|
مسادير فوق رجالة البشير
|
Quote: دربك يا البشير السفلة ما بتقيسو سودانك جنودك وانت ياك رئيسو الموت كلما ذكرو بتحصل ميسو جيت الدوحة دخلت الجبان في كيسو |
|
|
|
|
|
|
|
|
Re: مسادير فوق رجالة البشير (Re: abuguta)
|
الجمماعة شمونى ,,ما دايرنى معاهم ادخل لكن المسادير بيتى انا منو وين اقبل انالبيس وترزى ,,,,اقص واقعد افصل لا تفوتك العروض,,, قوماك اسرع حصل
(عدل بواسطة abuguta on 03-31-2009, 10:45 AM)
| |
|
|
|
|
|
|
هيييييع! (Re: معتز القريش)
|
جابوك للرئاسة بدون دراية و راي وتشبه في مواقفك الشقي الجراي السودان بلدنا و ما بنبشتنو ساي والشعب العظيم لا عافي لا نسّاي
| |
|
|
|
|
|
|
Re: هيييييع! (Re: lana mahdi)
|
يا بت مهدي ما هامّانا رئاسة هامّانا الكرامة و حريقة فيها سياسة زي فِعل المعارضين دة كُلو عواسة ماك شبه أفعالهم حاشاكٍ من أنجاسة
| |
|
|
|
|
|
|
هيييييع2 (Re: lana mahdi)
|
العدل الإلهي يشيل حقوق الناس وظلم الأقربين في الرقبة يدمي الراس ما عافيين هواننا و نضرب الأجراس لي كل من يضيمنا ويفرض الحراس
| |
|
|
|
|
|
|
Re: ردالم Practice كونو راجلا احو (Re: عبد الله عقيد)
|
تصويب للشطرة الأخيرة أعلاه "ما بخاف من كلام ناس بينبحو هو"
ما بخاف من كلام ناسا بينبحو هو
الرؤساء العرب فتحو الخشوم بي دهشة كونهم الجميع بتضارو من فد هرشة قايلين الفراسة زمانا روّح كشّ قال ليهم يمين تنقد محل مي هشّة
| |
|
|
|
|
|
|
Re: ردالم Practice كونو راجلا احو (Re: عبد الله عقيد)
|
Quote: العدل الإلهي يشيل حقوق الناس وظلم الأقربين في الرقبة يدمي الراس ما عافيين هواننا و نضرب الأجراس لي كل من يضيمنا ويفرض الحراس |
العدل الإلهي ما بِبقى من كُفّار من رِويس غردون شايلنو لينا التار و إن فات عُمُر بِنسِل سيف علي البتّار لو ندِّيهم رئيس نرجع لي لِعب ترتار
| |
|
|
|
|
|
|
Re: ردالم Practice كونو راجلا احو (Re: عبد الله عقيد)
|
ياعلاء يوسف.. خريج الهند انقاذك جاءت للحكم بالجند هجرت المواطن كارب الزند وظفت حرامية,, اول البند
احالت كل وطنى للصالح العام تبنت شعارات زى شعر ابى تمام تراكم الفساد عام تلو العام افجر الغرب حروب وموت دام
| |
|
|
|
|
|
|
Re: ردالم Practice كونو راجلا احو (Re: abuguta)
|
Quote: ياعلاء يوسف.. خريج الهند انقاذك جاءت للحكم بالجند هجرت المواطن كارب الزند وظفت حرامية,, اول البند
احالت كل وطنى للصالح العام تبنت شعارات زى شعر ابى تمام تراكم الفساد عام تلو العام افجر الغرب حروب وموت دام |
مرحبتين حبـــــــــــابك يا وِليد أب قوتة نحن مع النِضال و من يحفظ اليـــــــــــاقوتة لكن ديل شن سواتم غيـــــــر سوُّلنا بس سافوتة شمتانين في البشير و زعلانين لي جلد ناس حوتة
