|
|
|
 Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: Alshafea Ibrahim)
|
| Quote: اها شفت اللعب كيف ، عقبالك - بس يا اخوي بعد ده اقولك نصيحة اصبر واحتسب ولا تعشم في هذا الشرف |
الشفيع اخوى قبل ايام وصلتنا نسيبة استاذنا مدنى العرضي المحامي ولا تنسى هى زوجة النقابي الفذ يوسف احمد المصطفي بالحصاحيصا الذي سجل له التاريخ الكثير من المواقف الوطنية ومنها قضية عنبر جودة الشهيرة .
يحدثني الاخ مدنى عن مشكلة مع نسيبته هذه يقول لى بعد ان كنا ناكل مع بعض في مائدة واحدة وصلتنا النسيبة في مسقط واصرت على عدم مشاركتي في الاكل حتى لا اراها تاكل .
سبحان الله
| |
 
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: خالد المحرب)
|
Quote: لان الطيور على اشكالها تقع ياسجم الرماد
ات كان داير الدلع ويوكلوك فى خشمك كان مشيت ناس
كلو من وايل وايل قفل الموبايل.
ديل يالطيب بعرفن قيمة الرجال الهم رجال .
عشان كده مابياكلن قدامن .
هذا الواقع لايتغير ابدا بالنسبه لهم .
وتجدهم متمسكين بيه من دون باقى افراد الاسره.
مع العلم بان النسيبه من المحارم الابديه للزوج
يحل لها الاكل وكل مايحل للمحرم . |
الله يديك العافية يا عشاء البايتات ومقنع الكاشفات انا معاك بالحيل في كلامك السمح ده لكن نشيل شيلتنا جايانا صواقع ربنا يصرفها مننا .
انا نسيبتي اكان شافتنى يا خالد اخوى ماشى تغطى وشها وتتضاير منى واكان صادفتنى في شارع تقطع الشارع لحدى اغيب منها _ وحرم متمنى ساى اشوفها تتجغم ليها في حاجة قدامي .
هيييييييييييع ام السمحة ام ولدى .
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: abubakr)
|
Quote: ألا لعنة الله على الشقق والسرير الدبل !!!
فالذي اخترع السرير الدبل هو واحد من أثقل
خلق الله طرا !!!
زمان يا الطيب كان الرجل يحترم نفسه ولا يختلط
بالنساء أبدا ... كانت حياة أبائنا وجدودنا كلها
في الديوان ولا يختلطون بنسائهم إلا فيما ندر .. أو
حينما تكون الليلة ليلتها فتأتي باللييييييييييل حاملة
كورية اللبن بالتمر وكورية الدلكة وكورية أخرى أظن فيها
أشياء لا يجوز أن تعرفوهااسمها (الكدايات) ... وخلال هذه الفترة
القصيرة تكون قد سألته ما تريده لبيتها وأولادها .. ثم ينوم
بعد ذلك قرير العين هانئا ولا يراها مرة أخرى إلا بعد ثلاثة أو أربعة أيام
ولهذا كانت أعمار أبائنا وجدودنا طويلة حيث كان يعمرون حتى بعد
المائة ,, فحياتهم كانت tenssion free و nagging free وكلام فارغ
free وشكل free ... وكذلك الملوك فإن كلا منهم ينام في جناحه الخاص
ولهذا يعمرون ... ويعيشون حياة سعيدة !!
ألا لحا الله الفقر وحياة الشقق والبيوت الصغيرة !!!!! |
هييييييع حرم ده اخوك القدامك ده تقول قريتني قراية يا طويل العمر
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
Quote: دة شنو دة ؟ تجيب اسمك من وين ؟ حتي اسمك مغرز مع التيمس بتاع عمك ؟
وتاكل معاك ؟ شنو ؟ما تعزما يشان تاكل استعمل معاها لغة الاشارة ؟
ليه التخلف دة ؟ نسيبة يعني شنو ؟ |
وووووووووووووب ياكا وياها البتاكل معاك عدييييييييل - انت يمكن من النوع البيلعب معاها كورة عدييييييل او النوع البيعمل مقص بعييييييييييد عشان يرمي الدامة ؟؟؟؟؟؟؟ او النوع البيقول لنسيبتو نمشى السباحة ووووووووووب منك انت او قد تكون نسيبتك النوع البيلبس البنطلون الجنز والتي شيرت وووووووووووووووووب خربتها يا حبيبي مرة واحدة .
