|
|
|
 Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
ود أبارو لكن ما حيرتنى Quote: ود ميلاد الريق مالو جرى سوريبة والشلاليف إتشققت
حليل الدهن المغتى الكانى ، وسمحه النفخه ومسحة الشنب وجبيدو
سلام يا رأفت أظنك فايته فيك عطشة بت زبدى |
أنت الدخلك فى الحتت دى شنو .. قبيل أن لخبطت مع طارق نقد وقلت ليه كان عندنا فى الجزيرة أبارو .. لكن إستدركت مؤخرآ الكان عندنا (أبو) .. | Quote: ( بت زبدى دى طبعاً فى شارع رأفت ، بين بركات وود الشافعى ) |
فى حلة برضو فى النص إسمها موبى (الباء تنطق أحيانآ v ) .. مشهورة جدآ بالأنادى وهى مكان خطر كما كنا نسمع ..
يوجد منحنى بعد عبور الترعة قرب القرية يصير خطر جدآ فى الخريف تنزلق فيه العربات وبه مجارى عميقة بفعل اللوارى .. فى مساء أحد الأيام كاد أن (ينقلب) لورى محمل بالركاب فى هذا المنحنى .. قفذ أحد الركاب برشاقة الى من اللورى الذى كان يسير ببطء .. عاد اللورى وضعه السليم وواصل السير .. رفض سائق اللورى الوقوف لإنتظار الرجل قائلآ (وكت الموت زاغ منا .. حرم ما يركب معانا) 
غاب الرجل أسابيع وأهله يبحثوا عليه حتى وجده فى موبى (مجندل) آخر مزاج Quote: ااشى تكاى مو دكاى عشان بتحلى الإنتكاية والغميدة بعدو
سلمت وما كركبن قريعاتك |
والله منطق سليم .. متكيكين الزمن ده كلو وما جايبين خبر ..
خالنا الله يرحمو ما قادر يفتح قزازة الشرى بخشمو .. قلت دقيقة يا خال وفتحتها ليه القرش المشرشر داك .. قال لى بشرب قبل يعرسو أمك ودى ما أعرفا
مستنيك أعرف علاقتك ببركات وود الشافعى شنو
وشكرآ على الطلة الحلوة
| |
 
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
| Quote: تعرف دى ذكرتنى بالراجل المشى للدكتور قال ليه داير أعيش 100 سنة تنصحنى بشنو .. قال ليه أبعد من كل المكيفات والكحول والمخدرات والنساء .. قال ليه ديل كلهم عمرى ما عملتهم .. الدكتور قال ليه "طيب عايز 100 سنة تعمل بيهم شنو" |
مبالغة يا رأفت
حكاويك دايرة ليها ( قعدة ) 
| |
|
|
|
|
|
|
|
|
 Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
لكن إنتو منو يا عزام .. أنا غايتو أسمح دكاى شربتو عند المحس
تعرف ياعباس بقنيه ...في مرة من المرات سافرنا في الاجازة الصيفيه انا وبن عمي حيث الاعراس
والابتهاجات...
وعندنا في المحس بيقيسوا العريس المقندل بعدد (الكوبيك) الزير القناوي ده طبعا زير ضخم
لمن يكون مليان دكاي بيشلوه اربعه كبار ... واقل عريس بيعمل 24 زير ,,وجركانات العرقي من القولد,,
اه الحفلة دورت والرقيص والغبار لي رب السما..ودعمي الشليق قال يمشي يشرب موية
اه جاني راجع قالي في زول كاتلينو وجسمه كله دم !!!ياراجل كاتلينو عديل كده؟؟
مشينا نتأكد...لقينا فعلا الراجل لابس جلابيه بيضاء كلها دم!!ياستار ..المهم كلمنا واحد تاني
من البلد ..قال لا حولة تعرفوا الزول ده بعد ماكمل الدكاي بقي يمصر في المشك ولمن سكر ماقدر يتحرك
من محلة نام علي كوم المشك وطبعا لون المشك احمر بقت في الجلابيه بيضاء مكوية ..