| |
|
|
|
|
|
|
Re: ردالم Practice كونو راجلا احو (Re: معتز القريش)
|
Quote: يا بت مهدي ما هامّانا رئاسة هامّانا الكرامة و حريقة فيها سياسة زي فِعل المعارضين دة كُلو عواسة ماك شبه أفعالهم حاشاكٍ من أنجاسة |
يابت مهدى,,,, ياسديدة الراى الانقاذ ضلت,,, وفقدت الهداى لو لا الامة اداها معيزة الشاى كان حكمنا ديمقراطية وحكمة راى
| |
|
|
|
|
|
|
Re: ردالم Practice كونو راجلا احو (Re: Hassan Makkawi)
|
Quote: يابت مهدى,,,, ياسديدة الراى الانقاذ ضلت,,, وفقدت الهداى لو لا الامة اداها معيزة الشاى كان حكمنا ديمقراطية وحكمة راى |
منعول أبوها ديمقراطية صفوف العيش ورونا شِن سوِّيتو سيبو الكلام البِيش ضاربين الفنادِق ناس قشرة و التحشيش و إنشاء الله نحن معاكم أكِلنا يبقى حشيش
| |
|
|
|
|
|
|
Re: ردالم Practice كونو راجلا احو (Re: علاء الدين يوسف علي محمد)
|
Quote: منعول أبوها ديمقراطية صفوف العيش ورونا شِن سوِّيتو سيبو الكلام البِيش ضاربين الفنادِق ناس قشرة و التحشيش و إنشاء الله نحن معاكم أكِلنا يبقى حشيش |
الغرب كان أمن,, وعطرو يفوح شعبو,,, مقيل تحت ظلال الدوح الليلةالموت فوق تلال وسفوح اخير الصفوف ام خروج الروح
| |
|
|
|
|
|
|
Re: ردالم Practice كونو راجلا احو (Re: abuguta)
|
Quote: الغرب كان أمن,, وعطرو يفوح شعبو,,, مقيل تحت ظلال الدوح الليلةالموت فوق تلال وسفوح اخير الصفوف ام خروج الروح
|
السودان جميع مُشكِلتو كُلّها واااحد مافيش فروِق ما تقعُد تقوم و تناهِد ما قلتو الإبادة جيب لينا بس فد شاهِد دمّرتو البلاد بخليل و عبد الواحِد
| |
|
|
|
|
|
|
Re: ردالم Practice كونو راجلا احو (Re: عبدالكريم الامين احمد)
|
Quote: سمع اضاني حسع الطاغية بناضم في سوداني قطر وماجات لاضاني سيرة رصاص الشرق النزل زي مطر ماسمعناكلام سفر الطيارات البقت كع كرع وخطر واوكمابو لو خلاهو اتغدا بلقي روحو ما فطر |
سمع الأضان ما بفيد يا أبو رِجيلة انشقت فاتك نور البشير الشاع زي رتينة و بقّت أوكامبو العوير لابد فيهو العروق جت طقّت و أسدنا الهُمام تلقاهو محل إدينك لقّت
| |
|
|
|
|
|
|
Re: ردالم Practice كونو راجلا احو (Re: ود الباوقة)
|
ما غنيت قبل لي ود مرة اتهشهش..
لكن البشير فارس سريرة وش ..
ريس وفوقو خايلة مو الغشيم الهش
ربيعك ما بهم اتغتا واتفرش
ماشفتو الفراسة المي فراسة غش
في دوحة حمد متل الصقر عرش
صوقر يب كريك خلي الخلوق تتفش
ما بتهمك الدنيا ام بنايا قش
اوكامبو اللئيم في اب نترة ما بتتفش
اكآل الجواميس كسار رقابن كش
مطر التترة بعمت مو الخفيف الرش
من قومة الجهل لا فز لا اتحرش ..
