|
|
 كان مابياكن ...اابى هدمى...
|
تحياتى للاصدقاء وللصديقات
لمن يسأل عنى ..ولمن "يخسمنى بابوى" ولمن يعتبر ان وجودى فى المنبر يزيده خيط شعاع واحد..
امر بوقت ....حرج..لا استطيع ان اتناسى الكثير من الاحداث الكبيرة التى حولت مسار المنبر الى ..اتجاه جديد..عله اخير او اسوأ ..لا ادرى ..
لما ابلع المبررات ...واهضم الحاصل...
عندما اخلص من التعقيدات التى تصاحب بعض الحاصل هنا..على المستوى الشخصى ...
سأعود
لكم محبتى
وكان مابياكن ...اابى هدمى ...
والبعرف يمد الالف ...يمدها لى ..."فتراااااااانه"
زى ما قالت بت عمتى عندما سألتها لماذا ترفض العرسان...قالت " فتراااااانه حمام ما قادرة استحمى....."
اخص بالشكر خالد الايوبى ..نادية عثمان رجاء ولكل المشاركين فى البوستات التى افردوها للسؤال عنى...
ادونى صنة ...لما الله يقول ليها ...كونى بتكون....
العفو والعافية....
|
|
 
|
|
|
|
|
|
|
|
Re: كان مابياكن ...اابى هدمى... (Re: Tumadir)
|
| Quote: لمن يسأل عنى ..ولمن "يخسمنى بابوى" ولمن يعتبر ان وجودى فى المنبر يزيده خيط شعاع واحد.. |
شوفو ليكم جنس تواضع!!!!ياخى تعالى لى بره خلى الاحباط ده
ماطول عمرك بتصارعى وبتكافحى فى الافات..سوى ليك شوية امصال
وكلنا نجى نحارب مسببات الازعاج دى ..مادى رسالتك فى الدنيا
يا بنت عمى..وزى ما قال المثل الجاية من البورد تتحملها تماضر
يلا وتعال يلا ندارق فى خلائق الله ،،،
| |
|
|
|
|
|
|
|
|
|
Re: كان مابياكن ...اابى هدمى... (Re: صديق الموج)
|
| Quote: زى ما قالت بت عمتى عندما سألتها لماذا ترفض العرسان...قالت " فتراااااانه حمام ما قادرة استحمى....." |
شفتو الطعم دا ، دا ما اياهو ذاتو البخلينا نجري وراك يا بت شيخ الدين ، نعمل ايه | Quote: ما بتترادي يا بت الكلب |
يا حليلو عمشيخ الدين .
| |
|
|
|
|
|
|
|
|
|
Re: كان مابياكن ...اابى هدمى... (Re: عشة بت فاطنة)
|
بت شيخ الدين الرائعة
قلتى :
ادونى صنة ...لما الله يقول ليها ...كونى بتكون....
وهسة صانين لينا يوم بحاله وماجيتى يابت امى !!
هى لكن باقيلك تانى بنقدر نصبر اكتر من ده آبت شيخنا ؟
وحاة الله وماطالبانى حليفة ياتماضر لمن شوفت وشك وابتسامتك البشوشة دى قلبى قال ليك
فححححححححححححححححححح
والله بنريدك ياغالية
وبنرجااااااااك
بس ماتتأخرى
سمح
| |
|
|
|
|
|
|
|
|
|
Re: كان مابياكن ...اابى هدمى... (Re: abas)
|
تماضر وينك يا غاليه
الشوق نيلين يا بت عم شيخ الدين
كلنا مشينا قعدنا بعيد وكتفنا يدينا
قلنا لما العلاله تخف والعصار يروح بنجى تانى تحت النيمه
انا غايتو كنت بقول محمد معانا ما تغشانا
والبدرى السمح شايفاه ليك ممطوط ماسك الفرع عشان ما يشيلو الهوا
ووقفنا بعيد ..وشايفين لينا كيمان كيمان بعيده ..
لكن بعد العصار خف شويه يا بت رجعت انا .واشحد فى الله يجيب البدرى..
