نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 كل هذا الحـــــــــب (2)
|
احس بانى قميص مخاط بنفس قماش الاله..
انضح بالسوسنات ..
التفاعيل
والمعجزات
الجسور
ولا فرق عندى بين الاغانى وبين الحكايا التى لا تموت
واحتلام الغيوم
احس بأنى نبى يعالج خطواته بين عتبات القصائد والامتداد الى كل روح
وما قد تنشق عند السماء
ما يعرق البحر عنه
وما قد يثير الغبار
احس بانى قصيدة شعر كالهدايا..جديدة
ملتفة بسلوفان رحم الرحيق..
ودم المشيمة
احس بانى من العشق..ضوء
وان الموسيقى بلون القباب..يثرثر الظل فيها بياقوتها..وانحسار الزمان
وزورق انغامها بموج السكون ..
الخيوط التى تربط مابين الاعالى وما دونها
( كيف يسقط النجم فى حضن البحر رغم السحوق)؟
الخيوط بين البحار وبين الشجر
الخيوط بين النهار وثقب القمر
تنتظم الخيوط..حتى ترصع عروة الحلم
ابتهاجا على قارعة الشجن
وحتى يستهل المجىء بها..موكبا للزفاف..
كل هذا الحب...
الى:
Quote: عادل بلير.. عادل عبدالعاطي.. الملكة بلقيس.. أساسي.. ديامي..
كلماتكم وسؤالكم كانت من التقدير أجزله بحيث يصعب تجاهلها.. ومن الصدق أعظمه بحيث لا يمكن الاستخفاف بها.. ولم نكن نظن أننا زرعنا كل هذا الحب.. فلكم كل الحب والتقدير..
سيجيمان.. ملاسي.. محمد الشيخ.. أسعد.. آمال أم وضاح.. بهاء بكري.. ابراهيم الجريفاوي.. فرح.. مراويد.. حنينة.. الحاج بدر الدين.. علي الحلاوي.. كبسيبة.. اسماعيل وراق.. أسامة الخاتم.. حبيب نورة.. معتصم دفع الله.. جني.. صديق الموج.. ندى أمين.. كمال عباس.. ايمان أحمد.. عمر الماحي.. الجندرية.. بيان.. صديقي أبوقوتة.. أبو وراف وإياس.. شانتير (شنتيير).. أيمن.. نجاة محمد علي.. تماضر حبيب الله.. أنور أحمد.. مولانا كوستا.. أستاذي الموصلي.. سوركتي الغالي.. مانديلا الهميم.. فيصل محمد صالح.. هالة قوتة.. عمر 54.. الحبوب حسام هلالي.. شيري العسل.. علاء تمبو.. ودقاسم.. عشة بت فاطنة.. خالد الحاج.. ايهاب الطيب.. الحبيب أبو ساندرا واخواتها.. دكين.. سامية قاسم.. والصديق فتحي البحيري.. سودانية 2000.. unixo.. أهل العوض.. صلاح شتات.. وعثمان المهندس..
|
ودى شافاها من بوست كل هذا الحب ..لرجاء
واضيف الذين اغدقونى بالتدليل..ورفعوا من شأنى عبر المواسم..
اعتذر عن الغياب
شغلتنى عنكم ظروف قاهرة
وبينى وبينكم حمبيكة وزعلة من بكرى ...
لكم اصابعى..وبصمة القلب...وودى
وكل المحبة
|
|
 
|
|
|
|
|
|
|
|
Re: كل هذا الحـــــــــب (2) (Re: خالد الحاج)
|
تماضر ما قطعتي نفس البورد
والزعلة امسحيها لينا في وشينا
فقدناك والبورد على قول بناتي بدونك بس بيض
وحتى بطلتك جات الغالية رجاء الف مرحب والدار عامر بحسن القدوم ،
الا نحنا يا تماضر دمنا تقيل تقلة لا بنحرد ولا تاني يكون من البلادة اكيد نفهم المسال بعد خلاس تنتهي ، مصيبة الكزونا تاني لمن يكون في زعل يا جماعة
| |
|
|
|
|
|
|
|
|
 Re: كل هذا الحـــــــــب (2) (Re: Tumadir)
|
نوّرت بيتك ومطرحك يا ستي.. مبروك علينا نحن.. نوّر بيتنا شارع بيتنا..
