|
|
 Re: نفسى فى .. بقنية .. وشربوت .. ودكاى .. وكوجومورو (Re: Emad Abdulla)
|
يا عمدة ما تتخج كتير .. تتملص فيك حاجة
نمرة 2 دى "نمرة" ما بعرفا إلا أبوساندرا وعبد المنعم سليمان
ما الجات فى بالك
اللية إحتفلت بينا بى كلو
بس أوعاك من أم تبعج
Quote: ( قال المغني اللط :
يا روزينا
كبي لينا
من قزازة الأنشا ..
يقوموا الشيالين الألطّ يقولوا :
من قـ هيغئ ـزازة الزفـ هيغئ ـتِ ده ) . |
مش كويس وصلوا يغنو .. ما زى فنانا الفتح الباب بالقلبة وقع العتب فى راسو 
| |
 
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
| Quote: والقام زت .. مانسيت العنوان أبى يشيل |
أكان
العنوان ما شال إت راسك أبى ؟
ود ميلاد الريق مالو جرى سوريبة والشلاليف إتشققت
حليل الدهن المغتى الكانى ، وسمحه النفخه ومسحة الشنب وجبيدو
سلام يا رأفت أظنك فايته فيك عطشة بت زبدى
( بت زبدى دى طبعاً فى شارع رأفت ، بين بركات وود الشافعى )
إت من دييييييك مريوق
ااشى تكاى مو دكاى عشان بتحلى الإنتكاية والغميدة بعدو
سلمت وما كركبن قريعاتك
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
Quote: يا دينق
سلامات يا مان ...
ياخ أنا جيت لحدي بلدكم ديك و ناس الـ Homeland Security ما قصروا معاي لما قلت ليهم أنا زميل دينق في البورد
شكراً يا أبو الزمل |
الاخ غباشي.
معليش أنا يا دوب دخلت البوست ده بعد ردك.
إنشالله تكون قضيت وقت جميل بأمريكا، وإنشالله الجو يكون أتصلح معاك.
بعدين الاستقبال بتاع ناس الجوازات ده بقى شئ طبيعي في البلد دي بعد 911.
دينق.
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: abubakr)
|
| Quote: سمعنا انو الزبالة " في بلدي تلك عندها جضوم .... |
أبو بكر كايسك ياخ .. بجيك بهناك ..
ذكرتنى قصة محزنة للزيى وزيك الطولوا ديل .. بنتونس فى النت ومعانا شباب وشابات من السودان .. صاحبى الفى أمريكا 35 سنة .. بتحسر قال مشى السودان سنة كم و تمانين .. صحى الصباح لقى الزبالة الجمب بيتم فيها حمار ميت .. نطت واحدة من السودان قالت ليهو حمار شنو ياخ .. هسى عاااادى تلقى فيها طفل حديث الولادة ميت ..
نفسى فى عرقى بتاع حجة فاطنة يا أبو بكر .. بتعلو لى مخصوص ومجانى .. بس أجيب التمر والسكر .. خايفة على من حجار البطاريات ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
يا رأفت كيف أصبحت / أمسيت
| Quote: الخدرة .. الملبوكة .. الشديدة .. العفنة .. الوزنة |
قلت لي الملبوكة ؟؟ والله معلم يا أخو .. تصدق دي كلمة ما منتشرة بين الكييفة
بسيطين البيعرفوها .. يقول ليك ماشين نتشبك ونتلبك .. ويقول ليك ( شبيك لبيك ).
ومن أسمائها برضو ، الهوا، الترتار ، المدورة ، القرش ، القشة ، النجيلة ، الدخينات ،
الدخنة ، خرا بعشوم ، وخرا بعشوم دي ( مع الاعتذار للاسم الشين ده ) نوع من البنقو بيجي من افريقيا الوسطى
ولو ما كنت زول ( شديد) سيجارة واحدة بتقوم بيك بالراحة ، وتوصلك بعشر زي الترتيب .
وطبعاً ما في زول كان بيجيبها غير ( ع . حريقة ) الله يرحمو الشهير بلقب الخواجة أشهر معلم في الخرطوم
وده بيعرفوه أولاد الحلة الجديدة كويس
الخواجة ده يا رأفت كان زباينو ناس ما بنشوفهم الا في التلفزيون أو في الجرايد ..
الزمن اتغير يا أصلي
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Salah Abdulla)
|
يا أبو صلاح لقيتك كاحل | Quote: الخواجة ده يا رأفت كان زباينو ناس ما بنشوفهم الا في التلفزيون أو في الجرايد .. |
عندو حماية تمام ..
تعرف ياصلاح .. أساميها ما بتكمل .. وكل بلد ليه أكوادو .. رندوك يعنى .. يعنى الملبوكة من الغرب والفله (بفتح الفاء مازى الفًله بتاعة فيصل) من الجنوب ..
عندنا (الأستاذ) من ود نباوى حاجة كدى كارثة زى صبرى عيون .. يوم مشي الخانة مع واحد لعيبة المريخ القدامى .. رادفو فى الموتر وفى السكة إختلفوا .. قال ليهو نزلنى .. شفت فى زحمة المحطة الوسطى أمدرمان .. إختار ليك عسكرى لئيم معروف وفرمل قدامو .. قال ليهو يا جنابو الزول ده عندو بنقو .. صاحبك نط من الموتر وجك وسط ااعربات والزحمة .. وهو عشق وإتخارج .. العسكرى إتسمر محلو
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Osama Mohammed)
|
مرحب بيك أسامة فى القعدة وفى المنبر
شكرآ على الكوارع ..
