.. وجود البشير في رئاسة الدولة صمام أمان للبلاد .. ولا نامت أعين أوكامبو وأعوانه ..
وقوف الصادق والميرغني مع الحكومة بجماهيرهما يجنبان البلاد الفوضي التي ينشدها المتربصون ..
يجب أن تكون الكلمة العليا في تحديد مسير البلاد لجماهير الداخل التي تكتوي بنيران التحريض الخارجي والحصار الذي يؤججه القابعون بالخارج الذين استلموا بطاقات وجوازات بلاد معادية للسودان وأدوا قسم الولاء لها فأصبحوا أكثر ولاءاً لبلدانهم الجديدة وفاءً وإمتناناَ لها ..
12-01-2010, 10:22 PM
Munir Munir
تاريخ التسجيل: 02-11-2002
مجموع المشاركات: 10496
إنه سيكون تفريطاً عظيماَ بحق البلاد إذا تركت الدولة تنهار ليأتي الجلبيون والكرزائيون من أقاصي الدنيا ليحولوا بلادنا لأكوام خراب تجري من تحتها الدماء ، مثل افغانستان والعراق .. !!!
12-01-2010, 10:24 PM
Munir Munir
تاريخ التسجيل: 02-11-2002
مجموع المشاركات: 10496
برغم خطأ الجبهة الإسلامية بقيامها بإنقلاب ٨٩ فإنه لا يمكن أن نترك البلاد تنجرف في هاوية تصفية الحسابات والأحقاد الشخصية التي انتجت معارضة مسعورة مستعدة لحرق الدولة في سبيل التشفي .. لقد رأينا السيدين الصادق والميرغني يتجاوزان عن كل شئ في سبيل استقرار الوطن ولم ينساقا للتآمر الخارجي، رغم أنهما المتضرران الرئيسيان من إنقلاب الإنقاذ .. ويمثلان أكثر من تلثي أهل السودان ..
12-01-2010, 10:28 PM
Munir Munir
تاريخ التسجيل: 02-11-2002
مجموع المشاركات: 10496
وقوف الصادق والميرغني مع الحكومة بجماهيرهما يجنبان البلاد الفوضي التي ينشدها المتربصون ..
يجب أن تكون الكلمة العليا في تحديد مسير البلاد لجماهير الداخل التي تكتوي بنيران التحريض الخارجي والحصار الذي يؤججه القابعون بالخارج الذين استلموا بطاقات وجوازات بلاد معادية للسودان وأدوا قسم الولاء لها فأصبحوا أكثر ولاءً ووفاءً وإمتناناَ لبلدانهم الجديدة ..
12-01-2010, 10:26 PM
الصادق ضرار الصادق ضرار
تاريخ التسجيل: 11-05-2007
مجموع المشاركات: 2345
الاخ منير الناس تتحدث عن رئيس لا يستطيع القيام بواجباته . الى متى يستمر هذا الوضع ؟ ياخي حان الوقت للبحث عن بديل للسيد البشير .. غير ذلك اقول ان القادم احلى .
12-01-2010, 10:35 PM
Munir Munir
تاريخ التسجيل: 02-11-2002
مجموع المشاركات: 10496
Quote: الناس تتحدث عن رئيس لا يستطيع القيام بواجباته . الى متى يستمر هذا الوضع ؟ ياخي حان الوقت للبحث عن بديل للسيد البشير .. غير ذلك اقول ان القادم احلى .
وكيف ستأتي برئيس يقوم بواجباته؟؟ أن تعوِّم البلاد في الفوضي تحت رحمة جيوش قبلية وجهوية وعنصرية وايدلوجية ؟؟.. أم أن يأتينا كرزاي يبصم علي إملاءات أسياد من وراء البحار؟؟
دايرين البلد يجيبوا ليها حكام منبطحين جاهزين مستوردين من الخارج عشان طاحونة العنف تظل مدوِّرة؟؟ ؟؟!!!
12-01-2010, 10:44 PM
Mohamed Suleiman Mohamed Suleiman
تاريخ التسجيل: 11-28-2004
مجموع المشاركات: 20453
Quote: وكيف ستأتي برئيس يقوم بواجباته؟؟ أن تعوِّم البلاد في الفوضي تحت رحمة جيوش قبلية وجهوية وعنصرية وايدلوجية ؟؟.. أم أن يأتينا كرزاي يبصم علي إملاءات أسياد من وراء البحار؟؟
الرئيس البديل في هذه المرحلة يجب ان يكون من داخل حزب المؤتمر الوطني .. علي عثمان مثلاً حتى يستطيع ان يكمل مسيرة السلام في دارفور و الشرق . من بعد ذلك يستطيع الشعب السوداني ان يتواثق على نظام حكم رشيد يحفظ السودان كوطن .
و بالعدم لماذا لا تكونوا حكومة انتقالية برئاسة الصادق المهدي او الميرغني طالما ارتضيتهما حتى موعد صناديق الاقتراع ليقول الشعب كلمته . صدقني المستقبل مظلم للبشير و عصابته و كل يوم يضيق الخناق عليهم . كنت اتمنى لو ترك البشير السلطة و ذهب الى اوكامبوا برجليه .