لم أشعر بغيابك بصورة غير عادية، ربما لغيابي في كثير من الأوقات
Quote: احس بانى قصيدة شعر كالهدايا..جديدة
ملتفة بسلوفان رحم الرحيق..
ودم المشيمة |
تعابير مليانة بالجمال والشعور والاعتيادية المستحيلة..
| |
|
|
|
|
|
|
|
|
|
Re: كل هذا الحـــــــــب (2) (Re: Tumadir)
|
واخيــــــــــرا ..
هل القمر ..
اتصلت عليك امس ... بس بت حليووونه صغنتوووته كده ..شبكتنى (خرمج خرمج ) في النهايه فهمت انك ماموجودة في البيت ..
حمد لله على السلامة ..
| |
|
|
|
|
|
|
|
|
|
Re: كل هذا الحـــــــــب (2) (Re: samo)
|
والله اول ما البوست بداء افتح معاي وظهرت لي صورة الوليد الصغيروني دا قلت اكيد تماضر حظيت بمولود جديد وبقيت خلاص زول مباركه ومديت يدي في جيبي لي حق اللبن
وحمد الله الف علي السلامه وبركه الشفتينا طيبين
| |
|
|
|
|
|
|
|
|
|
Re: كل هذا الحـــــــــب (2) (Re: samo)
|
اسفت يا معنصم سامو اننى لم اكن موجودة حين اتصالك..والغريبة البنية الظريفونة دى حتى خركج خرمج دى ما حكت لى بيها..
جميل .. انك صديق عزيز...
والله يبيض خطوتك فى "اللى بالى بالك"
| |
|
|
|
|
|
|
|
|
|
Re: كل هذا الحـــــــــب (2) (Re: Tumadir)
|
بت الشيخ..سلام ..حباب
بصراحة كنت متحسس شديد والحمد لله طلعت ما مزعلك انا..مع انى ما
مقتنع..يمكن احساس الزول لما يجى ضيف على جماعة وتحصل مشكلة
او يفقدوا حاجة فى البيت مهما يكون واثق من نفسه بكون متحسس وده
شعورى انا بالظبط الان..لكن ما مهم..
المهم ياطمطم..والله المنبر ده عندى بياخذ شكل الرحم طالما انت
موجوده ويتخذ شكل المنفى فى غيابك والله على ما اقول شهيد..عشان
كده يا شمسوا وياقمروا ما تغيبى..وان كانت تلك عادة الشموس!!!
.
فهلا استجبي؟؟؟؟؟؟؟؟؟؟؟؟؟؟؟؟؟؟؟؟ظ
| |
|
|
|
|
|
|
|
|
|
Re: كل هذا الحـــــــــب (2) (Re: صديق الموج)
|
أَنجب القمر حلماً وردياً
تشممهُ الناس
خلدوا لنومٍ عميق
أفاق الفجر ..ولم يُفق أحد .
قِيد الحلم بخيوطٍ رفعية
أقسم متثائباً
أن لا يفك أسرهُ
حتى يستيقظوا..
ولازالت الشمس تُشرق ..
(ميلود)
تماضر ديارنا اشتعلت فرحا
| |
|
|
|
|
|
|
|
|
|
Re: كل هذا الحـــــــــب (2) (Re: اساسي)
|
اساسى ..
حتقيف على كلامك دة؟؟
اوع تتشاكل معاى تانى..
بحرووووووود.... قلت ليكم انا بحرد...
هههه
الف شكرا على اختيارك للكلمات الرقيقة..والله يقدرنا على جزاك
| |
|
|
|
|
|
|
|
|
|
Re: كل هذا الحـــــــــب (2) (Re: صديق الموج)
|
صديق الموج ..
يا صديقا للموج والقافيات الحميمة..
