Post: #1
Title: مسادير فوق رجالة البشير
Author: معتز القريش
Date: 03-31-2009, 06:57 AM
Quote: دربك يا البشير السفلة ما بتقيسو
سودانك جنودك وانت ياك رئيسو
الموت كلما ذكرو بتحصل ميسو
جيت الدوحة دخلت الجبان في كيسو |
|
Post: #2
Title: Re: مسادير فوق رجالة البشير
Author: Hassan Makkawi
Date: 03-31-2009, 07:45 AM
Parent: #1
جيتك يالبشير جابت معاها الفرحة
اوكامبو الخنيث لبستو ليناالطرحة
زيد ليو فى الشطوط قوم عليهو القُرحة
أيام فرحو زالت عايم عديل فى الترحة
|
Post: #3
Title: Re: مسادير فوق رجالة البشير
Author: هجو الأقرع
Date: 03-31-2009, 08:29 AM
Parent: #2
بى زيارت يا البشير كل العرب طربانه
والعادك رقد ذى بهيمة السلخانة
الفارس الاصيل السكت شلة الضبانة
اقدل يا البشير وشعبك شتت الجبخانة
|
Post: #4
Title: Re: مسادير فوق رجالة البشير
Author: Hassan Makkawi
Date: 03-31-2009, 08:53 AM
Parent: #3
فارس يا بشير راكز تمام فى الخانة
جهجهتة الخنيث خليتة ريحتو عفانة
من وجع القلب كايسلو لى شفخانة
جيبوا البيطرى قالوا الكلاب عيانة
|
Post: #5
Title: Re: مسادير فوق رجالة البشير
Author: abuguta
Date: 03-31-2009, 08:59 AM
Parent: #3
رئيسنا البشير قفز فوق الزانة
شرف الدوحة وكل الخلوق دهشانة
حامى البلاد... بكل صدق وامانة
شرقك ينضرب صواريخ وانت معانا
|
Post: #6
Title: Re: مسادير فوق رجالة البشير
Author: abuguta
Date: 03-31-2009, 09:07 AM
Parent: #5
هربتو السلاح من ايران الدولة
لدعم غزة كل الخلوق لا حولة
اسرائل هاجمت شرقنا الهملة
شهرين تمام لا خبر لا جمــلة
|
Post: #8
Title: Re: مسادير فوق رجالة البشير
Author: abuguta
Date: 03-31-2009, 09:23 AM
Parent: #6
الجمماعة شمونى ,,ما دايرنى معاهم ادخل
لكن المسادير بيتى انا منو وين اقبل
انالبيس وترزى ,,,,اقص واقعد افصل
لا تفوتك العروض,,, قوماك اسرع حصل
|
Post: #7
Title: Re: مسادير فوق رجالة البشير
Author: محمد يوسف الزين
Date: 03-31-2009, 09:18 AM
Parent: #5
جوة الدوحة شال عصايتو وهزّ
رص الكلام وقعد بالشرف والعزّة
حرم..وطلق..نحن ما بنتهزّ
واي عدو قابلنا بسراع فزّّ
|
Post: #9
Title: هيييييع!
Author: lana mahdi
Date: 03-31-2009, 09:35 AM
Parent: #1
جابوك للرئاسة بدون دراية و راي
وتشبه في مواقفك الشقي الجراي
السودان بلدنا و ما بنبشتنو ساي
والشعب العظيم لا عافي لا نسّاي
|
Post: #10
Title: Re: هيييييع!
Author: علاء الدين يوسف علي محمد
Date: 03-31-2009, 09:43 AM
Parent: #9
يا بت مهدي ما هامّانا رئاسة
هامّانا الكرامة و حريقة فيها سياسة
زي فِعل المعارضين دة كُلو عواسة
ماك شبه أفعالهم حاشاكٍ من أنجاسة
|
Post: #14
Title: Re: هيييييع!علاء
Author: lana mahdi
Date: 03-31-2009, 10:00 AM
Parent: #10
يا ود الأكارم ما بيشابهك قول
يجعل من بشيرهم صارماً مسلول
هو الضيع بلدنا و ضادى فينا عقول
كانت في الوطن محمية خاتية القول
|
Post: #12
Title: هيييييع2
Author: lana mahdi
Date: 03-31-2009, 09:50 AM
Parent: #9
العدل الإلهي يشيل حقوق الناس
وظلم الأقربين في الرقبة يدمي الراس
ما عافيين هواننا و نضرب الأجراس
لي كل من يضيمنا ويفرض الحراس
|
Post: #11
Title: ردالم Practice كونو راجلا احو
Author: عبد الله عقيد
Date: 03-31-2009, 09:44 AM
Parent: #1
احموهو الاضينات ناس (اقيف ما تسو)
قالولو الجماعية بيقبضوك في الجو
ردالم Practice كونو راجلا احو
ما بخاف من كلام ناس بينبحو هو
ود عقيد
|
Post: #13
Title: Re: ردالم Practice كونو راجلا احو
Author: عبد الله عقيد
Date: 03-31-2009, 09:52 AM
Parent: #11
تصويب للشطرة الأخيرة أعلاه
"ما بخاف من كلام ناس بينبحو هو"
ما بخاف من كلام ناسا بينبحو هو
الرؤساء العرب فتحو الخشوم بي دهشة
كونهم الجميع بتضارو من فد هرشة
قايلين الفراسة زمانا روّح كشّ
قال ليهم يمين تنقد محل مي هشّة
|
Post: #15
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 10:02 AM
Parent: #13
Quote: العدل الإلهي يشيل حقوق الناس
وظلم الأقربين في الرقبة يدمي الراس
ما عافيين هواننا و نضرب الأجراس
لي كل من يضيمنا ويفرض الحراس |
العدل الإلهي ما بِبقى من كُفّار
من رِويس غردون شايلنو لينا التار
و إن فات عُمُر بِنسِل سيف علي البتّار
لو ندِّيهم رئيس نرجع لي لِعب ترتار
|
Post: #18
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 10:12 AM
Parent: #15
Quote: يا ود الأكارم ما بيشابهك قول
يجعل من بشيرهم صارماً مسلول
هو الضيع بلدنا و ضادى فينا عقول
كانت في الوطن محمية خاتية القول |
وطنِك مُصان يا بِت ملوك النيل
ما شان بشير ضميرنا أصلو بميل
لكن شان بلد فيهو مليون ميل
تفداهو النفوس تب ما بشيلو عميل
|
Post: #16
Title: Re: ردالم Practice كونو راجلا احو
Author: osman abdala
Date: 03-31-2009, 10:06 AM
Parent: #13
شوف عيني الصقير في الدوحة حط جناحو
وللشمات وقف في الساحة ضامي سلاحو
زمان قلنا عيال المك ديل اختوهم
ما هم هوان كان برة او في سوحم
|
Post: #17
Title: Re: ردالم Practice كونو راجلا احو
Author: abuguta
Date: 03-31-2009, 10:12 AM
Parent: #13
ياعلاء يوسف.. خريج الهند
انقاذك جاءت للحكم بالجند
هجرت المواطن كارب الزند
وظفت حرامية,, اول البند
احالت كل وطنى للصالح العام
تبنت شعارات زى شعر ابى تمام
تراكم الفساد عام تلو العام
افجر الغرب حروب وموت دام
|
Post: #19
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 10:19 AM
Parent: #17
Quote: ياعلاء يوسف.. خريج الهند
انقاذك جاءت للحكم بالجند
هجرت المواطن كارب الزند
وظفت حرامية,, اول البند
احالت كل وطنى للصالح العام
تبنت شعارات زى شعر ابى تمام
تراكم الفساد عام تلو العام
افجر الغرب حروب وموت دام |
مرحبتين حبـــــــــــابك يا وِليد أب قوتة
نحن مع النِضال و من يحفظ اليـــــــــــاقوتة
لكن ديل شن سواتم غيـــــــر سوُّلنا بس سافوتة
شمتانين في البشير و زعلانين لي جلد ناس حوتة
|
Post: #20
Title: Re: ردالم Practice كونو راجلا احو
Author: معتز القريش
Date: 03-31-2009, 10:31 AM
Parent: #19
صح (لسناتك)
جايييكم ...
