|
|
|
 Re: ساندرا تتفوق و أم ساندرا تزغرد (Re: مامون أحمد إبراهيم)
|
ألعزيز أبوساندرا
أولاً شكراً لكلماتك الرائعات بشأن نجاة سيدأحمد
والتهانى موصولة لساندرا وشقيقاتها ورشيدة ولشخصك
بهذا النجاح الباهر لبنتنا ساندرا
فلتترى الأخبار المفرحة
مكان الحزن الذى خيّم طويلاً بأرباضنا
مكان الحسرة أغنية)
مكان الأسرى وردية
ومكان الطلقة عصفورة)
.ومكانٌ للأحبة نلهج فيه بالشكر والحمد والتبريكات
دامت أفراحنا ....و توارت أتراحنا يازميل
راشد سيداحمد
_______________________________________________________________________
الف مبروك لي ساندرا يا ابو ساندرا ..... محمد ادريس
| |
 
|
|
|
|
|
|
|
|
Re: ساندرا تتفوق و أم ساندرا تزغرد (Re: مامون أحمد إبراهيم)
|
الأعزاء:
الكباشي البكري
أسامة خليفة
الحاج حمد
سيف بخيت موسى
هيثم الصديق
صديق الموج
مامون أحمد إبراهيم
تبلدي الابنوسي
عوض محمد أحمد
ناذر الخليفة
فيصل الزبير
الموصلي
محمد يسن
آدم موسى
مجدي أبو قصي
معاذ السر
معتصم دفع الله
العوض المسلمي
في فرحكم
في نجاحكم
ونجاح عيالكم
في اعراسكم
بين كاساتكم { دي ممكن تبدأ من كاسة شاي لغاية هناك }
آآمييين لدعواتكم الصالحة وأمانيكم الطيبة ونبادلكم مثلها وأكثر
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: مامون أحمد إبراهيم)
|
الأعزاء الأصدقاء:
استاذ كمبورة :الخروف جاهز ، بس انت شوف لينا المكان
شول اشوانق دينق : يا شقيقنا مشتهنك
فتحي الصديق : صديقنا المؤدب المهذب
أحمد معتصم الطيب : يا ودالديم وود الأستاذ يا ظؤيف
أيمن الطيب : غيابك مساء الجمعة كان واضح وفادح
أنور الطيب : ماشاء الله شباب وجذاب ، في الصورة البروفايل
ودقاسم: انت طبعآ ما ح تصدق انا مشتاق ليك قدر ايه ، ياخ ماتجي الدوحة
أستاذ مكي : علاوة على مودتك نخصك بالتحية كأستاذ لستنا ساندرا ،
وشكلك لسع منتظر الدفعة الجاية الأجمل من بنات الأحفاد
محمد عمر الفكي : طردوني ، هسع انا متشرد، طبعآ هي شافت
بعد ما انت عملت إضاءة على المداخلة ، ياشين
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: عبدالله)
|
| Quote: ألف مبروك لساندرا و عقبال الدكتوراة |
شكرآ جزيلآ يا حسام { صحافة_30 } والعقبى ليك
نبارك ليك الوظيفة الكبيرة
والإستقرار العاطفي
و ساندرا أبدت إستعدادها للإستمرار عشان ال بي إتش دي
وخبرت السوبرفايزر بتاعها والتزم بالمواصلة معها
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أيزابيلا)
|
مزن النيل
-------------------
هلا بالأصيلة مزن النيل
صاحبة الإسم الموسيقي والشاعري
وذات الحضور الطاغي
وكتر خيرك على التهنئة الرقيقة البتشبهك
وامنياتنا الطيبة ليك
وبشأن سوف ننحر تور قرنو ماكن
ويوم فرحك ح ننحر زريبة مواشي ذاتو
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
عاطف عمر :
--------------------
Quote: كل التهاني للرشيدة أم ساندرا
وكل التهاني للنابغة ساندرا
ولك يا أبي ساندرا التهاني والمحبة |
كويس المحبة وقعت فيني انا
لو كانت وقعت في المذكورات أعلاه
كان جاك الهوى
دقست يا معلم
وأنت دائمآ تحتفي بنا وتبرنا بمحبتك الصادقة وإخائك النبيل
يارب تظل لنا على الدوام سند و عون بلطائفك ولطافة حسك
شكرآ جزيلآ يا عاطف عمر
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
الزميل باسط المكي :
Quote: ابوساندرا
اتلف الف مبروك نجاح ساندرا
الف الف مبرووووك |
أجيي يا التلف
براحة يا باسطة ، مشتح اصابعك في الكي بورد مالك
شكلك كده مشتهي ليك حيطة وترشها بالشعارات
مازلت دعوتنا ليك بزيارة الدوحة قائمة
| |
|
|
|
|
|
|
|
|
 Re: ساندرا تتفوق و أم ساندرا تزغرد (Re: أبو ساندرا)
|
شوف ياعمك...