___________ ما تقول لي على عثمان بردو اسمو مكتوب و الصادق / الميرغني بردهم كرزايات .
12-01-2010, 11:05 PM
Munir Munir
تاريخ التسجيل: 02-11-2002
مجموع المشاركات: 10496
Quote: الرئيس البديل في هذه المرحلة يجب ان يكون من داخل حزب المؤتمر الوطني .. علي عثمان مثلاً حتى يستطيع ان يكمل مسيرة السلام في دارفور و الشرق . من بعد ذلك يستطيع الشعب السوداني ان يتواثق على نظام حكم رشيد يحفظ السودان كوطن
وما الفرق بين علي عثمان والبشير؟؟ .. هل قضيتكم هي شخص البشير فقط ؟؟ .. القضية ليست أشخاص .. فإن المتآمرين الذين اختلقوا قضية المحكمة الجنائية لن يهدأ لهم بال إلاَّ بتحقيق أهدافهم وخلق مليون قضية جديدة .. والمؤكد هو ان أهدافهم ليست استقرار السودان ورفاهيته .. هذا صراع كوني أزلي ياخوي .. إن كنت تظن أنك في مأمن لأنك في الضفة الموالية لهم فمصيرك تصحو من هذه الخدعة الكبيرة يوماً ما .. إن لم يكن في هذه الدنيا فغداً يوم الحساب ..
12-01-2010, 11:12 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
البشير هو قمة هرم قوات الشعب المسلحة - و القوات المسلحة هي القلعة القومية الوحيدة التي تبقت وسط الجهويات والمليشيات التي انتشرت كالسرطان .. وهي القلعة الوحيدة المتماسكة التي تبذل جهوداً خارقة بإنتشارها في مليون ميل مربع رغم وعورة البلاد وقلة إمكانياتها .. فكيف نفرط في هذا الصرح القومي بضربه في رأسه وقطع رقبته؟؟ .. الإستهداف الأوكامبي للبشير الغرض منه إدانة الجيش وضربه وتفتيته من قمته ليتحول لمليشيات متطاحنة بإنتماءات جديدة .. إنها خطة شيطانية رهيبة مكشوفة ..
إنه لأمر عجاب أن يُدان جيش بلاد ما علي قيامه بواجبه داخل حدود دولته، بينما يُشجع ويٌصفق لجيوش الدول الكبري حينما تعبر القارات لتصب القنابل اليورانيومية والفسفورية علي رؤوس الشعوب المستضعفة في مشاهد متلفزة أمام أنظار العالم !!!!! ..
12-01-2010, 11:46 PM
jini jini
تاريخ التسجيل: 02-05-2002
مجموع المشاركات: 30716
ضرورى وليس كافى على الاقل ابطال ذريعة واحراج المجتمع الدولى عارف حتقول لى ستخرج لستة جديدة! اىا كانت المبررات ما الفائدة فى رئيس عبئ على وطنه وحزبه! اذا كان كضيف لمدة 48 ساعة على ليبيا لم تحتمله فما بالك بوطن ظل يجثم على صدره ويكتم انفاسه لنيف وعشرين عاما! عندما يدخل السودان شرنقة الفصل السابع ويتاكل حتى يصل الى امارة المقرن الاسلامية ومقر ادارتها مسجد الشهيد فيومها سنعرف الله واحد! جنى
12-02-2010, 00:06 AM
Munir Munir
تاريخ التسجيل: 02-11-2002
مجموع المشاركات: 10496
طيب ما تراك عارف .. طيب لزومه شنو الإنبطاح؟؟يعني الانبطاحة لو مرقتك الليلة بكرة حتمرقك؟؟
Quote: ما الفائدة فى رئيس عبئ على وطنه وحزبه!
عبء علي وطنه كيف؟؟ وليبية شنو وقذافي شنو كمان البنقيس بضيافته ٤٨ ساعة؟؟ يعني إنت هسه شايف إنو اليشير عبء وماشايف اللؤم بتاع القذافي ورخاسته؟؟ .. هل إنت لو كنت زول كريم وإبن كرام تدعو ليك ضيف وحين يهددك آخرون تقوم تنط من دعوتك و تقول ليهو ما تجي ؟؟ دي أخلاق رجال دي؟؟ ومعقول زول كده حقاني وود أصول يقوم في الحصل ده يلوم الضيف ويتغاضي عن المضيف الرخيس؟؟ ..
12-01-2010, 11:39 PM
Munir Munir
تاريخ التسجيل: 02-11-2002
مجموع المشاركات: 10496
حديثك حول البشير مليان عاطفة واماني، والدول لاتدار بالعواطف والامنيات الدول يا منير تدار بالمؤسسات والقانون. حديثك عن سوداني المنافي طشاش رصاصه قد يصيبك انت نفسك، وجانبك الصواب فيه وكل من استند عليه في دفاعك عن سعادة العميد البشير، هو نتاج نظامه هو السودانيين بالمنافي نتاج سياستهم، مطاردة اوكامبو ايضا، دخول البلاد كلها في عنق الزجاجة، والتشظي نتاج سياستهم. نعم سندخل اهالينا وجمهرة السودانيين الضل ليستظلوا من نار الرمضاء التي ادخلها فيهم الاسلامويين. ومن حقنا واهالينا أن نقولها بالفم المليان أذهبوا ببشيركم واعملوا قصائد المدح فيه وحواء اهالينا ولود بمن يقوم بالامر، ويعمل المؤسسات والقانون فينا.
ودمت علي خير.
12-01-2010, 11:58 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
منير يا صديق سلامات، لا شك البلد في حالة حرجة، وقد لاتكون حقيقة لا مجاز.. الكيزان جاءتهم الفرصة لكي يشركوا الناس في مصيرها، وهم يعلمون قبل غيرهم كمية الأخطار المحدقه بها، أقلها ما سوف يترتب على حق تقرير المصير، وغير ذلك من الأجسام المسلحة الكثيرة، وكلها قنابل موقوته تنتظر ساعة الإنفجار، ولكنهم نظروا لموارد الدولة ومشاركة غيرهم فيها، "فخجوا" الإنتخابات خجاً أقروا به أنفسهم، وآلت لهم السلطة بمواردها وبمشاكلها.. إلى متى يا منير الناس تصير رهائن لفعائل الكيزان الشيطانية تحت مسمى الوطن؟ وهل وقوف الميرغني والمهدي سيغير من هذا النهج الخاطيء الذي يمشي فيه الكيزان؟ يا صاحب لا تحمل من هو خارج السلطة أخطاء السلطة.. ___ المؤتمر الوطني زي الشافع المدلع، كل يخرب حاجة، ويأتي أهله بالبديل، دون عقاب..