|
Post: #21
Title: Re: ردالم Practice كونو راجلا احو
Author: abuguta
Date: 03-31-2009, 10:39 AM
Parent: #20
Quote: يا بت مهدي ما هامّانا رئاسة
هامّانا الكرامة و حريقة فيها سياسة
زي فِعل المعارضين دة كُلو عواسة
ماك شبه أفعالهم حاشاكٍ من أنجاسة |
يابت مهدى,,,, ياسديدة الراى
الانقاذ ضلت,,, وفقدت الهداى
لو لا الامة اداها معيزة الشاى
كان حكمنا ديمقراطية وحكمة راى
|
Post: #24
Title: Re: ردالم Practice كونو راجلا احو
Author: معتز القريش
Date: 03-31-2009, 10:50 AM
Parent: #21
للزوار الكرام من خارج نطاق الموقع
رسلوا لي مساديركم ونحنا ليها بنرفع
لفداك يا زعيم من جوة وبرة حرم بنوقع
في ديار حمد العظيم راسك ما تنزلوا صنقع
[email protected]
|
Post: #23
Title: Re: ردالم Practice كونو راجلا احو
Author: عبدالكريم الامين احمد
Date: 03-31-2009, 10:50 AM
Parent: #20
بشيركم في حلتنا والبطن كثير منو ممغوظة
والانقاذ شاحد ربي بكان ما تقبل تبقي ملفوظة
اوكامبو ابو زرد اقبض وما يوقفك العرب بملحوظة
والبلد قبال ولادة البشير بسيدنا الله محفوظة
|
Post: #22
Title: Re: ردالم Practice كونو راجلا احو
Author: Hassan Makkawi
Date: 03-31-2009, 10:44 AM
Parent: #19
Quote: جابوك للرئاسة بدون دراية و راي
وتشبه في مواقفك الشقي الجراي
السودان بلدنا و ما بنبشتنو ساي
والشعب العظيم لا عافي لا نسّاي |
أيام حكمكم ضيعتو وكتنا ساى
راقدين فى العسل وعندكم غناى
قملت البلد وعدمت الفلاى
يوم طارالحكم جايين تصرخوا واى
|
Post: #25
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 10:51 AM
Parent: #22
Quote: يابت مهدى,,,, ياسديدة الراى
الانقاذ ضلت,,, وفقدت الهداى
لو لا الامة اداها معيزة الشاى
كان حكمنا ديمقراطية وحكمة راى |
منعول أبوها ديمقراطية صفوف العيش
ورونا شِن سوِّيتو سيبو الكلام البِيش
ضاربين الفنادِق ناس قشرة و التحشيش
و إنشاء الله نحن معاكم أكِلنا يبقى حشيش
|
Post: #26
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 11:03 AM
Parent: #25
Quote: بشيركم في حلتنا والبطن كثير منو ممغوظة
والانقاذ شاحد ربي بكان ما تقبل تبقي ملفوظة
اوكامبو ابو زرد اقبض وما يوقفك العرب بملحوظة
والبلد قبال ولادة البشير بسيدنا الله محفوظة |
بشيرنا ورّاكم رجالتو كيف يا كيكي
و رجالة أوكامبو علينا و على إمبيكي
لكن علي ناس بوش تلقاهو عامِل ميكي
و بشيرنا حرّم سوداني ماهو تِريكي
|
Post: #27
Title: Re: ردالم Practice كونو راجلا احو
Author: abuguta
Date: 03-31-2009, 12:21 PM
Parent: #26
Quote: منعول أبوها ديمقراطية صفوف العيش
ورونا شِن سوِّيتو سيبو الكلام البِيش
ضاربين الفنادِق ناس قشرة و التحشيش
و إنشاء الله نحن معاكم أكِلنا يبقى حشيش |
الغرب كان أمن,, وعطرو يفوح
شعبو,,, مقيل تحت ظلال الدوح
الليلةالموت فوق تلال وسفوح
اخير الصفوف ام خروج الروح
|
Post: #28
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 03:16 PM
Parent: #27
Quote: الغرب كان أمن,, وعطرو يفوح
شعبو,,, مقيل تحت ظلال الدوح
الليلةالموت فوق تلال وسفوح
اخير الصفوف ام خروج الروح
|
السودان جميع مُشكِلتو كُلّها واااحد
مافيش فروِق ما تقعُد تقوم و تناهِد
ما قلتو الإبادة جيب لينا بس فد شاهِد
دمّرتو البلاد بخليل و عبد الواحِد
|
Post: #29
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 03:27 PM
Parent: #28
Quote: لو لا الامة اداها معيزة الشاى
كان حكمنا ديمقراطية وحكمة راى |
كلامي ليك يا اب قوتة ما فيهو أي مغارِز
بي منطِقك ورِّيني تعال نافِح و بارِز
قول لينا إيه إنتاجكم أدِّينا معلم بارِز
خليك عديل في القول ما تجيني لامِز و غامِز
|
Post: #30
Title: Re: ردالم Practice كونو راجلا احو
Author: abubakr salih
Date: 03-31-2009, 03:42 PM
Parent: #29
عمر العوير خرّب بلاد اجدادو
نهب خيراتا لى روحوا و عصابة اسيادو
مرّغ سمعتا فى طين الضلام و سوادو
شاحد الله الكريم يقصوا قبل يلاقى ولادو
|
Post: #31
Title: Re: ردالم Practice كونو راجلا احو
Author: elsawi
Date: 03-31-2009, 04:09 PM
Parent: #30
الأسد الهصور هرس البلد بي ولادا
وقدام اليهود يرجف يكاكي جدادة
مجرم حرب عديييييييل ومتهم بإبادة
خلك في الرقيص سيب الحرب لسيادا
|
Post: #32
Title: Re: ردالم Practice كونو راجلا احو
Author: abubakr salih
Date: 03-31-2009, 04:13 PM
Parent: #31
عمر السجم، فوق الجماعة تبيعه
يا ولادة الرماد، جابوك زيادة بيعه
ترقص بى عجن، حاكيت حِسان الضيعه
فى يومنا الـ نقوم ما بتلقى تانى وسيعه
|
Post: #33
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 04:20 PM
Parent: #31
جننتة الخِلوق شتّتهُن بي الكوتة
شكوك لي أوكامبو يافيها يا بنجوطة
آخر الزمن آناس شُفنا الصور مغلوطة
جايين يحكمونا كمان ناس الهلِس ناس حوتة
|
Post: #34
Title: Re: ردالم Practice كونو راجلا احو
Author: abubakr salih
Date: 03-31-2009, 05:05 PM
Parent: #33
عمر العوير يا قراضة الرجال العُرّة
ترجف من الهبوب حاكيت طويرة الفِرّه
عرّيت الوطن و رقّدتو فوق القِرّه
فى يومنا الـ نقوم نسقيك كاس المُرّه
|
Post: #35
Title: Re: ردالم Practice كونو راجلا احو
Author: Hassan Makkawi
Date: 03-31-2009, 07:15 PM
Parent: #34
Quote: عمر العوير يا قراضة الرجال العُرّة
ترجف من الهبوب حاكيت طويرة الفِرّه
عرّيت الوطن و رقّدتو فوق القِرّه
فى يومنا الـ نقوم نسقيك كاس المُرّه |
قومتكم حلم بقت الصباح بى دفرة
وكان جاكم قيام جهزنا ليكم حفرة
أخير نتصالحوا نقعد جميع فى سُفرة
اليومين بعدن بس ننتبة لى بُكرة
|
Post: #36
Title: Re: ردالم Practice كونو راجلا احو
Author: abubakr salih
Date: 03-31-2009, 07:31 PM
Parent: #35
Quote: قومتكم حلم بقت الصباح بى دفرة
وكان جاكم قيام جهزنا ليكم حفرة
أخير نتصالحوا نقعد جميع فى سُفرة
اليومين بعدن بس ننتبة لى بُكرة |
قبل العوير عمر، كم فى اللجج من هدو
اسأل اخوه نميرى، بعرف قيامنا و مدو
يديك النجيض، عن شعباً سنيناً حدو
يقطع كل طاغية، و كبريت يحرق الجربو
|
Post: #37
Title: Re: ردالم Practice كونو راجلا احو
Author: عبدالكريم الامين احمد
Date: 03-31-2009, 07:44 PM
Parent: #36
سمع اضاني حسع الطاغية بناضم في سوداني قطر
وماجات لاضاني سيرة رصاص الشرق النزل زي مطر
ماسمعناكلام سفر الطيارات البقت كع كرع وخطر
واوكمابو لو خلاهو اتغدا بلقي روحو ما فطر
|
Post: #38
Title: Re: ردالم Practice كونو راجلا احو
Author: عبدالكريم الامين احمد
Date: 03-31-2009, 08:01 PM
Parent: #37
البلد اتقطع واجدع وبقي رزم ورزم
والبشير تقولو (لا) يقول امشو ياجزم
مستشارو عديل طلعنا شحاديين ومقطعين لزم
والخوف اوباما الخواجة يعمل لينا قوانين وحزم
|
Post: #39
Title: Re: ردالم Practice كونو راجلا احو
Author: علاء الدين يوسف علي محمد
Date: 03-31-2009, 11:41 PM
Parent: #38
Quote: سمع اضاني حسع الطاغية بناضم في سوداني قطر
وماجات لاضاني سيرة رصاص الشرق النزل زي مطر
ماسمعناكلام سفر الطيارات البقت كع كرع وخطر
واوكمابو لو خلاهو اتغدا بلقي روحو ما فطر |
سمع الأضان ما بفيد يا أبو رِجيلة انشقت
فاتك نور البشير الشاع زي رتينة و بقّت
أوكامبو العوير لابد فيهو العروق جت طقّت
و أسدنا الهُمام تلقاهو محل إدينك لقّت
|
Post: #40
Title: Re: ردالم Practice كونو راجلا احو
Author: ود الباوقة
Date: 04-01-2009, 05:41 AM
Parent: #39
شوف ود البشير الفارس الضرغام
اصبح في قطر جالس مع الحكام
الماسك شريعة المولى والاسلام
ما بهموه ناس اوكامبو ديل اقزام
|
Post: #41
Title: Re: ردالم Practice كونو راجلا احو
Author: ود الباوقة
Date: 04-01-2009, 05:52 AM
Parent: #40
ما غنيت قبل لي ود مرة اتهشهش..