| |
|
|
|
|
|
|
Re: ردالم Practice كونو راجلا احو (Re: خالد المحرب)
|
Quote: توقيف البشير فى المحكمة الدوليه لحست كوع وخمشة نار ولدغت حية كان نزل السما واستخدمو الذرية مابخاف الصقر من صفقة القمريه |
ياود المحرب لا تشيلك الهاشمية ابواتك تلوب ,,بسعدلو المكفية الانقاذ ظالمة وحكومة غير مرضية لو زائر للبطانة بدفعوك زندية
| |
|
|
|
|
|
|
Re: ردالم Practice كونو راجلا احو (Re: علاء الدين يوسف علي محمد)
|
Quote: بشيرنا الرجالة فيها شال الكاس الدوحة القريبة ناطيها لي كراكاس ما خاف من لويسكم يا شُلّة الأنجاس أحفتوها الشجاعة تلقونا ليها الساس |
شوف ابو ساندرا جاليتنا جات زول وفرت زولة وفي البشير جاليتنا عندها الف كلمة و قولة وكركاس تحرم لزولكم السفرتو تاني الا حولة كن اسدا صحي في اروبا يديها جولة وجولة
| |
|
|
|
|
|
|
Re: ردالم Practice كونو راجلا احو (Re: صلاح أبودية)
|
من زمن الحصار شن عندنا فيها أوروبا نمشي محل مصالحنا و ما بتجينا الحبة
سافرت قبل للبابا تطلب ودة
ودبجت الرسائل لاوباما لفروض الطاعة معها مودة
وسردبتا لما اهانوك اخوان ماري ولندة
معروفة خصالك اضينة وديك للعدة
| |
|
|
|
|
|
|
Re: ردالم Practice كونو راجلا احو (Re: عبدالكريم الامين احمد)
|
Quote: مكة بيت الله ذنوب بشيركم ما بتمحاها الزارعا اوكمابو عليهو بس يرجاها والبحر الاحمرالليلة قطعتو مافي سواها مكةو دبي وبشيركم قطعة البحر اكيد اباها |
يا كيكي الكسير والله حالك إحنِّن من شق رجيلتك الخُلعة ليك حتجنِّن و جاك البشير للدوحة تب مُطمِّن حيّر شُلّتك خلّى الرويسة تونوِن
| |
|
|
|
|
|
|
Re: ردالم Practice كونو راجلا احو (Re: عبدالكريم الامين احمد)
|
يا كي اللعين بشيرنا موية نار ما بتقـدر عـلـيـهـو قـعـــــوية طاف البلاد شرقــا وغــربـــــــا وينو اللعين أوكامبوك اللقويـــة وراجـع كـمان منصور زار بيـت الله طـاف وســعـى ومن زمزم شرب موية يا كي كي الكسير أخير لك ترجـع لي صوابك ما بنفعوك الشيوعـية
| |
|
|
|
|
|
|
Re: ردالم Practice كونو راجلا احو (Re: عبدالكريم الامين احمد)
|
Quote: شيوعية شنو يا ظلامي ياتليفة انا ودقرف وبحلم لشعبي برغيفة بطلو الجقلبة وحركات الهتيفة الجبهة العديل فيها يدو خفيفة |
يا كي كي اللعين تب ماك من ناسا المسادير خليها لي أهلا ومن ساسا ما بتعرف تقولا لو شفّيتامن كراسا البشير شعرا طويل ما عندك ليهو مقاسا
| |
|
|
|
|
|
|
Re: ردالم Practice كونو راجلا احو (Re: خالد المحرب)
|
Quote: توقيف البشير فى المحكمة الدوليه لحست كوع وخمشة نار ولدغت حية كان نزل السما واستخدمو الذرية مابخاف الصقر من صفقة القمريه |
ود المحرب نجضت الكلام بلحيل نعمنك وريث ناسا ركوبن خيل فوارس عركة ما بيابو الدواس والليل لكن البشير استرلو رب العزة من ناس ديل
| |
|
|
|
|
|
|
Re: ردالم Practice كونو راجلا احو (Re: الشامي الحبر عبدالوهاب)
|
وهذه مشاركة من الأخ إمام عن طريق الايميل
Quote: شكرا كثير ود القريش للدعوة أياكم أصال أصحاب كرامة ونخوة بندور الكتابة وديمة ليها بنهوى وقرايين كلام البورد اليسوى والمايسوي جيت البورد برغبة قلت أشارك أرد بكري الهمام زودني بالباسورد أيام الهكر جدعوني بره الساحة الشر يعم وعمت الكتاحة وأولاد الحرام ما خلو فيها سماحة زولا جديد في البورد كنت صراحة موضوع البشير فارس يخوض الجولة كان صح كان غلط أثبت كرامة الدولة نفقل حوشنا نتحاسب أخوه كريمة ننبد كل خلاف سودانا عامر ديمة ناسا عزاز ما بنرضى ليها حقارة كل من يقدم دعوة نجيه بالطيارة البشير سوداني كان سمح كان شين هو رمز الدولة للراضي والمابين لو الحكم سوداني كان نقول أهلين لو استعمار أحسن نموت واقفين إمام |
| |
|
|
|
|
|
|
Re: ردالم Practice كونو راجلا احو (Re: معتز القريش)
|
وهذه المشاركة الرائعة وصلتني من الأخ أمير فتحي
مجادعة بين أمير فتحي وابن عمه عماد علوب ________________________________________ كلام عرب ساااااااااااااكت
هازول لقيتلك محومد ود النتيفه وعلي ود ابسته وصالح ود طيفور ...حدا الوادي الاخدر ..محومد قالك ود البشير دقالك تلفون لي ابوكمبو ردت عليه السكتيره قالتلو منو معااااااااي ..قالها هوي يامره زحي لا غادي جيبي السمو منو دا ..ابوكمبو مسك ليك التلفون وقال لي ود البشير هاو ار يو ...قالو لا هاو لا يو ....