12-02-2010, 00:22 AM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
رغم ما قد شاب الانتخابات من دعاوي التزوير، إلاّ أننا يمكننا أن نقول أنه أتيحت الفرصة الحقيقية للمشاركة في السلطة للأحزاب، حتي ولو جزئياً، ولكن الأحزاب قاطعت الإنتخابات واستبقتها بتهمة التزوير حتي قبل أن تبدأ .. ولقد أحبطني الصادق المهدي بمقاطعة الانتخابات رغم أنه صرَّح بأنه تكفيهم نسبة محدودة من نزاهة الانتخابات .. وفي هذا الظرف الحرج كان يجب أن تشارك الأحزاب في إنجاح خطوة الانتخابات والعافية درجات .. لأن المقاطعة تعني البديل العنيف والذي نعلم نتائجه .. ياخي العنف ينجب العنف المضاد وهو ما نريد تفاديه ..
هو بالمناسبة، الصراع علي السلطة ده الغرض منه شنو؟؟ إقتسام السلطة؟ إقتسام الثروة؟؟ ومن سيقتسم السلطة؟ ومن سيقتسم الثروة؟؟ الشعب؟؟ لا .. المصطرعون هم من سيقتسمون السلطة والثروة .. والشعب يطلع كيت .. إذن الشعب ما عنده مصلحة في تغيير السلطة ومافي حاجة جاياهو من الثروة .. وعشان كده عامل نايم وما انتفض للتغيير .. وأهو زي ماشايف .. تحصل مصالحات وسلام يدخل قادة المتصارعين للقصر الجمهوري ويستمتعوا بشوية سلطة وثروة والشعب يرموه بايظ - بلغة الكتشينة - .. والمصطرعون يشوفوا سلطانهم ما كفاية يمرقوا تاني ويعارضوا عشان يجوا في مواقع أعلي وشروط جديدة .. وهكذا دواليك ..
نحن تعبنا من هذه اللعبة التي تزهق فيها الأرواح ..
12-02-2010, 01:03 AM
jini jini
تاريخ التسجيل: 02-05-2002
مجموع المشاركات: 30716
Quote: طيب ما تراك عارف .. طيب لزومه شنو الإنبطاح؟؟يعني الانبطاحة لو مرقتك الليلة بكرة حتمرقك؟؟
تعرف يا منير انت زى واحد يكون عنده دورة كروية فى بلده وترفض فيها كل المنتخبات مشاركة منتخب معين وتهدد بالمقاطعة اذا حضر ويطلب منير من الدولة المضيفة ان تصر على حضور المنتخب المغضوب عليه وطظ فى الاخرين ومن ثم يتم قيام الدورة بمن حضر مباراة ودية بين السودان وليبيا! يا شيخنا فى اجتماعت جانبية على هامش القمة فيها مصالح اقتصادية لليبيا لماذا تقف مع البشير الملاحق بضرب شعبه! بعين لبشير راجل انقلابى لماذا يدافع عنه السودان! راجل كل كلامه جبناها بالقوة والبلاقيك مشمر لاقيه عريان وبوت وجزمة وموصو واشربوا وابلعو ناشف! خليهو يخم ويصر ! الفضيحة الاكبر ان بلده التى اقسم على حماية ترابه تتشظى فى عهده! جنى
12-02-2010, 01:09 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
Quote: تعرف يا منير انت زى واحد يكون عنده دورة كروية فى بلده وترفض فيها كل المنتخبات مشاركة منتخب معين وتهدد بالمقاطعة اذا حضر ويطلب منير من الدولة المضيفة ان تصر على حضور المنتخب المغضوب عليه وطظ فى الاخرين ومن ثم يتم قيام الدورة بمن حضر مباراة ودية بين السودان وليبيا! يا شيخنا فى اجتماعت جانبية على هامش القمة فيها مصالح اقتصادية لليبيا لماذا تقف مع البشير الملاحق بضرب شعبه!
يعني يا جني إنت ما عندك مشكلة مع عدم المروءة والبيع الرخيس .. دي ياخوي قضية مبدئية أخلاقية في أساسها .. وأنا لو عزمت منتخبات وقاموا قالوا لي ما دايرين لو المنتخب الفلاني جاء، في الوكت الأكون أنا مسبقاً أديت كلمة، حأقول ليهم عنكم ماجيتوا .. في ستين داهية ..إن شاء الله المناسبة تطرشق زاتو.. خاصة إذا أنا كنت طارح نفسي طاؤوس وملك ملوك ..
يا جني إنت مدرك لعمق المشكلة وأبعادها الكونية . لكين نفسك قصير، وعندك الاستعداد المبكر للإستسلام .. وأنا عاوز أقول ليك إنو الاستسلام ما حيكون نهاية الفلم ..وما حيحل ليك المشكلة .. وأصلو الناس ديل مشكلتهم ليست البشير في عضمه ده .. وزي ما قلتها براك حيطلعوا لستة تانية .. أسع لو البشير مشي سلَّم نفسه حيطلعوا بحجج تانية وتالتة إلي مالانهاية .. لأنو زي ما قلت ليك أن الصورة الكبري فيها تحديات كونية وهي دينية في أساسها .. وما تفتكر أن الصراعات الفكرية بين الأديان التي يمتلئ بها القرآن دي مذكورة عبث .. ده مصير الكون والحياة وما بعد الموت .. وهناك أقوام شغالين فيه بتنظيم عالمي مسيطر علي العالم و..و.. لو إنت بتظن أن الحياة أكل وشراب وتجارة ومصالح فقط، فإن هناك أعادي مستعدين يبيدوا العالم عشان يقيموا هيكل سليمان في مساحة لا تتعدي المية متر .. خت في بالك البعد الروحاني والمعنوي للحياة ولا تظن أن الحياة هي فقط استيراد وتصدير وبوليصات شحن وفك وتركيب ..