لكن البشير فارس سريرة وش ..
ريس وفوقو خايلة مو الغشيم الهش
ربيعك ما بهم اتغتا واتفرش
ماشفتو الفراسة المي فراسة غش
في دوحة حمد متل الصقر عرش
صوقر يب كريك خلي الخلوق تتفش
ما بتهمك الدنيا ام بنايا قش
اوكامبو اللئيم في اب نترة ما بتتفش
اكآل الجواميس كسار رقابن كش
مطر التترة بعمت مو الخفيف الرش
من قومة الجهل لا فز لا اتحرش ..
|
Post: #42
Title: Re: ردالم Practice كونو راجلا احو
Author: abuguta
Date: 04-01-2009, 06:17 AM
Parent: #41
اقصروا الكلام,,, ياود القريش
زولكم وصل ولا طيارتو حتت ريش
رئيسكم يجقلب زى مكتول الشيش
حاضن للبلاطة ورادف معاها دبش
|
Post: #43
Title: Re: ردالم Practice كونو راجلا احو
Author: بدرالدين كاجوري
Date: 04-01-2009, 06:28 AM
Parent: #41
نحن احفاد المك سيرتنا ضاوية منارة
نحنا بناتنا وصغارنا مابعرفوا الحقارة
ذولكم دة كان مننا كان قصد لاهاي عديل ما ضارة
نسبتوة ساكت لينا هذا الفارة
|
Post: #44
Title: Re: ردالم Practice كونو راجلا احو
Author: خالد المحرب
Date: 04-01-2009, 06:34 AM
Parent: #43
توقيف البشير فى المحكمة الدوليه
لحست كوع وخمشة نار ولدغت حية
كان نزل السما واستخدمو الذرية
مابخاف الصقر من صفقة القمريه
|
Post: #45
Title: Re: ردالم Practice كونو راجلا احو
Author: abuguta
Date: 04-01-2009, 06:42 AM
Parent: #44
Quote: توقيف البشير فى المحكمة الدوليه
لحست كوع وخمشة نار ولدغت حية
كان نزل السما واستخدمو الذرية
مابخاف الصقر من صفقة القمريه |
ياود المحرب لا تشيلك الهاشمية
ابواتك تلوب ,,بسعدلو المكفية
الانقاذ ظالمة وحكومة غير مرضية
لو زائر للبطانة بدفعوك زندية
|
Post: #46
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 07:15 AM
Parent: #45
بشيرنا الرجالة فيها شال الكاس
الدوحة القريبة ناطيها لي كراكاس
ما خاف من لويسكم يا شُلّة الأنجاس
أحفتوها الشجاعة تلقونا ليها الساس
|
Post: #47
Title: Re: ردالم Practice كونو راجلا احو
Author: عبدالكريم الامين احمد
Date: 04-01-2009, 07:53 AM
Parent: #46
Quote: بشيرنا الرجالة فيها شال الكاس
الدوحة القريبة ناطيها لي كراكاس
ما خاف من لويسكم يا شُلّة الأنجاس
أحفتوها الشجاعة تلقونا ليها الساس |
شوف ابو ساندرا جاليتنا جات زول وفرت زولة
وفي البشير جاليتنا عندها الف كلمة و قولة
وكركاس تحرم لزولكم السفرتو تاني الا حولة
كن اسدا صحي في اروبا يديها جولة وجولة
|
Post: #48
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 08:07 AM
Parent: #47
Quote: وكركاس تحرم لزولكم السفرتو تاني الا حولة
كن اسدا صحي في اروبا يديها جولة وجولة |
من زمن الحصار شن عندنا فيها أوروبا
نمشي محل مصالحنا و ما بتجينا الحبة
شِن دايرين معاهم العالم الما اتربّى
شوكتنا في حلوقم و محل قعادن حربة
|
Post: #49
Title: Re: ردالم Practice كونو راجلا احو
Author: صلاح أبودية
Date: 04-01-2009, 08:34 AM
Parent: #48
بعدمشيت الدوحة وحددت أركانها
مبروك العمرة تامة بى أركانها ..
وماتنسى الرسول الروضة ومكانها
وعقّب على جدة سلم على سكانها !
|
Post: #50
Title: Re: ردالم Practice كونو راجلا احو
Author: بدرالدين كاجوري
Date: 04-01-2009, 09:07 AM
Parent: #49
من زمن الحصار شن عندنا فيها أوروبا
نمشي محل مصالحنا و ما بتجينا الحبة
سافرت قبل للبابا تطلب ودة
ودبجت الرسائل لاوباما لفروض الطاعة معها مودة
وسردبتا لما اهانوك اخوان ماري ولندة
معروفة خصالك اضينة وديك للعدة
|
Post: #51
Title: Re: ردالم Practice كونو راجلا احو
Author: عمر التاج
Date: 04-01-2009, 10:13 AM
Parent: #50
اوكامبو اللعين قرارك موصوا وبلو
وأسقي معاك التبعو طريقتك وضلو
بشيرنا سافر دحين كتر كلامك خلو
عينك في الفيل مالك بتطعن ضلو ؟
|
Post: #52
Title: Re: ردالم Practice كونو راجلا احو
Author: عمر التاج
Date: 04-01-2009, 10:14 AM
Parent: #51
الليلة البشير تم الرئاسة ضكارة
شغل معلمين حنكة ماهي شتارة
كسر الحصار في الجو ركب طيارة
خلاك يالجبان حكم بدون صفارة
|
Post: #53
Title: Re: ردالم Practice كونو راجلا احو
Author: عمر التاج
Date: 04-01-2009, 10:16 AM
Parent: #52
درس في الشجاعة لا قلم لا سبورة
سافرت الدوحة عليت همم مكسورة
هزأت (الجنايات) أديتها فوق صنقورها
وناس (يا اوكامبو) طلعتهم ( ماسورة)
|
Post: #54
Title: Re: ردالم Practice كونو راجلا احو
Author: abubakr salih
Date: 04-01-2009, 11:11 AM
Parent: #53
الهمبول وقع و كتر البتابت عيب
شيلوا الصبر يا قِرَاضة و بطّلوا الجقليب
سرّاقين قدااام لعرق الفقير و الجيب
فى يومنا الــ نقوم يشفى الوطن و يطيب
|
Post: #55
Title: Re: ردالم Practice كونو راجلا احو
Author: abubakr salih
Date: 04-01-2009, 11:17 AM
Parent: #54
عمر العوير همبول و خاتى فراسا
سرق ديمقراطيتنا قبل ما نوهِّط ساسا
شتت شمل البلاد الاكارم ناسا
خرّب وطن الجدود العزيز ميراثا
|
Post: #56
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 12:10 PM
Parent: #55
تكمِّلواصعلقتكم و تجونا تب راجعــين
تلقوهم جميع الليكم كانوا منتســــبين
عرفوكم أذِيّة و ما فيكم الصـــــالحين
من المطار تلقوهم صورة البشير رافعين
|
Post: #57
Title: Re: ردالم Practice كونو راجلا احو
Author: معتز القريش
Date: 04-01-2009, 02:14 PM
Parent: #56
البشير الأسد الليلة سافر مكة
في بيت الله الكريم سوالو أعظم عمرة
أوكامبو النجس الليلة عرقك طقا
بشيرنا اب زرد ما بتقدر تسويلو الحبة
|
Post: #58