على قول الحبيبه بيان كان ما البورد والناس الجميله كنا قرضنا زمااااااان
لكن ضحكتينى مرتين
كان مابياكن آآبى هدم لوووووووول ..تبرى يا يمه .. بتدورى تخرفى لينا من هسه ..
وقلتى بت عمك قال فتراااااااانه .. لووووووول ذكرتنى واحد صاحبنا .. داك ما قال فتران قال والله نسيتو العرس ده زاتو ..وانا كل مره اقول يا ربى داير اسوى شنو ؟
لمن لقيت روحى شيبت ..
تماضر ابقى لا داخل وحبابك يا الحديقه
| |
|
|
|
|
|
|
|
|
|
Re: كان مابياكن ...اابى هدمى... (Re: Tumadir)
|
تماضر شيخ الدين
أعرف أنك مرهفة ... وحساسة
تستطيعين بكل شجاعة أن تقولي رأيك مرة .. وربما إثنين.. ولكنك لا تقوين علي الصراخ و الزعيق لإيصال رأيك لمن لا يريد أن يسمعه
تستطيعين أن تناقشي آراء الآخرين في هدوء و تنتقدي ما لا يقنعك منها ولكنك لا تقوين علي الوقوف أمام آراء الآخرين عندما تتحول إلي سهام حادة و مسمومة.
تستطيعين إن تحتفظي بإحترام كامل و محبة صادقة لمن تخالفينه الرأي 180 درجة، ولكنك لا تقوين علي إحتمال أن يكون إحترام الناس لك مرهون بآرائك و أفكارك
وأعرف أنك لا ترضين أن تخدعي نفسك وأنت تتصنعين الرضاء بما يدور هنا . وفي نفس الوقت لا ترضين أن تجعلي من نفسك حكماً وقاضيا علي الناس، يدين هذا و يبرئ ذلك ويوبخ غيره. لذلك إبتعدت حتي إذا ما تأقلمت نفسك مع ما آل إليه المنبر، عدت إليه.
وذلك ما عبرت عنه بقولك:
لما ابلع المبررات ...واهضم الحاصل...
كل أملنا .. أن تعودي و تبقي و تشاركي في إعادة الروح إلي المنبر، دون الحاجة للصراخ والزعيق... دون وجود للسهام السامة ... وأن يسود الإحترام بين الجميع .... برغم إختلاف الاراء و التوجهات.
.ممكن تساعديها بأندروس ... عشان ترجعي لينا بسرعة
| |
|
|
|
|
|
|
|
|
|
Re: كان مابياكن ...اابى هدمى... (Re: خالد الأيوبي)
|
وجودك فيه راحة بال وامان واطمئنان...وانشراح نفوس كتيرة...
لن اقول كما قال الايوبي....ساعديها بي حبة اندروس...فانت اندروسنا
نحن...تعالي راجعة ...كتماضر الزمااااااااااااااااااااااااااااان
قبل ايام قليلة فكرت انزل ليك.....مقتطفات مسجلة من الحاج متذكر
وهي حلقات كتبها للاذاعة عبد الناصر الطايف....اري فيها بعض ترويح لتماضر....
ولكن ...ما عارف ليه ما نزلتها.....امكن جاني احساس...انك غير راضية
عن الحاصل في المنبر وحا تجيه مجبووووووورة....وبتفتحيه زي بليع الاسبرو
بلا موية....وتقلبي في مواضيعو تلقيها كلها زي المبنجة....عشان كده قلت
ما وقتو....لامن يبقي وقتو كلميني عليك الله....
قال من ضمن ما قال....
كلاعب كورة خطير وجناح فرفارة لامن ينفرد بالحارس....يخليه يتوضي بلا موية
| |
|
|
|
|
|
|
|
|
|
Re: كان مابياكن ...اابى هدمى... (Re: دورنقاس)
|
عبد الرازق (زى شوية كده بتخوفنى دخلاتك فى البوستات سريعه وجريئة ومرات مشاترة...هاهاها) النصيحة ...لكن شكرا
الحليلة ....ياعزيز آآآآآآآآآآآآآ بالله هى كده؟؟
رجاء الغالية
تارا الوفية
صديق الموج ....شكرنا الموج جاب سنامى
عشة مبارك ....وانا ما بحب الا ذاكرتك المولعه ...تبرق كل مرة بكلام ابوى
بيان ...ده يوم منى ؟؟ (منى= منو للانثى بالشايقى) يعنى ...