12-02-2010, 02:47 AM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
بصراحة كنت في السابق أظن أنّ السودانيين واعون جداً ومثقّفون جداً ولن يتوانوا في خدمة الوطن ولن ينزلقوا في صراعات مفروضة عليهم من خارج الحدود
وأنّ السياسة تجري في دم السوداني مجرى الدم في العروق
وأّنّهم يتعلمون من تجارب الأمم والشعوب التي مرّت بتجارب مريرة وصراعات طويلة ما زالت مستمرّة إلى يومنا هذا في كل من العراق وأفغانستان والصومال
وعندما جاءت الانتخابات تصوّرت أنّ لحظة عودة الأحزاب القوية قد آنت وأنّهم سيعملون جهدهم للتحوّل الديموقراطي عبر الآليات الديموقراطية التي طالما تغنوا بها طويلا وكثيراً
ولكن ............
خيبة أمل كبيرة في السياسة والساسة ومن يتسمون بأهل السياسة
ولكن ............
الحكومة المنتخبة جماهيرياً الأن هي برئاسة البشير وهي الشرعية الوحيدة والصحيحة إلى الفترة الانتخابية الجديدة بعد اربع أعوام ويزيد من الأن
أي ضرر يصيب هذه الحكومة يضر بمصالح الشعب السوداني الذي ارتضاها حاكماً له وخوّلها الحفاظ على أمنه وسلامة ارضه
تحياتي وتقديري كمال
12-02-2010, 01:41 AM
jini jini
تاريخ التسجيل: 02-05-2002
مجموع المشاركات: 30716
Quote: الحكومة المنتخبة جماهيرياً الأن هي برئاسة البشير وهي الشرعية الوحيدة والصحيحة إلى الفترة الانتخابية الجديدة بعد اربع أعوام ويزيد من الأن
شنو شنو؟ المنتخبة جماهيرياً والشرعية الوحيدة والصحيحة كمان؟ ____ يا فرانكلي كنت أظنك أفضل بعض الشيء من عينة ناس ود الباوقة والسيدح ومحمد فرح ...إلخ، ولكنك خيبت ظني وطلعت أزرط منهم! إن كان بإبريقك ماء توضأ يا رجل، حديثك أعلاه يتوجّب الطهارة..
12-02-2010, 02:31 AM
abuarafa abuarafa
تاريخ التسجيل: 05-20-2003
مجموع المشاركات: 962
Quote: وكيف ستأتي برئيس يقوم بواجباته؟؟ أن تعوِّم البلاد في الفوضي تحت رحمة جيوش قبلية وجهوية وعنصرية وايدلوجية ؟؟ . أم أن يأتينا كرزاي يبصم علي إملاءات أسياد من وراء البحار؟؟
منير بوست شكلو وداع للبشير نهاية ماساوية للبشير لبداياته الخاطئة وسلوكه في الحكم اقل ما يوصف به انه بربري
12-03-2010, 11:43 PM
Frankly Frankly
تاريخ التسجيل: 02-05-2002
مجموع المشاركات: 35211
Quote: شنو شنو؟ المنتخبة جماهيرياً والشرعية الوحيدة والصحيحة كمان؟ ____ يا فرانكلي كنت أظنك أفضل بعض الشيء من عينة ناس ود الباوقة والسيدح ومحمد فرح ...إلخ، ولكنك خيبت ظني وطلعت أزرط منهم! إن كان بإبريقك ماء توضأ يا رجل، حديثك أعلاه يتوجّب الطهارة..
يا ياسر طيفور أنا عارف البعض هنا يحب أن يغرّد مع سرب الطيور
ولكنّي يا ياسر لا يهمني تغريد الطيور أو نوضلة المناتلين
أعبّر عن رأيي بكل صراحةVery Frankly تقبّه من تقبّله وغضب عن من أغضبه
حكومة البشير هي حكومة منتحبة جماهيرياً وهي الحكومة الشرعية الوحيدة ويجب على الجميع أن يعي ذلك ومن يوّد التغيير فعليه بتحريك الجماهير وتهيئتهم للإنتخابات القادمة
أي عمل غير هذا هو عمل مخالف للديموقراطية التي يتشدّق بها المنتوضلين
فتّك بعافية
فقط قفبلها دعني أقول
أنّ ود الباوقة والسيدح ومحمد فرح خير منّي ومنك حزبياً
على الأقل هم يدافعون عن خط حزبهم بينما نتناكف نحن حول مبادئ الوطنية والأولويات والمهمات تجاه الوطن
Quote: .. وجود البشير في رئاسة الدولة صمام أمان للبلاد ..
والله حيرتني يا منير أنار الله بصيرتك وطريقك
كيف يكون رئيس معوق صمام أمان؟؟؟ ياخ حواء السودان لم تصاب بالعقم... والسودان ما المهدي والميرغني والبشير....
إنت منير ده ما ممكن تكون بديل للمعوق؟؟
وخلينا في إطار المؤتمر الزفت... مش ممكن يقيلوه ولا يخلوه يستقيل ولا طيارات الجن القرضوا بيها من قضوا نحبهم شهداء إعلامياً وبقدرة قادر بقت ما بطير؟؟؟؟
ياخ ليه مؤتمر السجم ما يجيب واحد منهم يكون مقبول داخلياً وخارجياً ونحنا تطير عيشتنا،،، (إنشاء الله بالكضب)....