Title: Re: ردالم Practice كونو راجلا احو
Author: عبدالكريم الامين احمد
Date: 04-01-2009, 02:22 PM
Parent: #57
مكة بيت الله ذنوب بشيركم ما بتمحاها
الزارعا اوكمابو عليهو بس يرجاها
والبحر الاحمرالليلة قطعتو مافي سواها
مكةو دبي وبشيركم قطعة البحر اكيد اباها
|
Post: #59
Title: Re: ردالم Practice كونو راجلا احو
Author: عبدالكريم الامين احمد
Date: 04-01-2009, 02:33 PM
Parent: #58
كراكاس هدييك اليمشي يرقص ويقدل فيها
الخبر الاكيد قالو قلبو تبببب ما بيها
شافيزا حالف ببترولو عزومتو ما بخليها
واوكمابو الكيك السماء يوماتي برصد فيها
|
Post: #60
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 02:45 PM
Parent: #58
Quote: مكة بيت الله ذنوب بشيركم ما بتمحاها
الزارعا اوكمابو عليهو بس يرجاها
والبحر الاحمرالليلة قطعتو مافي سواها
مكةو دبي وبشيركم قطعة البحر اكيد اباها |
يا كيكي الكسير والله حالك إحنِّن
من شق رجيلتك الخُلعة ليك حتجنِّن
و جاك البشير للدوحة تب مُطمِّن
حيّر شُلّتك خلّى الرويسة تونوِن
|
Post: #61
Title: Re: ردالم Practice كونو راجلا احو
Author: عبدالكريم الامين احمد
Date: 04-01-2009, 02:53 PM
Parent: #60
| Quote: حيّر شُلّتك خلّى الرويسة تونوِن |
الراس مونون من يوم حكم الدقن ما قام
البلد رقد سلطة وجنيهنا استحمي وعام
دارفور خرب ناسها فروولحقو بلاد سام
والبيت الكبير بدون لمة اهل عمرو مادام
|
Post: #62
Title: Re: ردالم Practice كونو راجلا احو
Author: معتز القريش
Date: 04-01-2009, 03:05 PM
Parent: #61
يا كي اللعين بشيرنا موية نار
ما بتقـدر عـلـيـهـو قـعـــــوية
طاف البلاد شرقــا وغــربـــــــا
وينو اللعين أوكامبوك اللقويـــة
وراجـع كـمان منصور زار بيـت الله
طـاف وســعـى ومن زمزم شرب موية
يا كي كي الكسير أخير لك ترجـع
لي صوابك ما بنفعوك الشيوعـية
|
Post: #63
Title: Re: ردالم Practice كونو راجلا احو
Author: عبدالكريم الامين احمد
Date: 04-01-2009, 03:11 PM
Parent: #62
Quote: يا كي كي الكسير أخير لك ترجـع
لي صوابك ما بنفعوك الشيوعـية |
شيوعية شنو يا ظلامي ياتليفة
انا ودقرف وبحلم لشعبي برغيفة
بطلو الجقلبة وحركات الهتيفة
الجبهة العديل فيها يدو خفيفة
|
Post: #64
Title: Re: ردالم Practice كونو راجلا احو
Author: معتز القريش
Date: 04-01-2009, 03:23 PM
Parent: #63
Quote: شيوعية شنو يا ظلامي ياتليفة
انا ودقرف وبحلم لشعبي برغيفة
بطلو الجقلبة وحركات الهتيفة
الجبهة العديل فيها يدو خفيفة |
يا كي كي اللعين تب ماك من ناسا
المسادير خليها لي أهلا ومن ساسا
ما بتعرف تقولا لو شفّيتامن كراسا
البشير شعرا طويل ما عندك ليهو مقاسا
|
Post: #65
Title: Re: ردالم Practice كونو راجلا احو
Author: الشامي الحبر عبدالوهاب
Date: 04-01-2009, 03:23 PM
Parent: #44
Quote: توقيف البشير فى المحكمة الدوليه
لحست كوع وخمشة نار ولدغت حية
كان نزل السما واستخدمو الذرية
مابخاف الصقر من صفقة القمريه |
ود المحرب نجضت الكلام بلحيل
نعمنك وريث ناسا ركوبن خيل
فوارس عركة ما بيابو الدواس والليل
لكن البشير استرلو رب العزة من ناس ديل
|
Post: #66
Title: Re: ردالم Practice كونو راجلا احو
Author: معتز القريش
Date: 04-01-2009, 03:37 PM
Parent: #65
وهذه مشاركة من الأخ إمام
عن طريق الايميل
Quote: شكرا كثير ود القريش للدعوة
أياكم أصال أصحاب كرامة ونخوة
بندور الكتابة وديمة ليها بنهوى
وقرايين كلام البورد اليسوى والمايسوي
جيت البورد برغبة قلت أشارك أرد
بكري الهمام زودني بالباسورد
أيام الهكر جدعوني بره الساحة
الشر يعم وعمت الكتاحة
وأولاد الحرام ما خلو فيها سماحة
زولا جديد في البورد كنت صراحة
موضوع البشير فارس يخوض الجولة
كان صح كان غلط أثبت كرامة الدولة
نفقل حوشنا نتحاسب أخوه كريمة
ننبد كل خلاف سودانا عامر ديمة
ناسا عزاز ما بنرضى ليها حقارة
كل من يقدم دعوة نجيه بالطيارة
البشير سوداني كان سمح كان شين
هو رمز الدولة للراضي والمابين
لو الحكم سوداني كان نقول أهلين
لو استعمار أحسن نموت واقفين
إمام |
|
Post: #67
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 03:49 PM
Parent: #66
من عينة نِضالكم ما شُـــــفنا جِن بنداوة
فُتُّوهو الفســــوق و اصبح فجور و غباوة
حبُّوهو البشــــير من نمولي لي ود راوة
شوف عيني الكديس و الفار نسوها عداوة
|
Post: #69
Title: Re: ردالم Practice كونو راجلا احو
Author: معتز القريش
Date: 04-01-2009, 03:54 PM
Parent: #66
وهذه المشاركة الرائعة وصلتني من الأخ أمير فتحي
مجادعة بين أمير فتحي وابن عمه عماد علوب
________________________________________
كلام عرب ساااااااااااااكت
هازول لقيتلك محومد ود النتيفه وعلي ود ابسته وصالح ود طيفور ...حدا الوادي الاخدر ..محومد قالك ود البشير دقالك تلفون لي ابوكمبو ردت عليه السكتيره قالتلو منو معااااااااي ..قالها هوي يامره زحي لا غادي جيبي السمو منو دا ..ابوكمبو مسك ليك التلفون وقال لي ود البشير هاو ار يو ...قالو لا هاو لا يو ....
هوي يابكمبو الانقليز أخير تمسكو آدابكم
واسوهو الكلام قبال اواسي رقابكم
ماعندي الاضينه الدابو محسوب دابكم
فد جعلي ان ركب حالاً بخربو عقابكم
هيييييييع عافيت منو ..عليمك الله اكان ود البشير دا لاقلك ابوكمبو في زقاقاً ضيق علا يخلي دمو زي بربخ بابور جمعية القولد بحري
امير ود أحمد قول هوى
بندور منك شويه فزعه
ان بتعرفك حكيم زي الناس
عندنا حبيبا لينا بلحيل مورد
الدكاترة حقون البندر (الرياض)
قالوا حبيبكم ده بيدورا حليكم
راجنك فسراع ادينا اللكيدة ..