,,,اه شفت جنس الطيران ده ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عماد شمت)
|
يا خلى | Quote: واقل عريس بيعمل 24 زير ,,وجركانات العرقي من القولد,, |
ده الكلام .. العرس عندكم Quote: لا حولة تعرفوا الزول ده بعد ماكمل الدكاي بقي يمصر في المشك ولمن سكر ماقدر يتحرك
من محلة نام علي كوم المشك وطبعا لون المشك احمر بقت في الجلابيه بيضاء مكوية .. |
ده عوم عديل .. الشى الدكاى كان ما حقو راسو ده ما حقو ؟ بشتنة الجداد ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
سمعت بى سكرة ينىّ ؟
سكرة ينىّ النسى مرتو فى البار
باين مى سكره ، خواده وعوم عديييل
أّاّى والله ماها موبى براها، الراس وديم
بتول(بفتح الواو) و كل ضهر الترع تريان محل ما
تغشى تبل الريق وتقطع العطشة ، ماك محتاج عمار للمزه
من أقرب حوض تجرتقه .
وحاتك بى بتيخته كمان شنو ليك ؟
Quote: مستنيك أعرف علاقتك ببركات وود الشافعى شنو
|
كيف ؟ حبيب أنا يانى من بلد التسعة لغات
والعاشره الإبتسامه
يعنى الألف ثابت مو واو مع ود نقد
تعرف يا رأفت النعمه تريانه ، حليل أيامه وكراعه الخدره
زى ما قال الشايقى : من عمايلكين بقيتن تسون المريسى رقيقى
( مبرر حالة البلد و الضيق الحلت وقطعت الخمير من تيبارنا ده)
وعليك بالمدمس وكرف التراب
سلمت من شوكاً يلولو هدمك
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: اْسامة اْباّرو)
|
Quote: أّاّى والله ماها موبى براها، الراس وديم
بتول(بفتح الواو) و كل ضهر الترع تريان محل ما
تغشى تبل الريق وتقطع العطشة ، ماك محتاج عمار للمزه
من أقرب حوض تجرتقه .
وحاتك بى بتيخته كمان شنو ليك ؟ |
وييين الكلام ده يا أسامة .. ولدنا فى عمر الزهور عيالوا أطفال .. كتلوه عشان يشيلوا موبايلو Quote: كيف ؟ حبيب أنا يانى من بلد التسعة لغات
والعاشره الإبتسامه |
يا حليل اللغة العاشرة دى .. البسمة إنطفت فى عيون الأطفال .. Quote: يعنى الألف ثابت مو واو مع ود نقد
تعرف يا رأفت النعمه تريانه ، حليل أيامه وكراعه الخدره
زى ما قال الشايقى : من عمايلكين بقيتن تسون المريسى رقيقى
( مبرر حالة البلد و الضيق الحلت وقطعت الخمير من تيبارنا ده)
وعليك بالمدمس وكرف التراب
سلمت من شوكاً يلولو هدمك |
ما أجمل دواخلك يا ود أباروا .. كاسك فى صحة الحرية والجمال
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عزام حسن فرح)
|
Quote: يا جماعة أخجلوا الليلة الجُمعة ...
ما تزعل يا ودميلاد يوم الأحد برضو بنخجل ليك ...
ويوم السبت بِنخجل ليهُم ...
شكيتكُم على الله ، سمِح الباقي لينا شِنو ، وِكتين
سويتو لينا أيام الإسبوع كًسور وبواقي ...
دحين مقيل يوم التلات بجوز ... |
يا عزام أيام الله كلها واحد .. والولدوه يوم السبت ما زايد كراع من بتاع الإتنين .. اليوم الكبير جاى .. نشوف ناس الدقون ديل يطلعوا فتوى يخارجوا بيها نفسهم ويورطوا الباقين كيف ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
Quote: كنت إفراج مؤقت في الخرطوم...... هق .... هق...
الحقوني بي قرعة مريسه.. عشان الحق الونسه...
ويا ود ميلاد المريسه او (البغو)بيشربوها بالقرعه.. هق ...
كب لي جالون...