يا منير قبل ساعات كنت بتناقش مع قريباً لي من عتاة الجبهجية بل لعب أدوار هامة منذ السبعينات في التنظيم.... يتفق معي في الفساد ثم يزوغ ويلجأ إلى اللعب باللغة وهو متخصص بها بل يحمل درجة الدكتوراة في تدريسها لغير الناطقين بها... خبر والخبر في اللغة وما أدراك ما ذاك وتلك وحتى....
Quote: أوكي .. الظاهر علي أنا بعاين للكتابة وإنت بتعاين للطُّرة .. فتك بعافية .. النوم أخير ..
بالله بعد بوستك القلنا صحوة ضمير لمنير تجى تقول صمام امان لمن اتهمته بعدم الامانة! منو فينا البعاين للكتابة ومنو فينا البعاين للطرة ومنو فينا اخير ينوم!
Quote: ماالذي منعك من محاسبته حيث كنت تعلم؟؟ .. ما منعك من محاكمته حين كان حليفك؟؟ ولماذا تبوح بذلك الآن فقط ؟؟
ولماذا أيضاً لم تحاسب الترابي في حديث الغرابية؟؟ ..
..
لماذا قبضتم علي عارضي الأزياء ومكياجهم وأنت شغال تصبِّغ في صلعتك ودقنك ؟؟ .. ولماذا تهاجمون حفلات بيت الفنون وأنتم شغالين صفقة ورقيص بث مباشر في الفضاء الكوني؟؟
إتسق لو كنت تخاف ربك -
ولا تنس أن تحترم عقول الجماهير حتي لا يسلموك لأوكامبو حين تكثر دلالات خيانة الأمانة !!! ..
دا موش كلامك فى المشير الحاج عمر فى البوست اعلاه نسيتو ولا نسيت الارشفة ولا اخدت قرصة! جنى
12-02-2010, 10:12 PM
Munir Munir
تاريخ التسجيل: 02-11-2002
مجموع المشاركات: 10496
Quote: دا موش كلامك فى المشير الحاج عمر فى البوست اعلاه نسيتو ولا نسيت الارشفة ولا اخدت قرصة
أنا مازلت عند كلامي ولم يتغير رأيي في البشير كشخص أرتكب ما ارتكب من أخطاء وموبقات .. ولا تظن أني نسيت ما كتبته .. وكنت متوقع مثل جيبتك لهذا البوست وغيره ..
لكن قضيتي ليست في شخص البشير ولست مثل قصيري النظر أمثالك الذين يظنون أن ذهاب البشير سينهي مشاكل السودان .. البشير علي رأس المؤسسة العسكرية التي لو إنفرط عقدها فلن يتلملم مرة أخري .. إتهام البشير بواسطة محكمة الجنايات تعني إتهام الجيش السوداني كله.. وتعني أن علي الجيش أن يقف مكتوف الأيدي ولا يحارب أي تمرد داخل حدوده حتي لو كان مدعوماً من خارج الحدود .. بالنسبة لي يهمني أن تظل البلاد متماسكة .. ولا يتم التغيير إلاّ بإنتخابات أو إنتفاضة شعبية من الداخل ، لو إنتو أصلو مشكلتكم في البشير في عضمه ده .. لكين بكرزايات وأوكامبويات وجيوش جهوية وعنصرية فلا وألف لا .. والعاقل من اتعظ بغيره ..
أنت إنسان يائس ومستسلم ومثلك الأعلي هو مثل العميل المنبطح عبدالرحمن الراشد .. عاوز تنبطح بأي طريقة وتسلم أمرك لأعدائك عشان ترتاح من المواجهة .. غالبك تناهض الحكومة وكاره للشريعة وفي نفس الوكت مفني عمرك في بلد الشريعة وكمان تشكِّر فيها !!! .. داير تموت عشان ما يحصل إنفصال ، تصبصب في دموع التماسيح وكل بكائك ده ليس حرصاً علي الجنوبيين، ولا عشان خاطر عيونهم.. بل عاوزهم يبقوا ليك درقة من أهل القبلة .. دايرهم في البلد كلادينيين ومسيحين لكي يظل الضغط الغربي المسيحي علي السودان بدعوي حمايتهم، ومن ثم حمايتك أنت ..كما ذكرتَ هنا:
Quote: ساظل احلم بالوحدة لاخر يوم لان هؤلاء الاماجد لولا تواجدهم معنا لاذاقنا هؤلاء القرامطة الويل ولكن بوجودهم معنا استقطبوا لنا تعاطفا عالميا اجبر هؤلاء الجلاوزة على ارخاء قبضتهم الممسكة بتلابيبنا تكاد تزهق ارواحنا ونبتهل الى الله ان يترفق بنا من القبضة الطالبانية بعد رحيل هؤلاء الاشاوس!
Quote: ساظل احلم بالوحدة لاخر يوم لان هؤلاء الاماجد لولا تواجدهم معنا لاذاقنا هؤلاء القرامطة الويل ولكن بوجودهم معنا استقطبوا لنا تعاطفا عالميا اجبر هؤلاء الجلاوزة على ارخاء قبضتهم الممسكة بتلابيبنا تكاد تزهق ارواحنا ونبتهل الى الله ان يترفق بنا من القبضة الطالبانية بعد رحيل هؤلاء الاشاوس!
وتانى بقولوا ما الخطا فى ذلك! انا اؤمن بالتنوع وارى القوة فيه ولا زلت ابتهل الى الله ان يترفق بنا! وهل يخشى هؤلاء القرامطة الا الامريكان يتجسسون لهم على اخوتهم فى الدين! جنى
12-02-2010, 10:28 PM
jini jini
تاريخ التسجيل: 02-05-2002
مجموع المشاركات: 30716
Quote: لكن قضيتي ليست في شخص البشير ولست مثل قصيري النظر أمثالك الذين يظنون أن ذهاب البشير سينهي مشاكل السودان .. البشير علي رأس المؤسسة العسكرية التي لو إنفرط عقدها فلن يتلملم مرة أخري .. إتهام البشير بواسطة محكمة الجنايات تعني إتهام الجيش السوداني كله.. وتعني أن علي الجيش أن يقف مكتوف الأيدي ولا يحارب أي تمرد داخل حدوده حتي لو كان مدعوماً من خارج الحدود ..