آآآبشنب حبابك عشره
أدخل لا جوه ..اخلف رجل فوق رجل..لامن العوين يقلن البن
حكيماً تب مابنمشيلو ..سولو شوية زيت بي قرض تاني عليمك الله الوردي علا تقوم جاريه
أكان مانزلت ودوهو لاحمد ود عوض الله بالطايره النفاسه في سلامة الباشا عندو حقنتاً قدر منفاخ عجلة علي جنا محومد ود صالح
عاد تاني ماشفلك عدل غير دا .....العواااافي
عماد ود العلوب:
إتلم التعيس والخايب النصراني
قالوا جنا البشير لازم نجيبو ثواني
فاكرين الرئيس في بلدو زول وحداني
قام الشعب هوب قدم دروس ومعاني
وحد للشعار .. الضر البشير ضراني
ويا أوكامبو هوي دونت طتش سوداني
أمير:
عمر ود البشير شيخ العرب في الجمله
وفي الحرب الضروس دايماً بقود الحمله
اوكامبو الفطيس كان داير يعمل العمله
يخفس للسماء تلقاهو قابض قمله
عقب باجنى علوب وانا اخوك
عمر ود البشير فارس دواس ونحاس
من عزاً أصييييل تركة بني العباس
صنديد دار جعــــــل ناس الاصل والساس
اوكامبو الغشيم طاقاهو لخمة راس
عماد ود العلوب :
كلب أمريكا هوهو وبشيرنا ما هماهو
ماسك في الدرب وشعبو الأصيل ببراهو
وينك يا أوكيمبو تاريخنا اخير تقراهو
إت ما قالوا ليك عن دقنه والسواهو
أمير :
ها اوكامبو الغشيم ماشفتا كيف دارفور
وفارس الحوبه داك صنديدا فرح الدور
كان مارجع من كلامك وقتا انا مدحووور
تلقى دميك سااااااااااااااااالت قسم نهور وبحور
حاشيه :
فرح الدور فارس الرزيقات الذي طعن نفسه بالسكين امام المشير
عماد ود العلوب :
أبشر يا الأمير واضرب جنا أمريكا
بالقول الرصين وخلينا من مزيكا
نحن نحل شبك الصعبه والشربيكا
ويا أوباما خيبتك خلاص عرفنا الفيكا
أمير :
آآلعمده المتين قول الكلام الصاااح
ود عز البلد ناساً صحاااااح وفصاح
بلداً فيها أخوان عزه أترتاااااااااااااااح
وفي بين الدول تصبح علم مصباح
واوكامبو اللعين تصبح ديارو نواح
عماد ود العلوب :
يا ريس البلاد الدوحه لا تمشيها
واحذر من كفر مكايدو ما بفشيها
عارفنك أسد تشهد ميوم والفيها
وتُب فيها القِمم أصلو القِمم شن فيها
أمير :
عمر ود البشير برد الليالي الحرن
فرتاك شبكة الدرع الحديد مقرن
اوكامبو الجبان حشد الشهود الضرن
فيهم عبد الواحد داك الجبان الارعن
بي حب اليهود كتابو لامن عفن
عماد :
سودانيه سود بارين نبينا محمد
قارين الكتاب تالنو ماهو مجمد
ساندين الضعيف ظالمنا جمرو مخمد
والقاصد عدانا حليلو .. حالو مرمد .
أمير :
نحنا مجربييييين وسمنا فيهم ظاهر
غواثين ضعيف مابنرضى فيها مظاهر
الزول الغشيم البي عدانا بجاهر
ردنا ليه جااااااااااااهز ودونو سيفنا الباتر
عماد :
قسماً بالعظيم خالق النفس باريها
نريد وطن الجدود سودانا في كل جيهه
ويارب العباد رافعنها ليك نديهه
تحفظ للبلاد من كل فتن وكريهه
أمير :
اوكامبو الجبان دربك دا لا تخليه
صنقع للسما حتى القمر دليه
ات قايل بشيرنا بنتركو نخليه
حافظ للكتاب والغره ماليا وشيه
شيطانك بطير كان اعترضت مشيه
عماد :
نحن اولاد رجال لبسوه سونكي وكاكي
ماسكين الزناد قاطعين قليب اليانكي
رابطين البطون عايفين شراب التانكِ
وان كمل الرصاص نملأ عدونا سوانكي
أمير :
نتباشر وكت نلقى السيوف تلمع
نلزم للصفوف لمن يقولو أجمع
ومابنابا الدواس عشان سودانا يتجمع
نرفع لي تمامنا ورجلنا بتقول كععععع
عماد :
حسن ود الترابي سويتها عيب وملامه
كيفن البشير نديهو ناس أوباما
وكيفن للكفر نركع ندلي الهامه
ونحن العز فِرح لمن طلبنا علامه
وما بيطولو البشير هم ديل لِقوهو أسامه؟
أمير :
ياعمده الدلائل للمؤامره كافيه
ننصر للبشير لامن تجيه العافيه
وفي شان نصرو ننظم للشعر والقافيه
ديل اتجمعولنا متل عصابة المافيه
عماد :
أخوي ود فتحو امير أبشر عديله وزين
إت جبت الشِعر ذكرت للناسين
نحن ولاد بلد مابِنو قول الشين
وفي ريد البلد تسّب قلوبنا حنين
تابعنو دين الحق وان شاء الله منصورين
أمير :
اوكيمبو الجبان الكيسو دايماً فاضي
فبرك للتهم قال لي رئيسنا يقاضي
ماظنو الغشبم قلب صحائف الماضي
وياأوباما شوتك دقت العراضي
عماد :
حباب وطن الشموخ سودان وطنا حبابو
تفداك النفوس وتتبرا من الخابو
وكان جرب عدو يوماً وطنا خرابو
نحميهو الوطن وللرجم نحن شهابو
أمير :
حباب ود الظواهري صنديد رجال القاعده
يالطلقتو يود دنيتنا هاذي البايده
كلامك زين يالأسد .. ومنو بتعم الفايده
تمسك للرسن نديك دوام القايده
سيبك من زعيط ومعيط وشارده ووارده
*********************
نزل ود البشير في دوحة العربان
وراهم بيااان فااارس ولد فرسان
عيال اوكامبو ناحو ودمعهم فيضان
قايلين البشير ساجننو في السودان
وماخابرنو فارس يحمل النيشان
|
Post: #70
Title: Re: ردالم Practice كونو راجلا احو
Author: عبدالكريم الامين احمد
Date: 04-01-2009, 04:02 PM
Parent: #66
Quote: يا كي كي اللعين تب ماك من ناسا
المسادير خليها لي أهلا ومن ساسا
ما بتعرف تقولا لو شفّيتامن كراسا
البشير شعرا طويل ما عندك ليهو مقاسا |
الزنقة حارة بالمسدار حتي لو كان شييييين
نجضتو البلد ودقانيكم حرمنا البيعة والدين
المسدار ما بسيبو ليك وخلاص ياطه ودكين
جحر ضب معاكم والقصاص العين بالعين
|
Post: #68
Title: Re: ردالم Practice كونو راجلا احو
Author: بدرالدين كاجوري
Date: 04-01-2009, 03:51 PM
Parent: #65
ذولكم كان فارس مابقتل حريم دارفور
وكان راجلا كلس كان شبعن سلات وكبدة تور
معروف الاضينة ماتلميز لشيخ موتور
دعاهن سلط عليك ذولا قلت علية ماجور
خلي الرقيص والجقلبة بعد صدام جاي عليك الدور
|
Post: #71
Title: Re: ردالم Practice كونو راجلا احو
Author: قاسم المهداوى
Date: 04-01-2009, 04:09 PM
Parent: #68
يا ود القريش من حقك تفرح بى ود عمك
لان الطفل ده ليس باخوك ولا حتى يقرب ليك فى المواطنة .. والا كيف ؟؟
قاسم
|
Post: #78
Title: Re: ردالم Practice كونو راجلا احو
Author: معتز القريش
Date: 04-01-2009, 04:51 PM
Parent: #71
Quote: يا ود القريش من حقك تفرح بى ود عمك
لان الطفل ده ليس باخوك ولا حتى يقرب ليك فى المواطنة .. والا كيف ؟؟ |
الأخ قاسم المهداوي المحترم
أولا اثبت لي انه سوداني
وثانيا انه البشير هو اللي عمل فيه كدا
لأنه بصراحة بقينا ما بنصدقكم عارف ليه ؟
من كتر الصور المزورة الجابوها لينا هنا
ثالثا أغلبية الماتو في دارفور كتلوهم المتمردين
رابعا البوست دا بوست خاص بي مسادير فوق رجالة البشير
لو انت عندك صور عاوز تنشرا أفتح ليك بوست جديد
وللعلم فقط (البوستات في سودانيز أون لاين مجانية)
|
Post: #82
Title: Re: ردالم Practice كونو راجلا احو
Author: قاسم المهداوى
Date: 04-01-2009, 06:06 PM
Parent: #78
شكرا عميقا ود القريش
عموما ليس لدى اى مسادير ومساديرى
صور تحكى وتروى وتقول ... فقط
معقولا يا معتز الطفل ده ما سودانى ... صينى يعنى ولا شنو ؟؟؟؟
كدا ركز شوية وحتعرف الطفل ده سودانى ولا ما سودانى ..
تانى شاكر جدا ردك وغايتو ...