هوي يابكمبو الانقليز أخير تمسكو آدابكم واسوهو الكلام قبال اواسي رقابكم ماعندي الاضينه الدابو محسوب دابكم فد جعلي ان ركب حالاً بخربو عقابكم
هيييييييع عافيت منو ..عليمك الله اكان ود البشير دا لاقلك ابوكمبو في زقاقاً ضيق علا يخلي دمو زي بربخ بابور جمعية القولد بحري
امير ود أحمد قول هوى بندور منك شويه فزعه ان بتعرفك حكيم زي الناس عندنا حبيبا لينا بلحيل مورد الدكاترة حقون البندر (الرياض) قالوا حبيبكم ده بيدورا حليكم راجنك فسراع ادينا اللكيدة .. آآآبشنب حبابك عشره
أدخل لا جوه ..اخلف رجل فوق رجل..لامن العوين يقلن البن
حكيماً تب مابنمشيلو ..سولو شوية زيت بي قرض تاني عليمك الله الوردي علا تقوم جاريه
أكان مانزلت ودوهو لاحمد ود عوض الله بالطايره النفاسه في سلامة الباشا عندو حقنتاً قدر منفاخ عجلة علي جنا محومد ود صالح
عاد تاني ماشفلك عدل غير دا .....العواااافي عماد ود العلوب: إتلم التعيس والخايب النصراني قالوا جنا البشير لازم نجيبو ثواني فاكرين الرئيس في بلدو زول وحداني قام الشعب هوب قدم دروس ومعاني وحد للشعار .. الضر البشير ضراني ويا أوكامبو هوي دونت طتش سوداني
أمير: عمر ود البشير شيخ العرب في الجمله وفي الحرب الضروس دايماً بقود الحمله اوكامبو الفطيس كان داير يعمل العمله يخفس للسماء تلقاهو قابض قمله
عقب باجنى علوب وانا اخوك عمر ود البشير فارس دواس ونحاس من عزاً أصييييل تركة بني العباس صنديد دار جعــــــل ناس الاصل والساس اوكامبو الغشيم طاقاهو لخمة راس عماد ود العلوب : كلب أمريكا هوهو وبشيرنا ما هماهو ماسك في الدرب وشعبو الأصيل ببراهو وينك يا أوكيمبو تاريخنا اخير تقراهو إت ما قالوا ليك عن دقنه والسواهو
أمير : ها اوكامبو الغشيم ماشفتا كيف دارفور وفارس الحوبه داك صنديدا فرح الدور كان مارجع من كلامك وقتا انا مدحووور تلقى دميك سااااااااااااااااالت قسم نهور وبحور
حاشيه : فرح الدور فارس الرزيقات الذي طعن نفسه بالسكين امام المشير عماد ود العلوب : أبشر يا الأمير واضرب جنا أمريكا بالقول الرصين وخلينا من مزيكا نحن نحل شبك الصعبه والشربيكا ويا أوباما خيبتك خلاص عرفنا الفيكا أمير : آآلعمده المتين قول الكلام الصاااح ود عز البلد ناساً صحاااااح وفصاح بلداً فيها أخوان عزه أترتاااااااااااااااح وفي بين الدول تصبح علم مصباح واوكامبو اللعين تصبح ديارو نواح عماد ود العلوب : يا ريس البلاد الدوحه لا تمشيها واحذر من كفر مكايدو ما بفشيها عارفنك أسد تشهد ميوم والفيها وتُب فيها القِمم أصلو القِمم شن فيها
أمير : عمر ود البشير برد الليالي الحرن فرتاك شبكة الدرع الحديد مقرن اوكامبو الجبان حشد الشهود الضرن فيهم عبد الواحد داك الجبان الارعن بي حب اليهود كتابو لامن عفن عماد : سودانيه سود بارين نبينا محمد قارين الكتاب تالنو ماهو مجمد ساندين الضعيف ظالمنا جمرو مخمد والقاصد عدانا حليلو .. حالو مرمد . أمير : نحنا مجربييييين وسمنا فيهم ظاهر غواثين ضعيف مابنرضى فيها مظاهر الزول الغشيم البي عدانا بجاهر ردنا ليه جااااااااااااهز ودونو سيفنا الباتر عماد : قسماً بالعظيم خالق النفس باريها نريد وطن الجدود سودانا في كل جيهه ويارب العباد رافعنها ليك نديهه تحفظ للبلاد من كل فتن وكريهه