ام احمد عليك الرسول تتفرجي في محن الدنيا زى ده نحن نديهو طلقة في راسو .
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: عفاف أبو حريرة)
|
Quote: ]وووووووووووووب ياكا وياها البتاكل معاك عدييييييييل - انت يمكن من النوع البيلعب معاها كورة عدييييييل او النوع البيعمل مقص بعييييييييييد عشان يرمي الدامة ؟؟؟؟؟؟؟ او النوع البيقول لنسيبتو نمشى السباحة ووووووووووب منك انت او قد تكون نسيبتك النوع البيلبس البنطلون الجنز والتي شيرت وووووووووووووووووب خربتها يا حبيبي مرة واحدة .
ام احمد عليك الرسول تتفرجي في محن الدنيا زى ده نحن نديهو طلقة في راسو |
الطيب دي صعبتها كتييييييييييييييييييييييير
ابوبكر الكلام دخل الحوش
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: abubakr)
|
| Quote: اكييييييد......اجيب ليك صور ....؟؟ |
يا حليك ما تضقت النسيبة البتجى بالليل تخت ليك اللبن بطرف تبروقتك حقت الصلاة . وما ضقت النسيبة البتفرش ليك البرش الدقة ( البرش الدقة ده يا الرطاني اجمل انواع البروش الملونة بضفيرة دقاااااااقة) ولا شفت النسيبة البتجيب ليك التبروقة السمحة محزمة وملزمة ترفعها ليك في تاتيبة البيت ( تاتيبة البيت هى الدقاقة التي توضع عليها القطية ) ويا حليلك الماضقت النسيبة المن المغرب تفتش ليك في لوازم السفر لدبى ؟؟؟؟؟؟؟؟؟ الفاروق معاى هنا!!!!!!
ولا عندك النسيبة البتجيب ليك القهوة في جبنة الفخار الحمراء بوقايتها ام سكسك الجميلة .
عز النسيبة يا باشمهندس تعرفو من طشتها الجديد والجردل الجنبو مليان موية تختو ليك في طرف سريرك وكمان الابريق المو خمج . يا حليل ايام زمان
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
| Quote: عز النسيبة يا باشمهندس تعرفو من طشتها الجديد والجردل الجنبو مليان موية تختو ليك في طرف سريرك وكمان الابريق المو خمج . يا حليل ايام زمان |
مبدء خطا... ليه النسيبة تخدم راجل بتها بالصورة دي ؟ من قلة الرجال ؟؟ ليه نسيبة الزوجة ما تسوي ليها كدة ؟ مفهوم تزغيط الرجل زي البط ومعاملته كانه من الفخار بتكسر وانه الملك الهمام ممنوع الكلام امامه جعله يظن انه متفضل متميز علي المراة وثبت اركان مجتمع ذكوري اضر ببلادنا ...
كان داير ايام زمان لم معاك الفارووق وانا اعمل ليكم متحف تعيشو فيهو ما فيهو انترنت ولا تلفون ولا راديو ولا تلفزيون ولا ماكدونالد ولا كنتكي ولا بتزا هت ولا حت ...
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: شادية الطيب)
|
Quote: بوست لذيذ ومضحك جدا
عندي جارتي من بنات القرى لما يكون عندها مناسبة بتدي الرجال الأكل أول وبعد ما ينتهوا تماما ويشربوا الشاي حتى ناكل نحنا ولما نقول ليها ليه هم احسن مننا في شنو تقول لينا انتن يا بنات البندر ما بتخجلن دايرات تاكلن قبل الرجال !!!
انا شخصيا امي بتاكل وتتونس وتتهازر مع زوجي زيه زي أخواني بالظبط |
الباشمهندس شادية الله يجازي محنك ضحكتينا
وتفتكري زولا فنانو المفضل (محمد منير) هل يعقل يطلع رحلة بدون مرافقة نسيبتو؟ وكمان يمكن وقت عروسو ما تتجاوب مع النغم في الرحلة تقوم نسيبتو تعاين ليهو بحناااااااان وتقول ليهو معليش يا حمادة : قام يتعزز الليمون عشان بالغت في ريدو يا الحمادة .