قاسم المهداوى
هامش
معزرة حرية التعبير بى صور بى مسدار مكفولة ولا كـــيف ؟؟
|
Post: #72
Title: Re: ردالم Practice كونو راجلا احو
Author: معتز القريش
Date: 04-01-2009, 04:13 PM
Parent: #68
وهذه مشاركة من الأخ / عطية الله مصطفى
عمر البشير تمساح الكوانى الحر
بقابل الموت عديل لى ورا مابتر
يا أوكامبو أحسن ليك تخم وتصر
قبل يلفاك سيف البشير المر
|
Post: #73
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 04:17 PM
Parent: #68
إتلم التعيس والخايب النصراني
قالوا جنا البشير لازم نجيبو ثواني
فاكرين الرئيس في بلدو زول وحداني
قام الشعب هوب قدم دروس ومعاني
وحد للشعار .. الضر البشير ضراني
ويا أوكامبو هوي دونت طتش سوداني
أمير:
عمر ود البشير شيخ العرب في الجمله
وفي الحرب الضروس دايماً بقود الحمله
اوكامبو الفطيس كان داير يعمل العمله
يخفس للسماء تلقاهو قابض قمله
عقب باجنى علوب وانا اخوك
عمر ود البشير فارس دواس ونحاس
من عزاً أصييييل تركة بني العباس
صنديد دار جعــــــل ناس الاصل والساس
اوكامبو الغشيم طاقاهو لخمة راس
عماد ود العلوب :
كلب أمريكا هوهو وبشيرنا ما هماهو
ماسك في الدرب وشعبو الأصيل ببراهو
وينك يا أوكيمبو تاريخنا اخير تقراهو
إت ما قالوا ليك عن دقنه والسواهو
أمير :
ها اوكامبو الغشيم ماشفتا كيف دارفور
وفارس الحوبه داك صنديدا فرح الدور
كان مارجع من كلامك وقتا انا مدحووور
تلقى دميك سااااااااااااااااالت قسم نهور وبحور
حاشيه :
فرح الدور فارس الرزيقات الذي طعن نفسه بالسكين امام المشير
عماد ود العلوب :
أبشر يا الأمير واضرب جنا أمريكا
بالقول الرصين وخلينا من مزيكا
نحن نحل شبك الصعبه والشربيكا
ويا أوباما خيبتك خلاص عرفنا الفيكا
أمير :
آآلعمده المتين قول الكلام الصاااح
ود عز البلد ناساً صحاااااح وفصاح
بلداً فيها أخوان عزه أترتاااااااااااااااح
وفي بين الدول تصبح علم مصباح
واوكامبو اللعين تصبح ديارو نواح
هييييييييييييييييييييييييييييييييييييييييييييييييييع
|
Post: #74
Title: Re: ردالم Practice كونو راجلا احو
Author: معتز القريش
Date: 04-01-2009, 04:18 PM
Parent: #73
الأخ معتز - أرجو تقبل هذه المشاركة في بوست ( مسادير فوق رجالة البشير ) وشكراً .. أخوك أبو أمجد
و الله كان عندنا أملاً في معارضة نافعة .. ولي بلدنا تصيّن
لكن طلعوا منبطحين .. و راجين للأجنبي ليهم يعيّن
ومن درس العراق ما إستفادوا .. و في السلطة طمعانيين
ما دام ده حالهم معاك يا البشير واقفين
( أبو أمجد )
|
Post: #75
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 04:26 PM
Parent: #73
أولاد عازة هييييع ما بينا ناس مدسوسة
نبرا من الرجال أبّان جِسوم مفنوسة
جماعتك يا لويس السلّمت داقوسة
يمين زي الكلاب من الحمير مرفوسة
|
Post: #76
Title: Re: ردالم Practice كونو راجلا احو
Author: أحمد الشايقي
Date: 04-01-2009, 04:27 PM
Parent: #68
سمحـة الحكمة جادت والرئيس إن عاقل
ختيان المظالـم وبالمكارم قــادل
قلبو كبير يلم فرقـة بلادنا, مواصـل
حارس للحــدود من كيلو مـو متنازل
أحمد الشايقي
|
Post: #77
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 04:40 PM
Parent: #76
أعمال البشير ما كان سمع شوف عين
كباري و سدود و عربات جياد راكبين
البترول مرق من أبو جابرة و الكاملين
يرعاك الكريم و نزمِّلك يســـــــن
|
Post: #79
Title: Re: ردالم Practice كونو راجلا احو
Author: عبدالكريم الامين احمد
Date: 04-01-2009, 05:33 PM
Parent: #77
Quote: كباري و سدود و عربات جياد راكبين
البترول مرق من أبو جابرة و الكاملين |
حريات وحق مواطن وطلبنا كلو حقوووووووووق
سدوكباري كلو عمار ساهل وبشوية ابنص ملحوق
البترول شافطو الجاز وشعبو جيعان مشردممحوق
تكاكو غزة غزة وخير البلد لشعبها ما بحوق
|
Post: #80
Title: Re: ردالم Practice كونو راجلا احو
Author: Balla Musa
Date: 04-01-2009, 05:42 PM
Parent: #79
هبوا الفارغه, والكيه التخلف الكيه
ولخوا بلدنا دكوه والمواطن شيه
اسكروا بالسياده ومزوا بالوطنيه
وفكوا اوكامبو ظرطه والقضيه فسيه
شاوين المواطن والمواقف نيه
والحال واقفه ناشفه والبلد محنيه
بختكم.. البشير فى الجامعه العربيه
عريان من حلايب وسوى نفسو قضيه
|
Post: #81
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 06:00 PM
Parent: #79
أسمعنا يا كيكي من غير غلاط و حليفة
بترولك يمين محـــــسوب قرِش و تعريفة
ما تباري اليهود البَرَعُوا في التحـريفة
و مُعارضة الســـجم الفاقدة للتوليفة
|
Post: #83
Title: Re: ردالم Practice كونو راجلا احو
Author: علاء الدين يوسف علي محمد
Date: 04-01-2009, 06:12 PM
Parent: #81
Quote: شاوين المواطن والمواقف نيه
والحال واقفه ناشفه والبلد محنيه
بختكم.. البشير فى الجامعه العربيه
عريان من حلايب وسوى نفسو قضيه |
حلايب بترجع مهما الزمن طال عدّة
لولا البشير كان طارت وراها أُمبدّة
و لابد الرخا بيجينا بعد الشِدّة
ماشين تمام بس يختانا ديك العِدة
|
Post: #84
Title: Re: ردالم Practice كونو راجلا احو
Author: عبدالكريم الامين احمد
Date: 04-01-2009, 06:18 PM
Parent: #81
Quote:
أسمعنا يا كيكي من غير غلاط و حليفة
بترولك يمين محـــــسوب قرِش و تعريفة
ما تباري اليهود البَرَعُوا في التحـريفة
و مُعارضة الســـجم الفاقدة للتوليفة |
ياعلاء البلد اتشلع ومافضل فيها عود
ولبعة بترولو حاصلة وما لازماها شهود
البلد بلدنا وكلنا ليها جنود
الا الظلم شين والعدل دايرلو حدود
|
Post: #85
Title: Re: ردالم Practice كونو راجلا احو
Author: علي الكرار هاشم
Date: 04-01-2009, 08:06 PM
Parent: #84
شوف ود البشير الفارس الضرغام
اصبح في قطر جالس مع الحكام
الماسك شريعة المولي والاسلام
ما بهموهو ناس اوكامبو ديك اقزام
|
Post: #86
Title: Re: ردالم Practice كونو راجلا احو
Author: معتز القريش
Date: 04-01-2009, 08:41 PM
Parent: #85
|
Post: #87
Title: Re: ردالم Practice كونو راجلا احو
Author: عبدالكريم الامين احمد
Date: 04-02-2009, 10:26 AM
Parent: #86
وين مشي ودقريش وصحبو علا الدين الكوز
لقلقو في المسادير ونططوا قولو انقاذكم فوز
يا ربي الم فيكم بلاندكروز ودوشكا وسبيطة موز
ريحتكم تبقي طير طير كوبر سجنكم فرادي و جوز
|
Post: #88
Title: Re: ردالم Practice كونو راجلا احو
Author: علاء الدين يوسف علي محمد
Date: 04-02-2009, 10:38 AM
Parent: #87
Quote: وين مشي ودقريش وصحبو علا الدين الكوز
لقلقو في المسادير ونططوا قولو انقاذكم فوز
يا ربي الم فيكم بلاندكروز ودوشكا وسبيطة موز
ريحتكم تبقي طير طير كوبر سجنكم فرادي و جوز |
يا كيكي نحن رُجال و ما بنعرف الفزّة
مبسوطين بي رئيسنا البيهو جد نِتعزّة
إيش فايدة نضالاً ما فيهو غير المزّة
أندهلها الهِندِيّة تجيبة ليك البِزّة
|
Post: #89
Title: Re: ردالم Practice كونو راجلا احو
Author: adam khatir
Date: 04-02-2009, 10:38 AM
Parent: #87
أخى الكريم معتز
سلامى ومودتى
لقد أعجبنى هذا البوست واستثار فضولى فدعنى أجرب بعض محاولة فى افخار برمز امتنا البشير
سفرك يا البشير خلاهو زى سيد رايحة .
يهدر فى الدول كايس النصر والنايحة .
أعداك والعميل بقو كالكلاب الصايحة .
انشاء الله المقصة فالهم والحلوق مترايحة .