أمير : اوكامبو الجبان دربك دا لا تخليه صنقع للسما حتى القمر دليه ات قايل بشيرنا بنتركو نخليه حافظ للكتاب والغره ماليا وشيه شيطانك بطير كان اعترضت مشيه عماد : نحن اولاد رجال لبسوه سونكي وكاكي ماسكين الزناد قاطعين قليب اليانكي رابطين البطون عايفين شراب التانكِ وان كمل الرصاص نملأ عدونا سوانكي أمير : نتباشر وكت نلقى السيوف تلمع نلزم للصفوف لمن يقولو أجمع ومابنابا الدواس عشان سودانا يتجمع نرفع لي تمامنا ورجلنا بتقول كععععع عماد : حسن ود الترابي سويتها عيب وملامه كيفن البشير نديهو ناس أوباما وكيفن للكفر نركع ندلي الهامه ونحن العز فِرح لمن طلبنا علامه وما بيطولو البشير هم ديل لِقوهو أسامه؟
أمير : ياعمده الدلائل للمؤامره كافيه ننصر للبشير لامن تجيه العافيه وفي شان نصرو ننظم للشعر والقافيه ديل اتجمعولنا متل عصابة المافيه عماد : أخوي ود فتحو امير أبشر عديله وزين إت جبت الشِعر ذكرت للناسين نحن ولاد بلد مابِنو قول الشين وفي ريد البلد تسّب قلوبنا حنين تابعنو دين الحق وان شاء الله منصورين أمير : اوكيمبو الجبان الكيسو دايماً فاضي فبرك للتهم قال لي رئيسنا يقاضي ماظنو الغشبم قلب صحائف الماضي وياأوباما شوتك دقت العراضي عماد : حباب وطن الشموخ سودان وطنا حبابو تفداك النفوس وتتبرا من الخابو وكان جرب عدو يوماً وطنا خرابو نحميهو الوطن وللرجم نحن شهابو
أمير : حباب ود الظواهري صنديد رجال القاعده يالطلقتو يود دنيتنا هاذي البايده كلامك زين يالأسد .. ومنو بتعم الفايده تمسك للرسن نديك دوام القايده سيبك من زعيط ومعيط وشارده ووارده
********************* نزل ود البشير في دوحة العربان وراهم بيااان فااارس ولد فرسان عيال اوكامبو ناحو ودمعهم فيضان قايلين البشير ساجننو في السودان وماخابرنو فارس يحمل النيشان
| |
|
|
|
|
|
|
Re: ردالم Practice كونو راجلا احو (Re: معتز القريش)
|
Quote: يا كي كي اللعين تب ماك من ناسا المسادير خليها لي أهلا ومن ساسا ما بتعرف تقولا لو شفّيتامن كراسا البشير شعرا طويل ما عندك ليهو مقاسا |
الزنقة حارة بالمسدار حتي لو كان شييييين نجضتو البلد ودقانيكم حرمنا البيعة والدين المسدار ما بسيبو ليك وخلاص ياطه ودكين جحر ضب معاكم والقصاص العين بالعين
| |
|
|
|
|
|
|
Re: ردالم Practice كونو راجلا احو (Re: قاسم المهداوى)
|
Quote: يا ود القريش من حقك تفرح بى ود عمك لان الطفل ده ليس باخوك ولا حتى يقرب ليك فى المواطنة .. والا كيف ؟؟ |