حيييييي انا من الكلام ده شادية اختى شوفو لى عروس من العينة دى سرييييييييييييع .
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
| Quote: كان داير ايام زمان لم معاك الفارووق وانا اعمل ليكم متحف تعيشو فيهو ما فيهو انترنت ولا تلفون ولا راديو ولا تلفزيون ولا ماكدونالد ولا كنتكي ولا بتزا هت ولا حت ... |
انت قايل ديل غير يقصرن اجلك بالضغط والسكري واللوكميا والعمى فيهن شنو.
على الطلاق يا بكوري قعدة وتحكرة في ضل الضحى الهابي وماخد تكية هبابي وعصيدة حااااااااااااااااااارة معها شطة خضراء على صحن وصينية نسيبة رااااااااااااااقية مغطاة بطبق مزخرف بالالوان الجميلة حرم رفعة الطبق ده افضل لى من قطع الشريط لتدشين برج مكة او ابراج اعمار كلها.
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: شادية الطيب)
|
| Quote: تجي حاجة بتول وتضرب مدام رنا وتجرها من شعرها الملون بخصل شقراء ؟ |
لالالالالالا مدام رنا يا باش قطعا تكون من اللائي يجدن حديث المخدات وبالتالي من اللائي يجدن فن استقطاب النسيبات بس في حالتنا تلك مدام رنا حتما تفتقر للادوات البيئية التي يمكن من خلالها مخابطة الحاجة بتول .
الحاجة بتول محتاجة لمسوحة بزيت سمسم ومحتاجة لمشاط ومحتاجة لقهوة الساعة 4 صباحا ومحتاجة يمسكوا ليها البقرة وقت تحلب فهل مدام رنا قادرة على مواجهة كل تلك التحديات البيئية ؟
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
كلام ساااااااااكت
Quote: أناوالحمد لله نسيبتي بتأكل معاي وبجيب إسمي
لكن يا شيقوق إنت ما ملاحظ بعض النسيبات بترتاح لواحد من رجال بنات واحد ما بترتاح ليهو لــــــمـــــــــاذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
عندنا نحن لانو البترتاح ليهو هو البمشى معاها الخلاء بكسر ليها الحطب بالفاس والبيحلب ليها البقرة والبينسى امو وابوهو بس يصنقر مقابل النسيبة وبتها .
الما برتاحوا ليهو ده الاضينة البجى بلقى الاكل وبياكل وبساهر في الكتشينة للصباح يخلي بتها متوحدة؟؟؟؟؟؟؟؟؟؟؟؟؟؟؟؟
كفاك ولا ازيدك
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
يا الطيب ارسى ليك على بر - من بداية البوست وانت اتخذت ليك مليون موقف ورينا انت ياتو واحد منهم
انت الحمش الهراش سي السيد على قول المصريين ؟ ولا انت البخلي ابوك وامك وتقابل النسيبة ؟
والنسيبة عندك مرة تشكرها ومرة تنبذها مرة في نظرك ست الكل والبتستاهل الخير كله ومرة المرة الشريرة العايزة تخرب بيت بتها !!
عارف يا الطيب في نسيبة تلقاها عاصمية ومتحضرة جدا ومثقفة جدا وبرضو ست بيت وبيتها مفتوح للضيوف وضيف الهجعة عندها ما بينوم بدون الضبيحة الما خمج وتساوي عشرة رجال في مواقفها ( وطبعا اكفي القدرة على فمها تطلع البت لأمها ) .
أها رايك شنو في نسيبة من النوع ده ؟؟
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: شادية الطيب)
|
| Quote: عارف يا الطيب في نسيبة تلقاها عاصمية ومتحضرة جدا ومثقفة جدا وبرضو ست بيت وبيتها مفتوح للضيوف وضيف الهجعة عندها ما بينوم بدون الضبيحة الما خمج وتساوي عشرة رجال في مواقفها ( وطبعا اكفي القدرة على فمها تطلع البت لأمها ) . |
يا باش صباحك نور
انا بتحدث عن ظواهر مؤلمة ماثلة امامي الان . هذا النموذج الذى تتحدثين عنه نادر جدا ولكنه نفسه يتعامل احيانا باذدواجية معايير - في بيتها الخاص هكذا وتدخلها في شئون بنتها ونسيبها شيى غير ( كما يقول الخليجيون) .