هاهاهاها
نادية الرقيقة
عباس يا قريبى
سوما المرحة
خالد الايوبى ...كتلتها كتلتها كتلتها ....يخليك بعقلك
ستهن لى حدهن
دور نقاس ...اخوى
خاطركم غالى وما اغلى منه الا انتو...
اها جيت
اقبلونى على علاتى
لكن يوم بقول الفى قلبى كلو....
| |
|
|
|
|
|
|
|
|
|
Re: كان مابياكن ...اابى هدمى... (Re: Tumadir)
|
جات تماضر ياجماعة الرسول تأكلو الكرامة
بت شيوخ الدين أصيلة مافى زول بلحق مقامها
ياتماضر ياأميرة حاشا مافوقك ملامة
ابتسامتك لون بهاك وشامخة زى النخلة قامة ..!!
هذا مع وافر حبى وتقديرى
نادية
| |
|
|
|
|
|
|
|
|
|
Re: كان مابياكن ...اابى هدمى... (Re: Tumadir)
|
بت شيخ الدين
تماضر الحارة نار
والحنينة جدا
فشى غبينتك
ادفقى زهج
ارغى
ازبدى
وكوركى فى اى زول زعلك
وانشاء الله حتى لو كوركتى فينى انا اول زول
والله ماببكى
بفرح عشانك
عشان الفضفضة بتريح جواك بت شيخنا الغالية
اها ولو دايرانى اجيب المفاريك واجى معاك اتشاكل كااول سابقة لى فى المنبر انا ماعندى مانع
بس اوعدينى ماتحردى تانى وتفوتينا ياشبيهة الحب .....يابت الحنية ....يالون الفرح ياتماضر الحبيبة ..
| |
|
|
|
|
|
|
|
|
|
Re: كان مابياكن ...اابى هدمى... (Re: Sana Khalid)
|
أختنا العزيزة الفاضلة .. تماضر
أن يخصموك بالحضور فهذا جمع(تكسير) لكل الذين أحبوا كتاباتك و روحك المرحة
السمحة ولأن بالبورد بعض الغليان فما أحوجنا لمثل روحك الممراحة وهي كما وصفها (الحسين الحسن) في طائر الهوى:
سرى محلقا فوق المدينة
كالجؤذر الممراح في البيادر القديمة
و هاهن أخواتك يحضرن إليك و هاهم أخوانك يحتاجونك.. ولكن لا تنتظري أملا في هدوء البورد فهو عاصف كعواصف الوطن الرعدية(والترابية).. و بهيج كأخبار الأفراح كما أتى (عرس الزين) و مجنون كذلك العنبر توقيع(التيجاني الماحي)
و هادئ ك(عاصم الحزين).. و حلوا كالصلاة على النبي كما أشعر (أبوبشار)
و أهم مافيه ضحكتك النابعة من القلب و قيثارتنا في منتصف الليل(سوما)
ولكني أسألك هل رأيتي تلك الكلمات الجميلة المنقوشة كحناء نادية عثمان!
هيا إبتسمي لنعرف معنى أن تكون مسافرآ و بعيدآ عن الوطن و لكن تختزلك لحظة ما في زمن ما لإنسان ما هو تماضر شيخ الدين ..ولك العتبى حتى ترضين..
أخوك ملامح من المجتمع السوداني..
نجيلة
| |
|
|
|
|
|
|
|
|
|
Re: كان مابياكن ...اابى هدمى... (Re: malamih)
|
ملامح قلت:ولكن لا تنتظري أملا في هدوء البورد فهو عاصف كعواصف الوطن الرعدية(والترابية)..
وده الموجعنى انا...
نعم.. فلنواجه مصيرنا المحتوم..فقد ترعرعنا فى غبار الزمن واتربة المحكات الصعبة..