حواشى : ( خلاهو ) أقصد أوكامبو
سيد الريحة معروف أنه يفتش خشم البقرة فى عاميتنا
العميل أقصد فرنسا -بريطانيا - أمريكا للجنائية
فى عجز المسدار من نباحهم الى فقدوا حناجرهم .
والله الموفق
|
Post: #90
Title: Re: ردالم Practice كونو راجلا احو
Author: هجو الأقرع
Date: 04-02-2009, 10:51 AM
Parent: #87
كيكى وجماعتو اتلقوا كم صفعات
ضرغام الرجال المابهاب سفرات
الفارس اللزوم قائد الحوبات
وصل بالسلامة وبنياتن منشرحات
جامل ابو مشعل وشرف الدوحات
والشعب و انبسط وكيكى مات حسرات
|
Post: #91
Title: Re: ردالم Practice كونو راجلا احو
Author: Rawia
Date: 04-02-2009, 11:17 AM
Parent: #90
Quote: الأسد الهصور هرس البلد بي ولادا
وقدام اليهود يرجف يكاكي جدادة
مجرم حرب عديييييييل ومتهم بإبادة
خلك في الرقيص سيب الحرب لسيادا |
I like this
مع إنه ما إتهموهو بالابادة لسة
___________
حسن مكاوي مندهشة انا
|
Post: #92
Title: Re: ردالم Practice كونو راجلا احو
Author: adam khatir
Date: 04-02-2009, 11:30 AM
Parent: #91
ود قريش مودتى
أبت اقريحة الا أن تزيد فى المسدار
أقدل يا المشير فوق الأمم واتحكر
جننت العدا هيج عليهم السكر
زيدهم فى الضغط خلى العزول اتكدر
بيك مرادنا تم وسمقنا بين المعشر
|
Post: #95
Title: Re: ردالم Practice كونو راجلا احو
Author: Hassan Makkawi
Date: 04-02-2009, 11:57 AM
Parent: #91
| Quote: حسن مكاوي مندهشة انا |
أدهشم البشير حتاهو ليهم ناشف
الخشامة صنوا سلط عليهم كاشف
إتدارقوا بالعوين فتشتة تب ماشايف
واقدل يا بشير انا بى شجاعتك عارف
|
Post: #93
Title: Re: ردالم Practice كونو راجلا احو
Author: عبدالكريم الامين احمد
Date: 04-02-2009, 11:31 AM
Parent: #90
Quote:
إيش فايدة نضالاً ما فيهو غير المزّة
|
مزتنا عدل والحقوق شاربين كاسا
طيبة وتعاليم دين احنا اول ناسا
زولكم البشير الطاغية قيمنا داسا
خبرناوبلاوينا في خشوم وكالة ناسا
|
Post: #94
Title: Re: ردالم Practice كونو راجلا احو
Author: عبدالكريم الامين احمد
Date: 04-02-2009, 11:55 AM
Parent: #93
| Quote: والشعب و انبسط وكيكى مات حسرات |
الشعب ياهجو نحنا من جووه كراكير بطنو
فرحتو وزعلوا ووجدانو ورطن رطينو بنرطنو
ماناسي الدقانة الربطوها بالغصب بطنو
السيل نهرو جاي وياناس هووي افطنو
|
Post: #96
Title: Re: ردالم Practice كونو راجلا احو
Author: عاطف عبدون
Date: 04-02-2009, 12:36 PM
Parent: #94
مرحب بالاسد الكتل اولادنا
مرحب بالاسد النهب ثرواتنا
تشهد ليك الجنوب كم كتلت في غاباتها
ويحيك اهل الغرب قدر قصفك لقطياتها
وما بننساك في كجبار ولا إعدامات شهر رمضان
هييييييييييييييييييييييييييييييييع
|
Post: #97
Title: Re: ردالم Practice كونو راجلا احو
Author: Ali Alhalawi
Date: 04-02-2009, 01:01 PM
Parent: #94
عشرين سنة و ما عايز تسيبـو الكرسى
سافر .. انشاء الله كل ما تصبح و تمسى
لو طال الزمن لى لاهاى بتبحر و ترسى
دعوة المظلوم تلقاك هناك تظرّط و تفسى
|
Post: #98
Title: Re: ردالم Practice كونو راجلا احو
Author: عبدالكريم الامين احمد
Date: 04-02-2009, 01:36 PM
Parent: #97
ياكيزان سواتكم بقت مرررة وشينا
البباري جدادكم زولا اكيد اضينا
حلاليب و اطراف بلدنا الليلة وينا
جن احمر وقفنا ولظلمكم تب ابينا
|
Post: #99
Title: Re: ردالم Practice كونو راجلا احو
Author: عبدالكريم الامين احمد
Date: 04-02-2009, 01:46 PM
Parent: #98
السلطان الدغري لشعبو ما بكاوي
بلسم الم وللجروح ديمة بداوي
زرعتو الفتن ومليتو بلدنا بلاوي
زمنكم جاط وسفركم بقي فتاوي
|
Post: #100
Title: Re: ردالم Practice كونو راجلا احو
Author: Balla Musa
Date: 04-02-2009, 04:33 PM
Parent: #99
هبوا الفارغه, والكيه التخلف الكيه
ولخوا بلدنا دكوه والمواطن شيه
اسكروا بالسياده ومزوا بالوطنيه
وفكوا اوكامبو ظرطه والقضيه فسيه
شاوين المواطن والمواقف نيه
والحال واقفه ناشفه والبلد محنيه
بختكم.. البشير فى الجامعه العربيه
عريان من حلايب وسوى نفسو قضيه
دقولوا الهبك شان يرقص اللوليه
اصلو ضميرو ميت والمشاكل حيه
الخواجه كاتبو على خوافى حديه
بقى حلابو حسنى والفشق حبشيه
|
Post: #101
Title: Re: ردالم Practice كونو راجلا احو
Author: Balla Musa
Date: 04-02-2009, 04:41 PM
Parent: #100
Quote: حلايب بترجع مهما الزمن طال عدّة
لولا البشير كان طارت وراها أُمبدّة
و لابد الرخا بيجينا بعد الشِدّة
ماشين تمام بس يختانا ديك العِدة |
ود يوسف علاء, يازول وحات الخوه
زولك اصلو فره وبالرخم بتقوى
خليهو اللهنبع وشعبو بايت القوه
والخواجه حربتو وصلت الترقوه
|
Post: #102
Title: Re: ردالم Practice كونو راجلا احو
Author: عبدالكريم الامين احمد
Date: 04-02-2009, 04:52 PM
Parent: #101
بلة حبابك وحباب مسدارك الصاعق الفنان
شعبنا اتسرق واخر عمرو فنانو بقي شنان
الكيزان طغو سوو روحهم ضكور ابو دنان
الكوراك ضرب وكوزنا بقي زول نان ونان
|
Post: #103
Title: Re: ردالم Practice كونو راجلا احو
Author: معتز القريش
Date: 04-03-2009, 10:01 AM
Parent: #102
وهذه مشاركة من الأخ حاج أحمد
ناس المحكمة قالوا البشير يتسلم إن شاء الله للشيطان
وناسك يا البشير دايرين رقبتك تسلم كان يحرق السودان
ما فيكم رشيد ما فيكم رجا يا معارضة وكيزان
ومسكين يا وطن بين ديل وديل غرقان
|
Post: #104
Title: Re: ردالم Practice كونو راجلا احو
Author: علاء الدين يوسف علي محمد
Date: 04-04-2009, 11:22 AM
Parent: #103
Quote: ود يوسف علاء, يازول وحات الخوه
زولك اصلو فره وبالرخم بتقوى
خليهو اللهنبع وشعبو بايت القوه
والخواجه حربتو وصلت الترقوه |
حقّاني في نضمي وحاتك إنت يا بلّة
قَبّال البشير عِدمنا القِرِش و الغلّة
نفتِّش في الرغيف زي لعبة الكِرتِّلة
نكابِس في الضلام و الموية من القُلّة
|
Post: #105
Title: Re: ردالم Practice كونو راجلا احو
Author: أحمد الشايقي
Date: 04-04-2009, 02:15 PM
Parent: #104
Quote:
سمحـة الحكمة جادت والرئيس إن عاقل
ختيان المظالـم وبالمكارم قــادل
قلبو كبير يلم فرقـة بلادنا, مواصـل
حارس للحــدود من كيلو مـو متنازل
|
سمحة الحكمة جادت والرئيس فرّحنا
ما فرقنا بالتمكيـن, فـرز, قمّحنا
عادل حكمـه بالحكم الرشيـد سمّحنا
تفديهو النفوس تفدي الوطن من محنة
ود الشايقي
|
Post: #106
Title: Re: ردالم Practice كونو راجلا احو
Author: معتز القريش
Date: 04-04-2009, 03:04 PM