ونواصل..... |
لا حولاااا كوجان هنا وأنا داقس
وجاينى ببقبق .. والله السودان بى خيرو
ذكرتنى قصة بحكيها الوالد رحمة الله عليه .. زمان فى أمدرمان الزول المستنكح الما بدفع فى الشربة بسموه (فانوس) .. فى واحد بلبد لحدى الشربة تجى والجماعة يدوروا يجى داخل ويبقى سيدا .. يوم كتر وبدأ هق .... هق... واحد زهجان منو .. قال ليهو فانوس وتبقبق ..
وبقبقتها عند ناس العمدة وجيتنا .. أخباركم معانا
حمدلله بالسلامة ياخ ومشتاقين
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Osama Mohammed)
|
Quote: عرقي القصب
عرقي البلح
عرقي العيش |
يا عثمان أنا طبعاً ما خبير ، ولا أدعي ذلك
ولو ملاحظ ، نقتي كلها ( قديمة ) يعني من ( قبل الانقاذ .. وكدا ) ..
كلامي مع ود خالتي رأفت ده كلام قدييييييييم ، من سنة دو
الجو الممكن تتونس فيهو ونسة لذيذة زي دي ، وتفعد وتتجيه ، ويكونوا أصحابك حولك ، ده زمن ما بيرجع تاني ، زمن الله يرحمو ، والناس دي كلها عايشة على الذكريات ..
هو فضل لينا شنو تاني غيرها ؟؟ نتذكر ونحسر ..
أها الإجابة على زي سؤالك ده ظهروا ليهو شفوت جداد ممكن يردوا عليك رد نموذجي ، نحن فات فينا الفوات يا أخينا ..
وبعيدن منو البيعرف ليك النسب دي ؟ العرقي ده ( بـيـعبروه ) بالكاس ، يعني كم كاس ممكن ( يوصلوك ) والكاس زاتو حسب ( الموزع ) لو كان غتيت ، بيكون مغطي قعر الكاس بي أيدو لمن يكب كاسو ، ولمن يدور على الجماعة بيكون منقص العبار شوية ، أها ده زول شرفان ، أختاهو ..
والعامل التاني نوعى العرقي زاتو ، جايبو من منو ؟؟
لكن بيني وبينك عرقي القصب ده أول مرة اسمع بيهو ، وعرقي العيش ( عفن ) ومشاكلو كتيرة ..
عرقي البلح يا هو العرقي الواااااااحد ده .. برضو ( صعب )
ما لاحظت للجماعة الماحد لما يرفع الكاس ، بعدها بيكرفس وشو كيف ؟؟ ويقول ( أفففف) ويمكن يديها ( بصقة ) ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: MAHJOOP ALI)
|
كيفك يا محجوب على | Quote: كدى انجرلينا بنبر فى قعدتكم دى... |
جاينا بعد ما غنينا .. حقو الليله تفط عشان توصل عزام بيتم Quote: تعرف .... بعد سنين طوال
السنة دى ضربنا الشربوت الما خمج ...
ووين ؟ فى بلاد العم سام |
لا حولا .. نحن الكسرة يا الله .. عندنا بت واحدة باقين ليها فى عمرا .. شربوت عديل .. ودفنتوا وين ؟ ولا شربتوا داشر ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Osama Mohammed)
|
يا أسامة كيفك
باقى الشغلانة لسة ما وصلت .. ولا لسه فى التخمير Quote: كم تبلغ نسبة الكحول في كل من
الشربوت
البقنية
الدكاي
المريسة ( بأنواعها المختلفة )
عرقي القصب
عرقي البلح
عرقي العيش
؟؟؟؟؟؟ |
شايف صلاح عبدالله أفحمك .. لكن والله نسبة الكحول ما فكر فيها زول بلك .. نحن بنحسبا .. سمح .. كعب .. داشر وهلمجرا ..