الأخ قاسم المهداوي المحترم أولا اثبت لي انه سوداني وثانيا انه البشير هو اللي عمل فيه كدا لأنه بصراحة بقينا ما بنصدقكم عارف ليه ؟ من كتر الصور المزورة الجابوها لينا هنا ثالثا أغلبية الماتو في دارفور كتلوهم المتمردين رابعا البوست دا بوست خاص بي مسادير فوق رجالة البشير لو انت عندك صور عاوز تنشرا أفتح ليك بوست جديد وللعلم فقط (البوستات في سودانيز أون لاين مجانية)
| |
|
|
|
|
|
|
Re: ردالم Practice كونو راجلا احو (Re: معتز القريش)
|
شكرا عميقا ود القريش عموما ليس لدى اى مسادير ومساديرى صور تحكى وتروى وتقول ... فقط معقولا يا معتز الطفل ده ما سودانى ... صينى يعنى ولا شنو ؟؟؟؟ كدا ركز شوية وحتعرف الطفل ده سودانى ولا ما سودانى ..
تانى شاكر جدا ردك وغايتو ...
قاسم المهداوى
هامش معزرة حرية التعبير بى صور بى مسدار مكفولة ولا كـــيف ؟؟
| |
|
|
|
|
|
|
Re: ردالم Practice كونو راجلا احو (Re: بدرالدين كاجوري)
|
إتلم التعيس والخايب النصراني قالوا جنا البشير لازم نجيبو ثواني فاكرين الرئيس في بلدو زول وحداني قام الشعب هوب قدم دروس ومعاني وحد للشعار .. الضر البشير ضراني ويا أوكامبو هوي دونت طتش سوداني
أمير: عمر ود البشير شيخ العرب في الجمله وفي الحرب الضروس دايماً بقود الحمله اوكامبو الفطيس كان داير يعمل العمله يخفس للسماء تلقاهو قابض قمله
عقب باجنى علوب وانا اخوك عمر ود البشير فارس دواس ونحاس من عزاً أصييييل تركة بني العباس صنديد دار جعــــــل ناس الاصل والساس اوكامبو الغشيم طاقاهو لخمة راس عماد ود العلوب : كلب أمريكا هوهو وبشيرنا ما هماهو ماسك في الدرب وشعبو الأصيل ببراهو وينك يا أوكيمبو تاريخنا اخير تقراهو إت ما قالوا ليك عن دقنه والسواهو
أمير : ها اوكامبو الغشيم ماشفتا كيف دارفور وفارس الحوبه داك صنديدا فرح الدور كان مارجع من كلامك وقتا انا مدحووور تلقى دميك سااااااااااااااااالت قسم نهور وبحور
حاشيه : فرح الدور فارس الرزيقات الذي طعن نفسه بالسكين امام المشير عماد ود العلوب : أبشر يا الأمير واضرب جنا أمريكا بالقول الرصين وخلينا من مزيكا نحن نحل شبك الصعبه والشربيكا ويا أوباما خيبتك خلاص عرفنا الفيكا أمير : آآلعمده المتين قول الكلام الصاااح ود عز البلد ناساً صحاااااح وفصاح بلداً فيها أخوان عزه أترتاااااااااااااااح وفي بين الدول تصبح علم مصباح واوكامبو اللعين تصبح ديارو نواح
هييييييييييييييييييييييييييييييييييييييييييييييييييع
| |
|
|
|
|
|
|
Re: ردالم Practice كونو راجلا احو (Re: علاء الدين يوسف علي محمد)
|
الأخ معتز - أرجو تقبل هذه المشاركة في بوست ( مسادير فوق رجالة البشير ) وشكراً .. أخوك أبو أمجد
و الله كان عندنا أملاً في معارضة نافعة .. ولي بلدنا تصيّن لكن طلعوا منبطحين .. و راجين للأجنبي ليهم يعيّن ومن درس العراق ما إستفادوا .. و في السلطة طمعانيين ما دام ده حالهم معاك يا البشير واقفين ( أبو أمجد )
| |
|
|
|
|
|
|
Re: ردالم Practice كونو راجلا احو (Re: عبدالكريم الامين احمد)
|