والنوع ده عادة بتكون شخصيتها قوية جدا تلقاها- يا شادية اختى - شايله مسطرتها لتسم خارطة طريق نسيبها كل صباح والنسيب المسكين بيقول حااااااااضر يا عمتو على العين والراس .
| |
|
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: شادية الطيب)
|
Quote: ولهذا كانت أعمار أبائنا وجدودنا طويلة حيث كان يعمرون حتى بعد
المائة ,, فحياتهم كانت tension free و nagging free وكلام فارغ
free وشكل free ... وكذلك الملوك فإن كلا منهم ينام في جناحه الخاص
ولهذا يعمرون ... ويعيشون حياة سعيدة !!
ألا لحا الله الفقر وحياة الشقق والبيوت الصغيرة !!!!! |
ياالفاروق ود حامد سلام عليك
عشان الكلام القتو دا صاحبك عمرو طويل ومتشبب
أنصحو ما يكافىء الحسنة بالسيئة
.. وهل جزاء الإحسان إلا الإحسان ..
وكمان أتهم نسيبتك وهى ميتة ( ترفع عليهو دعوى ).
Quote: مبدء خطا... ليه النسيبة تخدم راجل بتها بالصورة دي ؟ من قلة الرجال ؟؟ ليه نسيبة الزوجة ما تسوي ليها كدة ؟
|
كلاااام يا عوض دكام ... صح لسانك يا أبوبكر
والله أنا أكتشفت إننا نعيش حياة فى قمة الرقى
والإحترام المتبادل فى التعامل ( بدون مبالغة )
رغم زعم البعض بأن عدم التعليم عامل مؤثر
أنا كنت أعتقد فىهذا الكلام لكن بعد الشفتو وسمعتو
من بعض المتعلمين أرجع وأعتذر لحبوبتى وأقول
لها عند قبرها :ـ
بعد حصاد كل هذه السنين من الغربة أرجع وأنا
كلى إيمان ويقين بقولك ( القلم ... مابزيل بلم )
وصدق الشيخ عبد الله محمد عمر البنا حينما قال :ـ
فإن يكن بين أهل البدو منزلهم فإنهم ملأوا الأخلاق تمدينا
وباالطيب ياخوى الإحترام الذى ينبع من المحبة دى نعمة
تحمد ربك عليها ( ما ترفس النعمة ) حتى لايحل بك غضب
وتتزوج واحدة توريك ( شدر القضارف )
تحت السرير زى ماقال
عبد العزيز ولدى .. دلالة على الإمعان فى المستحيل
شدر قضارف وكمان قريب تحت السرير !!!!!
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
| Quote: يعني الواحدة لما تكون متعلمة ومثقفة يا الطيب معقولة تكون ما عارفة انه تدخلها في مشاكل وحياة بتها بتضر اكتر مما بتنفع |
شادية اختى امان يا القلم مرات ما بتزيل بلم . الحكمة في ادارة الامور نعمة من ربنا يا شادية . بعض منا جبلوا وفطروا على ادارة امورهم وهم لا يكتبون اسماءهم . وآخرون منا حصلوا على اعلى الدرجات العلمية وتتمنى ما يفتح فمه في اى مجلس حتى لا يجرح احساس ومشاعر الاخرين . صحيح يا باش لو تكامل العنصران آآآآآآآآآآه دى النعمة.
ويقيني الشواهد امامك لا تحصى .
معزتي
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
كلامك صح يا الطيب
وفي النهاية والخلاصة : الزوجة هي الاساس يعني لا نسيبة ولا حماة بتقدر تخرب بيت أو تهز فيه عمود لو ما لقت الباب مفتوح من بنتها صح ؟؟ يعني الرك على المدام اولا واخيرا وياما نسيبات حاولن وحاولن المستحيل مع ازواج بناتهن لكن لقن الصد من البنت نفسها وياما زوجات الواحدة تقطعه في حشاها براها وما تقول كلمة غلط عن زوجها قدام اهلها وبالعكس تديهم صورة عنه انه ملاك نازل من السما وخاتي القول وانه بيقدرهم وبيحترمهم كل التقدير والاحترام ونفس الكلام تعكسه لزوجها وبالتالي يعيش الكل في تبات ونبات بفضل حكمة ورجاحة عقل الزوجة
ولا ما كدة !!!