كنت دايره اقول ليك " كراعك مكوة بالسهوة" لانى كنت جد منفعلة بدخولك الكاسح للبورد...وهجأة قامت على الحنبكانة
وكثيرا ما تفاجئنى الحنبكانات ... فى مسارات الشروق...
لك اعزازى والاحترام
| |
|
|
|
|
|
|
|
|
|
Re: كل هذا الحـــــــــب (2) (Re: Tumadir)
|
اكاد اطير احسست وانا في داخل هذا الكل الجمالي
اني فراشه وحلمت ان جلدي صار من الالوان وافكاري بهيجه وزاهيه
هذا من حبك الصميمي المثابر في طرحه ذاته كاولويه في حياتي يا انتي يا بت شيخ الدين
.... الله يملاء الناس تماضر
.... سيصبحون الطف لاشك !!!
| |
|
|
|
|
|
|
|
|
|
Re: كل هذا الحـــــــــب (2) (Re: Ibrahim Algrefwi)
|
الجريفاوى
ماالطف تعبيرك..
يا صديقى حبة حبة على..
انت قايل انا الكلام السمح شديد ده بقدر اتعاطاه بسلام
هذا مقال يفجر فى مدن عشقى المواسم
وشوق طويل لنسم الربيع
وحلم البحار
اليك الطيوب.
وريحانة..يحتويهاالبريد
| |
|
|
|
|
|
|
|
|
|
Re: كل هذا الحـــــــــب (2) (Re: unixo)
|
تماضر
يا طالعه من كم احتمال طاعم لانسنة الكلام بالسودنه
يا زوله صاح في كم براح جوّانا مرتاح لي مقيل طاعم لدي حرفك يصرّح بالمباح من حب و وردة انشراح .
كيفك ؟
واهلاً كتير جداً
و اعضّك في انف كل الغياب الذي كان .. كل الحضور المشتهي هذا
تعرفي
تخونني الكلمات
لكن
هو الشوق ربما حوارات تبه الحلم فينا
هو انت
و
لك نشيد سأعلمه لاطفال بلادي يتلونه لدي وصولك لهذا المكان ( السودان)
تعرفي
الشوارع هنا تشتاقك
و
سلام حتي مطلع الامر
| |
|
|
|
|
|
|
|
|
|
Re: كل هذا الحـــــــــب (2) (Re: عاصم الحزين)
|
Quote: تماضر
يا طالعه من كم احتمال طاعم لانسنة الكلام بالسودنه
يا زوله صاح في كم براح جوّانا مرتاح لي مقيل طاعم لدي حرفك يصرّح بالمباح من حب و وردة انشراح |
دى انا؟
ما اجملنى بكلماتك!
ما اجملك يا حزين.. ما اعطر حروفك
واهلا اهازيج الصغار الراجية ميلادنا السوا
اهلا باسئلة الشوارع ..
والغنا المدسوس على نار الجوى
اهلا بصحيان القمر.. فى عتمة الوادى ... طوى
وبلاكتر
| |
|
|
|
|
|
|
|
|
|
Re: كل هذا الحـــــــــب (2) (Re: Tumadir)
|
أختى العزيزة تماضر
لعلها اول مرة ادخل بوستا خاصا بك
وهو تقصير او ضيق وقت او انشغال يمنع دخولى البورد عموما بكثرة
ولكن
يا سفيرة الفن السودانى
قرار الابتعاد ليس ملكا لك بل جمهورك هو الذى يحدد وارى انه تململ و امر بضبطك و احضارك بعد طلب الاحاطة و الاستجواب [حقوق النشر و التعبير محفوظة للنا ]
ولك الود و الاحترام
| |
|
|
|
|
|
|
|
|
|
Re: كل هذا الحـــــــــب (2) (Re: ملكة سبأ)
|
Quote: اخفيكي ولا اوضحك !!
انتى الموالفة على الفريق
لا ليل كلابو بتنبحك
لا كلمة زى رايش حريق
تغلط عليكي وتجرحك
يا ولاّ
قبل اول شعاع
اطفالو تنسابق سراع
حين تلمحك
تتموحِّك ..