لكن صحى شنو عرقى القصب ده .gif)
تعرف ظهرت موضة عرقى الجوافة وعرقى الموز .. إتضح ياهو التمر ويرموا موز أو جوافة داخل إناء التقطير فياخد النكهة .. كان ظريف لكن حليمة ما بتخلى قديمة ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
الأخ رأفت ميلاد لك ولضيوفك الكرام ألف تحية
تعرف دخلت على بوستك دا بقيق في الطريقة التفكها مني
قصة حقيقية
ست عرقي طردوها ناس الفريق - قامت رحلت محل تاني وقطعت راس الناس
الما عرفوا وين مشت
في صلاة الجمعة إمام الجامع بيتكلم في الخطبة ( بائعة الخمرة الجديدة الساكنة جنب
الفرن بتاع ناس فلان تالت بيت من الناصية حرام نسكت على وجودا هنا- ولازم نشوف حل )
القاسية انتهت الصلاة - وصاحبنا الكان في الجامع لي عند ست العرقي
توشك دق الباب - وفتحت ليهو - انتي بي جاي ونحن ما عارفين
والله كان ما امام الجامع ما كنت عرفت جيهتك
طبعاً حجز حقوا وفرتق
محبتي
نورالدين
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: نورالدين بابكر بدري)
|
نورالدين بابكر بدري
مرحب بيك تانى
آسف غلى التأخير .. أهو نعيد بيض وفسيخ على النت .. وبضو نطشم هنا .. بعد ما غلبنا العديل قلت الراجل لقى العنوان فى الجامع | Quote: والله كان ما امام الجامع ما كنت عرفت جيهتك |
ياخ الإمام ده زاتو عارف العنوان ده بالتفصيل كيف
تعرف قالوا واحد مستهبل من إياهم عامل فى مولانا .. بخطب ودخل يدو فى جيبو يطلع المنديل .. طلعت مهاهو كروت كشتينة .. راح رفعا وواصل "أتلعبون الميسر يا أعداء الله .. خسئتم"
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
يا حاج رأفت
والله الشغل جاهز بس زي ما بقولو اللبنايين " كبسة زر " وتصلك بس انشغلت مع العجايز
عرقي القصب ده من القصب
وفسر الماء بعد الجهد بالماء...
المهم بطلو حركاتكم دي وورنا النسبة بتاعت كلو واحد ......
بالجد يا شباب انا عاوز أعرف النسب المئوية وكما ذكرت أعلاه .....
أخونا صلاح شكراً للوصف الدقيق لحالة العرقي بعد الكشح..... عجبتني صرة الوش ...... لكن سؤال مرات بكون فيها قُحة موش كده ؟؟؟
قصة صغنونننة:-
صاحبي جداً جامايكي جاء السودان سنة 1999 عشان يزورني وكده .... قال عاوز يشرب .... الشباب اتبرعوا وجابو ليهو عرقي قاطع من الفتيحاب " في أوج عهدها " صاحبنا شرب الكاس الأول ووقف على حيلو ولفه لفتين ...وقعد ولم يشرب بعدها ابداً .... قال لي بعد كم يوم كده ....
( الناس بتشرب عشان تنبسط موش عشان تموت ... ده شنو الأنا شربتو داك ..... ياخ لو ما الكوارع " كان بيحب الكوارع شديد" ما كنت قعدت معاك يومها ....
حكيت ليهو عن البوست قبل يومين... فسألني من النسب المئوية لأنو يعتقد أن العرقي نسبته المئوية اكثر من 50 في المية.....
ولذلك عاوز إجابة شافية .....
وبالمناسبة الليلة عندي كوارع كااااااااااااااااربة ...
( يا عم رأفت قرايبكم ديل حا يبوظو طبعنا )
....................
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Osama Mohammed)
|
صباح الخير يا أسامة
البضاعة ما كاملة .. أنت لسة شغال ?
كان عندنا خواجة أستاذ من ولز فى مدنى الثانوية .. كان أكبر مننا شوية أو فى دورنا .. من الـ overseas volunteer .. كانلامن يشرب العرقى يعرق وحالتو تبقى حالة .. قال أنتوا أغرب شعب .. جوكم حار نار بدل ما ترطبوا بالبارد تشربواالعرقى وتاكلوا الشطة
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عزام حسن فرح)
|
أسامه ،، إزيّك
دكتور باتريك ، كان يعمل في منظمة أطباء بلا حدود في ثمانينات القرن الماضي في الخرطوم ..
