هل أحتاج لدليل بعد الآن لأقول أن محمد حامد جمعة كذاب أشر؟؟؟؟

Quote: اولا لست عضوا بجهاز الامن لتسالنى بنحن ..ok .. ولكن اقول لك جازما ومقتنعا ان خسارة المؤتمر الوطنى والانقاذ ومن ثم (الجهاز ) اكثر الجهات خسارة بحسابات كثيرة لفقدان قلم فى قامة الشهيد واما ما تفضلت به فهو صحيح ... صحيح

Quote: يا جماعة (اسف كتير ) لانى اكثرت من الاطلالة عليكم ... واعلم ان بعض ما قد يثير الحنق ان يكثر المرء من تكرار بعض الاحاديث والموضوعات ولكننى اضططرت لهذا بعد وصل الامر والضيق حدا لم اعد استطع معه صبر وتقطعت معه كل محاولاتى للاصلاح والايضاح الوافى .. وبالعامية البسيطة المبسطة وبلا حذلقات مقيتة اود ان اوضح بعض النقاط المهمة حتى نطوى ملف مغالطات (عميد ) دى . اولا انا شخص معروف موقع العمل والسكن وبالتالى يستطيع اى مكذب لهذه التوضيحات ان يبحث بطريقته ووفق ما يتاح له حتى يعرف من انا ثم وهذا ثانيا لا اعتقد ان شخص برتبة العميد وهى رتبة رفيعة كما يعلم اى مدنى مثلى يمكن ان يدخل لموقع الكترونى ومنبر محضور ونشط مثل هذا ثم يضع صورته واسمه كاملا - بلا اخفاء - ورقم هاتفه . اما الثالثة وهذه اوجهها لمن اتصل بى قبل قليل من الخارج وسالنى ثلاث مرات ..الو محمد حامد ..الو محمد حامد ..الو العميد ....... يا جماعة (كرهتونا ) يعنى ما ممكن تكون فى ناس بالغباء دا لدرجة انها تصر على تصديق قول مثل هذا . يا شباب ارجو ان يكون هذا بيانا كافيا ......... ولنطوى هذه الصفحة ولتبحثوا لكم عن (موضوع ) اخر ......... ولا شنو رايكم

Quote: عارفين قبال ما ابقى عضو فى المنبر دا كنت شايل هم حاجة واحدة بس وهو انو فيهو ناس (مجلية ) ومتوجسة ومهجسة يعنى اى زول ما يخش مزاجهم لازم يكون امنجى وظلامى وكلامى وما عارف شنو من حزمة الالقاب الكبيرة والعاملة زى الجبنة المضفرة ديك ، والليلة مرق على واحد هائج زى التور ......قال شنو محمد حامد عميد فى جهاز الامن ! .......... يا ريت يسمع منك ربنا يا شيخ ... على الاقل الواحد محل ما يمشى يشبكو سعادتك وجنابك وسيادتك وممكن اكون بتاع مبالغات اقول للناس انا دفعت العميد عبد العزيز خالد وكنت اشطر منو وارجل منو بس ما بتدى حريف ! بعدين تعالو يا اخوانا شنو قصة الهوس الامنى المسيطرة على الناس هنا دى ، وقبال دا حضرت لى كم شكلة الناس قالت فلان دا ما عارف مستشار فى الامن وداك (فردة بالك ) والتالت كان فنان فى فرقته الموسيقية ....... يا شباب نحن جينا هنا سودانيين ما عندنا شغلة بتجريح زول وانا ضد الطريقة الفجة والغريبة فى دمغ الناس بهذا او ذاك او توزيع الرتب والمناصب عليهم وعموما العاوز يعرف محمد حامد ممكن اطلعو فى اعلى حتة واوضح مكان فى الخرطوم وبلاش فتح معارك مملة وفارغة ويبقى الود للجميع حتى للزول القال انا عميد ...... ياخ انا الناس المعاى الخشو معاهد عسكرية زول واحد هسة ملازم اول فى المطافى تجى تقول لى انت عميد فى الامن .. دا كيشة دا