هنا الكوارع والعكو والعنبلااليق متوفرة .. السنكيت مضروب .. بس البسيحم مافى .. حق العنب والكرز ما خارج .. يا حليل تمرنا
عشة ووكر كانت الوحيدة الجاهزة بدون فاضى .. ملفوف فى ورق بالقفف .. ما فيه مضروب .. نوعه ستاندرد عشان كدة حازت على لقب ووكر .. وبعدين بيت محترم ما زى أي خمارة .. تدخل بأدبك وتطلع محترم ..
مهنة متكاملة .. لكن حيرنى الكلام ده | Quote: كان شكلها سودانية مية المية شوية من هنا ..وشوية من هناك |
مافهمتو ..
مرحب بيك معانا
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: أبو ساندرا)
|
سلام رأفت
أت مسعول من الخير
زمان كان في دفارات شالو بيهم القزاز للبحر؟؟
أسع كل يوم دفار مقبوض مليان حاجات سمحة،
هلا فعلا بعدموها بالشراب ولا بي الشراب ؟؟
الموبايلات شغالة تش،
بس تلفونك ما يقول هلو،
ألا وتلقي الركشة بكامل الحمولة أياها محلي ولا مستورد،
بعدين يا رأفت أت زولنا داك جدو الرسول
والحاجات عندهم علي قفي من يشيل،
أها نحن ديل ناس قريعتي راحت مالم ممسخين علينا الحياة ؟؟
يديكم دوام الصحة والعافية
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: gannat)
|
Quote: بعدين يا رأفت أت زولنا داك جدو الرسول
والحاجات عندهم علي قفي من يشيل،
أها نحن ديل ناس قريعتي راحت مالم ممسخين علينا الحياة ؟؟ |
كيفك يا دكتور ومشتاقين
أنت كان حسبتها كويس تلقاها كلها حسادة ..
هسه مريستنا دى غير ما طيروا أسعارها السماعملوا شنو يعنى .. حاربا النميرى حسادة بعد الدكاترة منعوه من السكر ..
أما مولانات المسك والنساء ديل ياهم ناس الدفارات الجديدة .. ناس الممنوعات تبيح المحظورات .. وأنتو تبع الإباحيات دى ..
بقى فى أرخص من الإنسان يا دكتور ؟!!!
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عزام حسن فرح)
|
| Quote: صلاح أبودية ... شكيتك على الله ... بِهِناك حاج حمد كايِس ليك الشعبِية بيت بيت وهلي الطلاق بدرالدين الزنجي مشى ليك بيتك في أُم دُرمان ما لِقاك وكتب ليك [ حضرنا ولم نجدكُم ] وإت بِجاي قاعِد في الإنداية ... سمِح وكتين جاي بِجاي ما تِتحدث ... ما تقول ماشي وجاي ... إنشاءالله بقنِية رأفت ميلاد ما تنفعك يا حاسِد ... شوف الزول. |
بركة القيتوا ليكم إنداية تتلموا فيها .. مش أخير من الوقوف غلى العواميد وقعاد اللساتك
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
بالمناسبة يا أستاذ رأفت
حاجاتك المشتاق ليها دي كلها وزيدها شوية كمان
عندنا هنا في ( برايتون) رااااااااقدة.....
بس إنت تعال .....
وبعدين أخواننا الأقباط هنا كتاااااااار .... أشهر واحد فيهم
عم عبدالله ( مايكل ) وهو أصلاً من عطبرة وهو الجزار السوداني الوحيد ومصدر اللحوم والكوارع والذي منه ...( الذي منه دي وشهادة لله كده معناتها ما يطبخ مع اللحوم ..بث..) عشان ما تلفوها على كيفكم...
كدي فكر وتعال لينا في الصيف ...... صيفنا (عجيب وغريب) ...وأعتبرني دليلك ..... الحاجات النفسك فيها دي حا تزهج منها .... على ضمانتني ...
أخوك
أسامة
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Osama Mohammed)
|
مرحب بيك دومآ يا أسامة Quote: معليش على الكوارع شكلها اتكشحت ...قدُر ما فتشت ليها ما لقيتها .....
يكون في واحد من الجماعة ( تقّل ) وكشحها لينا |
يعنى لاقينا العرقى عشان نبكى على
الكوارع ؟ | Quote: الجملة أعلاه ...قصدت بها شوية من الشمال وشوية من الجنوب وشوية من الشرق وشوية من الغرب .....شوية من هنا وشوية من هناك.. |
كده وضحت تمام .. وجميلة كمان | Quote: ولو عندك رغبة تقرأ باقيها ... ( ألكزني).... |
ياريت ونكون شاكرين ومقدرين كمان Quote: حاجاتك المشتاق ليها دي كلها وزيدها شوية كمان
عندنا هنا في ( برايتون) رااااااااقدة.....
بس إنت تعال .....