ومتى قلت ان ذهاب البشير سينهى مشاكل السودان! انا قلت ان ذهابه ضرورى وليس كافيا! نسيسرى بط نوط صفشنت! البشير جزء من المشكلة ولن يكون الحل وقلت انه ذريعة وسيادته منقوصة وقدراته محدودة وفى الاخر بيرسونا نن قراتا اى شخص غير مرغوب فيه! جنى
Quote: لماذا قبضتم علي عارضي الأزياء ومكياجهم وأنت شغال تصبِّغ في صلعتك ودقنك ؟؟ .. ولماذا تهاجمون حفلات بيت الفنون وأنتم شغالين صفقة ورقيص بث مباشر في الفضاء الكوني؟؟
Quote: الجماهير دي صانَّة كده لأنها حاسة بأن أوكامبو حقّار .. حقر بيها وبالسودان .. ولكن لو زاد استهبالك ليها وقعدت كل يوم تكتشف البلاوي فسيبلغ السيل الزبي .. وكل شئ ولا تخلي السيل يبلغ الزبي .. لأنه حينها ستتهاوي قلعتك كما تهاوت قلعة نميري كالدومينو ..
علي الأقل نميري لقي بلد تأويه .. فأين ستذهب أنت؟؟ ..
Quote: دائماً الجماهير بتترك هامش عذر للرئيس بإفتراض أن بطانته يزينون له الباطل ويُخفون عنه الجرائم !! .. ولكن حينما يتضح رويداَ رويداً أن العيب ليس في البطانة فقط بل في الرئاسة ذاتها ، وذلك حين يتكشَّف مثل هذا المسكوت عنه كطريق الغرب وحديث الترابي، فسينهار كلياً أي هامش عذر للرئيس ويقترب السيل من الزبي !!!..
Quote: لو كنت تخاف الله وصادق في شريعتك يا عمر البشير كان تقيم عليه الحد طوالي .. لماذا تكتمت علي السرقة وأغمضت عينيك عن تطبيق شريعتك التي تتبجح بها كل يوم ؟؟
Quote: غايتو يا جني ساعة شفته يخاطب الجماهير مع زنقة أوكامبو وهو يردد بصوت متهدج و يكاد يبكي ويقول "لو ما جيت من زي ديل كان أسفاي وا مأساتي وااا ذلي" تتحير كيف رب العالمين لو أراد إذلالك ممكن يجيبها ليك متلفزة لايف !! ..
طيب ياخ الواقفين معاك ديل ومتضاري فيهم من أوكامبو مش مفروض تبرهم شوية وتحارب الحرامية البيسرقوا حقهم حتي ولو كانوا ذوي قربي ؟؟ !!! .. لا تجامل اصحابك علي حساب الشعب البتتباكي ليهو ده ياخ..
قال وا ماساتي وا ذلِّي ..
ذلة أكتر من كده كيف؟
Quote:
أخي ود الشعبية الفاضل يسين .. مرحباً بالطَّلة ..
البشير ليس مؤهلاًَ أخلاقياً ، فإذا تغاضينا عن الإنقلاب ذاته سنة ٨٩ وقلنا إجتهاد أراد به تطبيق نظرية .. كان عليه أن يبقي قدر كلمته وقدر نظريته.. كتل واحد عشان حفنة دولارات مفروض يكتل تجار الدولارات كلهم .. مش يسرق الضعيف (مع إنو الضعيف لم يسرق) يقام عليه الحد ، وحين يسرق الشريف يخلوها مستورة !!! .. ولو خلوها مستورة كمان للأبد كان أحسن بالنسبة ليهو ليترك لنفسه ال benefit of doubt مش يظن نفسه أنه بإتهامه لحليفه السابق فإنه يبرئ نفسه .. منتهي الغباء ..
علي الحاج ده مش ياهو الزمان كان موصِّل جيد للكهرباء من الجامع لبيته زمن الديمقراطية؟؟ يبقي ما بعيد يمد إيده علي قروش السكر .. لكين تعال شوف قوة العين وخلوها مستورة .. لا عرّاب الحكومة الترابي ولا حواره البشير ولا خليل ابراهيم ولا المحبوب عبدالسلام قالوا بِغِم .. خلوها مستورة وعملوا نايمين لغاية ما اقتضي الكيد السياسي إفتضاح المستور فأنقلبوا علي بعضهم يتلاومون ..
يا منير لقد قلت فى البشير ما لم يقله مالك فى الخمر! لن تكون صادقا فى البوستين فانت كاذب فى احدهما! جنى
إنت تاعب نفسك ومقوِّم نفَسك مالك؟ مش جبت رابط البوست ؟؟ وإنت قايلني ناطي من كلامي الكاتبو ده ؟؟ وبقوله ليك لليلة ولي باكر .. .. وأصلاً أنا لست مدلفعاً عن شخصيته الأخلاقية .. وإنما عن هيكل الدولة التي تتربص بها الضباع .. ولو أصلو بقت علي الأخلاق ترانا شايفين الطارحين نفسهم كبديل هنا .. كذب وتزوير وإنحطاط وتجسس وقوالات وبهتان وعنصرية .. يعني يمرق البشير عشان ينطوا فيها حرامية جدد ناوين يبدأوا يدوِّروا الساقية من جديد ؟؟ ..
ما إنت ها بتقول إزاحته ضرورية ولكنها ليست كافية .. وما هي الكفاية بالنسبة ليك؟؟ إزاحة النظام كله ، مش كده؟؟ طيب.. إذا اتفقنا معاك، أمشي بينا خطوة لقدام وارسم لينا سيناريو لهذه الإزاحة بدون ما تكسِّر العدة .. واللاَّ بس ده ياهو حدَّك هنا وماك ناوي تفكِّر للخطوة القدام ..