كفيك غصن
تتمرجحك
تصعد اليك
من راحة إيديك المورقة
ولي مسرحك
ياصارة في صدرك وفا
ياقبلة من ثغرك كفي
تبراكي اريجات الزهور
نسم الاناشيد ينفحك
|
wow
يالملكة...
ما بلخبطها بى كلمة زيادة....
| |
|
|
|
|
|
|
|
|
|
Re: كل هذا الحـــــــــب (2) (Re: أبو ساندرا)
|
العزيزة تماضر
يا اخت هشام
لا ادرى لماذا هذا التلازم بينك و بين هشام دائمآ فى مخيلتى ؟؟ و لما غبتى تيقنت ان هشام قد غاب ايضآ !!! تلك " ميتافيزيقيا" لا تعترف باى منطق او عقل ... فلندعها لخواطرها
اقول بعودتك نجحت عملية " قسطرة " قلب البورد .... و لا ازيد !!
| |
|
|
|
|
|
|
|
|
|
Re: كل هذا الحـــــــــب (2) (Re: Tumadir)
|
فى الكوشتينه يوجد تعبير يقول"الطربيزه مايله" و معناه ان احد ركايز اللعب مفقود او احد اللاعبين كيشه و بالتالى يصبح اللعب مسيخ.
كان هذا حال البورد فى غيابكم,
مسيخ
مجموعه من الكيشه استلمو الورق اقصد المنبر فى غيابكم.
مرحب بيكم
النصرى
| |
|
|
|
|
|
|
|
|
|
Re: كل هذا الحـــــــــب (2) (Re: Tumadir)
|
اخيرا ياتماضر شيخ الدين التقيك ....لقاء الاوفياء
فنحن اصدقاء منذ زمان بعيد او هكذا اتوهم انا .. تدرين انى وقبل سنوات ضوئيات ارسلت لك رسالة حب واعزاز ...و عزاء... فى تلك الايام البعيدة احسست بعميق اساك .. ففقد من نحب .....ماذا اقول؟؟؟؟ لااجد كلمات
عزيزتى فلندع الاسى جانبا .. حب الناس كنز وكما يقول والدى البحبو الناس بحبو ربو
اسعدنى ماقراته منذ لحظات من رسائل الاخوان الخلص يهنئونك بسلامة العودة وانا بدورى اقول لك
ام البنفسج ترسلين ضفيرة ام من دمى؟؟ تتناثرين خريطةفى القلب
تنتشرين فى نبض المساحة والوعود ...هل تدخلين البحر من عتبات هذا الحلم؟؟؟؟
اتمنى ولاتغيبى مرة اخرى
اذهلنى ماكتبته مرة عن اقتران الحب بالاحترام وكيف ان احدهم غنى عن الاحترام فى الحب
اذكر انى قرات الكلمات بشغف شديد وكان ان (شالتنىالهاشمية) وانتويت ان اكتب لك بكل الحب الذى شعرته فى تلك اللحظة فقد اسرتنى الكلمات بحق ولكن لم تسمح لى التقنية الجديدة بالدخول واتهمنى البورد بان اسمى لاوجود له ... المهم (حمبكت) ومشيت
الى ان وجدتك اليوم .. وكنت كمن وجد صديقا فقده من زمان
دوما وبرومانسية شديدة وبايمان قاطع بالصداقة كنت اربط بين الاشخاص .. مثلا عند وفاة مصطفى سيد احمد الجميل تدرين لمن ارسلت رسالة ؟؟ لعاطف خيرى احببت ان اتقاسم واياه الحزن .. احسست انه فقد صديقا كما فعلت انا .... وحين مات على المك فكرت فى ان صلاح احمد ابراهيم سيموت شجنا ومن بعيد كنت معه اعزيه الى ان لحق برفيقه (فماطعم عيش بغير صديق) ... ماذا تسمين هذا ؟؟؟ انا لااجد تفسيرا لنفسى
اطلت عليك صديقتى ودعينى اهديك احد روائع فاطمة السنوسى
وضعت قلبى على لسانى لاكون صادقة القول .. ولانك ملء القلب تلونت بك كلماتى فاصبحت امراة عذبة الحديث
المحبة مها الدوحة ابريل 2004
| |
|
|
|
|
|
|
|
|
|
Re: كل هذا الحـــــــــب (2) (Re: maia)
|
مايا
انا الغريبة نزلت من الرقشة الورا حافلتكم طوالى ولقيت نفس اللمة...اتارى ناس البورد العزاز بحتفلوا بينا..