وبعدين أخواننا الأقباط هنا كتاااااااار .... أشهر واحد فيهم
عم عبدالله ( مايكل ) وهو أصلاً من عطبرة وهو الجزار السوداني الوحيد ومصدر اللحوم والكوارع والذي منه ...( الذي منه دي وشهادة لله كده معناتها ما يطبخ مع اللحوم ..بث..) عشان ما تلفوها على كيفكم... |
أوع تكون من عطبرة وما أتفكيت من الأقباط فى برايتون .. والله داير أجى وعندنا حبايبنا كتار هناك .. ويمكن يكون عندنا عرس قريب هناك .. واحد من أولادنا هنا منشن على واحدة بتكم هناك .. بديك خبر الجية .. أعمل لينا نفير وحضروا المواضيع | Quote: كدي فكر وتعال لينا في الصيف ...... صيفنا (عجيب وغريب) ...وأعتبرني دليلك ..... الحاجات النفسك فيها دي حا تزهج منها .... على ضمانتني ... |
دعوة كريمة وقدرا وجايكم
مودتى
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: وليد محمد المبارك)
|
Quote: في القماير وطرف المقابر
يلا نشرب كاس الصباح
ان شربنا بنشرب مرايس
ووان عشقنا بنعشق عجايز
في العجايز الجقق السمان |
والله الجقق عندكم .. طيب ما تجو أوربا .. الما بدو لجؤ يفتش ليه جقة ماهلة كدة ياخد بيها ورق ..
يوم عملت معاى صحفية مقابلة سألتنى عن رأيى فى زواج الأفارقة الصغار من الخوايات العجايز .. قلت ليهافى سرى .. (ما جبرك على المر إلا الأمر منو) .. قلت ليها "I feel pity for them" قالت لى "I feel pity for both them" قلت ليها فى سرى "على سجم خشمن"
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عزام حسن فرح)
|
| Quote: يا رأفت ميلاد ... بِالله ما تلخبِتو الكيمان ... الدكاي ده مِن عِندِنا ... وناس الخرطوم والبنادِر ما بعرِفو يقوموا يجرِبوه بعدين نبقى في هيص بيص ... خليهُم في البعرِفوه ... وأكان لِقوا بِيلقوا مزتو وين ... |
لكن إنتو منو يا عزام .. أنا غايتو أسمح دكاى شربتو عند المحس | Quote: ويلٌ لِلـمُـفـطـفِـطـيـن ... الدور ده ماشي يمين ولا شِمال ، تفُطوا سااااااي |
الللللله أنت من النوع الشفقان البشيل كاس الجمبو .. ولما يكب ببدا بى روحو وينتهى بيها ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: AnwarKing)
|
Quote: البوست بيذكرني بغناء أحباب (ديموقراطيين) لينا كده في شواطئ البحر الأحمر...
بعد ما يقيفوا ديوك، بيغنوا أغنية لنميري بتاعة قوانين سبتمبر...
الحانها جميلة ورنانة |
شواطئ البحر الأحمر دى كيلو تمانية يا أنور ولا شنو .. لما مجلس قيادة الثورة بتاع مايو زار بورتسودان والإنقلاب فى أوجه .. (زمن نميرى بنطط فى القطر و يا مايو أبوى زى أمى وأخوى) .. ساقم عمك الواحد داك بتاع ترانزيت .. بتاع نص التمانية .. ساقم كيلو تمانية .. وقف العربى * بعيد منهم متكول على عصايتو .. قال ليهم "فلان ده معاكم .. مش حتنفعوا" .. وما كانت نبؤة بل فراسة .. تنقص الكثير من البلهاء .. والقصة قريبة من ريسنا السيف البقطع لامن قطعوا فينا ..
*العربى : تطلق على الهدندوى فى بورتسودان .. ما يجينا واحد من أنبياء البورد يطلعنا طاشمين وعنصريين
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
يا صلاح عبد الله يا عمك
السنتر بارك دي ما سمعت بيهو
ولا كلام عمك رأفت ده
إلا الشربوت سمعتا بيهو مرات مرات كدة
أعتقد كان (يستخدم) في الفطر ولا الضحية ما أتذكر
أما البنقية من غير (واو نار بعد قاف قارورة)
وود أكاي
ما نقشتهم
الكجو شنو ده ما عارف اعتقد كان بعملو بيهو (كُج) وبخرات
---
إقتراح للأخ رأفت:
خت المانيوال (شرح مع الصور) واللـ LINK يا رجل
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: ASHRAF TAHA)
|
Quote: يا صلاح عبد الله يا عمك
السنتر بارك دي ما سمعت بيهو
ولا كلام عمك رأفت ده
إلا الشربوت سمعتا بيهو مرات مرات كدة
أعتقد كان (يستخدم) في الفطر ولا الضحية ما أتذكر
أما البنقية من غير (واو نار بعد قاف قارورة)
وود أكاي
ما نقشتهم
الكجو شنو ده ما عارف اعتقد كان بعملو بيهو (كُج) وبخرات |
والله يا أشرف طه والله دى مصيبة ..
أنا كنت قايل نحن الجيل السابق .. لكن طلعتنا من المنقرضون
ياخى البقنية دى لقوها فى آثار حروب شندى .. والدكاى فى حفريات الكرمة
فى تانى حاجة إسمها المريسة والعرقى .. وفى حاجة كدة تقوم بيك زوت Quote: إقتراح للأخ رأفت:
خت المانيوال (شرح مع الصور) واللـ LINK يا رجل |
عايز لنك يا أشرف ؟؟؟ هسة أدخل صلاح ده النت كيف وألكننو .. ولا أقول ليك مصكل لعصام جبرالله ..