وكلو فى..بس انتو ابقوا..
وشكرا على كلماتك المتفائلة رغم "العفار"
| |
|
|
|
|
|
|
|
|
|
Re: كان مابياكن ...اابى هدمى... (Re: Sana Khalid)
|
Quote: العزيزة تماضر...
أنت ممن أدخلوا في قلبي الرغبة لللإنضمام لهذا المنبر..وجعلوني أحسد أعضاءه على الصحبة الحلوة...هلا عدت و أعدت البريق الذي توارى؟ |
تعرفى ياسناء خالد لما اسمع كلام زى ده بشعر بالخوف من مسئولية الرسالة..
قوينا ببعضنا ياوطن وخلينا اكبر..من عتامير الزمن...
| |
|
|
|
|
|
|
|
|
|
Re: كان مابياكن ...اابى هدمى... (Re: سلمى على محجوب)
|
سلمى على محجوب "اسمك ده براهو جملة مفيدة" يعنى سلمى بتشديد اللام على الزول الاسمو محجوب ..صاح ....هههههه....كنا بنقولها لى صديقة رقيقة موسيقية اسمها سلمى على عبد القادر...اظن بتعرفيها ...بتعزف مع السمندل ياحليله ..كانت ما افضلها عليك برضو رقيقة القلب زيك كده..ومن شبهك على صديق...دارو معاك...اها انا درتو معاك...بتقبلينى ولا امشى اضهب؟؟
| |
|
|
|
|
|
|
|
|
 Re: كان مابياكن ...اابى هدمى... (Re: Tumadir)
|
تمــــــاضر ..
يوم الجمعة عادة بيكون في زهج وكربنه كده بدون سبب .. ما عارف ليه..؟؟!! عندك فكرة ؟؟
( وده المكجنة بى سببو ...بعض الممارسات فى هذا المكان العجيب... )
قمت ( لفحت ) كلامك ده من مكان ما .. واحترمتو شديد ..
مبدئيا
في كمية شوق بتكوني عارفاها قدر كيف ..
اعذريني لخفة يدي في لفح الحاجات العلمتنا ليهو الغربة دي .. وفي تقصيري معاك
ممكن تشوفي لي معاك الجندرية ؟؟؟
| |
|
|
|
|
|
|
|
|
|
Re: كان مابياكن ...اابى هدمى... (Re: فجراوى)
|
تمبس يا حبيب...هههههه مبدئيا..." فعلن" والله مبدئيا لانو نفس نوع الشوق معنكش فينا بى جاى
فجراوى ...هادى قدلة...وليك شبال..معطر
ياحليل الجندرية شفت شبالات معطرة دى؟؟
رجاء...نورك الساطع...
اها بقينا زى "ازرار" اليكترونية...
البجيب لينا.. رودا والجندرية واشراقة شنو تانى؟؟؟ ياحليل البورد زمان..
اهلنا يقولو لى المدرسين ليكم العضم ولينا اللحم...نحن نقول لى الدكتاتوريين ليكم الوطن ولينا..."المنبر" وبرضو ما يخلوهو لينا....؟؟؟
الله قال بى قولهم بعد ده شعارنا حيكون...
ليكم الدنيا.. ولينا الوطن...
| |
|
|
|
|
|
|
|
|
|
Re: كان مابياكن ...اابى هدمى... (Re: nazar hussien)
|
عشان انا اهلى بدلعونى من زمان ويقولو لى "فطونا" لانى بفطفط كتير...هههههه
اااااخ يانزار ما تشوف القصة دى عملت لى مشاكل كتيرة كيف...
وووالله والله ما طالبنى حليفة ...ما مقصودة ...
روشة وشتارة وبس..
اسف شديد....
وريدة شديدة ...
وانت بالذات تعذرنى...
الغريبة لمن يعملوها لى بتغاظ...
| |
|
|
|
|
|
|
|
|
|
Re: كان مابياكن ...اابى هدمى... (Re: Tumadir)
|
وانا برضو واثق من ثقتك يا تماضر....