البشير لو حرامي ومجرم أو غيره فتجب محاسبته داخلياً .. وحين يقتنع الشعب أن الوقت قد حان يتصرف تلقائياً بإجماع تلقائي عفوي كما تصرَّف من قبل مرتين .. هل كان عبود متهم من جهات أجنبية؟ أم كانت علاقاته الخارجية أفضل ما تكون؟؟ هل كان نميري متهم من الخارج أم أنه كان صديق أمريكا؟؟ لماذا إذن ثار الشعب ضد عبود ونميري ولم يثر ضد البشير ، بالرغم أن البشير هو الأضعف خارجياً وتعاديه الدول الكبري لمدة عشرين سنة؟؟؟ لماذا يجد المساندة من جماهير الداخل ضد المحكمة الجنائية ، رغم أنها تعاني الجوع والمسقبة؟؟ السبب أن القضايا لها أولويات ..
المعارضة ضد الحكومة نوعين .. معارضة يسارية وعلمانية ذات اختلاف ايدلوجي مع حكومة الجبهة.. ومعارضة جهوية تنطلق من أسس مختلفة ليست ايدلوجية فكرية .. النوع الأول يريد إسقاط الحكومة بدون اللجوء للخيار الديمقراطي، بل يريدون فرض خيارهم الليبرالي العلماني بواسطة القوة الغربية الباطشة ويريدون إنتهاز فرصة غياب الديمقراطية وغياب خيار الشعب وتطبيق العلمانية قهراً ليجدها الناس كأمر واقع .. ولذلك قاطعوا التحول الديمقراطي لإفشاله .. النوع التاني - المعارضة الجهوية - أيضاً تريد إسقاط النظام بدون خيار الديمقراطية، إنما بالإستنصار بالبطش الخارجي ، وبرضو لفرض أمر واقع علي الجمهور .. إذن النوعين لايريدان التغيير الذي يتم عبر تأييد الجماهير، بل يريدانه تغييراً قهرياَ كما العراق وافغانستان .. وهما الحالتين اللتين نري مآسيهما يومياَ متصدرة الإعلام ..
12-03-2010, 04:39 PM
jini jini
تاريخ التسجيل: 02-05-2002
مجموع المشاركات: 30716
Quote: ومتى قلت ان ذهاب البشير سينهى مشاكل السودان! انا قلت ان ذهابه ضرورى وليس كافيا! نسيسرى بط نوط صفشنت! البشير جزء من المشكلة ولن يكون الحل وقلت انه ذريعة وسيادته منقوصة وقدراته محدودة وفى الاخر بيرسونا نن قراتا اى شخص غير مرغوب فيه!
وأضيف أن وجود البشير في دكة الحكم يعني المزيد من التمزق والإنقسام والتفريط في السيا أولدةوالتراب: فنظام الإنقاذ هو حكم سوداني يفرط في أرض سودانية لأجنبي فقد فرط: الفشقة وحلايب وسمح بضعفه وتهاونه لتشاد لتضرب وتذهب وإسرائيل تضرب وتمضي وأرتريا تتوغل في التراب الوطني والقوات الأجنبية تجوس في في البلاد فعن أي سيادة يتحدث هولاء ? --- النظام أدمن الركوع للخارج والاستجابة لروشتة الاجنبي واليكم ببعض الشواهد - ترك ملف حلايب حينما رفعوا عصاة محاولة إغتيال مبارك - حنث رئيسه بالقسم المغلظ بسماحه بدخول القوات الدولية -طرد حلفاءه من التنظيمات الاصولية إستجابة لضغوط الغرب!! ثم جاءت الجنائيةوضعف موقف الرئيس وأصبح عرضة للإبتزاز وتقديم التنازلات المهينة !! يأتي قريشن وكيري ووفد مجلس الإمن الدولي- معلنين وبلا مواربة رفضهم للإجتماع بالبشير داخل بلده ويرضخ البشير ويصمت والغريبة أنه ثار وزمجر لمجرد رفض دول أجنبية لحضوره إجتماعات دولة وسحب تمثيل السودان من مؤتمر ليبيا بينما سكت علي إهانة وفد مجلس الامن لمقابلته داخل بلده فأي ذل وهوان أكثر من هذا ! .......... نعم ياجني ذهاب البشير يعني سد الزرائع والتخلص من شخص أصبح يشكل عبء وحمولة زائدة ومن سياسي فرط في سياد ةبلده ومزق ووحدته وأذل شعبه!! البشير وطغمته هم أس الداء وهم سبب تفاقم أزمات بلادنا .....
الأخ منير خال الرئيس شخصيا يحذره من " الخطر الداخلى " ولمح الى درجة البوح أين يكمن الخطر على الرئيس !! يعنى ح تكون أكثر حرصا من خاله ؟ " أنظر حولك " على قول المصريين !!! أخيرا لا يمكن اختزال الوطن فى حزب سياسى وبالطبع لا يمكن تجسيد الوطن فى شخص أو أشخاص .
12-23-2010, 02:35 PM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
Quote: المعارضة ضد الحكومة نوعين .. معارضة يسارية وعلمانية ذات اختلاف ايدلوجي مع حكومة الجبهة.. ومعارضة جهوية تنطلق من أسس مختلفة ليست ايدلوجية فكرية .. النوع الأول يريد إسقاط الحكومة بدون اللجوء للخيار الديمقراطي، بل يريدون فرض خيارهم الليبرالي العلماني بواسطة القوة الغربية الباطشة ويريدون إنتهاز فرصة غياب الديمقراطية وغياب خيار الشعب وتطبيق العلمانية قهراً ليجدها الناس كأمر واقع .. ولذلك قاطعوا التحول الديمقراطي لإفشاله .. النوع التاني - المعارضة الجهوية - أيضاً تريد إسقاط النظام بدون خيار الديمقراطية، إنما بالإستنصار بالبطش الخارجي ، وبرضو لفرض أمر واقع علي الجمهور .. إذن النوعين لايريدان التغيير الذي يتم عبر تأييد الجماهير، بل يريدانه تغييراً قهرياَ كما العراق وافغانستان .. وهما الحالتين اللتين نري مآسيهما يومياَ متصدرة الإعلام ..