دى مصيبة الكحول البدخلك فى مكتبة عماد عبدالله .. ويجى يقول ليك عملتوا لى شنو كده ما عارف فى النص بتاعى
أشرف مرحب بيك ياخ معانا هنا ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: ASHRAF TAHA)
|
Quote: هسة المسـ(صـ)كل (أدديس)
ده علي التكتح
إلا ناس بي عد صباعات البطارية يعرفو ليك
الأخو (زمدي)ولا (ود عدنا) ولا متزمد ولا كيف
حدد يا رجل؟؟؟؟؟؟ |
يا فردة .. ما عرفنا الفولة
البطلعك من الجخن داك شنو ؟؟
عماد وصلاح بطببو عليك براحة كدة .. لكن بتسخن هسة .. بلة موسى جااااك .. ولسة الـ CET؟
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
أستاذ رأفت
أنا ما من عطبرة لكن من محلتين قريبتين ليها " الخرطوم تلاتة و بيت المال "
أما عن دي
| Quote: واحد من أولادنا هنا منشن على واحدة بتكم هناك |
الزمن ما بتعرف المنشن على التاني منو ...!!!!! الكلام ده بعد ما دخلنا القفص المسكمى مجازاً " ذهبي"
وبعدين بناتنا هنا خطيرات .... (-:
في إنتظار اللكزة ( إيميلك في المسنجر ويكون بقبل عربي) لإرسال قصة مستوحاة من إندايات السودان وبارات مانشستر والبطولة نسائية مطلقة عشة ووكر حقتنا وواحدة اسمها جين بارتليت من مانشستر...
دي بقا صاحبتنا الخواجية
| Quote: جين كانت تلبس فانلة صفراء باهتة ..... حاسرة الذراعين ...... تكشف عن اسفل بطنها ليظهر وشم ملاك بجانحين بحجم أُصبع اليد ...... وجهها كامل الإستدارة يحوي تلك الملامح الدقيقة بجانب عينين واستعين ..... لونهما يميل للرمادي ..... كانت أقرب للرسم منه للحقيقة ...... او هكذا كنت أظن .... قصيرة نسبيا ونحيفة ..... شعرها اسود فاحم ...... أو هكذا كان في ذلك الوقت..... قصير نوعا ما ، تتدلى منها عدة خصل بعناية لتغطي جبهتها و تتدلى تلك الخصل حتى تلامس الحاجبان وما بعدهما ...... لتترك لك حر الخيال في التنبؤ بما ستفعله جين حينها ... ولا تخيب جين آمالك إذ أنها ترمي برأسها للوراء تارة ... وتارة أُخرى ترفعهم بيدها النحيلة وترمي رأسها أيضا للوراء ولكن بمجهود أقل ...... لآ أدري ماذا كان يحدث لي حينها ولكني كنت أتابع كل خطواتها ..... ذلك اليوم الذي دخلت فيه مسقى سنكلير أويستر كنت اتشوق للدخول لأي بار أو مسقى أعود فيه الإرتباط بالذكريات القديمة لأيام جلوسي في بيت عشة ووكر والتمتع بالشرب في مكان الشرب .. والتي ما بارحت خيالي قط.......... |
لو عاوز أي توضيح على الرحب والسعة..
منتظرك في المسنجر ....
اخوك أسامة
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: الطيب شيقوق)
|
الطيب شيقوق | Quote: انا زعلان لانك نسيت حبيبتي كبدة الابل يا رافت |
أنت هسة يا شيخ العرب لا بتاكل الملاح أخدر ولا بتشرب الخمر تسكر .. المحومك بى جاى شنو ؟
كبدة الإبل يا حليلا .. كنا نمشى ليها السجانة فجر .. بناكلا بالبصل والدكوة والليمون شغل أولاد بندر .. ضحك علينا البدوى فى الجزيرة .. قال يالبوم قليتوا بركتا وشلتوا فايدتا بالليمون .. وهو ماعارف فايدتا العندنا .. بتفكها .. عشان تعمل سيه جديد
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Osama Mohammed)
|
يا أسامة رسلت ليك فى المسنجر
ياخ شوقتنى ياخ .. الكتابة التى تربط بين بيئة وبيئة حاجة جميلة .. تتدفق فيها المشاعر بين الحنين والواقع .. وما يسمى مجازآ "قاع المدينة" هو الواقع الغير مزيف .. وعندما تكون الأنثى هى موضوع الخواطر معطون برائحة أنوثة صارخة بدون تذويق .. تكون كل الإنفعالات وتكون الحقيقة ..
فى فترة "تقمصتنى" كتابة مثل هذه .. وكنت أكتب بإنسياب أزاح عنى الكثير .. ولكنه فجأة نضب الوعاء كما نفقد كل جميل فى هذه الدنيا .. إذا توفر لك الوقت أدخل هنا .. هاتف النفس و جدار من الوهم نحن صانعوه
محبتى
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
Quote: محمد أبوالعزائم
Quote: ناس الغرب عندهم ال (دولنق)
ده شنو ده كمان .. تقول تحت تحت شربوت بس |
يا زول دي مريسة أهل الغرب ... ما عارف بيكتبوها كيف لكن بينطقوها (دوللنق)
هسي يجي أبو ساندرا يقول لي ما بيكتبوها (بيشربوها)
ياخي السودانيين ديل عجيبين .. نفس الزريعة .. ونفس الكوجان .. ونفس التخمير .. وفي نقطةً ما تتحول واحدة للمريسة .. والتانية للحلو مر. و ..... عجبي
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: محمد أبوالعزائم أبوالريش)
|
| Quote: هسي يجي أبو ساندرا يقول لي ما بيكتبوها (بيشربوها) |
أيوة المهم بشربوها كيف | Quote: ياخي السودانيين ديل عجيبين .. نفس الزريعة .. ونفس الكوجان .. ونفس التخمير .. وفي نقطةً ما تتحول واحدة للمريسة .. والتانية للحلو مر. |
والله تركيبات مختبرية عديل .. العجب ناس الخمرة .. والدلكة .. هسة كان ركزوا فى حاجات تانية كان وصلنا القمر .. بس التركيز فى كل ما يؤدى إلى الإستكانة .. إنشاءالله كان تحت ضل زير ..