سلم الباصويرد دا للبت ساندرا وخليها ترد بنفسها علينا
وشوف ليك شغلة تانية وبعدها نقرر حنديك الباصويرد ولا يمشى
لى ام ساندرا السافرت لحدى ماليزيا وساهمت مساهمة فى الانجاز دا..
اوعك تقول قاعد ارسل القروش...
مبرووك ياساندرا
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
محمد عبدالرحمن
-----------------------
Quote: تستاهلوا ...
الف مبروك لساندرا الانجاز ولام ساندرا
التى صبرت ورابطت ببلاد الملايو حتى
حققت الهدف المنشود ...ومبروك ليك
يااباها فقد شجعت ودعمت وساندت ..
قيل نعم الاله على العباد كثيرة اجلهن نجابة الابناء ... |
هلا بالانصاري الزميل
انت من بين قلائل انصفوني هنا
حيث حاول بعض المتآمرين ان يجيروا الإنجاز لأم ماهيتاب
عاملين فيها { جندريات)
أو ساعين لكسب ود الجندريات امثال صديق الموج وصاحبه ومن لف لفهم
فشكرآ لك على إنصافك
وعلى تهنئتك الضافية
| |
|
|
|
|
|
|
|
|
 Re: ساندرا تتفوق و أم ساندرا تزغرد (Re: محمد عبد الماجد الصايم)
|
والله يا رشود الله يديك العافية السفر تسافري انت
والتعب تتعبي انت والزغاريد ذاتها تزغردي انت
ويجي بركوته يعمل فيها البت بته ونجاحها من نجاحه
الله يديكم العافية والصحه وتفرحوا بنجاح ماهي ( لان الكلام الوصلني انها قالت بعد البوست دا والتهاني دي انا ماشه احضر يعني الفرحه حتبقي اتنين )
مبروك ليك يا كامل الاوصاف يا سندو
| |
|
|
|
|
|
|
|
|
 Re: ساندرا تتفوق و أم ساندرا تزغرد (Re: mahdy alamin)
|
Quote: وأخال ان صدى الزغاريد ما زال يعربد فى دواخلك يا صديقى العجوز ..
ويكفى ساندرا ان اسعدت اسرة المناضل الشريف وقد ولت سنوات القحط التى دفعتهاانت وهن
يا عزيزى ثمنا لرسوخ المبدأ والوطنيه المطلقه فما ساومت وجالدت الغربه والمنافى و الارتحال .. وما ساوموا بدورهن
وكذا تكون العاقبه مسرة تمشى على الارض نحو افراح الوطن الكبيره ان شاء الله
1000 مبروك لك ولهن |
صديقي العتيد محمد الحسن حيدر
لك التحية ، ابيت إلا ان تشاركنا فرحتنا وأنت يعتصرك حزن كبير
على فقد إبن عمتك الذي نرجو له الرحمة والمغفرة
ولك ولكل الأسرة الصبر الجميل
فلله درك
ونأمل ، فعلآ ، ان تكون العاقبة افراح تنتظم الوطن
بعودة الديمقراطية إلى الوطن المستباح
وتظل الشمس تشرق عليه من نمولي حتى حلفا بدون سدود ولا حدود
ولا عوائق من صلف ديني وتعالي عرقي وعنصرية بغيضة وتهميش
| |
|
|
|
|
|
|
|
|
 Re: ساندرا تتفوق و أم ساندرا تزغرد (Re: أبو ساندرا)
|
الشرامى الديامى التفتيحه وشاليل مفاتيحه ابو ساندرا ....
الليل بقول ليك يا ساندرا حقيتى الاسم الشالو ابوك ...والبت بمائه راجل ...