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: شادية الطيب)
|
| Quote: الزوجة هي الاساس يعني لا نسيبة ولا حماة بتقدر تخرب بيت أو تهز فيه عمود لو ما لقت الباب مفتوح من بنتها صح ؟؟ |
دعيني اختي شادية الا اقر بكلامك على اطلاقه . فاغلب النسيبات هن حجر الرحى لتلك العلاقة فإن رضين عنك تنسمت عبير متعة الزوجية مع زوجتك وان لم ينظرن اليك بعين الرضا فهذا بالطبع له تداعياته على تلك العلاقة .
امبارح بيتكلم معاى اخ صديق خفيف الظل وقال لى اسعد انسان البيكون عائش مع زوجته اليتيمة او الذي يكون معها في مكان قصيا ويغنى ليها انا ما بسيبو غرامك رضيان معاك بى شقاياااااااااااااا مع ليالي الغربة والشوق حنينو معايااااااااااا.
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
اعترض
وبشدة
يا الطيب صدقني لو ما الزوجة ادت مجال لأمها تحشر نفسها في كل امورها ما ممكن النسيبة من نفسها تحشر نفسها !! يعني لو البنت قفلت على نفسها ومشاكلها الباب مافي حد بيقدر يقتحم خصوصياتها حتى لو امها زاتها صح؟
اما البنت اللي كل ما حصل شيء راحت حكت لأمها فأكيد الام ح تتدخل وتعمل من الحبة قبة سواء رضت البنت أو ما رضت وما اعتقد انه كل النسيبات هن نساء حديديات أو حشريات ماعندهن شغلة غير التدخل في حياة النسابة بالعكس الظواهر دي بدت تقل مش تزيد ده لو ما حصل العكس ولقيت نسيبة بتدافع عن زوج بنتها قصاد بنتها نفسها وانا شخصيا شفت حالات زي دي بعيني
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
Quote: ليش ما تقل يا شادية اسمحى لى ان اخد من وقتك ليتسنى لك الاطلاع على هذا المقال الذى كتبته الاستاذة رباح الصادق عن الظواهر التي تفشت بسبب العنوسة المتزايدة . كتب رباح تقول :-
|
ممكن أعرف رباح كاتب ولا كاتبة ، راجل ولامرة ؟
مرة قلت كتبته .. وتانى قلت كتب رباح .
أكثر ما أعجبنى فى المقال أن سنتر الخرطوم
تمثل نصا راقصا .. لو كتبو غير كده كنت جضمتهم ليك
لأنو طه سليمان دا من جماعتنا ومابعرف الهابط ولا عندو هبوط
كلام ولا ما كلام ياعوض دكام ؟
سلم لى على أم أم عبدالله يطول عمرا .
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: سمية الحسن طلحة)
|
الملكة سمية
تصدقي زماااااااااااااان أنا اشتغلت مدرس ,,,
مدرس ابتدائي لمدة تلاتة شهور قبل الثانوي في منطقتكم
دي ... أظن كان اسمها أم شانق ...
أتذكر مرة جاني ولد قال لي في تلميذ بسن في سكينه
عايز يضبح زميله ! ناديتهم الاتنين وسألت الولد صاحب
السكين : صحي عايز تضبحه ؟ قال لي آي !!
طيب ليه يا الحسن ..؟ قال لي عشان شتم ليّ ناقتي !!!!!