واحد من إياهم قال تعبانين نحن فى شنو .. ما أهو الله مسخر لينا الكفار
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
يا رأفت ميلاد ... معقول ما تعرِف نِحنا مِنو ... بس عرفت [ الدكاي ] هو منبعو مِن وين ... أها أنا مِن عجم الشِمال مِن عبري زااااتا ... وبعدين الفط ده ما عِندنا هِناك في المحس ... يا أخي إحنا عِندنا جُزُر عديل كدي خاصة لِلدكاي ... التِـفِـطـفِـط ده مِن شِيم ناس البنادِر ... شكيتكُم على الله الواحِد إن ما دُرتو تفطو وتقولو ( معليش ما ماخد بالي ) البالة التكسر كاسك ... جِنس ده ... البِفِك الراس ...
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
ذكرتني يا صلاح أبودَية طُرفة : قاليك في واحِد جا لِصاحبو قال ليهو :
- يا أخي ما تَلِم أُمك دي شِوية
- مالا ؟
- قالوا لي قاعدة في الإنداية
- وإنت الكلمك مِنو ؟
- كلمتني أُمي !!!
إنت هسي يا صلاح الجابك بِجاي شِنو وكتين سهلة دِيوم بحري باقية ليك قاسِية ... رايِح ليك الدرِب ... ولا بِتفتِش ليك رايحة ... إنداية رأفت ميلاد دي مُتعوِدين عليها مِن زمن ناس ممدوح نعيم إرسلان أبو شيبة الكبير ...
دحين باقيلك بدرالدين (الزنجي) خابِرنا نِحنا بِجاي ... أمانة عادِل عُثمان أكان سِمع بينا الله قال بِقولنا .... سويتا فينا يا رأفت ميلاد وقعدت ... أغريتنا وأغويتنا
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: فيصل عثمان الحسن)
|
| Quote: ناس الأنادى خوتم ما زى حقتكم دى , الواحد يغيب ما تسألوا منو |
يعنى نمشى نفتشك فى الخلا ؟؟ Quote: يجيكم راجع ب كرعينو , ما بتدوهو كأس طريق يمسح بيهو شنبو ويروى بيهو عطشتو , الفيكم
اتعرفت , وأم تبعج بنرسل نجيبا يسمكم ما بتضوقوها, يا شحتو أظهر وبان مابنكلم أم الأولاد . |
أيوااااه كان بتجيب لينا شحتو ده بنديك كاس الزواده .. التحقيق ما زال مستمرآ فى أم تبعج .. يمكن نوظفا فى دعم الإقتصاد الوطنى .. بدل الشربة وما شابه من السهلات .. علاج ومزاج 1x2
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عزام حسن فرح)
|
| Quote: يا رأفت ميلاد ... معقول ما تعرِف نِحنا مِنو ... بس عرفت [ الدكاي ] هو منبعو مِن وين ... أها أنا مِن عجم الشِمال مِن عبري زااااتا ... وبعدين الفط ده ما عِندنا هِناك في المحس ... يا أخي إحنا عِندنا جُزُر عديل كدي خاصة لِلدكاي ... |
الكلام ده تقولو لأبو ساندرا .. أنا متأكد أنو حق المحس .. بظبطوا صاح | Quote: التِـفِـطـفِـط ده مِن شِيم ناس البنادِر ... شكيتكُم على الله الواحِد إن ما دُرتو تفطو وتقولو ( معليش ما ماخد بالي ) البالة التكسر كاسك ... جِنس ده ... البِفِك الراس ... |
راسك خفيف | Quote: سويتا فينا يا رأفت ميلاد وقعدت ... أغريتنا وأغويتنا |
الكلام ده قولو فى الحراسة | Quote: إنت الظاهر عجبتك ريحة البوست ده أخير ليك تمرق من هنا قبل ما تجي الطارة |
يا أبودية الطارة دى شنو ؟؟!!
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: طارق جبريل)
|
| Quote: بتفكها .. عشان تعمل سيه جديد |
الله يجازي محنك انت يا المسلط الواقع من السماء سبعة مرات
بس اقول ليك بعد الانبساطة والقدلة والطاقية في الهامة يا دنيا ما فيك الا انا مع سيجارة البينسون والمبسم والعراقي الساكوبيس والفنيلة ذات المربعات الزماااااااان ديك والشبط الما خمج تتناول حق الطريق لتعود الحال الى ما كانت عليه قبل تناول كبدة الابل .