شفت الفرح الطال فى عيونك ...نازل دمعه وطالع شهقه ...ومارق حب ...الف مبروك الجميله ساندرا بت الاصول
ومبروك للعجوز المعتق مثل النبيذ ابو ساندرا ..وام ساندرا..والاخت ماهى ..وبقيت العقد الفريد ..
ويا ابو ساندرا مبروك عليك بتك
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: عصام علي أحمد)
|
تهاني بالبريد
1- سيزا حاج الطاهر
----------------------
Quote: الزملاء وعفاف
كم هو جميل أن نسمع بتفوق ابنتنا
ساندرا ، بت أبو ساندرا
المصيبة المعانا في الرابطة وما بدفع الاشتراك
متحججا بساندرا ودراستها
له أن يهنأ ورشيدة بتفوقها
ولها منا كل التقدير لانجازاتها الأكاديمية الرائعة
وشكرا
سيزا الحاج الطاهر
|
شكرآ يا سيزا والعقبى لأولادك
وتاني شكرآ على شيل الحس
علمآ بأن المبرر مازال قائمآ
حيث تبقت لدينا سنتين وتتخرج
طبعآ التومات إتخرجن لكن غنجنا بيهن
درءآ للعين
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
تهاني بريدية
2- سليمان نوبة
---------------
Quote: o.fr
مبروك للابنة ساندرا
وعقبال الدكتوراة
تعرف يابركات
الاطفال الجميلين ديل
زي المعجونين بي
موية عفاريت فجاة
هوب
وادا بك الجد شعبان
احسن من هسه تشوف
ليك مكان للنظارات
بعيدا عن متناول الاطفال
سلامي للاخت رشيدة
ومننا تحيات
راشد
سهير
نوبة |
هلا بالحبيب سليمان نوبة
فعلآ ، معجونين بي موية جن
فأنت ذاتك فوجئت لمن قابلتك في احتفال الخامس
ما شاء الله ،، تبارك الله ،، العيال كبرت
كتر خيرك يا سلمون
وشكرآ ل راشد وسهير
مع الأمنيات الطيبة
| |
|
|
|
|
|
|
|
|
 Re: ساندرا تتفوق و أم ساندرا تزغرد (Re: أبو ساندرا)
|
Quote:
ساندرا التي تفوقت في إبريل 2006 محرزة درجة الشرف في علم النفس
وتعليم اللغة الإنجليزية كلغة أجنبية ، لغير الناطقين بها
ونالت إلى جانب ذلك شهادة أحسن بحث
من جامعة الأحفاد للبنات
أحرز ساندرا درجة الماجستير بتفوق من جامعة الملايا في ماليزيا في إبريل 2009
نيل الماجستير إستغرق منها سنتين قضتها في كورسات وإمتحانات ثم قدمت بحث
البحث بعنوان :
Relationship between homesickness and Personality Types
|
ألف مليون مبروك لساندرا وللأسرة الكريمة...
مزيد من التوفيق والتقدم إن شاء الله
أنور
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: AnwarKing)
|
Quote: خبر سمح وجميل
خلاص جيبهم فسحة المغرب |
سمح انت وجميل انت يا طارق جبريل ولدي
بس يا الحبيب جية المغرب دي مادايرة ديك الرفقة
معقول أجيب معاي هيئة الرقابة الشرعية ذاتها
أصلو انا جاي المغرب واللا الحج
قوم لف
لو انت جادي في دعوتي رسل لي كتلوج بالحاجات
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: Elawad)
|
راوية العباسي
---------------------
| Quote: ويارب تشوفوا نجاحهن كلهن وتسعدوا بيهن |
وتكتمل سعادتنا يوم جديدك
ترفلي في جاه عريسك
سائلين عنك ، وتلفونك مقفول
وكنا عايزنك لكذا موضوع
وكمان سيزا حاج الطاهر بتسأل عنك سؤال الضهبان
فسوي إتصال ياخ
ولو نسيتي ، هاك 5052880
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
يا سلااااااااااااااااااام ..!
لي زمن ما دخلت على المنبر
إلا اليوم وأطالع الخبر الجميل ده ...
تهانينا الحارة يا ساندرا ...
وقبلك لرشيده ...