قضحكت وقلت ليه : طيب ما يشتمها !! هل ده سبب عشان تشاكله
خليك من تضبحه ... وطلبت السوط من مكتب الناظر أتذكر إنه كان من
منطقة كسلا إسمه الطيب فضل السيد عمل في منطقة البطانة طويلا
وهنا أسرع الناظر وأخذني بعيدا .. وقال ليّ الحمدلله اني حصلتك
قبل ما تشتم ليه انت ذاتك الناقة.... حرّم كان ضبحكم الاتنين .. وأوضح لي
إن الناقة هنا زي العرض واحد ... أسوأ شئ انه تشتم لواحد ناقته أو جمله
وأخذ يحنس في صاحب الناقة المشتومة ... ولم يقبل إلا بعد أن اعتذر الشاتم
اعتذارا يليق بمقام الناقة المشتومة !!!!!!!
وفي أول خميس هربت من البطانة كلها !!
ده شنو ياخي واحد يشتم ليه بعير يقوموا يضبحوه ... !!!
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
| Quote: ده شنو ياخي واحد يشتم ليه بعير يقوموا يضبحوه ... !!! |
فاروق النار
كيفنك
عليك الله أنت وصلت لى عند أم شانق ؟
( بتعرف بت قرض ؟ ) الله يرحمها
أم شانق السوق وأم شانق حاج أبراهيم ( ناس ود حسوب )
وود الفادنى والتمارى ومرزوق ( مسقط رأس الفنان الجابرى )
والحمدلاب الحلال ديل كلهن حوالينا.. وعندنا بلدات فى التمارى
بنجيهن الخريف للزراعة.. لوبتعرف ديل كلهن أكيد بتعرف حلتنا
ما جيتنا مالك زرت جدنا الشيخ عبد الباقى أبشام
سيد البنية ( القبة ) فى قريتنا ودساقرتة
بنية أبشام دى كان طلعت ليك فوق عالى
ساكت عن طرف البيوت كنت شفتها من أم شانق..
والله حجا حجا ( حفا حفا ) كنت شفت العجب العجاب
ناسنا ديل الضبح عندهم زى شراب الموية ساهل..
التلميذ دا زى عبد العزيز ولدى بقعد المدرسة وبقوما
لو غلطوا فى حقو ...
محبوب جدا ومهاب جدا
كان حاليتو زى السكر المدرون
وكان كازيتو بتعفرت بجنو جنون
لك معزتى .
| |
|
|
|
|
|
|
|
|
|
Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك (Re: الطيب شيقوق)
|
فاروق النار
كيفنك
عليك الله أنت وصلت لى عند أم شانق ؟
( بتعرف بت قرض ؟ ) الله يرحمها
أم شانق السوق وأم شانق حاج أبراهيم ( ناس ود حسوب )
وود الفادنى والتمارى ومرزوق ( مسقط رأس الفنان الجابرى )
والحمدلاب الحلال ديل كلهن حوالينا.. وعندنا بلدات فى التمارى
بنجيهن الخريف للزراعة.. لوبتعرف ديل كلهن أكيد بتعرف حلتنا
ما جيتنا مالك زرت جدنا الشيخ عبد الباقى أبشام
سيد البنية ( القبة ) فى قريتنا ودساقرتة
بنية أبشام دى كان طلعت ليك فوق عالى
ساكت عن طرف البيوت كنت شفتها من أم شانق..
والله حجا حجا ( حفا حفا ) كنت شفت العجب العجاب
ناسنا ديل الضبح عندهم زى شراب الموية ساهل..
التلميذ دا زى عبد العزيز ولدى بقعد المدرسة وبقوما
لو غلطوا فى حقو ...
محبوب جدا ومهاب جدا
كان حاليتو زى السكر المدرون
وكان كازيتو بتعفرت بجنو جنون
الملكة سميية
تصدقي جدي ود مدني حلمني أزور جدكم أبشام وفعلا زرته
حرم كان ما زرته كان تلاقوني بطقع بالحجار لي هسع..
الزمن داك كان عمري 15 سنة وكنت مدرس .. تصوري طفل يكون
مدرس ,!!!!
لكن يا الملكة يتخيل لي اني شفتك الزمن داك وانت بتلعبي حجلة !!!!!!
| |
|
|
|
|
|
|
|
| |
الطيب شيقوق
فاروق حامد محمد
Yassir Tayfour
خالد المحرب
عفاف أبو حريرة
abubakr
معتز القريش
محمد المرتضى حامد
عواطف ادريس اسماعيل
Muna Khugali
فيس بوك
تويتر
انستقرام
يوتيوب
بنتيريست