تقوم راجع بيتك المجاور لمحل الكعمة وتخيط الدوداب خياطة ترزي
هييييييييييييييييييييييييييييييييييع قول اخوى
لقيتني كيف ؟
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: الطيب شيقوق)
|
Quote: تقوم راجع بيتك المجاور لمحل الكعمة وتخيط الدوداب خياطة ترزي
هييييييييييييييييييييييييييييييييييع قول اخوى |
والله يا ود شيقوق ماك هين .. جاينى قاشر بالعراقى الخفيف والفنلة الشبكة والشبط الوسيم .. تلقاك خاتى ليك خمسة جنيه ظااااهرة فى الجيب الصغير ومتعطر بى 555 .. ياخوى بى قشرتك دى إلا يدخلوك قطية الأفندية .. كدى نراجع قصة الصبغة دى تانى
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: محمد أبوالعزائم أبوالريش)
|
Quote: يا زول ديل جماعتنا ..
بنديهم عبار عبارين .... يقشوا شنباتهم ويتخارجوا |
عبارين شنو .. ديل دايرين الشده كلها .. عالم دنيئة
ذكرتى قصة واحد من أولاد الموردة الشبك ديك .. جا شايل كيسو وقاطع الخور .. وقفوا بتاع مباحث وصادر الكيس وسايقو الحراسة .. العسكرى طبعآ داير الكيس .. ماشى معاه ومديهو فرصة يجرى .. الراجل كاحل ومباريهو ساكت .. يخب العسكرى يخب معاه .. إقيف يعمل ببول يقيف إستناه .. قام العسكرى جرى .. جرى وراه يكورك "يا جنابو الكيس .. يا جنابو الكيس" جدعو ليهو واصل
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
الكومر جا...
ياخي إنتو قدام خلاس
ورأفت ده شكلو حكّاها كدة من ضابط صف لحدت ما وصل لي رتبة لواء ركن شمالي غربي مع جنوبي شرقي مع رياح خفيفة إلى متوسطة السرعة تنشط أحيانا مثيرة للأتربة والغبار
ياخي قالو ليك ناس العرقوب والألعاب الهوائية ديل
بجيهم وكت كدة لمن يقحوا بي نخرتم
بعملو (أستدعاء) لي (سهرة من الأمس) وبتّدوزنو ويدوزنو
يعني تلقى فيهم الواحد قاعد ساكت كدة في الشغل ولا البيت تجيهو عشراقة كدة يقح فيها تقوم تصحي المخيخ والنصفين الأيسر والأيمن في الدماغ
بعدين زمان ناس الخال ديل كانو بدورو من المغربية
المسلسل لسة ما بدى تلقاهم شتتو لي زيدان إبراهيم
وكل ساعتين زيدان وكدة
ولمن يقعدو بكون دايما في واحد ماسك المكرفون وجاري باللاين والباقين بسمعو ليهو
بعد ساعة كدة الناس بتكلمو اتنين اتنين
بعد تلاتة ساعات الناس كلها بتتكلم والحلة بتسمع
تقول لي ما CET يا رجل
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: ASHRAF TAHA)
|
| Quote: ياخي إنتو قدام خلاس |
قلت لى Quote: بعدين زمان ناس الخال ديل كانو بدورو من المغربية
المسلسل لسة ما بدى تلقاهم شتتو لي زيدان إبراهيم
وكل ساعتين زيدان وكدة
ولمن يقعدو بكون دايما في واحد ماسك المكرفون وجاري باللاين والباقين بسمعو ليهو
بعد ساعة كدة الناس بتكلمو اتنين اتنين
بعد تلاتة ساعات الناس كلها بتتكلم والحلة بتسمع |
وأنت كاحل ده كلو .. كنت بتلعب بلى | Quote: تقول لي ما CET يا رجل |
والله أنت بتاع البقنية بى واوا .. قلت لى قدام !!
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: ASHRAF TAHA)
|
صباح الخير يا أشرف طه Quote: دي الطج
عسل من عسل وبالبرميل (القرشة) |
ياخى قبيل أبيت أعلق على صلاح .. لكن الطج دى مش ياها الميز على نضيف ؟؟ .. | Quote: دوروت وكيويت وطيبس وكيتفو كل انواع الفتفت وما ننسى الميطميطا |
صحن مجهبز .. وباين حفرك جوة أسمرة ولا أديس .. ما زى ناس قريعتى راحت .. المتفنين تحت شجرة يشربوا القهوة .. أصنافك دى ما بعرف فيها إلا الكتفو .. وباكل المبوخ منها ما النى ..
عشت أيام بديعة فى الخرطوم بصداقة مع السفير الحبشى فى الخرطوم .. وهو من القبائل المشتركة فى الجنوب .. بالتحديد قامبيلا .. وطبعآ جنوبى عدييييل .. فكنا لما نقعد معاهو أيام حظر التجول .. يحلف نمسح القزازة .. والمزة زى صحنك ده ..
أحلى ناس أهلنا الحبش
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: لؤى)
|
حبيبنا لؤى
طلتك تفرح ياخ
وبعدين ده شنو الجايبو لينا فى باغة بلاستيك حمرا
ياخى دى كان مريسة تكون بتاعة هناجيك ساكت ..