هبوا الفارغه, والكيه التخلف الكيه ولخوا بلدنا دكوه والمواطن شيه اسكروا بالسياده ومزوا بالوطنيه وفكوا اوكامبو ظرطه والقضيه فسيه
شاوين المواطن والمواقف نيه والحال واقفه ناشفه والبلد محنيه بختكم.. البشير فى الجامعه العربيه عريان من حلايب وسوى نفسو قضيه
| |
|
|
|
|
|
|
Re: ردالم Practice كونو راجلا احو (Re: علاء الدين يوسف علي محمد)
|
Quote: شاوين المواطن والمواقف نيه والحال واقفه ناشفه والبلد محنيه بختكم.. البشير فى الجامعه العربيه عريان من حلايب وسوى نفسو قضيه |
حلايب بترجع مهما الزمن طال عدّة لولا البشير كان طارت وراها أُمبدّة و لابد الرخا بيجينا بعد الشِدّة ماشين تمام بس يختانا ديك العِدة
| |
|
|
|
|
|
|
Re: ردالم Practice كونو راجلا احو (Re: علاء الدين يوسف علي محمد)
|
Quote: أسمعنا يا كيكي من غير غلاط و حليفة بترولك يمين محـــــسوب قرِش و تعريفة ما تباري اليهود البَرَعُوا في التحـريفة و مُعارضة الســـجم الفاقدة للتوليفة |
ياعلاء البلد اتشلع ومافضل فيها عود ولبعة بترولو حاصلة وما لازماها شهود البلد بلدنا وكلنا ليها جنود الا الظلم شين والعدل دايرلو حدود
| |
|
|
|
|
|
|
Re: ردالم Practice كونو راجلا احو (Re: عبدالكريم الامين احمد)
|
Quote: وين مشي ودقريش وصحبو علا الدين الكوز لقلقو في المسادير ونططوا قولو انقاذكم فوز يا ربي الم فيكم بلاندكروز ودوشكا وسبيطة موز ريحتكم تبقي طير طير كوبر سجنكم فرادي و جوز |
يا كيكي نحن رُجال و ما بنعرف الفزّة مبسوطين بي رئيسنا البيهو جد نِتعزّة إيش فايدة نضالاً ما فيهو غير المزّة أندهلها الهِندِيّة تجيبة ليك البِزّة
| |
|
|
|
|
|
|
Re: ردالم Practice كونو راجلا احو (Re: عبدالكريم الامين احمد)
|
أخى الكريم معتز سلامى ومودتى
لقد أعجبنى هذا البوست واستثار فضولى فدعنى أجرب بعض محاولة فى افخار برمز امتنا البشير
سفرك يا البشير خلاهو زى سيد رايحة . يهدر فى الدول كايس النصر والنايحة . أعداك والعميل بقو كالكلاب الصايحة . انشاء الله المقصة فالهم والحلوق مترايحة .
حواشى : ( خلاهو ) أقصد أوكامبو سيد الريحة معروف أنه يفتش خشم البقرة فى عاميتنا العميل أقصد فرنسا -بريطانيا - أمريكا للجنائية فى عجز المسدار من نباحهم الى فقدوا حناجرهم . والله الموفق
| |
|
|
|
|
|
|
Re: ردالم Practice كونو راجلا احو (Re: هجو الأقرع)
|
Quote: الأسد الهصور هرس البلد بي ولادا وقدام اليهود يرجف يكاكي جدادة مجرم حرب عديييييييل ومتهم بإبادة خلك في الرقيص سيب الحرب لسيادا |
I like this مع إنه ما إتهموهو بالابادة لسة
___________ حسن مكاوي مندهشة انا
| |
|
|
|
|
|
|
Re: ردالم Practice كونو راجلا احو (Re: Rawia)
|
ود قريش مودتى أبت اقريحة الا أن تزيد فى المسدار
أقدل يا المشير فوق الأمم واتحكر جننت العدا هيج عليهم السكر زيدهم فى الضغط خلى العزول اتكدر بيك مرادنا تم وسمقنا بين المعشر
| |
|
|
|
|
|
|
|