ما عارف انت بتتكلم عن منو لمن تتحدث عن التيار العلماني الليبرالي ؟؟ لأنو هذا التيار بالضبط لم يقاطع الانتخابات بل شارك فيها وتعرضنا للهجوم من جراء ذلك حزب المؤتمر السوداني + حزب الوطني الاتحادي + حزب التحالف الوطني السوداني + الحزب الديمقراطي الليبرالي وهي التي تشكل القوة الاساسية في التيار العلماني الليبرالي شاركت في الانتخابات على كل المستويات بما فيها رئاسة الجمهورية (عبد العزيز خالد) ولم تنسحب .
من انسحبوا هم الشيوعيون وحزب الامة والاتحادي ؛ فهل هؤلاء هم الليبراليون العلمانيون ؟؟ الحركة الشعبية ( لم يعلنوا اطلاقا انهم علمانيون ليبراليون ) انسحبوا في مناطق ولم ينسحبوا في اخرى ( النيل الازرق وجنوب كردفان) ولم يكن هذا الامر مرتبطا بخيار الديمقراطية وانما بالصراعات الداخلية للحركة وانكفاء قيادتها جنوبيا ..
نحن كحزب ديمقراطي ليبرالي نرفض تماما اي تدخل خارجي مسلح في السودان ولن نشارك فيه ولن ندعمه اذا تم ..
12-23-2010, 03:54 PM
amin siddig amin siddig
تاريخ التسجيل: 07-21-2007
مجموع المشاركات: 1489
Quote: هذا صراع كوني أزلي ياخوي .. إن كنت تظن أنك في مأمن لأنك في الضفة الموالية لهم فمصيرك تصحو من هذه الخدعة الكبيرة يوماً ما .. إن لم يكن في هذه الدنيا فغداً يوم الحساب ..
أفتكر بعد ده العباره دي معارضي الإنقاذ ما مفروض يناقشوا
قال ليكم ده صراع كوني و أزلي ...و بتتحاسبوا عليهو يوم القيامة ..
يعني يجي الملاك شايل ليهو سوط زي بتاع قدو قدو ...
من ربك ... من نبيك ... بعد داك يقول ليك من رئيسك ... تجاوب أي إجابة غير عمر البشير الملك يديك سوط و كف و يرميك في النار
و إسحق أحمد فضل الله يكون متكئ بي هناك بتفرج و بيضحك فيكم و حوله الحوريات ...
12-23-2010, 04:25 PM
Munir Munir
تاريخ التسجيل: 02-11-2002
مجموع المشاركات: 10496
ملحوظة صغيرة وهي: الليبرالية المقصودة هنا هي 'المفاهيم' وليس 'أسماء الأحزاب' .. فكل الأحزاب التي تدعو للعلمانية هي by definitionتدعو لليبرالية .. و'ليبرالية' حسب فهمي تضاد للمفاهيم التي تدعو لتقييد حرية الفرد بالقوانين والأعراف الدينية - كما في السودان كمثال - ويمكن تطبيق التصنيف الأنا ذكرته حتي علي أحزابنا الكبري -الأمة والاتحادي - .. ففي داخل هذين الحزبين تجد أن التيارات التي تدعو للعلمانية هي التي تتصدر المواقف المضادة للحكومة بينما تجد أن قياداتها الدينية وجماهيرها لا تمانع في الإحتكام للقوانين الإسلامية إن أتت بإجماع ديمقراطي .. ..
إذن رغم أني فصلت العبارتين - علمانية وليبرالية - إلاّ أن المفاهيم متشابهة أو قل متطابقة أساسها فصل القوانين الدينية عن التشريع ، والإحتكام لقوانين وضعية ..
يعني ياعادل إسم حزبك 'ليبرالي' لا يجعله unique يحتكر المفهوم الليبرالي بل هو أصلاً نسخة ل'علماني' مع تغيير حروف الإسم بنطق الكلمة الانقليزية بالعربي - نظام وهمة استلابية لا غير ..
Quote: نحن كحزب ديمقراطي ليبرالي نرفض تماما اي تدخل خارجي مسلح في السودان ولن نشارك فيه ولن ندعمه اذا تم ..
موقف إيجابي حسب تقديري -
12-23-2010, 11:08 PM
د.محمد بابكر د.محمد بابكر
تاريخ التسجيل: 07-16-2009
مجموع المشاركات: 6614
Quote: و القوات المسلحة هي القلعة القومية الوحيدة التي تبقت
الاخ منير بس عليك الله دى وقومية تلفزيون السودان حاول وقعم لى بالراحه البلد يا سيدى مختطفه وتعيش حالة الاستثناء بالكامل واظنك سمعت بالمثل البقول(الممطوره ما بتبالى من الرش) مع تحياتى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Munir
الصادق ضرار
Mohamed Suleiman
علاء الدين يوسف علي محمد
jini
الفاضل يسن عثمان
عبد المنعم سليمان
حيدر حسن ميرغني
Yassir Tayfour
Ashraf el-Halabi
Al-Shaygi
Frankly
abuarafa
abubakr salih
كمال عباس
Nazar Yousif
Abdel Aati
د.محمد بابكر
فيس بوك
تويتر
انستقرام
يوتيوب
بنتيريست