دى تكون عجينة آبرى أحمر ياخ .. المريسة وسطل المريسة لا يفترقان
على نمط أبوساندرا : ترجمة هناجيك هو حناكيش وليس شيئ آخر
شكرآ على المحاولة يا لؤي .. ما بتقدروا عليه ده .. ده بتاع ناس مهيد
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: محمد أبوالعزائم أبوالريش)
|
| Quote: رأفت إنت سكرت والاّ شنو؟ |
والله يامحمد أنا إتلغيت من بدرى وبقيت ماقادر أفرز .. لكن زى ما شرحتها معناها ياهو حناكيش زاااتا .. أنا حناكيش دى زاتا كنت لما أسمعا بتعمل لى قشعرينة .. شكلا شين .. لكن لقيتا زى الموية فى خشوم الرجال والإناث .. أها قلت نضيف ثقافتنا
تعرف لامن كنت فى الوسطى عندنا طالب سمعو مدرس بغنى "عليك النبى تجى يا ود الزمزمى" جلدوه فى طابور الصباح .. مسكوه أربعة كبار والخامس شد الجلابية وأخد 15 سوط إستهلكوا فيها 3 سيطان نيم ونفذ عدد 2 مدرسين شديدين .. وبعدها أخد 15 يوم exemption من المدرسة .. الواحد بقى كان كرو ما يجيبا فى خشمو..
وحاتك مرت السنين ويوم سمعت البنات بغنوها فى حفلة عرس عااااادى ..
ما الما بسكرنا شنو
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Osama Mohammed)
|
Quote: بالجد ولا شنو ?
ازييك يا حاج رأفت صباحاتو بُيُض ...
ده شنو:
ما الما بسكرنا شنو |
اسامة صباحاتك فل ..
وصلتنى رسايك كلها .. ياخى مسكرة وجميلة ..
ردى عليك مطول بالإى ميل .. وراح أخت ليك نمرة التلفون .. وياريت تلفونك ..
الليلة بالليل أنا شغال .. وفى المكتب فى السهرة بكون براى وعلى راحتى
كتابة طاعمة ياخ
لى بعدين
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: الطيب بشير)
|
حبيبنا الطيب بشير | Quote: جميل أن الفنان طارق أبدل صورة البوليص في بروفايلي..otherwise كنت أعمل كشة هنا |
أوع تكون أنت الكومر الملاوزين لينا بيه من قبيل .. كان كدى سليمة .. كنا خايفين ساكت | Quote: و أشيل أنضـف صـنف معروضات... |
دى ذكرتنى قصة حصلت فى الجزئية فى الخرطوم .. جابوا المتهم وما لقوا المعروضات .. أها باقيها ما بتحكى . | Quote: خلينا نبدا بالشربوت.. |
دى سهلة حلال عليك .. وياريت تشيل معاهو أم تبعج مافى زول ناوى يطلع الخلا فى الطراوة دى .. الغربية أم تبعج زاتاى جابا لينا بوليص
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
تعرف يا رأفت يا عمك
رأينا فيما يرى النايم
وسمعنا حكى الحكواتية
قالوا في طقوس مزج المريسة مع اللحسة العويصة (العرقي هنا عندكم):
في الصيف:
جردل الطلس في (القايلات) مع المريسة والعهدة على الراوي
كان لمن الشغلة كدة تنعنش مع الكشاتين (وبما ان المرايس تترس)
كان أبي لحسة يرسلنا ونحن صغار: أمشي جيب تلج من ناس فلان
ثم يأمرونا (بدرشه)
وبعدين نعلقو (ليهم) في أضان الجردل ويخلو لين ما الجردل يعمل دورانية في الرملة بتاعت طين
في الشتاء:
كان يدرش فيه العرقوب
شاهد على العصر
--------------
الخال عمدة:
و نِمْ يا بني - إن استطعت إليه سبيلا - ..
نُمْ في أسمال روحك ..
و .. أبصق عليّ طويلا .
أب أحمد
سينام أحمد هانئا
ويترحم عليك كثيرا
ما ورثته
الجهل
ولا الجبن
ولا النفاق
المال مناعة مكتسبة
والأخلاق مورثة من قبلك له
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: ASHRAF TAHA)
|
ولو كانت الصاد مكسورة .. لأخذنا بشهادتك .. ولكن هكذا لا نأخذ بها يا أخ العرب .. يجب إحضار شاهد معك أو إمرأتين .. (قارورة أو نصين) Quote: ما ورثته
الجهل
ولا الجبن
ولا النفاق
المال مناعة مكتسبة
والأخلاق مورثة من قبلك له |
مضمونآ خطابة جميلة .. ولكنك كأنك لم تقرأ النص .. وأتيت تتطبطب على على خالك .. حيث ضاع الطبطيب بالخرزانة ..
عدلت هذه قلبة عدلة أى جهل يا هذا .. نحن خرجنا من النور الى الظلمات ..
والجبن نصبه الخائن بيوت وأشباح .. قطع رجل عبد الباقى .. وفقأ عين على فضل قبل أن يشق رأسه .. وأخرص لسان وقلم ريشة عماد عبد الله ..
فهرولت أنا .. لماذا ؟؟؟ لأن الله يريد هكذا !!!
النفاق .. أن تقول هذا هو الرئيس .. وهذا هو الوزير .. وكلهم ولاة الأمر وجبوا الطاعة بعد الله !!!