ولك يا بركوته ..
وعقبالها الفرح الأكبر ..
ولأخواتها كل التريكات والأماني العذبة...
وجاينكم بالدرب
بس الخروف يا عمك ...!
ما تخمنا صينية سمك واللا صينية القندول ...!
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: عثمان دغيس)
|
رافت ميلاد
----------------
| Quote: لا حولاااا من بيت الكلاوى بركة الطالعة لى أمها .. |
أهلآ بالعزيز رافت ميلاد
والعجيب يا رأفت أن أخوك طلع بيش ساكت
فالست رشيدة منحت البنات معظم جيناتها
فطلعن شايلات منها الكثير من الملامح ومن الذكاء
بس ياريت حظهن مايكون زي حظ امهن ويحظين بازواج وسيمين
ثم
يا رأفت في رد عليك في حملة أرنست التبشيرية
أمشي طالع وأجهز للقطع
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
حيدر الزين
---------------
| Quote: الف الف مبروك لساندرا ايها الزعيم بركات وعقبال فرحك لها بالديكتوراة |
أهلآ بالمناضل حيدر الزين
وشكرآ على التهنئة
وانا عايز افرح بيها وهي في بيتها عروس سعيدة
مبارات القراية والشهادات الكبيرة بتجيب الهواء
والدكتوراة بعد داك ملحوقة
وانا متبرع حينها أمسك ليها عيالها
شكرآ يا حيدر ويارب نسمع عنك كل خير
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: مدثر محمد ادم)
|
طبعا موقفي بقي جبان خالس خالس خاصة بعد الزرزرة منك في بوست طارق المكي , والطار الدقيتو لي في البوست
اولا نبارك لي ساندرا التفوق والنجاح وان شاء الله دائما في نجاحات
ــــــــــــ
عارف يا بركوتا اتذكرت ليك نكة حكاها الوالد رحمة الله عليه زمان وغالبا تكون سمعتا ,
الرباطابي اتوفت امه الساعة اتينين بالليل وجاره الشايقي سمع الموضوع لكن كسل يمشي المقابر قال يجيهم الصباح ويعمل كانه حاضر الدفن , اها اصبح الصباح وجا شايل سيرموس الشاي ودخل سلم وقال لي الرباطابي كيف اصبحتو , الرباطابي قال ليهو اصبحنا امنا ميتة قوم شيل الفاتحة.
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: عبدالوهاب علي الحاج)
|
العزيزات:
حنين للبلد
----------
كتر خيرك على التهنئة ، ونبارك ليك نجاح ولدك
نهال كرار
--------------
نواجبك يوم جديدك يا بنية والفنان والتور علي وكمان شهر في الدوحة شتاءآ
إنعام عبدالحفيظ
---------------
برضو نواجبك يوم تشرق الشمس بسعدك وفرحك وليك علي أطير في الدارة صقرية
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
Quote: زغردت أم ساندرا
وكنا نظنها قد نسيت زغاريد الفرح
و طفقت توزع الأحضان الدفيئة على الذين خفوا لإستقبال ساندرا في المطار
والذين حضروا إلى البيت للتهنئة والتبريكات
حتى خشيت أن ينضب / ينفد مخزونها الحضني
فبادرت وأخذت نصيبي
ثم تنحيت لمن هم خلفي
ورجعت تاني وكأني اهنيي لأول مرة
ونلت المراد |
غايتو يا ام ساندرا مبروكـ عليكـ الجنة عدييييل
و زولكـ ده خرفو كعب
مبروكـ يا رشيدة لي ساندرا , فرحتنا والله
و مبروكـ يا ساندرا
والله يعينكم علي الراجل الساكن معاكم ده 
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
Quote: مبروك يا ساندرا وعقبال الدكتوراه
ومبروك يا عبدالرحمن ورشيدة
وحق ( لنا ) ولكم المفاخرة والتباهي بساندرا النجيبة
مبروك لعموم آل أحمد بركات ، وآل محمد حسن |
ولم يكتف صلاح عبدالله بالتهنئة الرقيقة أعلاه
ولم يشاركنا فقط ، بل وكان معني بالفرحة مثلي واكثر
خف صلاح مدفوعآ بفرحته إلى منزلنا
وهو محمل بالهدية وبالمطايب وأمضى وقتآ طيبآ معنا
مش ح أقول ليك شكرآ يا صلاح فهي بنتك الكبيرة
أو اختك الصغيرة
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
كتب بدر الدين أحمد موسى :
Quote: ابو ساندرا، ياخ ساندرا ما كانت تضمنا لعينة البحث ياخ، والله انحنا عندنا اطنان من الهومسكنس
بس عايزين زول نتكي راسنا على كتفو و نفضفض!