شوفى نحن بنضيع ياتو كنوز من ايدينا...
الغبا اليطقنا
الله يسلمك
| |
|
|
|
|
|
|
|
|
|
Re: كل هذا الحـــــــــب (2) (Re: كبسيبة)
|
زمان كان عندى يا كبسيبة صاحبتى ديمكاوية
بتغنى لى الاغنية بتاعة خلف الله حمد
وتقول
واقطف زهرتن صفرا
تماضر لونك اللامع
طبعا تماضر بدل تماثل
بس دى زهرتى الصفرا ذاتها
وكم افتقد صداقتها الجميلة
لك عميق الشكر عليها
بس اعمل لينا حاجة بخصوص الصورى الجنبها
| |
|
|
|
|
|
|
|
|
|
Re: كل هذا الحـــــــــب (2) (Re: Tumadir)
|
يا ستنا ، حمد الله الف على السلامه ،
وصحى الغائب عذرو معاهو ، ولو كلما تغيبو بتملو الدنيا فرح ذى ده ، غيبو لكن تعالو ....
بالمناسبة أبنى د. أمير (تاج السر)، مقالو عن الطيب صالح رائع ومداخلتك رائعة ن وذكرنى شئ جميل يوم قابلت الطيب صالح لأول مرة ن ارجو ان ترجعى لتعليقى على ذلك.
| |
|
|
|
|
|
|
|
|
|
Re: كل هذا الحـــــــــب (2) (Re: Tumadir)
|
دومة معانا هنا فى بلد الاريين دى لكن لا اعرف عنها اكثر من ذلك
كنت قد اقترحت عليها ان نتقابل نحن بوراب المانيا زى باقى بوراب
الدنيا و لم يتحقق الامر
جاوبت بيك بسين وجيم
دا مدخل قصيدة بسمع فيها من استاذنا الكيابى الان فى التلفزيون السودانى
| |
|
|
|
|
|
|
|
|
|
Re: كل هذا الحـــــــــب (2) (Re: farda)
|
فردااااااااااا
ما هذا الجمال وعزف الجسد المنفرد؟؟
شكرا لافتقادك..
وانا بالاكترررر..
لك الجمال..
وورينا اخبار الفلم شنو؟؟ شايف البت الحلوه دى..بت البطلة.
| |
|
|
|
|
|
|
|
|
|
Re: كل هذا الحـــــــــب (2) (Re: ودالعباسية)
|
ود العباسية..
ياءت كل محاولاتى بتوصيلك للشخص الثالث بالفشل..
ارسل الشريط لعنوانى ... والواقعه من السما التتحملها الواطة..
لمزيد من المعلومات.. تعرف تمشى وين..
شكرا لتاء التحنيس...
| |
|
|
|
|
|
|
| |
Tumadir
lana mahdi
Raja
ASAAD IBRAHIM
hanouf56
عشة بت فاطنة
ودقاسم
Yasir Elsharif
samo
Abdel Aati
ملكة سبأ
7abib_alkul
إسماعيل وراق
صديق الموج
اساسي
almohndis
tmbis
essam&amal
Ibrahim Algrefwi
Frankly
خالد العبيد
عاصم الحزين
Kostawi
أبو ساندرا
Elmosley
Mohd Ibrahim
omer almahi
طه حسن عبدالله
سجيمان
نصار
farda
ودالعباسية
Mayada
طيفور
فيس بوك
تويتر
انستقرام
يوتيوب
بنتيريست