزنا وشرؤوع في زنا ام ستكون نسخة "سوفت" فيها جلد بس وتعزير ؟؟
تباً لكم ايها الشيبوعيين الكيزان من هنا والى يوم "الدين"
النص الكامل لتصريح الناطق باسم الحزب الشبوعي الكيزاني هنا:
http://www.ahewar.org/debat/show.art.asp?aid=182377
| |
|
|
|
|
|
|
| |
mohmmed said ahmed
أشرف البنا
محمد حيدر المشرف
هواري نمر
doma
Emad Abdulla
تيسير عووضة
عبداللطيف حسن علي
Abdel Aati
بدر الدين اسحاق احمد
حيدر حسن ميرغني
Ishraga Mustafa
Rihab Khalifa
خدر
قيقراوي
Omayma Alfargony
أحمد أمين
أمين محمد سليمان
Afraa Sanad
عبدالوهاب علي الحاج
أبو ساندرا
حافظ حسن ابراهيم
HAIDER ALZAIN
Bushra Elfadil
adil amin
Raja
خالد العبيد
SAIF MUstafa
Elsanosi Badr
فيس بوك
تويتر
انستقرام
يوتيوب
بنتيريست