|
يا بدر أطنانك دي مش عايزالا كتف
دي عايزة حضن عديل
ح نوصي ساندرا أن تعمل بحثها لرسالة الدكتوراة في
الفاقدين حنان
وحنين
يا بدرالدين
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
عزاز شامي
تيسير عووضة
{ الترتيب على حسب اسبقية المداخلة }
دايمآ أنا رابطكن مع بعض
وماعارف السبب بالضبط شنو
إمكن عشان طريقتكم في الكتابة متشابهة وتتسم بالرصانة وبالعمق
إمكن عشان مواقفكن دايمآ متسقة و واضحة
شكرآ جزيلآ على المشاركة
ويارب تتهيأ لنا الفرصة لأن نشارك في أفراحكن القادمات بلاشك
ونبارك ليكن وانتن في بيت العدل والحب والرفاه والبنين
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: مهيرة)
|
المشاوعة ملح الأرض
و خشاشها:
المنصور جعفر
الحكيم قيقراوي
الشفيع شوشتا
عبدالقادر محمد
تمبس
ماضي ابوالعزائم واخوه محمد
زهير الزناتي
فيصل الباقر
عصام جبر الله
راشد سيدأحمد الشيخ
القائد دكتور صدقي كبلو
نلاقكم
في قعداتكم
بعد قداتكم
بين اناشيدكم
و أشعاركم
مناشيركم
وهتافكم
تدفعوا الشيرنغ
وتنسوا المقوي
غايتو المشاريب والخروف علي
والبلاغ عليكم
بالمناسبة ، انا داسي بينكم 2 امنجية
و واحد غواصة
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: معتصم الطاهر)
|
Quote: وعشان الناس تعرف قيمة نجاح ساندرا المجتهدة
هذه الجامعة هي الجامعة الاولى في ماليزيا ومن اعظم الجامعات في شرق اسيا
ولها وضع متقدم عالميا..
اجتهدت ساندرا ونالت الشهادة بتفوق..رغم الهومسيك حقها الشديد
هي نموذج ممتاز لاي بنت تدرس في الغربة..
واضافة لكل من يعرفها..
لها المحبة دائما وابدا.. |
بهذة المداخلة تستحق نجاة محمود هدنة مؤقتة
نحفظ لنجاة إنها هيئت الخطوة الأولى لساندرا لكي تلتحق بالدراسة في ماليزيا
ونحمد لها عنايتها بساندرا وفتح دارها لها متى شاءت ومتى حنت لحضن اسرة
ونعترف بأنها بتحب ساندرا وماهيتاب ، وبتكره الشيوعيين وأبو ساندرا
ودعوتها لساندرا للعودة في نوفمبر
والمواصلة للدكتوراة دعوة تعنيها وصادقة
لها الشكر
ولبناتها وشقيقهن أمنياتنا الطيبة بالتوفيق والتفوق
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: معتصم الطاهر)
|
أها نبارك هنا، وألا نجي بالدرب!؟
قايلني زي معتصم الطاهر دا، في طرف الفريق وغالباهو الجيّة، لوووول معتصم مشتاقين ياخي.
مبروك لساندرا ولـ(أبوها لي ساندرا) و(أمها لي ساندرا) على حد مصطلحات ماهي.
عجبنا وسرّانا، وأتمنى لها دوام التقدم والإنجازات وأفرحك الله بهن دوماً.
تحياتي للجميع وعلي باليمين الشوق نخوض فيه للإضنين.