Parent: #105
ود حمد الجعلي يشارك
يا عمر العزيز والله ما مهبول
القول كمل وتاني شن بنقول
لم شمل البلاد من نيمولي لي تمبول
|
Post: #107
Title: Re: ردالم Practice كونو راجلا احو
Author: معتز القريش
Date: 04-04-2009, 03:17 PM
Parent: #106
كتبت لنا مهدي
Quote: جابوك للرئاسة بدون دراية و راي
وتشبه في مواقفك الشقي الجراي
السودان بلدنا و ما بنبشتنو ساي
والشعب العظيم لا عافي لا نسّاي |
ود حمد الجعلي يرد على لنا مهدي
دا ولد الرياسة ولد العلم والراي
دا ماهو التليف ماهو البليد نوناي
ماهو الجبان البشبه الجراي
السودان العظيم كان عليكم راح ساي
|
Post: #108
Title: Re: ردالم Practice كونو راجلا احو
Author: أحمد الشايقي
Date: 04-04-2009, 04:04 PM
Parent: #107
Quote: سمحـة الحكمة جادت والرئيس إن عاقل
ختيان المظالـم وبالمكارم قــادل
قلبو كبير يلم فرقـة بلادنا, مواصـل
حارس للحــدود من كيلو مـو متنازل
سمحة الحكمة جادت والرئيس فرحنا
ما فرقنا بالتمكيـن, فـرز, قمّحنـا
عادل حكمـه بالحكم الرشيـد سمحنا
تفديهو النفوس تفدي الوطن من محنة
|
سمحة الحكمة والريس يفوز بالباب
حريـة ونقـوط ما جانا بالدبـاب
دستور برلمان حالفين يمين وكتاب
يتساوو الكجـور والنوبي والأرباب
ودالشايقي
|
Post: #109
Title: Re: ردالم Practice كونو راجلا احو
Author: معتز القريش
Date: 04-05-2009, 03:16 PM
Parent: #108
مشاركة ود حمد الجعلي
يا ود الكوك والمكارم ناسا
رفض دمقراط الأجانب النتن ونجاسا
شرع الله العيم والله غرّق ساسا
|
Post: #110
Title: Re: ردالم Practice كونو راجلا احو
Author: أحمد الشايقي
Date: 04-06-2009, 11:21 AM
Parent: #109
Quote:
سمحة الحكمة والريس يفوز بالباب
حريـة ونقـوط ما جانا بالدبـاب
دستور برلمان حالفين يمين وكتاب
يتساوو الكجـور والنوبي والأرباب
|
سمحة الريسة فوقو الجاسر المحجوب
يوم مصـر افترت لبسـت حلايب تـوب
قال ليهم تمرقوا اليوم تقولوا الروب
يا نحرق جميع, حرقـة كماين طـوب
أحمد الشايقي
|
Post: #111
Title: Re: ردالم Practice كونو راجلا احو
Author: هشام المجمر
Date: 04-06-2009, 12:32 PM
Parent: #100
البشير ماهو راجل الحارة
الحارة أنك تخلى حالة المواطن سارة
الحارة انك ترد لى اسرائيل الغارة
مش تقعد تنط من طيارة لى طيارة
|
Post: #112
Title: Re: ردالم Practice كونو راجلا احو
Author: معتز القريش
Date: 04-06-2009, 02:53 PM
Parent: #111
Quote: البشير ماهو راجل الحارة
الحارة أنك تخلى حالة المواطن سارة
الحارة انك ترد لى اسرائيل الغارة
مش تقعد تنط من طيارة لى طيارة |
ود حمد الجعلي يرد على هشام المجمر
دا معروفات خصايلو ما بعرف الهانة
مكمل للفروض بي صدق وأمانه
دا مجرب في الحروب ما من معارك فزه
دا الصقر المخوي ما هو ديك العدة
|
Post: #113
Title: Re: ردالم Practice كونو راجلا احو
Author: abubakr salih
Date: 04-06-2009, 07:05 PM
Parent: #112
عمر يا بشكير السجم بيك البلاد شقيانه
نشّفتا المحنّة الفيها المن قديم نديانه
خليتا تلعن ديمة جور العصور و زمانه
يا ولادة الضلام منك دا الكريم يحجانه
|
Post: #114
Title: Re: ردالم Practice كونو راجلا احو
Author: abubakr salih
Date: 04-06-2009, 07:06 PM
Parent: #113
عمر يا بشكير السجم عند الجماعة معوّم
كان وسط القوم جلستا فيلاً غليد اٍتكوّم
كان خلوك نضمتا دائما فى الخلوق تتلوّم
و ان درتا السُكات دمك قراد تتبوّم
|
Post: #115
Title: Re: مسادير فوق رجالة البشير
Author: معتز القريش
Date: 04-07-2009, 07:17 AM
Parent: #114
عمر يا بشير يا ود الأصول وأكارم
صغرتأوكامبو في كل بلود وعوالم
راسك أرفعو شعبك معاك بصادم
أعفص للعين وأهزم عديم المكارم
|
Post: #116
Title: Re: مسادير فوق رجالة البشير
Author: أحمد الشايقي
Date: 04-07-2009, 07:36 AM
Parent: #115
Quote:
سمحة الريسة فوقو الجاسر المحجوب
يوم مصر افترت لبست حلايب توب
قال ليهم تمرقوا اليوم تقولوا الروب
يا نحرق جميع حرقة كماين طوب
|
سمحة الريسة فوقو الازهري البولاد
في باندونق جلـس سجلها الامجـاد
يا رافع العلم فـوق القصر وقـاد
استقـلال نضيف لا فوقو سين لا صـاد
ود الشايقي
|
Post: #118
Title: Re: مسادير فوق رجالة البشير
Author: هشام المجمر
Date: 04-07-2009, 08:17 AM
Parent: #116
هشام المجمر يرد على ود الجعلى
شن تسوى الفروض لو لى دم القريب ما يعصمن
وشن تسوى الحروب الخاضها ضد اخوهو من غير مايرحمن
كمين مرة اضربنا من برانى و زعيمنا علينا مجحمن
يقينا نخاف من ضربة برة اكيد السدة جايانامن غير نمعن
|
Post: #117
Title: Re: ردالم Practice كونو راجلا احو
Author: ود الباوقة
Date: 04-07-2009, 08:06 AM
Parent: #100
دعوة المظلوم تلقاك هناك تظرّط و تفسى
دا شعر شنو يا جماعة ؟؟؟
والله وصلتو لي مرحلة متأخرة شديد ..
اخر العلاج الكيي ...
|
Post: #119
Title: Re: ردالم Practice كونو راجلا احو
Author: أحمد الشايقي
Date: 04-07-2009, 08:33 AM
Parent: #117
Quote:
سمحة الريسة فوقو الجاسر المحجوب
يوم مصر افترت لبست حلايب توب
قال ليهم تمرقوا اليوم تقولوا الروب
يا نحرق جميع حرقة كماين طوب
سمحة الريسة فوقو الازهري البولاد
في باندونق جلـس سجلها الامجاد
يا رافع العلم فـوق القصر وقـاد
استقلال نضيف لا فوقو سين لا صاد |
داوى الانجليز سوالن المرصاد
حرية الغبش والسودنة الميلاد
رفعة راسنا فوق والكل ملوك أسياد
جيب تصويتـنا, لو فراز ولو رفـاد
ود الشايقي
|
Post: #120
Title: Re: ردالم Practice كونو راجلا احو
Author: Ali Alhalawi
Date: 04-07-2009, 10:28 AM
Parent: #119
لو راجـلا صحـى و خالى من العيب
أمشى دافع عن عـمايلك بطّل الدّبيب
القرار لو صــدر كترة البتابت عيب
و دعوة المظلوم عند الله مـا بتخيب
|
Post: #121
Title: Re: ردالم Practice كونو راجلا احو
Author: معتز القريش
Date: 04-11-2009, 06:08 AM
Parent: #120
تحية طيبة أخي معتز القريش
ردا" علي لنا مهدي في قولها
جابوك للرئاسة بدون دراية و راي
وتشبه في مواقفك الشقي الجراي
السودان بلدنا و ما بنبشتنو ساي
والشعب العظيم لا عافي لا نسّاي
نقول
و سيدك زمان اكان جراب الراي؟؟
كلامو كتيرخلاص حدّاث و ما سواي
لاموية لا بنزين لا حتي كاسة شاي
صف العيش دبيب والكهربة اسكتي ساي
فوق درب التلوب بشيرنا ساير دربو
ماهو الخملة في انصاص الرجال بنحسبو
ود بلدا" اصيل حازم و يابس ضربو
صنقعوا دا السماء بتطيروا ولا بتحبو
حامد يوسف
|
|