الأخلاق لا تورث ولا توّرث .. الأخلاق أن تصير أجنبى .. أو تهرب يجواز مزور .. دى تفتيحة
والضروريات تبيح المحظورات .. كما قال الله
والله إذا بصق فى وجهى أبصق فى وجهه .. وأرفع كأس الثلج المدروش
(تدق هنا .. ترج هناك)
| |
|
|
|
|
|
|
|
|
 Re: نفسى فى .. بقنية .. وشربوت .. ودكاى .. وكوجومورو (Re: وضاحة)
|
ود ميلاد سلام ومشتاقين كتير والله
في الصحافة وفي حلتنا في واحدة بتعمل عرقي إسمها زهرا وزهرا دي مشهورة خالص
اها شباب الحلة عِرفو الدرب وبالليل يمشوا لزهرا دي ويشيلو منها العرقي وفي نص المنتزهة
تسمع الغناء والضحك والقرقرة , رجال الحلة الكبار الكلام ده تب ما عجبهم وقالوا زهرا دي
خربت علينا عيالنا لازم نشوف ليها صِرفه (مخارجة من الحلة يعني ) وزهرا جارة الشايقي
عم حسب الله عليه رحمة الله , الجماعة مشوا لعمك حسب الله بإعتباره اكثر المتتضررين
مشوا مجموعة كبيرة من ناس الحلة ودقو عليهو الباب عم حسب الله فتح الباب للجماعة وهو
مندهش , إتفضلوا يا جماعة ادخلو لـ جوه , الجماعة قالوا ليهو أسمع يا حسب الله والله الليلة
دي نحنا جيناك في خبر !! خير يا جماعة في شنو ؟ جارتك زهرا بوظت علينا شفع الحلة
وكل يوم سكرانين بالليل وعملوا لينا فلقة في راسنا من كواريكم وغناءهم الزي صوت الحمير
فدحين نحنا جيناك عشان نطرد زهرا دي من البيت .
عمك حسب الله زعل زعل شديد من الجماعة وقال ليهم عليكم الله يا جماعة زهرا دي عملت
ليكم شنو عشان تطردوها والله بتناولني قرازة العرقي بالحيطة
يا رافت والله القصة دي واقعية بس انا والحمد لله لا بشرب سيجائر ولا بسف تمباك ولا بشرب
محرمات , ودي قناعة شخصية مني علي الرغم من انو الوالد عليه رحمة الله قالوا كان مقطع السمكة
وديلها وكذلك اخواني الكبار , إلا انا والحمد لله .
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: هاشم أحمد خلف الله)
|
كيفك يا هاشم Quote: عمك حسب الله زعل زعل شديد من الجماعة وقال ليهم عليكم الله يا جماعة زهرا دي عملت
ليكم شنو عشان تطردوها والله بتناولني قرازة العرقي بالحيطة |
الراجل فى أمانة الله لا كشة لا مخاطرات فى بطن بيتو تجيهو بالحيطة .. دايرين يقطعوا رزقو | Quote: انا والحمد لله لا بشرب سيجائر ولا بسف تمباك ولا بشرب محرمات |
يعنى زى الزول بتاع (تحرش يوم الخميس) داك يادوب تشرب العصير ..
تعرف دى ذكرتنى بالراجل المشى للدكتور قال ليه داير أعيش 100 سنة تنصحنى بشنو .. قال ليه أبعد من كل المكيفات والكحول والمخدرات والنساء .. قال ليه ديل كلهم عمرى ما عملتهم .. الدكتور قال ليه "طيب عايز 100 سنة تعمل بيهم شنو"
يا زول ربنا يهدى الجميع .. مريح نفسك وضميرك وصحتك
مودتى
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: محمد البشرى الخضر)
|
كيفك يا ود البشرى Quote: سلامات يا رأفت يا عمك
بوست يودي النظام العام , الحكاية شنو |
ما تخاف يا عمك .. طلغنا تصريح لحدى الساعة عشرة .. وبتاعين السوارى كلهم قابضين ومتعشيين .. موصفين ليهم الخيانة أى دقن وكرش .. ما يهوب هنا
Quote: هاشم ابوي...
| Quote: لا بشرب سيجائر ولا بسف تمباك ولا بشرب محرمات |
ما قلنا حاجة
لكن كان لي بكاك و دردقتك دي اخير المابيهن ديل |
الفلم دا وراه فلم .. دى شكلها حسادة ساكت يا هاشم .. الزول ده خرتو وين ؟؟
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
| Quote: الفلم دا وراه فلم .. دى شكلها حسادة ساكت يا هاشم .. الزول ده خرتو وين ؟؟ |
لا حولا يا الديامة جنس نظرية مؤامرة قاليك
خرت شنو ياعمك
ساي شيل حال لي الله و الرسول بس
دا غير انو اخوك ايامو الكان في الميدان قبل يعتزل حته في خرت زاتو ما بلعب فيها
وحبة الظروف اضطرتني ليهن مافي ود مقنعة خرتني حتى اسأل لو ما مصدق
| |
|
|
|
|
|
|
| |
رأفت ميلاد
يوسف محمد يوسف
Deng
abubakr
د.محمد حسن
Osama Mohammed
أبو ساندرا
عزام حسن فرح
عماد شمت
وليد محمد المبارك
AnwarKing
ASHRAF TAHA
الطيب شيقوق
محمد أبوالعزائم أبوالريش
صلاح أبودية
طارق جبريل
Elbagir Osman
.. خليناها آخر الأيام بكاسى
لؤى
الطيب بشير
محمد مكى محمد
ibrahim kojan
ماضي ابو العزائم
وضاحة
هاشم أحمد خلف الله
محمد البشرى الخضر
فيس بوك
تويتر
انستقرام
يوتيوب
بنتيريست