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: محسن خالد)
|
يا رفيق محصن خالد
Quote: أها نبارك هنا، وألا نجي بالدرب!؟
قايلني زي معتصم الطاهر دا، في طرف الفريق وغالباهو الجيّة، لوووول معتصم مشتاقين ياخي. |
وكأنك جيت بالدرب
ومعتصم مابيقصر في الحتة دي ، لكنه معذور ضهرو اعوج
غادر سرير المستشفى قبل أيام لكنه مازال طريح الفراش في البيت
عشان كده ما بقدر أوجه له لوم أو عتاب
لكن عندك اصحابك ، فركة كعب مننا ، مش بس إستسخروا علينا الجية
بل حتى المواجبة الهنا ، التي لا تكلف خط بنزين ولا قطرة عرق ولا ادنى مجهود
ياخ فرحة نجاح الولاد لاتضاهيها فرحة
لمن الناس ماتشاركك فيها ، ح يشاركوك متين ؟
غايتو ، لو عندك سكة تجيي وخوض لنا بحر الشوق
فنحن بنستحق
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
يا أبا ساندرا، بتستحق يمين، وإن ربّنا هَوَّن نراك رأي العين، ونبارك بالكراع.
سلّمت علي ساندرا قبل فترة، لقيتها في بيت خالتها دكتورة نجاة، عفيتك من عمّتها، لووول
ألف سلامة يا معتصم
الوردة قابلها بالشعر، وما تشوف شر
**
يا بركات أصاحبي ديل ناولني أسماءهم بالسر عشان ألومهم ليك بالسر، هييييع أنا أخوك إتْ، كاتب الحياة السرية.
طَوّل بالك يا بركتة، عارفك راجل حنين ومرحاب، وبيعجبك زين اللمّة وسماحتها, وبحث ساندرا دا ذاتو في الـhomesickness بتكون استوحته من عويناتك ديل، ومع البيروسنالتي بتاعتك بكون ظابط "لَطْ"، إلا برضك طوِّل بالك.
وكن بألف خير يا صديقي في الغار
----------------
بعدين الغمز واللمز شنو هنا {يا رفيق محصن خالد}.
هسّع نطلب القُرْب، تطلب لينا الشرطة.. كَه. كَه. كَه.
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: Yasir Aloob)
|
Quote: ...........................................
البتاعه طلعت روسية و لا امريكيه |
البتاعة ياتا ؟
نعلك قاصد ( الغواصة )
كويس إنها ماطلعت مدمرة
يا غواص اللؤلؤ أنت
زمان كان في واحد في حلتنا إسمو علوب
البنات معجبات بيهو وفي السر كانوا بيدلعوه
ب ( علبة )
لما لقب الدلع السري نما علمه لنا وكشفناه
وقعن لينا في جرح فدمجنا اللقب مع الإسم فصار
( علوب العلبة )
هسع برضو وقع لي في جرح
يللا شوف ليك غواصة روسية ماركة سميرنوف بلو وتعال الخميس
والجمعة أفضل
سوي تنسيق رفيق
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
Quote: ومعتصم مابيقصر في الحتة دي ، لكنه معذور ضهرو اعوج
غادر سرير المستشفى قبل أيام لكنه مازال طريح الفراش في البيت
عشان كده ما بقدر أوجه له لوم أو عتاب |
ابو ساندرا
تستحق البنية التهنئة ..
و أكثر
وشكرا لمقالتك فينا
و انت كبيرنا .. و رشيدة محبوبة الدوحة و كل المدن
و من يأتي منكم ما هن الا عطور وورود و سِفر ..
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: معتصم الطاهر)
|
الأعزاء
يعقوب البشير
الأميرة لنا مهدي
Quote: ألف مليون مبروك و ماشاء الله عيننا باردة
الأسرة السعيدة التي تستحق كل الخير و التقدم و الازدهار |
شكرآ جزيلآ
ونكرر لكما التهاني بمناسبة قدوم الحبيب الوليد[/B
]ندعوا لأن يكون دعمآ لكم وبشارة خير ولأن نراه قائدآ ملهمآ
يقد عين الطائفية بالوعي
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
سال عبدالحليم التلب
| Quote: و .. هل انسحب ذلك على إبنتنا ساندرا كمثال ؟! |
إزيك يا ليمو
سؤالك وجيه
وفعلآ ساندرا تعرضت لظروف صعبة خاصة في الشهور الأخيرة
السبب الذي جعل أمها ، أم ماهيتاب تخف لها وتقعد معاها 3 شهور
وساعدتها جدآ في تخطي تلك الظروف وفي إعداد وطباعة البحث
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
كتب ودالزين الزوين
-------------------------
Quote: ولماذا لا تنجح ساندرا
وما هيتاب وبقية البنات
فالغيث من ذاك الغمام
الف مبروك ، حق لك أن تفرحى يا رشيدة أم ساندرا وأن تفرح يا عبدالرحمن ابو ساندرا
ابوساندرا : الحكاية شنو اصبحت تهتبل فرص الاحضان بالمناسبات
مع تحياتى مع دوام الصحة والتفوق |
لم يكتف ودالزين بمداخلته الانيقة اعلاه
بل قطع المسافات وخف الينا خفيفآ مباركآ ومهنئآ
زارنا وأمتعنا
هاك الإهتبال ده
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: أبو ساندرا)
|
Quote: يا سلام ياخ ..