ومساخة البورد انا عملت لي وجع ضرس عديل...والغريبة قبال ما افتح
الموضوع واقرأ الحاصل شنو....اكجنو...وافتكر المساخة...سببها يوم السبت..
المن زمن الفتاشة الفي الطابور....عاملة لي الناس عكننة بوستات...ما بتلاحظي
المواضيع زي الكانت مشرورة في حبل الغسيل....والفحك الفحك بلا مكوي...محصلين
بيها الطابور...
وتاني حاجة البورد زاتو بقي نافخ جضومو قايل مافي بورد غيرو...يا ربي كلامي دا نعلو
ما داخل في كنكان اربعتاشر......
| |
|
|
|
|
|
|
|
|
|
Re: كان مابياكن ...اابى هدمى... (Re: Ehab Eltayeb)
|
تماضر
أولا: ربنا يرحم الوالد ومربي الأجيال الأستاذ شيخ الدين جبريل
كنت حينذاك خارج هذا الفضاء وبلغت الاخت مريم محمد الطيب
التعازي نيابة عنك.
ثانيا: عرفتك من سارية وسيرين وبعض من أصدقاء الشتات في أرخبيل الملايو.
ثالثا: إزدادت هذه المعرفة خلال متابعتي لكتاباتك التي تعزف علي وتر القلب المكلوم
وتلامس تلافيف الحزن الكامن فينا منذ الازل.
رابعا: عرفتك حينما كانت إذاعة هنا أمدرمان تعبر عن وطن إسمه مجازا السسسسسوووددااان.
خامسا: هذه الصورة الذكية هي لرفيقي( نصر الدين الرشيد)الذي أستشهد "نتيجة لخطأ صياغة السؤال".
كما كان يقول دائما صديقي البدوي المثقف (صلاح الزين).
سادسا: تحياتي لك ولسارية وسيرين ولا تحرمينا من هذا التوهج والألق.
عماد خليفة
| |
|
|
|
|
|
|
|
|
|
Re: كان مابياكن ...اابى هدمى... (Re: عثمان فضل الله)
|
أختي تماضر
سلامك وصل
محجوب ده أخوي
اختى اعذريني لم أدخل منذ مده
وفرحت بكلماتك
ويا ريت ابقى ليك اخت
ومناي انت
تحيتي للصغار وربنا يحفظهم وتسعدي بحياتهم
لم تكون لدي معرفة كبيرة بالمسرح.. وبعد المكان في أقصى الشمال وانعدام الوسائل تركنا في جهل بالناس والتاريخ.. لذلك لم اسمع بسلمى
وسعادتي بمعرفتك كبيرة
انشاء الله تدوم المعرفة
| |
|
|
|
|
|
|
|
|
|
Re: كان مابياكن ...اابى هدمى... (Re: عصام عبد الحفيظ)
|
ايهاب
عماد
جنى
نزار تانى
نادية عثمان
لنا مهدى "بدون الف ولام"
سلمى على محجوب "تانى"
وعصام عبد الحفيظ...
"امدد نحوكم كفى عريانين الا من معزتكم وحب عيونكم..."
حاحاول التزم لكن لسه بصارع فى الزمن...يكفينى انكم هنا...
| |
|
|
|
|
|
|
|
|
|
تماضر (Re: Tumadir)
|
الفنانة الرائعة
تماضر
قاعدة تتحاومي في البوستات
وخاتا توقيع 27 مار س يوم المسرح العلمي
ما تمشي تقري الكلمة الجميلة بمناسبة يوم المسرح
والسنة دي من فنانة مسرحية كمان
جندرة المسرح
| |
|
|
|
|
|
|
| |
Tumadir
A.Razek Althalib
elhilayla
Raja
صديق الموج
عشة بت فاطنة
bayan
ودالعباسية
abas
خالد الأيوبي
nazar hussien
ست البنات
دورنقاس
سلمى على محجوب
Imad Khalifa
tmbis
Ehab Eltayeb
jini
lana mahdi
عثمان فضل الله
عصام عبد الحفيظ
mohmmed said ahmed
فيس بوك
تويتر
انستقرام
يوتيوب
بنتيريست