أحضره جارنا وزميله في العمل الذي يسكن ( عزابي ) في حلتنا
باتريك كان جديد في البلد ( وسنة ) نضيفة مافي ، وصاحبك ( اتكرش ) وحالتو بقت تحنن
طلب من صديقه أنه يشوف له ( حاجة )
يقوم يسمعو قدورة ود اختي ( زول مسلط ) وقال له غالي والطلب رخيص
أدوه كاس عرقي وااااااحد بس ، صاحبك لون بقي بنفسجي ، وجاتو نوبة قحة ، وحالتو بقت حالة ..
بعد ما هدأ شوية ،، قال جيبو لي بيبسي ، كسر بالبيسي ..
ضرب الكوارع ، وأم فتفت والفول ( الفول من الشطة لون أحمر ) ..
بعد تلاثة شهور بالضبط ، كان باتريك أخطر من يدّور كاس العرقي ، وأشهر زبون (أم فتفت ) في سوقي السجانة والديم ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
صلاح
صباح الخير
قصة حلوة والخواجات ديل بحبو الشراب القوي بصورة كبيرة .....
ذكرتني قصة البروف الذي عاد للتدريس في جامعة الخرطوم في التسعينات بعد أن تركها في بداية الثمانينات ....
وهو من بلاد (الملكة) حيث قال ومنذ نزوله من على سلم الطائرة
وبالعربي " داير فول وموية جبنة......بصل كتير ....زيت سمسم كتير ..... بعد قزازة عرقي عرقي !!!!"
ملاحظ هنا في بلد الخواجات الشباب الصغار في السن بشربو بي صورة مقلقة ...حيث( يكسرون) الفودكا الروسية بمشروب الطاقة رد بول - Red Bull- وهو على ما أعتقد يحفظ السوائل في الدم لمدة طويلة .... شوفت البشر دي بقت كيف؟؟؟؟؟
لك التحايا
اخوك اسامة
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عزام حسن فرح)
|
كيفك يا يوسف محمد يوسف
Quote: الواحد بعد ما يكمل مروره على البوست ده ... عايز ليه ام فتفت ناعمة .. بى دكوه وشطة خضراء وحمراء
مع اتى بقر وبصله حاره ... عشان راسه يستعدل !! |
ديل كان لقيتم ياها الفكت | Quote: عطشتونا !!!!!!!!!! |
نفسك هفتك زييى كدة .. الله يزوّل الأسباب ونتطايب جمب الترعة
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عزام حسن فرح)
|
يا عزام والله إنتا الفارقة معاك شديد الإنداية .. Quote: ألا فأسْقِني خمراًً وقل لي هي الخمر
ولا تُسْْـقِِني سـرّاًً إذا أمكن الجهر
شوف جِنس التِعِكلِت ده ... ضاق الخمر ولِمِس ماعونو وشافا الخمج بِعيونو ... كمان دايِر يسمع
إسِما بِأضانو يِشنف أُذنِهِ يعني ... إت يا ودميلاد أبونواس ، جا قبًل ده إندايتك دي ... |
ده الدوبى دة مقيل فى حاجة كاااربة .. لكن فارقة معاهو فى حاجة حيرتو كدة
| Quote: الخراااابا ... إنتو ودميلاد ده كشو ولا شِنو |
Quote: هوووي ... الفِجه دي بعد ده بِتجيب لينا الهوا ساي وصل الأن عدد زُوار
هذا العمود (الريحتو طاقه) إلى 2762 زائِر ، والله دي عطشه ، هيا
ناس المُخارجة كيفنها |
والله كوراكك العالى ده الماش يجيب لينا الكشة
كيفك يا عزام .. غيبة قسرية كده لكن بدون عبار
| |
|
|
|
|
|
|
| |
وضاحة
رأفت ميلاد
عزام حسن فرح
ماضي ابو العزائم
عماد شمت
ASHRAF TAHA
محمد مكى محمد
Osama Mohammed
MAHJOOP ALI
Research In Motion BlackBerry 9300(1600x1200).JPG)
نورالدين بابكر بدري
فيس بوك
تويتر
انستقرام
يوتيوب
بنتيريست