تفرح ساندرا ، البت الرزينة الجميلة و رايقة و شاطرة و هميمة .
......
مليون مبروك يا ساندرا ..
و لرشيدة زيها من التبريكات ، و لماهي و التومات و دينا ..
ثم تجي إنت يا عربية البوستة ( كخير الختام و مسكه ) ..
دي مكنة مني .. عشان " أطيب خاطرك الغالي " .
فرحان ليك يا صاحب ..
دايما يا رب نجاحات في نجاحات . |
عارفك فرحان
ما ابوهن المناوب
عقبال نفرح بتسنيم واخوانها
ونسمع زغاريد حلوم الفنانة الراقية
مكنتك قسمت ، ومسامحك كان نسيت
مع الشوق الفادح
| |
|
|
|
|
|
|
|
|
 Re: ساندرا تتفوق و أم ساندرا تزغرد (Re: أبو ساندرا)
|
***
**
*
مبروك يا ساندرا ..
مبروك يا ابو..
مبروك يا امها..
اليوم جيئناكى لنقول مبروك النجاح
جيئناكى بالزين والعديل المنقى ..
ولا اقول ليك .. حرم نجيكم بالسكه عديل كده..
بالمناسبه ساندرا من دري الدرايه والمفهوميه
ولا اسم مركب ذي سان شنو ..
سان فرانسسكو ..سان دياجو..
يعنى بالعربى كده حاج درى.
الف مبروك النجاح..
*
**
***
| |
|
|
|
|
|
|
|
|
|
Re: ساندرا تتفوق و أم ساندرا تزغرد (Re: Habib_bldo)
|
ألف مبروك يا صاحبي لساندرا ولرشيدة بت أبو..
يا أخوي دا متين دا نحن الظاهر علينا جينا متأخرين..
يا ربي كده بنكون اتلومنا..
لكن يا ساندرا ويا أم ساندرا ويا أبو ساندرا أعفوا لي ما سمعت الا كان أسع دي.
يا خي مبروك لى ولدة النجاح وعقبال الدكتوراة..
ويا بركة ان شاء الله بناتك كلهن بفرحنك..
سلام وتبريكات مرة أخرى لكل اللأسرة.
| |
|
|
|
|
|
|
| |
د.محمد بابكر
مامون أحمد إبراهيم
Shiraz Abdelhai
عبدالرحمن عبدالله أبوشيبة
hamid murahid
جمال السنوسي
نوفل عبد الرحيم حسن
منوت
hanouf56
عبدالغني كرم الله
أبو ساندرا
منتصر الامين
نبيل عبد الرحيم
عوض حمزة
احمد التجانى احمد
nada ali
هواري نمر
أيزابيلا
Mohammed Ibrahim Othman
حمد فتح الرحمن
عمر صديق
محمد عبد الماجد الصايم
علا عابدين
محمد عمر الفكي
mahdy alamin
Esam El-Khawad
عصام علي أحمد
AnwarKing
Sidgi Kaballo
Elawad
عواطف ادريس اسماعيل
محمد الشيخ أرباب
انعام حيمورة
اساسي
عبدالوهاب علي الحاج
خدر
Hashim Badr Eldin
Asskouri
عمر ادريس محمد
Marouf Sanad
مهيرة
حسن طه محمد
معتصم الطاهر
محسن خالد
نصار
sumah
محمد أبوجودة
عبدالوهاب همت
Habib_bldo
أسامة عبد الجليل
فيس بوك
تويتر
انستقرام
يوتيوب
بنتيريست